Türkmenmetbugat

Her gymmatly eseriňiz, zamanaň bagty, Arkadag!

Ata-babalarymyzdan gelýän milli ýörelgelerimize pugta uýýan halkymyz toýa sowgatly barmak däbini döwletliligiň nyşany hasaplaýar. Ine, hormatly Prezidentimiziň «Ak şäherim Aşgabat» atly täze kitaby gözel paýtagtymyzyň döredilmeginiň şanly 140 ýyllyk toýuna ajaýyp baýramçylyk sowgady boldy. Täze kitap bagtyýarlyga beslenip ýaşaýan halkymyz, aýratyn-da, Garaşsyz, hemişelik Bitarap ýurdumyzy gözüniň göreji deýin ezizleýän Watan goragçylarymyz tarapyndan gyzgyn garşylanyldy. Öňňin bolsa Türkmenistanyň Goranmak ministrliginiň Merkezi serkerdeler öýünde hormatly Belent Serkerdebaşymyzyň «Ak şäherim Aşgabat» atly täze kitabynyň tanyşdyrylyş dabarasy geçirildi. Dabara ýurdumyzyň harby we hukuk goraýjy edaralarynyň ýolbaşçylary, harby gullukçylary, işgärleri, jemgyýetçilik guramalarynyň ýolbaşçylary hem-de köpçülikleýin habar beriş serişdeleriniň wekilleri gatnaşdylar. Dabaranyň başlanmagynyň öňüsyrasynda oňa gatnaşyjylar Merkezi serkerdeler öýünde guralan sergä tomaşa etdiler. Sergide gözel paýtagtymyzyň waspyny ýetirýän bezeg diwarlyklaryna, heýkeldir nakgaşçylyk işlerine, şeýle hem hormatly Prezidentimiziň halkymyza peşgeş beren ajaýyp kitaplaryna aýratyn orun berildi.

12 Maý 2021

Syýasat

Ýeňişli günleriň ýalkymy

1941 — 1945-nji ýyllaryň Beýik Watançylyk urşunda gazanylan Ýeňşiň 76 ýyllygy bagtyýarlyk döwrümizde ata-babalarymyzyň mertlik-merdanalyk mekdebi bolup, ýaş nesilleriň kalbynda orun aldy. Watançy esgerler mukaddes topragymyzyň Garaşsyzlygy we halkymyzyň bagtyýarlygy ugrunda deňsiz-taýsyz edermenlik görkezdiler. Şeýle gahrymançylykly söweş alyp baran edermen türkmen ýigitleriniň gazanan Beýik Ýeňşi taryhda öçmejek yz galdyrdy. Hormatly Prezidentimiziň çözgüdine laýyklykda, söweş meýdanlarynda gahrymanlyk görkezip, Watanymyza Ýeňiş bilen dolanyp gelen, häzirki wagtda aramyzda nusgalyk mekdep bolup ýaşap ýören uruş weteranlarymyza, şeýle-de urşuň yzynda ýar ojagyny wepadarlyk bilen saklap oturan kümüş saçly enelerimize pul we gymmatbahaly sowgatlar gowşurylýar. Bu çäreleriň uruş weteranlarymyzyň öý-ojaklaryna baryp geçirilmegi bolsa, olaryň göwünlerini galkyndyrýar. Harby gullukçylarymyz, jemgyýetçilik guramalarynyň, etrap we şäher häkimlikleriniň wekilleri uruş weteranlarynyň öýlerinde myhmançylykda boldular we olara hormatly Prezidentimiziň adyndan sowgatlar hem-de ter gül çemenleri gowşuryldy. Uruş weteranlarynyň maşgala ojaklarynda myhmançylykda bolan aýdym-saz toparlary bolsa, şöhratly sazlary çalyp, Beýik Ýeňşi, gahrymançylygy, ata Watany wasp edýän, parahatçylyga we dost-doganlyga çagyryjy şirin aýdymlary ýerine ýetirdiler. Ol aýdymdyr sazlar bolsa goja weteranlary söweş p

