"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Şahsyýetlere şan şäher

Geçmişde öçmejek yz galdyran merdana pederlerimiziň adyny ebedileşdirmek, olaryň geçen şöhratly ýoluny geljekki nesiller üçin terbiýe mekdebine öwürmek ýurdumyzda ileri tutulýan asylly işleriň biridir. Türkmenistanyň Mejlisiniň kararyna laýyklykda, Arkadag şäherinde gurlan bilim, saglygy goraýyş, medeniýet edaralaryna we sungat binasyna türkmen halkynyň görnükli şahsyýetleriniň atlarynyň dakylmagy munuň buýsandyryjy subutnamasydyr. Halkara atçylyk akademiýasyna meşhur seýis, ussat atşynas, şan-şöhraty dünýä dolan ajaýyp ahalteke bedewleriniň ugurbaşy nesillerini döreden halypa seýis Aba Annaýewiň adynyň dakylmagy hem-de şäheriň çäginde ýerleşýän Aba Annaýew obasyna şäherçe derejesiniň berilmegi öz hünäriniň çyn eýesi bolan şahsyýete il-halkynyň hormatyndan nyşandyr.

26 Iýul 2023

Taryh

Saýlamak — ynamdan, saýlanmak — ygrardan

Bu, esasan-da, ýurduň, halkyň ykbaly bilen bagly meselelerde şeýle. Özüňe bildirilen belent ynama yrylmaz ygrar bilen jogap bermegi başarmak üçin sende watansöýüjilik, adamkärçilik, zähmetsöýerlik, erjellik ýaly birnäçe asylly häsiýetleriň, giň gözýetimiň, çuň paýhasyň bolmagy hökmany. Il ynamyna eýe bolan ynsan, Watan ykbalyna dahylly işlere goşant goşmak bagtyna hem eýedir. Halkymyzda ata-babalarymyzdan gelýän şu günlere çenli hem ähmiýetini ýitirmedik «Il gözi — terezi» diýen örän jaýdar nakyl bar. Hakykatdanam, il gözi — seniň kimdigiňi, nähili ynsandygyňy, ýeten hem-de ýetip biljek derejäňi kesgitleýän adyl terezi. Şol adyl terezide mynasyp ölçege eýe bolup bilmäge dyrjaşmak bolsa, kämil şahsyýet bolmaga ymtylýan her bir kişä mahsus ýagdaýdyr. 23-nji iýulda geçirilen Arkadag şäheriniň Kärizek etrabynyň Aba Annaýew şäherçesiniň Geňeş agzalarynyň saýlawlary hem halkyň saýlawynyň elmydama ýerine düşýändigini we mynasyp ynsanlary öňe çykarýandygyny ýene bir gezek subut etdi.

26 Iýul 2023

Jemgyýet

Gahryman Arkadagymyz!

Nesillere nusga Siziň ömrüňiz,Görkezýäňiz ýoluň her bir öwrümin.Ýyl ýazgysy Watanmyzyň, döwrümiň,Ösüşlere ugr açýaňyz, Arkadag!Geljegmize nur saçýaňyz, Arkadag! Okap bir şöhratly ömrüň manysyn,Görýäň bagta barýan akyl gämisin.Gorap bagtyn, halkyň aryn-namysyn,Şanly ömür göreldedir, Arkadag!Nesillere ýörelgedir, Arkadag!

