"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Türkmenistanyň Prezidentiniň PERMANY

Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Mälikgulyýewiç BERDIMUHAMEDOWA Magtymguly adyndaky halkara baýragy bermek hakynda Berkarar döwletiň täze eýýamynyň Galkynyşy döwründe türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlangyçlary netijesinde ýurdumyzyň dünýä döwletleri bilen ýola goýan syýasy, ykdysady we medeni-ynsanperwer gatnaşyklaryny ösdürmek boýunça giň gerimli işler durmuşa geçirilýär.

12 Dekabr 2024

Syýasat

Türkmenistanyň Prezidentiniň PERMANY

A.T.ATAÝEWA Magtymguly adyndaky halkara baýragy bermek hakynda Berkarar döwletiň täze eýýamynyň Galkynyşy döwründe ýurdumyzyň taryhy ösüşlerini, milli edebiýatymyzy, medeniýetimizi, sungatymyzy dünýä ýaýmakda, halkymyzyň asyrlardan gözbaş alýan medeni mirasyny, ruhy gymmatlyklaryny dikeltmekde, nusgawy türkmen şahyry Magtymguly Pyragynyň döredijilik mirasyny öwrenmekde, aýawly saklamakda, syýasy-filosofik, jemgyýetçilik, adalatlylyk, adamkärçilik we ruhy-ahlak garaýyşlaryny wagyz etmekde, ýaş nesli watançylyk, belent adamkärçilik ruhunda terbiýelemekde bitiren aýratyn hyzmatlary üçin, şeýle hem Magtymguly adyndaky halkara baýraklar baradaky komitetiň teswirnamasyna laýyklykda, Türkmenistanyň Birleşen Milletler Guramasynyň ýanyndaky (Nýu-Ýork şäheri, Amerikanyň Birleşen Ştatlary) hemişelik wekili Aksoltan Toreýewna Ataýewa Magtymguly adyndaky halkara baýragy bermeli.

12 Dekabr 2024

Syýasat

Türkmenistanyň Prezidentiniň PERMANY

Ç.T.RUSTEMOWA Magtymguly adyndaky halkara baýragy bermek hakynda Berkarar döwletiň täze eýýamynyň Galkynyşy döwründe ýurdumyzyň taryhy ösüşlerini, milli edebiýatymyzy, medeniýetimizi, sungatymyzy dünýä ýaýmakda, ynsanperwer däplerini durmuşa geçirmekde, halkymyzyň asyrlardan gözbaş alýan medeni mirasyny, ruhy gymmatlyklaryny dikeltmekde, nusgawy türkmen şahyry Magtymguly Pyragynyň döredijilik mirasyny öwrenmekde, aýawly saklamakda, syýasy-filosofik, jemgyýetçilik, adalatlylyk, adamkärçilik we ruhy-ahlak garaýyşlaryny wagyz etmekde, ýaş nesli watançylyk, belent adamkärçilik ruhunda terbiýelemekde bitiren aýratyn hyzmatlary üçin, şeýle hem Magtymguly adyndaky halkara baýraklar baradaky komitetiň teswirnamasyna laýyklykda, Birleşen Milletler Guramasynyň Bilim, ylym we medeniýet meseleleri boýunça guramasynyň (ÝUNESKO) işleri barada Türkmenistanyň milli toparynyň jogapkär sekretary Çynar Täjiýewna Rustemowa Magtymguly adyndaky halkara baýragy bermeli.

