"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Ýylylyk we gün urmada ilkinji kömek

Häzirki wagtda ýurdumyzda tomus pasly dowam edýär. Adatça, tomsuň yssy günlerinde Gün şöhlesiniň ýitileşmeginiň adamyň bedenine edýän ýaramaz täsiri netijesinde ýylylyk we Gün urmanyň emele gelmegi, käbir çylşyrymly gaýraüzülmeleriň döremegi mümkindir. Şu nukdaýnazardan, her bir adam ýylylyk we Gün urmanyň emele gelmeginiň öňüni almagyň düzgünlerini hökmany ýagdaýda öwrenip, zerur bolan halatynda ilkinji kömegi bermegi başarmalydyr. Ýylylyk urma — daşky gurşawyň ýokary ýylylygynyň uzak wagtlap dowam etmegi netijesinde adam bedeniniň ýylylyk sazlaşygynyň bozulmagydyr. Bu ýagdaý, bedeniň aşa gyzmagy, howanyň şemalsyz, ýokary derejede ygally bolmagynyň ýa-da aşa fiziki zähmet çekilmeginiň esasynda döräp biler.

2 Iýun 2021

Saglyk

Saglygyňy berkitmekde welosipedli gezelenjiň ähmiýeti

Berkarar döwletimiziň bagtyýarlyk döwründe ilatymyzyň saglygyny goramak, olaryň abadan we bagtyýar durmuşda ýaşamagy ugrunda hormatly Prezidentimiziň alyp barýan syýasaty ileri tutulýan ugurlaryň birine öwrüldi. Ýurdumyzda geçirilýän sport ýaryşlary we türgenleşikleri gün-günden ýokary derejelerde uly meşhurlyga eýe bolýar. Şeýle çäreleriň hatarynda her ýylyň 3-nji iýunynda Bütindünýä welosiped güni mynasybetli köpçülikleýin welosipedli ýörişleriň we sport çäreleriniň guralmagy aýratyn ähmiýete eýedir. Sebäbi welosipedde gezelenç etmek özüniň özboluşlylygy bilen ynsan saglygyna oňaýly täsirini ýetirýär. Welosipedde gezelenç etmek — bu adamyň ýaşaýyş-durmuşynda ähli beden agzalarynyň çydamlylygyny ýokarlandyrýar we psihiki ýagdaýyny kadalaşdyrýar, onuň fiziki we ruhy saglygy üçin ähmiýeti hem möhümdir. Mundan başga-da, welosiped häzirki wagtda ekologiýa taýdan iň arassa ulag hasaplanylýar. Ol diňe myşsalary, ýüregi we damarlary berkidýän, öýkeni türgenleşdirýän ajaýyp serişde bolmak bilen çäklenmän, eýsem, artyk agramy aýyrmaga hem ýardam edýär.

2 Iýun 2021

Saglyk

Welosipediň saglyga peýdaly täsiri

Tutuş dünýäde öndürilýän ulaglaryň ähli görnüşleriniň arasynda özüniň ekologiýa taýdan arassalygy bilen aýratyn tapawutlanýan welosiped ulag serişdesi, ilkinji nobatda, adam bedeniniň sagdyn bolmagy üçin ýörite gural bolup hyzmat edýär. Arassa howada welosipedli gezelenç etmegiň adamyň beden hem ruhy taýdan sagdyn bolmagy, fiziki işjeňliginiň ýokarlanmagyna örän peýdalydygy barada dünýäniň ençeme ýurtlarynda alymlar tarapyndan geçirilen barlaglaryň netijesinde subut edildi. Alymlaryň bellemeklerine görä, arassa howada her gün yzygiderli welosiped sürmegiň netijesinde adam bedeninde ýadawlyk, dartgynlylyk, birahatlyk ýaly ýagdaýlaryň döremek mümkinçiligi örän pes derejede bolýar. Şeýle hem bedendäki madda çalşygynyň durnukly ýagdaýda saklanmagyna, emele gelen artykmaç ýaglaryň aradan aýrylmagyna örän uly kömek berýär. Ýeri gelende aýtsak, welosiped sürlen wagtynda bedende bolup geçýän fiziki ýagdaýlaryň täsiri welosipedi sürüp bolanyňdan soň hem 2-3 sagatlap dowam edýär. Welosiped sürmegiň döredijilik işgärleri üçin bahasyna ýetip bolmajak peýdasy bardyr. Çünki ol adamyň pikirleniş ukybynyň ýokarlanmagyna, ýatda saklaýyş ukybynyň güýçlenmegine, şeýle-de onuň berkemegine ýardam berýär. Welosipedi dolandyrýan pursadymyzda, adamyň ylgan wagty hereket etmeýän örän köp sanly myşsalary hem işläp başlaýar. Bedendäki bar bolan ähli kiçijik damarlaryň işe girmegi bilen, öýjüklere gerek b

