"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Sagdynlygyň, sportuň, syýahatçylygyň sazlaşygy

Hormatly Prezidentimiz Serdar Berdimuhamedowyň taýsyz tagallasy bilen amala aşyrylýan ägirt uly işleriň netijesinde «Awaza» milli syýahatçylyk zolagy Berkarar döwletiň täze eýýamynyň Galkynyşy döwründe öz gözelligini has-da artdyryp, syýahatçylygyň merjeni, sagdynlygyň, ruhubelentligiň, sportuň mekany, dynç almak hem-de saglygyňy berkitmek, sagdyn durmuş ýörelgesine eýermek, sport bilen meşgullanmak üçin nusgalyk şert-mümkinçilikleriň üpjün edilen künjegi hökmünde dünýäde giňden tanalýar. Sagdyn durmuş ýörelgesine eýermekde, sport bilen meşgullanmakda bolsa döwlet Baştutanymyzyň peder ýörelgesini dowam etdirip, her bir raýata görelde bolup durýandygy döwrümiziň ajaýyp hakykatydyr. Muňa 14-nji awgustda zähmet rugsadynda bolýan hormatly Prezidentimiziň Hazar deňziniň kenarynda ýerleşýän «Awaza» milli syýahatçylyk zolagynda welosipedli gezelenç etmeginiň mysalynda hem aýdyň göz ýetirdik. Şol gün ir bilen döwlet Baştutanymyz deňiz kenaryna geldi. Tomsuna günüň bu çagynda «Awaza» milli syýahatçylyk zolagynda ýakymly howa gurşawy emele gelýär. Munuň özi deňizden we «Awaza» emeli derýasyndan öwüsýän sergin şemalyň, ýaşyl seýilgähleriň, tokaý zolaklarynyň döredýän salkyn howasynyň esasynda mümkin bolýar. Soňky ýyllarda şeýle zolaklaryň çägi ep-esli giňeldildi. Bu çäreler kenarýaka sebitiň ekologiýa ýagdaýynyň has-da gowulanmagyny hem şertlendirdi.

1 gün öň

Garaşsyzlyk

Halkara ýaryşyň medallary

Türkmen türgenleri 6 – 10-njy awgust aralygynda Gazagystan Respublikasynyň Aktau şäherinde geçirilen boks boýunça halkara ýaryşda üstünlikli çykyş etdiler. Bokenbaý Saktaganowyň ýadygärligine bagyşlanan bäsleşige Türkmenistandan, Täjigistandan, Özbegistandan hem-de Gazagystanyň dürli şäherlerinden türgenler gatnaşdylar. Türkmenistanyň ýaşlar ýygyndy toparynyň 9 türgeni dürli agram derjelerinde ringe atoparymyzyň baş tälimçisi Tenilbek Džumakulow, ýaşlar ýygyndy toparymyzyň tälimçisi Maksud Şeripow hem-de milli derejeli emin Timur Halilow halypalyk etdi. Türkmen boksçylary halkara ýaryşy 6 medal (1 altyn, 1 kümüş, 4 bürünç) bilen jemlediler.

1 gün öň

Sport

Gymmaty egsilmeýän baýlyk

Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik kitabynda milli lukmançylyk mirasy, şol sanda onuň bilen baglanyşykly türkmen topragynda ösýän endemik we seýrek duş gelýän täsin dermanlyk ösümlikler barada giňişleýin maglumat berilýär. Bu kitap öz saglygy barada aladalanýan her bir adam üçin peýdaly maglumatlaryň hazynasydyr. Onuň jiltlerinde kerem-keramatly türkmen topragynyň dürli künjeklerinde bitýän dermanlyk ösümlikleriň bejerijilik häsiýetleri, ýaýraýşy, olardan melhem taýýarlanylyşy, ulanylyşy we saklanylyşy bilen bagly baý maglumatlar anyk hem giňişleýin beýan edilýär. Bu kitabyň häzirki wagta çenli 15 jildi çap edilip, halkymyza ýetirildi. Lukman Arkadagymyzyň düýpli ylmy işine daşary ýurtlarda hem gyzyklanma bildirilýär. Sebäbi ol dünýä lukmançylyk ylmynyň, fitoterapiýanyň ösüşine uly goşant bolan eserdir. Kitabyň aýry-aýry jiltleriniň daşary ýurt dilleriniň birnäçesine terjime edilmegi onuň ähmiýetiniň barha artýandygyny görkezýär. Gymmaty egsilmejek bu kitap ýakynda pars diline hem terjime edilip başlandy.

