Türkmenmetbugat

"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Özgertmeler ilata düşündirilýär

Ýakynda Babadaýhan etrap merkezindäki Medeniýet öýünde welaýat we etrap häkimlikleriniň, Türkmenistanyň Milli Geňeşiniň Halk Maslahatynyň hem-de Mejlisiniň bilelikde guramagynda wagyz-nesihat häsiýetli maslahat geçirildi. Hormatly Prezidentimiziň Türkmenistanyň Milli Geňeşiniň iki palatasynyň bilelikdäki birinji mejlisinde eden taryhy çykyşyndan gelip çykýan wezipeleri, ýurdumyzda amala aşyrylýan demokratik özgertmeleriň ähmiýetini, berkarar Watanymyzyň kanunçylyk-hukuk binýadyny pugtalandyrmakda yzygiderli alnyp barylýan işleri, Diýarymyzy gurşap alan özgertmeleri ilat arasynda wagyz-nesihat etmek maksady bilen geçirilen maslahata etrabyň edara-kärhanalarynyň işgärleri, oba geňeşlikleriniň arçynlary, etrap halk maslahatynyň agzalary, jemgyýetçilik guramalarynyň wekilleri, dili senaly ýaşulular hem-de mährem eneler gatnaşdy. Maslahaty Türkmenistanyň Milli Geňeşiniň Mejlisiniň deputaty Baýramsoltan Myradowa açyp, Berkarar döwletimiziň bagtyýarlyk döwründe ýurdumyzy ählitaraplaýyn ösdürmäge gönükdirilen durmuş-ykdysady özgertmeleriň üstünlikli durmuşa geçirilişi, halk hojalygynyň dürli ugurlarynda ýetilýän sepgitler, gazanylýan üstünlikler dogrusynda gürrüň berdi hem-de hormatly Prezidentimiziň halkymyzy mynasyp durmuşda ýaşatmak, berkarar Watanymyzyň ykdysady kuwwatyny pugtalandyrmak babatdaky taýsyz tagallalaryna alkyşly sözlerini aýtdy.

16 Maý 2021

Aşgabat — arzuwlaryň mekany

Şeýle at bilen Ahal welaýat kitaphanasynda duşuşyk geçirildi. Türkmenistanyň Kärdeşler arkalaşyklarynyň Ahal welaýat we Ak bugdaý etrap birleşmeleriniň hem-de welaýat kitaphanasynyň bilelikde guramagynda bolan duşuşyk merjen şäherimiz Aşgabadyň esaslandyrylmagynyň 140 ýyllygyna bagyşlandy. Jemgyýetçilik guramalarynyň wekilleriniň, kitaphana işgärleriniň gatnaşmagynda geçirilen duşuşygy Ylym we bilim işgärleriniň kärdeşler arkalaşygynyň Ak bugdaý etrap Geňeşiniň hünärmeni, Türkmenistanyň Milli Geňeşiniň Mejlisiniň deputaty Baýramsoltan Myradowa açyp, «Türkmenistan — parahatçylygyň we ynanyşmagyň Watany» ýylynyň häzirki taryhy günlerinde baş şäherimiziň — Aşgabadyň esaslandyrylmagynyň 140 ýyllygy mynasybetli ýurdumyzda ýaýbaňlandyrylan baýramçylyk dabaralarynyň ähmiýeti dogrusynda buýsanç bilen gürrüň etdi. Onuň belleýşi ýaly, ulus-ilimiziň merjen şäherimize bolan söýgüsi we buýsanjy çäksizdir. Munuň şeýledigine paýtagtymyzyň şanly toýy mynasybetli geçirilýän dürli mazmunly duşuşyklara, maslahatlara, bäsleşiklere we dabaralara işjeň gatnaşmagy hem şaýatlyk edýär. Arkadagyň ak şäheriniň barha özgerýän keşbi her birimiziň kalbymyzy joşa getirýär, ýüreklerimize ylham berýär. Aşgabady sebitiň merjenine öwren hormatly Prezidentimize alkyş aýdýarys.

