"Edebiýat we sungat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-17, 38-62-33, 38-62-01
Email: edebiyatwesungat@sanly.tm

Gazeti PDF görnüşinde ýükläp almak

Habarlar

Ykbalyň bagt ýyldyzy hemmelere miýesser etsin

Hamal (guzy 21.03-20.04) Geljek hepde hamallaryň işjeňligi artar. Olar daş-töweregindäki ýagdaýlary üýtgetmek islär. Ýakyn dostlaryňyzyň arasynda garşy çykanlary-da, size ýardam bermek isleýänleri-de tapylar. Geljek hepdede hamallar iş, hünär babatda ownuk aladalara üns bermejek bolmaly. Öz öňüňizde möhüm bir maksat goýuň we töweregiňize garanjaklaman, şoňa tarap gidiň.

9 Aprel 2021

Jemgyýet

Aşgabat — Daşkent: doganlaşan şäherler

Hormatly Arkadagymyzyň beýik başlangyçlarynyň netijesinde Aşgabat dünýäniň gün-günden gözelleşýän, dost-doganlygyň dabaralanýan şäheri hökmünde giňden tanalýar. Milli Liderimiziň tagallasy bilen gözel paýtagtymyz Aşgabat dünýäniň ençeme şäherleri bilen doganlaşdy. Aşgabadyň esaslandyrylmagynyň 140 ýyllygy mynasybetli gazetimizde ak şäherimiziň dünýäde doganlaşan şäherleri barada «Dostluga uzaýan ak ýollar» atly rubrikanyň astynda makalalar toplumyny okyjylarymyza ýetirmegi makul bildik. Şu sanymyzda Aşgabadyň Özbegistan Respublikasynyň paýtagty Daşkent şäheri bilen doganlygy, dostlukly gatnaşyklary, binagärlik taýdan ösüşleri barada gürrüň etmegi müwessa bildik. Bu iki şäheriň taryhy kökleri, häzirki binagärlik taýdan beýik ösüşleri, täze gurulýan täsin desgalary iki halkyň, döwletiň arasyndaky dostlukly gatnaşyklary has-da pugtalandyrýar. Türkmenistanyň iň ýakyn goňşularynyň biri Özbegistan Respublikasydyr. Bu ýurt bilen dostluk we doganlyk gatnaşyklary öz gözbaşyny asyrlaryň jümmüşinden alyp gaýdýar. Iki döwletiň we halklaryň taryhy ösüşinde, medeniýetlerinde we däp-dessurlarynda umumylyklar köpdür. Döwletleriň Aziýa yklymynyň merkezinde, geografik taýdan amatly ýerleşmegi diňe bir sebit üçin däl, eýsem, ählumumy möçberde hem möhüm ähmiýete eýedir.

9 Aprel 2021

Jemgyýet

De­mok­ra­tik öz­gert­me­le­r tä­ze de­re­je­de

Hor­mat­ly Pre­zi­den­ti­mi­ziň ýa­daw­syz ta­gal­la­la­ry­nyň ne­ti­je­sin­de gü­neş­li Di­ýa­ry­myz­da ka­nun­çy­ly­gyň dün­ýä ül­ňü­le­ri­ne la­ýyk de­re­je­de kä­mil­leş­di­ril­me­gi­ne giň müm­kin­çi­lik­ler dö­re­dil­ýär. Esa­sy Ka­nu­ny­myz bo­lan «Türk­me­nis­ta­nyň Kons­ti­tu­si­ýa­sy­na üýt­get­me­ler we goş­ma­ça­lar gi­riz­mek ha­kyn­da» Türk­me­nis­ta­nyň Kons­ti­tu­sion Ka­nu­ny­nyň iş ýü­zün­de he­re­ket et­me­gi bi­len ada­myň we ra­ýa­tyň hu­kuk­la­ry­nyň, azat­lyk­la­ry­nyň hal­ka­ra hu­ku­gy­nyň umu­my yk­rar edi­len ka­da­la­ry­na la­ýyk­lyk­da go­ral­ma­gy üçin kä­mil ka­nu­ny esas­lar dö­re­dil­di. Türk­me­nis­tan­da köp par­ti­ýa­ly­ly­gyň yk­rar edil­me­gi bi­len ge­çen aýyň 28-in­de Türk­me­nis­ta­nyň Mil­li Ge­ňe­şi­niň Halk Mas­la­ha­ty­nyň ag­za­la­ry­nyň saý­law­la­ry giň bäs­deş­lik esa­syn­da ýo­ka­ry gu­ra­ma­çy­lyk de­re­je­sin­de ge­çi­ril­di. Bu bol­sa eziz Ar­ka­da­gy­my­zyň ada­lat­ly ýol­baş­çy­ly­gyn­da türk­men jem­gy­ýe­tin­de de­mok­ra­tik öz­gert­me­le­riň tä­ze de­re­je­le­re gö­te­ri­len­di­gi­ni ala­mat­lan­dyr­ýar. Hor­mat­ly Pre­zi­den­ti­mi­ziň bu mö­hüm äh­mi­ýet­li sy­ýa­sy çä­re­de saý­law­çy­la­ryň bi­ra­gyz­dan gol­da­ma­gy bi­len Türk­me­nis­ta­nyň Mil­li Ge­ňe­şi­niň Halk Mas­la­ha­ty­nyň ag­za­ly­gy­na saý­la­nyl­ma­gy ulus-ili­miz­de çäk­siz buý­sanç we şat­lyk duý­gu­sy­ny dö­ret­di. Eş­ret­li za­ma­na­myz­da ba­ky bag­

