"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Ynamdar dost

Seniň bilen gyzyklanýan, saňa goldaw berýän, durmuşyňa gatnaşýan, duýgularyňa, kynçylyklaryňa, gazanýan her bir ýeňşiňe we şowsuzlygyňa biparh garamaýan adam seniň dostuňdyr. Ynsan durmuşynda, okuwda, her bir işde maslahata mätäç. Maslahaty oňa ata-ene, dost-dogan, mugallym ýa-da ýaşuly nesil berip bilýär. Bularyň içinde ýürege, kalba iň bir ýakyn, mähirdeş, syrdaş dostdur. Hakyky dosta ýürek syryň ynanylýar. Taryhda men-men diýen gerçekler özlerine ýürekdeş, wepadar dost gazanmaga uly ähmiýet beripdirler. Sebäbi jiger içre jan bolup biljek syrdaş dost gam-gussaňy çekişýär, begenjiňe şatlanýar. Türkmen halkynyň müňýyllyklara uzap gidýän taryhy ýolunda durmuşyň islendik meselesine degişli nakyllar biziň häzirki günümizde altyna barabar hazynamyzdyr. Olaryň arasynda dostluk hakynda ençeme nakyl bar. «Dost başyňa iş düşende tanalar», «Dost-dostuň aýnasy», «Dost geňeşde belli»...

18 Fewral 2021

Edebiýat

Şägirt

Il sylagly ýaşuly Jumamyrat Nazarowyň howlusy bu gün diýseň köp adamlydy. Gelenler: «Jumamyrat aga, toýlar gutly-mübärek bolsun! Tüweleme, agtygyňyz Abdylla harby okuw mekdebini tamamlapdyr. Onuň indi Watan goragçysy hökmünde uly abraýyň eýesi boljak günleri daşda däl» diýip, ýaşulyny agtygynyň üstünligi bilen gutlaýardylar. Sekiniň üstünde oturan zenanlaryň biri: «Ogul diýeniň Abdylla ýaly bolaýsa. Şeýle akylly, şeýlekin pespäl, edepli, basan ýerinden ot çykýan ýigidiň söýen gyzy nähilikä?» diýip sorady welin, olaryň arasynda oturan Zybagül atly gelin: — Abdyllanyň söýýän gyzynyň Aý diýseň, agzy bar, Gün diýseň, gözi bar. Ol bu görünýän gyzlaryň ählisinden owadan, özem giň gözýetimli, ýokary okuw mekdebini, çakym çak bolsa, ýene iki ýyldan tamamlaýar. Emma onuň adyny aýtmaga hakym ýok — diýip, onuň nagt jogabyny berdi. Onda bu ýerde oturan gelinleriň ýene biri:

18 Fewral 2021

Edebiýat

Toplumlaýyn işleriň netijeleri Gahryman Arkadagymyzyň baştutanlygynda has-da aýdyňlaşdyrylýar

Ata Watanymyzyň mukaddes Garaşsyzlygynyň şanly 30 ýyllyk toýunyň toýlanyljak ýylynda durmuşa geçirilýän toplumlaýyn maksatnamalar barha giň gerime eýe bolýar. Milli Liderimiziň amala aşyrýan beýik işleriniň, umumadamzat bähbitli tagallalarynyň döwlet we jemgyýetçilik durmuşyndaky ähmiýetli ornuna hepdäniň möhüm wakalary aýdyň şaýatlyk edýär. Bilşimiz ýaly, 7-nji fewralda hormatly Prezidentimiz käbir Hökümet agzalarynyň, medeniýet ulgamynyň we köpçülikleýin habar beriş serişdeleriniň, pudaklaýyn düzümleriniň ýolbaşçylarynyň, ugurdaş ýokary okuw mekdepleriniň rektorlarynyň gatnaşmagynda sanly ulgam arkaly iş maslahatyny geçirdi. Onda medeniýet ulgamynda we köpçülikleýin habar beriş serişdelerini ösdürmek boýunça ýerine ýetirilen işleriň netijelerine garaldy we olary ösdürmegiň geljekki wezipeleri kesgitlendi.

