"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Tä­sin­lik­le­riň tä­si­ri

Binanyň içinde aýna gapjagazlarda dürli-dürli reňkdäki suwlar diýjekmiň, gözüňi dokundyrýan her tüýsli hoşboý ysly otag gülleri diýermiň, bygyr-bygyr gaýnap duran ululy-kiçili gazanjyklar, garaz, ol ýeri dünýäniň içindäki özboluşly dünýä. Göýä, multifilmlerdäki jadygöýüň täsin otagynda gezmeläp ýörene döndüm. Iň çetki otaglaryň birinde ak halatly, tabşyrylan ýumuşlaryny köstsüz etjek bolşup duran ýaş talyplara, şägirtlerine bir zatlary görkezip ikibaka ýöreýän mugallymlara nazaryň kaklyşanda, görýänlerimiň hyýaly dünýä däl-de, hakykatdygyna magat göz ýetirdim. Dessine-de partanyň bäri çüňkünde talyplaryny daşyna gallan ýaş zenan mugallymyň ýanyna ýelk ýasadym. Ýetişiksiz günde ýaly görünýän mugallym gözüme diýseň yssy göründi. Göwnüme bolmasa, ol eýýäm öz hünärinden kämil baş çykarýana meňzeýärdi. Ynamym meni bu gezegem aldamady. Ýakynlaşdygyňça kem-kem aýyl-saýyl gulagyňa ilýän sesler muny aýdyňlaşdyrdy: — Bilşimiz ýaly, talyplar, ulanyşdan galan batereýalarda grafit bolýar. Biz olardan grafen oksidi almak üçin birnäçe işleri geçirmeli. Biler bolsaňyz, olaryň köp bölegi ilatly ýerlerde, meýdanlarda duş gelýär. Şonuň üçin biz ertir ir bilen işe girişmeli boljak. Ýanyňyza gerekli ýol esbaplaryňyzy alyp, taýýar boluň, ertir ýola çykýas...

2 Dekabr 2021

Tehnologiýa

Magtymguly Pyraga

Türkmene şan beren beýik halypa,Ylham gazanynda gaýnap ýol geçen.Nazar salan geçmiş, seljuk taryha,Haky söýläp, yşkyň meýini içen. Göreş saýyp edebiýatyň meýdanyn,Başyn goýan kämilligiň ýolunda.Goşgulary owazydyr şeýdanyň,Dür sözleriň sogap bardyr soňunda.

2 Dekabr 2021

Edebiýat

Aý­dym-sa­zym — ha­zy­nam

Mähriban Arkadagymyzyň taýsyz tagallalary netijesinde Berkarar döwletimiziň bagtyýarlyk döwründe Garaşsyz ýurdumyzyň dünýä ösüşine sazlaşykly goşulyşmagynda medeniýetimiziň, sungatymyzyň hem-de aýdym-sazymyzyň orny hem uludyr. Kämilleşýän türkmen medeniýeti we sungaty ösüşiň ak ýollaryndan batly gadamlar bilen öňe barýar. Hormatly Prezidentimiziň türkmeniň aýdym-saz sungatyna goýýan belent hormatyny onuň her bir ädiminde görmek bolýar. «Medeniýet halkyň kalbydyr» atly kitabynda mertebesi belent Prezidentimiz: «Türkmeniň Şükür bagşy, Hally bagşy, Täçmämmet Suhanguly, Sary bagşy, Oraz Salyr, Mylly aga, Magtymguly Garly, Sapar Bekiýew, Pürli Saryýew, Sahy Jepbarow, Nurjemal Adyýewa, Çary Täçmämmedow, Ödenyýaz Nobatow, Gurt Ýakubow, Nurberdi Gulow, Mustak Aýmedow, Ýagmyr Nurgeldiýew, Akjagül Myradowa, Ilaman Annaýew ýaly, dutarynyň taryna bilbil gondurýan bagşy-sazandalary örän köpdür» diýip belleýär. Bu bolsa milli aýdym-saz sungatymyzyň sütün halypalary bolan bagşy-sazandalarymyzyň şol gudratly medeniýetimize beýik ösüşleri berendiklerini subut edýär.