26 Iýul 2023

Edebiýat

Täze bilim ojaklarynyň ilkinji dalaşgärleri

Häzirki wagtda paýtagtymyzda, şol sanda welaýat merkezlerinde talyplyga dalaşgär ýaşlaryň resminamalaryny kabul etmek işi gyzgalaňly dowam edýär. Ak bugdaý etrabyndaky degişli mekdeplerde hem bu işler döwrüň talabyna laýyklykda, ýokary guramaçylykly alnyp barylýar. Ir ertirden gijagşama çenli, yzyny üzmän diýen ýaly resminamalaryny tabşyrmaga gelýän ýaşlar mähirli garşylanyp, gerekli ýerinde düşündiriş maslahatlar berilýär. Bu bolsa talyplyk dünýäsiniň gapysyndan ätlemäge höwesek ýaşlaryň göwün guşuny ganatlandyrýar. Bu ýyl talyplyk dünýäsiniň gapysyndan ätlejek oglan-gyzlary uly mümkinçilikleriň eýesi diýip, buýsanç bilen atlandyrmaga doly esas bar. Çünki ol ýaşlaryň içinde 29-njy iýunda birinji tapgyry açylyp, ulanmaga berlen Arkadag şäherindäki Aba Annaýew adyndaky Halkara atçylyk akademiýasynyň, Berdimuhamet Annaýew adyndaky Arkadag şäher mugallymçylyk orta hünär okuw mekdebiniň we Saçly Dursunowa adyndaky Arkadag şäher lukmançylyk orta hünär okuw mekdebiniň ilkinji talyplary bolmak bagtyna eýe boljaklary hem az däl. Munuň şeýledigini, bu ugurda degişli ýerlere resminamalaryny tabşyran ýaşlaryň günbe-günden köpelýän san görkezijisi hem aýdyň subut edýär.

26 Iýul 2023

Bilim

Suw — saglygyň sakasy

✓ Tomus paslynda günde içiljek suwuň mukdary 2-3 litrden az bolmaly däldir. ✓ Yssy howada gyzyp geleniňden soňra, şolbada suwa düşmek nädogrudyr.

26 Iýul 2023

Saglyk

Il sylagly ýaşulular Arkadag şäherinde boldular

Öňňin Gurbanguly Berdimuhamedow adyndaky Howandyrlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň agzalary türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Maslahatlar merkezinde geçirilen Türkmenistanyň Halk Maslahatynyň Prezidiumynyň barşynda eden teklibinden ugur alyp, Arkadag şäherinde gezelençde boldular. Turuwbaşdan, özboluşly mana eýe bolan gezelenjiň dowamynda «ýaşlaryň şäheriniň» gözel künjeklerini, şeýle-de «Arkadag Binasyny» höwes bilen synlan ýaşuly nesliň wekilleri Gurbanguly Berdimuhamedow adyndaky çagalar sagaldyş-dikeldiş merkezine hem baryp gördüler. Ýaşulular merkeziň alyp barýan işleri bilen tanşanlaryndan soň, bejeriş otaglaryna aýlanyp, çagalaryň saglygyny dikeldip, wagtlaryny hoş geçirmekleri üçin ýokary derejeli şertleriň döredilendiginiň şaýady boldular. «Akylly» şähere edilen bu gezelenç il sylagly ýaşulularyň kalbynda döwrümize bolan buýsanjy has-da artdyrdy.

19 Iýul 2023

Jemgyýet

Haýyr-sahawat işlerine hoşallyk

Düýn Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasyna Ukraina döwletinden hoşallyk hatlarynyň gelip gowuşmagy mynasybetli çäre geçirildi. Arkadag şäherinde ýerleşýän Gurbanguly Berdimuhamedow adyndaky çagalar sagaldyş-dikeldiş merkezinde geçirilen bu çäre ýürekdeşlik, ynsanperwerlik ýaly belent duýgulardan gözbaş alan ýagşy işleriň kalplarda tutýan ornunyň näderejede uludygyny görkezdi. Çärä Türkmenistanyň Ministrler Kabinetiniň Başlygynyň orunbasary, daşary işler ministri, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň Müdiriýetiniň agzalary, Arkadag şäheriniň häkimi, köpçülikleýin habar beriş serişdeleriniň ýolbaşçylary, şeýle hem Ukrainanyň Türkmenistandaky Adatdan daşary we Doly ygtyýarly ilçisi gatnaşdy.

19 Iýul 2023

Garaşsyzlyk

Beýik ogluň ýüreginiň ýagy sen, Arkadag kalbyndan dörän şäherim!