16 Maý 2021

Hünär ussatlygyny görkezdiler

Şeýle at bilen welaýat häkimliginiň Gökdepe etrabynda ýerleşýän 5-nji başlangyç hünär okuw mekdebinde bäsleşik geçirildi. Türkmenistanyň Konstitusiýasynyň we Türkmenistanyň Döwlet baýdagynyň gününiň, merjen şäherimiz Aşgabadyň esaslandyrylmagynyň 140 ýyllygynyň şanly toýunyň öňüsyrasynda geçirilen bu hünär bäsleşigine mekdebiň talyp gyzlary gatnaşdy. Eziz Diýarymyzda giňden bellenilýän şanly seneler mynasybetli mekdebimizde baý many-mazmunly çäreleri, şol sanda döredijilik duşuşyklarydyr bäsleşikleri, maslahatlary, sport ýaryşlaryny, saz-söhbetli dabaralary geçirmek asylly däbe öwrüldi. Ruhubelent talyp ýaşlar mekdebimizde berilýän bilimiň esaslaryny, öwredilýän hünärleri netijeli ele almak bilen birlikde, guralýan çärelere höwesli gatnaşýarlar. Nobatdaky hünär bäsleşigi bolsa, «Türkmenistan — parahatçylygyň we ynanyşmagyň Watany» ýylynyň çärelerine baý many goşan we talyplaryň işjeň gatnaşan bäsleşikleriniň biri boldy.

16 Maý 2021

Sanly ulgamyň mümkinçiligi

Türkmen halky bilime, ylma, okamaga, öwrenmäge uly sarpa goýýar. Pederlerimiz ýaş nesliň sowatly, giň dünýägaraýyşly bolmagy üçin aýratyn aladalanypdyrlar. Häzirki bilimiň, ylmyň, tehnologiýalaryň ösýän döwründe okamak, öwrenmek, dünýäniň ösüşi bilen aýakdaş gadam basmak esasy talaplaryň birine öwrüldi. Hormatly Prezidentimiz Gurbanguly Berdimuhamedow mähriban halkymyzy, eziz Diýarymyzy ösüşiň täze belentliklerine ýetirip, jemgyýetiň gülläp ösmeginde bilimiň we ylmyň ornuny ilkinji hatarda goýdy. Milli bilim-ylym ulgamynyň depginli ösüşi ýurdumyzda neşir edilýän gazet-žurnallaryň işinde hem dünýä derejesindäki täzeçillikleri döretdi. Häzirki wagtda täze «Türkmenmetbugat» programmasy arkaly ýurdumyzda neşir edilýän gazetlere elektron görnüşinde abuna ýazylyp, gündelik gazetleri onlaýn arkaly okap bolýar. Onlaýn gazetler bize haçan, nirede bolsak hem gerekli maglumatlardan peýdalanmaga oňaýly şertleri döredýär. Milli Liderimiziň başlangyjy boýunça işlenip taýýarlanylan «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda hem-de gazet-žurnallary elektron görnüşine geçirmek baradaky beren tabşyryklaryndan ugur alnyp ýola goýlan «Türkmenmetbugat» programmasy okyjylaryň gyzyklanmasyna eýe boldy.