2 Iýun 2021

Saglyk

Aşgabat — dost-doganlygyň paýtagty

Türkmenistanyň Garaşsyzlygynyň 30 ýyllygy giňden bellenilýän şu ýylda Aşgabat şäheriniň esaslandyrylmagynyň şanly 140 ýyllygy aýratyn ähmiýete eýedir. Bu, ozaly bilen, Aşgabadyň dost-doganlygyň, hoşniýetliligiň, myhmansöýerligiň we ynsanperwer ýörelgeleriň dabaralanýan paýtagty hökmünde giňden ykrar edilmegi bilen baglanyşyklydyr. «Türkmenistan — parahatçylygyň we ynanyşmagyň Watany» diýlip yglan edilen ýylda Aşgabat şäheriniň güni hem-de ak şäherimiziň esaslandyrylmagynyň 140 ýyllyk şanly baýramy bilen utgaşyp gelen 2020 — 2021-nji okuw ýylynyň tamamlanmagy we bilimler dünýäsinde täze belent maksatlara ruhlandyrýan «Soňky jaň» dabarasynyň geçirilen gününde Söwda-senagat edarasynda «Ak şäherim Aşgabat» atly XX köpugurly halkara sergisiniň we onuň çäklerinde dizaýnerleriň arasynda binagärlik bäsleşiginiň guralmagy, 25-nji maýda hormatly Prezidentimiziň gatnaşmagynda paýtagtymyzyň demirgazygynda «Aşgabat-siti» iri ýaşaýyş toplumynyň düýbüni tutmak dabarasynyň hem-de Çoganly ýaşaýyş toplumynda iki gatly ýaşaýyş jaýlarynyň 140 sanysynyň açylyş dabarasynyň guralmagy, baýramçylyk mynasybetli Türkmenistanyň Milli Geňeşiniň Mejlisiniň Karary bilen, hormatly Prezidentimize «Aşgabat şäheriniň hormatly raýaty» diýen adyň berilmegi, bu şanly sene mynasybetli ýurdumyzyň raýatlarynyň Türkmenistanyň ordenleri we medallary bilen sylaglanmaklary, olaryň bir toparyna Türkmenistanyň hormatly a

26 Maý 2021

Syýasat

Aşgabat — bagtyýarlygyň şäheri

Hormatly Prezidentimiziň parasatly baştutanlygynda “Türkmenistan — parahatçylygyň we ynanyşmagyň Watany” ýylynda bagtyýar halkymyz Watanymyzyň ak mermerli paýtagty — gözel Aşgabadyň esaslandyrylmagynyň 140 ýyllygyny giňden baýram edip belledi. Aşgabadyň ady, häzirki wagtda diňe bir sebitde däl, eýsem, bütin dünýäde giňden tanalýar. Milli Liderimiziň ynsanperwer syýasatyna esaslanyp, Aşgabat şäheriniň esaslandyrylmagynyň 140 ýyllyk şanly senesi mynasybetli paýtagtymyzyň Çoganly ýaşaýyş toplumynda ýurdumyzyň ýaşaýjylaryna 140 sany häzirki zaman ülňülerine laýyk gelýän, täze döwrebap kottej toplumy gurlup, ulanylmaga berildi. Täze gurlan kottejleriň ählisinde hem türkmen maşgalasynyň ýaşaýşyny üpjün etmek üçin ähli mümkinçilikler döredilen. Agşamlaryna Aýly gije deýin şugla saçýan yşyklar bolsa, ýaşaýyş toplumynyň köçelerine has-da aýratyn gözellik berýär.

26 Maý 2021

Garaşsyzlyk

«Men seň ömürbaky esgeriň, Watan!»

