Bag­ty­ýar­ly­gyň aý­dyň şug­la­sy

Jemgyýet
9 Aprel 2021
732

Ýur­du­myz­da ýaş­la­ryň ylym­ly, bi­lim­li, hem­me­ta­rap­la­ýyn kämil bo­lup ýe­tiş­mek­le­ri, ola­ryň äh­li hu­kuk­la­ry­nyň üp­jün edil­me­gi ug­run­da döw­let de­re­je­sin­de ala­da edil­ýär. Ýakyn­da Türk­me­nis­ta­nyň Mej­li­si­niň de­pu­tat­la­ry bi­len ge­çi­ren du­şu­şy­gyn­da Gah­ry­man Ar­ka­da­gy­myz ýur­du­my­zyň ýaş­lar ba­ra­da­ky döw­let sy­ýa­sa­ty ha­kyn­da aý­ra­tyn du­rup geç­mek bi­len, ýet­gin­jek­le­riň we ýaş­la­ryň hu­kuk­la­ry­nyň döw­let ta­ra­pyn­dan gol­da­nyl­ma­gy­nyň ka­nun­çy­lyk esa­sy­ny mun­dan beý­läk-de ber­kit­mek üçin bu ugur­da­ky ka­nun­çy­ly­gy kä­mil­leş­dir­me­giň ze­rur­dy­gy­ny nyg­ta­dy we de­pu­tat­la­ryň öňün­de bu me­se­le bi­len bag­la­ny­şyk­ly ýe­ne-de bir­nä­çe we­zi­pe­le­ri goý­dy.

We­la­ýat ma­li­ýe-yk­dy­sa­dy or­ta hü­när okuw mek­de­bin­de «Ýaş­lar — Wa­ta­ny­my­zyň gel­je­gi, bag­ty­ýar­ly­gyň aý­dyň şug­la­sy» at­ly ge­çi­ren çä­rä­miz Gah­ry­man Ar­ka­da­gy­my­zyň baş­da dur­ma­gyn­da ýaş­lar ba­ra­da­ky döw­let sy­ýa­sa­ty­na, bu ba­bat­da ka­nun çy­ka­ry­jy­lyk eda­ra­nyň öňün­de go­ýan we­zi­pe­le­ri­ne ba­gyş­la­nyl­dy. Çä­re­de ýaşlaryň sag­dyn we hem­me­ta­rap­la­ýyn saz­la­şyk­ly ösü­şi­ni, hä­zir­ki­za­man bi­lim­le­ri­ ele al­ma­klary­ny, wa­tan­çy­lyk ru­hun­da ter­bi­ýe­len­mekleri­ni üp­jün et­mek ug­run­da al­nyp ba­ryl­ýan iş­ler ba­ra­da gi­ňiş­le­ýin gür­rüň edil­di. Çy­kyş­lar­da bi­lim ul­ga­my­nyň ös­dü­ri­li­şi, ýaş­lar­da sag­dyn dur­muş en­dik­le­ri­ni ke­ma­la ge­tir­mek, ola­ry wa­tan­çy­lyk we yn­san­per­wer­lik ru­hun­da ter­bi­ýe­le­mek me­se­le­le­ri hem öz be­ýa­ny­ny tap­dy. Mil­li bi­lim ul­ga­my­ny kä­mil­leş­dir­me­giň çäk­le­rin­de okuw mek­dep­le­ri­niň hä­zir­ki­za­man okuw-teh­ni­ki en­jam­la­ry, in­te­rak­tiw we mul­ti­me­di­ýa teh­no­lo­gi­ýa­la­ry bi­len üp­jün edil­me­gi bi­lim-ter­bi­ýe­çi­lik işi­niň döw­rüň ta­lap­la­ry­na la­ýyk gu­ral­ma­gy­na giň şert dö­red­ýär. Hor­mat­ly Pre­zi­den­ti­mi­z de­pu­tat­la­ryň öňün­de «Bi­lim ha­kyn­da» Türkmenistanyň Ka­nu­nyny kämilleşdirmek bo­ýun­ça-da anyk we­zi­pe­le­ri goý­dy. Mu­nuň özi ýaş­lar ba­ra­da­ky döw­let sy­ýa­sa­ty­nyň has-da ne­ti­je­li dur­mu­şa ge­çi­ril­me­gi­ne müm­kin­çi­lik be­rer.

Zer­hal NARMAMEDOWA,
Türk­me­nis­ta­nyň Se­na­gat­çy­lar we te­le­ke­çi­ler par­ti­ýa­sy­nyň we­la­ýat ko­mi­te­ti­niň baş­ly­gy­nyň we­zi­pe­si­ni ýe­ri­ne ýe­ti­ri­ji.
Beýleki habarlar