"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Türkmen halkynyň Milli Lideri, Türkmenistanyň Halk Maslahatynyň Başlygy Arkadag şäheriniň ikinji tapgyrynda gurulmagy meýilleşdirilýän desgalaryň şekil taslamalary bilen tanyşdy

15-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine nobatdaky iş saparyny amala aşyrdy. Gahryman Arkadagymyz bu ýerde şäheriň gurluşygynyň ikinji tapgyrynda bina edilmegi meýilleşdirilýän desgalaryň şekil taslamalary bilen tanyşdy hem-de degişli ýolbaşçylaryň gatnaşmagynda iş maslahatyny geçirdi. Häzirki döwürde Gahryman Arkadagymyzyň başlangyjyndan binýat bolan täze şäheriň gurluşygynyň ikinji tapgyrynda meýilleşdirilen işleriň depgini barha artýar. Köpetdagyň etegindäki gözel künjekde ýerleşýän Arkadag şäherinde gurulýan medeni-durmuş, önümçilik maksatly desgalaryň taslamalarynyň taýýarlanylmagyna we gurluşyk işlerine hemmetaraplaýyn esasda çemeleşilýär.

16 Sentýabr 2024

Syýasat

Dünýä türkmenleriniň ynsanperwer birleşiginiň XXV maslahatyna gatnaşyjylara

Dünýä türkmenleriniň ynsanperwer birleşiginiň hormatly agzalary!Mähriban doganlar! Sizi Dünýä türkmenleriniň ynsanperwer birleşiginiň XXV maslahatynyň öz işine başlamagy bilen tüýs ýürekden gutlaýaryn. Her bir güni milli we halkara ähmiýetli wakalar bilen şöhratlanýan «Pähim-paýhas ummany Magtymguly Pyragy» ýylynda döwlet Garaşsyzlygymyzyň 33 ýyllyk toýunyň öňüsyrasynda geçirilýän bu maslahatyň ata Watanymyza bolan buýsanjymyzy pugtalandyrmakda, dünýä türkmenlerini bir supranyň başynda has-da jebisleşdirmekde, dost-doganlyk gatnaşyklaryny ösdürmekde möhüm ähmiýete eýe boljakdygyna berk ynanýaryn.

15 Sentýabr 2024

Syýasat

«Aýdyň gijeler» ösüş ýolunda

Wladislaw ADMAKIN,«Aýdyň gijeler» hojalyk jemgyýetiniň taslama bölüminiň başlygy:  — Kärhanamyz elektron enjamlary öndürmek babatda dünýäniň öňdebaryjy tejribesine esaslanýar. Ýokary hilli önümleri öndürip, halkymyza döwrebap derejede hyzmat etmekde mynasyp goşandymyzy goşýarys.

13 Sentýabr 2024

Ykdysadyýet

Muhammetguly OJAROW, «Ojar Aziýa» hususy kärhanasynyň baş direktory:

 — Ýurdumyzda guralýan şu günki giň möçberli foruma hususy kärhanamyzyň gatnaşmagy diýseň buýsandyrýar. Kärhanamyz 2008-nji ýylda esaslandyryldy. Ilkinji günlerden bäri ýurdumyzda ulag-infrastruktura taslamalaryny durmuşa geçirmäge işjeň gatnaşyp gelýäris. Köpetdagyň gözel künjeginde bina edilen Arkadag şäheriniň ýol-ulag taslamalaryna gatnaşýandygymyza buýsanýarys. Ýurdumyzda ilkinji «akylly» şäheriň birinji tapgyrynyň içerki ýollary döwrebap ýagdaýda gurlup ulanylmaga berildi. «Akylly» şäheriň ikinji tapgyrynyň içerki ýollaryndaky gurluşyk işleri hem ýokary depginde alnyp barylýar.