11 Fewral 2021

Garaşsyzlyk

Döwre buýsanç - zähmete hyjuw

Aganepes OMAROW,Daşoguz welaýatynyň Boldumsaz etrap kazyýetiniň kazysy: — Ýakynda hormatly Prezidentimize ýurdumyzyň harby we hukuk goraýjy edaralarynyň maddy-enjamlaýyn binýadyny has-da berkitmek we döwrebaplaşdyrmak boýunça işleriň barşy bilen tanyşmagynyň barşynda, harby gullukçylar we işgärler üçin lybaslaryň täze nusgalarynyň görkezilmegi biz, Watan goragçylary üçin aýratyn buýsandyryjy waka boldy. Munuň özi Gahryman Arkadagymyzyň mähriban halkymyzyň her bir wekiliniň, şol sanda merdana Watan goragçylarynyň ýaşaýyş-durmuş şertleriniň ýokary derejede bolmagy babatda edýän tagallalarynyň aýdyň netijesidir.

11 Fewral 2021

Garaşsyzlyk

Hukuk terbiýesi — geljegi nazarlaýan iş

Hormatly Prezidentimiziň kakasy gulluk eden döwründe ýedi gezek ýokary döwlet sylaglaryna mynasyp bolan, «Içerki goşunlarda gullukda tapawutlanandygy üçin» diýen döşe dakylýan nyşan bilen sylaglanan, 1982-nji ýylda içeri işler edaralarynda podpolkownik harby adynda gullugyny tamamlap, zähmet ýoluny Türkmenistanyň Bilim ministrliginiň düzümleýin edaralarynda dürli wezipelerde dowam eden, ilhalar ynsan, Türkmenistanyň içeri işler edaralarynyň hormatly weterany Mälikguly Berdimuhamedowyň zähmet we durmuş ýoly bütin türkmen halkymyz bilen birlikde, biziň bilim ojagymyzda hem okuw-terbiýeçilik işlerini mynasyp alyp barmakda beýik mekdep bolup durýar. Çünki, döwletimizde ylym-bilimiň döwrebap ösdürilmegi hem-de bu ulgama ornaşdyrylýan ýokary hilli tehnologiýalar talyp ýaşlarymyzyň ählitaraplaýyn kämil bilim almagyna oňyn täsirini ýetirýär. Bagtyýar talyp ýaşlarymyz ylmy tehnologiýanyň gazananlaryny üstünlikli ele almakda, daşary ýurt dillerini öwrenmekde, ylmy işler, şeýle-de sportuň dürli görnüşleri, aýdym-saz, sungat bilen meşgullanmakda öz başarnyklaryny görkezýärler. Ýaşlarymyzyň eşretli durmuşda ýaşamagy, okamagy, öwrenmegi, ýokary derejeli hünärmenler bolup ýetişmegi üçin döwlet tarapyndan yzygiderli tagallalar edilýär.

11 Fewral 2021

Jemgyýet

Sanly ulgamyň mümkinçilikleri

Parasatly Prezidentimiziň taýsyz tagallasy netijesinde, milli ykdysadyýetimiziň ähli ulgamlarynda sanly ulgamy ornaşdyrmak we olary yzygiderli ösdürmek hem-de kämilleşdirmek arkaly giň gerimli işler alnyp barylýar. Ýurdumyzda bu ugurda kabul edilen Konsepsiýalarda we maksatnamada hem milli ykdysadyýetimize sanly ykdysadyýeti ornaşdyrmagyň, maksady, wezipeleri we olary amala aşyrmagyň ugurlary, şeýle-de ösen maglumat aragatnaşyk tehnologiýalarynyň häzirki ýagdaýy aýdyň beýan edilýär. Döwletimizde milli ykdysadyýetimiziň pudaklaryny, edara-kärhanalaryny we guramalaryny sanlylaşdyrmagyň baş maksady täze döwrebap sanly innowasiýalary ornaşdyrmak arkaly sanlylaşdyrylmagy gazanmakdan, obalary we şäherleri sanly maglumat-aragatnaşyk ulgamy bilen üpjün etmekden ybarat bolup durýar. Türkmen döwlet ykdysadyýet we dolandyryş institutynyň binýadynda hem sanly ulgamy ösdürmek babatynda täze döwrebap ugurlaryň birnäçesi açyldy. Olar «Sanly ykdysadyýet», «Sanly ykdysadyýetde maliýe bazarlary we maliýe howpsuzlygy», «Ykdysady kibernetika» hem-de «Söwda we logistikada sanly tehnologiýalar» ýaly ugurlardyr. Ýurdumyzyň talyp ýaşlarynyň döwrebap bilim almagy hem-de geljekde öz işlerine ökde hünärmenler bolup ýetişmekleri üçin ähli mümkinçilikler döredilýär. Institutymyzyň çäginde sanly bilim portalynyň döredilmegi we oňa professor-mugallymlaryň okadýan okuw dersleriniň maglumatlarynyň ýüklenilmeg

