Türkmenmetbugat

"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Arzyly arzuwlary külterläp

Arzuw — bu ullakan deňiz. Aňyrsy-bärsi görünmeýän, iki ýana tolkun atyp duran deňziň kenarynda barmak basyp sanardan kän gämiler ýüzüp ýör. Şol gämiler her bir ynsana berkidilen. Ynsanlar özlerine berkidilen gämilerini bejerýärler, bezeýärler, olara öz arzuwlaryny ýükleýärler. Olar özlerine berkidilen, arzuwlardan doly gämilerini gatbar-gatbar tolkunlardan aşyryp, wysallaryna sary kürekläp barýarlar. Ynha, şeýle arzuwly kenara ýüzüp gelýän gerçeklerimiziň gämisi, olary çagalyk arzuwlaryna ýetirdi. Ýüzleri şatlykdan ýaňa püre-pür, ýürekleri arzuwly, dilleri senaly Watan goragçylarymyzyň ýürek buýsançlaryny okyjylarymyza ýetirmegi müwessa bildik.  — Ilki bilen-ä uçurymlar, sizi ýokary harby okuw mekdebini üstünlikli tamamlamagyňyz bilen tüýs ýürekden gutlaýarys! Söhbetdeşligimiziň başynda arzyly arzuwly menzilleriňiz hakyndaky mesawy gürrüňleriňiz bilen başlaýsak. Ýazgeldi MEREDOW, leýtenant,uçurym:

16 Iýun 2021

Maksatly ädimler bilen

Ýakynda harby sungatyň inçe syrlaryny ele alan TGM-niň Beýik Saparmyrat Türkmenbaşy adyndaky Harby institutyny tamamlan uçurymlar serkerdelik zähmet ýoluna gadam basdylar. Ruhubelent, harby hünärini jany-teni bilen söýýän, harby durmuşa öz ykballaryny baglan uçurymlara mukaddes Watanyň, il-ulsuň abadançylygynyň goragynda bolmakda belent sepgitlere ýetmek miýesser etsin! Watan goragynda sak durmak ýaly jogapkärli ýoly saýlap alan serkerdeler üçin şol günki pursat, olaryň ömür menzilinde ýatdan çykmajak wakalaryň biri bolup galar. Mähriban uçurymlar, siziň her biriňize uly abraý, bagtyýarlyk hem-de üstünlik arzuw edýäris!

16 Iýun 2021

Ykbalyny watan bilen baglanlar

Ýakynda paýtagtymyzyň gözel künjeginde ýerleşýän Konstitusiýa binasynyň öňündäki meýdançada ýurdumyzyň Harby akademiýasynyň hem-de harby we hukuk goraýjy edaralarynyň ýokary okuw mekdepleriniň uçurymlaryny goýberiliş dabarasy geçirildi. «Türkmenistan — parahatçylygyň we ynanyşmagyň Watany» ýylynda ykbalyny Watan goragy bilen baglan harby ýokary okuw mekdepleriniň uçurymlary ilkinji serkerdelik ýoluna gadam basdylar. Hormatly Prezidentimiziň «Mertler Watany beýgeldýär» atly kitabyndaky: «Türkmenistanyň Ýaragly Güýçleri islendik döwürde Watanymyzy gala bolup goramaga taýýarlygymyzyň kuwwatly binýady bolmalydyr. Watany goraýan gaýratly, merdana harby gullukçylar gadymy hem müdimi halkymyzyň gerçeklik mekdebiniň mynasyp dowamydyr» diýen paýhasly sözlerinden ruhlanyp, ýurdumyzyň harby we hukuk goraýjy edaralarynyň ýokary okuw mekdeplerinde ýokary derejeli harby gullukçylary we hünärmenleri taýýarlamak babatynda uly işler durmuşa geçirilýär. Hormatly Belent Serkerdebaşymyzyň tabşyryklaryndan we kesgitlän wezipelerinden ugur alnyp, ýaşlaryň ylymly-bilimli, giň dünýägaraýyşly bolmaklary, öz saýlap alan hünärleri boýunça kämilleşmekleri ugrunda uly tagalla edilip, şu okuw ýylynda hem watansöýüji ýaşlaryň ençemesi uçurym boldy.