9 Aprel 2021

Jemgyýet

Waspyň dillerde sena

Türkmeniň geçmiş taryhyny atsyz göz öňüne getirmek mümkin däl. Müňýyllyklaryň dowamynda türkmen seýisleri, türkmen atlarynyň tohumyny kämilleşdirip, gözelligi we ajaýyplygy boýunça deňi-taýy bolmadyk atlary ýetişdiripdirler. Döwletimiz Garaşsyzlygyny alandan soň, ýörite tohum atlary bakyp bejerip, olardan has kämil, owadan, ýyndam tohum atlary ýetişdirilýär hem-de olary dünýä aýan etmekde dürli çäreler geçirilýär. Atalaryň pähiminden dörän nakyllaryň aňyrsynda türkmeniň öz atyna bolan söýgüsini, mähremligini, buýsanjyny doly görmek bolýar: “Säher turup, ataňy gör, ataňdan soň — atyňy”, “Ataň barka, dost gazan, atyň barka ýol gazan”,“At ýigidiň uçar ganaty, wepaly dostudyr”.

9 Aprel 2021

Jemgyýet

Akhanyň nesil dowamaty

Türkmenistan — parahatçylygyň we ynanyşmagyň Watany ýyly şöhratly sahypalara täze öwüşgin, nur çaýýar. Hormatly Prezidentimiziň ýolbaşçylygynda ata Watanymyzda behişdi ahalteke atlaryna söýgi, sarpa goýulýar. Ahalteke atlaryny ösdürmek, tohumlygyny gowulandyrmak barada möhüm işler alnyp barylýar. Mälim bolşy ýaly, 2019-njy ýylda — Türkmenistan — rowaçlygyň Watany ýylynyň ilkinji günlerinde dünýä inen eýjejik, naşyja taýçanaga Gahryman Arkadagymyz şol ýyl bilen baglanyşdyryp, Rowaç diýip at goýupdy. 2021-nji ýylyň ýaz paslynyň ilkinji günlerinde — Milli bahar baýramynyň buşlukçysy bolup, Akhanyň nesil dowamaty bolan taýçanajyk dünýä indi. Milli Liderimiz Akhanyň nesli bolan bu taýa 140 ýaşy arka atýan gözel paýtagtymyzyň ady bilen baglanyşdyryp, Aşgabat diýip at goýdy. Halkymyzyň buýsanjy bolan Aşgabadyň hem geljekde Akhan ýaly çarpaýa galjakdygy guwandyrýar.

