Pyragynyň dünýä seýrany

Akyldar şahyrymyzyň doglan gününiň 300 ýyllygyna bagyşlanan dabaralar Garaşsyz Diýarymyzyň çäklerinden has alyslarda hem yzygiderli guralyp durulýar. 25-nji oktýabrda şeýle medeni dabaranyň dostlukly Malaýziýa döwletinde geçirilendigi barada internet sahypalarynda habar berilýär. Türkmenistanyň Malaýziýadaky ilçihanasynyň guramagynda geçirilen dabara dostlukly ýurduň medeniýet ministri, dürli döwletleriň ilçileridir diplomatlary gatnaşdylar. Malaýziýaly alymlardyr medeniýet, sungat işgärleri dabarada akyldar şahyryň döredijiligi bilen baglanyşykly täsirli çykyşlar etdiler. Dostlukly ýurduň ýokary okuw mekdeplerinde bilim alýan türkmenistanly talyplar çykyş edenlere dana Pyragynyň dünýä edebiýatyna goşan goşandy, akyldar şahyrymyzyň döredijiliginiň malaý halkynyň durmuşyna aralaşyşy dogrusynda özlerini gyzyklandyrýan sowallaryny berdiler. Türkmen talyplarynyň milli aýdym-sazlarymyzy, tanslarymyzy ýerine ýetirmekleriniň, medeni gymmatlyklarymyza, dana Pyragynyň edebi mirasyna bagyşlanyp guralan serginiň, şeýle-de myhmanlara milli tagamlaryň hödür edilmeginiň dabara gatnaşanlarda ýatdan çykmajak täsir galdyrandygy hem internet sahypalarynda ýerleşdirilen habarda aýdylýar.

Hormatly okyjylar!

Abuna — 2025 2025-nji ýylyň birinji ýarymy üçin «Edebiýat we sungat» gazetiniň kagyz we elektron görnüşine abuna ýazylyşygyň dowam edýändigini size habar berýäris.

Şygryýet

Sirojiddin SAIDOW,Özbegistanyň halk şahyry. Özbek-türkmen dostlugy

Tüýdügiň ýoly

Gahryman Arkadagymyz «Ile döwlet geler bolsa...» atly kitabynda: «Gargy tüýdük halkymyzyň gadymy saz gurallarynyň hataryna girýär. Gargy tüýdügiň köneden gelýän ady naý tüýdük bolup, gargy gamyşdan ýasalýandygy sebäpli soňky döwürlerde ol gargy tüýdük adyna eýe bolupdyr. Gargy tüýdüge Mary, Sarahs we Lebap sebitlerinde biziň häzirki günlerimizde-de naý tüýdük diýilýär» diýip belleýär. Gahryman Arkadagymyzyň belleýşi ýaly, Lebap, Mary welaýatlarynda geçmişde we şu günki günlerimizde hem gargy tüýdügi çalýan tüýdükçileriň nesil-neberesi dowam edýär. Geçmişde gargy tüýdükçileriň käbiriniň atlarynyň yzyna «naýçy» sözi goşulypdyr. Il içinde aýdylyşyna görä, ýolötenli ussat dessançy, Türkmenistanyň at gazanan bagşysy Gurt Ýakubowyň kakasy «Ýakup naýçy» diýen ady göteripdir. Şu ýerde ömrüni aýdym-saza bagyş edip, il-günüň toý-tomaşasynda halk sagbolsunyna mynasyp bolan Lebap topragynda ýaşap geçen ussatlaryň käbirleriniň atlaryny agzap geçeliň. XX asyryň başlarynda ýaşan halaçly ussat gargy tüýdükçi Hezret Amanowdan (şahyr Ýagmyr Pirgulyýewiň agasy) miras galan gargy tüýdük häzir Türkmenistanyň Döwlet medeniýet merkeziniň Döwlet muzeýinde saklanylýar. Bu etrapda ýaşap geçen ussat gargy tüýdükçi Rozy Wellekowyň çalan halk sazlaryndan birnäçesiniň mehaniki ýazgysynyň aýdym-saz sungatynyň muşdaklarynyň şahsy arhiwlerinde saklanýandygy, şeýle-de Hojambaz etrabynyň Beşir obasynda Çö

Yzçy (Hekaýat)

