Halkymyzyň saglygy berkarar Watanymyzyň rowaçlyklarynyň we üstünlikleriniň gözbaşydyr. Hut şu nukdaýnazardan, ýurdumyzyň saglygy goraýyş ulgamynyň ylmy we hukuk esaslaryny pugtalandyrmak, şäherlerimizde we obalarymyzda adam saglygy baradaky aladany has-da güýçlendirmek döwlet syýasatymyzyň esasy ugrudyr.
Hut şonuň esasynda hem, bu gün eziz Diýarymyzda mähriban halkymyzyň saglygyny berkitmek we goramak, ýaşaýyş-durmuş derejesini has-da ýokarlandyrmak döwletimiziň baş aladasyna öwrüldi hem-de ynsan ömrüniň dowamlylygyny uzaltmak ugrunda ägirt uly işler amala aşyryldy.