2 Dekabr 2021

Medeniýet

Ba­la­la­ryň sö­ýe­ni, ene­le­riň ge­re­gi

Ene gujagyna meňzedilýän sallançagyň döreýiş taryhy gadymy döwürlere uzaýar. Ol bäbekleriň rahat uklamagy üçin oýlanyp tapylandyr. Ilki-ilkiler balasyny ýatyrmak islän ene ony gujagynda ikibaka yralapdyr. Iki aýagyň üstünde ýassyk goýup, çagajygy yralap ýatyrma endigi-de şondan gözbaş alyp gaýdýar. Aslynda şol wagtlar çagany rahatlandyrmak üçin şuňa meňzeş dürli usullara ýüzlenilipdir. Bu gündogar halklaryna mahsus häsiýet. Mysal üçin, koreý, hytaý, ýapon zenanlary çagany mata bilen arkasyna daňyp, ikiýana yranmak arkaly ýatyrypdyrlar. Şol bir wagtda olar ýöräp ýören ýerlerinden öý işleri bilen meşgullanypdyrlar. Netijede bir wagtda iki işi ýerine ýetiripdirler. Irki döwürler sallançaklar öýde iki tarapa ýüpli çekilen matalardan ýasalypdyr. Soňra oňa ýörite ýüp bilen bag edilip, ony çekmek arkaly üwrelipdir. Bagly sallançaklar gündogar halklarynda has köp ulanylypdyr. Ýewropada olara derek ýokardan ýa-da diwarda kakylan uzyn taýakdan asylyp goýulýan sallançaklar ulanylypdyr. Sebede meňzeş bu sallançaklar gül bogdajygyny ýada salyp, ýumşak howa geçýän perde bilen örtülipdir. Çagany mör-möjekleriň bimaza etmezligi üçin perdäniň ähmiýeti uly bolupdyr.

2 Dekabr 2021

Maşgala

Ýö­rel­gä­miz – sag­dyn dur­muş

Berkarar döwletimiziň bagtyýarlyk döwründe bedenterbiýe we sport bilen meşgullanmagyň ýurdumyzyň her bir raýatynyň gündelik durmuşynyň kadasyna öwrülendigi örän guwandyryjydyr. Sagdyn durmuş ýörelgesiniň işjeň tarapdary we wagyzçysy bolup, türkmen halkyna, şol sanda ýaşlara bu ugurda şahsy görelde görkezmek bilen, hormatly Prezidentimiziň adam hakdaky, onuň saglygy we abadançylygy baradaky aladany döwlet syýasatynyň ileri tutulýan ugurlarynyň derejesine ýetirmegi bagtyýar ulus-ilimiziň çuňňur hoşallyk duýgusyny joşdurýar. Milli Liderimiz hat-da daşary döwletlere saparlarynyň, ýurdumyzyň welaýatlary boýunça iş saparlarynyň barşynda-da, dynç alanda-da sport bilen meşgullanmagy wajyp döwlet işleri bilen utgaşdyrýar. Hormatly Prezidentimiziň sagdyn durmuş ýörelgesine eýermek bilen, sportuň dürli görnüşleri bilen yzygiderli meşgullanmagy bagtyýar halkymyzda Gahryman Arkadagymyza bolan söýgini we buýsanjy, şeýle hem sporta we bedenterbiýä bolan höwesi has-da artdyrýar. Ýaşlaryň sagdyn durmuş ýörelgelerini berjaý etmeginiň wajypdygyna ünsi çekmek bilen, hormatly Prezidentimiz: «Bu gün bagtyýarlygyň ýurdy bolan Türkmenistanda diňe paýtagtymyzda däl, eýsem, welaýatlarymyzda hem innowasion tehnologiýalar bilen enjamlaşdyrylan döwrebap sport merkezleri, stadionlar, dürli bedenterbiýe-sagaldyş toplumlary jemgyýetimiziň ruhy we beden taýdan sagdyn ösüşine hyzmat edýär» diýip, parasatlylyk

1 Dekabr 2021

Saglyk

Belent binalaryň şuglasy

Mukaddes Garaşsyzlygymyzyň şanly 30 ýyllyk toýunyň toýlanýan günleri türkmen taryhyny altyn harplar bilen bezän möhüm wakalar çuň many-mazmuna eýedigi bilen aýratyn tapawutlandy. 26-njy sentýabrda hormatly Prezidentimiz Gurbanguly Berdimuhamedow paýtagtymyzda gurlan hem-de sebitde deňi-taýy bolmadyk Söwda-dynç alyş we işewürlik merkezlerinden hem-de döwrebap ýaşaýyş jaýlaryndan ybarat «Aşgabat» diýlip atlandyrylan binalar toplumynyň açylyş dabarasyna gatnaşdy. Taslamasy «Beýik bina» hususy kärhanasy tarapyndan amala aşyrylan täze desganyň eýeleýän meýdany, şol sanda onuň abadanlaşdyrylan çäkleri 8 gektara barabardyr. Bu ýerde 4 gatly söwda-dynç alyş merkezi, 6 gatly işewürlik merkezi hem-de döwrebap ýaşaýyş jaý toplumy, toý dabaralaryny geçirmek üçin 800 orunlyk iki gatly zal bar. Toplumyň düzümine 708 orunlyk ýerasty awtoduralga, awtoýuwalga hem-de ýeňil awtoulaglara hyzmat edýän merkezler, kafe, inženerçilik desgalary, çüwdürim, estakada köprüsi, uzynlygy 309 metr bolan emeli akaba, şeýle hem seýilgäh zolagy girýär. Söwda merkeziniň 65 müň inedördül metrden gowrak çäginde dürli dükanlaryň 240-dan gowragy, supermarket, bedenterbiýe hem-de medeni-sagaldyş toplumy, kafe we fud-kortlar, gözellik salonlary we dellekhanalar, çagalar üçin oýun meýdançalary, buzly meýdança, dynç alyş we attraksionlar bölümi bilýard, bouling-zal, kinoteatr, ýerleşdirildi.

