"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Asylly ýörelgeler dowamat-dowam

Gahryman Arkadagymyzyň pähim-paýhasa ýugrulan asylly başlangyçlaryny has-da rowaçlandyrýan hormatly Prezidentimiziň baştutanlygynda belent ruhy-ahlak ýörelgelerimiz, beýik ynsanperwer däplerimiz, medeni-ruhy gymmatlyklarymyz esasynda jemgyýetimizi we döwletimizi sazlaşykly ösdürmäge, agzybirligimizi we jebisligimizi has-da berkitmäge ähmiýet berilýär. 11-nji dekabrda Gökdepe metjidinde türkmen halkynyň Milli Lideriniň we Arkadagly Gahryman Serdarymyzyň gatnaşmaklarynda hajy Arkadagymyzyň mukaddes Käbä zyýarat etmeginiň hormatyna sadaka berilmegi hem halkymyzyň köpasyrlyk milli ýörelgeleriniň, maşgala gymmatlyklarynyň häzirki döwrüň ruhuna kybap derejede dowam etdirilýändiginiň aýdyň beýany boldy. Sadaka Mejlisiň Başlygy, Hökümet agzalary, welaýatlaryň, Aşgabat, Arkadag şäherleriniň häkimleri, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň ýolbaşçylary, Halk Maslahatynyň agzalary, Mejlisiň deputatlary, Türkmenistanyň daşary ýurtlardaky diplomatik wekilhanalarynyň hem-de ilçihanalarynyň, halkara guramalaryň wekilleri, köpçülikleýin habar beriş serişdeleriniň ýolbaşçylary, welaýatlaryň, Aşgabat we Arkadag şäherleriniň ymamlary, hormatly ýaşulular gatnaşdylar.

12 Dekabr 2024

Syýasat

Watana hyzmat — belent sarpa

Mälim bolşy ýaly, hormatly Prezidentimiz nusgawy türkmen şahyry Magtymguly Pyragynyň doglan gününiň 300 ýyllygy mynasybetli degişli Resminama gol çekdi. Oňa laýyklykda, ýurdumyzyň birnäçe raýatlary Türkmenistanyň «Magtymguly Pyragynyň 300 ýyllygyna» atly ýubileý medaly bilen sylaglanyldy. Biz hem döwlet sylagyna mynasyp bolan ildeşlerimiziň tüýs ýürekden gutlaýarys.

12 Dekabr 2024

Garaşsyzlyk

Abadanlyk — bagtyýarlyk

Ýangyn howpsuzlygy adamlaryň jany we saglygy, eýeçiligi, daşky gurşawyň abadançylygy babatynda ýokary derejede howpy saklaýandygy sebäpli, özi babatda ýyllaryň dowamynda gazanylan tejribä hem-de döwrebap bilimlere daýanýan çemeleşmäni talap edýär. «Pähim-paýhas ummany Magtymguly Pyragy» ýylynda hem Gahryman Arkadagymyz hem-de hormatly Prezidentimiz tarapyndan ýurdumyzyň abadanlygy, ilimiziň bagtyýarlygy ugrunda döwletli işler amala aşyrylýar. Şundan ugur alyp, şu ýylyň martynda redaksiýamyzda her ýylda geçirilmegi däbe öwrülen «Ýurt abadan — il bagtyýar» atly döredijilik bäsleşigi yglan edilipdi. Bäsleşige dürli ulgamlardan ýaşlar gatnaşyp, olar ýangyn howpsuzlyk düzgünlerini wagyz-nesihat edýän mowzuklardan birnäçe ugurlar boýunça çykyş etdiler. Ýakynda, ýagny 6-njy dekabrda bäsleşigiň jemi jemlenilip, eminler tarapyndan mynasyp görlen ýeňijilere Hormat hatlary we gymmat bahaly sowgatlar gowşuryldy. Biz hem olaryň ýürek buýsançlaryny size ýetirmegi makul bildik.

