"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepde hamallar üçin düşümli bolar. Sowukganly we parahat boluň, ähli arzuwlaryňyza ýetersiňiz. Bu hepde öýüňizi, iş ýerleriňizi arassa saklasaňyz saglygyňyz üçin hem gowy bolar. Hamallaryň hünär, iş babatdaky ýagdaýy gowulyga tarap üýtgär. Geljek hepde önüm öndürýän telekeçiler üçin önümçiligini giňeltmäge amatly mümkinçilik dörär.

30 Aprel 2021

Jemgyýet

Il agzybirliginiň ajaýyp nusgasy

Öňňin ýurdumyzyň ähli sebitlerinde we Aşgabat şäherinde bolşy ýaly, welaýat merkezindäki Baş metjitde agzaçar sadakasy berildi. Ýörgünli däp-dessurlarymyza laýyklykda mübärek Oraza aýynda berlen agzaçar sadakasy hormatly Prezidentimiziň mähriban kyblasy Mälikguly Berdimuhamedowy hatyralaýan çäreler bilen utgaşdy. Oňa il sylagly ýaşulular, kümüş saçly eneler we köpsanly ildeşlerimiz bilen birlikde welaýatymyzyň çäginde ýaşaýan doganlyk özbek halkynyň wekilleri hem agzybirlik bilen gatnaşdylar. Bu ýere ýygnananlar metjidiň bezeg aýratynlyklary bilen tanşyp, diwarlary bezeýän mukaddes ýazgylaryň ähmiýetine aýratyn üns berdiler. Şeýle-de hajy Arkadagymyzyň metjide ýadygärlik hökmünde gowşuran yslam dünýäsinde mukaddes künjek saýylýan Mekgeden özüne ýadygärlik sowgady hökmünde iberilen keramatly Käbäniň ýazgysy bolan örtüge hem-de keramatly teperrige togap edip, Gurhandan aýat okadylar hem-de hormatly Prezidentimiziň mukaddes Oraza aýynda berýän agzaçar sadakasynyň Beýik Biribaryň dergähinde kabul bolmagyny, ulus-ilimiziň ýüreginde orun alan hormatly Prezidentimiziň kyblasy Mälikguly Berdimuhamedowyň biwagt aramyzdan gitmegi zerarly merhuma imanynyň hemra bolmagyny dileg etdiler. Şeýle-de halkymyzyň abadançylygy, onuň baý medeni we ruhy mirasyny gorap saklamak barada edýän hossarlyk aladalary üçin döwlet Baştutanymyza tüýs ýürekden hoşallyk bildirip, Gahryman Arkadagymyza berk jan

30 Aprel 2021

Jemgyýet

Ady dünýä dolan türkmen halysy

Öz akabasyny müňýyllyklardan alyp gaýdýan baý medeni mirasymyzyň, ajaýyp däp-dessurlarymyzyň, edim-gylymlarymyzyň, el işleriniň inçe syrlarynyň, aýratynlyklarynyň sünnälenilip, kämilleşip, biziň günlerimize gelip ýetmeginde zenanlarymyzyň hyzmaty uludyr. Olar halkymyzyň taryhyny, gahrymançylygyny, gözel tebigatyny, pähim-parasadyny, milliligini, däp-dessurlaryny dokaýan nepis halylarynyň çitimlerine, göllerine siňdirmegi ussatlarça başarypdyrlar. Türkmen halyçylarynyň on barmagynyň hünärinden dörän müňýyllyklaryň ömür dowamatyna, syrly rowaýatlara öwrülip, dünýä gözelligini özünde jemleýän ajaýyp sungat eserleri häzirki döwürde özboluşly kämillige eýe bolýar. Gelin-gyzlarymyzyň bu ugurdaky şahsy başarnyklaryny açyp görkezmek arkaly ýaşlarda zähmetsöýerligi, zenan edebini, tebigy gözelligi, asylly gylyk-häsiýetleri terbiýelemek bolsa döwrüň möhüm wezipeleriniň biri hökmünde orta çykýar. Hut şu maksat bilen ýurdumyzda el hünärine degişli bolan dürli döredijilik bäsleşiklerini yzygiderli geçirmäge giň ähmiýet berilýär. Ýakynda welaýatymyzyň Halaç etrabynyň Garabekewül şäherindäki medeniýet öýünde welaýatymyzyň halyçy gelin-gyzlarynyň arasynda geçirilen döredijilik bäsleşigi hem şolaryň biridir. «Arkadag paýhasyndan ady dünýä dolan türkmen halysy» diýen at bilen geçirilen bu bäsleşik gelin-gyzlarymyza öz ukyp-başarnyklaryny doly açyp görkezmäge mümkinçilik berdi. Bäsleşik üç şert