1 gün öň

Saglyk

Gahryman Arkadagymyzyň nusgalyk göreldesi

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz: «Garaşsyz, hemişelik Bitarap Watanymyzda adam jemgyýetimiziň we döwletimiziň iň ýokary gymmatlygydyr. Şoňa görä-de, Bitarap döwletimiziň her bir raýatynyň, jemgyýetimiziň hem-de tutuş halkymyzyň beden we ruhy taýdan sagdynlygyny gazanmagy, sporty ösdürmegi hem-de sagdyn durmuş ýörelgelerini berkitmegi baş maksadymyz hökmünde öňe sürýäris» diýip nygtaýar. Milli Liderimiziň bu ugurda badalga beren dünýä nusgalyk işleriniň Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda üstünlikli dowam etdirilýändigi hemmämizi buýsandyrýar. Gahryman Arkadagymyzyň sportuň dürli görnüşleri bilen yzygiderli meşgullanmagy bolsa her bir raýat üçin nusgalyk ýörelgedir, göreldedir, mekdepdir. Sagdyn durmuş ýörelgeleriniň berkidilmegine möhüm ähmiýet berýän we bu ugurda ösüp gelýän ýaş nesle nusgalyk görelde bolýan türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow zähmet rugsady wagtynda paýtagtymyzyň demirgazygynda ýerleşýän Sport ulag merkezine bardy.

1 gün öň

Garaşsyzlyk

Halk maslahaty – milli jebisligiň nyşany

Halk demokratiýasy dabaralanýar Merdana pederlerimiziň arzuwlaryny hasyl eden berkarar döwletimiziň gülläp ösüşi, ähli ugurlarda gazanylýan üstünlikler we jemgyýetimiziň abadançylygy agzybir halkymyzyň yhlasynyň, tutanýerli zähmetiniň miwesidir. Her bir güni şanly wakalara beslenýän «Pähim-paýhas ummany Magtymguly Pyragy» ýylynda mukaddes Garaşsyzlygymyzyň 33 ýyllyk toýuna we Türkmenistanyň Halk Maslahatynyň mejlisine barýan günlerimizde biz bu hakykata ýene bir gezek göz ýetirýäris. Türkmenistanyň Halk Maslahatynyň Prezidiumynyň 20-nji iýulda kabul eden Kararyna laýyklykda, ýurdumyzyň jemgyýetçilik-syýasy durmuşynda möhüm ähmiýete eýe bolan umumymilli forumy şu ýylyň 24-nji sentýabrynda çagyrmak we Maslahat köşgünde geçirmek bellenildi.

1 gün öň

Garaşsyzlyk

Halkara hyzmatdaşlygyň çäklerinde

Hormatly Prezidentimiz Berkarar döwletiň täze eýýamynyň Galkynyşy döwründe halkymyzyň, ozaly bilen, ýaş nesliň saglygyny berkitmegi döwlet syýasatynyň ileri tutulýan wezipeleriniň biri hökmünde yglan edip, köpçülikleýin bedenterbiýe-sagaldyş hereketiniň hem-de ýokary netijeli sportuň ösdürilmegine uly ähmiýet berdi. Biz muny ýurdumyzda sportuň görnüşleri boýunça geçirilýän ýaryşlaryň mysalynda hem görýäris. Sport ulgamynda halkara hyzmatdaşlygyny pugtalandyrmak hem öňde durýan esasy wezipeleriň biridir. Ine, şu günler hem Birleşen Arap Emirlikleriniň Abu-Dabi welosport klubunyň welosipedçileri Aşgabat şäherinde okuw-türgenleşik ýygnanyşygyny geçýärler.