1 Dekabr 2021

Garaşsyzlyk

Baş mu­kad­des­li­giň was­py

Gahryman Arkadagymyzyň badalga beren Berkarar döwletimiziň bagtyýarlyk döwri diňe bir ýurdumyzyň ösüş-özgerişlere däl, eýsem-de bolsa toý-baýramlara beslenýän zamanasy bolup göwünleri gülledýär. «Türkmenistan — parahatçylygyň we ynanyşmagyň Watany» ýylynda giňden bellenilip geçilýän toý-baýramlaryň we şanly wakalaryň mysalynda hem bu hakykat aýdyň şöhlelenýär. Ýaňy-ýakynda ýurdumyzda uludan toýlanan mukaddes Garaşsyzlygymyzyň şanly 30 ýyllyk baýramy bütin dünýä ýaň salan şanly wakalary özünde jemledi. Hormatly Prezidentimiziň «Garaşsyzlyk — bagtymyz» atly kitaby Diýarymyzyň mukaddes Garaşsyzlygynyň 30 ýyllyk baýramyna ajaýyp sowgat boldy. Gahryman Arkadagymyzyň döwet galamynyň astyndan çykan bu kitabynyň ýurdumyzyň beýik Garaşsyzlygynyň 30 ýyllyk şöhratly taryhynyň ýylýazgysydygyny bellemek buýsandyryjydyr. Milli Liderimiziň: «Garaşsyz, baky Bitarap Türkmenistan döwletimizde häzirki wagtda ykdysadyýetiň ähli ugurlarynda güýçli depginlerde sazlaşykly ösüşler gazanylýar» diýip, jaýdar nygtaýşy ýaly, beýik Garaşsyzlygymyzyň geçen şöhratly 30 ýylynyň içinde bagtyýarlyk döwründe milli Liderimiziň parasatly baştutanlygynda üstünlikli amala aşyrylan ägirt uly özgertmeleriň netijesinde Arkadagyň ajap eýýamynyň belent maksatnamalary üstünlikli durmuşa geçýär. Täze taryhy döwrüň kämil syýasy ýol-ýörelgesi milli we ruhy gymmatlyklardan ugur alyp, türkmen jemgyýetimiziň geljekki ösüşlerin

1 Dekabr 2021

Garaşsyzlyk

Ekologiýa howpsuzlygy —ömrümiziň rahatlygy

Tebigatyň täsin gurluşy, özboluşly düzüm bölekleri bizi mydama haýrana goýýar. Irki döwürlerde adamlar tebigatyň gurluşynyň we onuň düzüm bölekleriniň özara sazlaşygynyň syryny daşdaky güýçlerden gözlän bolsalar, bu gün ylym şeýle sazlaşygyň syryny tebigatyň öz içinden gözläp, oňa jogap tapmaga çalyşýar. Adam jemgyýetde ýaşaýar we tebigatyň maddy nygmatlaryndan peýdalanýar. Şonuň üçin ol tebigat bilen aýrylmaz baglanyşyklydyr. Ynsan akyl-paýhasyna daýanyp, tebigata täsir edýär, ondan özüne zerur bolan zatlary alýar. Dagdan we ýeriň astyndan özüniň gündelik durmuşyny üpjün etmäge mümkinçilik berýän magdanlary, tebigy baýlyklary gazyp alýar. Ýeriň üstündäki ösümlik we haýwanat dünýäsiniň egsilmez miwelerinden peýdalanýar. Suwuň tebigy akymyny üýtgedip, oňa öz bähbitlerine görä akym bermäge çalyşýar. W.I.Wernadskiniň sözi bilen aýtsak: «Adamzat bilelikde alanyňda, ägirt uly geologik güýje öwrülýär». Şeýle güýje mynasyp bolan adamyň özüni gurşap alan tebigata bolan gatnaşygy daşky gurşawy goramaga gönükdirilen ylmy meýilnamalardyr maksatnamalar esasynda amala aşyrylmasa, onda bu hereketler hem-de gatnaşyklar ekologik deňagramlylygyň bozulmagyna getirýär.