Bu bir görlen zatmydyr?! Taryhy ýatlasaňam, birin-birin sahypalaryny gatlasaňam, beýle ullakan açyşy, döwletli işi tapaýmarsyň. Ählisiniň sakasynda Milli Liderimiz Gahryman Arkadagymyz, hormatly Prezidentimiz Arkadagly Serdarymyz durandyr. Öz ýanymdan «Beýikleriň beýik aladasy bardyr» diýen jümläni kän gaýtalaýaryn. Ine, nusgalyk beýiklik şu! Mundan zyýada belentligi göz öňüne getirmek mümkin däl diýip hasaplaýaryn.

19 Iýul 2023

Garaşsyzlyk

Arkadag şäheri — ykdysady kuwwatyň nyşany

Göreniň gözüni guwandyrýan kaşaň ymaratlar, uzak menzilleri ýakynlaşdyrýan giň ýollar, eşretli durmuş we döredijilikli zähmet gaýnap joşýan şäherler jemgyýetiň abadançylygynyň, döwletiň kuwwatynyň, halkyň bagtyýarlygynyň görkezijileridir. Ata-babalarymyzyň asylly ýörelgelerine eýerip, gurmagyň we döretmegiň döwletli ýolunda ynamly ilerleýän eziz Diýarymyzda Gahryman Arkadagymyzyň hem-de Arkadagly Serdarymyzyň tagallalary esasynda kemala gelen Arkadag şäheriniň dünýäni haýran eden toý dabaralaryna beslenip açylmagy halkymyzyň ykbalyny nurlandyrýan bagtlylygyň, bagtyýarlygyň şuglasydyr. Abraýly halkara guramalaryň sylaglarynyň birbada 21-si bilen sylaglanylmagy bolsa täze şäheriň bütindünýä ykrarnamasyna eýe bolandygynyň nyşanydyr.

19 Iýul 2023

Garaşsyzlyk

Şäher — dünýä derejesinde

Robert FRANSEW,Bütinrussiýa döwlet teleradiogepleşikler kompaniýasynyň Merkezi Aziýa sebit bölüminiň ýolbaşçysy: — Arkadag şäheriniň açylyş dabarasyna gatnaşmak, dünýäniň dürli künjeklerinden gelen halkara habarlar agentlikleriniň, teleýaýlymlarynyň we internet-portallarynyň wekilleri bilen bilelikde, köpçülikleýin habar beriş serişdeleriniň üsti bilen «akylly» şäher baradaky habarlardyr maglumatlary halk köpçüligine ýetirmek bagtynyň miýesser edendigine diýseň buýsanýaryn. Açylyş dabarasyna Azerbaýjanyň, Ermenistanyň, Belgiýanyň, Wengriýanyň, Gruziýanyň, Hindistanyň, Eýranyň, Hytaýyň, Gyrgyzystanyň, Russiýanyň, Rumyniýanyň, Täjigistanyň, Türkiýäniň, Özbegistanyň, Fransiýanyň hem-de Ýaponiýanyň žurnalistleri gatnaşyp, täzelikleri gyzgyny bilen okyjylar hem-de tomaşaçylar köpçüligine ýetirmegi, has dogrusy, dünýä ýaýmagy başardylar. Dünýäniň 30-a golaý döwletinden gelen žurnalistler dabaranyň yzysüre Arkadag şäherinde Türkmenistanda ilkinji «ýaşyl» tehnologiýalara esaslanýan «akylly» şäheriň açylmagyna bagyşlanyp geçirilen halkara mediaforuma hem gatnaşdylar.