Gürrüň etjek wakamyz XIX asyryň aýaklarynda bolupdyr. Ol wagtlar aýak yzyny görüp, onuň kimiňkidigini aýdyp bilýän Jumaguly atly belli yzçynyň ady ile dolupdyr. Onuň bilen baglanyşykly şeýleräk bir gürrüň il içinde häzirlerem ýaşap ýör. Bir gezek uly harasat gopup, dag eteklerinde bakylyp ýören gylýal sürüsi topbagy bilen gürüm-jürüm bolýar. Sürini gözläp golaý-goltumda barylmadyk ýer galmaýar. Bolan ýagdaý şol wagtlar ýaňy adygyp ýören Jumaguly yzça ýetýär. Ol yz çalyp, derrew süriniň giden ugruny anyklaýar. Haýal etmän, üç-dört atly bolup ýola düşýärler. Bulara goşularman başga-da kän bolupdyr, emma gylýal sürüsiniň eýesi Ryzaguly aga beýtmegi makul bilmän: «Bärden topar tutup, atly-ýaragly barsak, birine ogurlyk ýöňkän ýaly bolar. Haýsy obadan çykanam bolsa, kimiň sürüsine goşulanam bolsa, sypaýyçylyk bilen ýagdaýy düşündirmesek, gaty gelşiksiz bolar» diýýär.

«Güýzüň keşbi» (Hekaýa)

Güýz günleriniň biridi. Daşarda ýagyş ýagýar, howanyňam ýakymy ýok. Şonuň üçinem köpler öýdenem çykjak bolanoklar. Bizem otagdaş gyzlarymyz bolup, o ýere-bu ýere gitmegiň pikirinem etmedik. Ýogsam dynç alyş günlerinde şähere çykyp gelmek üçin hökman bir bahana tapylýardy. Maral atly otagdaşymyz-a: «Güýzüň şular ýaly howasy gaty ýüregimi gysdyrýa» diýip, eline kitap alsa-da, penjiräniň öňünden aýrylyp bilmän geçdi. Her kim öz bilenje heňine tutdurmaly-da, menem otagymyzdaky ýeke-täk stoly eýeläp, güýz hakda goşgy ýazjak bolýan, emma başarýan zadym ýok. Ýalandan-çyndan ýekeje setir önäýse nädersiň. Töwerek-daşyň gussasynyň sowugy içki dünýämde eýemsiräp ýören ylhamymy-da doňduryp taşlan bolarly. Öňküler ýaly, otagdaşlarymam ol-bi gürrüň tapyp, güýmäberenoklar. Göräýmäge bu görnüş şundan şeýläk hemişe dowam edäýjek ýaly, şeýle bir sustum basylýar, heý goýaý. Onsoň kelläme otagdakylaryň bolup oturyşyny suratlandyraýyn-da, şoňa-da «Güýzüň keşbi» diýip at bereýin diýen pikir geldi. Duýdansyz dörän pikirimi durmuşa geçirmek maksady bilen täze sahypany öňümde goýup, ýaňy bir goşgynyň ilkinji setirini ýazyp bolanymdan gapy kakyldy. Gapydan bizden bir ýyl aşakda okaýan Gülaýymyň girenini görüp ýüregim giňäp giden ýaly boldy. Sebäbi Gülaýymyň ady ýokary okuw mekdebimizde «şadyýanlyk» sözüniň sinonimi ýalydy.

«Hezreti Ýusubny beýan eýläli»

Gözelligiň simwoly bolup, dünýä edebiýatyna giren Ýusupdyr Züleýhanyň edebi keşbi, aslynda miladydan öňki X asyrda arap halkynyň arasynda döreýär. Wagtyň geçmegi bilen bu gyzykly rowaýata her halk milli reňk berip, ony öz taryhy şertlerine görä işleýär. Onuň erteki görnüşini türkmen halk döredijiliginde-de görmek bolýar. Ýöne wagt geçdigiçe, dessan halk döredijiliginden ýazuwly edebiýata geçip başlaýar. Maglumatlara görä, ol has irki döwürlerde Töwrata girizilipdir. Şonuň üçinem oňa kähalatlarda «Töwrat rowaýaty» hem diýilýär. Ýordumynyň örän gyzyklylygy bilen ol şol döwürleriň ýazyjylarynyň we şahyrlarynyň ünsüni özüne çekýär. Bu ýordum esasynda ilkinji gezek miladynyň IV asyrynda Şamda ýaşap geçen Afrema diýen şahyr eser döredýär. V asyrda bolsa Narsan we Ýakup Sergun atly şamly şahyrlar käbir wakalar bilen onuň üstüni ýetirýärler. Şeýlelikde, bu dessan her döwrüň taryhy şertlerine görä kämilleşýär.

