"Türkmen dünýäsi" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-45, 38-60-40, 38-60-44
Email: turkmendunyasi@sanly.tm

Gazeti PDF görnüşinde ýükläp almak

Habarlar

Alabaýym - abraýym

Hormatly Prezidentimiziň asylly başlangyjy hem-de Permany esasynda döredilen Türkmen alabaýynyň baýramy «Türkmenistan — parahatçylygyň we ynanyşmagyň Watany» ýylynyň 25-nji aprelinde ilkinji gezek Türkmen bedewiniň milli baýramy bilen bilelikde dabaraly bellenip geçildi. Halkara «Türkmen alabaý itleri» assosiasiýasynyň täze binalar toplumynda alabaý itlerimiziň başarnyklaryny, gowy gylyk-häsiýetlerini açyp görkezýän halkara bäsleşiginiň geçirilmegi, bäsleşigiň ýeňijisine «Ýylyň türkmen edermen alabaýy» derejesiniň berilmegi ýurdumyzyň itşynaslarynda aýratyn buýsanç döretdi. Biz hem şeýle ýakymly pursatda alabaý itlerimiziň taryhy gelip çykyşyny, idedilişini, ýaşy bilen bagly häsiýet aýratynlyklaryny, itleriň güýç synagynyň özboluşlylygyny ürç edip öwrenýän ýaş itşynas, Türkmen döwlet medeniýet institutynyň syýahatçylyk fakultetiniň myhmanhana işewürlik hünäriniň talyby Süleýman AGAÝEW bilen söhbetdeş bolduk. — Adamzat taryhyna maldarçylygyň aralaşmagy ony kämillik ýoluna atarýar. Itleriň güýç synagy hem öz gözbaşyny has gadymlardan alyp gaýdýar. Ilki gorag maksatly döredilenem bolsa, soň-soňlar olary nesil seçmek, pälwan köpekleri ýüze çykarmak, toý şüweleňlerini artdyrmak maksatly-da güýç synagyna salypdyrlar. Söhbedimizi şular dogrusynda başlaýsak...

27 Aprel 2021

Miras

Waspy dünýä dolan bedew

Asyrlaryň dowamynda türkmen bedewleri öz ýyndamlygy, owadanlygy bilen görenleri haýrana goýup gelýär. Hormatly Prezidentimiziň aýdyşy ýaly, ahalteke bedewleri merdana halkymyzyň dünýä çykaran gaýtalanmajak, beýik we özboluşly sungatydyr. Olar dünýä bedewleriniň naýbaşysy hasaplanylýar. Mähriban Arkadagymyzyň «Atda wepa-da bar, sapa-da» atly kitabynda türkmen halkynyň ykbalynyň, taryhynyň, kalbynyň bedew at bilen bitewüligi örän inçelik bilen yzarlanýar. Kitaby okap çykanyňda, her bir pikiriň milli Liderimiziň ýüreginiň töründen çykýandygyny duýýarsyň. Kitapda hormatly Prezidentimiz şeýle diýýär: «Adam ogluna baglar, daglar, derýalar, ýerasty baýlyklar we başga-da sansyz köp baýlyklar serpaý berlen. Nirede tebigat bilen sazlaşyklylykda ýaşalyp, şol baýlyklaryň durnuklylygyna täsir edilýän bolsa, ol ýerde adamlar rysgal eýesi, bereket bulagyndan paýly bolýarlar. Biz ruhy, maddy we medeni baýlyklarymyz barada hem şol ýörelgä pugta eýermelidiris. Bu biziň ata-babalarymyzyň pendidir. Hut şonuň üçinem atşynaslygy ösdürmegiň iň nusgalyk mekdebi türkmen Diýaryndadyr». Milli Liderimiziň tagallasy bilen bu günki gün mukaddes topragymyzyň genji-hazynasy, milletiň hemişelik buýsanjy we milli mirasy saýylýan türkmen bedewiniň sarpasy has belent tutulýar. Bedewlerimiziň owadan keşbi ýurdumyzyň Döwlet tugrasyny bezeýär. 2017-nji ýylda paýtagtymyz Aşgabatda Merkezi Aziýa sebitinde ilkinji bolu

27 Aprel 2021

Miras

At — myrat

At türkmeniň owal-ahyr gardaşy,Atsyz ojagyny tükel saýmandyr.Gerçek Görogly hem perzent dilemän,Özüne mynasyp Gyrat saýlapdyr. Dana Arkadagyň belleýşi ýaly,Täzelik geçmişe serin salýandyr.Şoň üçin döwrebap ulaglaryň-da,Kuwwaty «at güýji» bilen aýandyr.