12 Dekabr 2024

Syýasat

Türkmenistanyň Mejlisiniň KARARY

Türkmenistanyň Prezidenti Serdar Gurbangulyýewiç BERDIMUHAMEDOWY Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlar toplumy bilen sylaglamak hakynda Berkarar döwletiň täze eýýamynyň Galkynyşy döwründe Watanymyzy hemmetaraplaýyn gülledip ösdürmekde, dünýä döwletleri we abraýly halkara guramalar bilen hyzmatdaşlygy, parahatçylyk söýüjilikli, dost-doganlyk gatnaşyklaryny pugtalandyrmakda, türkmen halkynyň medeni-ruhy gymmatlyklaryny, medeni mirasyny dünýäde dabaralandyrmakda, Gündogaryň beýik akyldary, türkmeniň görnükli nusgawy şahyry pähim-paýhas ummany Magtymguly Pyragynyň dünýä edebiýatynyň altyn hazynasyna giren baý hem-de gymmatly edebi mirasyny toplamakda, ylmy esasda öwrenmekde, türkmen jemgyýetiniň synmaz sütünlerine öwrülen möhüm syýasy-filosofik, jemgyýetçilik, ynsanperwerlik, ruhy-ahlak garaýyşlaryny wagyz etmekde we durmuşa geçirmekde, ýaş nesli Magtymguly Pyragynyň ynsanperwer ruhy-ahlak garaýyşlarynyň esasynda terbiýelemekde, ýaşlarda ýokary ahlak sypatlaryny kemala getirmekde, dana şahyryň edebi mirasyny kanun esasynda ebedileşdirmekde bitiren görnükli hyzmatlaryny, şeýle hem Türkmenistanyň Halk Maslahatynyň wekillerinden, ýurdumyzyň iri jemgyýetçilik birleşiklerinden, zähmet toparlaryndan we raýatlarymyzdan gelip gowşan teklipleri göz öňünde tutup hem-de Magtymguly Pyragynyň doglan gününiň 300 ýyllygy

12 Dekabr 2024

Syýasat

Arkadagym, Arkadagly Serdarym!

Mähriban Arkadagly, Arkadagly Gahryman Serdarly günlerimiziň gujagy durşuna toý-baýram. Baky Bitaraplygymyzyň 29 ýyllyk baýramçylygynyň öňüsyrasynda döredijilikde, zähmetde tapawutlanan ildeşlerimize Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlary gowşuryldy. Arkadagly Gahryman Serdarymyzyň mübärek Permany bilen meniň hem bu serpaýa mynasyp görülmegim, şygyrlaryma, şelpeli setirlerime goýlan uly ünsüň ýene bir güwäsi boldy. Aslynda şahyr sesine hä berilmeginiň, diňlenilmeginiň, heňine üns goýulmagynyň isleg-arzuwynda ahbetin. Beýik döwür tüýs edebiýata gadyr-gymmat goýulýan zamandyr. Akyldar şahyrymyz Magtymguly Pyragy hut şu döwri arzuwlandyr. Şahyryň beýle belentlige göterilen zamany ýokdur. Şol belentlik Gahryman Arkadagymyzda bar, Arkadagly Gahryman Serdarymyzda bar. Beýik Ogullary şanly baýram — Halkara Bitaraplyk güni bilen gyzgyn gutlaýaryn, il-günüň, dünýäniň asudalygy, abadanlygy ugrunda alyp barýan işlerinde uly üstünlikleri arzuw edýärin. Şa serpaýy üçin Milli Liderimize, hormatly Prezidentimize alkyşlarym tükeniksizdir.

12 Dekabr 2024

Edebiýat

Ylhamdarym — ajap zamanamyz

Halkymyzda “aýagy düşmek”, “düşümlilik” ýaly düşünjeler bar. Bu babatda şu ýylymyz ähli halkymyz üçin turuwbaşdan düşümli boldy diýip arkaýyn aýdyp bileris. Adynyň akyldar şahyrymyzyň, geljege welilik nazary bilen garan pähimdar Magtymguly Pyragynyň ady bilen baglanyşykly bolmagy bu ýylymyza berlen ak pata bolup kalplara doldy. Halkymyz ýylyň ilkinji günlerinden uly toýa taýýarlanyp başlady. Özi-de goşa toýa. Bu ýyl gadymy Änewiň «türki dünýäsiniň medeni paýtagty» diýlip yglan edilmegi bilen baglanyşykly-da Garaşsyz Diýarymyzy toýhana öwürdi. Şeýle taryhy sene mynasybetli akyldar şahyrymyzyň heýkelleriniň taýýarlanylmagyna dahylly bolmak meni iň bagtyýar ynsanlaryň hatarynda goýýar. Ilki bilen, şeýle ynam üçin Gahryman Arkadagymyza, hormatly Prezidentimize alkyşly sözlerimi beýan edesim gelýär. Şeýle şowly ykbal üçin Ýaradana şükürler bilen başlan işimiz öz miwesini-de eçildi. Şu ýyl akyldar şahyrymyzyň daşary ýurtlardaky heýkelleriniň sany artdy. Dana Pyragynyň Moskwa şäherindäki heýkeli ussadyň bu dostlukly ýurtdaky ýadygärlikleriniň üstüni ýetirdi. Akyldaryň Astanada heýkeliniň peýda bolmagyna dahyllylygym täze-täze gözleglere ylhamlandyrdy. Döredijilik adamsy hökmünde ömrümdäki iň bagtyýar pursatlar barada söz açmaly bolsa, Magtymguly atamyzyň gojaman Köpetdagdaky äpet heýkelini döretmek ynanylan gününden tä onuň hormatly Prezidentimiziň ak pata bermegi bilen açylmagyny, i

