"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

«Akylly» öýüň höziri

29-njy iýunda — Arkadag şäheriniň açylyşynda meniň üçin hem unudylmajak taryhy pursat boldy. Täze şäheriň «akylly» jaýlaryny görmäge gelen hormatly Prezidentimizi öz işläp taýýarlan «Arkadagly ýaşlar» programmamyz bilen tanyşdyrmak bagty miýesser etdi. Täze programmany «Arkadagly ýaşlar» diýip atlandyrdyk. Bu programmamyzda biz akylly öýe degişli bolan buýruklary özbaşdak ýerine ýetirer ýaly taýýarladyk. Ýagny lokal torda işleýän «akylly» öý ulgamy girizilen serweri ornaşdyrdyk. Mysal üçin, maşgala agzalary planşetiň üsti bilen telewizory işletseler, onda serwer enjamymyz ýiti ýanyp duran yşygymyzy köreldýär, perdeleri ýapýar, öý eýesine rahat ýagdaýy üpjün edýär. Öýümiziň otaglarynyň temperaturasyny we çyglylygyny awtomatik görnüşinde sazlaýar. Munuň üçin ýörite sensorda işleýän kondisionerler we çyglylyk berýän enjam ornaşdyrylandyr.

12 Iýul 2023

Tehnologiýa

«Halky bardyr — göwni görner sözünden»

Gurbannazar ATAÝEW,Myrat Garryýew adyndaky TDLU-nyň Stomatologiýa okuw-önümçilik merkeziniň lukmany, Aşgabat şäher halk maslahatynyň başlygy, Hormatly il ýaşulusy: — Sebitde deňi-taýy bolmadyk «akylly» şäherde halkara ülňülere laýyk gelýän saglygy goraýyş ulgamyna degişli binalaryň ençemesi guruldy. Şolaryň hatarynda Gurbanguly Berdimuhamedow adyndaky çagalar sagaldyş-dikeldiş merkezini, 350 orunlyk köpugurly hassahanany, 150 orunlyk onkologiýa merkezini, 150 orunlyk Enäniň we çaganyň saglygyny goraýyş merkezini, «Tiz kömek» merkezini, saglyk öýüni agzamak bolar. Şeýle hem şatlykly günlerde «Arkadag şäheri — geljegiň şäheri», Gahryman Arkadagymyzyň çuňňur manyly «Ömrümiň manysynyň dowamaty» atly täze kitaby hem elimize gowuşdy. Bu bolsa ähli watandaşlarymyzyň buýsanjyny has-da artdyrdy.Arkadag şäheri baky bagtyýarlygyň şäheri-dir. Şeýle bagtyň eýesi bolan ildeşlerimizi tüýs ýürekden gutlaýaryn.

12 Iýul 2023

Jemgyýet

«Arkadag» şäheri dünýä çykarýar

Madrid, Barselona, Mýunhen, Dortmund, Mançester ýaly şäherler beýleki ugurlardaky ösüşi bilen hem dünýä meşhur bolandyr welin, Ýer ýüzünde ýedi ýaşlydan ýetmiş ýaşla çenli her kime bu şäherleriň adynyň tanyş bolmagynyň geografiýadan başga-da bir uly sebäbi bar. Ol sebäp hem ― futbol. Çünki wekilçilik edýän şäheriniň adyny tutuşlygyna alan ýa-da adynyň bir bölegine öwren futbol klublary şol şäherleri dünýä çykaran esasy aýratynlyklaryň biri boldy. Hut şeýle aýratynlygy bu gün Arkadag şäheriniň hem-de şäher bilen adybir futbol toparynyň mysalynda hem görýäris. Şäher mundan birnäçe gün ozal, futbol topary bary-ýogy birnäçe aý öň dünýä indi. Muňa garamazdan, şäher hem, topar hem adynyň ýurdumyzyň serhetlerinden bireýýäm çykmagyny gazandy. Mundan beýläk duşuşyklaryny täze şäherdäki «Arkadag» stadionynda geçirjek toparyň adynyň goňşy döwletleriň metbugat sahypalaryna hem düşmeginiň aýratyn sebäbi bar. Ol hem türki dünýädäki ilkinji «akylly» şäher bilen adybir toparyň öz ýoluna juda üstünlikli girişmegidir.