Geçen ýyl tomusky dynç alşyna çykyp, öýe baran günüm aýal doganym maşgalasy bilen bize myhmançylyga gelen eken. Ukusy gelse-de, gözüni tegeläp, daýysynyň gelerine garaşyp oturan ýegenjigim meniň bilen gadyrly salamlaşanyndan soň, doganym ony ejemiňkä çalym edýän mylaýym owazy bilen hüwdülemäge başlady: Agaç agaja bakar,Arasyndan suw akar.Oglum harby bolar,                                IlimDöşüne orden dakar.

26 Maý 2021

Bilim

Umytly arzuwlar — maksatly menzillere

Berkarar döwletimiziň bagtyýarlyk döwründe hormatly Prezidentimiziň başda durmagynda ýurdumyzyň ylym-bilim ulgamyny pugtalandyrmak ugrunda uly işler durmuşa geçirilýär. Şeýle işleriň hatarynda Türkmenistanyň Goranmak ministrliginiň Berdimuhamet Annaýew adyndaky Ýöriteleşdirilen harby mekdebini tamamlaýan, geljege uly umyt bilen gadam basmaga taýyn uçurymlar üçin «Soňky jaň» dabarasynyň uly şatlyk-şowhun bilen geçirilendigi aýratyn bellenilmäge mynasypdyr. Bu waka mähriban uçurymlarymyz üçin hakykatdan hem ýatdan çykmajak günleriň biri boldy. Çünki bu ýyl «Soňky jaň» dabarasy ak mermere beslenen Aşgabat şäherimiziň 140 ýyllyk baýramy bilen utgaşdy. Biziň her birimiz üçin mähriban Diýarymyzyň eziz topragy, gözel paýtagtymyz bahasyna ýetip bolmajak mirasdyr we gymmatlykdyr, olary geljekki nesillere ýetirmek bolsa biziň mukaddes borjumyzdyr. Bu borjy tüýs ýürekden ýerine ýetirmegi maksat eden bagtyýar harby okuwçylar Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynyň nyzam meýdançasynda başlaryny belent tutup, öz saýlap alan hünärlerine ygrarly bolmak bilen, mundan beýläk hem Watanymyzyň asudalygyny, halkymyzyň abadan durmuşyny üpjün etmek ugrunda özleriniň mynasyp goşantlaryny goşjakdyklaryna ynandyrdylar.

26 Maý 2021

Bilim

Durmuşa ilkinji ädim

Öň­ňin ýur­du­my­zyň äh­li or­ta mek­dep­le­rin­de 2020 — 2021-nji okuw ýy­ly­nyň ta­mam­lan­ýan­dy­gy­ny buş­la­ýan «Soň­ky jaň» ka­kyl­dy. «Soň­ky jaň» da­ba­ra­synyň ýur­du­my­zyň äh­li künjegin­de ýo­ka­ry derejede bel­le­ni­li­şi ýa­ly, TGM-niň Sol­tan San­jar adyn­da­ky Ýö­ri­te­leş­di­ri­len har­by mek­de­bin­de hem bu dabara ulu­dan toý­la­nyl­dy. We­la­ýat ki­tap­ha­na­sy­nyň öňün­de uly şat­lyk-şow­hun bi­len guralan bu çä­re, har­by mek­de­bi ta­mam­la­ýan her bir har­by okuw­çy üçin diý­seň tol­gun­dy­ry­jy pur­satlara baý bol­dy. Çä­rä­niň do­wa­myn­da uçu­rym­la­ra gow­şu­ry­lan sow­gat­lar, ýe­ri­ne ýe­ti­ri­len aý­dym-saz­lar, oka­lan goş­gu­lar uçu­rym­la­ryň be­genç­le­ri­ni has-da art­dyr­dy. Iň tol­gun­dy­ry­jy pur­sat bol­sa, soň­ky ja­ňyň ka­ky­lyş pur­sa­dy bol­dy. Çünki soň­ky ja­ňyň şow­hun­ly se­si mek­de­bi ta­mam­la­ýan uçu­rym­la­ryň ak mek­dep­le­ri bi­len hoş­laş­ýan­dyk­la­ry­ny ha­bar ­berýärdi. «Soňky jaň» da­ba­ra­synyň bar­şyn­da myh­man­lar öz­le­ri­niň gut­lag söz­le­ri bi­len çy­kyş edip, uçu­rym­la­ra ak ýol ar­zuw et­di­ler. Har­by mek­de­bi ta­mam­la­ýan har­by okuw­çy­la­ryň gel­jek­de Wa­ta­ny­my­za, mäh­ri­ban hal­ky­my­za, hor­mat­ly Pre­zi­den­ti­mi­ze we­pa­ly ýaş wa­tan­çy­lar bo­lup ýe­tiş­jek­dik­le­ri­ne berk ynan­ýa­rys! Ýo­lu­ňyz ak bol­sun, har­by uçu­rym­lar!

