"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Haýyr işleriň hasyly

◆ 2021-nji ýylyň 29-njy martynda Howandarlyga mätäç çagalara hemaýat bermek boýunça haýyr-sahawat gaznasy döredildi. ◆ Haýyr-sahawat edarasynyň döredilen gününiň özünde, Türkmenistanyň Mejlisi Howandarlyga mätäç çagalara hemaýat bermek boýunça haýyr-sahawat gaznasyna Gahryman Arkadagymyz Gurbanguly Berdimuhamedowyň adyny dakmak hakynda karar çykardy.

16 Awgust 2023

Garaşsyzlyk

Arkadagly nesiller

Türkmen halkynyň Milli Lideri Arkadag şäheriniň saglygy goraýyş edaralarynyň işi bilen tanyşlygyň barşynda täze şäheriň çäginde ýerleşýän Gurbanguly Berdimuhamedow adyndaky çagalar sagaldyş-dikeldiş merkezine geldi. Bu ýerde merkeziň ýolbaşçysy M.Öküzowa alnyp barylýan işler, näsaglaryň saglyk ýagdaýlary barada hasabat berdi. Gahryman Arkadagymyz merkezde çagalaryň alýan bejergileriniň netijeleri bilen gyzyklandy. Merkeziň lukmany bejergi alýan çagalaryň daýanç-hereket ediş agzalarynyň işini dikeltmek üçin döredilen mümkinçilikler, bölümde gurnalan enjamlaryň aýratynlyklary barada gürrüň berdi. Lukman Arkadagymyz çagalar bilen söhbetdeş bolup, olaryň hal-ýagdaýlary bilen gyzyklandy. Çagalaryň ejeleri bu ýerde ähli amatlyklaryň döredilendigini, lukmanlaryň tagallasy bilen bejergide üstünlikleriň gazanylandygyny gürrüň berip, Gahryman Arkadagymyza tüýs ýürekden hoşallyklaryny beýan etdiler. Türkmen halkynyň Milli Lideri çagalaryň tiz sagaljakdyklaryna ynam bildirip, olara sowgatlaryny gowşurdy hem-de lukmanlara ýüzlenip, hünär derejelerini yzygiderli kämilleşdirmek, dünýäniň ösen tejribesini işjeň özleşdirmek meselelerine jogapkärçilikli çemeleşmegiň zerurdygyny belledi.

16 Awgust 2023

Garaşsyzlyk

Arkadag!

Belent başa täç edinip halkyny,Jahan ýollaryna ugran Arkadag!Gün dogdy — äleme düşdi ýalkymy, Ykballary çoýdy şuglaň, Arkadag! Bag — bagdyr irginsiz idegi bilen.Milletler tanalar Lideri bilen.Özün giň jahana söýdüribilenAk ýoluňyz bagta perman, Arkadag!

16 Awgust 2023

Edebiýat

Lukman Arkadagymyzyň saglyk taglymaty

Saglyk adama berlen iň uly gymmatlyklaryň biridir. Ony gorap saklamak, berkitmek her birimiziň borjumyzdyr. Hut şoňa görä-de, ata Watanymyzda halkymyzyň saglygy baradaky alada ileri tutulýan döwlet wezipeleriniň derejesine çykaryldy. Soňky ýyllarda saglygy goraýyş ulgamynyň milli nusgasynyň döredilmegi bu wezipäniň üstünlikli çözülýändiginiň aýdyň subutnamasydyr. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň baştutanlygynda işlenip taýýarlanylan hem-de hormatly Prezidentimiz Serdar Berdimuhamedow tarapyndan üstünlikli dowam etdirilýän «Saglyk» Döwlet maksatnamasyna laýyklykda, bu ulgamy mundan beýläk-de ösdürmek boýunça toplumlaýyn çäreler görülýär.

