17-nji noýabrda Türkmenistanyň Sport we ýaşlar syýasaty ministrliginiň, Bilim ministrliginiň, Gyzyl Ýarymaý Milli jemgyýetiniň bilelikde guramagynda sanly wideoaragatnaşyk arkaly geçirilýän «Türkmen ýaşlary – golunda eýýamyň beýik işleri» atly okuw-maslahatyň nobatdaky tapgyry geçirildi.
Onda Türkmenistanyň Döwlet çeperçilik akademiýasynyň baýry mugallymlarynyň alyp barmagynda ýaş nesilleri döwrebap, hemmetaraplaýyn sazlaşykly ösen, zähmetsöýer, Watana, il-güne wepalylyk ruhunda terbiýelemekde meýletinçilik hereketiniň ähmiýeti barada söhbet edildi. Okuw-maslahatyň ahyrynda oňa gatnaşyjylaryň arasynda gyzyklanma bildirilýän ugurlar boýunça sowal-jogap alşyldy. Şeýle hem ýaşlaryň we ösüp gelýän nesilleriň bagtyýar durmuşda ýaşamagy, sport bilen meşgullanmagy, ylymly-bilimli, ýokary düşünjeli adamlar bolup ýetişmekleri ugrunda döredip berýän mümkinçilikleri üçin hormatly Prezidentimiziň adyna sagbolsun aýdyldy.