12 Maý 2021

Jemgyýet

Döwletiň kanuny — ýurduň berkararlygy

Ýyllary ýyllardan zyýada Türkmenistan döwletimiziň her bir gününiň toýdur baýramlara, şanly senelere beslenip gelmegi ýurdumyzyň bagtyýar raýatlarynyň watansöýüjilik duýgusyny has-da ýokarlandyrýar. Hormatly Prezidentimiziň parasatly syýasatynyň netijesinde özüniň Garaşsyzlygyna we baky Bitaraplygyna buýsanýan halkymyz bagtyýar günleriň hözirini görýär. Her ýylyň maý aýynda ýokary ruhubelentlikde bellenilýän Türkmenistanyň Konstitusiýasynyň we Türkmenistanyň Döwlet baýdagynyň güni hem türkmen halkynyň agzybirligini dünýä ýaýýan seneleriň biridir. Milli senenamamyzda möhüm orun eýeleýän bu şanly sene mynasybetli, Aşgabat şäherinde ýerleşýän Konstitusiýa binasyna we Baş baýdak sütünine watandaşlarymyzyň gatnaşmagynda ýylyň-ýylyna gül goýmak dabarasy geçirilýär. Munuň özi Garaşsyz Watanymyzyň Konstitusiýasyna we Döwlet baýdagyna bolan beýik buýsanjy hem-de hormaty alamatlandyrýar.

12 Maý 2021

Jemgyýet

Kämil hukuk binýady

Türkmenistanyň Döwlet serhet gullugynyň ähli harby bölümlerinde bolşy ýaly, golaýda onuň Merkezi edarasynda hem «Kämil hukuk binýady — Watanymyzyň kuwwaty» ady bilen maslahat geçirildi. Maslahata gullugymyzyň harby gullukçylary, Türkmenistanyň Milli Geňeşiniň Mejlisiniň Halkara we parlamentara aragatnaşyklar baradaky komitetiniň agzasy Kerimguly Geldiýew, şeýle-de Türkmenistanyň Kärdeşler arkalaşyklarynyň Milli merkeziniň wekili Begenç Baýramow dagy gatnaşdylar. Çykyş edenler ýurdumyzda amala aşyrylan taryhy waka — Mejlis hem-de Halk Maslahaty diýip atlandyrylýan iki palatany özünde birleşdirýän Türkmenistanyň Milli Geňeşiniň döredilmegi barada täsirli hem buýsançly gürrüň etdiler. Serdar HUDAÝBERDIÝEW,uly leýtenant.

12 Maý 2021

Jemgyýet

Bilim ulgamy ösüş ýolunda

Hakdan halatly, köňli sahawatly hormatly Prezidentimiziň parasatly baştutanlygynda ak ertirleri nazarlap, ynamly öňe barýan berkarar döwletimiziň her bir güni şanly wakalara beslenýär. Jemgyýetiň ruhy medeniýetiniň esasyny düzýän bilimiň hilini ýokarlandyrmak işini maksadalaýyk guramakda maddy-enjamlaýyn binýadyň döredilmegi häzirki zaman bilim syýasatynyň esasy ugurlarynyň biridir. Häzirki wagtda ýaşlaryň döwrebap bilim almaklary, bilim ulgamynyň has-da kämilleşdirilmegi üçin internet ulgamyna birikdirilen, interaktiw usullary ornaşdyrylan binalaryň sany has-da artýar. Berilýän bilimiň dünýä ülňülerine doly laýyk getirilmegi, döwrebaplaşdyrylmagy, ylymda, bilimde gazanylan soňky ösüşlerden ýaşlaryň habarly bolmaklary ugrunda ägirt uly işler durmuşa geçirilýär. Bilim ulgamyny döwrebaplaşdyrmagyň esasy maksady — adamzat ýaşaýşynyň aň-düşünjesini häzirki zamanyň ösen talaplaryna kybapdaş dowam etdirmekden, onuň geçmiş mirasyny we häzirki wagtdaky gazananlaryny dolulygy bilen geljekki nesillere ýetirmekden ybaratdyr. Kämil nesli kemala getirmek bilim ulgamynyň öňünde durýan iň wajyp wezipeleriň biridir.