26 Maý 2021

Bilim

Zehinliler öňe saýlandy

Ýakynda podpolkownik Magtymguly Magtymgulyýewiň serkerdelik edýän harby bölüminiň kitaphanasynda ak şäherimiz Aşgabadyň esaslandyrylmagynyň 140 ýyllygy mynasybetli çagyryş boýunça harby gullukçylaryň arasynda zehin bäsleşigi geçirildi. Bäsleşigiň dowamynda harby gullukçylar bilen dürli ugurlar boýunça, şeýle-de hormatly Prezidentimiziň alyp barýan içeri we hoşniýetli daşary syýasaty hakynda sowal-jogap alşyldy. Bäsleşik çekeleşikli geçip, ýeňijilere we işjeň gatnaşan harby gullukçylara Hormat hatlary we ýadygärlik sowgatlary gowşuryldy. Gunça ÇARYÝAROWA, TÝG-niň gullukçysy.

26 Maý 2021

Syýasat

Arkadagly ak şäherim Aşgabat!

Berkarar döwletimiziň bagtyýarlyk döwründe Watanymyzyň paýtagty Aşgabat günsaýyn gözel keşbe eýe bolýar. Hormatly Prezidentimiziň Permany bilen Aşgabat şäheriniň gününiň döredilmegi we onuň her ýylyň 25-nji maýynda umumymilli baýramçylyk hökmünde bellenilip geçilmegi indi asylly däbe öwrüldi. Ýurdumyzyň ýüregi bolan ak mermerli paýtagtymyz Aşgabady «Gündogaryň merjen şäheri» diýip atlandyrýarlar. Hakykatdan-da, gözel Diýarymyzyň paýtagty Aşgabat, parahatçylygy dörediji sebit merkezi bolmak bilen, köp sanly dolandyryş, önümçilik, ylym-bilim, medeniýet, sport, söwda, dynç alyş we beýleki täze döwrebap desgalary hem özünde jemleýär. Şanly seneler, baýramçylyklar mynasybetli amal edilýän beýik işler bolsa, mähriban halkymyzy döredijilikli zähmete ruhlandyrýar. Bularyň hatarynda ýurdumyzyň ähli ýerlerinde bolşy ýaly, gözel paýtagtymyzda baýramçylyk günleri açylyp ulanylmaga berlen Aşgabat şäheriniň Bagtyýarlyk etrabynyň Çoganly ýaşaýyş toplumyndaky 140 sany 2 gatly ýaşaýyş jaýyny, Aşgabat şäheriniň demirgazygynda gurulmagy meýilleşdirilýän täze şäheriň gurluşygynyň düýbüniň tutulmagyny buýsanç bilen aýdyp bolar. Munuň özi Gahryman Arkadagymyzyň beýik işleriniň ata Watanymyzyň, mähriban halkymyzyň bagtyýar durmuşyna gönükdirilýändiginiň aýdyň alamatydyr.

26 Maý 2021

Garaşsyzlyk

Parahatçylyk hem ynam — baş ýörelgämiz

Hormatly Prezidentimiz döwlet başyna geçen ilkinji gününden ýurdumyzda parahatçylygy, asudalygy we durnukly ösüş ýoluny öňe sürdi. Arkadag Prezidentimiziň parasatly baştutanlygynda ygtybarly ýol bilen geljege barýan ýurdumyzyň saýlap alan ählumumy ösüş ýoly, taryhy gadymyýetden gaýdan halkymyzyň şöhratly geçmişinden gözbaş alýar. Türkmen halky islendik maslahat-geňeşde söz jemlenende «Dünýä abadan bolsun, iller — parahat!» diýip, köňül kelamyny ak ýürekden beýan edýär. Döwlet Baştutanymyz dana pederlerimiziň beýik parasadyndan ugur alyp, bir halkyň ýa-da ýurduň bagtyýarlygynyň ýeterlik däldigini, onuň ähli halklaryň, döwletleriň bagtyýar ýaşaýşyny öz içine almalydygyny tekrarlaýar we özüniň «Türkmeniň döwletlilik ýörelgesi» atly kitabynda bu hakynda: «Türkmenistan bitewülik ýörelgelerine ynsanperwerligiň nukdaýnazaryndan baha berýär we onuň umumy esaslaryny pugtalandyrmak ugrunda öňe hereket etmäge çalyşýar. Munuň özi umumadamzat bähbitli tagallalarymyzda öz beýanyny tapýar» diýen paýhasly jümleleri getirýär.