13 Sentýabr 2024

Ykdysadyýet

Magtymguly Pyragy — ähli döwürleriň we köňülleriň şahyry

11-nji sentýabrda Aba Annaýew adyndaky Halkara atçylyk akademiýasynda «Magtymguly Pyragy — ähli döwürleriň we köňülleriň şahyry» atly aýdym-sazly döredijilik duşuşygy geçirildi. Döredijilik duşuşygyna gatnaşanlar Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda has uly belentlikleri nazarlap, ýurdumyzyň bedew bady bilen ynamly öňe barýandygy barada giňişleýin gürrüň berdiler. Ösüşlere beslenýän ýurdumyzyň waspyny ýetirýän goşgulary okadylar. Türki medeniýetiň halkara guramasynyň — TÜRKSOÝ-nyň hemişelik geňeşiniň mejlisinde 2024-nji ýylyň «Türki dünýäsiniň beýik şahyry we akyldary Magtymguly Pyragy ýyly» diýlip yglan edilmegi, şeýle hem Magtymguly Pyragynyň golýazmalar toplumynyň BMG-niň Bilim, ylym we medeniýet meseleleri boýunça guramasynyň «Dünýäniň hakydasy» maksatnamasynyň halkara sanawyna hem-de Magtymguly Pyragynyň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçiljek şanly seneleriň sanawyna girizilmeginiň nusgawy şahyrymyzyň döredijiliginiň dünýä derejesinde ykrar edilýändiginiň aýdyň subutnamasydygyny aýratyn belläp geçdiler.

12 Sentýabr 2024

Bilim

Ýarym finalda

«Türkmenistanyň Kubogy — 2024» ugrundaky duşuşyklar örän çekeleşikli dowam edýär. Ýakynda ýurdumyzyň Kubogynyň häzirki eýesi «Arkadag» futbol topary çärýek finalyň jogap duşuşygynda Türkmenbaşy şäherinde ýerli «Şagadama» myhman boldy. Oýun 3:1 hasabynda arkadaglylaryň peýdasyna tamamlandy. 11-nji minutda «Arkadagdan» Altymyrat Annadurdyýew hasaby açdy. Duşuşygyň 20-nji minutynda 11 metrlik jerime urgusyndan peýdalanan Daýanç Durdyýew hasaby deňlemegi başardy. Çekeleşikli dowam eden duşuşygyň birinji ýarymy 1:1 hasaby bilen tamamlandy. Şu hasap bilen arakesmä çykan toparlar ikinji ýaryma-da depginli başladylar. «Arkadag» topary oýnuň 47-nji minutynda Begmyrat Baýowyň goly bilen täzeden öňe saýlandy. 68-nji minutynda bolsa Altymyrat Annadurdyýew arany açmak bilen, özüniň şu oýundaky ikinji, toparynyň üçünji goluny geçirdi.

12 Sentýabr 2024

Sport

Ömrümiziň rahatlygy üçin

Ýakynda Arkadag şäheriniň Jemgyýetçilik guramalarynyň binasynda harby we hukuk goraýjy edaralarynyň wekilleriniň, jemgyýetçilik guramalaryň guramagynda Arkadag şäheriniň dürli edara-kärhanalarynda zähmet çekýän işgärleriniň arasynda «Arkadag şäheri — bagtyýarlygyň şäheri» atly wagyz-nesihat maslahaty geçirildi. Bu maslahatda çykyş edenler hormatly Prezidentimiziň ýol hereketiniň düzgünlerini pyýadalaryň we sürüjileriň arasynda giňden wagyz etmek barada berýän tabşyryklaryndan ugur alnyp, köçe-ýol hereketiniň kadalary doly we dogry berjaý edilmeginiň ilatyň howpsuzlygy we abadançylygy babatda örän uly ähmiýete eýedigini bellediler. Döwlet derejesinde ýaýbaňlandyrylan ýol hereketiniň howpsuzlygy adam hakyndaky aladanyň çuňňur beýanydyr.