9 Aprel 2021

Jemgyýet

Guwançly senä taýýarlyk

Şan-şöhratly taryhy müňýyllyklaryň jümmüşinden gözbaş alýan gadymy türkmen halky mähriban Prezidentimiziň saýasynda eşretli eýýamyň hözirini görýär. Özüniň milli gymmatlyklaryny baýlaşdyryp, olaryň gadyryny bilýär we buýsanýar. Türkmen bedewidir türkmen alabaýy şeýle gymmatlyklarymyzyň hataryndan bolup, Garaşsyzlyk ýyllary behişdi bedewlerimizdir türkmen alabaýlarynyň şan-şöhraty dünýä ýaýylýar. Bilşimiz ýaly, bagtyýarlyk zamanamyzda her ýylyň aprel aýynyň soňky ýekşenbesiniň Türkmen bedewiniň milli baýramy hökmünde bellenilmegi asylly däbe öwrüldi. Bu şanly sene Türkmenistan — parahatçylygyň we ynanyşmagyň Watany ýylymyzda many-mazmun bilen baýlaşyp, buýsanjymyza buýsanç goşýar. Has anygyny aýtsak, şanly ýylymyzda Türkmen bedewiniň milli baýramy bilen bilelikde Türkmen alabaýynyň baýramy hem bellenilip geçiler. Şu baýramçylyk gününde türkmeniň uçar ganaty hasaplanýan bedewlerimiziň we türkmen halkynyň wepaly dosty, ygtybarly goragçysy türkmen alabaýynyň buýsançly waspy dünýä ýaň salar.

9 Aprel 2021

Jemgyýet

Bedewleriň buýsanjy

Gadym döwürlerden bäri dowamly ýyllary külterläp gelýän ýelden ýüwrük bedewler halkymyzyň göwün syrdaşy bolupdyr. Arkadag Prezidentimiziň ahalteke bedewlerine goýýan hormaty, söýgüsi çäksizdir. Milli Liderimiziň buýsanjy bilen bedew atlarymyzyň dünýä ýüzündäki at-abraýy barha rowaçlanýar. Behişdi bedewlerimiz özüniň owadanlygy, ýyndamlygy, duýgurlygy bilen ynsanlary haýrana goýýar. Kalplarda orun alan, ynsanyň syrdaşy bolan türkmen bedewlerimiziň şan-şöhratyna ýazyjy-şahyrlaryň eserlerinde, bagşy-sazandalaryň şirin owazlarynda göz ýetirmek bolýar. Häzirki wagtda türkmeniň tohum ahalteke atlaryny ýetişdirmekde derwaýys işler alnyp barylýar. Türkmen bedewlerini altyn şaý-sepler bilen bezäp, at çapyşyklary, at üstündäki oýunlar guralyp, toý-baýramlarymyzyň şatlyk-şowhuny belende göterilýär. Diýarymyzyň ähli ýerinde dünýä ülňülerine, häzirki döwrüň ösen talaplaryna laýyk gelýän kaşaň atçylyk sport toplumlarydyr athanalar gurlup, ulanylmaga berilýär.

9 Aprel 2021

Jemgyýet

Öndürijilikli zähmet

Täze taryhy eýýamyň ýyllarynda Arkadag Prezidentimiziň ykdysady syýasaty netijesinde ýurdumyzyň halk hojalygynyň ähli pudaklary çalt depginlerde ösdürilýär. Şeýle ösüşli depgin milli ykdysadyýetimiziň himiýa pudagynda has-da aýdyň duýulýar. Soňky ýyllarda gurlup, ulanmaga berlen täze tehnologiýaly kärhanalarda dökünleriň dürli görnüşleriniň öndürilişi düýpli ýokarlandy. Bu önümçilikde “Maryazot” önümçilik birleşigimiziň zähmetsöýer adamlarynyňam saldamly goşantlary guwandyrýar. Önümçilik birleşigimizde işleriň gowy ýola goýlup, ýokary netijeleriň gazanylmagynda kärdeşler arkalaşygy guramamyz tarapyndan zähmet adamsy hakyndaky tagallalarymyzam gowy netijesini berýär. Biz işçileriň iş we durmuş şertlerini gowulandyrmaga, günortan dynç alşyň gowy guralmagyna uly üns berýäris. Kärhanamyzda zähmeti goramak we tehniki howpsuzlygynyň düzgünleriniň berk berjaý edilmegi aýratyn ähmiýete eýedir. Sebäbi, himiýa senagatynyň çylşyrymly önümçiligi şeýle jogapkärçiligi öňe çykarýar. Şonuň üçinem biz soňky ýatlan meselämizi hemişe üns merkezinde saklaýarys. Bu babatda degerli çäreleri geçirýäris.