12 Maý 2021

Bilim

Baýramçylyga bagyşlanan hepdelik

1941 — 1945-nji ýyllaryň Beýik Watançylyk urşunda gazanylan Ýeňşiň 76 ýyllygy mynasybetli TGM-niň maýor Muhammet Baýryýewiň müdirlik edýän Soltan Sanjar adyndaky Ýöriteleşdirilen harby mekdebinde «Hiç zat ýatdan çykanok, hiç kim unudylanok» atly hepdelik geçirildi. Hepdeligiň dowamynda welaýatyň Taryhy we ülkäni öwreniş muzeýiniň işgärleri uruş döwrüne degişli gymmatlyklaryň sergisini hem guradylar. Sergidäki muzeý gymmatlyklary, aýratyn hem harby eginbaşlar harby okuwçylaryň watançylyk duýgularyny ösdürmäge uly goşant goşdy.

12 Maý 2021

Garaşsyzlyk

Peder mertebesi — ömrümiň nury

Mähriban kyblamyň ömür ýoly — maňa nusgalyk ýol, onuň asylly beýik ahlak sypatlary meniň idealym, meniň durmuş uniwersitetim. Türkmenistanyň Prezidenti Gurbanguly BERDIMUHAMEDOW.

12 Maý 2021

Jemgyýet

Hemişelik Bitaraplyk – asudalygyň girewi

Türkmenistanyň halkara giňişliginde ädýän her bir ädimi, onuň dünýäde parahatçylygy, howpsuzlygy, durnuklylygy we ösüşi üpjün etmäge gönükdirilen hemişelik Bitaraplyk hukuk ýagdaýynyň wajyp ýörelgelerine esaslanýan daşary syýasaty Ýer ýüzüniň ähli künjeklerinde giň goldawa mynasyp bolýar. Bitaraplyk — bu özara ynanyşmagyň guralydyr. Munuň özi ylalaşdyryjy hökmünde çykyş etmek üçin ajaýyp mümkinçilikdir. Türkmenistanyň hemişelik Bitaraplygy mazmuny boýunça halkara hukugynyň umumy ykrar edilen kadalaryna eýermek bilen, jedelleri parahatçylykly ýollar arkaly çözmek, döwletara hyzmatdaşlyk, deňhukuklylyk, çäk bitewülik we adam hukuklaryna hormat goýmak ýaly ýörelgelerine esaslanýar. Türkmenistan döwletiniň ylalaşdyryjy merkez hökmündäki orny ählumumy ykrarnama we ynama eýe bolýar. Biziň döwletimiz parahatçylygy we howpsuzlygy üpjün etmekde Birleşen Milletler Guramasyna işjeň ýardam berýär. Ýurdumyzyň netijeli öňüni alyş çäreleri bolsa bähbitleriň ýakynlaşmagyny, Merkezi Aziýanyň ýurtlarynyň we halklarynyň arasynda özara düşünişmek ýagdaýynyň berkidilmegini üpjün edýär. Türkmenistanyň goňşy Owganystan Yslam Respublikasyna hemmetaraplaýyn ýardam we goldaw bermek babatda edýän tagallalary nusga alarlykdyr. Ýurdumyz ählumumy parahatçylygy hem-de howpsuzlygy saklamaga, ähli halklaryň ykdysady we durmuş taýdan ösmegini üpjün etmäge hemmetaraplaýyn ýardam berýär.

12 Maý 2021

Syýasat

Tebigatyň ajaýyplyklaryny goralyň!