1 gün öň

Garaşsyzlyk

Sportuň dabaralanýan zamanasy

Berkarar döwletiň täze eýýamynyň Galkynyşy döwründe ýurdumyzda sagdyn durmuş ýörelgesini, köpçülikleýin bedenterbiýäni has-da giň gerimde jemgyýetimiziň ähli ulgamlaryna ornaşdyrmak, ýokary netijeli sporty ösdürmek babatda dünýä nusgalyk işler alnyp barylýar. Taryhy jähetden alanyňda, gysga döwrüň içinde ýurdumyzyň çar ýanynda gurlup, ulanylmaga berlen sport desgalary bu günki gün bagtyýar raýatlarymyzyň, esasan hem, ýaşlaryň iň bir gelim-gidimli hem-de gyzykly we çekeleşikli ýaryşlaryň geçirilýän ýerlerine öwrüldi. Şol kaşaň desgalaryň hatarynda mynasyp orun eýeleýän döwrebap sport mekdepleri bolsa ösüp gelýän ýaş nesillerimizi diňe bir beden taýdan däl, eýsem, ruhy taýdan hem terbiýeläp, olarda maksadaokgunlylygy, tutanýerliligi, özlerine hem-de üstünliklere bolan ynamy kemala getirmekde, ösdürmekde uly ähmiýete eýedir. Sport — parahatçylygyň ilçisi, dost-doganlygyň köprüsi. Iri sport ýaryşlarynyň geçirilýän ýerine bütin dünýäniň ünsüniň gönügýändigini, ýaryşlaryň geçýän wagtynda şol ýurduň, şäheriň adynyň Ýer ýüzünde dilden-dile geçýändigini sport bilen gyzyklanýan her bir adam bilýändir. Gahryman Arkadagymyzyň parasatly başlangyjy bilen badalga berlen hem-de durmuşa geçirilen, täze eýýamda Arkadagly Serdarymyz tarapyndan üstünlikli dowam etdirilýän beýik işleriň netijesinde Garaşsyz, hemişelik Bitarap Türkmenistanyň, gözel paýtagtymyz Aşgabadyň dünýädäki meşhurlygynyň bar

1 gün öň

Sport

Halkymyzyň milli buýsanjy

Türkmen halkynyň dünýä beren gymmatlyklarynyň biri-de wepalylygy, owadanlygy, ýyndamlygy bilen ata Watanymyzyň abraýyny arşa göteren ahalteke bedewlerimizdir. Asyrlarboýy merdana ýigitlerimiziň uçar ganaty saýylyp gelinýän ahalteke bedewlerimiziň bu günki gözelliginde müňýyllyklaryň dowamynda çekilen päk zähmetiň kämil miwesi görünýär. Eziz Watanymyzda ahalteke bedewleri hemişe üns merkezinde saklanýar. Olaryň sagdyn, ýyndam, owadan, mähirli, gözel, eýesine wepaly bolup ýetişmegi üçin, halkara gözellik bäsleşiklerine gatnaşyp, ýeňiji bolmagy ugrunda türkmen atşynaslaryna giň mümkinçilikler döredilýär. Sebitde deňi-taýy bolmadyk «akylly» şäher bolan Arkadag şäheriniň gurlup ulanylmaga berilmegi, bu ýerde meşhur seýis Aba Annaýewiň adyny göterýän Halkara atçylyk akademiýasynyň ýerleşmegi her bir türkmenistanlyny buýsandyrdy. Halkara atçylyk akademiýasynda ýaşlara halypa seýis Aba Annaýewiň seýisçilik, atşynaslyk hünärini ele almak ugrunda alyp baran işleri, ulanan tärleri barada giňişleýin öwredilýär. Bu ýerde «Ahalteke atlary – parahatçylygyň ilçileri» diýen at bilen ÝUNESKO klubunyň döredilmegi bolsa hyzmatdaşlygyň çägindäki nobatdaky ädim boldy.