27 Aprel 2021

Edebiýat

Şaý - bedewiň bezegi

At şaýlary ahalteke bedewiniň toý-dabaralardaky aýrylmaz bezegidir. Ata dakylýan boýunlyk, gözlük, göwüsbent, uýan — bularyň hemmesi diňe bir bezeg ornunda bolman, eýsem, gözden-dilden goraýjy serişde bolup hem hyzmat edýär. Türkmen halkynyň taryhynda altyn-kümüş şaýlaryň taýýarlanylyşy öz gözbaşyny gadymy döwürlerden alyp gaýdýar. Arheologik gazuw-agtaryş işleri bize dürli asyrlaryň, ýagny bürünç asyrdan tä ösen orta asyra çenli çeperçilik önümleri açyp görkezýär. Tapyndylaryň köpüsi dünýewi çeperçilik medeniýetiniň asyl nusgalarydyr. Muňa belli Amyderýa hazynasyndan bolan b.e. öňki V-IV asyrlara degişli täsin önümleri mysal getirmek bolar.

27 Aprel 2021

Medeniýet

Milli sazymyz - ruhy baýlygymyz

Berkarar döwletimiziň bagtyýarlyk döwründe hormatly Prezidentimiziň taýsyz tagallalary netijesinde aýdym-saz sungatymyzy ýokary kämillikde ösdürip, dünýä ýaýmaga giň mümkinçilikler açyldy. Hut şoňa görä-de, aýdym-saz sungatymyz şeýle alada gurşalan döwründe sazlary nota geçirmek meselesi wajyp bolup durýar. Sazşynas Ýazmyrat Rejepowyň «Türkmen halk sazlary» atly okuw gollanmasynda halk sazlarymyzyň inçeligini, milli aýratynlygyny saklamak maksady bilen türkmen milli sazynyň ussatlary Mylly Täçmyradowyň, Pürli Saryýewiň, Çary Täçmämmedowyň, Jepbar Hansähedowyň çalan saz eserleriniň nusgalary nota ýazgysyna geçirildi. Işe şeýle çemeleşilmeginiň ähmiýeti bu sazlary öwrenýänlere sazyň ykrar edilen nusgalaryny kämil derejede öwrenmäge ýol açmakdan ybaratdyr. Türkmen aýdym-saz sungaty geçen asyrlardan XX asyryň ortalaryna çenli, esasan, halypa-şägirtlik ýoly bilen gelip ýetipdir. Şeýle-de bolsa, taryhyň ençeme kynçylyklaryny başdan geçiren milli sungatymyzyň nesilden-nesle başbitin geçmeginde birnäçe bökdençlikler döräpdir. Şeýlelikde, şertleriň, mümkinçilikleriň ýeterlik derejede bolmanlygy türkmeniň medeni ösüşinde uly orun tutan, aýdym-saz sungatynyň ajaýyp genji-hazynasyna öwrülen eserleriň ençemesiniň ýitip gitmegine getiripdir. Şeýle sazlara «Geldi begiň mukamy», «Abylgaz», «Abdalýusup», «Niçik zat sen?» ýaly sazlarymyzy mysal getirmek bolar.