11 Fewral 2021

Ykdysadyýet

Buýsançly waka

Golaýda, Türkmenistanyň Döwlet migrasiýa gullugynyň harby gullukçylary bilen «Türkmenistan: Altyn asyr» teleýaýlymynyň döredijilik toparynyň işgärleriniň bilelikde guramagynda Türkmenistanyň raýatlygyna kabul edilen adamlaryň maşgala durmuşynda bolan özgerişler, ösüşler barada olaryň berýän buýsançly gürrüňleri, özleriniň ýürek arzuwlaryny wysal eden, baky bagtyýarlygy peşgeş beren hormatly Prezidentimize egsilmez alkyş sözlere beslenen ýürek buýsançlary sanly ulgam arkaly, göni wideoaragatnaşygynda, onlaýn görnüşinde teleýazgy edilip, ýaýlyma berildi. Teleýazgynyň dowamynda Türkmenistanyň raýatlygyna kabul edilen adamlar ýurdumyzda ynsanperwerligiň ajaýyp nusgasyny giňden dabaralandyrýan mähriban Arkadagymyza tüýs ýürekden egsilmez sagbolsunlaryny aýdyp, hemişelik Bitarap Türkmenistanda adam hakyndaky aladanyň iň öňdäki orunda durýandygyny, raýatlaryň erkana, parahat we bolelin durmuşda ýaşamagy üçin ähli mümkinçilikleriň döredilýändigini buýsanç bilen bellediler. Olar: «Men Türkmenistanyň raýaty» şeýle belent heň bilen ýaňlanan bu mukaddes jümläniň her bir adamyň kalbyndan syzylyp çykmagy, adamlaryň bagtyýarlygynyň aýdyň nyşany bolup, ýüreklere ornady.

11 Fewral 2021

Jemgyýet

Saýlaw möwsüminde

Hormatly Prezidentimiziň parasatly baştutanlygynda ýurdumyzyň milli kanunçylyk ulgamyny düýpli kämilleşdirmegiň barşynda üstünlikli amala aşyrylan konstitusion özgertmeleriň netijesinde iki palataly parlament ulgamy girizildi. Şundan gelip çykýan wezipeleri çözmek üçin yglan edilen saýlaw möwsümi «Türkmenistan — parahatçylygyň we ynanyşmagyň Watany» ýylynyň esasy jemgyýetçilik-syýasy wakasy bolmak bilen, ýurdumyzyň syýasy durnuklylygynyň üpjün edilmeginde we ykdysady kuwwatlylygynyň has-da ýokarlandyrylmagynda, raýatlaryň hukuklarynyň goraglylygynyň ýokary derejede üpjün edilmeginde hem-de halkymyzyň ýaşaýyş-durmuşynyň has-da abadanlaşdyrylmagynda uly ähmiýete eýedir. Bilşimiz ýaly, Türkmenistanyň Milli Geňeşiniň Halk Maslahatynyň agzalygyna saýlawlar bilen baglylykda, şu ýylyň 2-nji ýanwaryndan ýurdumyzda saýlaw möwsümi başlandy. Saýlaw möwsümi Halk Maslahatynyň agzalygyna dalaşgärleri erkin we deňhukukly hödürlemek, aýanlyk we açyklyk, wagyz erkinligi başlangyçlarynda, ähli dalaşgärler üçin deň mümkinçiliklerde amala aşyrylýar.