9 Aprel 2021

Jemgyýet

Sagdyn durmuşyň gözbaşy

Halkynyň rahatlygy, asudalygy, zähmet çekmegi üçin ähli şertleri döretmek babatynda hemişe aladalanýan milli Liderimiz sagdyn durmuş ýörelgesini hemmeleriň hemra tutunmalydygyny sargaýar. Ýurdumyzda sagdyn durmuş ýörelgesiniň wagyz-ündew edilmegi, köpçülikleýin yzygiderli bedenterbiýe we saglyk hereketleriniň geçirilmegi, sporta uly üns berilmegi, häzirki zaman dünýä ülňülerine gabat gelýän ähli enjamlar bilen enjamlaşdyrylan, ähli şertler döredilen hassahanalaryň, şypahanalaryň, dynç alyş, “Tiz kömek” merkezleriniň yzygiderli gurlup, ulanylmaga berilmegi halkymyzyň ruhubelent, bagtyýar, sagdyn ýaşamagy üçin bahasyna ýetip bolmajak gymmatlykdyr. Şundan ugur alnyp, häzirki wagtda sagdyn durmuş ýörelgesine eýerilmegini, arassaçylyk kadalarynyň gyşarnyksyz berjaý edilmegini gazanmak, ýokanç keselleriň öňüni almak bilen bagly wezipeler derwaýys bolup durýar. Şol wezipelerden ugur alnyp, ýakynda Ýolöten etrap medeniýet öýünde «Sagdyn durmuş — ýörelge, hemmelere görelde» atly wagyz-nesihat maslahaty geçirildi.

9 Aprel 2021

Jemgyýet

Zenan edebi — gözellik

Golaýda Türkmenistanyň döwlet Energetika institutynda welaýat zenanlar bölüminiň guramagynda «Zenan edebi — gözelligiň gözbaşy» ady bilen wagyz-nesihat duşuşygy geçirildi. Oňa welaýat zenanlar bölüminiň agzalary, institutyň zenan mugallymlary we talyp gyzlary gatnaşdylar. Duşuşygy institutyň energetika pudagynyň ykdysadyýeti kafedrasynyň mugallymy Aýsona Gurbandurdyýewa alyp bardy. Zenan edebine bagyşlanan wagyz-nesihat duşuşygynda, ilki bilen, welaýat häkiminiň orunbasary, welaýat zenanlar bölüminiň başlygy Aknabat Atabaýewa çykyş edip, hormatly Prezidentimiziň zenanlar üçin edýän aladalary, zenanlaryň ahlak terbiýesi, arassalygy, tebigy gözelligi, zähmetsöýerligi, wepadarlygy, maşgala mukaddesligi hakynda giňişleýin durup geçdi.

9 Aprel 2021

Jemgyýet

Ynsanperwer syýasatyň netijesi

Hormatly Prezidentimiziň parasatly ýolbaşçylygynda ýurdumyzda ykdysadyýetiň we jemgyýetçilik durmuşynyň ähli ugurlarynda üstünlikli amala aşyrylýan özgertmeleriň netijesinde Garaşsyz, hemişelik Bitarap Watanymyzyň halkara abraýy barha ýokarlanýar. Türkmenistan döwletimiziň Birleşen Milletler Guramasynyň belent münberinden öňe sürýän umumadamzat ähmiýetli başlangyçlarynyň dünýä bileleşiginiň ýurtlarynyň gyzgyn goldawyna mynasyp bolýandygy hem munuň şeýledigini äşgär görkezýär. BMG-niň Baş Assambleýasynyň 73-nji sessiýasynda milli Liderimiziň öňe süren teklibi esasynda “2021-nji ýyly Halkara parahatçylyk we ynanyşmak ýyly” diýip yglan etmek hakynda Kararnamanyň bu abraýly gurama agza döwletleriň ählisiniň biragyzdan goldamagynda kabul edilmegi ýurdumyzyň halkara derejesinde öňe sürýän netijeli başlangyçlarynyň ählumumy ykrarnama eýe bolýandygynyň ýene-de bir subutnamasy boldy.

