Dil — milletiň ruhy dünýäsi
Islendik ýurduň milliliginiň başy dildir. Dil milletiň ruhy. Onuň içki dünýäsiniň beýan edilişiniň ýeke-täk usuly. Köp dilleri öwrenip, pikirleriň beýan ediliş usullarynyň çygryny giňeltmek bolsa, türkmen ýaşlarynyň esasy maksadydyr. Aslynda, her bir halkyň geçmiş taryhyna, ruhy mirasyna nazar aýlasak, dilleri öwrenmegiň ähmiýeti, zerurlygy baradaky pikirlere köp gabat gelmek bolýar. «Köp dil bilen köp biler», «Adamyň akyllysy dil öwrener», «Dil bilen dünýäni açar». Oguz han Türkmenden gözbaş alyp gaýdýan şeýle paýhaslar dilleri öwrenmegiň möhümdigine ýene bir gezek şaýatlyk edýär. Daşary ýurt dillerini öwrenmek ýurdumyzyň ykdysady kuwwatynyň barha berkeýän, halkara hyzmatdaşlygynyň giň gerime eýe bolýan döwründe has-da uly ähmiýete eýedir. Häzirki wagtda ol diňe birek-birek bilen düşünişmek, aragatnaşyk serişdesi bolmak hyzmatyny ýerine ýetirmän, eýsem, depginli ösüşleri gazanmagyň hem möhüm ugruna öwrüldi. Watansöýüji, halal, intellektual derejesi ösen, daşary ýurt dillerini kämil bilýän hünärmenler bu günki gün ýurdumyzyň bagtyýar geljeginiň kepili bolup durýar. Şu maksatdan ugur alyp, döwletimizde kabul edilýän bilim, ylym babatdaky möhüm resminamalar, hususan-da, «Türkmenistanda sanly bilim ulgamyny ösdürmegiň Konsepsiýasy», «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasy» hem-de «Türkmenistanda daşary ýurt dillerini okatmagy käm