Türkmeniň nusgalyk alabaýy

Esaslandyryjysy: Halkara "Türkmen alabaý itleri" assosiasiýasy
Salgysy: Aşgabat şäheri, Bitarap Türkmenistan şaýoly 553/2 jaýy.
Telefon belgileri: 39-00-72

Gazeti PDF görnüşinde ýükläp almak

Habarlar

Ajaýyp baýramçylygyň şanyna

Düýn Halkara zenanlar güni mynasybetli Türkmenistanyň Söwda-senagat edarasynda aýdym-sazly baýramçylyk dabarasy geçirildi. Oňa ýurdumyzda zähmet çekýän, bilim alýan öňdebaryjy gelin-gyzlar, şol sanda Türkmenistanyň Gahrymanlary, mähriban eneler, sekiz we şondan köp çagany dünýä inderen hem-de mynasyp terbiýeläp ýetişdirip, «Ene mähri» diýen hormatly ada mynasyp bolan zenanlar gatnaşdylar. Dabara Türkmen döwlet medeniýet institutynyň döredijilik toparynyň «Zenan kalbynyň gözelligi» atly edebi-sazly kompozisiýasy bilen açyldy. Akyldar şahyr Magtymguly Pyragynyň «Dünýä sözi meňzär duzsuz tagama,//Söz içinde gelin-gyz hem bolmasa» diýip wasp edişi ýaly, dabarany ajaýyp aýdymlar, şirin mukamlar, gözel tanslardyr süýji arzuwlar we mähirli gutlaglar bezedi.

9 Mart 2024

Medeniýet

«Reňklere siňen gözellik»

Ýakynda şeýle at bilen Halkara zenanlar güni mynasybetli Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde Türkmenistanyň Medeniýet ministrliginiň we Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde guramagynda ýaş suratkeşleriň arasynda yglan edilen çeperçilik bäsleşiginiň jemlenilmegine bagyşlanan dabara geçirildi. Çeperçilik sungatynyň grafika we nakgaş görnüşleri boýunça zehinli ýaşlary ýüze çykarmak, olary milli döredijilik ruhunda terbiýelemek maksady bilen geçirilen bäsleşige Türkmen döwlet ýörite çeperçilik mekdebiniň we ýörite sungat mekdepleriniň talyplary hem-de çagalar çeperçilik we sungat mekdepleriniň okuwçylary mähriban enelerimizi, gelin-gyzlarymyzy wasp edýän, olaryň sarpasyny belentde tutýan işleri bilen gatnaşdylar. Dabaraly çärede bäsleşigiň ýeňijilerine Diplomlar we sowgatlar, höweslendiriji baýraklar gowşuryldy.

7 Mart 2024

Medeniýet

Baýrama mynasyp sowgat

Halkara zenanlar güni mynasybetli Nurmuhammet Andalyp adyndaky döwlet sazly drama teatrynda Hemra Şirowyň adybir edebi eseri esasynda sahnalaşdyrylan «Ýaşlyk ýelgini» atly spektaklyň görkezilişi boldy. Guwanç Baýmetowyň sahnalaşdyrmagynda tomaşaçylara hödürlenen spektaklda perdäniň, kölegeleriň we ýagtylygyň üsti bilen gahrymanlaryň pikir-oýlarynyň, başdan geçirýän duýgularynyň we wakalaryň beýan edilmegi has täsirli boldy. Sahnada maşgala we söýgi gatnaşyklarynyň özboluşly sazlaşygy şöhlelenýär. Spektaklda gülküli, dartgynly wakalaryň we şowhunly aýdym-sazlaryň utgaşmasy tomaşaçylary biparh goýmaýar. Söýgä wepalylyk, maşgala mukaddesligine we birek-birege hormat goýmak ýaly asylly häsiýetler çeper keşpleriň üsti bilen beýan edilýär.