12 Iýul 2023

Sport

Medeni merkezlerde

Gülküli agşam Golaýda Arkadag şäheriniň Aman Gulmämmedow adyndaky döwlet drama teatrynyň tomaşaçylar zaly köp adamly boldy. Onda ýurdumyzyň meşhur wäşileriniň «Geliň, gülşeliň!» ady bilen taýýarlan gülki agşamsy geçirildi. Oňa paýtagtymyzyň teatrlarynyň belli artistleri bilen bilelikde welaýatlarymyzdan gelen wäşileriň çykyşlaryna-da giň orun berildi. Täze şäheriň ýaşaýjylary teatrda sahnalaşdyrylan gülküli oýnuň ilkinji tomaşaçysy boldular. Ussat degişmeçileriň «Nirede bolduň?», «Gaharyň derejeleri», «Hurma», «Synag», «Sygyr satýan», «Islegler» atly sahna oýunlarynda maşgala durmuşy, oba wakalary beýan edilýär. Döwrebap teatryň sahnasynda ýerine ýetirilen, nusgawy şahsyýetlerimiziň eserlerinden we durmuşy wakalardan alnan sungat ussatlarynyň gülküli çykyşlary oňa gatnaşanlara ruhy lezzet paýlady.

12 Iýul 2023

Medeniýet

Bizi gutlaýarlar

Gurbannazar ORAZGULYÝEW, ýazyjy: — Ýagşyny ýaýmak parz. Munuň üçinem ösen dünýäniň häzirki talabyna laýyklykda, milli metbugat, dokuzy düzüw teleýaýlym gerek. Ine, şu jähtden «Arkadag» gazetiniň hem-de adybir teleýaýlymyň döredilmegi tüýs gutlarlykly wakadyr.

12 Iýul 2023

Garaşsyzlyk

Gahryman Arkadagymyz haj parzyny amala aşyrdy

30-njy iýunda türkmen halkynyň Milli Lideri, Halk Maslahatynyň Başlygy, Türkmenistanyň Hormatly il ýaşulusy hajy Arkadagymyz haj däp-dessurlaryny amala aşyryp, bu mukaddes toprakda berlen gurbanlyk sadakasyna gatnaşdy. «Barsam, Käbäni görsem»

6 Iýul 2023

Garaşsyzlyk

Arkadag şäheri — buýsanjymyz, şöhratymyz, şanymyz

Hormatly Prezidentimiz Serdar Berdimuhamedow täze şäheriň açylyş dabarasyna gatnaşdy 29-njy iýun ýurdumyzda döredijiligiň, abadançylygyň we ösüşiň ýoly bilen ynamly öňe barýan Garaşsyz, Bitarap Watanymyzyň şöhratly ýyl ýazgysyna altyn harplar bilen ýazylan şanly taryhy waka boldy. Hormatly Prezidentimiz Serdar Berdimuhamedowyň gatnaşmagynda Berkarar döwletiň täze eýýamynyň Galkynyşy döwrüniň aýdyň nyşany bolan Arkadag şäheriniň açylyşy mynasybetli giň möçberli dabaralar ýaýbaňlandyryldy.