11 Fewral 2021

Jemgyýet

Parahatlyk mekanynda ýaý ganatyň, ak kepderi

Garaşsyz, hemişelik Bitarap Türkmenistan bu günki günde bütin dünýäde parahatçylygy, dost-doganlygy berkarar etmekde, durnukly ösüşi gazanmakda milletler bileleşiginiň tagallalaryny goldaýan, beýik maksatlara gönükdirilen syýasaty alyp barýan döwlet hökmünde giňden ykrar edilýär. Gahryman Arkadagymyzyň umumadamzat ähmiýetli başlangyjy bilen BMG-niň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi ýurdumyzyň parahatçylyk söýüjilikli syýasatynyň dabaralanýandygynyň aýdyň subutnamasy boldy. Bularyň hemmesi türkmen halkynyň gadymdan gelýän parahatçylyk söýüjilik, ynanyşmak, ynsanperwerlik we dost-doganlyk ýörelgeleriniň gyzgyn goldanylýandygyna esas bolup durýar. Biz eziz Arkadagymyzyň ruhy dünýämize älemgoşar ýalkymyny çaýýan parahatçylyk taglymatyny içgin öwrenmek bilen, döwletde we dünýäde iň gymmatly hazynanyň adamdygyna, onuň parahat durmuşydygyna anygy bilen göz ýetirýäris. Adama gowulyklara öýkünmäge, päklige daýanmaga we ýagşylyklara bil baglamaga ymtylmak mahsusdyr. Gowulyklar diýlende bolsa, ilki bilen, parahatçylyk göz öňüňe gelýär. 2021-nji «Türkmenistan — parahatçylygyň we ynanyşmagyň Watany» ýylyny uly ruhubelentlik bilen garşy aldyk. Biziň ata Watanymyz dünýä jemgyýetçiliginde hemişelik Bitarap döwlet hökmünde häzirki zaman ösüşi diňe işjeň halkara ylalaşdyryjylyk ugry bilen häsiýetlendirilýär. Muny

11 Fewral 2021

Garaşsyzlyk

Ynanyşmagyň hukuk binýady

Bagtyýarlyk döwrüniň aýdyň ýoly Gahryman Arkadagymyzyň öňdengörüjilikli baştutanlygynda dost-doganlykdan, agzybirlikden we ynsanperwerlikden badalga alyp, dünýä içre uzap barýar. Milli Liderimiziň öňe süren ajaýyp başlangyjy esasynda BMG-niň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi halkymyzyň ynsanperwerlik, dost-doganlyk ýörelgeleriniň bütin dünýä nusga bolýandygynyň aýdyň nyşanyna öwrüldi.

11 Fewral 2021

Jemgyýet

Sagdyn durmuş ýörelgesi

Sagdyn durmuş ýörelgesi — munuň özi adamyň saglygyny pugtalandyrmaga, onuň işjeň ýagdaýda uzak ýaşamagyna we durmuş wezipelerini ýokary derejede ýerine ýetirmegine, ýaşaýyş, zähmet, jemgyýetçilik, maşgala dynç alyş görnüşlerine işjeň gatnaşmagyny gazanmak üçin öňüni alyş çäreleriniň kabul edilmegine, şeýle hem keselleriň sebäplerini we netijelerini düzetmek üçin öňüni alyş çärelerini amal etmäge gönükdirilen adamyň durmuşynyň keşbidir. Ýurdumyzda köpçülikleýin sport çäreleriniň yzygiderli geçirilmegi sagdyn durmuş ýörelgesine eýerýän halkymyzy sagdyn hem-de ruhubelentlikde zähmet çekmäge ruhlandyryp, sportuň dürli görnüşleri bilen yzygiderli meşgullanmaklaryna itergi berýär. Sport we sagdyn durmuş ýörelgesi biri-biri bilen aýrylmaz baglanyşyklydyr.

11 Fewral 2021

Saglyk

Ekologiýa kanunçylygynyň ösüş ugurlary

Dünýä ýüzünde daşky gurşawy goramak häzirki wagtyň aýratyn uly üns berilýän meselesi bolup durýar. Bu mesele biziň diýarymyzda hem ileri tutulýan ugurlaryň biridir. Türkmenistan ekologik howpuň döwlet derejesinde nähili netijelere getirip biljekdigini we öz üstüne kabul edip alan halkara borçnamalaryny göz öňünde tutup, daşky gurşawy gorap saklamagyň hukuk esaslaryny öz Konstitusiýasynda, «Tebigaty goramak hakynda» Türkmenistanyň Kanunynda, Türkmenistanyň Administratiw hukuk bozulmalary hakynda kodeksinde we beýleki birnäçe kadalaşdyryjy hukuk namalarynda kesgitleýär. Türkmenistanda ekologiýa maglumatlaryna elýeterliligi, ýuridik we fiziki şahslaryň daşky gurşawyň ýagdaýy we tebigy serişdeler barada doly, dogry we öz wagtynda maglumaty almaga bolan hukuklaryny üpjün etmek maksady bilen, 2020-nji ýylyň 14-nji martynda «Ekologiýa maglumaty hakynda» Türkmenistanyň Kanuny kabul edildi. Täze kabul edilen Kanun ekologiýa maglumatlarynyň elýeterliligini üpjün etmegiň hukuk, guramaçylyk, ykdysady we durmuş esaslaryny kesgitleýär. Kanunyň 1-nji maddasynda ulanylýan esasy düşünjelere, adalgalara kesgitleme berilmegi, onuň durmuşa ornaşdyrylmagy üçin örän amatly bolup durýar.