Türkmen tebigatynyň gözelligi, onuň gül-gülälekli sähralary, müňýyllyklaryň şaýady bolup oturan daglary, çeşme-çaýlary, dürli dermanlyk otlarydyr ösümlikleri, haýwanat dünýäsi göreni haýrana goýýar. Ol gözellikleri synlap, kalbyň heýjana gelýär. Bu mukaddes toprakda hormatly Prezidentimiziň döredip beren ajaýyp zamanasynda ýaşap, zähmet çekýändigiňe buýsanjyň artýar. Tebigatyň ylahy gözellikleri mydama goralmalydyr. Tebigatyň täsinliklerini goramak, ony aýawly saklamak biziň her birimiz üçin uly borçdur. Berkarar döwletimiziň bagtyýarlyk döwründe ekologiýa we daşky gurşawy goramak meselesi ýurdumyzyň döwlet syýasatynyň ileri tutulýan möhüm ugurlarynyň birine öwrüldi. Tebigat bilen jemgyýetiň arasyndaky sazlaşygy, tebigatyň köpdürlüligini saklamak Türkmenistanyň uzakmöhletleýin ekologiýa maksatnamasynyň baş maksady bolup durýar. Döwlet Baştutanymyzyň başlangyjy esasynda, ýurdumyzy bagy-bossanlyga öwürmek we onuň gözelligini has-da baýlaşdyrmak maksady bilen, ählihalk bag ekmek dabaralary yzygiderli geçirilip, agaç nahallaryny oturtmak ýurdumyzda asylly däbe öwrüldi. Bu işe ähli halkymyzyň agzybirlikde gatnaşmagy bolsa, bir maksada uýup ýaşamakdan, jebislikden nyşandyr.

12 Maý 2021

Tebigat

Berzeňňiniň melhem çeşmesi

Aşgabat şäheriniň günortasynda ýerleşen melhemler mekanyna ýakynlaşyp barýarkaň onuň bedeniňe edýän oňyn täsirini duýýarsyň. Şypahananyň alyslardan görünýän kaşaň binasy keýpiňi göterse, içeri gireniňde garşy alýan ak ýektaýly lukmanlaryň hoşamaý sözleri bu ýerde şypa tapjagyňa uly ynam döredýär. Şeýle psihologiki täsire gurşalyp, Kardiologiýa ylmy-kliniki merkezli hassahananyň «Berzeňňi» ylmy şypahana bölüminiň ýerleşen binasynyň bosagasyndan ätleýän her bir adam oňat dynç almagy, bedenini dürli kesellerden saplamagy, immunitetini berkitmegi maksat edinýär. Şypahanada olaryň bu talaplaryny ýerine ýetirmek üçin ähli tagallalar edilýär.

12 Maý 2021

Saglyk

Watan

Bürgüt belentligne galyp käteler,Synlamda Watanmyň oba-kentlerin.Joşgunly Jeýhunyň tolkuny ýaly,Dyňzap gelýär setirlerim, bentlerim. Taryh çuňlugyna edip syýahat,Buýsanýaryn eždat, pederlerime.Dünýäň çar künjüne höküm ýöreden,Atlanyp ýyldyrym bedewlerine.

12 Maý 2021

Edebiýat

Ýürekde galan syr (hekaýa)