30 Aprel 2021

Jemgyýet

Howpsuzlyk düzgünlerini berjaý etmek — abadançylygyň kepili

Ýurdumyzda gurlup, ulanmaga berlen ajaýyp binalary, hususy we döwlet emläklerini ýangyn howpundan goramak biziň her birimiziň raýatlyk borjumyzdyr. Gözegçiliksiz galdyrylan ýa-da ätiýaçlylyk bilen seredilmedik oduň adamyň ömrüne we daşky gurşawa düýpli zeper ýetirýändigini unutmaly däldir. Ýangyn howpsuzlyk düzgünlerini berjaý etmek, ilkinji nobatda, ýaşaýjylara, ähli raýatlarymyza baglydyr. Şonuň üçin hem ýaşaýyş jaýlarynyň, ulaghanalaryň daş-töweregi arassalanyp, zir-zibiller öz wagtynda çäkden çykarylmalydyr. Geçelgeleri, girelgeleri, howlynyň içini, jaýlaryň ýangyna garşy araçäklerini, daşarky halas ediş merdiwanlaryny, ýangyna garşy suw howuzlaryna barylýan ýollary dürli görnüşdäki goşlar bilen bekläp, geçmäge päsgelçilik döretmek, ýerli häkimlikleriň rugsady bolmazdan, gurluşyk-gurnama işlerini geçirmek, jaýlaryň ýangyna garşy araçäklerinde, boşluklarynda, howlynyň çägindäki açyk meýdançada ýanyjy goşlary, ýeňil ýanyjy suwuklyklary, gazly, kislorodly gaplary saklamak, jaýlaryň, howlynyň we gurluşyk işleri geçirilýän ýerleriň töwereginde ot ýakmak ýa-da doly sönmedik közli külleri dökmek talaba laýyk gelýän däldir.

30 Aprel 2021

Jemgyýet

Bize ýazýarlar

BEDEW ATYŇ WASPY TARYHY ÝADYGÄRLIKLERDEGadymy Marguşda biziň eýýamymyzdan öňki III-II asyrlarda atlaryň eldekileşdirilip başlanandygy dogrusynda maglumatlar bar. Marguş medeniýetiniň paýtagt şäheri Goňurdepeden tapylan jaýlanan taýçanagyň galyndylary, atyň bürünç heýkeljikleri, şeýle hem gadymy Köneürgenjiň taryhy-medeni ýadygärlikleriniň çäklerindäki Daşgaladan dokuzburçluk şekiliň içinde şekillendirilen atyň (XIV asyr), Kyrkmolla depesinden taýçanagyň (miladydan öňki I müňýyllyk), Horezmşalaryna degişli bolan mis zikgeleriň ýüzündäki atly serbazyň şekilleriniň ýüze çykarylmagy halkymyzyň atçylyk we seýisçilik sungatynyň örän gadymydygyny subut edýär. Şeýle hem Nejmeddin Kubranyň kümmetinden tapylan şaý-sepler bilen bezelen bedew şekillendirilen bezeg daşy (XIII-XIV asyr) milli zergärçilik sungatyna degişli baý maglumatlary özünde jemleýär. Bu taryhy maglumatlar bilen içgin tanyş bolanyňdan soň, ýurdumyzyň Döwlet tugrasynda türkmen bedewiniň şekillendirilmeginiň tötänden däldigine ýene bir gezek göz ýetirýärsiň. Türkmen tebigatynyň we milli seýisçilik tejribesiniň sazlaşygyndan kemala gelen bedewleriň häsiýetli aýratynlyklary, eýesine wepalylygy halkyň ruhyýetine has ýakyndyr. Şonuň üçin hem, dana ata-babalarymyz owadanlygyň we ýyndamlygyň nyşany hasaplanýan gamyşgulak bedewleri merdana ýigitleriň maksat-myradyna deňeýär. «Ataňdan soň atyňy gör!» diýip sarpal

30 Aprel 2021

Jemgyýet

Ajaýyp kitaby okap...