16 Awgust 2023

Saglyk

Mertlik mekdebiniň serkerdesi

«Ata göreldesi — ogla, ene göreldesi gyza ýörelge» diýen jümle serime gelýär. Sebäbi meniň kakamdan öwrenen, göz alan zatlarym gaty kän. Kakam meniň ruhy dünýäme mertligi, lebizliligi, ygrarlylygy, durmuşa çydamlylygy, birsözlüligi... ýene kän-kän derwaýys düşünjeleri ornaşdyrdy. Belki, bu düşünjeler söz bilen däl-de, kakamyň hereketlerinden hem-de nesil dowamatyndan geçendir. Gahryman Arkadagymyzyň «Ömrümiň manysynyň dowamaty» atly kitabyndan.

16 Awgust 2023

Jemgyýet

XXI asyryň şähergurluşygynyň täze nusgasy

Arkadag şäheri türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlangyjy bilen ýaýbaňlandyrylan we häzirki döwürde hormatly Prezidentimiz Serdar Berdimuhamedow tarapyndan dowam etdirilýän iri şähergurluşyk taslamasydyr. Bu taslama şähergurluşygyň düýpgöter täze maksadyny we wezipesini öňe süren we amal etmäge gönükdirilen başlangyçdyr. Şol maksat bu taslamada alym Arkadagymyzyň tebigat bilen ösüşlere eýe bolýan jemgyýetiň arasyndaky sazlaşygy dikeltmek taglymatynyň esasynda nusgalyk görnüşde amala aşyrylýar. Biziň geçen nesillerimiz tebigat bilen adamyň aýrylmaz arabaglanyşygynyň netijesinde, akylyňy haýran ediji kämil gymmatlyklary — halyny, ahalteke bedewini, türkmeniň gaýtalanmaýan şygryýetini we aýdym-sazyny döredipdirler. Olaryň üsti bilen, tebigat bilen berk sazlaşyga esas bolan sagdyn durmuş ýörelgelerini kemala getiripdirler. Bu bolsa şol döredijilikli türkmeniň dünýä «tebigat» hökmünde garap, ony dolulygyna öz durkuna geçirmegi başaranlygyndadyr.

16 Awgust 2023

Garaşsyzlyk

Köpugurly hassahana

Arkadag şäheri halkyň saglygy baradaky çynlakaý tagallalaryň belent nusgasyny özünde jemleýär. Şäherde gurlup ulanmaga berlen birnäçe saglyk binalarynyň içinde 350 orunlyk döwrebap köpugurly hassahanasy hem halkyň saglygyny berkitmek, ýokary hilli saglygy goraýyş hyzmatlaryny ýerine ýetirmek babatdaky aladanyň aýdyň mysalydyr. Hassahana ýokary derejeli we köptaraplaýyn lukmançylyk kömegini bermek üçin niýetlenip, bu ýerde 37 bölüm hereket edýär. Hassahananyň keseli anyklaýyş we maslahat beriş bölümi, terapewt, hirurg, oftalmolog, gulak-burun-bokurdak, urolog, trawmatolog, stomatolog, newropatolog, endokrinolog, pulmonolog, neýrohirurg, surdolog, angiohirurg lukmanlary ýaly inçe hünärmenleriň otaglaryndan ybaratdyr. Barlaghana bölüminde klinik barlaghana, biohimiýa, baktereologiýa otaglary bolup, häzirki zaman lukmançylykda ýerine ýetirilýän barlaglaryň döwrebap görnüşlerini geçirmeklige uly mümkinçilikleri döredýär. Bu ýerdäki operasiýa zallarynda ornaşdyrylan dünýäniň öňdebaryjy önüm öndürijileriniň, kämil lukmançylyk enjamlary köpugurly, çylşyrymly operasiýalary geçirmäge we operasiýadan soňky gaýraüzülmeleriň derejesini peseltmäge ýardam berýär.