Reňklere siňen duýgular

Degişmeler

Degişmeçi şahyr Çary Gurbangylyjowyň degişmedir şorta sözleri-de öz döwründe giňden ýaýrap, halkyň gyzgyn söýgüsine mynasyp boldy. Biz hem olaryň birnäçesini okyjylara ýetirýäris. «Ikisi öýlenen-ä...»

Döwletliligiň nyşany

Nal diýlende, diňe bir atyň toýnagyna kakylýan demir däl-de, eýsem, ol baradaky dürli yrym-ynançlar, rowaýatlar hem biziň aňymyza gelýär. Sebäbi nal diňe bir türkmen halkynda däl, dünýä halklarynda döwletliligiň nyşany hökmünde görülýär. Nal tapmak ýa-da sowgat almak gowulygyň alamaty hasaplanylýar. Nal barada gadymdan bäri dürli halklarda dürli yrymlar, rowaýatlar döredilipdir. Naly öýde nädip saklamalydygy barada-da dürli düşünjeler bar. Öýdäki ýagşy niýetler, döwlet, baýlyk dökülmesin diýip, öýüň gapysynyň iç tarapyndan nalyň «aýaklaryny» ýokary edip asyp goýýarlar. Eger nal gapynyň daş ýüzünden asylsa, onda gara güýçler, erbet niýetler saklanman, dökülip durar ýaly, ony aşak bakdyryp goýýarlar. Meksikalylarda naly el ýetmez ýaly ýerden kakypdyrlar. Italýanlar her kimiň eli ýetip durar ýaly, ony pes ýerden asmagy makul bilipdirler. Hytaýlylar naly öýleriniň demirgazyk-günbatar tarapynda, beýleki gündogar halklary gapynyň agzynda gömýärler.

Toprakdan dörän sungat

Binagärlik sungatynyň görnüşleri dürli-dürli bolup, şolaryň arasynda Yslam binagärligi özboluşlylygy bilen tapawutlanýar. Bu görnüş VII asyrda Ýakyn Gündogarda döräp, Orta asyrlarda Kiçi Aziýada, Hindistanda, Eýranda, Merkezi Aziýada, Demirgazyk Afrikada, Ispaniýada, Kawkazda, has soňrak Günorta-Günbatar Aziýada ösüpdir. Diňe bir dini binalar däl, eýsem, adaty durmuş maksatly ymaratlar-da degişli bolan Yslam binagärligi hem birnäçe görnüşe bölünýär. Arap binagärligi. Bu görnüş yslam dini bilen birlikde dünýä ýaýrapdyr. XVI asyra çenli gurlan binalara mahsus bolan bu görnüşe gönüburçly we dörtburç howlularyň diwarlarynda arkalaryň, ötükleriň bolmagy häsiýetlidir.

Syrdamlyk — sagdynlyk

Ynsanyň saglygy köp zatlara bagly. Ýöne şolaryň ilkinjileriniň biriniň dogry iýmitlenmek we ýeterlik hereket etmekdigini lukmanlar nygtaýarlar. Köplenç, ýönekeýje talaplary ýerine ýetirmezligimiz biziň bedenimiziň gereginden artyk ýag ýygnamagyna, şeýlelikde, olara artykmaç agram düşmegine getirýär. Şeýle ýagdaýda lukmanlar bedeni sagdyn saklamaklygyň ýollaryny salgy berýärler. Ine, şolaryň käbirleri: Çendenaşa ajykýançaňyz garaşmaň. Sebäbi näçe aç boldugymyzça, şonça-da köp iýýäris. Şonuň üçin çala ajyganyňyzdan garbanmagyň ugruna çykyň. Çünki ýene ýarym sagat garaşsaňyz, siz has köp iýersiňiz.