Gymmatly eser Berkarar döwletimiziň bagtyýarlyk döwründe hormatly Prezidentimiziň ýolbaşçylygynda milli medeniýetimiziň, sungatymyzyň ösmegine giň ýol açyldy. Halk arasyndaky «Kitap okamaýan görýänini görer, kitap okaýan dünýäni görer», «Kitap okamaýan bir dil biler, kitap okaýan kän dil biler», diýlişi ýaly, her bir eseri okap, köp zada düşünmek bolýar. Mähriban Arkadagymyz bagtyýar halkymyza «Türkmeniň döwletlilik ýörelgesi» atly çuň many-mazmuna ýugrulan eserini peşgeş berdi. Bu kitap, esasan-da, döredijilik adamlarynyň ylham çeşmesine öwrüldi. Milli medeniýetimiziň sungatymyzyň hak howandary mähriban Arkadagymyzyň döredýän her bir eseri okyjylara ruhy lezzet paýlaýar, islendik kärdäki adamlaryň ýankitabyna öwrülýär.

30 Aprel 2021

Jemgyýet

Saldamly goşant

Berkarar döwletimiziň bagtyýarlyk döwründe ýurt Baştutanymyzyň parasatly ýolbaşçylygynda ýurdumyz ähli ugurlar boýunça gülläp ösýär, ýokary zähmet üstünlikleri gazanylýar. Halkymyzyň maddy hal-ýagdaýy barha gowulanýar. Şeýle guwançly ýol-ýörelgäniň Türkmenistan — parahatçylygyň we ynanyşmagyň Watany ýylynda-da rowaçlanýandygy guwanjymyzy goşalandyrýar. Türkmen halkynyň döredijilikli zähmeti bilen ata Watanymyzyň ykdysady kuwwaty ýylsaýyn artyp, ösüşli ýol bilen öňe barýar. Şeýle ösüş-özgerişli ýolumyzyň Türkmenistan — parahatçylygyň we ynanyşmagyň Watany ýylynda hem badynyň artýandygyny bellemelidiris. Bilşimiz ýaly, ajap eýýamymyzda Arkadag Prezidentimiz oba-şäherlerimiziň abadanlaşdyrylmagy bilen bagly wajyp wezipeleri öňde goýýar. Müdirligimiziň işgärleri şol wezipelerden ugur alyp, welaýat merkezimiziň abadanlaşdyrylmagyna gönükdirilen uly işlere özleriniň saldamly goşantlaryny goşýarlar. Kärdeşler arkalaşygy guramamyz tarapyndan zähmet adamsy hakyndaky alada uly üns berlip, işgärlerimiziň tutanýerli zähmet çekmekleri üçin zerur şertleriň döredilmegi ugrunda degerli işler geçirilýär.

30 Aprel 2021

Jemgyýet

Bagtyýarlyk döwrüniň nesilleri

Türkmenistan — parahatçylygyň we ynanyşmagyň Watany ýylynda Türkmenistanda bedenterbiýäni we sporty goldamagyň hem-de ösdürmegiň 2021 — 2025-nji ýyllar üçin milli maksatnamasyny durmuşa geçirmek, ýurdumyzyň raýatlarynyň arasynda bedenterbiýäniň we sportuň, sagdyn durmuş ýörelgesiniň ähmiýetini ýokarlandyrmak, Türkmenistanda Ýaşlar baradaky döwlet syýasatynyň 2021 — 2025-nji ýyllar üçin döwlet Maksatnamasyny amala aşyrmak boýunça ýerine ýetirilmeli çäreler öz beýanyny tapýar. Golaýda şäherimiziň “Berkarar” sport toplumynda “Berkarar döwletiň bagtyýarlyk döwrüniň nesilleri” ady bilen şäherimiziň orta mekdeplerinde bilim alýan okuwçy ýaşlaryň gatnaşmagynda sportuň stoluň üstünde oýnalýan tennis görnüşi boýunça bäsleşik geçirildi. Bäsleşikde 1-nji orny şäherimiziň 10-njy orta mekdebiniň 10-njy “A” synp okuwçysy Guwanç Öwezmyradow, 2-nji orny 5-nji orta mekdebiň 10-njy synp okuwçysy Hoşgeldi Şabasanow, 3-nji orny 13-nji mekdep--internatyň 11-nji synp okuwçysy Azym Söýünow eýelemegi başardylar. Ýeňiji bolan hem-de işjeň gatnaşan okuwçylara TMÝG-niň Baýramaly şäher geňeşiniň ýadygärlik sowgatlary hem-de Hormat hatlary gowşuryldy.