16 Iýun 2021

Hazaryň kenaryndaky dabara

Ata Watanymyzda ähli ugurlar bilen bir hatarda Türkmenistanyň Ýaragly Güýçleriniň Harby-deňiz güýçleri hem rowaçlyklara beslenýär. Goranyş häsiýetli Harby doktrinamyzyň esasy ýörelgesine pugta eýerýän Harby-deňiz güýçlerimiz sanlyja ýyllaryň dowamynda belent sepgitlere ýetdi. Ýaragly Güýçlerimiziň Harby-deňiz güýçleri üçin ýokary we ýörite orta bilimli hünärmenleri, döwrebap serkerdeleri taýýarlamak maksady bilen hormatly Prezidentimiz Türkmenistanyň Goranmak ministrliginiň Harby-deňiz institutynyň täze binalar we desgalar toplumyny açyp ulanmaga berdi. Ine, bu günki gün bolsa şol ýokary okuw mekdebimiz özüniň nobatdaky uçurymlarynyň ugradyş dabarasyny geçirdi. Bu dabara gojaman Hazaryň merjen kenary bolan «Awaza» milli syýahatçylyk zolagyndaky Türkmenistanyň Döwlet baýdagynyň meýdançasynda uly şowhuna beslendi. Dabarada, ilki bilen, hormatly Prezidentimiziň Türkmenistanyň Harby akademiýasynyň, harby we hukuk goraýjy edaralarynyň ýokary okuw mekdepleriniň serkerdelerine, professor-mugallymlaryna, uçurymlaryna we talyplaryna ugradan Gutlagynyň okalmagy dabaraly çärä gatnaşanlaryň buýsançly başlaryny göge ýetirdi. Dabaranyň dowamynda ýaşyl Tugumyzyň öňünde baş egip, watançylyk kasamyny aýdyp, ilkinji serkerdelik ýoluna gadam basan deňizçi uçurymlar hormatly Belent Serkerdebaşymyza alkyşlaryny aýtdylar. Nobatdaky uçurymlary goýberiliş dabarasy edebi-sazly kompozisiýalara we aýdym

16 Iýun 2021

Harby atlar dakyldy

Ýurdumyzda uly dabaralara beslenip geçirilen Ylymlar güni mynasybetli Türkmenistanyň Döwlet migrasiýa gullugynyň mejlisler jaýynda Gullugyň hataryna işe täze kabul edilen we hünär taýýarlygyny üstünlikli geçen ýaş harby gullukçylara harby atlary dakmak dabarasy geçirildi. Dabaranyň dowamynda harby gullukçylara leýtenant harby atlary dakyldy we olara hünär taýýarlygyny üstünlikli geçendigi barada şahadatnamalar dabaraly ýagdaýda gowşuryldy. Gün-günden ösýän we özgerýän Türkmenistan Diýarymyzda hormatly Prezidentimiziň taýsyz tagallalary bilen, bilime, ylma uly üns berilýär. Bilim ojaklarynda berilýän bilimiň hiliniň ýokarlanmagy ugrunda yzygiderli işler amala aşyrylýar. Hawa, eziz Diýarymyzyň ähli ulgamlarynda bolşy ýaly, Döwlet migrasiýa gullugynda hem harby gullukçylara sanly ulgam arkaly okuw sapaklary dowamly okadylýar. Ine, şol gün hem Gullugymyzyň hataryna işe kabul edilen ýaş harby gullukçylaryň birnäçesi nobatdaky leýtenant harby adyna eýe boldy. Biz hem hünär taýýarlyk okuwlaryny üstünlikli geçip, leýtenant harby adyna we şahadatnamalara eýe bolan ýoldaşlarymyzyň ählisini tüýs ýürekden gutlaýarys!