12 Sentýabr 2024

Jemgyýet

Türkmenistan — Owganystan: dostluk, hoşniýetli goňşuçylyk we özara bähbitli hyzmatdaşlyk gatnaşyklary pugtalandyrylýar

Energetika, ulag-kommunikasiýa, logistika desgalarynyň işe girizilmegi hem-de gurluşygyna badalga berilmegi mynasybetli dabaralar 11-nji sentýabrda Berkarar döwletiň täze eýýamynyň Galkynyşy döwrüniň ýyl ýazgysynda täze, möhüm sahypa açyldy. Şu günki taryhy ähmiýetli wakalar munuň aýdyň güwäsi boldy. Bu wakalarda Garaşsyz, Bitarap Türkmenistanyň türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan we häzirki döwürde hormatly Prezidentimiz Serdar Berdimuhamedowyň baştutanlygynda durmuşa geçirilýän netijeli syýasy strategiýasy öz aýdyň beýanyny tapýar. Ýurdumyz bu döredijilikli ýola yzygiderli eýerip, daşary ýurtly hyzmatdaşlar bilen sebit we ählumumy derejede parahatçylygy hem-de durnuklylygy pugtalandyrmaga, dostluk we hoşniýetli goňşuçylyk gatnaşyklaryny giňeltmäge, döwletleriň we halklaryň arasynda netijeli hyzmatdaşlygy ösdürmäge gönükdirilen giň möçberli infrastruktura taslamalaryny üstünlikli durmuşa geçirýär.

12 Sentýabr 2024

Syýasat

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky ÇYKYŞY

Eziz watandaşlar!Hormatly adamlar!Gadyrly myhmanlar! Şu gün iki ýurduň durmuşynda taryhy waka bolup geçýär. Bu gün Türkmenistanyň we Owganystanyň özara gatnaşyklarynyň sene ýazgysyna şanly sahypa bolup girer. Biz Arkadagly Gahryman Serdarymyzyň ak patasy bilen ençeme iri möçberli taslamalaryň iş ýüzünde üstünlikli amala aşyrylýandygynyň şaýady bolýarys.

12 Sentýabr 2024

Syýasat

Türkmenistan Owganystana nobatdaky ynsanperwerlik kömegini iberdi

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň halkymyzyň dost-doganlyk, hoşniýetli goňşuçylyk, ynsanperwerlik ýaly asylly ýörelgelerine esaslanýan döwlet syýasaty häzirki wagtda hormatly Prezidentimiz Serdar Berdimuhamedow tarapyndan üstünlikli durmuşa geçirilýär. Düýn türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli, döwlet Baştutanymyzyň Buýrugyna laýyklykda, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömeginiň iberilmegi hem munuň aýdyň beýanydyr. Ynsanperwerlik ýüki çaga iýmitinden, azyk önümlerinden, bugdaýdan, senagat önümlerinden, ýangyç serişdelerinden ybaratdyr. Munuň özi ýurdumyzyň Owganystana köp ýyllaryň dowamynda goldaw bermek boýunça alyp barýan işleriniň dowamy bolmak bilen, türkmen we owgan halklarynyň arasynda däp bolan dost-doganlyk, hoşniýetli goňşuçylyk gatnaşyklaryny ösdürmäge ýardam edýär.

12 Sentýabr 2024

Syýasat

Belentliklerden-belentliklere tarap

6-njy sentýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Ilki bilen, Mejlisiň Başlygy D.Gulmanowa çykyş edip, döwlet durmuşynyň dürli ulgamlaryny hukuk taýdan kadalaşdyrmaga gönükdirilen kanunlaryň taslamalarynyň işlenip taýýarlanylyşy barada maglumat berdi.

