Türgeniň kadaly iýmitlenmegi
Sport äleminde ýokary netijeleri gazanmak, galyberse-de, sagdyn bolmak üçin fiziki we ruhy ýüklenmelere uýgunlaşan türgenlere kadaly iýmitleniş düzgünlerini yzygiderli berjaý etmek zerurdyr. Witaminlara baý bolan önümleri yzygiderli iýmek türgenleriň saglygyny berkidip, fiziki işjeňligine oňaýly täsirini ýetirýär. Sebäbi beden iýmit arkaly zerur bolan mineral maddalary, beloklary, uglewodlary, ýaglary, suwy özüne kabul edýär. Yzygiderli alnyp barylýan türgenleşik sapaklarynda fiziki ýüklenmeleri ýerine ýetirmek arkaly türgeniň bedeni özünde bar bolan kaloriýany harçlaýar. Şonuň üçin hem, olara ýokary kaloriýasy bilen tapawutlanýan, uglewodlara, beloklara baý bolan önümleri iýmek maslahat berilýär. Türgenleriň gün tertibinde türgenleşiklere başlamazdan 1-1,5 sagat öň we ýaryşdan 2-2,5 sagat soň iýmitlenmek düzgünleşdirilýär.