Orazgeldi aga obanyň iň sylanýan ýaşulusy. Ol geçen asyryň 1941 — 1945-nji ýyllarynyň urşuna gatnaşan hormatly weteran. Togsan ýaşdan agan bu goja, uly bir agzybir, döwletli maşgalanyň eýesi. Ýaşulynyň dokuzy düzüw, ogul ýerinde ogly, gyz ýerinde gyzy bar. Agtyk-çowluk, ýuwlugy hem ýetik. Gojanyň ýüreginde hiç hili gam-gussasy, armany ýok ýaly. Emma onuň bilen ýakyndan gatnaşýan adamlar bilen gürleşseň, esasan hem, ondan bir müçe kiçi-de bolsa, deň-duş ýaly gatnaşýan Esen agany gürletseň, Orazgeldi aga uruşdan dolanyp geleni bäri özüni birhili müýnli saýyp ýörenmiş. Bu müýnüň sebäbini welin, onuň özünden başga bilýän ýok. Ýöne il içinde synçyrak adamlar bolýar. Ine, Kerim ussa şeýleräk adam. Ol känbir gürleýänem däldir welin, synlap oturan adamsynyň özüni alyp barşyndan, hereketinden, onuň nähili adamdygyny ýalňyşsyz aňyp oturandyr. Kerim ussanyň synçy nazaryndan Orazgeldi aga-da sypmandy. Birnäçe jeňlere gatnaşan Orazgeldi aganyň obada urşa gidip dolanyp gelmedik Atageldi aganyň aýaly Näzik ejäni, onuň ýekeje ogly Nazary görse, öz janyna jaý tapman, bahym yzyna dolanýanyny aňypdyr. Bu näme üçin beýlekä?! Munuň bir emmasy-ha bolmaly. Ýaşlar känbir üns bermeseler-de, ýaşulular gürrüň gyzanda, şol «emmany» biljek bolup, jan edýärdiler. Ýöne ol syryň entekler ýumagy çöşlenerli däldi. Ine, günleriň birinde bolsa, köpleri gyzyklandyrýan şol syr äşgär boldy. Ol syryň açylmagynyň sebä

12 Maý 2021

Edebiýat

Obasenagat toplumynyň ösüşleri hususy ulgam bilen has-da berkidilýär

4-nji maýda hormatly Prezidentimiz Ahal welaýatyna iş saparyny amala aşyryp, «Miwe» açyk paýdarlar jemgyýetiniň önümçilik işi hem-de onuň inžener-tehniki düzümleriniň desgalary bilen tanyşdy. Eziz Arkadagymyz obasenagat toplumynda suwdan rejeli peýdalanmak we tutuş suw hojalyk ulgamyna degişli meselelere aýratyn üns berdi. Milli Liderimiziň parasatly baştutanlygynda halkymyzyň durmuş derejesini yzygiderli ýokarlandyrmak we abadançylygyny üpjün etmek ýurdumyzyň döwlet syýasatynyň ileri tutulýan ugry bolup durýar. Mukaddes Garaşsyzlygymyzyň 30 ýyllyk, gözel paýtagtymyz Aşgabadyň 140 ýyllyk şanly toýlaryna barýan mähriban halkymyzyň ýaşaýyş-durmuş derejesini has-da ýokarlandyrmakda maksatnamalaýyn işler alnyp barylýar. Şonuň esasynda obasenagat toplumyny hemmetaraplaýyn ösdürmek hem-de onuň kuwwatlylygyny netijeli peýdalanmak döwlet Baştutanymyzyň parasatly baştutanlygynda ýurdumyzyň durmuşa geçirýän ykdysady strategiýasynyň ileri tutulýan ugurlarynyň biridir. Şol strategiýa bolsa halk hojalygynyň ähli pudaklaryny özgertmäge we döwrebaplaşdyrmaga gönükdirilendir. Obasenagat ulgamynda ýaýbaňlandyrylan giň gerimli özgertmeler ony diwersifikasiýa ýoly bilen ösdürmäge, sanly tehnologiýalary giňden ornaşdyrmaga, dürli görnüşli, ýokary hilli oba hojalyk önümleriniň öndürilýän möçberini artdyrmaga ýardam edýär.