12 Dekabr 2024

Edebiýat

Ömre ýakym, ýalkym şa serpaýyňyz, Arkadagly Gahryman Serdarymyz!

10-njy dekabrda Türkmenistanyň Magtymguly adyndaky milli sazly drama teatrynda ýurdumyzyň medeniýet ulgamynyň we köpçülikleýin habar beriş serişdeleriniň işgärlerini Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlary bilen sylaglamak dabarasy boldy. Bizem Şa serpaýyndan paýly halypalarymyzy tüýs ýürekden gutlap, olara söz berýäris.

12 Dekabr 2024

Medeniýet

Medeni habarlar

«Magtymguly, sözlär tili türkmeniň» 6-njy dekabrda şeýle at bilen Türkmenistanyň Jemgyýetçilik guramalarynyň merkezi binasynda Türkmenistanyň Parahatçylyk gaznasynyň müdiriýetiniň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Bilim ministrliginiň we «Edebiýat we sungat» gazetiniň redaksiýasynyň bilelikde guramagynda «Ene dilim — hazynam» atly wagyz-nesihat duşuşygy geçirildi. Ýaşlary watançylyk ruhunda terbiýelemek, olaryň söz baýlygyny artdyrmak, döredijilik ukyplaryny ösdürmek maksady bilen geçirilen duşuşykda Türkmenistanyň halk ýazyjysy Orazguly Annaýew, filologiýa ylymlarynyň kandidatlary Gurbanjemal Ylýasowa we Amannepes Şyhnepesow, «Dünýä edebiýaty» žurnalynyň baş redaktory Rahmet Gylyjow söz ussatlarynyň türkmen diline goýan sarpasy, türkmen diliniň taryhy, ösüşi, köne sözleriň manysy, gelip çykyşy, ulanylyş gerimi dogrusynda talyp ýaşlara gyzykly gürrüňler berdiler. Wagyz-nesihat duşuşygynyň dowamynda Maýa Kulyýewa adyndaky TMK-nyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň talyplary dana Pyragynyň sözlerine döredilen aýdymlary ýerine ýetirdiler.

12 Dekabr 2024

Medeniýet

«Aksakgal ak baş bolar...»

Halkymyzda: «Aksakgal ak baş bolar, ýöne göwni ýaş bolar» diýlişi ýaly, bu günki gün kalby juwan ýaşulularymyz ähli başlangyçlarymyzyň, toý-baýramlarymyzyň bismillaçysy. «Pähim-paýhas ummany Magtymguly Pyragy» ýylymyzyň ahyrky günlerinde alysdan-ýakyndan myhman çagyryp toýlanan Halkara Bitaraplyk gününiň öň ýanynda-da ýaşulularymyz döwre gurap, maslahat etdi. Gahryman Arkadagymyzyň ýolbaşçylygynda 10-njy dekabrda geçirilen Türkmenistanyň Halk Maslahatynyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň mejlisinde amal edilen işlere seljerme berlip, geljegiň wezipeleri kesgitlenildi. Gahryman Arkadagymyzyň mejlisde belleýşi ýaly, döwletimiziň alyp barýan içeri we daşary syýasatyny halka ýetirmekde, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işini ilerletmekde, ýaşlary milli däp-dessurlarymyz esasynda terbiýelemekde Halk Maslahatynyň hem-de Ýaşulular geňeşiniň agzalary mynasyp işleri alyp barýarlar. Munuň özi halkymyzyň asyrlaryň aňyrsyndan gözbaş alýan asylly ýörelgeleriniň bagtyýar döwrümizde-de mynasyp dowam edýändigini görkezýär. Bu günki gün Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy ynsanperwerligiň nusgasyna öwrüldi. Döredileli bäri geçen gysg