27 Aprel 2021

Medeniýet

Maşgala hakda

Maşgalam — baş galam. * * *

27 Aprel 2021

Medeniýet

Ýerlikli maslahat (Tymsal)

Bir daýza hemişe gününden zeýrenip, aglaýan eken. Sebäbi onuň iki gyzynyň biri saýawan ýasaýan oglana, ikinjisi bolsa aş öndürýän oglana durmuşa çykypdyr. Onsoň, güneşli howada-da, ýagynly howada-da, daýzanyň gözüniň ýaşy kepemändir. Günleriň birinde daýzanyň halyna gyýlan bir dana kişi ondan aglamagynyň sebäbini sorapdyr. Daýza: «Meniň uly gyzym saýawan ýasaýan oglana, kiçi gyzym bolsa aş öndürýän oglana durmuşa çykdylar. Howa ýagynly bolsa aşy guradyp bolanok, güneşli bolsa-da saýawan satyn alýan ýok. Ana, onsoň men şolaryň gününe gynanyp aglaýan» diýipdir.

27 Aprel 2021

Edebiýat

Magtymguly saglyk barada

Hormatly Prezidentimiziň taýsyz tagallasy bilen 2024-nji ýylda akyldar şahyrymyz Magtymguly Pyragynyň 300 ýyllyk ýubileý toýuny mynasyp bellemäge ykjam taýýarlyk görülýär. Şonuň bilen birlikde, şahyryň ömrüni we döredijiligini çuňňur öwrenmek hem dowam etdirilýär. Magtymguly atamyzyň döredijiligine, ylmy taglymatyna bagyşlanyp geçirilýän halkara maslahatlaryň sany barha köpelýär. Akyldar şahyrymyzyň ömür döredijiligi, dana pikirleri, ajaýyp taglymatlary diňe bir Türkmenistanda däl, eýsem, dünýä içre, halkara derejesinde çuňňur öwrenilýändigi oňa goýulýan belent sarpanyň nyşanydyr. Şeýle hem dünýä içre sarpaly akyldar şahyrymyzyň döwet galamyndan syzylyp çykan saglyk baradaky pikirleri hem ynsanyýete baky peşgeşdir. Magtymguly Pyragy şahyrana döredijiliginde sagdynlygy we ruhubelentligi, sagdyn durmuş ýörelgesini ilkinji nobatda goýupdyr. Akyldar şahyr şygyr setirlerinde: «Saglygyň gadryny bilgil, hasta bolmasdan burun», «Dürdür bu janyň lezzeti, // Saglyk onuň soltanydyr» diýip, ýaş-juwanlygyňdan tä garrylyga çenli saglygyň gadyryny bilmegi, ony gorap saklamagy nesihat edipdir.

27 Aprel 2021

Saglyk

Sagdyn durmuş ýörelgesi

Elleriňizi ýygy-ýygydan sabynlap ýuwuň! * * *

27 Aprel 2021

Saglyk

Soňky sütün

Köýtendagyň tekiz dag gerşinde dinozawrlaryň aýak yzlarynyň ençemesi bar. Hünärmenler tarapyndan 150 million ýyl bilen senelenýän ol yzlar islendik adamda uly gyzyklanma döredýär. * * *

27 Aprel 2021

Jemgyýet

Aşgabat — binalardan düzülen belent mukam

Filosoflar: «Binagärlik — daşa dönen mukam» diýenlerinde suhangöýlük edýärlermikä öýderdim. Haçanda binagärlik, şähergurluşyk barada ýygy-ýygydan ýazmaly bolup, paýtagtymyzy dürli künjeklerden synlap duranymda şol mukamy — giňişlikde doňup galan mukamy eşidýän ýaly bolýaryn. Aşgabadyň binagärlik gurluşy edil ene hüwdüsi ýaly, dutaryň, gopuzyň owazy ýaly, türkmen gözelleriniň kakan lälesi ýaly, Nury Halmämmediň «Nar agajy» ýaly, tükel esbabyna şaýlanan, altyn nally atlarymyzyň aýaklarynyň tyrkyldysy ýaly imrindiriji. Ol özüni synlap duran ynsana päklik, asudalyk, bagtyýarlyk hakynda belentden ýaňlanýan sena bolup mertebelilik eçilýär, şeýle nurana, mähriban ýurtda ýaşaýandygyňa bolan buýsanjy bagyş edýär. Her bir zatda mantyk bolmalydygy hak, şeýle bolanda gözellik has dabaraly, mertebeli, manyly duýulýar. Şähergurluşyk sungatyndaky mantyk has-da ýakymly bolýar. Ine, 12-nji aprelde dabaraly açylan Türkmenistanyň «Türkmenbaşy» döwlet täjirçilik bankynyň, «Senagat» paýdarlar täjirçilik bankynyň edara binalarynyň bir syrgynda ýerleşmegi, edil şonuň ýaly şu gün açylyş dabarasy meýilleşdirilýän Türkmenistanyň Halk Maslahatynyň Diwanynyň, açylyş dabarasy ertir meýilleşdirilýän Türkmenistanyň Maslahatlar merkeziniň, Türkmenistanyň Kabul ediş merkeziniň biri-birine golaý aralykda ýerleşmegi milli şähergurluşyk sungatymyzdaky ajaýyp mantyga, ýakymly sazlaşyga iň täze taryhymyzdan mysalla