1 gün öň

Sport

Hormata mynasyp halypa

Gahryman Arkadagymyzyň we Arkadagly Gahryman Serdarymyzyň ýurdumyzda bedenterbiýäniň hem-de sportuň ösdürilmegi ugrunda alyp barýan syýasatyny durmuşa geçirmek, sagdyn durmuş ýörelgelerini yzygiderli wagyz etmek babatda halypa tälimçileriň üstüne hem uly jogapkärçilik düşýär. Uzak ýyllaryň dowamynda çeken yhlasly hem-de tutanýerli zähmeti bilen tanalýan, şeýle hem sportuň küşt görnüşi boýunça sanly ulgam arkaly geçirilen halkara ýaryşlarda yzygiderli baýrakly orunlara mynasyp bolup, ýurdumyzyň abraýyny belende galdyrýan tälimçileriň biri-de Aşgabat şäheriniň bedenterbiýe we sport baradaky Baş müdirliginiň Ýöriteleşdirilen küşt we şaşka mekdebiniň tälimçi-mugallymy Ahmet Odeýewdir. Halypa indi köp ýyllardan bäri ýaşlara küştüň inçe tilsimlerini öwredýär.

1 gün öň

Sport

Welaýatlardan habarlar

Gahryman Arkadagymyzyň hem-de hormatly Prezidentimiziň tagallalary netijesinde Türkmenistan sportuň ösen döwleti, sagdynlygyň we ruhubelentligiň mekany hökmünde tanalýar. Ýurdumyzda döredilen şertler türgenlerimiziň ýokary netijeleri gazanmagyna, ildeşlerimiziň bedenterbiýe we sport bilen meşgullanmagyna mümkinçilik berýär. Döredilýän giň mümkinçilikler geçirilýän ýaryşlarda hem öz beýanyny tapýar. Sporty hemra edinmek bedeniň berkligini, şahsyýetiň kemala gelmegindäki ruhy ösüşi, ýaramaz endiklerden daşda durmagy, joşgunly zähmeti şertlendirýär. Bedenterbiýe-sport hem-de sagdyn durmuş-medeni çäreleriniň geçirilmegi sportuň dürli görnüşleri bilen meşgullanýan ýaş türgenlerimiziň kämilleşmegine, hünär ussatlyklarynyň artmagyna we sport derejeleriniň ýokarlanmagyna ýardam edýär. Sport ulgamynyň maddy-enjamlaýyn binýadyny pugtalandyrmak hem-de dünýä derejesinde ösdürmek boýunça döredýän mümkinçilikleri üçin Gahryman Arkadagymyza we Arkadagly Gahryman Serdarymyza köp sagbolsun aýdýarys.

1 gün öň

Garaşsyzlyk

«Al­tyn Asy­ryň» üs­tün­li­gi

Ýurdumyzyň futbol toparlary Aziýanyň Futbol konfederasiýasynyň ýaryşlarynda üstünlikli çykyş edýärler. Paýtagtymyzyň «Altyn Asyr» futbol topary bu asylly däbi mynasyp dowam etdirip, yklymyň ikinji derejeli klub ýaryşynyň — AFK-nyň Çempionlar ligasy — 2-niň saýlama tapgyryndan üstünlikli geçip, bu abraýly ýaryşyň toparçalaýyn tapgyryna çykmagy başardy. 14-nji awgustda Hindistanyň Kalkutta şäherinde geçirilen saýlama duşuşykda «Altyn Asyr» Hindistanyň çempionatynda bu şähere wekilçilik edýän «Ist Bengal» toparyny 3:2 hasabynda ýeňdi.

1 gün öň

Sport

Ýaşlar sporty saýlaýar

Ýurdumyzda sporty ösdürmek ugrunda amal edilýän beýik işler bu ugruň sazlaşykly ösüşini gazanmagyň möhüm bölegini emele getirýär. Şunlukda, sporty saýlaýan watandaşlarymyzyň sany yzygiderli artýar. Ýaşlaryň sport bilen meşgullanmagy üçin ähli şert-mümkinçilikleriň döredilmegi bolsa professional türgenleriň yzygiderli köpelmegini üpjün edýär. Türkmenistanyň Döwlet energetika institutynda bilim alýan ýaşlar hem bedenterbiýäni we sporty gündelik hemrasyna öwürýärler. Olaryň ençemesi professional sporty saýlap, kämillige tarap ynamly ädimler bilen gadam goýýarlar. Institutymyzda hereket edýän Talyplar sport kluby ýaşlaryň has-da kämilleşmegi üçin diýseň oňaýlylygy, özünde jemleýän ajaýyp şert-mümkinçilikleri bilen tapawutlanýar.