16 Awgust 2023

Saglyk

Sportuň merkezinde

Sagdynlygyň mekany bolan ýurdumyzyň dünýä nusgalyk täze şäherine sport we bedenterbiýe maksatly binalar aýratyn gelşik berýär. Bu ýerde Arkadag şäheriniň bedenterbiýe we sport baradaky Baş müdirliginiň merkezi edarasy, Köpugurly sport toplumy, şäheriň adybir 10 000 orunlyk stadiony gurlup ulanmaga berildi. Şeýle-de bu sanawa makalamyzda beýany ýerleşjek Sport merkezini hem goşmak bolar. Tomus paslynda suw hakda söhbet etmek ýakymly. Şonuň üçin hem biz degişli sport merkezi bilen tanyşlygy binanyň suwly böleginden başlamagy makul bildik. Ýeri gelende bellesek, iki gatdan ybarat merkeziň görnükli bölegini hem suw howuzlary tutýar.

16 Awgust 2023

Sport

Belent maksatlary nazarlap

Türkmen halkynyň Milli Lideri Gahryman Arkadagymyzyň «Döwlet adam üçindir!» diýen taglymaty häzirki günde Arkadagly Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesi bilen jebis ýagdaýda utgaşýar. Şu ýylyň 18-nji iýulynda paýtagtymyzyň gözel künjeginde ýerleşýän Maslahatlar merkezinde geçirilen Türkmenistanyň Halk Maslahatynyň Prezidiumynyň mejlisinde Türkmenistanyň Halk Maslahatynyň Başlygy Gurbanguly Berdimuhamedowyň eden çuň manyly çykyşynda nygtaýşy ýaly, türkmen halkynyň döwletlilik ýörelgeleri öz gözbaşyny adam hakdaky aladadan, ýurt abadançylygyndan, adamkärçiligiň ynsanperwerlik ýörelgesinden alyp gaýdýar. Şunda döwlet ähmiýetli meseleleri çözmek, ýurdumyzda durmuşa geçirilýän maksatnamalaryň ýerine ýetirilmegine halk köpçüligini giňden çekmek, teklipleri işläp taýýarlamak, halkymyzyň agzybirligini, bitewüligini, jebisligini, asudalygyny berkitmäge hem-de Garaşsyz, hemişelik Bitarap döwletimiziň has-da kuwwatlanmagyna ýardam bermek Türkmenistanyň Halk Maslahatynyň baş maksady we esasy wezipesi bolup durýar. Halkymyzda döwletli bir işiň başy tutulanda ýaşulularyň öwüt-ündewini, maslahatlaryny diňlemek, olaryň ak pata bermegi bilen döwletli işlere badalga bermek asylly däbe öwrüldi. Çünki geçmiş tejribesi, ýaşulularyň pähim-paýhasy halkyň ertirki geljeginiň basgançagydyr. Türkmenistanyň Halk Maslahatynyň mejlisini döwle

16 Awgust 2023

Syýasat

Ýaşlygyň ýaýlasynda

Hormatly Prezidentimiz: «Ýaşlar guramasynyň gujur-gaýratly agzalarynyň, ýurdumyzyň watansöýüji, ylymly, bilimli, dörediji we gurujy ýaşlarynyň ählisiniň jemgyýetimizde durnuklylygy, bitewüligi pugtalandyrmaga işjeň gatnaşjakdyklaryna, eziz Watanymyzyň mundan beýläk-de gülläp ösmeginiň, bütin dünýädäki abraý-mertebesiniň belende göterilmeginiň bähbidine ak ýürekden, yhlasly zähmet çekjekdiklerine berk ynanýaryn» diýýär. Türkmenistanyň Magtymguly adyndaky Ýaşlar guramasynyň Arkadag şäheriniň Geňeşi beýik ynamy ödemek maksady bilen netijeli işleri alyp barýar. Hut şeýle beýik maksatdan ugur alyp, şu günler «Ýaşlaryň şäheri» adyna eýe bolan Arkadag şäheriniň dürli edara-kärhanalarynda, ylym-bilim, saglygy goraýyş, medeniýet we beýleki ulgamlarda ilkinji ýaşlar guramalaryny döretmek we ol ýerlerde zähmet çekýän öňdebaryjy ýaşlary Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň agzalygyna kabul etmek boýunça işler guramaçylykly alnyp barylýar.