1 Dekabr 2021

Ekologiýa

Kos­mos gi­ňiş­li­gi –tä­ze teh­nol­gi­ýa­la­ra ba­dal­ga

Bedew bady bilen öňe barýan Türkmenistan Diýarymyzyň ähli pudaklarynda täze-täze ösüşlere, üstünliklere eýe bolunýar. Gahryman Arkadagymyzyň ýolbaşçylygynda häzirki wagtda kosmas giňişligi hem-de halkara kosmos hukugy barada täze işler hem-de birnäçe taslamalar alnyp barylýar. 2011-nji ýylyň maýynda Türkmenistanyň Prezidentiniň ýanynda Milli kosmos agentliginiň döredilmegini hem-de 2015-nji ýylda kommunikasiýalary ösdürmäge ýardam edýän «Türkmen Älem 52oE» hemrasynyň Ýeriň golaýyndaky orbita çykarylmagy ýurdumyz üçin diňe tehnologik taýdan öňe gidişlik bolman, eýsem, syýasy taýdan hem möhüm waka öwrüldi. Türkmenistan beýik maksatlary we hoşniýetli hyzmatdaşlygy bilen älem giňişligine çykdy. Gahryman Arkadagymyz bu barada: «Biziň döwletimiz kosmos tutuş adamzat üçin parahatçylygyň, özara düşünişmegiň we deňhukukly hyzmatdaşlygyň giňişligine öwrülmelidir diýen ýörelgeden ugur alýar» diýip belleýär. «Türkmen Älem 52oE» hemrasy ýokary mümkinçilikli ýaýlymlary alyp görkezmäge ýardam berýär. Onuň agramly bölegini kommunikasiýa hyzmatlaryny hödürlemek üçin niýetlenen döwrebap enjamlar tutýar. Häzir «BSS» hemra ýaýlymy Türkmenistanyň teleradioýaýlymlaryny alyp görkezýär. Ýurdumyzyň ministrlikleri we edara-kärhanalary milli hemranyň hyzmatlaryndan üstünlikli peýdalanýarlar, şeýle-de «Türkmen hemrasy» paýdarlar jemgyýeti hemra aragatnaşygynyň hyzmatlaryny ýurdumyzyň nebitgaz pudagynda iş

1 Dekabr 2021

Tehnologiýa

Mer­te­be-buý­sanç, edep mek­de­bi

Berkararlygymyzyň hem bagtyýarlygymyzyň gözbaşy bolan beýik Garaşsyzlygymyzyň şanly 30 ýyllyk baýramynyň uludan toýlanylan «Türkmenistan — parahatçylygyň we ynanyşmagyň Watany» ýylynyň möhüm wakalary täze türkmen taryhyny altyn harplar bilen bezeýär. Hormatly Prezidentimiziň parasatlylyk bilen belleýşi ýaly: «Halkymyzyň jebisligi we döredijilikli kuwwaty Watanymyzyň gülläp ösmeginiň esasydyr». Berkarar döwletimiziň bagtyýarlyk döwründe milli Liderimiziň parasatly baştutanlygynda gazanylýan üstünlikler, eýelenýän belent sepgitler merdana halkymyzyň syýasy-ykdysady we medeni-ruhy taýdan kämil ösüşleri gazanýandygyna güwä geçip, göwün guşuňy ganatlandyrýar. Türkmeniň gojaman taryhy «Garryly öý — hazyna» diýen peder pähimini biziň şu günlerimize ýetiripdir. Bu pähim ýaşulularyň durmuşdaky ornunyň, olaryň öwüt-ündewleriniň, külterlän ömür ýolunyň hemmetaraplaýyn sagdyn jemgyýeti kemala getirmekde hem kämilleşdirmekde ähmiýetiniň neneňsi derejede uludygynyň güwäsidir. Gahryman Arkadagymyzyň:«Ýaşulusy bolmadygyň, ýaşkiçisi bolmaz», «Garry — öýüň sütüni» diýen pähimleri döreden halkymyz ýaşululary mertebe-buýsanç, edep mekdebi, paýhasdan doly janly kitap hökmünde görýär» diýip belleýşi ýaly, dilleri senaly, parasatly gojalarymyzyň wagyz-nesihatlarynyň, öwüt-ündewleriniň, ylaýta-da, ýaşlaryň arasynda terbiýeçilik işlerini geçirmekde gyzylyň gyryndysy ýaly gymmaty bimöçberdir. Çünki ýaş