16 Maý 2021

Maşgala mukaddesligine sarpa

Türkmenistanyň Zenanlar birleşiginiň Esenguly etrap bölüminiň etrabyň jemgyýetçilik guramalary bilen bilelikde etrap medeniýet merkeziniň tomaşaçylar zalynda medeniýet, bilim, saglygy goraýyş ulgamlarynda zähmet çekýän aýal-gyzlaryň, şeýle hem kümüş saçly mährem eneleriň gatnaşmaklarynda guran dabaraly maslahaty baý many-mazmuna eýe boldy. Onda çykyş edenler Gahryman Arkadagymyzyň halkymyzyň gadymdan bäri öz many-mazmunyny ýitirmän gelýän däp-dessurlaryna, edim-gylymlaryna, maşgala mukaddesligine uly hormat goýup, şeýle asylly ýörelgeleri ösüp gelýän ýaş nesillerimiziň ynamly dowam etdirmegi üçin bimöçber tagallalary edýändigi, ýaş nesle döwrebap bilim we terbiýe bermekde, maşgala ojagyna dahylly gymmatlyklaryň ähmiýetiniň uludygy barada täsirli gürrüň etdiler. Hormatly Prezidentimiziň parasatly baştutanlygynda gazanylýan belent ösüşlere aýal-gyzlaryň goşýan mynasyp goşandy hakyndaky söhbetlere maslahatda aýratyn orun berildi. Halkymyzyň sagdyn durmuş ýörelgelerine eýermegi, bedenterbiýe we sport bilen yzygiderli meşgullanmagy, eşretli, bagtyýar durmuşda ýaşamagy üçin ähli şertleri döredýän Arkadag Prezidentimize çyn ýürekden çykýan alkyşlar aýdyldy.

15 Maý 2021

Ynsanperwer maksatlaryň dowamlylygy parahatçylygy döredijiligiň binýadydyr

Türkmenistanda Soltan Sanjara bagyşlanan halkara maslahat geçirildi AŞGABAT, 14-nji maý (TDH). Şu gün Türkmen döwlet medeniýet institutynda “Soltan Sanjaryň taryhy keşbi we türkmen halkynyň parahatçylyk, hoşniýetli dostluk taglymaty” atly utgaşdyrylan görnüşde halkara maslahat geçirildi.

15 Maý 2021

Halkara maslahata gatnaşyjylara söz berýäris

Sergeý LAPTEW,Ýaponiýanyň Miho muzeýiniň esasy ylmy işgäri: — Türkmen Lideri «Türkmeniň döwletlilik ýörelgesi» atly kitabynda we beýleki eserlerinde seljuklaryň medeniýeti, agzybirligi hakynda örän gyzykly tymsallary, ylmy maglumatlary getirýär. Olaryň dürli dillere terjime edilmegi bilen, türkmen halkynyň, Beýik Seljuk döwletiniň taryhy dünýäde wagyz edilýär.

15 Maý 2021

Döwletlilik Nyşanlary

milli buýsanjymyz hem mertebämizdir Toýlary toýa ulaşýan bagtyýar ilimizde, döwletli Diýarymyzda ýene-de goşa baýramçylyk — Türkmenistanyň Konstitusiýasynyň we Türkmenistanyň Döwlet baýdagynyň güni Aşgabat şäheriniň şanly 140 ýyllygy bilen utgaşyp gelýär.

15 Maý 2021

Merjen şäheriň waspnamasy

Düýn Türkmenistanyň maliýe we ykdysadyýet hem-de ulag we aragatnaşyk toplumlarynda hormatly Prezidentimiziň ýakynda halkymyza peşgeş beren «Ak şäherim Aşgabat» atly täze kitabynyň tanyşdyrylyş dabaralary geçirildi. Dabaralara bu ulgamlaryň edara-kärhanalarynyň ýolbaşçylarydyr hünärmenleri, ugurdaş ýokary okuw mekdepleriniň professor-mugallymlarydyr talyplary, şeýle-de köpçülikleýin habar beriş serişdeleriniň wekilleri gatnaşdylar. Dabaralarda çykyş edenler diňe bir syýasy taýdan däl, eýsem, ähli ugurlar, şol sanda maliýe-ykdysadyýet we ulag-aragatnaşyk ulgamlary babatda hem ýurduň dolandyryş merkezi bolan merjen paýtagtymyz hakyndaky bu ajaýyp kitabyň many-mazmuny, gadyr-gymmaty barada giňişleýin gürrüň etdiler. Olaryň belleýşi ýaly, Aşgabadyň 140 ýyllygyna ajaýyp sowgat bolan bu kitap milli Liderimiziň jöwher paýhasyndan dörän eserleriň üstüni ýetirdi. Giň okyjylar köpçüligi üçin niýetlenen kitapda Aşgabadyň taryhy, häzirki ösüşli menzilleri baradaky maglumatlar giňişleýin beýan edilýär. Kitapda berilýän maglumatlar bilen ugurdaşlykda, şäheriň dürli döwürlerdäki keşbini açyp görkezýän, dürli künjeklerinden düşürilen fotosuratlaryň hem bolmagy onuň täsirliligini has-da artdyrýar. Islendik adam kitaby okap, «Aziýanyň merjen şäheri» adyny alan Aşgabadyň giň hem owadan köçeleri, ak mermere beslenen kaşaň binalary, tebigy gözellikleri, bagy-bossanlyga bürenen seýilgähleri b