12 Dekabr 2024

Jemgyýet

«Hakyda göwheri»: taryhyň geljege ýaňy

«Biziň halkymyza ylma yhlaslylyk we kitaplara bolan söýgi mydama-da mahsus bolupdyr. Halk nesilden-nesle geçip gelýän kitaplary gözüniň göreji ýaly gorap saklapdyr» diýip, Gahryman Arkadagymyz Gurbanguly Berdimuhamedow täze «Hakyda göwheri» atly ajaýyp eserinde belläp geçýär. Elbetde, kitap okamak, ylym öwrenmek türkmeniň aslynda bar diýsek, hakykatdan daş düşdügimiz bolmaz. Esasan hem halkymyzyň müňýyllyklara uzap gidýän geçmişini, türkmenleriň taryhy döwürlerde görkezen mertliklerini, gahrymançylyklaryny, gadymy arhitektura ýadygärliklerini, medeni gymmatlyklaryny açyp görkezýän kitaplaryň gymmaty has-da uly bolýar. Mälim bolşy ýaly, hormatly Prezidentimiz Serdar Berdimuhamedow 29-njy noýabrda geçiren Ministrler Kabinetiniň mejlisinde Gahryman Arkadagymyzyň täze kitabynyň neşir edilendigini habar berdi. Gahryman Arkadagymyzyň hemişelik Bitaraplygymyzyň şanly baýramçylygynyň öň ýanynda bu kitabyny sowgat bermegi halkymyzyň şatlygyny goşalandyrdy, joşgunyny ganatlandyrdy. Bu ajaýyp kitapda merdana halkymyzyň asyrlaryň jümmüşine uzap gidýän şöhratly ýoly, dünýä ösüşine goşan ägirt uly goşandy, görnükli şahsyýetlerimiziň amala aşyran beýik işleri taryhy maglumatlar arkaly täsirli beýan edilýär. Bu gymmatly eser bagtyýar halkymyzyň ýankitabyna öwrüler hem-de baý many-mazmuny bilen dürli ýaşdaky watandaşlarymyzd

12 Dekabr 2024

Taryh

Döwre buýsanç — zähmete hyjuw

Gurbandurdy GURBANDURDYÝEW, Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynyň uly mugallymy, toplumyň müdiri, podpolkownik: — Hajy Arkadagymyzyň Saud Arabystany Patyşalygyna iş saparynyň ilkinji pursatlaryny Mekge şäherine baryp, mukaddes Käbä zyýarat etmekden başlamagy türkmen halkymyzyň öz Milli Liderine bolan söýgüsini, guwanjyny has-da artdyrdy. Munuň özi asylly işleriň rowaçlyklara beslenmegini ýörelge edinen halkymyzyň ýagşy däpleriniň dowamat-dowam bolýandygynyň nobatdaky aýdyň beýanydyr. Goý, Milli Liderimiziň halkymyzyň abadan durmuşy, Watanymyzyň mundan beýläk-de gülläp ösmegi, onuň at-abraýynyň has-da belende galmagy, Arkadagly Gahryman Serdarymyzyň baştutanlygynda Garaşsyz ýurdumyzyň ösüşiň hem-de rowaçlyklaryň belent sepgitlerine ýetmegi üçin mukaddes toprakda iki rekagat namaz okap, eden doga-dilegleri Beýik Biribaryň dergähinde kabul bolsun!

12 Dekabr 2024

Syýasat

Ählumumy parahatçylygyň hatyrasyna

Garaşsyz, hemişelik Bitarap Türkmenistan parahatçylyk, howpsuzlyk we durnukly ösüş babatdaky ählumumy tagallalara özüniň mynasyp goşandyny goşýan, sebitde we dünýäde ýokary abraýly hem-de täsirli döwlet hökmünde çykyş edýär. Şu ýylyň 2-nji dekabrynda BMG-niň Baş Assambleýasy ýurdumyzyň başlangyjy esasynda «Merkezi Aziýada ýadro ýaragyndan azat zolak hakyndaky Şertnama» atly Kararnamany biragyzdan kabul etdi. Munuň özi eziz Watanymyzyň ählumumy parahatçylygy we howpsuzlygy goramak, özara bähbitli hyzmatdaşlygy ösdürmek ugrunda edýän tagallalarynyň dünýä jemgyýetçiliginde giň goldaw tapýandygynyň aýdyň nyşanydyr.

12 Dekabr 2024

Bitaraplyk

Haýyr-sahabat nusgasy

Durmuşyň gülleri Türkmen halkynyň Milli Lideri Gahryman Arkadagymyz «Ömrümiň manysynyň dowamaty» atly kitabynda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ata-babalarymyzyň ejizi goldamak, oňa kömek-ýardam etmek ýaly asylly ýörelgeleriniň özenini özünde jemleýändigi barada belläp geçýär. 