16 Iýun 2021

Ylymly ýaşlar — röwşen geljegimiz

Ýakynda Türkmenistanyň Ylymlar akademiýasynyň we Magtymguly adyndaky Ýaşlar guramasynyň Merkezi Geňeşi bilen bilelikde ýurdumyzyň ýaşlarynyň arasynda yglan edilen ylmy işler boýunça bäsleşigiň jemleri jemlenildi. Ýaş alymlaryň bäsleşigine Myrat Garryýew adyndaky Türkmenistanyň Döwlet lukmançylyk uniwersitetiniň harby-lukmançylyk fakultetiniň 6-njy ýyl talyby Ýakup Orunow hem gatnaşyp, 2-nji orna eýe bolup, hormatly Prezidentimiziň Şa serpaýyna mynasyp boldy. Harby talyp ýoldaşymyzyň gazanan bu ajaýyp üstünligi geljekki harby-lukmanlaryň, ýagny fakultetiň harby talyplarynyň diňe bir okuw maksatnamasy esasynda bilim almak bilen çäklenmän, eýsem, döwletimiziň ylmy kuwwatyny pugtalandyrmakda, aýratyn hem harby-lukmançylyk ylmyny ösdürmekde, ylmy açyşlary, innowasion tejribeleri, ylmy barlaglary alyp barýandyklaryna şaýatlyk edýär. Türkmen talyp ýaşlarynyň ylymly-bilimli bolmaklary, olaryň döwür bilen aýakdaş gidip, ylym bilen yzygiderli meşgullanmaklaryny gazanmak ugrunda amala aşyrýan bimöçber işlerinde hormatly Belent Serkerdebaşymyza berk jan saglyk, uzak ömür, hemişe üstünlikleriň we rowaçlyklaryň ýaran bolmagyny tüýs ýüregimizden arzuw edýäris!

16 Iýun 2021

Sanly bilim ulgamynyň gadamlary

Täze sepgitlere ýetilýär Ýurdumyzda sanly bilim ulgamynyň ösdürilmegi, bu ugurda dünýä boýunça baý tejribä eýe bolan döwletleriň gazananlarynyň, giňden ornaşdyrylmagy, bilim ulgamynda özgertmeleriň amala aşyrylmagy okuw işinde täze mümkinçilikleri döredýär. Okuwçylara bilim bermekde, öwretmekde sanly tehnologiýalary giňden ulanmak, ýaşlary diňe bir zähmet ýoluna taýýarlamak bilen çäklenmän, döredijilikli pikirlenmäge ukyply, sanly tehnologiýalardan baş çykarýan täze nesli kemala getirmekden hem ybaratdyr.

16 Iýun 2021

Gutardyş synaglary guramaçylykly geçirildi

Ýurdumyzyň umumybilim berýän orta mekdeplerini tamamlaýan uçurymlar jemgyýeti öwreniş dersinden gutardyş synaglaryny tabşyrdylar. Gutardyş döwlet synaglary Ýolöten etrabyndaky umumybilim berýän orta mekdeplerde hem guramaçylykly geçirildi. Mary welaýatynyň mekdepleriniň arasynda ähli babatda ýokary görkezijileri bilen tapawutlanýan bu etrabyň bilim bölümine degişli mekdepleriň 48–si bolup, şu okuw ýylynda jemi 1 müň 885 sany uçurym orta mekdebi tamamlaýar. 2020 — 2021-nji okuw ýylynda döwlet derejesinde geçirilen «Altyn asyryň altyn zehinleri» atly ders bäsleşiginde dürli ugurlara degişli derslerden welaýat boýunça jemi 42 orna mynasyp bolundy. Welaýatyň etrapdyr şäherleriniň arasynda tapawutlanyp, şeýle abraýly üstünligiň agramly bölegine eýe bolmak, ýagny ders bäsleşiginiň döwlet tapgyrynda 9 orny gazanyp, ýokary netije görkezmek Ýolöten etrabynyň mekdepleriniň paýyna düşdi. Elbetde, etrabyň welaýat we döwlet derejesinde geçirilýän ders bäsleşiklerinde şeýle üstünlikleri gazanmagy, okuw ýylynyň ýokary netijeler bilen jemlenmegi mekdep mugallymlarynyň çekýän ýadawsyz zähmetleriniň aýdyň görkezijisidir. Şunda etrapdaky 17-nji orta mekdebiň mugallymy Nurgözel Sadykowa, 45-nji orta mekdebiň mugallymlary Oguljahan Rejepgulyýewa, Aýgözel Goşaýewa, 20-nji orta mekdebiň mugallymy Muhtar Muhammedow ýaly päk zähmetleri bilen abraý tapan, öz hünäriniň ussady bolan mugallymlaryň hyzmaty