15 Maý 2021

Türkmenistanyň Konstitusiýasynyň we Türkmenistanyň Döwlet baýdagynyň gününe

BERKARARLYGYŇ MIZEMEZ SÜTÜNI «Türkmenistan — parahatçylygyň we ynanyşmagyň Watany» ýylynyň şanly hem taryhy wakalarynyň üstüni ýetirýän ýene-de bir ajaýyp sene — döwlet Garaşsyzlygyny, agzybir halkymyzyň bitewüligini, beýik ynsanperwerlik gymmatlyklaryna, parahatçylyk hem-de döredijilik ýörelgelerine üýtgewsiz ygrarlylygyny alamatlandyrýan milli buýsanjymyz bolan Türkmenistanyň Konstitusiýasynyň we Türkmenistanyň Döwlet baýdagynyň güni zähmetkeş halkymyzyň guwanç-buýsanjyny artdyrýar. Bu goşa baýramçylygyň gözel paýtagtymyz Aşgabadyň 140, mukaddes Garaşsyzlygymyzyň 30 ýyllyk şanly seneleriniň dabaralaryna utgaşmagy onuň many-mazmun bilen baýlaşmagyny üpjün edýär.

14 Maý 2021

Senagat kärhanalarynda

ÝOKARY HIL — NETIJELI IŞ Berkarar döwletiň bagtyýarlyk döwründe milli ykdysadyýetimiziň beýleki pudaklary bilen bir hatarda, dokma senagaty hem güýçli depginde ösýär. Dünýäniň ykdysady giňişligine işjeň goşulyşýan ýurdumyzyň bu pudagynyň ähli ugurlarynyň innowasiýa esasynda yzygiderli ösdürilmegi, diňe içerki bazary ýokary hilli önümler bilen üpjün etmän, dünýä bazarynda uly islegden peýdalanýan, halkara ölçeglerine doly laýyk gelýän dokma önümlerini ibermegiň möçberleriniň artmagyna itergi berdi. Belent maksada gönükdirilen döwlet syýasaty netijesinde, dokma pudagynda ýokary netijeli önümçilik kuwwaty döredildi. Has kämil tehnologiýalar bilen enjamlaşdyrylan onlarça dokma kärhanalary gurlup, ulanylmaga berildi. Şular bilen bir hatarda, pudakda öndürilýän önümleriň hiliniň ýokarlanmagyna we olaryň ekologiýa howpsuzlygynyň talaplaryna laýyk gelmegine hem uly üns berilýär. Hususan-da, dokma senagaty üçin zerur bolan çig malyň, ýagny pagtanyň, ýüpegiň öz ýurdumyzda öndürilmegi pudagyň okgunly ösüşini üpjün edýär.

14 Maý 2021

Öri meýdanlaryny ýangyndan goralyň!