1 gün öň

Sport

Pälwanyň pälwan perzendi

Garyşyk söweş sungatynyň ilkinji emellerini öwrenip başlan günleri Seýran bary-ýogy 3 ýaşyny doldurypdy. Zehinli oglanjygyň bu ýoluň menzillerine has kiçiliginden rowana bolmagyna kakasy Şöhradyň hem-de onuň agasy Orazgeldiniň göreldesi täsirini ýetiripdi. Onuň kakasy Ş.Orazgeldiýew başa-baş söweş sungatynyň ençeme ugurlaryndan uly üstünliklere, şol sanda MMA söweş sungatlarynyň garyşyk görnüşinden hem-de uniwersal söweşden dünýä derejesinde ajaýyp netijelere eýe bolupdy. Kakasynyň agasy hem-de Seýranyň tälimçisi O.Orazgeldiýew hem uly ýeňişlere ýetipdi. Munuň özi Seýranyň sport ýolunyň binýadynyň berk bolmagyny üpjün etdi. Şunlukda, ol ýaňy bir bäş ýaşynyň içindekä uşu sanda boýunça 7 ýaşly türgenleriň arasynda hem mynasyp çykyş etmegi başarýandygyny görkezmegiň hötdesinden geldi. Munuň üçin ol şol ýaşdaky çagalaryň arasynda guralan Türkmenistanyň açyk birinjiliginiň Kubogyna hem-de ýeňşe bolan höwesi üçin ýörite baýraga mynasyp bolupdy.

1 gün öň

Sport

Awazada ýaňlanan aýdymlar

Türkmen halkynyň Milli Lideri Gahryman Arkadagymyzyň başlangyjy we taýsyz tagallalary netijesinde gojaman Hazaryň türkmen kenary gysga taryhy döwrüň içinde düýpgöter özgerdi. Bu gözel künjekde «Awaza» milli syýahatçylyk zolagynyň döredilip, onuň durmuş düzüminiň yzygiderli ösdürilmegi, ösen halkara ölçeglerine kybap gelýän dynç alyş-şypahana ulgamynyň giňeldilmegi bilen, deňiz kenary jenneti mekana öwrüldi. «Awaza» milli syýahatçylyk zolagynda birbada ençeme müň syýahatçyny kabul etmäge we olara dünýä hil ülňülerine laýyklykda hyzmat etmäge ähli mümkinçilikler bar. Hazaryň türkmen kenarynyň tebigatynyň, howasynyň, ösümlik dünýäsiniň ekologiýa taýdan arassadygy, mikroelementlere baýdygy, tebigy bejeriş häsiýetine eýedigi bilen tapawutlanýandygy aýratyn bellenilmäge mynasypdyr. Dost-doganlyk mekany hökmünde ykrar edilen «Awaza» milli syýahatçylyk zolagynda geçen ýyllaryň dowamynda halkara derejesindäki forumlaryň ençemesiniň üstünlikli geçirilmegi Hazaryň ekologiýa taýdan arassa kenarynyň dünýädäki meşhurlygynyň artmagyna itergi berdi. Ýakynda bu ajaýyp ýerde «Awaza — dostluk mekany» atly medeni-köpçülik we sport çäreleriniň üstünlige beslenip geçirilmegi, oňa Russiýa Federasiýasyndan hem mekdep okuwçylarynyň gatnaşmagy diýseň begendirýär. Bu giň göwrümli çäreleriň çäginde ýaňlanan aýdym-sazlarynyň deňiz kenaryny alaýaza besländigini, olarda bagtly çagalygyň, dost-doganlygyň we