30 Noýabr 2021

Garaşsyzlyk

Türk­me­nis­ta­nyň bi­ta­rap­ly­gy — umu­ma­dam­zat gym­mat­ly­gy

Täze taryhy eýýamda hormatly Prezidentimiziň parasatly baştutanlygynda ýurdumyzyň halkara derejesindäki abraý-mertebesi yzygiderli ýokarlanýar. Watanymyzyň «Açyk gapylar» syýasaty dünýäniň islendik ýurdy bilen hoşniýetli gatnaşyklary ýola goýmakda giň mümkinçilikleri özünde jemleýär. Bitarap döwletimiziň daşary syýasat strategiýasynyň esasy maksady dünýä bileleşigi bilen ikitaraplaýyn we köptaraplaýyn gatnaşyklaryň ösdürilmeginden ybaratdyr. Dünýäniň dürli döwletleri, hususan-da, sebitiň ýurtlary we goňşy ýurtlar bilen syýasy, söwda-ykdysady we medeni-ynsanperwer hyzmatdaşlygyň giňeldilmegi ileri tutulýan ugurlaryň biridir. Döwletimiziň özara bähbitli we deňhukukly gatnaşyklary alyp barmagy hyzmatdaşlygyň häzirki ýagdaýlaryna baha bermäge hem-de geljekki ugurlaryny ara alyp maslahatlaşmaga mümkinçilik döredýär.

30 Noýabr 2021

Bitaraplyk

Sanly ykdysadyýetiň işjeň ösüşi

Berkarar döwletimiziň bagtyýarlyk döwründe Türkmenistanyň hormatly Prezidenti Gurbanguly Berdimuhamedowyň parasatly baştutanlygynda milli ykdysadyýetimizi bazar gatnaşyklaryna geçirmek, onuň ösüşini innowasion ugurlar boýunça üpjün etmek üçin ähli şertler döredilýär. Hususan-da, ýurdumyzda şertnama-hukuk gatnaşyklaryny kämilleşdirmek, ykdysadyýetimize daşary ýurt maýa goýumlaryny çekmek we onuň eksport kuwwatyny güýçlendirmek, döwlet bilen hususy pudaklaryň hyzmatdaşlygyny has-da pugtalandyrmak ýaly möhüm özgertmeler üstünlikli durmuşa geçirilýär. Şu özgertmeleriň netijesinde ykdysadyýetiň innowasion ösüşi, şeýle hem onuň hukuk kepilliklerini kämilleşdirmek üçin amatly ýagdaýlar döreýär, olar bolsa öz gezeginde, ilatyň durmuş hal-ýagdaýynyň yzygiderli ýokarlanmagynyň gös-göni sebäpleridir. Şol nukdaýnazardan ugur alyp, döwlet Baştutanymyz ileri tutulýan sanly ykdysadyýete geçmek wezipesi babatynda şeýle belleýär: «Bu ýerde esasy faktorlar ýokary tehnologiýalary, esasy we amaly gözlegleriň netijelerini ulanmak bilen gönüden-göni baglanyşykly bolan, jemgyýetiň intellektual potensialyndan has doly peýdalanmak, intensiw ösmek we ykdysadyýeti hil taýdan täze derejä çykarmak üçin öňdebaryjy ylmy gazanylanlary ornaşdyrmak bolup durýar». Ýokarda bellenilip geçilişi ýaly, milli Liderimiziň ykdysadyýetiň sanly ulgamyny ösdürmek boýunça başlangyjy raýatlaryň ýaşaýyş derejesini yzygiderli

30 Noýabr 2021

Ykdysadyýet

Ulag ul­ga­myn­da döw­re­bap tä­ze­lik­ler

«Türkmenistan — parahatçylygyň we ynanyşmagyň Watany» ýylynda Diýarymyzyň ähli pudaklarynda gazanylýan üstünlikler örän möhüm ähmiýete eýedir. Ýurdumyzyň geografik taýdan amatly ýerleşmegi bilen, häzirki zaman halkara ulag geçelgeleriniň kemala gelmegi babatda ägirt uly serişdeler goýberilýär. Bu bolsa milli ykdysadyýetimizi mundan beýläk-de ösdürmek üçin ýurtda amatly maýa goýum ýagdaýlaryny emele getirýär hem-de özara peýdaly halkara hyzmatdaşlygyny ýokarlandyrmaga şert döredýär. Amala aşyrylýan bu çäreler ýurdumyzyň ulag ulgamynyň halkara aragatnaşyk düzümine işjeň goşulyşmagyny, sebit ähmiýetli ýük gatnawlarynyň utgaşdyrylmagyny üpjün edýän iri logistik merkeziň döredilmegini şertlendirýär. Türkmenistan geljegi uly ähli ugurlar boýunça halkara ulag geçelgelerini döretmegi işjeňleşdirýär. Hormatly Prezidentimiziň başlangyçlary esasynda ýurdumyz tarapyndan gurulýan ýollar parahatçylygyň, hoşniýetli goňşuçylygyň we hyzmatdaşlygyň esaslary bolup çykyş edýär. Ulag-üstaşyr geçelgeleriniň ösdürilmegi Türkmenistanyň ykdysady bähbitlerine doly laýyk gelýär. Goňşy döwletler hem bir sebitiň çäklerine degişli özara baglanyşykly ulag ýollarynyň gurulmagyna, şeýle hem söwda-ykdysady gatnaşyklaryň pugtalandyrylmagyna uly gyzyklanma bildirýärler. Hormatly Prezidentimiz ýurdumyzda ýol hereketiniň howpsuzlyk derejesini ýokarlandyrmak ugrunda uly tagallalary edýär. Bu babatda milli Liderimiz