Tomsuň yssy howasy öri meýdanlarynda, esasanam, Garagum sährasynda otlaryň çalt guramagyna getirýär. Otlaryň guramagy ýangyn howpuna şert döredýär. Çölde, öri meýdan bolup hyzmat edýän çöl eteklerinde, düzlüklerde dörän ýangynlar haşal otlar bilen birlikde, şol töwerekde bar bolan medeni ekinlere hem zyýan berip biler. Ýangyn dörän halatynda, mallaryň, çöl haýwanlarynyň köpçülikleýin heläk bolmagyna getirip bilýär. Şeýle ýangyn hadysalary köp halatlarda adamlaryň özleriniň seresapsyzlygy bilen ýa-da ýangyndan goraýyş çärelerine biperwaý garamagy sebäpli ýüze çykyp bilýär. Öri meýdanlarynda, düzlüklerde ýangyn hadysalarynyň ýüze çykmazlygy üçin ýangyn howpsuzlyk çärelerini berjaý etmek hökmandyr. Eger-de ot ýakmakçy bolsaňyz, 15 metr radiusda arassalanan meýdança saýlanyp alynmalydyr. Ody 0,5 metr çuňlukda gazylan çukuryň içinde ýakmaly. Ot ýakylyp bolandan soň, galan çoglaryny suw ýa-da toprak, çäge sepip söndürmelidir. Çilim çekilip, söndürilmän taşlanan galyndysynyň ýangyn hadysasynyň döremegine sebäp bolýandygyny çölde, öri meýdanlarynda, düzlüklerde gury gyrymsy otlaryň bar ýerlerinde gezýän, geçýän adamlaryň bilmegi zerurdyr. Mundan başga-da, sürüjiler awtoulaglaryny haşal, gyrymsy, gury otlaryň üstünden sürenlerinde, çendenaşa gyzan tüsseçykarlaryň guran ot-çöplere degip, ýangyn howpunyň döremegine sebäp bolmagy mümkindir. Sürüjiler awtoulaglaryň, traktorlaryň tüsse çykar

14 Maý 2021

Çeper elli halyçylaryň üstünligi

Ýurdumyzda her ýylyň maý aýynyň soňky ýekşenbesinde Türkmen halysynyň baýramy uludan bellenilip geçilýär. Mukaddes Garaşsyzlygymyzyň şanly 30 ýyllygynyň, şeýle-de gözel paýtagtymyz Aşgabat şäheriniň esaslandyrylmagynyň 140 ýyllygynyň uludan bellenilýän ýyly bolan «Türkmenistan — parahatçylygyň we ynanyşmagyň Watany» ýylynda hem haly baýramyny bellemäge şu günlerden ýokary derejede taýýarlyk görülýär. «Türkmenhaly» döwlet birleşiginiň, şeýle-de jemgyýetçilik guramalarynyň guramagynda halyçy gelin-gyzlarymyzyň arasynda birnäçe döredijilik hem-de hünär bäsleşikleri geçirilýär. Şeýle bäsleşikleriň biri hem «Arkadag paýhasyndan ady dünýä dolan türkmen halysy» atly bäsleşikdir. Türkmen halysynyň baýramy mynasybetli geçirilýän bu bäsleşik Türkmenistanyň Zenanlar birleşiginiň Merkezi geňeşiniň, Kärdeşler Arkalaşyklarynyň Milli merkeziniň, şeýle-de «Türkmenhaly» döwlet birleşiginiň bilelikde guramagynda ýylyň-ýylyna geçirilýär. Golaýda paýtagtymyzdaky Türkmen halysynyň milli muzeýinde bu bäsleşigiň döwlet tapgyry geçirildi. Oňa welaýatdyr şäher tapgyrlarynda birinji orny eýelän halyçy gelin-gyzlaryň 12-si gatnaşyp, öz ussatlyklaryny görkezdiler.