Baýramçylyk duşuşygy

25-nji oktýabrda Türkmenistanyň Halk Maslahatynyň, Türkmenistanyň Mejlisiniň, Türkmenistanyň Demokratik partiýasynyň Syýasy Geňeşiniň, Türkmenistanyň Kärdeşler arkalaşyklarynyň milli Merkeziniň hem-de Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde guramagynda Türkmen alabaýynyň baýramy mynasybetli «Türkmen alabaýy — milli mirasymyz we buýsanjymyz» atly baýramçylyk duşuşygy geçirildi. Ýer ýüzüne gyzyl şapak ýaly lowurdap nur saçýan halylar düşelen zalda diwarlygyň ýüzündäki hormatly Prezidentimiziň portreti we gyr atyň, türkmen alabaýynyň güjükleriniň keşbi milli mirasymyza goýulýan belent sarpany dabaralandyrdy. Baýramçylyga bagyşlanan dabarada Türkmenistanyň Mejlisiniň deputaty Orazdurdy Agdyýew, Türkmenistanyň Demokratik partiýasynyň Syýasy Geňeşiniň bölüm müdiri Bezirgen Ataýew, «Edebiýat we sungat» gazetiniň bölüm redaktory, şahyr Süleýman Ilamanow, Türkmenistanyň Kärdeşler arkalaşyklarynyň milli Merkeziniň Gurluşyk we senagat işgärleriniň kärdeşler arkalaşygy boýunça utgaşdyryjysy Rahmandurdy Rahmanow, Türkmenistanyň Magtymguly adyndaky Ýaşlar guramasynyň Merkezi Geňeşiniň Medeniýet we köpçülikleýin habar beriş bölüminiň esasy hünärmeni Resul Hojaberdiýew dagy çykyş edip, Gahryman Arkadagymyzyň, Arkadagly Gahryman Serdarymyzyň milli mirasymyz bolan alabaý baradaky çäksiz aladalary, Milli Liderimiziň «Türkmen alabaýy» atly kitabynyň dürdän

«Dutara dil bitiren halypa»

25-nji oktýabrda Ahal welaýatynyň Ak bugdaý etrabynyň Änew şäheriniň Medeniýet öýünde Türkmenistanyň halk bagşysy Jepbar Hansähedowyň ömri we döredijiligine bagyşlanyp «Dutara dil bitiren halypa» ady bilen aýdym-sazly dabara geçirildi. Ahal welaýat medeniýet müdirliginiň Türkmenistanyň Medeniýet ministrliginiň Maddy däl medeni miras bölüminiň bilelikde guramagynda geçirilen dabarada halypa bagşy Jepbar Hansähedowyň agtygy Serdar Nurlyýew, Bäherden etrabynyň 23-nji orta mekdebiniň mugallymy Bamyly Nepesow, Bäherden etrabynyň Şaja Batyrow adyndaky 18-nji orta mekdebiniň mugallymy Orazgeldi Çaryýarow, Türkmenistanyň medeniýetde at gazanan işgäri, halypa bagşy Jepbar Hansähedowyň şägirdi sazanda Baýmyrat Soltanow çykyş edip, ussat bagşynyň milli aýdym-saz sungatymyzda bitiren hyzmatlary, onuň belent adamkärçiligi barada täsirli gürrüň berdiler. Dabarada «Türkmen owazy» teleradioýaýlymynyň halk saz gurallary toparynyň çeper ýolbaşçysy, Türkmenistanyň at gazanan artisti Altymyrat Pürmämmedow «Baga gireli», «Jepbar», «Unutman», Maýa Kulyýewa adyndaky Türkmen milli konserwatoriýasynyň uly mugallymy Çarymyrat Ahunow «Şirin-Şeker» ýaly halk sazlaryny ýerine ýetirdiler. Sazanda A.Pürmämmedowyň sazandarlyk etmeginde bagşy Baky Berdinazarow mukamçy kompozitor Akmyrat Çaryýewiň şahyr Geldi Bäşimowyň goşgusyna döreden «Dutarym», Türkmenistanyň Energetika ministrliginiň «Energohyzmat»

Türkmenistanyň Prezidentiniň Karary

Edebiýat, medeniýet we sungat işgärleriniň, höwesjeň aýdymçy ýaşlaryň hem-de zehinli çagalaryň arasynda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigi yglan etmek hakynda Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistanda amala aşyrylýan iri möçberli döwlet maksatnamalary, ýurdumyzyň ähli ulgamlarynda gazanylýan uly üstünlikler medeniýet, sungat we döredijilik işgärlerini ylham dünýäsine ganatlandyrýar.