13 Aprel 2021

Garaşsyzlyk

Haýyr-sahawatda bereket bar

Hemmämize mälim bolşy ýaly, ýakynda hormatly Prezidentimiz ösüp gelýän ýaş nesilleri durmuş taýdan goldamak, howandarlyga mätäç çagalaryň saglygynyň dikeldilmegine ýardam bermek, olaryň bagtyýar durmuşda ýaşamagy hem-de olarda iň gowy ynsan häsiýetleriniň kemala gelmegi üçin amatly şertleri döretmek maksady bilen, «Howandarlyga mätäç çagalara hemaýat bermek boýunça haýyr-sahawat gaznasyny döretmek hakyndaky» Karara gol çekdi. Munuň özi halkymyzda tükeniksiz hoşallyk duýgusyny döretdi. Türkmenistanyň Mejlisiniň Karary bilen, täze gazna hormatly Prezidentimiz Gurbanguly Berdimuhamedowyň adynyň dakylmagy bolsa has-da ýerine düşen waka boldy. Çünki geljegimiz bolan ýaş nesillerimiziň akyl, beden we ruhy taýdan kadaly ösüşini üpjün etmek baradaky aladalaryň ählisi Gahryman Arkadagymyzyň ady we alyp barýan ynsanperwer işleri bilen aýrylmaz baglanyşyklydyr. Ýagşylyk, howandarlyk, hemaýat, haýyr, sahawat bilen ynsan belentliklere göterilýändir, ömrüne many çaýýandyr. Magtymguly atamyzyň:

13 Aprel 2021

Garaşsyzlyk

Bagtyýar çagalygyň ýurdy

Hormatly Prezidentimiziň baştutanlygynda biziň Watanymyz ähli arzuwlaryň hasyl bolýan Diýaryna — bagtyýar çagalygyň ýurduna öwrüldi. Geljegimiz bolan ýaş nesillerimiziň akyl, beden we ruhy taýdan kadaly ösüşini üpjün etmek baradaky aladalaryň ählisi hormatly Prezidentimiziň ady we alyp barýan ynsanperwer işleri bilen aýrylmaz baglanyşyklydyr. Golaýda döwlet Baştutanymyzyň haýyr-sahawat gaznasyny döretmek baradaky başlangyjy hem tutuş halkymyz tarapyndan gyzgyn goldaw tapdy. Çünki mätäje ýardam etmek türkmen halkynyň ozaldan gelýän ynsanperwerlik ýörelgesidir. Täze döredilen gaznanyň Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy diýlip atlandyrylmagyny hem tüýs ýerine düşen hasaplaýarys. Bütin dünýäde belent ynsanperwerligi bilen uly meşhurlyga ýeten milli Liderimiziň adyny göterýän bu gazna Watanymyzyň röwşen geljegi bolan çagalaryň ýaşaýşyny, durmuş taýdan goraglylygyny, ruhy taýdan sagdyn ösüşini, bagtyýar durmuşda ýaşamagyny, döwrebap bilim almagyny, watansöýüjilik we ynsanperwerlik ruhunda terbiýelenmegini üpjün etmekde möhüm ähmiýete eýe bolar.

13 Aprel 2021

Garaşsyzlyk

Arkadagyň gudraty sen, Aşgabat!