30 Aprel 2021

Jemgyýet

Howpsuz iş şertleriniň girewi

Bagtyýarlyk zamanamyzyň ähli ýyllarynda bolşy ýaly, Türkmenistan — parahatçylygyň we ynanyşmagyň Watany ýylymyzda hem zähmeti goramagyň kadalarynyň berk berjaý edilmegi derwaýys wezipe bolup durýar. Bu babatda Türkmenistanyň Kärdeşler arkalaşyklarynyň Milli merkeziniň degişli kararynyň çäklerinde degerli işler durmuşa geçirilýär. Şu wajyp wezipäniň oňyn çözgüdini gazanmakda jemgyýetçilik gözegçilik işlerini amala aşyrmak derwaýys meseledir. Onuň çäginde her bir iş ornunda zähmeti goramagyň bellenilen talaplaryna laýyk gelýän guramaçylyk-tehniki, sanitariýa-arassaçylyk, bejeriş-öňüni alyş, dikeldiş we howpsuz zähmet şertleriniň üpjün edilişi bilen bagly çäreler görüldi. Şeýle hem zähmeti goramak boýunça gözükdirmeleriň ýola goýulmagyny seljermek hem-de ýüze çykarylan kemçilikleri öz wagtynda aradan aýyrmak bilen bagly işlerem wajyplygyna galýar. Şonuň üçinem kärdeşler arkalaşyklarynyň ilkinji guramalarynda önümçilikde betbagtçylykly hadysalaryň öňüni almak maksady bilen degerli çäreler ýola goýlup, olaryň guramaçylykly geçirilmegi üpjün edildi. Howpsuz zähmeti ygtybarly üpjün etmäge gönükdirilen şu we beýleki çärelerimiz möhüm ädim bolup hyzmat etdi. Şonuň üçinem biz bu babatda geljekde-de zerur çäreleri meýilleşdirýäris.

30 Aprel 2021

Jemgyýet

Milli demokratiýamyzyň dabaralanmasy

Milli Liderimiziň baştutanlygynda amala aşyrylýan giň gerimli durmuş-ykdysady özgertmeler döwletimiziň hemmetaraplaýyn sazlaşykly ösüşine, halkara giňişligindäki abraýynyň mundan beýläk hem ýokarlanmagyna, türkmen jemgyýetiniň demokratik hem-de hukuk esaslarynyň berkidilmegine gönükdirilendir. Gahryman Arkadagymyzyň taryhy başlangyjy bilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanuny kabul edildi. Hormatly Prezidentimiziň bu ugurda öňe süren başlangyçlary milli demokratiýanyň dabaralanmasynyň hem-de Türkmenistanyň geljekki ösüşleriniň esasy ugurlarynyň kesgitlenýändigi bilen taryhy waka öwrüldi.

30 Aprel 2021

Jemgyýet

Döwrebap ösüşiň möhüm şerti

Hormatly Prezidentimiziň 2021-nji ýylyň 25-nji fewralynda Türkmenistanyň Mejlisiniň altynjy çagyrylyşynyň deputatlary bilen geçiren duşuşygynda eden çuň manyly, maksatnamalaýyn çykyşynda milli kanunçylygymyzy kämilleşdirmek barada deputatlaryň öňünde goýan wezipelerini durmuşa geçirmek maksady bilen, Türkmenistanyň Arbitraž iş ýörediş kodeksiniň rejelenen görnüşiniň taslamasy taýýarlanyldy we kabul edildi. Bu Kodeks ykdysady we administratiw hukuk gatnaşyklaryndan gelip çykýan jedeller boýunça arbitraž kazyýet önümçiliginiň tertibini, arbitraž kazyýetde şol jedellere seretmegiň we çözmegiň iş ýörediş ýörelgelerini we düzgünlerini belleýär.  Kodeksde ulanylýan esasy düşünjeleriň many-mazmuny halkara tejribesine laýyklykda beýan edildi. Kodeks 23 bapdan, 210 maddadan ybarat bolup, oňa täze 1 bap we 42 madda goşuldy. Şunda ýuridik we fiziki şahslaryň bozulan ýa-da jedelleşilýän hukuklaryny we kanuny bähbitlerini goramak, ykdysadyýet çygrynda kanunçylygyň berjaý edilmeginiň pugtalandyrylmagyna, garaşsyz we tarapgöýsüz kazyýetiň laýyk möhletde adalatly, açyk kazyýet seljerişini üpjün etmek, telekeçilik we beýleki ykdysady işiň çygryndaky hukuk bozulmalarynyň öňüni almak hem-de kanunylygy berkitmek ýaly wezipeler anyk beýan edildi.