Ýyllaryňy asyrlara bermenem

Gahryman Arkadagymyz, türkmeniň söwer Ogly hormatly Prezidentimiz baryny bar eýläp bilýänligi bilen tapawut berýändir. Men ony ençeme gezekläp belländirin. Küştdepdi tansymyzyň, «Görogly» şadessanymyzyň, nepis halymyzyň, şirwan perdeli dutarymyzyň hut özümize — türkmene degişlidigini dünýe içre aýan eýledi. Mähriban Arkadagymyzyň nepis halymyza-da, ýyndam bedewimize-de, akylly alabaýymyza-da eser bagyşlandygynyň özi nämä degmeýär! Bular barada näçe gürrüň etsegem azdyr. Bu synmaz gymmatlyklarymyz bizi guwandyrýar, buýsandyrýar. Her haýsyna nazaryň kaklyşanda galkynýaň. Şeýle bagtly günlerde hormatly Prezidentimizi, Gahryman Arkadagymyzy Türkmen alabaýynyň baýramy bilen tüýs ýüregimden gutlaýaryn. Bagtyýar döwre, döwrana şaýat eden, türkmeniň kalby ýaly owadan gymmatlyklarymyzy belent sarpalaýan Gahryman Arkadagymyzyň, Arkadagly Gahryman Serdarymyzyň ömürleri uzak, belent başlary aman, ýurdy abadan bolsun! Alyp barýan beýik işleri hemişe rowaçlyklara beslensin!

Täze mümkinçilikleriň meýdany

Ähli ugurlarda, şol sanda nebitgaz pudagynda durmuşa geçirilýän işler, dünýä ýurtlary, iri-iri kompaniýalary bilen ýola goýlan we goýulýan hyzmatdaşlyklar ýurdumyzyň ösüşleriniň yzygiderliligini kepillendirýär. Energetika ulgamynda halkara hyzmatdaşlygy pugtalandyrmakda we ösdürmekde täze mümkinçilikleriň meýdany bolan «Türkmenistanyň nebiti we gazy — 2024» atly halkara maslahata we sergä gatnaşyjylaryň giň düzümi hem Diýarymyzyň maýa goýum babatdaky özüne çekijiliginden habar berýär. Nebitgaz senagatyny ösdürmek Garaşsyzlyk ýyllarynda ýurdumyzy ykdysady taýdan ösdürmegiň ileri tutulýan ugurlarynyň biri boldy. Gahryman Arkadagymyzyň başyny başlan, hormatly Prezidentimiz tarapyndan üstünlikli dowam etdirilýän öňdengörüjilikli syýasat netijesinde bu günki gün Garaşsyz, hemişelik Bitarap Türkmenistan sebitiň iri energetika döwletleriniň birine öwrüldi. Köpugurly gaz geçiriji ulgamyň döredilmegi türkmen energiýa serişdelerini dünýä bazarlaryna ugratmakda täze mümkinçilikleriň ýoluny açdy. Häzirki wagtda Türkmenistan — Hytaý gaz geçirijisiniň dördünji şahasynyň gurluşygy alnyp barylýar. Şu ýylyň sentýabrynda Mary welaýatynda iri taslamalara — TOPH transmilli gaz geçirijisiniň wajyp tapgyry bolan Arkadagyň ak ýoly bilen Serhetabat — Hyrat gaz geçirijisiniň gurluşyk işlerine badalga berildi we «Şatlyk-1» gaz gysyjy desgasynyň düýbi tutuldy. Bularyň ählisiniň döwletleriň we halklaryň