12 Sentýabr 2024

Syýasat

Arkadagyň «akylly» şäheri — Watanyň şan-şöhraty

7-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherine iş saparyny amala aşyryp, bu ýerde degişli ýolbaşçylaryň gatnaşmagynda iş maslahatyny geçirdi we täze şäheriň ýol-ulag düzümine degişli desgalaryň taslamalary bilen tanyşdy. Ýakynda Koreýa Respublikasynda geçirilen «World Smart City Expo» atly halkara serginiň çäklerinde Gahryman Arkadagymyzyň başlangyjyndan binýat bolan Arkadag şäheri ýörite baýraklaryň 3-sine mynasyp boldy.

12 Sentýabr 2024

Syýasat

Arkadagyň ak ýoly bilen

Düýn hormatly Prezidentimiz Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň, şeýle hem Owganystanyň Ministrler Kabinetiniň Başlygynyň wezipesini ýerine ýetiriji Molla Mohammed Hasan Ahundyň gatnaşmagynda birnäçe infrastruktura desgalarynyň açylyşy hem-de gurluşygyna badalga berilmegi mynasybetli dabaralar geçirildi. Hususan-da, Serhetabat — Turgundy demir ýol geçelgesiniň türkmen-owgan serhedinde uzynlygy 177 metr demir ýol köprüsiniň açylyş dabarasy, Mary welaýatynda «Şatlyk-1» gaz gysyjy bekediniň düýbüni tutmak, Türkmenistan — Owganystan — Pakistan — Hindistan transmilli gaz geçirijisiniň taslamasynyň Arkadagyň ak ýoly bilen Serhetabat — Hyrat gaz geçirijisiniň gurluşygyna badalga bermek, Arkadagyň ak ýoly bilen Serhetabat — Hyrat optiki-süýümli aragatnaşyk geçirijisiniň gurluşyk işlerine badalga bermek, Turgundy demir ýol bekediniň «gury portunda» ammarlar toplumynyň hem-de Serhetabat — Turgundy demir ýolunyň birinji tapgyrynyň Turgundy — Sanabar böleginiň gurluşyk işlerine badalga bermek, şeýle hem Türkmenistan — Owganystan — Pakistan elektrik geçirijisiniň taslamasynyň birinji tapgyryny durmuşa geçirmegiň çäklerinde Owganystanyň Hyrat welaýatynda ýerleşýän «Nur-el-Jahad» elektrik bekedini işe girizmek dabaralary geçirildi.

12 Sentýabr 2024

Syýasat

Maýa goýum forumy: täze ösüşleri nazarlap

Öňňin paýtagtymyzda Türkmenistanyň maýa goýum forumy hem-de ugurdaş sergi, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahat, «HI-TECH Türkmenistan — 2024» atly sergi geçirildi. Ýurdumyzyň Daşary işler, Maliýe we ykdysadyýet ministrlikleriniň hem-de Söwda-senagat edarasynyň bilelikde guramagynda geçirilen giň gerimli işewürlik çäreleriniň gün tertibine ýurdumyzda iri taslamalary durmuşa geçirmek we bu ugurda halkara hyzmatdaşlygy mundan beýläk-de ösdürmek bilen baglanyşykly meseleler girizildi. Maýa goýum forumyna dünýäniň abraýly bilermenleri, öňdebaryjy milli we halkara nebitgaz, energetika, gurluşyk, ulag-kommunikasiýa kompaniýalarynyň, halkara guramalaryň, maliýe düzümleriň we ylmy merkezleriň wekilleri hem-de ýolbaşçylary gatnaşdylar.