26 Maý 2021

Bitaraplyk

Göz guwanjym — Aşgabat!

Hormatly Prezidentimiziň jöwher paýhasy we egsilmez yhlasy bilen bina bolan ak şäherimiz Aşgabadyň esaslandyrylmagynyň 140 ýyllygyna bagyşlanyp geçirilen baýramçylyk dabaralary ýurdumyzyň ähli künjeklerinde şatlyk-şowhuna beslendi. Gadymy Köneürgenç topragynda hem ýaşuly nesliň wekilleriniň we ýaşlaryň gatnaşmaklarynda guralan şeýle baýramçylyk dabaralary Gahryman Arkadagymyzyň ýakynda halkymyza peşgeş beren «Ak şäherim Aşgabat» atly kitabyndaky dürdäne jümleler bilen utgaşyp gitdi. Çäreleriň dowamynda hormatly Prezidentimiziň bu ajaýyp kitabynda ýerleşdirilen bölümlerden çeper okaýyşlar hem guraldy. Çäräniň ahyrynda dabara gatnaşanlar mähriban Arkadagymyzyň «Ak şäherim Aşgabat» atly goşgusyna döredilen aýdymy uly ruhubelentlik bilen diňlediler.

26 Maý 2021

Garaşsyzlyk

Türkmeniň ak öýi

Özüniň maddy we ruhy gymmatlyklary bilen dünýä medeniýetine ägirt uly goşant goşan türkmen halkynyň binagärlik sungatynyň milli aýratynlyklary dünýäniň dürli ýurtlarynyň alymlarynyň ünsüni özüne çekýär. Aýratyn hem, milli buýsanjymyz bolan türkmeniň ak öýi alymlarda uly gyzyklanma döredýär. Bu tema degişli has irki ýazylan işleriň esasy bölegi russiýaly we günbatar ýewropaly ýazarlaryň paýyna düşýär. ХIХ asyryň birinji ýarymynda türkmen topragynda bolup gören bu ýazarlar halkymyzyň durmuşy barada, şol sanda olaryň ýaşaýyş jaýlary hakynda köp maglumatlary ýazyp galdyrypdyrlar. 1831-nji ýylda iňlis syýahatçysy K.Borns, 1836-njy ýylda russiýaly barlagçylar G.I.Karelin we I.Blaramberg ýaly ýazarlar özleriniň birnäçe işlerinde türkmenleriň ýaşaýyş jaýlary barada gymmatly maglumatlary beýan edýärler. N.Murawýow, M.Galkin we ş.m. onlarça ýazarlary hem şu topragyň taryhy we milli aýratynlyklary bilen içgin gyzyklananlara degişli etmek bolar. Olaryň ýazgylarynda esasy üns, türkmeniň ak öýüniň gurluş aýratynlyklaryna gönükdirilipdir. Sebäbi bu döwür ak öýler türkmenleriň arasynda iň ýörgünli ulanylýan ýaşaýyş jaýy bolupdyr. Halkyň ykdysady we durmuş şertleri bilen düşündirilýän bu ýagdaý ýokarky ýazarlaryň işlerinde hem öz beýanyny tapypdyr. Meselem: I.Blarambergiň işlerinde türkmeniň ak öýüniň örän göze gelüwli we arassa bolýandygy, olaryň halylar, keçeler, haly horjunlary bilen bezelý