11 Fewral 2021

Ekologiýa

Sarymsak hakda

Sarymsak sogandüýplüler maşgalasyna degişli ösümlikdir. Ol kuwwatlylygyň gözbaşy, köp derdiň dermany hasaplanylýar. Onuň dermanlyk häsiýetleri gadym döwürlerden bäri bellidir. Sarymsagyň tebipler we aşpezler tarapyndan giňden ulanylandygy barada gadym golýazmalarda maglumat berilýär. Sarymsak inçejik gan damarlaryny berkitmekde deňsiz-taýsyz tebigy serişdedir. Ol ýüregiň isleýşine oňaýly täsir edýär, gan damarlardaky dartgynlylygy aýyrýar. Ol garamükür (singa) keseliniň öňüni almakda-da tapylgysyz dermanlyk ösümlikdir. Sarymsagyň düzümindäki allisin gormonlara täsir edip bilýär we gandaky holesterini 10% azaldýar. Şeýle hem onuň uýgunlaşdyryjy häsiýetleri bar.

11 Fewral 2021

Saglyk

Howpsuzlyk kadalaryny berjaý ediň!

Türkmenistanyň Içeri işler ministrliginiň Döwlet ýangyn howpsuzlygy gullugynyň işgärleri tarapyndan döwletimizdäki ilatly nokatlarda, eýeçiligiň görnüşlerine garamazdan, ykdysadyýet desgalarynda, guramalarynda, oba hojalyk ekinleri bilen bagly işleriň alnyp barylýan oba senagat toplumlarynda ýangynlaryň öňüni alyş çäreleri yzygiderli geçirilýär. Bu işler ýangynlaryň sanlarynyň azalmagyna getirýär. Ýaşaýyşdyr edara jaýlarynda ýangyn howpsuzlyk düzgünleriniň kadalaryny her bir raýatyň bilmegi hökmanydyr. Eziz ildeşler, ilki bilen, ýaşaýyş jaý-ulanyş edaralarynyň, şeýle-de edara jaýlarynyň ýangyn howpsuzlygyna jogapkär adamlar, düzgün bozulmalaryň häsiýetine, şonuň bilen bir hatarda getiren netijelerine laýyklykda, kanunda bellenilen tertipde jogapkärçilik çekýändiklerini bilmelidir. Ýaşaýyş jaýy kärendesine alan adamlar, jaý eýeleri, umumy ýaşaýyş jaýlarynda ýaşaýanlar, edaralaryň işgärleri ýangynyň döremegine getirip biljek, jaýlardaky, otaglardaky adamlaryň janyna hem-de saglygyna howp salýan hereketlere ýol bermeli däldirler. Ýangyn dörän halatynda, adamlary dessin halas etmäge ýardam berýän ýörite enjamlary elmydama işjeň ýagdaýda saklamaly. Halas ediş ýollarynda ýanyjy serişdeleri ulanmagy çäklendirip, adamlary binalardan halas etmekligi pese düşürýän gurluşyk-gurnama işlerini, şeýle-de jaý gurluşyk taslamasynyň çözgütlerini üýtgedip gurmak, özbaşdak gurluşyk-gurnama