15 Iýun 2021

Röwşen geljegimiziň şamçyragy

Berkarar döwletimiziň bagtyýarlyk döwründe ýurdumyzda ähli ulgamlar bilen bir hatarda ylym-bilim pudagyna aýratyn üns berilýär. Hormatly Prezidentimiz Gurbanguly Berdimuhamedowyň taýsyz tagallalary netijesinde gazanylýan üstünlikler, oňyn netijeler, ylmyň we bilimiň ösdürilmegi, ähli pudaklaryň döwrebap innowasion tehnologiýalar bilen üpjün edilmegi ösüşiň belentliklerine tarap barýan ýurdumyzyň kuwwatly döwlete öwrülmegine ýardam edýär. Şeýle ösüşleriň esasynda bolsa yhlasly hem joşgunly zähmet bar. «Döwlet adam üçindir!» diýen baş ýörelgäniň durmuşa geçirilýändigini döwlet syýasatymyzda, il bähbitli, ýurt ähmiýetli tutumly beýik işlerde aýdyň görmek bolýar. Ýurdumyzyň geljegi bolan ýaş nesilleriň dünýä ülňülerine kybap gelýän giň dünýägaraýyşly ýaşlar bolup ýetişmekleri ugrunda uly işler durmuşa geçirilýär, ylym-bilim ulgamyna aýratyn üns berilýär.

15 Iýun 2021

Sanly bilim dünýäsinde

Hormatly Prezidentimiziň taýsyz tagallalarynyň netijesinde ýurdumyzyň ylym-bilim ulgamynda uly ösüşler gazanylýar. Häzirki wagtda milli Liderimiziň parasatly başlangyjy bilen kabul edilen «Türkmenistanda sanly bilim ulgamyny ösdürmegiň Konsepsiýasy» yzygiderli we üstünlikli durmuşa geçirilýär. Ýurdumyzyň ähli okuw mekdeplerinde sanly bilim ulgamynyň giň mümkinçiliklerinden, döwrebap tehnologiýalardan netijeli peýdalanylmagy ajaýyp netijesini berýär. Muňa mekdep okuwçylarydyr talyp ýaşlarymyzyň her okuw ýylynda milli we halkara derejede geçirilýän dürli görnüşli ylym-bilim, taslama-döredijilik bäsleşiklerinde gazanýan üstünlikleri hem aýdyň şaýatlyk edýär. «Türkmenistan — parahatçylygyň we ynanyşmagyň Watany» ýylynda merjen paýtagtymyz Aşgabat şäheriniň 140 ýyllyk toý-dabaralary bilen utgaşyklylykda jemlenen 2020-2021-nji okuw ýylynda-da ýurdumyzyň zehinli mekdep okuwçylarydyr talyp ýaşlary şeýle bäsleşikleriň ençemesinde üstünlikli çykyş edip, Watanymyzyň halkara abraýyny has-da belende galdyrmaga mynasyp goşantlaryny goşdular. Munuň özi hormatly Prezidentimiziň bildirýän belent ynamyna türkmen ýaşlarynyň hemişe mynasyp jogap bermäge çalyşýandyklaryny görkezýär.

15 Iýun 2021

Kitapdyr ynsanyň baky hemrasy

Serdar şäheriniň we etrabynyň polisiýa bölüminiň ýol gözegçiligi bölümçesi, Türkmenistanyň Magtymguly adyndaky Ýaşlar guramasynyň etrap geňeşi bilen bilelikde wagyz-nesihat çäresini geçirdik. «Kitapdyr ynsanyň baky hemrasy» atly çärämize medeniýet, saglygy goraýyş ulgamlarynyň, hukuk goraýjy edaralaryň işgärleri we okyjylar gatnaşdylar. «Berkarar döwletimiziň bagtyýarlyk döwründe hormatly Prezidentimiz söze, kitaba uly sarpa goýýar hem-de halkyna döwet-galamyndan çykan ajaýyp kitaplarynyň ençemesini sowgat etdi. Gahryman Arkadagymyzyň «Ak şäherim Aşgabat» atly täze kitabynyň elimize gowuşmagy biziň her birimiziň göwün guşumyzy ganatlandyrdy. Kitapda merjen şäherimiz Aşgabadyň baý taryhy, şöhratly şu güni, röwşen geljegi hakynda gyzykly, çeper, täsirli söhbet edilýär. Baş şäherimiziň dürli künjeklerinden düşürilen fotosuratlary synlanyňda, gözel paýtagtymyza gaýybana syýahat eden ýaly duýgyny başdan geçirýärsiň. Milli Liderimiziň täze kitaby röwşen geljegimiz bolan ýaş nesillerimizi ata-babalarymyzyň belent ruhunda terbiýelemekde örän uly ähmiýete eýedir» diýip, çärede çykyş edenler buýsanç bilen gürrüň etdiler. 