30 Noýabr 2021

Jemgyýet

Ro­waç­lyk­la­ryň röw­şen ýo­lun­da

Hormatly Prezidentimiziň parasatly baştutanlygynda Berkarar döwletimiziň her bir güni oňyn özgerişlere, rowaçlyklara beslenýär. Gahryman Arkadagymyzyň taýsyz tagallasy, yhlas-aladasy bilen ýurdumyz özgerýär, Watanymyz gülleýär. Mukaddes Garaşsyzlygymyzyň şanly 30 ýyllyk toýunyň uludan toýlanan 2021-nji ýylda halkymyzyň durmuşyny täze many-mazmun bilen baýlaşdyran ençeme şanly wakalaryň şaýady bolmagymyz, il bähbitli, durmuş ähmiýetli desgalardyr binalaryň ençemesiniň ulanylmaga berilmegi, döwletimiziň berkararlyk binýadyny berkitjek, jemgyýetimiziň ýaşaýyş-durmuşyny has-da ýokary göterjek möhüm çözgütleriň, wajyp resminamalaryň kabul edilmegi Watanymyzyň her gününiň ösüş-özgerişlere beslenýändigine bütin aýdyňlygy bilen güwä geçýär. Diýarymyzy toplumlaýyn özgertmek boýunça kabul edilen çäreler öz oňyn netijelerini berýär. Ýurdumyzda iri zawod-fabrikleriň gurluşygy üstünlikli alnyp barylýar. Amala aşyrylýan giň gerimli özgertmelere laýyklykda, nebitgaz känleri özleşdirilýär we abadanlaşdyrylýar, esasy gaz geçirijiler gurulýar. Has oňaýly ýaşaýyş jaýlarynyň, mekdepleriň, ýokary derejeli myhmanhanalaryň we durmuş maksatly beýleki desgalaryň gurluşygy giň gerim bilen alnyp barylýar we olar ulanmaga berilýär. Şäherdir obalarymyzda döwrebap durmuş-ykdysady, ulag-aragatnaşyk, inžener-tehniki üpjünçilik ulgamlary döredilýär. Döwlet we jemgyýetçilik durmuşyna demokratik ýörelgeler ornaş

30 Noýabr 2021

Ykdysadyýet

San­ly bi­li­miň giň müm­kin­çi­lik­le­ri

Diýarymyzda bilim ulgamynyň ösüşini ýokarlandyrmak we ulgamda alnyp barylýan işleri döwrebaplaşdyrmak üçin sanly bilim ulgamy birkemsiz we bökdençsiz amala aşyrylýar. Hormatly Prezidentimiziň halkymyza peşgeş beren «Türkmenistan Durnukly ösüşiň maksatlaryna ýetmegiň ýolunda» atly kitabynda: «Bilim ulgamy bähbitler bilen her bir raýatyň bähbidiniň goşulyşmagynyň, ýurdy durmuş-ykdysady taýdan ösdürmegiň we türkmen jemgyýetiniň ruhy taýdan ösüşiniň depginlerini ýokarlandyrmagyň esasy şerti bolmagynda galýar» diýip, parasatlylyk bilen bellemegi kämil bilimiň we ylmyň döwrebap ösüşleriň binýadydygy baradaky hakykata anyk hem özboluşly many çaýýar. Çünki milli bilim ulgamy durnukly ösüşi üpjün edýän güýç bolup çykyş edýär. Bu babatda «Türkmenistanda sanly bilim ulgamyny ösdürmegiň Konsepsiýasy» hem kabul edilip, onuň durmuşa ornaşdyrylmagy jemgyýetimiziň we döwletimiziň gülläp ösmeginiň bähbidine ykdysadyýete hem-de beýleki ugurlara innowasion serişdeleri çekmäge mümkinçilik berýär. Bu Konsepsiýa maglumat gurşawyny döretmäge hem-de bilim bermegiň ähli başlangyçlaryny ýokary hilli elektron bilim maglumatlary bilen üpjün etmäge, berilýän bilimiň mazmunyny baýlaşdyrmaga hem-de kämilleşdirmäge gönükdirilendir. Konsepsiýa esasynda ösen döwletlerde ulanylýan täzeçillikleriň, usulyýetleriň milli bilim ulgamyna giňişleýin we netijeli ornaşdyrylmagy, innowasiýalaryň, kompýuter tehnologiýalar