11 Fewral 2021

Jemgyýet

Gelneje

Çagalyk döwrümdi, 8-9 ýaşlarymdadym. Ejemiň: «Gelin edinýäs, nesip bolsa» diýen şatlykly sözleri öýümize dolandan soň, meniň bilesigelijiligim artyp, gelnejemi göresim gelip başlady. Her gezek gudalaryna gidende, ejemden galmajak bolup, göýä sakyrtga ýaly ýapyşýardym. Ýöne barybir ejem meni öýde goýup gidýärdi. «Indiki dynç güni ýene gudalara gitjek» diýip aýdandan soňra, özümi alyp gitmegini sorap, ejeme özelenip ýalbardym. Bu gezek ejem maňa dözmedi, onsoňam kakam: «Gidäýsin» diýensoň, ejem meni gelnejemlere alyp gitmäge razy boldy. Dynç güni ir bilen awtobusly Arçmandan çykyp, ýarym sagadrak töweregi ýol ýöräp, Bäherdene gelnejemlere gelip düşdük. Howluda çagalar aşyk oýnap ýördüler. Olaryň oýunlaryna goşulşasym gelse-de, maksadym gelnejemi görmek bolansoň, ejemden galman, öýe girdim. Öýe giräýen ýeriňde, sag otagyň gapysy çalarak açykdy hem-de ol ýerden gyzlaryň gülki sesleri eşidilýärdi. «Gelnejeň şu otagda» diýip, ejem meni ýaňky işigi açyk otaga saldy-da, beýleki otagda oturan aýallaryň ýanyna geçip gitdi.

11 Fewral 2021

Edebiýat

Bitaraplyk we parahatçylyk — Türkmenistanyň dünýäde baky oňlanýan teklibi

Halkara habar beriş jemgyýetçiliginde Türkmenistanyň XXI asyryň 21-nji ýylyny dünýäde parahatçylygyň we ynanyşmagyň medeniýetini ösdürýän taryhy ähmiýetli wakalara besleýändigi barada dürli žanrdaky täsirli çykyşlary berýärler. Munuň sebäbi bolsa döwrüň ýüze çykarýan hakykatlary bilen bagly. Milli Liderimiziň parasatly baştutanlygynda «Türkmenistan — parahatçylygyň we ynanyşmagyň Watany» ýylymyz turuwbaşdan halkara derejeli wakalara beslendi. Wakalaryň bütin dünýäde «2021-nji ýyl — Halkara parahatçylyk we ynanyşmak ýyly» diýip yglan edilmeginiň ähmiýetini artdyrýan mazmun bilen beslenmegi, şeýle çykyşlaryň dünýä dolmagynyň sebäpleri hökmünde beýan edilýär.

4 Fewral 2021

Bitaraplyk

Demokratik ýörelgelere esaslanýan saýlaw möwsümi dowam edýär

Berkarar döwletimiziň bagtyýarlyk döwründe Gahryman Arkadagymyzyň baştutanlygynda türkmen jemgyýetiniň täze taryhy eýýamynda döwrebap özgertmeler durmuşa geçirilýär. 2020-nji ýylyň sentýabr aýynda geçirilen Türkmenistanyň Halk Maslahatynyň mejlisinde makullanylan, Türkmenistanyň Mejlisi tarapyndan kabul edilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanuny ýurdumyzyň taryhynda aýratyn ähmiýetli, taryhy waka boldy. Geçirilen konstitusion özgertmeler ýurdumyzy mundan beýläk-de demokratiýalaşdyrmakda möhüm ädim boldy. Milli Liderimiziň baştutanlygynda durmuşa geçirilýän ýurdumyzyň Parlamentiniň ornuny ýokarlandyrmaga we ygtyýarlyklaryny giňeltmäge gönükdirilen özgertmeler türkmen jemgyýetini mundan beýläk-de demokratiýalaşdyrmaga, ilatyň syýasy işjeňligini ýokarlandyrmaga ýardam eder. Milli Geňeş Gahryman Arkadagymyzyň belleýşi ýaly, halkymyzy birleşdirýän we belent maksatlara ugrukdyrýan umumymilli wekilçilikli edara öwrüler, ýurdumyzda halk häkimiýetiniň pugtalanýandygynyň dabaralanmasy bolar.