19 Iýul 2023

Hyzmatdaşlyk

23-nji iýul: geňeş agzalarynyň saýlawlaryna taýýarlykly barylýar

Mälim bolşy ýaly, Türkmenistanyň Mejlisiniň 2023-nji ýylyň 10-njy maýynda çykaran karary bilen, Arkadag şäheriniň Kärizek etrabynyň düzüm bölegi bolan ýaşaýyş jaý toplumyna şäherçe derejesi berildi we oňa ussat atşynas, şan-şöhraty dünýä dolan ajaýyp ahalteke bedewleriniň ugurbaşy nesillerini döreden halypa seýis Aba Annaýewiň ady dakyldy. Ol «Arkadag şäheriniň Kärizek etrabynyň Aba Annaýew şäherçesi» diýlip atlandyryldy. Şunuň bilen baglylykda, Arkadag şäheriniň Kärizek etrabynyň Aba Annaýew şäherçesiniň Geňeş agzalarynyň saýlawlaryny 2023-nji ýylyň 23-nji iýulynda, ýekşenbe güni geçirmek bellenildi. Täze Arkadag şäheriniň Kärizek etrabynyň düzüm bölegi bolan Aba Annaýew şäherçesiniň Geňeş agzalarynyň saýlawlaryna taýýarlyk we guramaçylykly işlerini Türkmenistanda Saýlawlary we sala salşyklary geçirmek boýunça merkezi topar, Arkadag şäheriniň, Kärizek etrabynyň, Aba Annaýew şäherçesiniň we uçastogyň saýlaw toparlary amala aşyrýarlar.

19 Iýul 2023

Jemgyýet

Täze şäheriň täzelikleri

Tejribelik sapagy Ýakynda ýurdumyzyň S.A.Nyýazow adyndaky Türkmen oba hojalyk uniwersitetiniň halypa mugallymlarynyň we talyplarynyň gatnaşmagynda Arkadag şäheriniň golaýyndaky almaçylyk we üzümçilik meýdanlarynda tomusky okuw-tejribe sapaklary geçirildi. Bu ýerde talyplar Köpetdagyň eteginde ýerleşýän, bagy-bossanlyga bürenip oturan ajaýyp Arkadag şäheriniň görküne görk goşýan miweçilik meýdanlarynyň hasyl beriş aýratynlygy, miweleriň görnüşleri, ösüş şertleri hakynda sowal-jogap alyşdylar we halypa mugallymlaryň geçen tejribelik sapaklarynyň üsti bilen, öz nazaryýetde alan bilimlerini berkitdiler.

19 Iýul 2023

Jemgyýet

Talyplygyň kenary

Düýnüň özünde-de arkamyza okuw torbamyzy asyp, elinden tutulyp, mekdebiň bosagasyndan eltilen aga-gara düşünmeýän çagajykdyk. Bu gün bolsa, eýýäm gazet sahypalaryndan okamagy arzuw edýän ýokary okuw mekdebimiziň giriş synaglarynyň tertibini agtaryp ýörüs. Belki-de, ynsan şeýde-şeýde, başyndan geçiren pursatlaryny her ömür menzilinde ýatlaýan bolsa gerek. Meniňem şol pursatlary ýatlasym geldi. Dört ýyl mundan öň synag tabşyrylyş güni. Demir ýol menzili. Goş torbalaryny göterip, her ýana alakjap barýan adamlar. Aslynda, şol gün men daşdan gelen ýolagçy däldim. Öýümizden synanyşjak ýokary okuw mekdebime barýardym. Demir ýol menziliniň deňinden geçip barýan awtobusda penjireden seredip oturyşyma ýaňky başagaýlyk ünsümi çekdi. Talyplyk — her kimiň çagalyk arzuwy. Gowudygyny! Üýşüp, ýokary okuwa synanyşýan ýakynlaryna goldaw bermäge gelipdirler. Garyndaşlar, dost-ýarlar. Dogrusy, şol gün meniňem ýanym boş däldi. Okuwa girjekdigime ynanýan ýeke-täk ynsan — ejem bardy.