14 Iýun 2021

Ylym — bagtyýarlygyň gözbaşy

Ýurdumyzda giňden bellenilip geçilen Ylymlar güni mynasybetli paýtagtymyzda eziz Watanymyzyň Garaşsyzlygynyň şanly 30 ýyllygyna bagyşlanan «Ylym, tehnika we innowasion tehnologiýalaryň ösüşi» atly iki günlük halkara ylmy maslahat geçirildi. Forum Türkmenistanyň Bilim ministrligi we Ylymlar akademiýasy tarapyndan guraldy. Maslahatyň açylyş dabarasy Oguz han adyndaky Inžener-tehnologiýalar uniwersitetinde geçirildi. Bu ýerde täzeçil tehnologiýalaryň sergisi guraldy. Maslahata gatnaşyjylara ylmy-tehniki döredijiligiň, talyp ýaşlaryň gazanan üstünlikleri görkezildi. Hormatly Prezidentimiz Gurbanguly Berdimuhamedowyň Türkmenistanyň ylmy jemgyýetçiligine hem-de şu halkara ylmy maslahata gatnaşyjylara iberen Gutlagy ruhubelentlik bilen diňlenildi. Milli Liderimiziň Gutlagynda, hususan-da: «Häzirki zaman bilimleriniň we ylymlarynyň dünýäniň ykdysady, medeni, innowasion ösüşlerine gönükdirilmegi parahatçylykly, dostlukly, hoşniýetli gatnaşyklary ýola goýmagyň örän möhüm şerti bolup durýar» diýlip bellenilýär.

14 Iýun 2021

Ylym-bilim — rowaçlygyň goşa ganaty

Welaýat kitaphanasynyň öňündäki dabaralar meýdançasynda ýurdumyzda her ýyl giňden bellenýän Ylymlar gününe bagyşlanan aýdym-sazly baýramçylyk çäresi geçirildi. Welaýat, Daşoguz şäher häkimlikleriniň, şeýle-de welaýat Medeniýet müdirliginiň bilelikde guran bu dabaraly çäresinde gutlaglara beslenen çykyşlara giň orun berildi.

14 Iýun 2021

Talyp gyzyň üstünligi

Ylymlar gününde Türkmenistanyň Oguz han adyndaky Inžener-tehnologiýalar uniwersitetinde Türkmenistanyň Ylymlar akademiýasy bilen Magtymguly adyndaky Ýaşlar guramasynyň Merkezi geňeşiniň bilelikde guramagynda ýurdumyzyň ýaşlarynyň arasynda ylmy işler boýunça geçirilen bäsleşikde ýeňiji bolan ýaşlaryň köp sanlysyna Gahryman Arkadagymyzyň Şa serpaýlary gowşuryldy. Türkmen oba hojalyk institutynyň gidromeliorasiýa we oba hojalygyny mehanizmleşdirmek fakultetiniň 3-nji ýyl talyby Jennet Bäşimowa bäsleşige «Ders gerdejiklerini kultiwator arkaly berip, gowaçany ösdürip ýetişdirmegiň innowasion usuly» atly ylmy işi bilen gatnaşyp, ikinji orna mynasyp boldy. Biz talyp gyzy gazanan üstünligi bilen gutlap, onuň bilen gürrüňdeş bolanymyzda, ol ýürek joşgunyny şeýle beýan etdi: — Şu gün meniň durmuşymda ýatdan çykmajak günleriň biri boldy. Oňa begenjimiň, buýsanjymyň çägi ýok. Mukaddes Garaşsyzlygymyzyň şanly 30 ýyllygynyň bellenilýän «Türkmenistan — parahatçylygyň we ynanyşmagyň Watany» ýylynda ýurdumyzyň ýaşlarynyň arasynda ylmy işler boýunça geçirilen bäsleşige gatnaşyp, ýeňiji boldum. Gahryman Arkadagymyzyň Şa serpaýy bilen sylaglanmagym meni geljekki ylmy gözleglere ruhlandyrdy.