12 Sentýabr 2024

Jemgyýet

Muhammatkarim KURMANOW, Halkara maglumatlaşdyrma akademiýasynyň akademigi, pedagogika ylymlarynyň doktory, professor:

— Özüm Astanada ýaşaýaryn. Maşgalamyz bolup, sport ýaryşynyň açylyşyna geldik. Men ýaşlykdan sportuň janköýeri. Häzir 83 ýaşymda bolsamda, halkara sport çäresine gatnaşmak höwesimiň egsilmänligi ýöne ýerden däl. Sport — güýç-kuwwat. Sportda ýaşaýşa söýgi, ýaşlyk bar. 40 ýyla golaý iş tejribämiň dowamynda sport aýratyn orny eýeledi. Ol meniň üçin ylym dünýäsine hem ylham boldy. Çarwadarlaryň oýunlary türki dünýä mahsus meşhur oýunlary özünde jemleýär. Şu ýerde Gündogaryň beýik akyldary Magtymguly Pyragyny ýatlaman geçmek bolmaz. Bir wagtlar Moskwada aspiranturada okan ýyllarymda türkmen ýigitleri maňa Magtymguly barada köp zatlary aýdyp beripdiler. Soň ony özüm hem ürç edip öwrendim. Akyldar şahyryň döredijiligi çuňňur ylma ýugrulan. Men beýik akyldaryň döredijiligine uly hormat goýýaryn.

12 Sentýabr 2024

Garaşsyzlyk

Astana agşamy: ymgyr sähradaky duşuşyk

Gahryman Arkadagymyzyň Gazagystan Respublikasyna iş sapary hakda söhbet Biri-biriňe myhmançylyga, görme-görşe barmak, gadyrly gatnaşmak, baýramyna begenmek gadymdan bäri ynamyň, ynanyşmagyň iň asylly ýörelgeleriniň özenidir. Halklaryň arasynda hem şeýle ýörelgeler mäkäm dowam edip gelýär. Hormatly Prezidentimiziň, Gahryman Arkadagymyzyň daşary ýurtlara bolan iş saparlary hoşniýetli, dostana gatnaşyklaryň nusgasydyr. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 8-nji sentýabrda Gazagystan Respublikasyna amala aşyran iş saparynyň özi hem aýdanlarymyzy tassyk edýär.

12 Sentýabr 2024

Garaşsyzlyk

Dünýä nusgalyk «akylly» şäher

Golaýda Arkadag şäheriniň häkimliginde «Arkadag şäheri — dünýä nusgalyk «akylly» şäher» atly hoşallyk maslahaty geçirildi. Türkmen wekiliýetiniň Koreýa Respublikasynda «World Smart City Expo» atly halkara sergä gatnaşyp, onuň çäklerinde Arkadag şäheriniň üç sany baýraga mynasyp bolmagyna bagyşlanyp geçirilen bu maslahata Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy, Arkadag şäheriniň häkimi, edara-kärhanalaryň ýolbaşçylary, il sylagly ýaşulular, kümüş saçly eneler, «akylly» şäherde zähmet çekýän işgärler, jemgyýetçilik guramalarynyň, köpçülikleýin habar beriş serişdeleriniň wekilleri hem-de talyp ýaşlar gatnaşdylar. Bu dabaraly maslahata gatnaşanlar, ilki bilen, Arkadag şäheriniň häkimliginiň eýwanynda guralan sergä syn etdiler. Bu sergide «akylly» şäheriň ýeten üstünlikleri hem-de indi gurulmagy meýilleşdirilýän binalaryň şekilleri sergilendi.

12 Sentýabr 2024

Jemgyýet

Maslahatly il myrada ýeter

«Pähim-paýhas ummany Magtymguly Pyragy» ýylynda mukaddes Garaşsyzlygymyzyň şanly 33 ýyllygynyň öňüsyrasynda ak mermerli paýtagtymyz Aşgabatdaky Maslahat köşgünde Türkmenistanyň Halk Maslahatynyň nobatdaky mejlisi geçiriler. Halk häkimiýetiniň ýokary wekilçilikli guramasy bolan Türkmenistanyň Halk Maslahatynda Garaşsyz, hemişelik Bitarap Türkmenistan döwletimiziň ösüş ýollarynda gazanylan üstünliklerine mynasyp baha berlip, geljekde ýurdumyzyň ykdysady, syýasy, medeni durmuşynda amala aşyrylmaly wezipeler kesgitleniler. 1991-nji ýylda başy başlanan täze taryhy döwürde Garaşsyz, hemişelik Bitarap Watanymyzyň syýasy, ykdysady, durmuş we medeni taýdan ýokary depginlerdäki ösüşini üpjün etmekde, Garaşsyzlygymyzyň we Bitaraplygymyzyň binýadyny has-da berkitmekde ýurdumyzda ägirt uly işler durmuşa geçirilip gelinýär. Şol beýik işleriň çözgüdi Türkmenistanyň Halk Maslahatynda ara alnyp maslahatlaşylýar.