Belent maksatly hyzmatdaşlyk

Halkara giňişlikde parahatçylygy we bähbitleriň deňagramlylygyny saklamagyň, howpsuzlygy üpjün etmegiň kepili bolan Birleşen Milletler Guramasy indi 79 ýyl bäri ählumumy özara gatnaşyklaryň döwrebap ulgamynyň daýanjy bolup gelýär. 1945-nji ýylyň 24-nji oktýabrynda döredilen bu iri wekilçilikli düzüme 1992-nji ýylyň 2-nji martynda Garaşsyz Türkmenistan hem goşuldy. Şondan bäri geçen ýyllaryň dowamynda Diýarymyz halkara giňişligindäki wajyp meseleleriň çözgüdini gözlemeklige işjeň gatnaşýan ýurt hökmünde uly abraýa eýe boldy. BMG-niň dürli düzümleri bilen yzygiderli ýola goýlan netijeli hyzmatdaşlygyň miweleri bu günki gün diňe bir halkymyzyň däl, eýsem, sebitiň durmuşynda öz beýanyny tapýar. Türkmenistanyň başlangyjy esasynda 2025-nji ýylyň BMG-niň Baş Assambleýasy tarapyndan «Halkara parahatçylyk we ynanyşmak ýyly» diýlip yglan edilmegi bolsa ýurdumyzyň daşary syýasatdaky üstünligidir. Bu başlangyjyň dünýäniň ähli döwletlerine adamzadyň ykbaly babatda öz jogapkärçiligini duýmaga, artýan gapma-garşylyklary aradan aýyrmaga, häzirki döwrüň ýagdaýlaryny seljermäge, oňa taryhy we geljegiň nukdaýnazaryndan garamaga gönüden-göni çagyryş bolup durýandygyny Gahryman Arkadagymyz BMG-niň Baş sekretarynyň ýolbaşçylygyndaky BMG-niň wekiliýeti bilen şu ýylyň 6-njy iýulynda bolan duşuşygyndaky Çykyşynda belläp geçdi.

Sahna — dostluk köprüsi

18-20-nji oktýabr aralygynda Aşgabatda Türki medeniýetiniň halkara guramasyna (TÜRKSOÝ) agza ýurtlaryň II teatr festiwaly uly üstünliklere beslenip geçirildi 20-nji oktýabrda Türkmenistanyň Beýik Saparmyrat Türkmenbaşy adyndaky Baş akademiki drama teatrynda TÜRKSOÝ-a agza ýurtlaryň II teatr festiwalynyň ýapylyş dabarasy boldy. Dabarada çykyş eden ýurdumyzyň we dostlukly ýurtlaryň tanymal sahna ussatlary halkara medeni çäräniň türkmen nusgawy şahyry Magtymguly Pyragynyň doglan gününiň 300 ýyllygynyň dünýä bolup toýlanylýan ýylynda geçirilýändigini uly buýsanç bilen bellediler. Festiwalda görkezilen spektakllar dostlukly halklaryň milli däp-dessurlary, ruhy-ahlak gymmatlyklary, halk döredijiligi bilen ýakyndan tanyşmaga uly mümkinçilikleri döretdi.

Muzeýlere bagyşlanan maslahat

19-njy oktýabrda Türkmenistanyň Milli «Ak bugdaý» muzeýinde TÜRKSOÝ halkara guramasynyň Muzeýler birleşiginiň baş utgaşdyryjysy Jawid Möwsümliniň guramagynda TÜRKSOÝ-yň Muzeýler birleşiginiň agzalarynyň her ýylda geçirilýän jemleýji maslahaty boldy. Maslahaty bu halkara guramasynyň Baş sekretary Sultan Raýew açyp, guramanyň alyp barýan işlerine ýardam edýändikleri üçin türkmen halkynyň Milli Liderine we Türkmenistanyň Prezidentine hoşallygyny bildirdi. Ol halkara derejesinde hereket edýän muzeýler, olaryň alyp barýan işleri, 27-nji martda Milli «Ak bugdaý» muzeýinde geçirilen maslahatlaryň ähmiýeti dogrusynda belledi. Şeýle-de TÜRKSOÝ halkara guramasy tarapyndan «Türk dünýäsiniň iň gowy muzeýi» atly bäsleşiginiň yglan ediljekdigini, her ýylyň ahyrynda bäsleşigiň jemini jemlemek bilen, ýeňiji bolan muzeýe gurama tarapyndan «Türk dünýäsiniň iň gowy muzeýi» diýen derejäniň we baýragyň gowşuryljakdygyny maslahata gatnaşanlaryň dykgatyna ýetirdi.