4 Fewral 2021

Jemgyýet

Aşgabat — binagärligiň täsin nusgasy

Türkmen halky işjeňligi, zähmetsöýerligi, erjelligi bilen dünýäde özüni tanadan halkdyr. Köşkdür binalary, ýoldur köprüleri gurmakda geljekki nesillere nusgalyk miras galdyran ata-babalarymyzyň binagärlik sungaty bilen häzirki zaman ülňüleriniň özara sazlaşygyndan emele gelen nurana binalaryň gurulmagy, ýurdumyzyň gurluşyk meýdançasyna öwrülmegi, yzygiderli senagatlaşmagy ata Watanymyzyň ösüşlere beslenýändigini görkezýär. Munuň şeýledigini Aşgabadyň ýurdumyzyň iri işewürlik, dolandyryş we jemgyýetçilik syýasy merkezine öwrülmeginiň, bu ýerde uly medeni, döredijilik, intellektual mümkinçilikleriň jemlenmeginiň mysalynda hem görmek bolýar. Ak mermere bürenen paýtagtymyzyň ençeme desgalarynyň Ginnesiň rekordlar kitabyna girizilmegi, soňky ýyllarda ylym-bilimiň, halkara hyzmatdaşlygyň merkezi hökmünde mertebesiniň ýokarlanmagy Türkmenistanyň at gazanan arhitektory, döwlet Baştutanymyzyň pähim-parasadyndan gözbaş alýar. «Türkmenistan — parahatçylygyň we ynanyşmagyň Watany» ýylynda, ýurdumyzyň ösüşlere beslenýän bagtyýarlyk döwründe paýtagtymyz Aşgabadyň keşbiniň döwrebap gözelleşmegi, abadanlaşmagy kanunalaýyk ýagdaýdyr. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» paýtagtymyzy özgertmekde hil we mazmun taýdan täze derejäniň, öňdebaryjy halkara tejribäniň gazananlarynyň, iň kämil innowasiýalaryň üpjün edi

4 Fewral 2021

Bitaraplyk

Döwre buýsanç - zähmete hyjuw

Meýlis ATAÝEW,Aşgabat şäher gümrükhanasynyň gümrük statistikasy bölüminiň kiçi gözegçisi, uly leýtenant: — Milli Liderimiziň tagallalary bilen häzirki wagtda halkara söwda ugurlarynyň strategik taýdan ähmiýetli çatrygynda ýerleşen ýurdumyzyň ulag-üstaşyr kuwwatyny has doly amala aşyrmak üçin giň mümkinçilikler döredilýär.

4 Fewral 2021

Bitaraplyk

Umumadamzat ähmiýetli tagallalar : daşary syýasatda baş ýörelge

Hormatly Prezidentimiziň öňdengörüjilikli daşary we içeri syýasatynyň netijesinde amala aşyrylýan tutumly işler Berkarar döwletimiziň bagtyýarlyk döwründe ýurdumyzyň mundan beýläk-de ösmegine, onuň halkara abraýynyň täze belentliklere göterilmegine ýardam edýär. Hemişelik Bitaraplyk hemişelik parahatçylykdyr, goňşy döwletlerde, tutuş dünýä ýüzünde syýasy durnuklylygyň kepilidir. Milli Liderimiziň nygtaýşy ýaly, bitaraplyk we parahatçylyk diýen düşünjeler bölünmezdir. Munuň şeýledigine hormatly Prezidentimiziň «Parahatçylyk sazy, dostluk, doganlyk sazy» atly kitabyny okanyňda doly göz ýetirmek bolýar. Bu kitapda bellenilişi ýaly, türkmenleriň öz taryhynyň irki döwürlerinde-de döwletiň we halkyň bähbitlerini goramak maksady bilen, öňüni alyş diplomatiýasyny ulanandygy, «Ähdi-peýman şertnamasy» diýlip atlandyrylýan halkara şertnamalaryny baglaşandygy bellidir. Türkmenistanyň hemişelik Bitaraplyk hukuk ýagdaýyna esaslanyp, halkara guramalarynyň, şol sanda dünýäde parahatçylygy, howpsuzlygy, durnukly ösüşi üpjün etmegi maksat edinýän Birleşen Milletler Guramasynyň başlangyçlaryna goşulmagy, şol işleri sebitde durmuşa ornaşdyrmagy, parahatçylyk söýüjilikli Harby doktrinasy, goňşy döwletlere ynsanperwer kömekleri Watanymyzyň öňküden hem gülläp ösmegini, türkmen halkynyň has-da eşretli durmuşda ýaşamagyny kepillendirdi. Türkmenistan Watanymyzyň öňe süren hemişelik Bitaraplyk syýasaty t

4 Fewral 2021

Bitaraplyk