Aşgabadyň düýni, şu güni we geljegi Gahryman Arkadagymyzyň yhlasyndan dünýä ýaň salýan Aziýanyň merjeni we göwher gaşy bolan Aşgabada «Türkmenistan — parahatçylygyň we ynanyşmagyň Watany» ýylynda 140 ýyl dolýar. Eýsem, Aşgabatda ähli döwürlerde hem häzirkisi ýaly şäher-bag, şäher-köşk we şäher-muzeý bolupmy? Ýok, asla beýle bolmandyr. Geliň, Aşgabadyň geçen taryhy ýoluna gysgajyk göz aýlalyň. Aşgabat 1881-nji ýylda gurlup başlanýar. Ashabadyň ösmegi we onuň barha giňelmegi, ilatynyň sanynyň artmagy 1885-nji ýyldan, ýagny bu ýere Zakaspiý demir ýolunyň çekilmegi bilen başlanýar. Şol wagta çenli şäher şeýle bir uly bolmandyr we ol, esasan, iki köçäniň ugrunda ýerleşipdir. Şäheriň ilaty daş-töweregi baga bürenen ýekegat palçyk jaýlarda ýaşapdyr. Soňra Ashabad şäheri Zakaspiý ülkesiniň dolandyryş we ykdysady, söwda hem-de medeni merkezine öwrülýär. Onuň amatly ýerde ýerleşmegi şeýle ýagdaýyň döremegine sebäp bolupdyr. Köpetdagyň üsti bilen Ashabada Eýrandan kerwen ýoluny çekipdirler. Ashabaddan Türkmenistanyň günbatar we gündogar ýaýlalaryna tarap ýollar şahalanyp gidipdir. Göni Garagum sährasynyň üstünden geçýän kerwen ýollary Hywa we Buhara alyp barypdyr. Bir söz bilen aýdylanda, şäherde halkara ähmiýetli ýollar birleşipdir.

13 Aprel 2021

Garaşsyzlyk

Sanly tehnologiýalar döwrüň talaby

Berkarar döwletimiziň bagtyýarlyk döwrüniň her güni bedew batly ösüşleri bilen taryha ýazylýar. Çünki bu döwürde hormatly Prezidentimiz Gurbanguly Berdimuhamedowyň alyp barýan öňdengörüjilikli syýasaty netijesinde ýurdumyzyň ähli ulgamlarynda belent sepgitlere ýetilýär. Bilşimiz ýaly, häzirki döwürde bütin dünýäde ösen tehnologiýalar önümçilige giňden ornaşdyrylýar. Döwür bilen aýakdaş gidýän biziň ýurdumyzda hem milli ykdysadyýetimiziň pudaklaryna sanly tehnologiýalar giňden ornaşdyrylýar we olaryň maddy-enjamlaýyn binýady barha pugtalandyrylýar. Bu günki gün hormatly Prezidentimiziň tagallasy bilen alnyp barylýan giň gerimli sanly özgertmeleriň netijesinde milli ykdysadyýetimiziň durnukly ösüşi gazanylýar. Munuň özi ýurdumyzda sanly ykdysadyýeti ösdürmek ugrunda amal edilýän işleriň özüniň ýokary netijesini berýändigine aýdyň şaýatlyk edýär. Şu ýylyň 12-nji fewralynda geçirilen Ministrler Kabinetiniň giňişleýin mejlisinde hormatly Prezidentimiziň Karary bilen «Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasy» kabul edildi hem-de ony amala aşyrmak boýunça ýerine ýetirilmeli çäreleriň Meýilnamasy tassyklanyldy. «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynda» göz öňünde tutulan wezipeleri durmuşa geçirmek, ýurdumyzyň pudaklaryna sanly ulgamlary giňden ornaşdyrmak arkaly bäsdeşlige ukyply sanly yk

13 Aprel 2021

Ykdysadyýet

«Akylly» tehnologiýalar ýyladyşhanalarda bol önüm öndürmäge giň mümkinçilikleri açýar