16 Awgust 2023

Syýasat

Ýene ýeňiş ýaran

Ýakynda «Arkadag» topary ilkinji daşary ýurtdaky okuw-türgenleşik ýygnanyşygynyň çäginde geçiren ýoldaşlyk duşuşyklaryndaky ýeňişli tapgyryny Türkmenistanyň çempionatynda hem dowam etdirdi. 12-nji tapgyryň çäginde paýtagtdaky «Nusaý» stadionynda «Köpetdag» bilen güýç synanyşan şäherimiziň topary güýçli garşydaşyndan 3:2 hasabynda üstün çykdy. Duşuşykda «Arkadag» toparynyň gollaryny 22-nji minutda Şanazar Tirkişow, 49-njy minutda Begmyrat Baýow (11 metrlik jerime urgusyndan), 82-nji minutda bolsa Meýlis Durdyýew geçirdi. «Köpetdag» bu gollara diňe Aly Zülfakaryň 80-nji, Döwletmyrat Seýitmuhammedowyň bolsa 83-nji minutdaky gollary bilen jogap berip bildi.

16 Awgust 2023

Sport

Gymmatly baýlygyň gadyry

Ýaňy-ýakynda türkmen halkynyň Milli Lideri Gahryman Arkadagymyzyň Arkadag şäherine gelip, lukmançylyk edaralarynyň işi bilen tanyşmagy mynasybetli şäheriň köpugurly hassahanasynda hoşallyk maslahaty geçirildi. Saglygy goraýyş işgärleriniň gatnaşmagynda geçen bu maslahatda çykyş edenler ýurdumyzda hereket edýän «Saglyk» Döwlet maksatnamasynyň çäklerinde raýatlaryň we nesilleriň saglygynyň goralmagy ugrunda durmuşa geçirilýän uly işler we bu babatda lukman Arkadagymyzyň görkezýän nusgalyk göreldesi hakda buýsanç bilen belläp geçdiler. Hoşallyk maslahatynyň çäginde çärä gatnaşanlar Gahryman Arkadagymyzyň «Türkmenistanyň dermanlyk ösümlikleri» atly köp jiltli ylmy-ensiklopedik eserinde ýerleşdirilen ot-çöplerden guralan täsirli sergini synladylar, şeýle-de olara şol ot-çöplerden taýýarlanan melhemlik çaýlar hödürlenildi.

16 Awgust 2023

Jemgyýet

Adaty üzüm

— Üzüm öt haltasynyň kesellerine haýyrly. Ondan sykylyp alnan şiresi içgeçmäni we gusmany aýyrmakda iň oňat serişdedir. — Sykylyp alnan üzüm şiresine narpyz ýa-da burç garyp içmek ýürek bulanmany dessine kesýär.

16 Awgust 2023

Saglyk

Ol goja senetkär...

«Kiçiligimden bäri meniň üçin, atam-enemiň sözleriniň ýeri bir aýry, dutaryň owazam bir aýry boldy» diýip, türkmen dutaryna uly sarpa goýýan halypa mugallym hem ussa bu senedi ele almazdan öň, alnyňa sylmagy ündeýär. Il içinde Öwez mugallym diýip tanalýan Meretmyrat Amansähedow 1943-nji ýylyň 15-nji sentýabrynda Gökdepe etrabynyň Ahal obasynda dogulýar. Biregne 56 ýyl bäri obalaryndaky 5-nji orta mekdepde rus dili we edebiýaty mugallymy bolup zähmet çekip gelýän, pespäl, hoşgylaw goja, aýdymda aýdylyşy ýaly, «Bu türkmeniň goşa-goşa täjiniň...» biri — dutar ýasamagy hem hünär edinen adam. Biz hem dutar senetçiligini söýüp, ony hünär edinen halypa ussa Öwez aga birnäçe sowal bilen ýüz tutmagy makul bildik. — Öwez aga, dutar senetçiligine baş goşmagyňyza näme sebäp boldy?

