Aşgabat — Watanymyzyň ýüregi!
Ýürek buýsanjymyzy beýan edýän makalamyzyň sözbaşysy hökmünde alnan şu ajaýyp sözler milli Liderimiziň çap edilen «Ak şäherim Aşgabat» atly täze kitabynyň many-mazmunyny has-da çuňlaşdyrýan jümledir. Bilşimiz ýaly, bu kitap eziz Diýarymyzyň Garaşsyzlygynyň şanly 30 ýyllygy we gözel paýtagtymyz Aşgabat şäheriniň esaslandyrylmagynyň 140 ýyllygy mynasybetli çap edilip, halkymyza gowuşdy. Gahryman Arkadagymyzyň täze eseri dünýäde iri megapolis hökmünde tanalýan hem-de «Aziýanyň merjeni», «Parahatçylyk şäheri», «Aziýanyň Ženewasy», «Merkezi Aziýanyň ýüregi» diýen ýaly buýsandyryjy häsiýetlendirmelere mynasyp bolan baş şäherimize bagyşlanan. Kitabyň girişinde we sözsoňusynda, şeýle hem «Aşgabatda ak arzuwlar amala aşýar», «Göwni açygyň — ýoly açyk», «Aşgabat — dünýä binagärliginiň merjeni», «Toýlar toýa ulaşýar» atly bölümlerinde hormatly Prezidentimiz eziz paýtagtymyza bolan söýgüsini we buýsanjyny juda çeper, guwandyryjy sözler bilen beýan edýär. Çap edilen täze eserde Aşgabadyň soňky ýyllarda ýeten üstünlikleri, ýokary sepgitleri hakynda, şeýle hem paýtagtymyzyň döwrebap keşbini emele getirýän dürli ugurlary barada gürrüň edilýär. Olaryň arasynda ykdysadyýet, senagat, medeniýet, binagärlik, şähergurluşyk, ýolgurluşyk, ulag-kommunikasiýa, energiýa üpjünçiligi, öňdebaryjy tehnologiýalar, innowasiýalar, sanly ulgam, bilim, ylym, saglygy goraýyş, sport, syýahatçylyk, ekologiýa,