12 Dekabr 2024

Syýasat

Akyldaryň şygyrlarynda saglygyň waspy

Gahryman Arkadagymyz: «Magtymguly Pyragy sözüň güýji, gudraty bilen şygryýet äleminde ady arşa galan beýik akyldar şahyrdyr. Magtymgulynyň şygryýet älemi — türkmen edebiýatynyň buldurap akýan, çuňňur mana we çeper söze teşne kalplary gandyrýan çeşmesi» diýip, örän jaýdar belleýär. Şu parasatly sözlerden çen tutulanda, söz sungatynyň zergäri hasaplanylýan şahyrymyzyň şygyrlarynda päk ahlaklylyk, ruhubelentlik, geljege ýagşy umyt-niýet, adamkärçilik aýdyň görünýär.  Şahyryň belent adamkärçiligi, halallygy, päkligi öwüt-ündew edýän terbiýeleýji şahyrana setirleri ajaýyp döwürde täze öwüşgine eýe bolup, häzirki zaman türkmen jemgyýetiniň ruhy sagdynlygyna hem-de kämilligine öz sesini goşýar. Pyragy her bir ynsanyň arassa pikirli bolmagyny hem-de jemgyýetiň sagdyn bolmagyny arzuwlapdyr. Bu arzuw Gahryman Arkadagymyzyň, Arkadagly Gahryman Serdarymyzyň tagallalary bilen hut biziň bagtyýar günlerimizde wysal boldy. Akyldar şahyr durmuşyň hözirini görmek üçin sagdynlyk zerur diýlip hasaplapdyr. Ol şonuň üçin hem ýaşaýşyň diregi bolan saglygy goramalydygyny nygtap, şeýle ýazýar:

12 Dekabr 2024

Edebiýat

Jemgyýet we ynsanperwerlik

Ýurdumyzda döwlet Baştutanymyzyň parasatly baştutanlygynda halkymyzyň ýaşaýyş-durmuş şertleriniň has-da ýokarlanmagy,  «Döwlet adam üçindir!» diýen şygaryň durmuşa mäkäm ornaşmagy üçin uly işler alnyp barylýar. Durmuş ulgamy döwletiň ykdysady we durmuş ösüşiniň ýagdaýyny kesgitleýän görkezijileriň biri bolup, ilkinji nobatda, ol ähli raýatlarymyzyň abadan durmuşynyň üpjün edilmegine gönükdirilendir. Türkmenistanda ilaty durmuş taýdan goramak ulgamynyň durmuş goraglylygyna mätäç raýatlara pensiýalaryň, döwlet kömek pullarynyň tölenilmegi hem-de durmuş ýeňillikleriniň berilmegi görnüşinde maddy üpjünçilik we durmuş taýdan hyzmat etmek boýunça döwlet ulgamyndan ybaratdyr. Islendik jemgyýetiň ösüşi ilatyň ýaşaýşy, hususan-da, zähmete bolan hukuklaryň we kepillikleriň üpjün edilişiniň, durmuş goragyna mätäç adamlara döwlet tarapyndan goldaw berlişiniň derejesi bilen kesgitlenilýär. Bu kadalar adam hukuklary babatda Birleşen Milletler Guramasy tarapyndan kabul edilýän konwensiýalarda we ylalaşyklarda ykrar edilýän binýatlaýyn ýörelgelere daýanmak bilen, raýatlaryň durmuş hukuklarynyň goralmagyny hem-de goldanylmagyny üpjün edýär.

12 Dekabr 2024

Syýasat

Şygryýet bossany

Arkadagymyzyň kämil eseri Ata Watan ýada salýar uçmahy,Döretmek, gurmagyň kämil nusgasy,«Hakyda göwheri» — döwrüň kyssasy,Arkadagymyzyň kämil eseri.

12 Dekabr 2024

Edebiýat

Döwlet berkararlygynyň berk binýady

Ýurdumyzy bedew bady bilen ösüşiň täze belentliklerine tarap alyp barýan hormatly Belent Serkerdebaşymyzyň halkymyzyň parahat durmuşyna gönükdirýän tagallalary, Gahryman Arkadagymyzyň bitirýän beýik işleri raýatlarymyzyň asuda we bagtyýar durmuşyny, döredijilikli zähmetini goramagy, türkmen jemgyýetinde kanunylygy, hukuk tertibini mundan beýläk-de pugtalandyrmagy mukaddes borç hasaplaýan Watan goragçylaryny belent sepgitlere ruhlandyrýar. 4-nji dekabrda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň nobatdaky mejlisini geçirdi. Onda harby we hukuk goraýjy edaralar tarapyndan şu ýylyň ýanwar — noýabr aýlarynda ýerine ýetirilen işleriň jemleri jemlenildi.