26 Maý 2021

Miras

Türkmeniň zähmetsöýerlik ýörelgesi

Hormatly Prezidentimiziň «Türkmeniň döwletlilik ýörelgesi» atly ajaýyp kitaby il-ýurt bähbitli işleri amala aşyrmakda, nesillerde ruhubelentlik, ynsanperwerlik, watanperwerlik, belent adamkärçilik, kiçigöwünlilik, zähmetsöýerlik, halallyk, sadalyk ýaly häsiýetleri kemala getirmekde, olarda ýagşy gylyklary terbiýelemekde möhüm ähmiýeti bolan gymmatly çeşmedir. Halkymyzyň asyrlaryň jümmüşine uzaýan taryhynda bolup geçen bimöçber wakalary seljermek, ilik-düwme öwrenmek, derňemek, akyl terezisinde ölçäp, olardan parasatly baş çykarmak, şol wakalaryň esasynda halkyň ruhy ösüş ýoluny yzarlamak, heniz görlüp-eşidilmedik täze çylşyrymly dünýä akyl ýetirmek, düýne şu günüň nazaryýeti bilen seredip, geljege göz ýetirmek almaz deýin ýiti zehin, akyl-paýhas, erk, ýan bermeýän ruhy hem fiziki güýç-gaýrat talap edýär. Milli ýörelgelerimiziň arasynda halkymyzyň zähmetsöýerlik ýörelgesi ynsanyň fiziki we ruhy gözelligini döredýän ýörelge bolup durýar. Bu ýörelge, ynsan ýaşaýşynyň mazmunyny, iň gözel häsiýetlerini, tebigy dünýäsini, durmuşa garaýşyny, il-güne, ene topraga gatnaşygyny kemala getirýän ýörelge. Çünki Gahryman Arkadagymyzyň belleýşi ýaly, zähmetsöýerlik — gaýratlylygyň gözbaşy. Gaýratlylyk bolsa hemişe halal baýlygyň gözleginde. Halal zähmet bilen gazanylan baýlyk ruhy baýlyk bilen utgaşanda hakyky, manyly, eşretli durmuş emele gelýär. Hormatly Prezidentimiziň «Türkmeniň döwletlil

26 Maý 2021

Edebiýat

«Arçman» şypahanasy

«Türkmenistan — parahatçylygyň we ynanyşmagyň Watany» ýyly barha uly rowaçlyklara beslenip, mukaddes Garaşsyzlygymyzyň şanly 30 ýyllygynyň dabaralary garaşsyzlyk ýyllary içinde ösüş ýolumyzda ýetilen belent sepgitleri bilen dünýä dolýar. Şan-şöhratly ösüşlere baý Berkarar döwletimiziň bagtyýarlyk döwründe raýatlarymyzyň saglygyny goramak hem esasy wezipeleriň biri bolup durýar. Bu babatda şypahanalar saglygy goraýyş ulgamynyň möhüm pudaklarynyň biridir. Ýurdumyzda ýerleşýän şypahanalar bejerijilik, saglygy dikeldiş ähmiýeti boýunça halkyň arasynda uly abraýdan peýdalanýarlar. Şeýle şypahanalaryň biri bolan «Arçman» şypahanasy Ahal welaýatynyň Bäherden etrabynyň çäginde, Aşgabat şäherinden günbatarda 130 kilometr uzaklykda, Köpetdagyň Degirmendag diýen ýeriniň eteginde, deňiz derejesinden 157 metr belentlikde ýerleşýär. 2009-njy ýylda hormatly Prezidentimiz bu şypahananyň 420 orunlyk täze binasyny, 28 wannadan ybarat bolan goşmaça melhem suwlar bilen bejeriş merkezini dabaraly ýagdaýda açyp berdi. Şypahana döwrebap enjamlar bilen üpjün edilip, ol ýerde raýatlara ýokary hilli şypahana hyzmatlaryny hödürlemek üçin ähli şertler döredildi. Täze bina Arçmanda ozal hereket edýän 2 sany 5 gatly, 500 orunlyk binanyň üstüni ýetirdi we jemi 920 orunlyk döwrebap şypahana öwrüldi. Şypahanadaky ilata hyzmat edýän 48 wannanyň üstüne täze 28 wanna goşulyp, jemi 76 wanna boldy.

26 Maý 2021

Saglyk

Garaşsyzlyk toýun toýlaýar Watan

Otuz ýylyň juda şirin sazy bar,Garaşsyzlyk toýun toýlaýar Watan.Dost-doganlar bolup baky bagta ýar,Garaşsyzlyk toýun toýlaýar Watan. Dillermizde köňlüň ajap senasy,Berkdir, synmaz Garaşsyzlyk binasy,Zer-zerewşan, egninde toý lybasy,Garaşsyzlyk toýun toýlaýar Watan.