14 Iýun 2021

Belent ynam bilen ýagty geljege

Garaşsyzlyk ýyllarynda ýurdumyzyň kuwwatlanmagy bilen birlikde täze türkmen jemgyýeti kemala geldi. Garaşsyz Türkmenistanyň ösüş ugrunda saýlap alan ýolunyň bedew badyna bütin dünýä haýran galýar. Bary-ýogy 30 ýylyň içinde türkmen döwletiniň geçen ýoly asyrlara barabardyr. Häzirki wagtda güneşli ülkämiziň ähli ýerinde bolşy ýaly, etrabymyzda hem baýramlarymyzyň naýbaşysyny mynasyp sowgatly garşylamak ugrunda janypkeşlikli zähmet gaýnap-joşýar. Ýurdumyzda hormatly Prezidentimiziň parasatly syýasatynyň netijesinde ykdysadyýetimiziň ähli ugurlarynda sanly ulgama geçmek we täzeçil usullary ulanmak arkaly ösüş gazanmak ýola goýulýar. Şeýle özgertmeler ýurdumyzyň ylym-bilim ulgamynda, ýaşlar syýasatynda, ilatymyzyň saglygyny gorap saklamakda hem özüniň mynasyp ornuny tapýar. Milli Liderimiziň döwletli tutumlaryny özünde jemleýän bilim özgertmeleri, ilkinji nobatda, ýaş nesliň, şeýle-de bilim işgärleriniň, guwanjyna, buýsanjyna beslenýär. Güneşli Diýarymyzyň ähli ýerinde gurlup, ulanylmaga berlen we gurluşygy ýokary depginlerde alnyp barylýan okuw-terbiýeçilik edaralary kompýuter enjamlary, multimediýa tehnologiýalary bilen doly üpjün edilýär. Şeýle ajaýyp mümkinçilikleriň eşretini görüp yhlasly zähmet çekmek bolsa bagtyýarlygyň nyşany. Biz milli Liderimiziň bedenterbiýäniň köpçülikleýinligini gazanmak, sporty ösdürmek, sagdynlyk ýörelgelerini rowaçlandyrmak boýunça öňde goýýan wezip

14 Iýun 2021

Çäksiz mümkinçilikler

«Türkmenistanda 2019—2025-nji ýyllarda sanly ykdysadyýeti ösdürmegiň Konsepsiýasyna» laýyklykda güneşli Diýarymyzda ykdysadyýetde sanly özgertmeler giň gerimde durmuşa geçirilýär we ähli pudaklar sanlylaşdyrylýar. Sanly ykdysadyýetiň ösdürilmegi bolsa durnukly ykdysady ösüşi gazanmak bilen bir hatarda sanly bilimiň we hyzmatlar ulgamynyň hem ýokarlanmagyna ýardam berýär. Bu ulgama geçmek bilen ilatyň ýaşaýyş-durmuş derejesini öňküden has-da gowulandyrmak üçin ýörite hyzmatlar hem döredilýär. Raýatlar medeni-durmuş harytlarynyň söwdasyny plastik kart arkaly amala aşyrýarlar. Sanly ykdysadyýetde esasy maksat tizlik, amatlylyk we tygşytlylyk bolup, internet bilen sanly ulgamyň baglanyşykly bolmagydyr. Gahryman Arkadagymyzyň parasatly syýasaty netijesinde dogry saýlanylyp alnan bu özgertmeler ýurdumyzyň durmuş-ykdysady taýdan yzygiderli ösmegini üpjün edýär.

14 Iýun 2021

Uly bagtdan nyşan

Bilim ojagymyz etrabymyzyň mekdepleriniň arasynda dürli derejelerdäki ders bäsleşiklerinde ýylyň-ýylyna uly üstünliklere eýe bolýan zehinli okuwçylary bilen tanalýar. Golaýda tamamlanan okuw ýylynda gazanylan netijeler hem guwandyryjy boldy. Şeýle buýsandyryjy üstünlikler hakynda gürrüň etmek örän ýakymlydyr. «Altyn asyryň altyn zehinleri» ady bilen geçirilýän bäsleşige okuwçylarymyz ýylyň-ýylyna gatnaşýarlar. Geçen okuw ýylynda bu bäsleşigiň döwlet tapgyryna okuwçylarymyzyň birnäçesi gatnaşdy we örän şowly çykyş etdi. Oňa matematika dersi boýunça döwlet tapgyrynda üçünji orny eýelän 11-nji synp okuwçymyz Kakajan Iskenderowyň gazanan üstünligi aýdyň mysallaryň biridir. Ony bu bäsleşige durmuşynyň 40 ýyla golaýyny mugallymçylyk kärine bagyş eden Aýtöre Şaripowa taýýarlady. Häzirki günlerde bolsa Kakajan jemleýji döwlet synaglaryna gatnaşyp, ýokary bahalara mynasyp bolýar. Biz onuň mekdebimizi üstünlikli tamamlap, abraýly ýokary okuw mekdepleriniň biriniň talyby boljakdygyna ynanýarys.