12 Sentýabr 2024

Garaşsyzlyk

Innowasion şäher

«Akylly» şäher ulgamy esasynda dolandyrylýan şäheriň bina edilmegi döwrüň talaplaryndan ugur almak hem-de ekologiýa taýdan arassa gurşawy döretmek maksady bilen amala aşyrylan iri taslamadyr. Bu iri möçberli taslamanyň üstünlikli amala aşyrylmagy üçin Gahryman Arkadagymyzyň birnäçe işleri durmuşa geçirmegi, onuň gurluşygy bilen ýygy-ýygydan tanşyp, özüniň gymmatly maslahatlaryny bermegi şäheriň gurluşygynyň dünýä ülňüleriniň talaplaryna laýyklykda alnyp barylmagyna şert döretdi. Arkadag şäherinde sanly tehnologiýalaryň, intellektual ulgamlaryň ornaşdyrylmagy «akylly» şäher konsepsiýasynyň üstünlikli durmuşa geçirilýändiginiň subutnamasydyr. Arkadag şäheriniň esasy aýratynlyklaryndan biri, şäheriň dürli taraplaryna gözegçilik etmek üçin IoT tilsimçeleriniň ulanylmagydyr. Mysal üçin, şäher ulag akymyna gözegçilik etmek we ulag dolandyryşynyň gabyllygy üçin tilsimçeleri ulanýar. Şeýle hem tilsimçeler howanyň hiline we şertlerine gözegçilik edýärler. Bu şäherde howanyň hilini ýokarlandyrmaga we howa hadysalarynyň aşa bolan ýagdaýynda degişli çäre görmäge mümkinçilik berýär.

12 Sentýabr 2024

Tehnologiýa

Arkadagly ýaş zehinler ýeňişlerden serpaýly

Perhat BABAÝEW,Arkadag şäherindäki iňlis diline ýöriteleşdirilen 3-nji orta mekdebiň 9-njy synp okuwçysy: — Kiçiligimden bäri aýdym-saza höwes edýärin. Aýdym aýdyp, saz çalyp ençeme gezek teleýaýlymlarda, çärelerde çykyş etdim. Okuwymdan daşgary Aşgabat şäherindäki 6-njy çagalar sungat mekdebine hem gatnaýaryn. Ol ýerde milli saz guralymyz dutar çalmagy öwrenýärin. Maşgalamyzda kakam, doganlarym, gelnejem ählisi aýdym-sazdan baş çykarýarlar. Menem onuň inçe tärlerini ilkibaşda kakamdan öwrendim. Soňra halk aýdymlaryny ýerine ýetirmek boýunça Allaýar Melejäýew, estrada aýdymlary boýunça Şatlyk Amanlykow halypalyk etdiler. «Garaşsyzlygyň merjen däneleri» bäsleşigine-de Şatlyk halypamyň öwreden «Arkadag şäheri — bagtyň şäheri» diýen aýdym bilen gatnaşdym. Şu ýylyň başynda Gulbaba adyndaky çagalar baýragyna-da mynasyp boldum. Bize şeýle mümkinçilikleri döredip berýän Gahryman Arkadagymyza, Arkadagly Gahryman Serdarymyza köp-köp sagbolsun aýdýaryn.

12 Sentýabr 2024

Medeniýet