Hormatly Prezidentimiz «akylly» tehnologiýalary hem-de ekologiki taýdan arassa bolan enjamlary durmuşa ornaşdyrmak meselesine aýratyn üns berýär. Hususan-da Gün batareýalaryny we ýel generatorlaryny ulanmak bilen baglanyşykly meselelerde ylmy çözgütleri hemişe üns merkezinde saklaýar. Netijede, «akylly» tehnologiýalary diňe bir şäher gurluşygynda däl, eýsem, halk hojalygynyň beýleki pudaklarynda hem ornaşdyrmak babatda döwlet tarapyndan uly mümkinçilikler döredilýär. Hormatly Prezidentimiziň görkezmesi boýunça ýokary tehnologiýalar, ylmy işläp taýýarlamalar we sanly tehnologiýalar bilen baglanyşykly milli ykdysadyýetimizde gazanylýan üstünlikleri halk köpçüligine wagyz etmek barada hem uly işler alnyp barylýar. Şeýle-de Gahryman Arkadagymyzdan goldawly türkmen telekeçileriniň daşary döwletlerden getirilýän harytlaryň ýerini tutýan önümleri öndürmekleri guwandyryjy ýagdaýdyr.

13 Aprel 2021

Tehnologiýa

Saglyk — jemgyýetiň berklik sütüni

Asuda Watanymyzyň gujagynda eşretli durmuşda ýaşaýan bagtyýar halkymyzyň beden sagdynlygyny has-da berkitmek üçin yzygiderli aladalanýan mähriban Arkadagymyz: «Saglyk diňe bir adam üçin däl, eýsem, tutuş jemgyýetimiz üçin hem bahasyna ýetip bolmajak gymmatlykdyr» diýýär. Çuňňur mana ýugrulan bu jümleden milli jemgyýetimiziň berklik sütüniniň barha pugtalanmagyna her bir watandaşymyzyň sagdyn durmuşynyň oňyn täsirini ýetirýändigi baradaky parasady duýmak kyn däl. Şony duýaňsoň bolsa, hormatly Prezidentimiziň öz raýatlarynyň beden hem ruhy taýdan sagdynlygyny berkitmek ugrunda alyp barýan köpugurly işleriniň, nusgalyk göreldesiniň näderejede ähmiýetlidigine has töwerekleýin göz ýetirip bolýar. Çünki Gahryman Arkadagymyz halkyň sagdyn durmuşyny üpjün etmek bilen, jemgyýetimiziň sagdynlygyny berkidýär.

13 Aprel 2021

Saglyk

Atym - ganatym, itim - gutum

Bu günki gün hormatly Prezidentimiziň tagallasy bilen halkymyzyň gadymdan gözbaşly milli miraslary Ýer ýüzüne ýaýylyp, dünýä gymmatlyklaryna öwrülýär. Çünki daşary döwletleriň halklary hormatly Prezidentimiziň «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» ýaly kitaplaryny okap, ata-babalarymyzyň öz gardaşyna deňän gamyşgulak ahalteke bedewleri hakynda düşünje alsalar, «Arşyň nepisligi», «Janly rowaýat» ýaly kitaplaryny okap, halkymyzyň uzak heňňamlaryň içinden geçip, biziň döwrümize gelip ýeten halyçylyk sungatynyň ajaýyp dünýäsine syýahat edýärler. Gahryman Arkadagymyzyň «Türkmen medeniýeti», «Ile döwlet geler bolsa», «Parahatçylyk sazy, dostluk, doganlyk sazy», «Enä tagzym — mukaddeslige tagzym», iki jiltden ybarat «Türkmenistan — Beýik Ýüpek ýolunyň ýüregi» ýaly kitaplary bolsa medeni dünýämize edilýän syýahaty has täsirlendirip, milli miraslarymyzyň köpöwüşginlidigini, däp-dessurlarymyzyň juda ynsanperwerdigini bütin aýdyňlygy bilen beýan edýärler. Milli miraslarymyza, däp-dessurlarymyza bolan bimöçber söýgi «Döwlet guşy», «Älem içre at gezer» ýaly romanlarynda-da mähriban Prezidentimiziň üns merkezinden düşenok. Şonuň üçin halkymyzyň milli gymmatlyklaryny halkara jemgyýetçiligine wagyz etmekde bu kitaplaryň ähmiýeti-de diýip-aýdardan ýokarydyr. Pederlerimiziň müňýyllyklaryň dowamynda ösdürip, terbiýeläp kemala getire