26 Maý 2021

Edebiýat

Türkmenistan bagtyýarlygyň Watany

Gahryman Arkadagymyzyň parasatly baştutanlygynda eziz Watanymyz parahatçylygyň, agzybirligiň, dost-doganlygyň, gülleýän bagtyýarlygyň ýurduna öwrüldi. Mukaddes Garaşsyzlygymyzyň 30 ýyllyk, gözel paýtagtymyz Aşgabadyň esaslandyrylmagynyň 140 ýyllyk şanly toýlaryna barýan günlerimizde 17-nji maýda hormatly Prezidentimiz Gurbanguly Berdimuhamedowyň we ýurdumyza sapar bilen gelen Russiýa Federasiýasynyň Tatarystan Respublikasynyň Prezidenti Rustam Minnihanowyň arasynda gepleşikleriň geçirilmegi, 18-nji maýda döwlet Baştutanymyzyň gatnaşmagynda Türkmenistanyň Konstitusiýasynyň we Türkmenistanyň Döwlet baýdagynyň gününiň ýokary ruhubelentlik bilen giňden hem-de ýatdagalyjy pursatlara beslenmegi toý-baýramlarymyzyň şatlygyny has-da artdyrdy. Milli Liderimiz Tatarystanyň Baştutanyny myhmansöýer türkmen topragynda görýändigine şatdygyny aýdyp, Türkmenistan bilen Russiýa Federasiýasynyň arasynda ýola goýlan döwletara gatnaşyklaryň çäklerinde üstünlikli ösdürilýän ikitaraplaýyn hyzmatdaşlygyň netijeli häsiýete eýedigini kanagatlanma bilen belledi. Döwlet Baştutanymyzyň nygtaýşy ýaly, ýurdumyzy Tatarystan Respublikasy bilen özara bähbitli hyzmatdaşlyk ýörelgelerine, şeýle hem türkmen we tatar halklarynyň taryhy taýdan kemala gelen medeni, ruhy umumylygyna esaslanan dostlukly gatnaşyklar baglanyşdyrýar. Ýeri gelende aýtsak, ýakynda Ýewraziýa hökümetara geňeşiniň mejlisine g

19 Maý 2021

Syýasat

Bagy-bossan — eziz Diýar

Tebigat bilen sazlaşykly ýaşamak bagtyýarlykdan nyşandyr. Hormatly Prezidentimiziň sözleri bilen aýtsak, adam hem-de adamlar üçin iň ýokary derejeli gymmatlyk zeminiň abatlygydyr, sagdyn durmuşda, eşretiň hözirini görüp ýaşamakdyr. Aşgabady etekläp oturan Garagum sähramyz bolsa gülläp ösen ýaşaýşyň şaýadydyr, Taňrydan ýalkawly mekandyr! Tebigat — biziň mähriban öýümiz. Şonuň üçin Watanymyzyň ähli künjeklerini, şol sanda ýurdumyzyň paýtagtyny gülläp ösýän bagy-bossanlyga öwürmekde döwlet Baştutanymyzyň başlangyjy boýunça her ýyl geçirilýän ählihalk bag ekmek çäresine uly orun berilýär. «Biziň ata-babalarymyz mähriban topragymyzyň gözelligine sarpa goýmagy, ony aýawly saklamagy hem-de artdyrmagy başarypdyrlar. Bu ajaýyp däp-dessurlary dowam etdirmek bolsa biziň mukaddes borjumyzdyr» diýip, hormatly Arkadagymyz nygtaýar. Ýurdumyzyň dürli künjeklerinde tokaý zolaklaryny döretmek, seýilgähleriň çäklerini giňeltmek baradaky oňyn başlangyçlar halkymyz tarapyndan giň goldawa eýe bolýar. Şunuň bilen baglylykda, ýurdumyzda köpçülikleýin bag nahallaryny oturtmak dabarasy indi asylly däbe öwrüldi. Şunuň ýaly çäreler umumy wajyp işe dahylly bolmak isleýän adamlary ýakynlaşdyrýar. Daşky gurşawa aýawly çemeleşmek Türkmenistanyň döwlet syýasatynyň ileri tutulýan ugrudyr. Ýurdumyzda adamlaryň abadan ýaşaýşynyň möhüm bölekleriniň biri bolup durýan, Birleşen Milletler Guramasy tara