19 Iýul 2023

Bilim

«Akylly» şäheriň «akylly» hyzmatlary

Liftli ýerüsti geçelge Bu ýerüsti geçelgede basgançaklar bilen birlikde lift hem ornaşdyrylandyr. Mümkinçiligi çäkli, gartaşan adamlara, göwreli zenanlara ýoluň beýleki tarapyna geçmekleri üçin münüp-düşmekde bu geçelge hiç hili bökdençlik döretmeýär. Munuň özi bolsa ýurdumyzda adamlaryň abadan durmuşy, ýaşaýşyň ýokary derejesi babatda ählitaraplaýyn alada edilýändigini ýene bir ýola aýdyň görkezýär.

19 Iýul 2023

Tehnologiýa

Täze şäherdäki taryhy mejlis

8-nji iýulda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň müdiriýetiniň birinji mejlisini geçirdi. Mejlise gaznanyň müdiriýet agzalary we Arkadag şäheriniň häkimi gatnaşdylar. Baş maksat — ýaş nesliň sazlaşykly ösmegi

12 Iýul 2023

Garaşsyzlyk

Gül durmuşyň gunçalary

Gahryman Arkadagymyzyň ynsanperwer başlangyçlary bilen döredilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işi berkarar döwletimizde ýaş nesliň ýokary derejede üns-alada, mähir bilen gurşalandygyna güwä geçýär. Bu gaznanyň goldawy bilen köp sanly çagalara dürli görnüşdäki operasiýalar geçirilip, olaryň saglyklary dikeldilýär, hassahanalar lukmançylyk enjamlary, «Tiz kömek» awtoulaglary bilen üpjün edilýär. Lukman Arkadagymyz hassahanalara baryp, çagalaryň saglyk ýagdaýlary bilen içgin gyzyklanýar we gymmatly maslahatlaryny berýär. Ýaňy-ýakynda Arkadag şäherinde Gahryman Arkadagymyzyň ýolbaşçylygynda geçirilen gaznanyň müdiriýetiniň birinji mejlisinde bu ugurdaky işler ara alnyp maslahatlaşyldy. Mejlisde Gahryman Arkadagymyz Howandarlyga mätäç çagalara hemaýat bermek boýunça haýyr-sahawat gaznasynyň ýanynda Ýaşulular geňeşiniň döredilendigini belläp, onuň agzalary bilen bilelikdäki işleriň ýola goýulmalydygyny aýtdy. Şunda utgaşykly işleriň alnyp barylmagyna, ösüp gelýän ýaş nesilleriň hemmetaraplaýyn kömek-goldaw bilen gurşalmagyna, olaryň ukyp-başarnyklaryny açyp görkezmekleri üçin mümkinçilikleriň döredilmegine zerur üns berilmelidir. Bu işleriň kanunçylyk taýdan berkidilmegi häzirki döwrüň möhüm talabydyr diýip, hormatly Arkadagymyz degişli ýolbaşçylara birnäçe anyk tabşyryklary berdi.

12 Iýul 2023

Jemgyýet

Arkadagyň şäheri

Gözüň aýdyň, eziz ilim, halaýyk!Çüwen bagtdyr Arkadagyň şäheri!Aýdymdan sünnäli, sazdan ajaýyp,Çyn sungatdyr Arkadagyň şäheri! Ak güllerden boglan çemen ýalydyr,Gijeleri nura çümen ýalydyr! Ylla yşkdan dörän nepis halydyr,Rowaýatdyr Arkadagyň şäheri!