1 gün öň

Garaşsyzlyk

Bedenterbiýe we sport

Birleşen Milletler Guramasynyň Ilat gaznasynyň (UNFPA) hem-de Türkmenistanyň Bedenterbiýe we sport baradaky döwlet komitetiniň meýilnamasy esasynda, Aşgabat şäheriniň bedenterbiýe we sport baradaky Baş müdirliginiň meýletinçiler topary bilen bilelikde sanly ulgam arkaly okuw-maslahat geçirildi. Maslahatda sagdyn durmuş ýörelgesi, bedenterbiýäni we sporty ösdürmek, sagdyn nesilleri kemala getirmek boýunça alnyp barylýan işler barada söhbet edildi. Ýaş nesliň sagdyn durmuş ýörelgesine eýermegi, sportda täze belentlikeri nazarlamagy babatda uly tagalla edýän Gahryman Arkadagymyzyň we Arkadagly Gahryman Serdarymyzyň adyna aýdylan alkyş sözleri edilen çykyşlaryň özenini düzdi.

1 gün öň

Sport

Sagdynlygyň we sportuň sazlaşygy

Ajaýyp zamanamyzda şäherleriň, şäherçeleriň, obalaryň okgunly ösdürilmegini göz öňünde tutýan maksatnamalar üstünlikli durmuşa geçirilýär. Şonuň esasynda hem, ýurdumyzyň ähli künjeklerinde döwrebap sport toplumlary, saglygy goraýyş maksatly möhüm desgalar gurlup, ulanylmaga berilýär. Bu bolsa diňe bir şu günki däl-de, geljekki nesilleriň sagdyn we bagtyýar durmuşyny üpjün etmekde hem möhüm ähmiýetlidir. Döwletimiziň saglygy goraýyş ulgamyny ösdürmegiň binýady bolan «Saglyk» Döwlet maksatnamasyna laýyklykda, bu ulgamyň desgalarynyň döwrebaplaşdyrylmagyna, innowasion tehnologiýalaryň, iň gowy dünýä tejribesiniň we gazanylanlarynyň işjeň ornaşdyrylmagyna uly ähmiýet berilýändigi hemmämize mälimdir. Şunuň bilen baglylykda, dünýäniň öňdebaryjy lukmançylyk edaralary, ylmy-barlag merkezleri bilen hyzmatdaşlyk ýola goýuldy. Ýurdumyzyň saglygy goraýyş ulgamyny döwrebaplaşdyrmak babatda toplan oňyn tejribesiniň dünýä bileleşiginiň, iri halkara guramalaryň, şol sanda Birleşen Milletler Guramasynyň hem-de onuň ýöriteleşdirilen düzümleri bolan Bütindünýä Saglygy Goraýyş Guramasynyň, Çagalar gaznasynyň we beýlekileriň giň ykrarnamasyna eýe bolandygy buýsandyryjy hakykatdyr. Abraýly guramalar bilen ýola goýlan netijeli gatnaşyklaryň türkmen lukmanlaryna dürli keselleri anyklamagyň, bejermegiň has netijeli usullaryny ulanmaga mümkinçilik berýändigini hem bellemek gerek.

9 Awgust 2024

Garaşsyzlyk

Şan-şöhraty arşa galýan Watanym

Sagdynlygyň, ruhubelentligiň, sportuň mekany hökmünde belent ykrarnama eýe bolan Garaşsyz, hemişelik Bitarap Türkmenistan Watanymyzyň dünýä döwletleri hem-de abraýly halkara guramalary bilen alyp barýan oňyn hyzmatdaşlygy Berkarar döwletiň täze eýýamynyň Galkynyşy döwründe täze belentliklere göterilýär. Daşary syýasatynda hemişelik Bitaraplyk hukuk ýagdaýyna esaslanýan döwletimiz Ýer ýüzünde parahatçylygyň, dost-doganlygyň, özara ynanyşmaga esaslanýan hyzmatdaşlygyň pugtalandyrylmagyna gönükdirilen ägirt uly işleri üstünlikli durmuşa geçirýär. Hormatly Prezidentimiziň öňe sürýän umumadamzat ähmiýetli başlangyçlarynyň, teklipleriniň halkara jemgyýetçiliginde giň goldawa eýe bolmagy ýurdumyzyň dünýädäki abraýyna abraý, mertebesine mertebe goşýar. «Pähim-paýhas ummany Magtymguly Pyragy» ýylynda Birleşen Milletler Guramasynyň Baş Assambleýasy tarapyndan Türkmenistanyň başlangyjy bilen «2025-nji ýyl – Halkara parahatçylyk we ynanyşmak ýyly» atly Kararnamanyň kabul edilmegi hem munuň aýdyň subutnamasy bolup dabaralandy.