30 Noýabr 2021

Bilim

Bi­lim –ösüş­le­riň binýady

Berkarar döwletimiziň röwşen ertirleriniň dowamaty bolan ýaşlaryň dünýä ölçeglerine laýyk bilim almagynyň hem-de ýurdumyzyň ykdysady, syýasy, medeni durmuşyna mynasyp goşant goşmagynyň, kämil hünärmenler bolup ýetişmeginiň möhüm şertleriniň biri-de olaryň häzirki zaman maglumat tehnologiýalaryny hünär işinde işjeň we netijeli ulanyp bilmegini gazanmakdan ybaratdyr. Diýarymyzyň bilim ulgamynyň häzirki ösüş tapgyrynda öňde durýan bu möhüm wezipe dünýäniň öňdebaryjy gazananlarynyň esasynda milli sanly bilim ulgamynyň mundan beýläk-de ösdürilmegini, bilimiň ähli basgançaklarynda okatmagyň innowasion çemeleşmeleri bilen utgaşyklylykda maglumat-kommunikasiýa tehnologiýalarynyň giňden ornaşdyrylmagyny şertlendirýär. Elbetde, sanly bilim ulgamynyň çäginde bilim ojaklarynyň arasynda guralýan teleköpri arkaly geçirilýän okuwlara aýratyn ornuň degişlidigini bellemek gerek. Teleköpri arkaly geçirilýän okuwlar, bir tarapdan ýaşlara ýurdumyzyň beýleki bilim ojaklarynda zähmet çekýän tejribeli mugallymlaryň geçýän sapaklaryny öz bilim ojagynyň çäginden çykman özleşdirmegine mümkinçilik berýän bolsa, ikinji tarapdan, ol mugallymlara özara tejribe alyşmaga-da giň mümkinçilik berýär. Maglumatlaryň sanly ulgama geçilýän döwründe ýurdumyzyň ylym-bilim ojaklarynyň arasynda ylmy maglumatlary alyşmagyň toruny emele getirmek, olaryň onlaýn ulgamy arkaly baglanyşdyrylmagy möhüm ähmiýete eýedir. Ylym-bi

30 Noýabr 2021

Bilim

Goşgylar toplumy

Men özümi aýamadym hiç ýerde… Men özümi aýamadym hiç ýerde,Gaýgyda, hesretde, şatlykly günde.Aglamda geň galdy terkidünýäler,Bagtlylar geň galyp bakdy gülemde.

30 Noýabr 2021

Edebiýat

Ru­hy gym­mat­lyk­la­ryň göz­ba­şy

Gün­do­ga­ryň be­ýik akyl­da­ry Mag­tym­gu­ly Py­ra­gy hal­ky­my­zyň, ag­zy­bir­lik, bi­te­wi­lik ýö­rel­ge­si­ni öl­mez-ýit­mez şy­gyr­la­ry ar­ka­ly bü­tin öm­rün­de wa­tan­daş­la­ry­na wa­gyz eden akyl­dar­dyr. Bir sup­ra­nyň da­şy­na jem bo­lan türk­men ili­ni gör­mek, er­ka­na türk­men bi­na­sy­nyň — ber­ka­rar türk­men döw­le­ti­niň ýa­şaý­jy­sy bol­mak be­ýik Py­ra­gy­nyň ömür­bo­ýy eden ar­zu­wy­dy­gy­na: «Bir sup­ra­da taý­ýar ky­lyn­sa aş­lar, Gö­te­ri­ler ol yk­ba­ly türk­me­niň» di­ýen aja­ýyp se­tir­le­ri hem şa­ýat­lyk ed­ýär. Hor­mat­ly Pre­zi­den­ti­mi­z pa­ra­sat­ly­lyk bi­len: «Yn­san kal­by­na ýag­şy­lyk şug­la­sy­ny çaý­ýan Mag­tym­gu­ly Py­ra­gy­nyň pä­him-paý­ha­sy bi­ziň jem­gy­ýe­ti­miz­de hä­zir has ro­waç al­ýar, türk­me­niň akyl­dar og­lu­na be­lent sy­lag-sar­pa­sy­ny art­dyr­ýar. Türk­men top­ra­gy­nyň ha­ky­ky wa­tan­çy­sy, joş­gun­ly wasp­çy­sy Mag­tym­gu­ly Py­ra­gy­nyň şy­gyr­la­ry jem­gy­ýe­ti­mi­ziň ru­hy kä­mil­li­gi­ne, ah­lak sag­dyn­ly­gy­na hyz­mat ed­ýär, hal­ky­my­zyň wa­tan­sö­ýü­ji­li­gi­ni, er­kin­li­gi­ni, bi­te­wi­li­gi­ni, ag­zy­bir­li­gi­ni, ýo­ka­ry adam­kär­çi­lik sy­pat­la­ry­ny wasp ed­ýän be­lent aý­dym bo­lup ýaň­lan­ýar» diýip belleýär. Mag­tym­gu­ly Py­ra­gy­nyň dün­ýä ede­bi­ýa­ty­nyň al­tyn ha­zy­na­sy­na gi­ren baý hem-de gym­mat­ly ede­bi mi­ra­sy­ny, dün­ýe­wi ga­ra­ýyş­la­ry­ny, şy­gyr­la­ryn­da­ky pel­se­pe äle­mi­