13 Aprel 2021

Miras

Jana-jan dostluk

Ahalteke bedewleriniň janköýeri hormatly Prezidentimiziň «Biziň buýsanjymyz Türkmenistanyň Döwlet tugrasynyň bezegi bolan ahalteke bedewi Garaşsyz, baky Bitarap Watanymyzyň hakyky simwolydyr we onuň parahatçylyga we dünýäniň ähli halklary bilen dostluga ymtylyşynyň şaýadydyr» diýen sözleriniň näderejede gymmatlydygyny seljermek üçin, ilki bilen, gamyşgulak bedewleri ýürekden söýmeli. Altyn suwy berlen ýaly lowurdap duran endamyny, ýüpek ýaly ýallaryny, alma ýaly gözlerini synlap, olar bilen ýürekden gürleşmeli. Mylaýymlyk bilen maňlaýyndan sypap, onuň hakyky janköýeridigiňi duýdurmaly. Munuň üçin, megerem, aýratyn bir tilsim gerek däldigine, olaryň seniň hyýalyňy garaýşyňdan syzýandygyna hormatly Prezidentimiziň öz bedewleri bilen didarlaşandaky mähremlik aýdyň mysaldyr. Şol mähremligiň netijesinde milli Liderimiziň «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» ýaly çuňňur many-mazmunly, taryhy hakykaty çeper we anyk maglumatlar bilen beýan edýän gymmatly eserleri peýda boldy. «Ata kesbi — ogla halal» diýlişi ýaly, arkama-arka dowam edip gelýän ahalteke bedewine bolan söýgi hormatly Prezidentimiziň eline döwet galamyny berip, zehin atyny çarpaýa galdyrypdyr. Şonuň üçinem milli Liderimiziň: «Hormatly okyjylar, siziň ähliňiz türkmen halkynyň özüniň bedewine bolan çäksiz söýgüsiniň keramatyna göz ýetirersiňiz diýip umyt edýä

13 Aprel 2021

Edebiýat

Dil bilmek dünýäni bilmek

Hormatly Prezidentimiziň bilime, ylma berýän ägirt uly ünsi netijesinde bu pudak dünýä derejesinde ösýär we kämilleşýär. Türkmen, iňlis, rus dillerini öwrenmek bilim ulgamynyň esasy özenini düzýär. Sebäbi islendik ylym-bilim almak ukyby maglumat almak we ony özleşdirmek bilen bagly. Bu ugurda halkara dilleriň biri bolan iňlis dili bilen bir hatarda, beýleki daşary ýurt dillerini öwrenmegiň hem ähmiýeti ýylsaýyn artýar. Ýurdumyzda daşary ýurt dillerini netijeli öwrenmek boýunça köpsanly guramaçylyk, ylmy-barlag we usulyýet işleri yzygiderli alnyp barylýar. Ýeri gelende aýtsak, dünýäde ylmy maglumatlaryň esasy bölegi iňlis dilinde neşir edilýär. Biziň jemgyýetçilik durmuşymyz gün-günden özgerýär. Häzirki wagtda adamzadyň durmuşyny internet, radio, telewideniýe ýaly köpçülikleýin habar beriş serişdeleri gurşap alýar. Olar ýaşlara dünýä akyl ýetirmäge, öz-özüni kämilleşdirmäge, dünýägaraýşyny giňeltmäge çäksiz mümkinçilikleri berýär. Şeýle ýagdaýda maglumatlaryň ägirt uly giňişliginden baş çykaryp bilmegi, zerur maglumatlary tapmagy we olary iş ýüzünde ulanmagy öwrenmek zerurdyr. Şoňa görä-de daşary ýurt dillerini bilmek möhüm ähmiýete eýedir, sebäbi dilleriň üsti bilen özüňi gyzyklandyrýan pudak barada maglumatlary bütin dünýä boýunça tapmak mümkin.

13 Aprel 2021

Bilim