5 Dekabr 2024

Syýasat

Resmi habar

«Türkmenistanyň prokuraturasy hakynda» Türkmenistanyň Kanunynyň 16-njy maddasyna laýyklykda, Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedowyň Karary bilen, 1-nji derejeli ýurist Annageldi Akmämmedowiç Magtymow Balkan welaýatynyň harby prokurory wezipesine; 1-nji derejeli ýurist Mämmet Aýmyradowiç Mämmedow Daşoguz welaýatynyň harby prokurory wezipesine;

5 Dekabr 2024

Syýasat

Türkmenistanyň Mejlisiniň KARARY

Türkmenistanyň 2023-nji ýyl üçin Döwlet býujetiniň ýerine ýetirilişi hakynda Türkmenistanyň Mejlisi karar edýär: Türkmenistanyň 2023-nji ýyl üçin Döwlet býujetiniň girdejiler boýunça 119 007 580,6 müň manat we çykdajylar boýunça 116 223 771,4 müň manat möçberinde ýerine ýetirilendigini tassyklamaly.

5 Dekabr 2024

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Bitewi suw» sammitindäki ÇYKYŞY

Hormatly sammite gatnaşyjylar! Hanymlar we jenaplar!

5 Dekabr 2024

Syýasat

Durnukly ösüş maksatlaryna ýetmek ugrunda

3-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Birleşen Milletler Guramasynyň Çölleşmä garşy göreşmek boýunça Konwensiýasyna gatnaşyjy taraplaryň 16-njy maslahatynyň (СOP16) çäklerinde geçirilen «Bitewi suw» sammitine gatnaşmak maksady bilen, Saud Arabystany Patyşalygyna iş saparyny amala aşyrdy. Hajy Arkadagymyz saparynyň ilkinji pursatlaryny Mekge şäherine baryp, mukaddes Käbä zyýarat etmekden başlady. Milli Liderimiz bu ýerde iki rekagat namaz okap, halkymyzyň abadan durmuşy, Watanymyzyň mundan beýläk-de gülläp ösmegi, onuň at-abraýynyň has-da belende galmagy, Arkadagly Gahryman Serdarymyzyň baştutanlygynda Garaşsyz ýurdumyzyň ösüşiň hem-de rowaçlyklaryň belent sepgitlerine ýetmegi üçin doga-dileg etdi. Tutuş yslam dünýäsinde mukaddes saýylýan toprakda Käbä zyýarat edip, okan doga-dilegleriňiz Beýik Biribaryň dergähinde kabul bolsun, hajy Arkadagymyz!

5 Dekabr 2024

Syýasat

Zehiniň, paýhasyň nusgasy

Täze eser — täze dost. Her bir täze kitap kämilligi nazarlaýan ynsanlaryň dünýäsini baýlaşdyrjak, nurlandyrjak ruhy güýjüň eýesi. Kitaby eline alan her bir kitapsöýer muşdagyň onuň bilen derrew ýakyndan tanyş bolasy gelýär. Onuň many-mazmuny barada ugrukdyryjy gysgajyk beýanaty isleýär. Hut şonuň üçin hem şu günler türkmen halkynyň Milli Lideri Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy her bir edara-kärhanalarda diýen ýaly uly şatlyk bilen geçirilýär. Eline düşen kitaby il arasynda aýdylyşy ýaly,  «bir demde okap çykmaga ukyply» okyjylaryň pikirleri we dünýägaraýşy hormat bilen diňlenilýär.

5 Dekabr 2024

Edebiýat

Döwre buýsanç — zähmete hyjuw

Güljahan ALLABERDIÝEWA, Türkmenistanyň Adalat ministrliginiň ýanyndaky Gozgalmaýan emläge bolan hukuklaryň we onuň bilen bagly geleşikleriň döwlet tarapyndan bellige alynmagy baradaky gullugyň uly döwlet bellige alyjysy: — Gahryman Arkadagymyzyň başlangyçlarydyr teklipleri halkara giňişliginde uly goldawa eýe bolýar. Biz muňa Milli Liderimiziň Türki Döwletleriň Guramasynyň Aksakgallar geňeşiniň Budapeştde geçirilen 16-njy mejlisindäki çykyşynda nobatdaky gezek göz ýetirdik. Gahryman Arkadagymyz  çuň manyly çykyşynda Aksakgallar geňeşiniň çägindäki işlere giňişleýin seljerme berdi we möhüm başlangyçlary öňe sürdi. Milli Liderimiziň hödürlän teklipleri barada Türki Döwletleriň Guramasynyň Aksakgallar geňeşiniň başlygy Binali Ýyldyrym: «Biz Gahryman Arkadagyň Aksakgallar geňeşiniň işini ilerletmekdäki tagallalaryna ýokary baha berýäris» diýip belledi. Türki Döwletleriň Guramasynyň Baş sekretary Kubanyçbek Omuraliýew hem Milli Liderimiziň Astanada geçirilen sammitde gurama gatnaşyjy ýurtlar tarapyndan bu ulgamda hyzmatdaşlygy ösdürmek boýunça «Ýol kartasyny» taýýarlamagyň maksadalaýyk boljakdygy barada aýdan teklibiniň örän derwaýysdygyny nygtady. Eziz Watanymyzyň halkara abraýynyň artmagy ugrunda nusgalyk işleri durmuşa geçirýän Gahryman Arkadagymyza alkyşlarymyz egsilmezdir.