30 Aprel 2021

Jemgyýet

Wagyz-nesihat işleri

Berkarar döwletimiziň bagtyýarlyk döwründe raýatlarymyzyň saglygyny gorap saklamak, ýurdumyzda sagdyn durmuş ýörelgelerine eýerýän jemgyýeti kemala getirmek, möwsümleýin keselleriň öňüni almak, sagdyn durmuş ýörelgelerini we sanitariýa-arassaçylyk kadalarynyň berjaý edilişini düşündirmek maksady bilen, TMÝG-niň Babadaýhan etrap Geňeşiniň hem-de ilkinji ýaşlar guramalarynyň işjeň agzalaryndan düzülen wagyz-nesihat toparlary etrabyň maşgala lukmanlary bilen bilelikde raýatlaryň arasynda bolup, möwsümleýin kesellerden goranmakda berjaý edilmeli arassaçylyk düzgünlerini düşündirmek boýunça netijeli işleri geçirýärler. Wagyz-nesihat işleriniň dowamynda ýaşlar guramasynyň işjeň agzalary bolan ýaş meýletinçiler we maşgala lukmanlary sagdyn durmuş ýörelgelerine salgylanyp, raýatlara saglygy goramaga degişli birnäçe maslahatlary berýärler. Şeýle-de, häzirki wagtda howanyň düzüminde tozan bölejikleriniň möçberiniň kadadan artmagy sebäpli döräp biläýjek keselleriň öňüni almak maksady bilen agyz-burun örtüklerini hökmany ulanmagyň, şahsy gigiýenanyň düzgünlerini berjaý etmegiň, sport maşklaryny ýerine ýetirmegiň we saglyga peýdaly gök-önümleri iýmegiň wajypdygy barada aýratyn bellenilýär.

29 Aprel 2021

Jemgyýet

Asylly ýörelgeler ündeldi

Ýaşlaryň berk bedenli, sagdyn ruhly bolmagyny gazanmak, olarda ata-babalarymyzyň müňýyllyklaryň dowamynda kemala getiren watansöýüjilik, halallyk, arassa ahlaklylyk, zähmetsöýerlik ýaly häsiýetleri terbiýelemek hem-de milli mirasymyza bolan sarpany kemala getirmek maksady bilen Tejen etrabyndaky başlangyç hünär okuw mekdebinde wagyz-nesihat duşuşygy geçirildi. Talyplaryň gatnaşmagynda geçirilen duşuşygy etrap häkimligi, etrap bilim bölümi, Tejen şäher we etrap polisiýa bölümi hem-de TMÝG-niň etrap Geňeşi bilelikde gurady. Duşuşykda ýurdumyzda ýaşlar hakda edilýän aladalar, olaryň ähli taraplaýyn sazlaşykly ösmegi ugrunda döredilýän şertler barada gürrüň edildi. «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» we ony amala aşyrmak boýunça ýerine ýetirilmeli çäreleriň Meýilnamasyny üstünlikli durmuşa geçirmegiň çäginde alnyp barylýan işleriň ähmiýeti barada aýdylanlar has-da täsirli boldy.

29 Aprel 2021

Jemgyýet

Türkmenistan parahatçylygy we ynanyşmagy berkitmekde parlamentara tagallalary birleşdirýär

AŞGABAT, 28-nji aprel (TDH). Şu gün Milli Geňeşiň Mejlisinde parlamentleriň ýolbaşçylarynyň arasynda wideoaragatnaşyk görnüşinde «Parlamentarileriň halkara parahatçylygy we ynanyşmagy berkitmekdäki orny» atly duşuşyk geçirildi. Bu çäre türkmen tarapynyň başlangyjy boýunça guraldy hem-de şanly senelere — Türkmenistanyň mukaddes Garaşsyzlygynyň 30 ýyllygyna we baky Bitaraplygyň 25 ýyllygyna hem-de Halkara parahatçylyk we ynanyşmak ýylyna bagyşlanyldy. Duşuşygyň dowamynda parlamentarizmiň gurallaryny häzirki döwrüň möhüm meselelerini çözmekde ulanmak bilen bagly netijeli pikir alyşmalar geçirildi. Wideoaragatnaşyk arkaly dünýäniň ençeme ýurtlarynyň parlamentleriniň ýolbaşçylarynyň çykyşlary diňlenildi.