12 Dekabr 2024

Syýasat

Açyk göwünleriň açyk ýollary

Üstünlikler bilen garşylaýan ýyllarymyzy şol depginde jemlemek ajaýyp zamanamyzda adaty ýagdaýa öwrüldi. Muny biz hormatly Prezidentimiziň baştutanlygynda üstünlikli ýöredilýän içeri syýasatymyz babatda-da, daşary gatnaşyklarymyz dogrusynda-da buýsanç bilen aýdyp bileris. «Pähim-paýhas ummany Magtymguly Pyragy» ýylymyz hem Garaşsyz, hemişelik Bitarap Türkmenistanyň iň täze taryhyna buýsançly sahypalaryň ençemesini goşdy. 2-nji dekabrda Birleşen Milletler Guramasynyň Baş Assambleýasynyň 79-njy sessiýasynyň dowamynda Türkmenistanyň başlangyjy bilen «Merkezi Aziýada ýadro ýaragyndan azat zolak hakyndaky Şertnama» atly Kararnamanyň biragyzdan kabul edilmegi-de Watanymyzyň parahatçylygy goramak, dostlukly gatnaşyklary ösdürmek babatdaky tagallalarynyň halkara jemgyýetçiliginiň giň goldawyna eýe bolýandygynyň aýdyň nyşanydyr. Şeýle buýsançly habarlaryň yzly-yzyna gelip durmagy hormatly Prezidentimiz tarapyndan durmuşa geçirilýän daşary syýasatymyzda halkara guramalary bilen gatnaşyklaryň gerimini giňeltmäge aýratyn üns berilýändiginiň miwesidir. Şu ýyl hormatly Prezidentimiziň goldaw bermeginde «Türkmenistan — Birleşen Milletler Guramasy» strategik maslahat beriş geňeşiniň döredilmegi bolsa bu işlere täze depgin bagyş etdi. Gahryman Arkadagymyzyň dialog arkaly halklara, kalplara aralaşmak ýörelgesiniň miwelerini Garaşsyz Watanymyzda halkara maslahatlardyr dürli çäreleriň geçirilmegi

12 Dekabr 2024

Syýasat

Iki şaýy (Gülküli hekaýa)

«Iki şaýy» — halypa ýazyjy Juma Hudaýgulyýewiň metbugatda çap edilen ilkinji hekaýasy. Bu hekaýany 1980-nji ýylda «Edebiýat we sungatyň» redaksiýasyna alyp gelşi, onuň gazet sahypasynda ýerleşdirilişi bilen baglanyşykly ýazyjynyň öz ýatlamasyny mundan sanlyja ýyl öň okyjylara ýetiripdik. Meretgeldi elmydama çagalaryna köçeden tapan zatlaryny öýe getirmezligi tabşyrardy. Ine, ol häzirem ýedi ýaşly uluja ogly Sähedi çat maňlaýynda oturdyp, gök çaýyň bady bilen hemişekije öwüdini berip otyr:

12 Dekabr 2024

Edebiýat

Durmuş mugallymy (Hekaýa)

Oňa hemmeler «Maýa mugallym» diýip ýüzlenerdiler. Syrgynymyzda ýaşansoň, ötenimizde-geçenimizde ol bizi hökman ýanyna çagyrardy. Gapdalynda oturdyp, ondan-mundan gürrüň bererdi. Çagalygyň iň bol çöpi — sowallar. Maýa mugallymyň biziň soňsuz sowallarymyzyň öňünde durup bilşine haýran galaýmalydy. Diňe bir jogap bermegem däl, käte sowallarymyzyň hersine degişli rowaýatdyr tymsal hem aýdyp goýbererdi. Onsoň Maýa mugallymyň töweregi hemişe diýen ýaly çagalardan ýaňa hümer bolar durardy. Ulularyň dünýäsine tarap ýaňy bir ümzük atyp ugran döwürlerimiz Maýa mugallymyň gürrüňleriniň çagalygymyzdaky täsiriniň «güýji gaçyşdy». Oňa-muňa gidenimizde-de, Maýa mugallymlaryň howlusyndan sowarak ýoly saýlanymyzy kem görmän ugradyk. Hernä bu ýagdaý uzaga çekmedi. Biraz ulalyşanymyzdan ýene-de şol çagalygyň yz ýasan ýoluna dolandyk. Emma ol döwre çenli eýýäm Maýa mugallym hemişekileri ýaly, howlularynyň köçe tarapynda gurlan sekide oturmasyny seýrekletdi. Şonda-da ötenimizde-geçenimizde sowlup, ondan habar alardyk. Dogrusy, bu ýagdaýyň ýörelgä öwrülmeginde ulularyňam paýy bardy. Uzak bir ýere gidip gelseň dagy, öýe baranyňdan hal-ahwaldan soňky sowallaryň biri: «Maýa mugallymlara sowuldyňmy?» bolardy. Dogrusy, «ýok» diýeniň bilenem temmi beriljek gümany ýokdur welin, özüňi şeýle bir oňaýsyz duýarsyň hemem şondan soň beýle «säwlige» ýol bermersiň.