5 Dekabr 2024

Syýasat

Türkmen halkynyň Milli Lideri Gahryman Arkadagymyzyň «Hakyda göwheri» atly kitabyndan:

— Ajaýyp «Oguznama» eserinde Ogzuň ogullaryna at dakmakdaky eýeren ynamy «Asman-Zemin» bitewüligi dogrusyndaky pikiriň haýran galdyryjy jemlenmesidir. Şu taglymatyň içinde sansyz köp pikirler ýaşaýarlar. Iň nygtalmaly ýerem, şol pikirleriň, netije aýdyňlygynyň adamzada derwaýys bolup durýanlygydyr. Özüňden beýgelip, il bolunýar, iliňden beýgelip, halk bolunýar, halkyňdan beýgelip, dünýä bolunýar. Şu ýerde hyýalyma «Bir öýüň yşygy beýleki öýe düşmez» diýilýäni hem gelýär. «Yşygyňy» goňşy-golamyň, içiň-daşyň bilen deň düşer ýaly etmek üçin «yşyk» bir öýe niýetlenilip ýakylmaýar. «Yşyk» nur çaýyp, şamçyrag gymmatbaha daşy ýaly, ähli ýere ýagtylyk berýär.

5 Dekabr 2024

Taryh

Abadançylygyň aýdyň ýoly

Binýady pähim-parasatdan tutulan türkmen diplomatiýasy ynsanperwerligi, agzybirligi, halkara parahatçylygyny we howpsuzlygyny goramakda dünýä nusgalyk taglymat bolup äleme dolýar. Dünýäde parahatçylyk hakyndaky taglymatlaryň barha kämilleşmegini isleýän türkmen Lideri parahatçylygy döretmek sungatyny dünýä ýaýýar. Kökleri ata-babalarymyzyň hoşniýetlilik, parahatsöýüjilik ýörelgelerinden gözbaş alýan, dünýä ösüşiniň çarhyna bat beren türkmeniň Bitaraplyk daragtynyň köki has berkäp, parahatçylyk taglymatyna öwrülýär. Garaşsyzlyk hem-de Bitaraplyk. Bu iki mukaddeslik indi çärýek asyrdan gowrak wagtyň içidir dünýä kartasyna sünnälenip çekilen keşde ýaly ýaraşyp duran Türkmenistan döwletiniň goşa ganaty, milletimiziň döwletliliginiň güwäsidir.

5 Dekabr 2024

Bitaraplyk

Ýaşaýşyň gözbaşy

Türkmen halkynyň Milli Lideri Gahryman Arkadagymyzyň 3-nji dekabrda Birleşen Milletler Guramasynyň Çölleşmä garşy göreşmek boýunça Konwensiýasyna  gatnaşyjy taraplaryň 16-njy maslahatynyň (COP 16) çäklerinde geçirilen «Bitewi suw» sammitine gatnaşmak maksady bilen, Saud Arabystany Patyşalygyna  bolan iş sapary ýurdumyzyň suw diplomatiýasynyň ählumumy ähmiýetiniň aýdyň beýany boldy. Alymlar Ýer ýüzündäki ilkinji ýaşaýşyň hut suwly gurşawda emele gelendigini tassyklaýarlar. Zeminiň 70 göteriminden gowragyny suw düzýär. Adam bedeniniň hem 60 — 85 göterimi suwdan ybarat. Iň täsini — biziň beýnimizem 90 göterim suwdan durýar. «Suw — ýaşaýyş» diýilmeginiň asyl sebäbem, ine, şunda jemlenýär.

5 Dekabr 2024

Ekologiýa