29 Aprel 2021

Jemgyýet

Uly geljegiň eýeleri

Mähriban Watanymyzyň Garaşsyzlygynyň şanly 30 ýyllyk baýramçylygyna taýýarlyk görülýän şu günlerde ähli ugurlarda — senagatda, oba hojalygynda, ylymda, bilimde, medeniýetde, sportda, saglygy goraýyşda we beýleki ulgamlarda uly üstünlikler gazanylýar. Geljegimiz bolan ýaş nesle döwrebap terbiýe, ylym-bilim bermek, olaryň sagdyn hem ruhubelent adamlar bolup ýetişmegi ugrunda alada etmek bolsa Gahryman Arkadagymyzyň elmydama üns merkezinde saklanýar. Hormatly Prezidentimiziň halkymyza peşgeş beren «Türkmeniň döwletlilik ýörelgesi» atly kitabyny okanyňda, paýhasly pederlerimizden miras galan türkmençilik ýörelgelerinde umumadamzat gymmatlyklarynyň asylly nusgalarynyň jemlenendigine göz ýetirmek bolýar. Bu gymmatly kitap ýaş nesillere terbiýe bermekde bahasyna ýetip bolmajak gollanma bolup durýar. Pähim-paýhasyň egsilmez çeşmesi bolan eserde halkymyzyň asyrlaryň dowamynda toplan baý ruhy tejribesi, myhmansöýerlik, dost-doganlyk ýaly ajaýyp ýörelgeleri çeper hem pelsepewi nukdaýnazardan beýan edilýär.

29 Aprel 2021

Jemgyýet

Täze ösüşlere badalga

Jemgyýeti demokratiýalaşdyrmak, milli kanunçylygy berkitmek ýurdumyzda üstünlikli durmuşa geçirilýän hukuk özgertmeleriniň esasyny düzýär. Hormatly Prezidentimiz Gurbanguly Berdimuhamedowyň parasatly ýolbaşçylygynda kanunçylyk ulgamy öňdebaryjy halkara tejribesi esasynda kämilleşdirilýär. Milli Parlamentiň iki palataly ulgamynyň döredilmegi, «Türkmenistanyň Milli Geňeşi hakynda» Türkmenistanyň Kanunynyň kabul edilmegi munuň aýdyň subutnamasydyr. Ýurdumyzyň gurluşynda täze kanun çykaryjy edara — Milli Geňeşiň Halk Maslahaty döredildi. Şu ýylyň 14-nji aprelinde Türkmenistanyň Milli Geňeşiniň iki palatasynyň birinji bilelikdäki mejlisiniň geçirilmegi Berkarar döwletimiziň bagtyýarlyk döwrüniň dünýä ýaň salan taryhy wakalarynyň biri boldy. Gahryman Arkadagymyz bilelikdäki mejlisde eden çuňňur manyly çykyşynda Halk Maslahatynyň alyp barmaly işiniň esasy ugurlaryny kesgitledi we olaryň üstünde birin-birin durup geçdi.

28 Aprel 2021

Jemgyýet

Durmuş düwünçeginden

Okuw — bilim bagynyň suwaryş çeşmesi, ylym — miwesi. Okuw hemişe «damjalap» durmasa, bilim bagy gögermeýär, gögerse-de, miwe bermeýär. Güýçden galsaň-da, okamakdan galma! *  *  *