6 Iýul 2023

Garaşsyzlyk

Sanlyja ýylda gurlan sanly şäher Arkadagymyzyň öňdengörüjilikli başlangyçlarynyň rowaçlanmasy

Arkadag şäheriniň birinji tapgyrynda medeni-durmuş we beýleki maksatly desgalaryň 336-sy gurlup, şolaryň hatarynda jemgyýetçilik binalarynyň 11-si, edara binalarynyň 25-si, bilim edaralarynyň 19-sy, ýaşaýyş jaýlarynyň 258-si, saglyk we sport binalarynyň 9-sy, inženerçilik ulgamlarynyňdyr desgalarynyň 14-si bar. * * *

6 Iýul 2023

Garaşsyzlyk

Gahryman Arkadagymyzyň Arkadag şäheriniň düýbüni tutmak dabarasynda sözlän sözünden:

Şu gün ägirt uly taslamanyň — tutuş şäheriň gurluşygynyň iş ýüzünde durmuşa geçirilmegine badalga berilýär. Şunuň ýaly giň möçberli taslamalary amala aşyrmak pugta ykdysady binýady we örän uly ösüş ugurlary bolan ýurda başardýar. * * *

6 Iýul 2023

Miras

Myhmanlara söz berýäris

Ilýas DEMIRJI,Türki dünýäniň inženerler we binagärler birleşiginiň ýolbaşçysy: — Türkmen halkynyň Milli Lideriniň başlangyjy bilen gurlan, sebitde deňi-taýy bolmadyk Arkadag şäheriniň açylyş dabarasyna gatnaşyp, bu mübärek günde şeýle ajaýyp pursadyň şaýady bolýandygyma örän şatdyryn.

6 Iýul 2023

Garaşsyzlyk

Garaşsyz, hemişelik Bitarap Türkmenistanyň Prezidenti Serdar Berdimuhamedowa «Arkadag» gazetiniň işgärleriniň Ýüzlenmesi

Çuňňur hormatlanylýan Türkmenistanyň Prezidenti! Biz «Arkadag» gazetiniň agzybir işgärleri bolup, Arkadag şäheriniň durmuşyny, onuň gazanýan üstünliklerini wasp etjek täze neşiri — «Arkadag» gazetini döredip berendigiňiz hem-de gazetiň işgärlerine we okyjylaryna iberen Gutlagyňyz üçin Size çäksiz hoşallygymyzy bildirýäris. Size berk jan saglyk, uzak ömür, türkmen halkynyň eşretli durmuşy ugrunda alyp barýan ägirt uly işleriňizde rowaçlyklary arzuw edýäris.

6 Iýul 2023

Garaşsyzlyk

Jaýdan paýly — bagtdan paýly

Kerwen DURDYGULYÝEW, Arkadag şäheriniň ýaşaýjysy: — Ady äleme dolan Arkadag şäheriniň açylyşy biziň maşgalamyza hem uly toý, uly dabara bolup geldi. Arkadag şäheriniň ýaşaýjysy bolmak bagty nesip etdi. Hormatly Prezidentimiz agzybir maşgalamyza gelip, täze jaýymyzyň aýratynlyklary bilen tanyş boldy. Biz muňa diýseň begenýäris, guwanýarys.

6 Iýul 2023

Garaşsyzlyk

«ARKADAG» ýaýlymda

29-njy iýun türkmenistanlylaryň durmuşyna taryhy sene bolup girdi. Şol gün sebitde deňi-taýy bolmadyk «akylly» Arkadag şäheriniň açylyş dabarasy dünýä ýaň saldy. Bu taryhy, toýly günüň bagtyýar seslenmesi bolup, ilkinji gezek ýaýlyma çykan «Arkadag» teleýaýlymy şäher bilen adybir döredilen täze teleýaýlymdyr. Hormatly Prezidentimiziň Karary esasynda döredilen täze «Arkadag» teleýaýlymy işe girişen gününden başlap, döwrümiziň ösüşini, halkymyzyň eşretli ýaşaýşyny açyp görkezýär. Türkmen halkynyň Milli Lideri Gahryman Arkadagymyz, Arkadagly Serdarymyz türkmen telewideniýesiniň döredijilikli, sazlaşykly hereket etmegi, hünärmenleriň zähmet çekmegi ugrunda uly aladalary edýär. Elbetde, zähmetiň gadyry bilinýän ýerde işlemek, döretmek Arkadag şäheriniň ösüşleri, özgerişleri baradaky döwrebap telegepleşikleri watandaşlarymyza ýetirmek mukaddes borjumyz.