12 Dekabr 2024

Edebiýat

Şahyryň ýylynda şahyr hakynda

Halkyň taryhy onuň dilinde, edebiýatynda, medeniýetinde hem sungatynda ýaşaýar. Biz hem türkmen dilini öwrenmekde uly işleri bitiren alym, filologiýa ylymlarynyň kandidaty, Türkmenistanyň «Magtymguly Pyragynyň 300 ýyllygyna» atly ýubileý medalynyň eýesi Begmyrat Weýisowyň Türkmenistanyň halk ýazyjysy Gurbannazar Ezizow hakyndaky ýatlamasyny okyjylara ýetirýäris. — Men Gurbannazar bilen talyplyk ýyllarymdan bäri tanyş. Biz häzirki Magtymguly adyndaky Türkmen döwlet uniwersitetiniň türkmen filologiýasy fakultetinde okaýardyk, men 3-nji ýyl, Gurbannazar bolsa 5-nji ýyl talypdy. Biz iküç ýyl bile tirkeşdik. Ol wagtlar her aýda diýen ýaly edebiýat birleşmesi bolardy. Şonda herimiz öz goşgymyzy joşup okardyk. Edebiýat birleşmesine gatnaşýanlaryň arasynda Gurbannazar iň ekabyrymyzdy.

12 Dekabr 2024

Edebiýat

Şygryýet

Parahat ýurt Parahatlyk, ynanyşmak Watany bu pederleň,Dünýäniň ähli dilleri seniň waspyň ederler,Bagtyýardyr gahryman halk, nesillermiz edermen,Garaşsyz biz, Bitarap biz, uzak howpdan-hederden,Ýeňişlerden ýeňişlere diňe öňe giderler,Arkadag hem Gerçek Ogul geljegmize çyragdyr,Peder-perzent gudratynda biziň bagtymyz bardyr!

12 Dekabr 2024

Edebiýat

Abraýly ýoluň belent sarpasy

Hoş habar ynsanyň göwnüni ganatlandyrýar. Saňa iň gymmatly baýlyklary — ylym-bilim, tälim beren ussatlar bilen baglanyşykly bolanda, onuň täsiri has-da üýtgeşik bolýar. Milli aýdym-saz sungatymyzyň ösmeginde, bagşy-sazandalaryň täze nesilleriniň kemala gelmeginde uly işleri bitiren ussatlarymyz Atageldi Garýagdyýewiň, Ýolaman Nurymowyň, Amanöwez Saparowyň, Çaryýar Jumaýewiň, Magtymguly Magtymgulyýewiň hormatly Prezidentimiziň Permany bilen Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşany bilen sylaglanmagyny tutuş sungatymyza ýapylan serpaý diýip kabul etdik. Ýurdumyzyň dutarçy sazandalarynyň arasynda ilkinjileriň biri bolup dosent we professor atlaryny alandygy Türkmenistanyň halk artisti Ýolaman Nurymowyň öz ugrunyň ussadydygyna şaýatlyk edýär. 1943-nji ýylyň awgust aýynyň 10-na Ahal welaýatynyň Tejen etrabynyň häzirki «Täze oba» daýhan birleşiginde dünýä inen geljekki sazandanyň ilkinji halypasy kakasynyň inisi — aýdym-saz mugallymy Hommat Gapurow bolýar. Hommat mugallymyň ökde sazanda bolandygyny halypa hemişe hormat bilen ýatlaýar. Şeýdip, ilkinji kakuwlardan soň öwrenen «Dilberi» onuň saz älemine barýan ýolunyň başlangyjyny goýýar.