9 Aprel 2021

Jemgyýet

Bag­ty­ýar­ly­gyň aý­dyň şug­la­sy

Ýur­du­myz­da ýaş­la­ryň ylym­ly, bi­lim­li, hem­me­ta­rap­la­ýyn kämil bo­lup ýe­tiş­mek­le­ri, ola­ryň äh­li hu­kuk­la­ry­nyň üp­jün edil­me­gi ug­run­da döw­let de­re­je­sin­de ala­da edil­ýär. Ýakyn­da Türk­me­nis­ta­nyň Mej­li­si­niň de­pu­tat­la­ry bi­len ge­çi­ren du­şu­şy­gyn­da Gah­ry­man Ar­ka­da­gy­myz ýur­du­my­zyň ýaş­lar ba­ra­da­ky döw­let sy­ýa­sa­ty ha­kyn­da aý­ra­tyn du­rup geç­mek bi­len, ýet­gin­jek­le­riň we ýaş­la­ryň hu­kuk­la­ry­nyň döw­let ta­ra­pyn­dan gol­da­nyl­ma­gy­nyň ka­nun­çy­lyk esa­sy­ny mun­dan beý­läk-de ber­kit­mek üçin bu ugur­da­ky ka­nun­çy­ly­gy kä­mil­leş­dir­me­giň ze­rur­dy­gy­ny nyg­ta­dy we de­pu­tat­la­ryň öňün­de bu me­se­le bi­len bag­la­ny­şyk­ly ýe­ne-de bir­nä­çe we­zi­pe­le­ri goý­dy. We­la­ýat ma­li­ýe-yk­dy­sa­dy or­ta hü­när okuw mek­de­bin­de «Ýaş­lar — Wa­ta­ny­my­zyň gel­je­gi, bag­ty­ýar­ly­gyň aý­dyň şug­la­sy» at­ly ge­çi­ren çä­rä­miz Gah­ry­man Ar­ka­da­gy­my­zyň baş­da dur­ma­gyn­da ýaş­lar ba­ra­da­ky döw­let sy­ýa­sa­ty­na, bu ba­bat­da ka­nun çy­ka­ry­jy­lyk eda­ra­nyň öňün­de go­ýan we­zi­pe­le­ri­ne ba­gyş­la­nyl­dy. Çä­re­de ýaşlaryň sag­dyn we hem­me­ta­rap­la­ýyn saz­la­şyk­ly ösü­şi­ni, hä­zir­ki­za­man bi­lim­le­ri­ ele al­ma­klary­ny, wa­tan­çy­lyk ru­hun­da ter­bi­ýe­len­mekleri­ni üp­jün et­mek ug­run­da al­nyp ba­ryl­ýan iş­ler ba­ra­da gi­ňiş­le­ýin gür­rüň edil­di. Çy­kyş­lar­da bi­lim ul­ga­my­n

9 Aprel 2021

Jemgyýet

Eşretli döwrümiz bar

Gökdepe etrap häkimliginiň mejlisler jaýynda «Halkym alkyşlaýar Arkadagyny» ady bilen wagyz-nesihat maslahaty geçirildi. Etrap häkimliginiň, Türkmenistanyň Demokratik partiýasynyň etrap komitetiniň hem-de etrabyň hukuk goraýjy edaralarynyň bilelikde guramagynda bolan maslahata bilim, saglygy goraýyş, medeniýet ulgamlarynyň işgärleri hem-de işjeň partiýa agzalary gatnaşdy. Maslahaty Türkmenistanyň Demokratik partiýasynyň etrap komitetiniň başlygy N.Hojaýewa açyp, Berkarar döwletimiziň bagtyýarlyk döwründe Gahryman Arkadagymyzyň öňe sürýän başlangyçlary, ynsanperwer içeri we parahatçylyk söýüji daşary syýasaty dogrusynda gürrüň etdi hem-de ýurdumyzda ösüp gelýän ýaş nesilleriň bilimli, ylymly, sagdyn bedenli, ruhy taýdan kämil adamlar bolup ýetişmegi ugrunda edilýän tagallalara ünsi çekdi. Onuň belleýşi ýaly, ýurdumyzy bagtly çagalygyň mekanyna öwren Gahryman Arkadagymyzyň Howandarlyga mätäç çagalara hemaýat bermek boýunça haýyr-sahawat gaznasyny döretmek bilen baglanyşykly Karary, şeýle-de milli Liderimiziň bu gazna aýlyk zähmet hakynyň ýarysyny geçirmegi her bir raýatyň hormatly Prezidentimize bolan buýsanjyny artdyrdy. Munuň özi döwlet Baştutanymyzyň alyp barýan ynsanperwer syýasatyny aýdyňlygy bilen äşgär etdi.