5 Maý 2021

Garaşsyzlyk

Baky mizemez dost-doganlyk ýörelgesi

Milli Liderimiziň belleýşi ýaly, asyrlaryň jümmüşinden gözbaş alýan türkmen-özbek gatnaşyklary hakyky dost-doganlyk hem-de ata-babalarymyzyň parasatly wesýetlerini dowam etdirýän halklaryň köpasyrlyk hoşniýetli goňşuçylyk däplerine daýanýar. Munuň şeýledigini şu ýylyň 29-njy aprelinde hormatly Arkadagymyzyň Gypjakda ýerleşýän Baş metjitde beren agzaçar sadakasynda ýene bir gezek aýdyň ýüze çykdy. Oňa paýtagtymyza gelen Özbegistan Respublikasynyň Prezidenti Şawkat Mirziýoýew hem gatnaşdy. Ýokary mertebeli myhman agzaçar sadakasynda sözlän sözünde: «Özbek we türkmen halklary gadymdan birek-birege egindeş bolup, dostlukly ýaşap gelýärler» diýdi. Hormatly Prezidentimiziň yglan eden «Açyk gapylar» syýasaty Garaşsyz, baky Bitarap Türkmenistan döwletini dünýä halklaryna dostlukly nazaryny aýlap, olary parahatçylygyň, hoşniýetliligiň ak ýoluna çagyrýan merkeze öwürdi. Beýleki bir tarapdan, ata-babalarymyzdan galan ynsanperwerlik, adalatlylyk, abadanlyk, agzybirlik, dost-doganlyk, bitewülik düşünjelerine hemişe ygrarlydygyny mälim etdi. Häzirki döwürde jemgyýetiň ruhy sagdynlygyny we ahlak taýdan kämilligini üpjün etmek, taryhy-medeni mirasa sarpa goýmak, ata-babalarymyzyň hem-de tutuş adamzadyň nesilden-nesle geçirilip gelinýän däplerini ösdürmek, gyzyklanma bildirilýän taraplaryň ählisi bilen dostlukly gatnaşyklary pugtalandyrmak milli Liderimiziň parasatly baştutanlygynda amala aşyry

5 Maý 2021

Garaşsyzlyk

Watan goragçysy — hormat eýesi

«Ýaş nesillerimiziň sagdyn we hemmetaraplaýyn sazlaşykly ösüşini, häzirki zaman bilimlerini ele almagyny, watançylyk ruhunda terbiýelenmegini üpjün etmek biziň baş maksadymyz bolup durýar» diýip, «Türkmenistan — parahatçylygyň we ynanyşmagyň Watany» ýylynyň 25-nji fewralynda hormatly Prezidentimiz ýurdumyzyň deputatlar düzümi bilen geçiren duşuşygynda belläp geçdi. Şunlukda, Berkarar döwletimiziň bagtyýarlyk döwründe Gahryman Arkadagymyzyň parasatly baştutanlygynda bilim ulgamynyň döwlet syýasatynyň esasy ugruna öwrülendigini buýsanç bilen aýdyp bileris. Garaşsyz, hemişelik Bitarap Watanymyzda ýaşlaryň ylymly-bilimli bolup ýetişmeklerini gazanmak we durmuşda öz mynasyp orunlaryny tapmaklary üçin ýurdumyzda milli Liderimiziň tagallalary netijesinde ähli şertler we mümkinçilikler döredilýär. Ösen tehnologiýalar zamanasy bolan XXI asyrda döwrüň talaplaryndan ugur almak bilen, ýurdumyzda täze ýokary okuw mekdepleri açylyp ulanylmaga berilýär. Dünýä ülňülerine laýyk gelýän, häzirki zamanyň ösen tehnologiýalary bilen üpjün edilen täze okuw binalary gurulýar. Öňden dowam edip gelýän okuw maksatnamalaryna täze — döwrebap hünärler girizilýär. Bular bolsa ýokary bilim alýan talyp ýaşlaryň öz saýlap alan hünärleriniň ussady bolup ýetişmeklerine ýardam edýär. Netijede bolsa, Watanymyzyň geljegi bolan ýaşlar dünýäniň öňdebaryjy tehnologiýalaryndan oňat baş çykýan hünärmenler bolup ýetişýär

5 Maý 2021

Bilim

Gözüm peder giden ýolda...