16 Awgust 2023

Miras

Ependiniň şorta sözleri

Diňe sarysy galypdyr Günlerde bir gün Ependiden: — Erik agajy nähili agaç bolmaly? — diýip sorapdyrlar. Ependi: — Ol agaç bir wagtlar ýumurtga getirýän agaç eken. Onsoň günlerde bir gün güýçli doly ýagyp, ýumurtgalaryň agy gidipdir. Ine, şondan soň onuň diňe sarysy galypdyr. Olary hem indi siz ol agaçda görýärsiňiz — diýip jogap beripdir.

16 Awgust 2023

Miras

Aşgabat duşuşygy: üçtaraplaýyn tagallalar rowaçlanýar

4-nji awgustda Aşgabatda Türkmenistanyň Prezidenti Serdar Berdimuhamedowyň, Täjigistan Respublikasynyň Prezidenti Emomali Rahmonyň we Özbegistan Respublikasynyň Prezidenti Şawkat Mirziýoýewiň gatnaşmagynda üçtaraplaýyn sammit geçirildi. Hormatly Prezidentimiz sammitde eden çykyşynda durnukly suw üpjünçiligi, energetika, ulag, söwda ulgamyndaky hyzmatdaşlygyň möhüm ugurlaryň hatarynda durýandygyny belledi.

9 Awgust 2023

Syýasat

Türkmenistan — Täjigistan: ygtybarly hyzmatdaşlygyň binýady

Türkmen-täjik hyzmatdaşlygy geçen 30 ýyldan gowrak wagtyň içinde deňhukuklylyk, hoşniýetli goňşuçylyk, özara bähbitli hyzmatdaşlyk ýaly binýatlyk ýörelgelere daýanýar. Aşgabatda geçirilen Türkmenistanyň, Täjigistan Respublikasynyň, Özbegistan Respublikasynyň Prezidentleriniň ýokary derejeli üçtaraplaýyn sammiti hem bu ugurda bar bolan geljegi uly mümkinçilikleri doganlyk halklaryň bähbidine gönükdirmekde möhüm ädim boldy. 4-nji awgustda şanly waka mynasybetli ýurdumyza resmi sapar bilen gelen Täjigistan Respublikasynyň Prezidenti Emomali Rahmon türkmen halkynyň Milli Lideri Gurbanguly Berdimuhamedow bilen duşuşdy. Täjigistan Respublikasynyň Prezidenti çakylyk we mähirli kabul edilendigi üçin hoşallyk bildirip, ýokary derejeli üçtaraplaýyn sammite köpugurly döwletara hyzmatdaşlygyň gün tertibiniň meseleleri boýunça pikir alyşmak üçin nobatdaky mümkinçilik hökmünde garaýandygyny nygtady. Dostlukly döwletiň Baştutany strategik hyzmatdaşlygyň has-da berkidilýändigine kanagatlanma bildirip, täjik tarapynyň iki ýurduň gatnaşyklarynyň ähli ugurlarynyň ilerledilmegi we pugtalandyrylmagy boýunça bilelikde maksadalaýyk tagallalary etmäge taýýardygyny aýtdy. Türkmen halkynyň Milli Lideri, öz nobatynda, ikitaraplaýyn gatnaşyklar meselesine degip geçip, Türkmenistanyň Täjigistan bilen deňhukukly gatnaşyklara, sylag-hormata, birek-birege goldaw bermäge esaslanýan, däp bolup gelýän özar