14 Maý 2021

Röwşen geljegiň eýeleri

Ýurdumyzyň bagtyýar nesliniň dünýä ülňülerine laýyk bilim almagyny, ylym öwrenmegini, asyrlaryň dowamynda ata-babalarymyzyň kämillik mekdebini geçen milli ruhumyza, nusgalyk durmuş ýörelgelerimize laýyk edepli-terbiýeli, watansöýüji, ruhy we beden taýdan sagdyn adamlar bolup ýetişmeklerini gazanmak meselesi hemişe hormatly Prezidentimiziň üns merkezinde durýar. Şeýle aladalaryň netijesinde Berkarar döwletiň bagtyýarlyk döwründe «Ýaşlar barada döwlet syýasaty hakynda» Türkmenistanyň Kanuny ýaşlaryň hukuklaryny we azatlyklaryny üpjün etmekde, döwletimiziň we jemgyýetimiziň ykdysady, syýasy hem-de medeni durmuşyna ýaşlaryň doly hukukly gatnaşmaklary üçin has oňaýly şertleri döretmekde möhüm ähmiýete eýedir. Gahryman Arkadagymyzyň öňdengörüjiligi bilen taýýarlanylan, uzak geljege gönükdirilen Döwlet maksatnamalarynyň üstünlikli durmuşa geçirilmeginde ýaşlarymyzyň hem goşandy uludyr. Mekdep okuwçylarynyň geljekde ykdysadyýetimiziň dürli ulgamlarynda zähmet çekmeklerini gazanmak ugrunda etrabymyzyň bilim işgärleri-de gujur-gaýratlaryny, tejribelerini gaýgyrmazdan zähmet çekýärler. Olar okuwçylaryň okuwdan daşary geçirilýän goşmaça sapaklara, gurnaklara gatnaşmaga bolan höwesini artdyrmaga gönükdirilen işleri hem alyp barýarlar. Bulardan başga-da, sport ýaryşlaryny, ders, taslama we hünär bäsleşiklerini, döredijilik duşuşyklaryny ýygy-ýygydan geçirýärler. Bäsleşiklerde ökde türgenler

14 Maý 2021

Erki synmaz, binýady mizemez

Çillemesi aýazly günleri başdan geçirip, gyş ukusyndan oýanyp, tebigatyň tämiz howasyny buşlaýan, toý-baýrama beslenen ýakymly günler gelip ýetdi. Sallanyp dogan nurly Günüň tyllaýy tyglary türkmen topragyna bolluk eçilip, adamlaryň nurana kalbyna aramlyk çaýdy. Toý-baýrama beslenýän, mukaddes ýaşyl Tugumyzyň mertebeli baýramy hem ýetip gelýär. Berkarar döwletimiziň berkararlygynyň nyşany, türkmeniň başynyň täji bolan Baýdagymyza gözümiz düşende, göwünlerimiz galkynyp, özümiziň türkmendigimize bolan buýsanjymyz goşalanýar. Biz Baýdagyň reňkine, görküne maýyl. Al-asmanda pasyrdaýan ýaşyl Baýdagymyzyň meňzinde halkymyzyň ýüreginiň mähir-muhabbeti, sahawatly türkmen topragynyň kerem-keramaty bar. Oguz han atamyzyň şu toprak üçin, ar-namys üçin döş geren gerçek ogullarynyň watanperwerligi bar. Ýaşyl Baýdagymyzda güýzde ekilip, gyşda penje ýazyp, ýazda saralyp bişýän, ýyla ýetmänem saçagymyza gaýdyp gelýän mele-myssyk çöregiň mukaddesligi bar.

14 Maý 2021

Berkarar döwletiň goşa ganaty

Welaýat häkimliginde Türkmenistanyň Konstitusiýasynyň we Türkmenistanyň Döwlet Baýdagynyň gününe bagyşlanan «Parahatlyk nyşany sen, Baýdagym, adalat Kanunym — köňül aýdymym» atly dabaraly maslahat geçirildi.  Welaýat häkimligi bilen bilelikde guran çärämize Türkmenabat şäherinde ýerleşýän edaralaryň, kärhanalaryň, hukuk goraýjy edaralaryň, bilim, saglygy goraýyş ulgamlarynyň we jemgyýetçilik guramalarynyň wekilleri gatnaşdylar.