Watanyň gahryman ogullary barada ýazylan eserleri okanymyzda, olaryň edermenligi, mertligi, batyrlygy hakynda düşürilen kinofilmleri görenimizde, uruş weteranlarymyzyň, tylda zähmet çeken ene-mamalarymyzyň berýän gürrüňlerini diňlänimizde biygtyýar damagyň dolup, gözleriňe ýaş aýlanýar. Ähtiýalan duşmanyň öňünde mertlerçe duran türkmen gerçekleriniň gahrymançylygyny, gaýduwsyzlygyny halk hiç haçan unutmaýar. Öz kakalaryny, aga-inilerini, dogan-garyndaşlaryny, söwer ýarlaryny, perzentlerini urşa ugradyp, olaryň mähriban ojaklaryny başynyň täjine deňän gelin-gyzlarymyzyň, ak saçly enelerimiziň sarpasy bu günki gün has-da belentde tutulýar. Çünki Watan, ene toprak üçin öz şirin janlaryny orta goýan türkmeniň gahryman ogullarynyň görkezen edermenligi, gelin-gyzlarymyzyň gaýratlylygy geljekki nesillere nusga alarlyk mekdepdir. Beýik Watançylyk urşuna öz mähriban kakasyny ugradan mähribanlarymyzyň biri hem Orazgözel Annaklyçýewadyr. Orazgözel eje 1935-nji ýylda Aşgabat şäherinde dünýä inip, onuň çagalygy Ahal welaýatynyň Kaka etrabynda geçýär. Orazgözel ene 5 ýaşyndaka kakasy Myratly aga Beýik Watançylyk urşuna gidýär. Her gezek Orazgözel ene türkmen ýigitleri bilen bir hatarda Watan üçin söweşmäge giden mähriban kakasyny ýatlanda, käbesi Annagözel eje bilen ençe ýol söküp, kyblasyny urşa ugratmaga gidişlerini gürrüň berýär...

5 Maý 2021

Edebiýat

Gahrymanlara baky tagzym!

Düýn Türkmenistanyň Goranmak ministrliginiň we Gyzyl Ýarymaý milli jemgyýetiniň guramagynda Merkezi serkerdeler öýünde dabaraly çäre geçirildi. Beýik Watançylyk urşunda gazanylan Ýeňşiň 76 ýyllygy mynasybetli geçirilen çärä uruş we harby gullugyň weteranlary, bagtly durmuşymyzyň goragçylary bolan serkerdelerdir esgerler uly ruhy joşgun bilen gatnaşdylar. Hormatly Prezidentimiziň parasatly baştutanlygynda her ýylyň 9-njy maýynda şeýle şanly seneleri bellemek bilen, ýurdumyzyň ähli künjeklerinde uruşda edermenlik görkezip, öz mukaddes borçlaryny mynasyp berjaý eden gahrymanlarymyz sarpalanýar. Bu ýöne ýere däl. Beýik Watançylyk urşuna biziň ildeşlerimiziň hem müňlerçesi gatnaşdy. Olar mukaddes topragymyzyň garaşsyzlygy we halkymyzyň bagtyýarlygy ugrundaky söweşlerde edermenlik görkezdiler.

5 Maý 2021

Garaşsyzlyk

«Asla ýatdan çykmaz uruş ýyllary, bize nusga gahrymanlaň ýollary!»

Ýakynda maýor Şöhrat Muhammetjumaýewyň serkerdelik edýän harby bölüminiň harby gullukçylary bilen, 1941 — 1945-nji ýyllaryň Beýik Watançylyk urşunda gazanylan Ýeňşiň 76 ýyllyk baýramy mynasybetli tylda zähmet çeken Annadurdy aganyň öýünde myhmançylykda bolduk. Il sylagly ýaşuly Annadurdy agany Ýeňşiň 76 ýyllyk baýramy bilen gutlap, onuň bilen söhbetdeş bolmak bagty bize miýesser etdi. Söhbetdeşligiň dowamynda Annadurdy aga: «Uruş diýen zadyň beren yzasy ömrüňe ýoldaş bolýar. Şol ýyllaryň ýowuzlygy henizem ýüregimiň bir künjünde garalyp dur. Ýöne her ýyl Ýeňiş güni golaýlanda, yzalar kiparlap, göwnüň giňäberýär. Kalbymyzy baýramçylyk ruhy gaplap alýar. Şeýle sylag-hormatyň netijesinde özümi juda bagtly duýýaryn» diýip buýsanç bilen belledi. Soňra Beýik Ýeňşiň 76 ýyllyk baýramy mynasybetli harby bölümimiziň harby gullukçylary bilen ýerli etrap muzeýine, garnizonyň Serkerdeler öýüniň muzeýine gezelençler we medeni ýörişler guraldy. Bu bolsa şahsy düzümiň kalbynda ýatdan çykmajak täsirleri galdyrdy. Çünki merdana Watan goragçylary bu ýerde Beýik Watançylyk urşunda görkezen edermenligi üçin Gahryman diýen belent ada mynasyp bolan ençeme türkmenistanly gerçekleriň görkezen gahrymançylyklary bilen içgin tanyşdylar.