30 Noýabr 2021

Medeniýet

Han­la­r ha­ny

Alym Arkadagymyzyň: «Garagoýunly türkmenlerinden gelip çykan hanlaryň hany Baýram hanyň, onuň ogly Abdyrahym hanyň Beýik Mogollar şadöwletiniň berkemeginde we gülläp ösmeginde bitiren hyzmaty çäksizdir. Halkyň jümmüşinden çykan beýik serkerde şahyr Baýram han Türkmen galamyň we kelamyň güýji bilen uly işleri bitiripdir, halk bähbidiniň hem-de adalatyň goragçysy bolupdyr. Şahyranalyk we pelsepewi paýhas bitewiligi, ynsanyýetiň waspy we adam mertebesini ýokary götermek hakyndaky müň öwüşginli garaýyşlar şahyryň döredijiliginiň esasy aýratynlyklarynyň biridir. Ynsanperwerligiň, dostlugyň, ýagşylygyň, gözelligiň waspnamasy hökmünde umumadamzat şygryýet hazynasyna giren Baýram hanyň edebi mirasy biziň milli buýsanjymyzdyr. Jemgyýetimiziň galkynýan täze taryhy döwründe özüniň öçmez-ýitmez şygyrlary bilen türkmen halkynyň ruhy dünýäsini äleme ýaýan serkerde şahyr Baýram hanyň adyny , mertebesini şöhratlandyrmak biziň mukaddes borjumyzdyr» diýip bellemegi Muhammet Baýram hana berilýän iň ýokary derejelerden nyşandyr. Bagtyýar türkmen halkymyz bu gün hormatly Prezidentimiziň saýasynda türkmeniň beýik akyldar, batyr, edermen ogly, Gündogaryň ussat döwlet işgäri Muhammet Baýram han Türkmeniň arzuwlan zamanasynda Berkarar döwletde ýaşamak bilen, gaýduwsyz döwlet işgärleriniň özboluşly döredijiligine, edebi mirasyna uly sarpa goýýar. «Türkmenistan — parahatçylygyň we ynanyşmagyň Watany» ýyl

30 Noýabr 2021

Taryh

Türk­menleriň Re­su­lo­gul­la­ry begligi

Adamzat özüniň taryhy ösüşinde uzak ýoly geçipdir. Taryh ylmy Ýeriň ýüzünde ozal ýaşan we häzir ýaşaýan halklaryň ýaşaýyş durmuşlaryny, olaryň ýaşaýşynda deňsizligiň ýüze çykyşynyň sebäplerini, döreden jemgyýetlerini, döwletlerini, döwlet dolandyryş edaralaryny, syýasy we ykdysady gurluşlaryny öwrenýär. Hormatly Prezidentimiziň baştutanlygynda halkymyzyň asyrlaryň jümmüşinden gözbaş alýan ýol-ýörelgelerini, däp-dessurlaryny, edim-gylymlaryny täzeden dikeltmeklige, medeni we ruhy mirasymyzy öwrenmäge giň mümkinçilikler döredi. Türkmen halky müňlerçe ýyllaryň dowamynda dünýä medeniýetiniň umumy taryhyna saldamly goşant goşup geldi. Geçmişde türkmenler dürli sebäplere görä, dünýäniň köp ýerlerine göç edipdirler. Olar baran ýerlerinde döwlet gurup, öz başarnyklaryny görkezipdirler. Türkmenler taryhyň sahnasyna çykan gününden başlap, birnäçe döwletler bilen syýasy, ykdysady we medeni gatnaşyklarda bolupdyrlar. Şol bir wagtyň özünde beýleki halklar bilen mäkäm jebisleşip, agzybirligiň we parahatçylygyň saklanmagyna uly goşant goşupdyrlar. Bu bolsa olaryň guran döwletleriniň syýasy ýagdaýynyň ýokarlanmagyna, söwda-ykdysady taýdan ösmegine we kämilleşmegine itergi beripdir.

30 Noýabr 2021

Taryh