14 Maý 2021

Kitap okaýan dünýäni görer

Bilşimiz ýaly, kitap dünýäniň ähli halklarynda mukaddes saýylýar. Olara akyl-paýhasyň şekile giren görnüşi hökmünde garalýar. Kitaphanalar bolsa ynsanyň ruhy taýdan kämilleşmeginde esasy merkez hökmünde mukaddes ýerler bilen deň derejede görülýär. Hormatly Prezidentimiz türkmen halkynyň milli gymmatlyklaryna, asyrlaryň synagyndan geçip kämilleşen medeniýetine aýratyn hormat goýýar. Olara aýawly çemeleşmek, giňişleýin öwrenmek we geljekki nesillere ähli özboluşly öwüşginleri bilen ýetirmek üçin yzygiderli alada edýär. Şonuň üçin hem Gahryman Arkadagymyzyň parasatly baştutanlygynda ýurdumyzda kitaphana işini kämilleşdirmek we neşir edilýän kitaplaryň sanyny artdyrmak, olaryň mazmunyny baýlaşdyrmak hem-de gerimini giňeltmek boýunça ajaýyp mümkinçilikler döredilýär. Çünki ýaşlarda ata Watana, halkymyza, milli mirasymyza bolan söýgini, buýsanjy terbiýelemekde kitaplaryň ähmiýeti örän uludyr. Galyberse-de, kitaba söýgi, söz sungatyna egsilmez hormat ata-babalarymyzyň asylly ýol-ýörelgeleriniň biridir. Bu ýörelgeler bolsa Berkarar döwletimiziň bagtyýarlyk döwründe täzeçe röwüşde dowam etdirilýär.

14 Maý 2021

Okgunly ösüşleriň özeni

Berkarar döwletimiz Merkezi Aziýa sebitinde depginli ösýän ýurt hökmünde giňden tanalýar. Häzirki wagtda Türkmenistan parahatçylygyň, howpsuzlygyň, abadançylygyň hatyrasyna uzak möhletli strategik hyzmatdaşlyk üçin ygtybarly esas bolan halkara konwensiýalarynyň ýüzlerçesine goşuldy. Halkymyzyň milli tebigatyndan gelip çykýan parahatçylyksöýüjilikli syýasatyny ýöredýän Türkmenistan dünýäniň ähli döwletleri üçin açykdyr. Ýurdumyzyň kanunçylyk ulgamynyň yzygiderli kämilleşdirilmegi Türkmenistandaky amala aşyrylýan özgerişlikleriň berk hukuk esaslaryny ýola goýýar. Munuň özi döwletimiziň we jemgyýetimiziň ösüşleriniň hem güwäsidir. Milli Parlamentimiziň iki palataly ulgama geçmegi döwletimizi we jemgyýetimizi ösdürmekde, demokratiýany çuňlaşdyrmakda, halkymyzyň ýaşaýşyny mundan beýläk hem gowulandyrmakda, Kanunlaryň we milli maksatnamalaryň ýerine ýetirilişine gözegçiligi güýçlendirmekde örän ähmiýetlidir. Hormatly Prezidentimiziň belleýşi ýaly, geçen ýyllarda Garaşsyz ýurdumyzyň Milli Parlamentiniň ornuny ýokarlandyrmak we ygtyýarlyklaryny giňeltmek, durmuşymyzyň ähli taraplaryny mundan beýläk-de demokratiýalaşdyrmak boýunça uly işler edildi. Biz häzirki wagtda demokratiýanyň jemgyýetimize mäkäm ornaşandygyny ähli ulgamlarda synlap bilýäris. Mähriban Arkadagymyzyň ilhalar başlangyjy bilen Türkmenistanyň Milli Geňeşi döredildi, onuň kanun çykaryjy palatasy Mejlis, wekilçilikli Pala

14 Maý 2021

Seýran etsem köçeleriňe, Aşgabat!