28 Aprel 2021

Jemgyýet

Edep bilen ezizlän

Ynsany bezeýän ajaýyp zatlaryň ilkinjisi onuň edebidir. Ata-babalarymyzdan gelýän «Çaga eziz, edebi ondan hem eziz» diýen pähimde halkymyzyň edep-terbiýä uly hormat goýýandygyny görmek bolýar. Çagalaryň terbiýesine mukaddeslik hökmünde garalýar. Ene-mamalarymyz «Gyz edebi — eşrepi» diýip, gyz terbiýesini ýöne ýere gyzylyň gyryndysyna deňemändirler. Edep-terbiýäniň mekdebi bolan mähriban enelerimiz diňe sözleri bilen däl, eýsem, asylly hereketleri, gylyk-häsiýetleri bilen hem gyzlara görelde bolýarlar. Enelerimiz çaga dünýä inen gününden başlap, onuň terbiýesini iň ilkinji orunda goýýar. Çagasynyň bagtyny diläp, ony gözden-dilden gorap saklaýar, penalap gezýär. Geçmiş taryhymyzda Türkan hatyn durmuşa çykjak gyzyny ýanyna çagyryp, oňa şeýle pent edipdir: «Menden on häsiýeti nusga al, saňa hem hazyna, hem abraý bolar. Ýanýoldaşyňa sabyr we kanagat bilen höwür bol, sözlerini ýagşy diňle we islegini ýerine ýetir. Gözüňe we burnuňa esewan et, hapa-hapysa zada gözi düşmesin we üstüňden diňe hoşboý ys gelsin. Ajygan wagty naharyny gijikdirme. Çünki açlyk howry ýakyjydyr. Sen onuň göwnünden tursaň, ol hem şol derejede seni ýanyndan goýmaz. Onuň göwnüni öz göwnüňden beýik tutmasaň, ýanýoldaşyň söýgüsini gazanyp bilmersiň. Onuň halan zadyny söý, halamadyk zadyny ýigren. Şonda size her zadyň haýyrlysy miýesser bolar». Şu mysaldan hem görnüşi ýaly, gyz çaganyň terbiýesinde enelerimi

28 Aprel 2021

Jemgyýet

Jemgyýetçilik guramalarynda

Özgertmeler ýoly bilen Türkmenistanyň Agrar we Demokratik partiýalarynyň welaýat komitetleriniň bilelikde guramaklarynda Türkmenabat şäher häkimliginde Türkmenistanyň Milli Geňeşiniň Halk Maslahatynyň we Mejlisiniň birinji bilelikdäki mejlisinde kesgitlenilen wezipeleri ýerine ýetirmek bilen bagly meselelere bagyşlanyp maslahat geçirildi. Oňa Milli Geňeşiň Mejlisiniň deputatlary, partiýalaryň etrap-şäher komitetleriniň işjeň agzalary we Türkmenabadyň Agrosenagat orta hünär okuw mekdebiniň mugallymlary we talyplary gatnaşdylar.

28 Aprel 2021

Jemgyýet

Maksat: durmuş goraglylygyny gazanmak

Özüniň Garaşsyzlyk syýasatyny alyp barýan we Bitaraplyk ýörelgelerine berk eýerýän Türkmenistan halkara guramalary bilen guralýan hyzmatdaşlyga aýratyn ähmiýet berýär. Olar bilen bilelikdäki maksatnamalaryň birnäçesiniň durmuşa geçirilmegine işjeň gatnaşýar. Türkmenistanyň hökümetiniň, Birleşen Milletler Guramasynyň, onuň Durmuş ösüşleriniň bilelikdäki gaznasynyň «Ýerli derejede hemmetaraplaýyn ýokary hilli durmuş hyzmatlaryny girizmek arkaly durmuş goraglylygy ulgamyny kämilleşdirmek» atly bilelikdäki maksatnamasy hem şolaryň biridir. Ýakynda welaýat merkezinde bu maksatnamanyň wekilleriniň gatnaşmaklarynda çuňlaşdyrylan okuw geçirildi. Oňa welaýatymyzyň hünärmenleri gatnaşdylar. Bu barada maksatnamanyň Türkmenabat şäherindäki durmuş işi boýunça hünärmeni Şirin Öwezowa şeýle gürrüň berdi: — Şeýle abraýly halkara guramasy bilen bilelikde kabul edilen maksatnama, onda görkezilenleri durmuşa geçirmek üçin alnyp barylýan anyk işler biziň ýurdumyzda Türkmenistanyň Konstitusiýasynda görkezilen adam hukuklarynyň üpjün edilmegi ugrunda alada edilýändigini görkezýär. Hormatly Prezidentimiziň Karary bilen howandarlyga mätäç çagalara hemaýat bermek boýunça haýyr-sahawat gaznasynyň döredilmegi hem biziň ýurdumyzda adam hakyndaky aladanyň ünsden düşürilmeýändiginiň anyk mysalydyr.

28 Aprel 2021

Jemgyýet