12 Iýul 2023

Edebiýat

Arkadag şäheri — halkara ähmiýetli şäher

Adamzat ýaşaýşy üçin zerur bolan ýol, köpri gurmak, bina galdyrmak türkmen halkynyň asyrlaryň dowamynda sünnäläp gelen, asylly däpleriniň biridir. Ata-babalarymyzyň häzirki nesillere miras galdyran döwletlilik ýörelgeleri Berkarar döwletiň täze eýýamynyň Galkynyşy döwründe durmuş ýüzünde aýdyň beýanyny tapýar. Muny Gahryman Arkadagymyzyň, Arkadagly Serdarymyzyň tagallalary netijesinde bina bolan döwrebap şäherleriň, obalaryň ýokary hilli gurluşynyň tejribesinde görmek diýseň guwandyryjydyr. Mähriban halkymyzyň ýurdumyzyň ähli welaýatlarynda, şäherlerinde, etraplarynda, obalarynda döwrebap enjamlaşdyrylan desgalary, mekdepleri, saglyk we medeniýet öýlerini, çagalar baglaryny, kitaphanalary, döredijilik merkezlerini gurmak babatynda Milli Liderimiziň bitiren ägirt uly hyzmatlaryna goýýan beýik sarpasynyň, buýsanjynyň, guwanjynyň çägi ýokdur. Türkmenistanyň Mejlisiniň Karary bilen täze şähere Gahryman Arkadagymyzyň adynyň dakylmagy hem munuň aýdyň mysalydyr.

12 Iýul 2023

Hyzmatdaşlyk

Myhmanlara söz berýäris

Kubanyçbek OMURALIÝEW,Türki Döwletleriň Guramasynyň Baş sekretary: — Arkadag şäheriniň açylmagyna bagyşlanan çärelere ählimiz agzybirlikde gatnaşdyk. Döwrebap şäher hemmelerde uly täsir galdyrdy. Türki Döwletleriň Guramasynyň adyndan Arkadag şäherine «Türki dünýäniň ilkinji akylly şäheri» atly şahadatnamasynyň, Türki medeniýetiň halkara guramasynyň (TÜRKSOÝ) bolsa «XXI asyryň şäheri» atly ýörite şahadatnamasynyň gowşurylmagy «akylly» şäheriň ähli talaplara laýyk gelýändigini görkezýär. Biz Türkmenistanyň Prezidenti hormatly Serdar Berdimuhamedow bilen bilelikde ýaşaýyş jaýlara, saglygy goraýyş merkezlere, medeni ojaklara baryp gördük. Binalar daşky hem-de içki bezegleri boýunça «akylly» şäher konsepsiýasynyň talaplaryna laýyk gelýär. Täze şäheriň açylmagy bilen tüýs ýürekden gutlaýaryn.

12 Iýul 2023

Hyzmatdaşlyk

Sagdynlygyň we ruhubelentligiň merkezi

Arkadag şäheri döwrümiziň beýikliginiň, halk üçin bitirilýän işleriň giň gerimlidiginiň belent nusgasy bolup, göwünleri göterýär. Ol milli döwletliligiň altyn şuglasydyr. Täze Arkadag şäherinde elektromobilleriň we elektrobuslaryň hereket etmegi ekologiýa abadançylygyny üpjün etmek, arassa tebigy gurşawy emele getirmek, döwrebap, iň ýokary durmuş şertlerini döretmek bilen baglanyşykly amala aşyrylýan işleri mundan beýläk-de üstünlikli dowam etdirmäge mümkinçilik döreder. Täze şäheriň birinji tapgyrynda 336 sany bina gurlup ulanmaga berildi. Şolaryň hatarynda döwrebap Arkadag şäheriniň Saglygy goraýyş müdirliginiň, köpugurly hassahananyň, onkologiýa merkeziniň, Enäniň we çaganyň saglygyny goraýyş merkeziniň, «Tiz kömek» merkeziniň, saglyk öýüniň, saglygy goraýşyň awtoulaglar kärhanasynyň, Arassaçylyk we keselleriň ýaýramagyna garşy göreşmek gullugynyň, Saçly Dursunowa adyndaky Arkadag şäher lukmançylyk orta hünär okuw mekdebiniň, Gurbanguly Berdimuhamedow adyndaky çagalar sagaldyş-dikeldiş merkeziniň edaralary döredilip, degişli binalaryň gurluşygy ýokary derejede ýerine ýetirildi. Şäherde mümkinçiligi çäkli bolan adamlar üçin hem zerur bolan ähli amatlyklaryň döredilendigi bellärliklidir.

12 Iýul 2023

Saglyk