Aşgabat, Aşgabat, janym Aşgabat! Seniň mähremligiňi, gözelligiňi wasp etmäge sözüm ýetenok, sebäbi ýyl-ýyldan özgerýän keşbiňi owadan sözler bilen beýan etmäge zehinim kemterlik edip, ejiz gelýän ýaly bolup dur. Dagy näme, ýurduň, halkyň ýüregi, ýüzüniň tuwagy, abraý-mertebesi, sütüni bolup duran şäheriň düýnüni, şu gününi aňyňda deňeşdirip, ony şirin sözler bilen taryplap, göwnejaý eser döredäýmek aňsadam däl bolsa gerek. Ýöne saba- säherler mukaddeslik saýyp, asuda şäheri ýüzüňe sylanyňda, gursagyňy gaplan üýtgeşik bir duýgy: «Ruhdan düşme, taryplaber» diýip, gulagyňa çawuş çakýar. Döwrebap, giň gujakly şaýollaryň birinden ýöräp barýaryn. Onuň iki tarapyna, ortarasyna her dürli güllerdir bezeg agaçlary gelşik berýär. Şaýoluň çatrygynda özüniň dürli reňkdäki yşyklary bilen aýdyň gijeleri gündizlerden hem ýagtylandyryp, töwerek-daşa özboluşly sazlaşyk berýän türkmeniň milli saz gurallary bolan dutardyr gyjagyň ruhuňy galkyndyrýan ajaýyp keşbiniň janlandyrylan heýkeli, ýerasty we ýerüsti geçelgeler ýüregiňde üýtgeşik duýgy oýarýar. Ýoluň ugrundaky belent ýaşaýyş jaýlary, durmuş we medeni maksatly binalar, söwda we dynç alyş merkezi, ýokary okuw mekdebiniň şarňyldap duran binasy, näzik beden gyzlaryň tanslaryna meňzeş suw çüwdürimli seýilgäh, ol ýerdäki meýdançada oýnap ýören çagalaryň şadyýan gülküsi kalbyňy heýjana salýar. Dünýä halklarynyň Aşgabady ýöne ýere «Yşk we sap

14 Maý 2021

Ähli çaga ökde bolup biler! (Kämillige tarap)

ZEHINLIMI ÝA ZEHINSIZ? Käte çagalar babatynda söz açylanda «zehinli» ýa-da «zehinsiz» diýen düşünjelere gabat gelýäris. Zehinli çagalary köplenç mekdepde gowy okaýan, öwredilýän maglumatlary özleşdirmegi başarýan, soralýan sowallaryň aglabasyny dogry jogaplap, gündeligini 5-likden doldurýan çaga hökmünde göz öňüne getirýäris. Eger-de mekdepde ýetişigi pes, öý işlerini etmeýän, tagta çykarylanda soraglara dogry jogap berip bilmeýän, öwredilýän maglumatlary gowy özleşdirmeýän, hat ýazanda owadan ýazmaýan bolsa, köpleriň aňynda beýle çaga «zehinsiz» diýlip kabul edilýär. Emma munuň aňyrsynda çaganyň zehini däl-de, onuň daş-töwereginde bolup geçýän hadysalara üns berip bilijilik ukyby ýatyr. Zehin — munuň özi akyl ýetirmek bilen baglanyşykly düşünjedir. Çagalaryň akyl ýetiriş başarnygy bolsa örän çalt ösýär. Olar eýýäm kiçi ýaşdan başlap hemme zada akyl ýetirip başlaýarlar. Şonuň üçin hem eger-de bir çaga köwşüni dogry geýýän bolsa, köýneginiň iliklerini dogry ildirýän bolsa, dürs gürläp, pikirini dogry beýan edip, özüne zerur bolan maglumatlary ýatda saklap bilýän bolsa beýle çagalaryň ählisi zehinlidir.

14 Maý 2021

‹
1
2
...
1220
1221
1222
1223
1224
1225
1226
...
1297
1298
›