12 Dekabr 2024

Medeniýet

«Magtymgulyny» ýazan

Käbir döredijilik işgärleri bolýar, olar haýsydyr bir eseri, ýa bolmasa döreden keşbi bilen adamlaryň aňynda galýarlar. Olaryň atlaryny eserleriniň ýada gahrymanynyň adynyň eýeleýän ýagdaýlaryda az bolmaýar. Ýazyjy Gylyç Kulyýewede, başgada ýatda galyjy eserleriniň az däldigine garamazdan, «Hä, «Magtymgulyny» ýazanmy?» diýläýýändir. Muny ýazyjynyň Pyragy baradaky eseri döretmäge sarp eden ýyllary, çäksiz yhlasy bilen düşündirip bolar. 1913nji ýylyň 14nji aprelinde Marynyň birinji Gökje obasynda daýhan maşgalasynda dünýä inen Gylyç Kulyýew başlangyç bilimi internatda alýar. Ol 1948nji ýylda şol wagtky Aşgabat pedagogik institutyny, soň bolsa Jemgyýetçilik ylymlary akademiýasyny tamamlaýar.

12 Dekabr 2024

Edebiýat

Körpelere okap beriň!

Garry we garga Unaş bişrende garypIýmegi edip tama,Çekizeden togarlap,Garry gurt serdi tama.

12 Dekabr 2024

Edebiýat

Pyraga bagyşlanan monografiýa

Ýakynda Türkmenistanyň Ylymlar akademiýasynyň «Ylym» neşirýaty tarapyndan Magtymguly adyndaky Türkmen döwlet uniwersitetiniň uly mugallymy, filologiýa ylymlarynyň kandidaty, Türkmenistanyň «Magtymguly Pyragynyň 300 ýyllygyna» atly ýubileý medalynyň eýesi Tagandurdy Bekjäýewiň «Magtymgulynyň eserleriniň frazeologiýasy» atly monografiýasy neşir edildi. Kitapda Magtymguly Pyragynyň döredijiligindäki frazeologizmleriň etimologiýasy, leksik-semantik aýratynlyklary, grammatik gurluşy ylmy taýdan derňew edilýär, şahyryň eserleriniň poetik dili dogrusynda täzeçe garaýyşlar öňe sürülýär. Şeýle-de Magtymguly Pyragynyň eserlerindäki düzüminde reňkler, sanlar, beden agzalary, aryflyk bilen bagly sözler, tirkeş sözler bolan frazeologizmler ýörite seljerilýär. Kitabyň ahyrynda Magtymguly atamyzyň eserleriniň gysgaça frazeologik sözlügi ýerleşdirilipdir. Magtymgulyşynas mugallymyň täze kitaby ýokary we orta mekdepleriň dil we edebiýat mugallymlaryna, bu ugurdan bilim alýan talyplara we dana Pyragynyň döredijiligi, türkmen diliniň taryhy bilen içgin gyzyklanýan adamlara gymmatly gollanma bolup hyzmat eder.

12 Dekabr 2024

Edebiýat

Parasatly pikirler

Bir şem başga bir şemi tutaşdyrany bilen öz ýagtylygyndan hiç zat ýitirmez. Möwlana Jelaleddin Rumy. * * *

12 Dekabr 2024

Edebiýat

«Iň güýçli» serçejik (Rus tymsaly)

Gyş barha çynyna tutýardy. Alys ülkelere gyşlamaga gitmedik guşlar, iýmitden geregini edinensoňlar, aýazda sowukdan goranmagyň aladasy bilen bolýardylar. Ýöne ýaşuly guşlar wagtlaryny mümkin boldugyça ýylyrak ýerden çykman geçirseler, ýaşlaryň bir ýerde oturyp kararlary ýetmeýärdi. Olar daşaryk çykyp, nähilidir bir oýna güýmenmeseler, wagtlary geçmeýärdi. Bir günem ýaşajyk serçejikler şäheriň köp gatly jaýlarynyň üstünde gaýmalaşyp, özbaşlaryna oýna gümra bolşup ýörüşlerine, olaryň arasynda haýsy biriniň güýçlüdigi baradaky jedel ýüze çykýar. Jaýyň üçeginde seteran oturan serçeleriň biri aşakdaky guran agajy görkezip:

12 Dekabr 2024

Edebiýat