9 Awgust 2023

Syýasat

Nesillere dowamat-dowam

3-nji awgustda türkmen halkynyň Milli Lideri Gahryman Arkadagymyzyň maşgalasy Ogulgerek Berdimuhamedowa öz agtyklary bilen Ogulabat ejäniň nusgalyk el işini sarpalap, mähriban enäniň ören alajasyny hem-de alaja örmekde ulanan iş guralyny Türkmenistanyň Döwlet medeniýet merkeziniň Döwlet muzeýine gowşurdy. Munuň özi türkmen zenanlarynyň asyrlaryň dowamynda döreden el işleriniň häzirki döwrüň ruhuna kybap derejede ösdürilýändiginiň nobatdaky beýanyna öwrüldi. Beýik Ogly dünýä beren beýik enäniň elinden çykan nepislikler bilen muzeý gymmatlyklarynyň üstüniň ýetirilmegi örän guwandyryjydyr. Ogulgerek Berdimuhamedowa özüniň mähriban gaýynenesiniň zenan mertebesine aýratyn ähmiýet berendigi hem-de el hünäriniň gelin-gyzlar üçin asylly ýörelgä öwrülmelidigi barada aýdan paýhasly sargytlary barada gürrüň berdi. Ogulabat eje alaja taýýarlamakda ulanylýan guralyň güjüm agajyndan edilýändigi, şunda güjümiň öserine zeper ýetirmän, onuň şahasyndan almalydygy barada çowlugy Kerimgula gürrüň berer eken. Bularyň ählisi durmuş ýoly görelde mekdebine öwrülen Ogulabat ejäniň tebigata örän aýawly çemeleşmek barada gymmatly maslahatlary berendigini görkezýär.

9 Awgust 2023

Miras

Sünnä sungata sarpa

Alaja! Owalbaşda Arşdan inende alaja sallançakbagy bolup inipdir. Bu hakda il arasynda şeýleräk bir rowaýat bar. Çagajyk dünýä inmeli bolanda özüni ýaradyp, jan berip, ykbal ýazgydyny ýazanlara: «Men bu jenneti dergähden gidip, ol ýerde nädip ýaşaryn?!» diýip ýüzlenenmiş. Şonda olar: «Seni ol ýerde bir perişde garşylar. Onuň ady Ene! Ol saňa gursagyndan süýt berer. Bu jenneti howalary howalandyryp, bu jenneti owazlary owazlandyryp, Arşdan saňa sallançak ibereris. Onuň bagy, ynsanyň ömri bolan gije bilen gündizden ýüpek ýa-da ýüň baglara çaýylyp örülendir. Ene şol bagyň ujundan tutup, sallançagy üwrär. Sallançagyň bagy enäniň elinde bolsa-da, onuň ujy ýüregine berkidilendir. Ene hüwdi aýdar, owazy jennetiň owazydyr. Enäniň hüwdüdäki arzuwlary bolsa, seniň ykbalyň düýp binýadyny tutar» diýip jogap beripdirler.

9 Awgust 2023

Medeniýet

Geljegiň şäherinde geçmişe syýahat

Arkadag şäherindäki Taryhy we ülkäni öwreniş muzeýi döwrebaplygy bilen tapawutlanýar. Onda QR-kod hyzmatlary ulanyşa girizildi. Şonuň üçin ykjam telefonda QR-kody ulanmak arkaly muzeý ekspozisiýasynda ýerleşdirilen her bir gymmatlyk barada giňişleýin maglumaty bilmäge mümkinçilik bar. Muzeý ekspozisiýasynyň başynda, ýagny girelgede multimedia ekranda Arkadag şäheri barada wideoşekil görkezilýär hem-de muzeý ekspozisiýasy hakda maglumat beýan edilýär. Muzeý ekspozisiýasynda Garaşsyzlyk, taryh, etnografiýa, tebigat we sungat bölümleri bar. Garaşsyzlyk bölüminde Arkadag şäheriniň häzirki zaman ösüşini görkezýän maglumatlar suratlaryň we gymmatlyklaryň üsti bilen beýan edilýär.

9 Awgust 2023

Medeniýet