8 Aprel 2021

Jemgyýet

Arkadagly döwrümiziň serpaýly ýaşlary

Jeýhun ATAMYRADOW,Köpetdag etrabynyň prokurorynyň tälim alyjy kömekçisi: — Türkmenistanyň Prezidentiniň 2021-nji ýylyň 12-nji fewralynda gol çeken Karary bilen tassyklanylan Türkmenistanda we daşary ýurtlarda geçirilmegi meýilleşdirilýän çäreleriň Maksatnamasyna laýyklykda, Türkmenistanyň Adalat ministrligi tarapyndan mart aýynyň 30-na wideoaragatnaşyk arkaly ýaş hukukçylaryň arasynda onlaýn görnüşinde halkara bäsleşik geçirildi.

8 Aprel 2021

Jemgyýet

Ot söndürijileri nähili saýlamaly?

Haýsy ot söndüriji enjamlary satyn almaly: kömürturşy gazly, tozly ýa-da howa köpürjikli. Bularyň haýsysy biziň üçin amatly? Geliň, seljerip göreliň! Ot söndüriji enjamlar saýlanylanda, esasan, haýsy görnüşli ýangynlaryň söndürilmegi üçin ulanylmaga niýetlenendigine üns bermelidir. Ýangynyň görnüşi we derejesi bolsa ot söndüriji enjamyň gabynyň daş ýüzünde görkezilýär. Ýangynyň görnüşleri: «A» harpy — güýçli ýanyjy maddalaryň ýanma görnüşi, «B» harpy — ýanyjy suwuklyklaryň ýanma görnüşleri, «C» harpy — ýanyjy gazlaryň ýanma görnüşleri, «D» harpy — ýanyjy metallaryň we düzüminde metal bolan maddalaryň ýanma görnüşleri, «E» harpy — elektrik gurnawlarynyň näsazlygy sebäpli döreýän ýangynyň görnüşleri, elektrik enjamlarynda gysga utgaşmalary, elektrik dugasy, agram düşmeler zerarly uçgunlama döremegi, şol sanda elektrik gurnawlarynda tehniki ulanyşlaryň bozulmagy.

8 Aprel 2021

Jemgyýet

Binalar we baýraklar

Binagärlik sungatynyň eserleri bolan ajaýyp ymaratlar gözelligi bilen görenleri haýrana goýup, bize geçmişiň sahypalary barada gyzykly gürrüňleri berýär. Häzirki döwürde-de üýtgeşik binalary döredýän ussatlar kän. Şeýle ussatlara gowşurylýan halkara baýraklary barada gürrüň etmegi makul bildik. Pritsker baýragy. Bu baýrak dünýä ýüzünde giňden belli bolup, Nobel baýragy bilen deň saýylýar. Binagärlik ugrundan Nobel baýragynyň gowşurylmaýandygy dünýä ýüzünde «Hyatt» myhmanhanalar ulgamynyň eýesi bolan doganlar Pritskerleri 1979-njy ýylda şeýle baýragy döretmek pikirine iterýär. Döredileli bäri geçen ýyllaryň dowamynda bu baýragyň gowşurylyş dabarasy Waşingtondaky Milli galereýa, Nýu-Ýorkdaky «Metropoliten» muzeýi, Wersal köşgi, Kapitoliý baýry ýaly belli-belli ýerlerde geçirildi. Baýrak almagyň esasy şertleriniň biri — taslamada binagärlik çözgütlerinde täzeçillikleriň ulanylmagy.