14 Iýun 2021

Dynç alyş şatlyga beslensin!

Mekdep okuwçylarynyň dynç alýan, täze okuw ýyly üçin güýç toplaýan häzirki günlerinde olaryň saglygy hakynda gürrüň etmegi we bu babatda degişli maslahatlary bermegi zerur hasaplaýarys. Sebäbi bu möwsümde ýaşlaryň boş wagtlary has köpräk bolýar. Olarda dynç almak, gezelenç etmek üçin giň mümkinçilikler döreýär. Şeýle şertlerde çagalaryň köpçülik ýerlerinde, ilkinji nobatda bolsa, köçelerde özüňi alyp barmagyň düzgünlerini berk berjaý etmekleri esasy talap bolup durýar. Olaryň degişli kadalary gowy bilmekleri we olary dogry berjaý etmekleri üçin diňe bir mugallymlaryň ýa-da olaryň ene-atalarynyň däl, eýsem, tutuş jemgyýetimiziň jogapkärçilik çekýändigini aýratyn nygtasymyz gelýär.

14 Iýun 2021

Bilimli nesil — kuwwatly Watan

Guwandyryjy netijeler Ajaýyp gülleýişler bilen ösýän Berkarar döwletimiziň bagtyýarlyk döwründe ähli ugurlar bilen bir hatarda bilim ulgamynda amala aşyrylýan beýik işler, ýetilen belent sepgitler her birimizi guwandyrýar. Hormatly Arkadagymyzyň: “Ýaşlarymyzy ylymly-bilimli edip ýetişdirmek, ýokary watançylyk, päk ahlaklylyk we belent ynsanperwerlik ruhunda terbiýelemek elmydama biziň baş maksadymyz bolmagynda galar” diýen dürdäne sözleri ýaş nesliň ylymda-bilimde täze üstünlikleri gazanyp, Watana wepaly ýaşlar bolup ýetişmeklerine ruhlandyrýar.

14 Iýun 2021

Ýylyň talyby — 2021

Golaýda «Ýylyň talyby» Döwlet bilim bäsleşiginiň jemleýji tapgyry geçirildi. Türkmenistanyň Bilim ministrliginiň we Kärdeşler arkalaşyklarynyň Milli merkeziniň bilelikde guraýan bäsleşiginiň ýeňijisi diýlip Magtymguly adyndaky Türkmen döwlet uniwersitetiniň 5-nji ýyl talyby Mähri Şamyradowa yglan edildi. Mälim bolşy ýaly, «Ýylyň talyby» Döwlet bilim bäsleşigine özüniň ýokary görkezijileri boýunça tapawutlanan talyplar gatnaşýarlar. Olar atly talyp haky we tölegli ýokary okuw mekdeplerinde soňky jemlenen ýarym ýyllykdaky toplan ballary üçin aýratynlykda kesgitlenilýär. şeýle hem ylmy-döredijilik we dersara bäsleşiklerinde gazanan üstünlikleri, medeni-köpçülikleýin çärelere gatnaşygy, sport üstünlikleri, köpçülikleýin habar beriş serişdelerinde çykyşlary üçin kesgitlenen bal ulgamy bilen bahalandyrylyp, her ýokary okuw mekdebinden iň ýokary netije gazanan talyp jemleýji tapgyra gatnaşmaga hukuk gazanýar. Jemleýji tapgyrda ýokary okuw mekdeplerine wekilçilik edýän talyplar Türkmenistanyň jemgyýetçilik durmuşyny öwreniş dersi, kompýuter sowatlylygy, türkmen dili we iňlis dili dersleri boýunça taýýarlanan test sowallaryna jogap berdiler. Şeýle hem talyplar saýlap alan ugurlary esasynda gysga sahna, çeper okaýyş, aýdym-sazly erkin çykyşlar boýunça özara bäsleşdiler.

11 Iýun 2021

‹
1
2
...
240
241
242
243
244
245
246
...
281
282
›