Hormatly Prezidentimiziň türkmen sportuny ösdürmek barada edýän tagallalarynyň netijesinde zähmet çekýän ýokary okuw mekdebimizde ýaşlaryň dünýä ülňülerine laýyklykda ýokary derejede bilim almagy üçin ahli mümkinçilikler döredilendir. Talyp türgenler saýlap alan sport görnüşleri boýunça bilimlerini amaly sapaklardyr türgenleşikleriň üsti bilen berkidýärler. Munuň üçin institutyň çäklerinde ähli şertler bar. Tejribeli tälimçileriň, öz döwründe dünýä çempiony bolan, Olimpiýa oýunlaryna gatnaşan mugallymlaryň geçýän her bir sapaklary bolsa ýaşlaryň halkara tejribesinden habarly bolmagyna getirýär.
Her ýyl ýaşlaryň uly topary Türkmen döwlet bedenterbiýe we sport institutyny tamamlap, ýurdumyzyň dürli ýerlerindäki sport mekdepleridir toplumlarynda zähmet çekmäge iberilýär. Olar sport ugurlary boýunça toplan tejribelerini ýaşlara öwredýärler. Ýaşlaryň sporta imrigip gitmekleri üçin alada edýärler.