9 Awgust 2024

Garaşsyzlyk

Halk bilen häkimiýeti jebisleşdiriji güýç

Hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe eşretli durmuşyň hözirini görýän agzybir hem zähmetsöýer halkymyz naýbaşy baýramymyz bolan Türkmenistanyň Garaşsyzlyk gününi ýokary derejede garşylamak üçin ýokary derejede taýýarlyk görýär. Garaşsyzlygymyzyň şanly 33 ýyllygynyň öňüsyrasynda, ýagny 24-nji sentýabrda paýtagtymyz Aşgabatda Türkmenistanyň Halk Maslahatynyň nobatdaky mejlisiniň geçirilmegi naýbaşy baýramyň dabarasyna dabara, şanyna şan goşup, täze taryhymyza altyn harplar bilen ýazylar. Halk häkimiýetiniň ýokary wekilçilikli edarasynyň nobatdaky mejlisi il agzybirliginiň, ýurt parahatçylygynyň aýdyň güwäsi bolar. Onda ösüşlere beslenýän zamanamyzda ýetilen belent sepgitleriň jemi jemlenilip, ýurdumyzyň ösüşinde öňde durýan täze wezipeler kesgitlener, il-ýurt bähbitli çözgütler kabul ediler.

9 Awgust 2024

Garaşsyzlyk

«Altyn Täjiň» bürünç medaly

Aşgabat şäheriniň «Altyn Täç» futbol topary Germaniýanyň Gamburg şäherinde geçirilen «Laola Cup 2024» atly halkara ýaryşda üstünlikli çykyş etmegi başardy. «Altyn Täjiň» dürli ýaş derejesindäki toparlary ýaryşyň bürünç medallaryny eýelediler. 46-dan gowrak döwletden 200 töweregi futbol toparyny jemlän ýaryş diýseň çekeleşikli geçdi.

9 Awgust 2024

Sport

Hyzmatdaşlygyň hem ylalaşygyň deňzi

Her ýylyň 12-nji awgustynda birnäçe döwletler bilen birlikde, Garaşsyz, hemişelik Bitarap Türkmenistan döwletimizde hem Hazar deňziniň güni giňden bellenilip geçilýär. Bu halkara sene Hazarýaka döwletleri tarapyndan ýerine ýetirilýän Hazar ekologik maksatnamasynyň çäklerinde işlenip düzülen we 2003-nji ýylyň noýabrynda Eýran Yslam Respublikasynyň Tähran şäherinde kabul edilen Hazar deňziniň gurşawyny goramak boýunça Çarçuwaly konwensiýanyň ähli Hazarýaka döwletleri tarapyndan 2006-njy ýylda tassyklandy we resmi taýdan güýje giren güni bilen baglanyşykly esaslandyryldy. Hazar deňziniň gününiň her ýylda halkara derejede bellenilip geçilmeginiň esasy maksady ony hapalanmakdan goramak boýunça zerur çäreleri durmuşa geçirmekden, şeýle hem Hazar deňziniň biologik baýlyklaryny gorap saklamakdan, dikeltmekden, durnukly we rejeli peýdalanmakdan, ilatyň bu barada ekologik bilimini baýlaşdyrmakdan we ekologik medeniýetini kämilleşdirmekden ybarat bolup durýar. Hazar deňzini gorap saklamakda birnäçe halkara başlangyçlaryny öňe süren ýurdumyzda Hazar deňziniň gününiň uly dabaralara beslenmegi bolsa bu deňze halkymyzyň tebigatyň genji-hazynasy hökmünde garaýandygynyň özboluşly subutnamasydyr.

9 Awgust 2024

Garaşsyzlyk