6 Iýul 2023

Jemgyýet

«Arkadag» gazetiniň döredijilik işgärlerine we okyjylaryna

«Arkadag» gazetiniň hormatly işgärleri we okyjylary! Sizi täze döredilen «Arkadag» gazetiniň ilkinji sanynyň çykmagy mynasybetli tüýs ýürekden gutlaýaryn.

29 Iýun 2023

Garaşsyzlyk

«Ömrümiň manysynyň dowamaty» — manyly ömrüň dowamy

Gahryman Arkadagymyz «Ömrümiň manysy» atly kitabynyň soňky setirlerinde: «Men bu kitabymda, görşüňiz ýaly, ençeme durmuş pursatlaryny beýan etdim. Ýöne, gadyrly okyjylar, durmuş ýoly uzak diýlişi ýaly, men indiki oý-pikirlerimi «Ömrümiň manysynyň dowamaty» diýen kitabymda siz bilen dowam ederin» diýip belleýär. Ynha, toýlarymyzyň toýlara ulaşýan günlerinde bolsa Milli Liderimiziň «Ömrümiň manysynyň dowamaty» atly täze kitaby çap boldy. Täze kitabyň çapdan çykmagy Gahryman Arkadagymyzyň mähriban halkymyz üçin, täze Arkadag şäheriniň açylyşynyň öňüsyrasynda ajaýyp toý sowgady boldy. Gazetimiziň ilkinji sanynda täze eserden käbir bölekleri okyjylara ýetirmegi makul hasapladyk. Çuňňur manyly täze kitabyňyzyň höwri köp bolsun, Gahryman Arkadagymyz! Men bu kitabymda hem öwrenen we özleşdiren zatlarym, ylham badalgasy, ynsany öňe ilerledýän sebäpler, dünýä hem-de durmuşa bolan garaýyşlarym we geljegi görüşlerim — «Men geljegi nähili göz öňüne getirýärin?» diýen sowala jogaplarym barada ozal eden söhbetlerimizi dowam etdirmegi makul bildim. Pikirlerimi halkym bilen paýlaşasym geldi. Sebäbi meniň, asla hiç birimiziňem halkdan aýry ykbalymyz ýok. Barlygymyzam, bakylygymyzam, beýikligimizem, bitewüligimizem şu Watanymyz, halkymyz bilen bagly.

29 Iýun 2023

Garaşsyzlyk

Türkmenistanyň at gazanan arhitektory Gahryman Arkadagymyz Gurbanguly Berdimuhamedowyň Arkadag şäheri hakynda aýdanlaryndan:

Arkadag şäherindäki dürli maksatly desgalaryň gurluşyk işleriniň hiline, olaryň ýanaşyk çäkleriniň bezegine hem-de abadanlaşdyrylyşyna aýratyn üns berilmelidir. * * *

29 Iýun 2023

Garaşsyzlyk

Arkadagyň altyn sahypasy

(«Şäher şekilli şäher» atly makalalar toplumyndan) 16-njy iýun

29 Iýun 2023

Garaşsyzlyk

Sen Watansyň, Watansyň, Gahryman Arkadagym!