19 Maý 2021

Garaşsyzlyk

AK nur bolup lowurdaýar Aşgabat

Ady asyrlaryň jümmüşine uzap gidýän Türkmenistanyň paýtagty Aşgabat şäheri türkmen halkynyň kalbynda mermer şäher hökmünde orun aldy, iň bir ajaýyp nusga öwrüldi. Berkarar döwletimiziň bagtyýarlyk döwrüniň ajaýyp görke giren ak mermerli gözel Aşgabat, maddy we ruhy medeniýetiň beýik-beýik ýadygärliklerinde geçmişiň ýaňy ýaňlanýan gadymy türkmen topragynyň hakykatda gaýtadan galkynmagynyň äşgär nyşanyna öwrüldi. Parahatçylygy söýüji Bitaraplyk syýasatynyň nusgasyna öwrülen Aşgabat şäheri dünýäde ösen binagärlik keşbi, täzelikleri ornaşdyryjy, täze başlangyçlar bilen çykyş edýän deňli-derejeli şäher hökmünde özüni tanadýar. Türkmen paýtagtynda geçirilýän ýokary derejedäki duşuşyklara, halkara maslahatlara dünýä jemgyýetçiligi uly gyzyklanma bildirýär. Hormatly Prezidentimiziň pähim-paýhasyndan gülläp ösýän, bu gün sebitde parahatçylyk dörediji merkeze, halkara ylmy-amaly maslahatlaryň geçirilýän ýerine öwrülen ak şäherimiz Aşgabat biziň buýsanjymyz. Ol özüniň ajaýypdygy, tämizdigi, arassadygy, suw çüwdürimlerine baýdygy bilen göreni özüne maýyl edýär. Gök öwsüp oturan baglara, ter güllere beslenip, göwünleri galkyndyrýar. Paýtagtymyzyň merkezinde gurlan «Ak şäherim Aşgabat» binasy bolsa türkmeniň ruhunyň belentligini, döwletiniň berkararlygyny, halkymyzyň paýtagt şäherine bolan söýgüsini beýan edip, alyslardan öwşün atýar. Ýaşyl baglaryň gurşawynda ýerleşen bu ajaýyp desgadan göt

19 Maý 2021

Garaşsyzlyk

Şöhratym, şanym Aşgabat!

Hormatly Prezidentimiziň taýsyz tagallalary bilen halkara guramalar tarapyndan gyzgyn goldanylýan beýik başlangyçlaryň durmuşa ornaşdyrylyşynyň many-mazmuny, ähmiýeti paýtagtymyz Aşgabadyň çalt depginli ösüşlerinde aýdyň duýulýar. Çünki uzak möhletleýin geljegi nazarda tutup, ýurdumyzyň baş şäherini ösdürmek milli Liderimiziň başyny başlan täze şähergurluşyk syýasatynyň möhüm ugurlarynyň biridir. Paýtagtymyzyň häzirki zaman keşbinde Watanymyzyň durmuş-ykdysady taýdan okgunly ösüşi, onuň köpugurly mümkinçilikleri, halkymyzyň baý taryhy we medeni däpleri öz beýanyny tapýar. Bu günki günde Aşgabat — ösen senagatlaşan şäher bolmak bilen, durnukly ösüşiň, asudalygyň, parahatçylygyň we gaýtalanmajak gözelligiň özboluşly mekanyna öwrüldi. Adatça, paýtagt — ýurduň ýüregi, döwletiň ýüzi hasaplanylýar. Islendik döwletiň durmuş-ykdysady, medeni-ynsanperwer ugurlardaky derejesine göz ýetirjek bolsaň, şol ýurduň paýtagtynyň keşbine nazar aýlaýmaly. Onuň keşbinde halkyň dünýä siwilizasiýasyna goşan goşandyny, bagtyýar durmuşyny, aýdyň geljegini görmek bolýar. Şeýlelikde, Aşgabat şäheri — Garaşsyz, hemişelik Bitarap Türkmenistan döwletiniň ak mermerli paýtagty, Merkezi Aziýanyň merjen şäheri we şol bir wagtyň özünde-de ýurduň iri administratiw-syýasy, ulag, söwda we ylmy-medeni merkezi hasaplanylýar.

19 Maý 2021

Garaşsyzlyk