5 Maý 2021

Garaşsyzlyk

Serhetçiler baýrakly orunlarda

Golaýda Türkmenistanyň Garaşsyzlygynyň şanly 30 ýyllygy, şeýle hem 2021-nji ýylyň «Türkmenistan — parahatçylygyň we ynanyşmagyň Watany» diýlip yglan edilmegi mynasybetli döredijilik bäsleşikleriniň birnäçesiniň jemleri jemlenildi. Bäsleşiklerde döredijilik bilen meşgullanýan serhetçileriň hem birnäçesi ýeňiji bolmagy başardy. Ýagny Türkmenistanyň Medeniýet ministrligi, Türkmenistanyň Demokratik partiýasynyň syýasy geňeşi tarapyndan geçirilen «Dal bedewler — halkymyzyň baýlygy, buýsanjymyz — türkmen alabaýlary» atly bäsleşikde maýor Maksatmyrat Atabalow, «Mirasymyz — buýsanjymyz» atly bäsleşikde çagyryş boýunça harby gullukçy, kiçi seržant Süleýman Haýdarow, Türkmenistanyň Medeniýet ministrligi, Türkmenistanyň Kärdeşler arkalaşyklarynyň Milli merkezi tarapyndan geçirilen «Mukaddesliklere sarpa» atly bäsleşikde uly leýtenant Selbi Aşirowa, şeýle-de Türkmenistanyň Medeniýet ministrligi, Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan geçirilen «Şygryýetiň bilbili» atly bäsleşikde bolsa, borçnama boýunça harby gullukçy, starşina Myratgeldi Hallyýew dagy ýeňiji bolmagy başardylar.

5 Maý 2021

Garaşsyzlyk

Watan waspy dillerde

Eşretli hem erkana durmuşyň hözirini görüp ýaşaýan halkymyz Berkarar döwletimiziň bagtyýarlyk döwründe günsaýyn öňe gadam urýar. Amala aşyrylýan ösüşler TMÝG-niň ýerli etrap agzalarynyň işjeň gatnaşmaklarynda ýaşlaryň arasynda giňden wagyz edilýär. Ynha, şeýle wagyz-nesihat çäreleriniň biri ýakynda polkownik Jepbar Akyýewiň serkerdelik edýän harby bölüminiň şahsy düzüminiň gatnaşmagynda geçirildi. Çäräniň dowamynda bedew bady bilen öňe barýan ýurdumyzyň dürli pudaklarda gazanýan ösüşleri dogrusynda giňişleýin çykyşlar edilip, her birimiziň Watanymyzyň gülläp ösmegi üçin şahsy goşandymyzy goşmalydygymyz barada aýratyn beýan edildi. Wagyz-nesihat duşuşygynyň ahyrynda oňa gatnaşyjylar ata Watanymyzy ösüşlerden-ösüşlere alyp barýan hormatly Prezidentimiziň janynyň sag, ömrüniň uzak bolmagyny tüýs ýürekden arzuw etdiler. Humaý ATAÝEWA, TMÝG-niň etrap geňeşiniň guramaçylyk bölüminiň esasy hünärmeni.

5 Maý 2021

Garaşsyzlyk

"Esger" gazeti