8 Aprel 2021

Jemgyýet

Hemmämiziň borjumyz

Paýtagtymyz Aşgabadyň ösmegi, çäginiň giňelmegi, ilat sanynyň artmagy oňa bolan buýsanjy artdyrýar. Şol bir wagtda hem Türkmenistanyň Içeri işler ministrliginiň Döwlet ýangyn howpsuzlygy gullugynyň öňünde uly wezipeleri goýýar. Şolaryň iň esasylarynyň biri ýangyn döremek howpunyň öňüni alyş çäreleridir. Köp gatly ýaşaýyş jaýlarynyň ýangyn howpsuzlygy goragynyň ykjamlygy ýokary hilde bolup, onda awtomatik ýangyn duýduryjy, habar beriji ulgamy işleýär. Awtomatik ýangyn duýduryjy, habar beriji ulgamy işlän döwründe, awtomatik görnüşde liftleriň 1-nji gata düşmegine, onuň gapylarynyň açyk durmagyna hem-de liftiň ýöreýän ýolunyň boşlugy emeli usulda, wentilýatorlaryň kömegi bilen, howadan doldurylyp, içine tüssäniň girmezligi üpjün edilýär. Şeýle-de awtomatik habar berijiniň işlän ýerinde howa sorujylaryň gapaklary açylyp, emele gelen tüssäni özüne sorup, howa giňişligine çykarýar, daşarky ýangyna garşy suw ätiýaçlyk beketleriniň ýokary basyşly suw nasoslaryny herekete getirip, olaryň işini söweşjeň ýagdaýa taýýarlaýar.

8 Aprel 2021

Jemgyýet

Ýaşajyk zehinleriň bäsleşigi

Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde zehinli çagalaryň arasynda geçirilýän «Garaşsyzlygyň merjen däneleri» atly bäsleşigiň Balkanabat şäher tapgyry geçirildi. 3-nji orta mekdepde geçirilen bäsleşige okuwçylaryň 14-si gatnaşdylar. Owadan güllerdir şarlar bilen bezelen sahnada kalby joşgunly çagalar, çagalar döredijilik toparlary gezekli-gezegine çykyş edip, ol ýeri alaýaza öwürdiler. Dürli saz gurallarynda ýerine ýetirilen şirin owazly sazlar, olara sazlaşykly goşulan aýdymlardyr döwrebap  tanslar bagtyýarlyk döwrümiziň belent ýaňy bolup, çäräniň şowhunyna şowhun goşdy.

7 Aprel 2021

Jemgyýet

Merdana ýaşlar — Watanymyzyň geljegi

Ýaşlaryň ählitaraplaýyn ösen, beden we ruhy taýdan sagdyn, ylymly-bilimli bolmagyny gazanmak, olarda mertlik, edermenlik, watansöýüjilik, halallyk, päk ýüreklilik, arassa ahlaklylyk, zähmetsöýerlik ýaly häsiýetleri terbiýelemek maksady bilen, Gumdag şäher medeniýet merkezinde şäher häkimliginiň 1-nji başlangyç hünär okuw mekdebinde okaýan talyp oglanlaryň arasynda TMÝG-niň şäher geňeşiniň, şäher polisiýa bölüminiň bilelikde guramaklarynda wagyz-nesihat çäresi geçirildi. Onda çykyş edenler ata-babalarymyzyň görkezen edermenliginiň, gaýduwsyzlygynyň, merdanalygynyň ýaş nesiller üçin görelde mekdebidigini nygtadylar. Hormatly Prezidentimiziň «Mert ýigitler gaýrat üçin dogulýar», «Watan goragy mukaddesdir» atly ajaýyp kitaplarynyň ähmiýetini buýsanç bilen bellediler.

7 Aprel 2021

Jemgyýet

Sagat näçe bolduka?..

Uniwersitetde okan döwrümde oglanlaryň biri bilen has golaý gatnaşypdym. Ikimiz uzak ýyllaryň dowamynda jaňlaşyp, hal-ahwal soraşyp gelýäris. Ol bir gezek gürrüň arasynda: «Biz, dogrudanam, bary-ýogy 18-19 ýaşly oglan-gyzlar bolup, paýtagta okamaga bardykmykak? Tutuş bäş ýyly şol ýerde geçirdikmikäk? Birhili, ynanasyňam gelenok, süýji düýş ýaly bir zat» diýdi. Adam çaga mahaly wagtyň çalt geçip, özüniň basymrak ulularyň hataryna goşulmagyny isleýär; ulalanda bolsa, tersine, wagtyň juda çalt geçişine haýran galýar, aram-aram: «Heý, muny saklamagyň tär-usuly tapylmazmyka?» diýip, ýüregindäki hiç wagtda hasyl bolmajak arzuwy degişme äheňinde dile getirýär. Onuň üçin köp wakalar, ahwalatlar, ýaşlyk dostumyň aýdyşy ýaly, süýji düýş deýin bir zada öwrülýär.

7 Aprel 2021

Jemgyýet