Sözi kimden başlamaly? Milli Liderimiz – Gahryman Arkadagymyzdan. Sözi nämeden başlamaly? Beýik Ogluň Berkarar eýlän döwründen, döwranyndan, eşretli eýýamyndan. Habary nireden almaly? Dana Dünýäniň bina kylan «akylly» Arkadag şäherinden. Sözüň-söhbediň şirinden-şirin şygryňdan, şahandazlygyňdan, Gahryman hem mähriban Arkadagymyzdan başlanýar. Bu ýöne ýere däl. Gahryman Arkadagymyz we agzybir ilimiz — bir bitewülik, bir jan, bir ten, bir göwre. Olary biri-birinden aýrylykda göz öňüne getirip bolmaýar. Beýik Ogul, Gahryman Ogul hemişe halkyň aladasynda, halkyň arasynda. Özüni il-güne, uly dünýä aldyrmagynyň, ykrar edilen Milli Lider bolmagynyň syry şu ýerde. Ýüreginiň «halk» diýip urmagynda. Arkadag adynyň aňrysynda arkaýynlyk bar, penalanmak bar. Ynam bar, ygrar bar, wepadarlyk bar. Watanyňy söýmek bar, ýüregi oňa eýlemek bar. Ine, şu gymmatlyklar dolulygy bilen dünýäňde jemlenýär. Sadadan pespäl, mylaýymdan mähriban, akyllydan dana Beýik Liderimiziň nazarynyň düşen ýeri gülzarlyk, reýhanlyk. Taryhy pursatlar deňinde daýandyrýar. Beýik döwür ak güller düşelen ak ýoldan öňe barýar.

29 Iýun 2023

Garaşsyzlyk

Arkadag adyny göterýän gazetiň birinji sany

Hormatly okyjy, şu gün Arkadag şäheriniň birinji tapgyrynyň açylmagy bilen, «Arkadag» gazetiniň hem ilkinji sany eliňe gowuşýar. Taryhy wakalara dahylly bolmak bilen, şu günüň şatlyk-şowhunyny, arzuw-dileglerini öz sahypalarynda müňlerçe okyja ýetirjek gazetiň Gahryman Arkadagymyzyň, Arkadagly Serdarymyzyň tagallasy bilen çap edilmegi «Arkadag» gazetiniň işgärlerinde hoşallyk duýgusyny döretdi. Döwür bilen aýakdaş gidip, türkmen halkynyň Milli Lideriniň paýhasyndan bina bolýan Arkadag şäheriniň taryhy mundan beýläk täze gazetiň sahypalarynda ýazylar. Bu gün türkmen halky goşa-goşa toý tutýar. Gahryman Arkadagymyzyň doglan güni, Arkadag şäheriniň birinji tapgyrynyň açylmagy, mukaddes Gurban baýramy mynasybetli geçirilýän dabaralaryň owazasy dag aşýar. Hawa, sanlyja ýylyň içinde bina bolan Arkadag şäheriniň gujagy bagtyň, bagtyýarlygyň mekanyna öwrüldi. Golaýda hormatly Prezidentimiziň ak pata bermegi bilen şäheriň ikinji tapgyrynyň düýbi tutuldy. Munuň özi döwletli işleriň mundan beýläk-de dowam boljakdygyndan ýene-de bir nyşan boldy. Döwlet ähmiýetli şäherde halkymyzyň döwrebap ýaşaýyş-durmuşyny üpjün edýän ähli şertler göz öňünde tutulandyr.

29 Iýun 2023

Jemgyýet

Ömrüňize ömür goşulsyn, Gahryman Arkadagymyz!

Pygy BAÝRAMDURDYÝEW,Aba Annaýew adyndaky Halkara atçylyk akademiýasynyň rektory: — Bu gün ahalteke bedewlerimiziň şöhratly mekanynda toýlar-toýa ulaşýar. Milli Liderimiziň yhlasy bilen türkmen tebigatynyň gözel künjekleriniň birinde bina edilen Arkadag şäheri açylýar. Buýsançly günde Gahryman Arkadagymyzyň doglan güni, Gurban baýramy toý üstüne toý bolup geldi. Gahryman Arkadagymyzy bu şanly wakalar bilen tüýs ýürekden gutlaýarys.

29 Iýun 2023

Garaşsyzlyk