7 Mart 2024

Medeniýet

Muzeýe gezelenç guraldy

Şu günler ýurdumyzyň ähli künjeginde giňden bellenilýän Halkara zenanlar güni mynasybetli baýramçylyk çäreleri, döredijilik duşuşyklary, aýdym-sazly dabaralar giň gerimde dowam edýär. Bu şanly sene mynasybetli welaýat Taryhy we ülkäni öwreniş muzeýinde «Zenan durmuşyň bezegidir» atly baýramçylyk sergisi guraldy. Onda mährem zenanlarymyzyň medeni mirasymyzy, milli gymmatlyklarymyzy, däp-dessurlarymyzy şöhlelendirýän işleri bilen tanyşdyk. Olaryň sünnäli gollaryndan dörän nepis el işleri, muzeý gymmatlyklary bizde uly täsir galdyrdy. Şeýle hem Türkmenabat şäherindäki çagalar çeperçilik mekdebiniň okuwçylarynyň çeken suratlary, bagşy-sazandalaryň aýdym-sazly çykyşlary, nusgawy şahyrlaryň zenanlarymyzyň waspyny ýetirýän goşgularynyň labyzly okalmagy tomaşyçylaryň baýramçylyk ruhuny galkyndyrdy.

7 Mart 2024

Medeniýet

Görkana dünýäniň waspy

Türkmenistanyň Döwlet medeniýet merkeziniň Döwlet muzeýinde Halkara zenanlar güni mynasybetli «Zenanlar — gözelligiň dünýäsi» atly sergi guraldy. Açylyş dabarasynda Türkmenistanyň at gazanan medeniýet işgäri, şahyr Oguljemal Çaryýewa, Aşgabat şäher häkimliginiň ýaşulular geňeşiniň agzalary Gülnara Gairowa, Kümüş Ataýewa, «Türkmen dünýäsi» gazetiniň jogapkär kätibi, Türkmenistanyň at gazanan žurnalisti Döwrangeldi Agalyýew hem-de Döwlet çeperçilik akademiýasynyň uly mugallymy, Türkmenistanyň sungatda at gazanan işgäri Azat Annaýew çykyş etdiler. Olar öz çykyşlarynda jemgyýetiň ählitaraplaýyn sazlaşykly ösüşini üpjün etmekde zenanlaryň orny, maşgalanyň sütüni bolan eneleriň ahlak gözelliginiň hiç bir zat bilen çalşyp bolmajak mukaddeslikdigi barada durup geçdiler.

7 Mart 2024

Medeniýet

Ösüşli menzilleri nazarlap

Golaýda Aşgabat şäher häkimliginiň mejlisler jaýynda şäher häkimliginiň guramagynda «Türkmenistanyň Prezidenti Arkadagly Gahryman Serdarymyzyň ösüş maksatnamalaryny durmuşa geçirmekde döwletiň we jemgyýetiň bilelikdäki tagallalarynyň ähmiýeti» atly maslahat geçirildi. Oňa Türkmen döwlet binagärlik-gurluşyk institutynyň, Türkmenistanyň Inžener-tehniki we ulag kommunikasiýalary institutynyň mugallymlary, Aşgabat şäher saglyk öýüniň lukmanlary, medeniýet we sungat işgärleri, şeýle hem köpçülikleýin habar beriş serişdeleriniň wekilleri gatnaşdylar. Çuň many-mazmuna eýe bolan maslahatda çykyş edenler «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça öňümizde durýan möhüm wezipeler dogrusynda giňişleýin gürrüň etdiler. Gahryman Arkadagymyzyň Watanymyzy dünýäniň iň ösen döwletleriniň birine öwürmek baradaky ägirt uly işleriniň häzirki wagtda döwlet Baştutanymyz tarapyndan mynasyp dowam etdirilýändigi hakyndaky söhbetler bu maslahatda özüniň mynasyp ornuny tapdy. Belentden ýaňlanan hoş owazly aýdym-sazlar hem göwünleri galkyndyrdy.

6 Mart 2024

Medeniýet

Ruhubelentlige beslendi

Ýakynda paýtagtymyzda ýerleşýän «Gül zemin» söwda merkeziniň «Altyn» toý zalynda Türkmenistanyň Zenanlar birleşiginiň Merkezi geňeşiniň, Türkmenistanyň Kärdeşler arkalaşyklarynyň Milli merkeziniň bilelikde guramagynda geçirilen «Ýylyň zenany» atly bäsleşigiň döwlet tapgyry uly ruhubelentlige beslendi. Bäsleşige welaýat, Aşgabat we Arkadag şäher tapgyrlarynda ýeňiji bolan zenanlar gatnaşdylar. Mähriban halkymyz goja taryhyň dürli döwürlerinde hem zenanlary ýüzüniň tuwagy, ar-namysy, maşgala ojagynyň eýesi hasaplap, olara belent sarpa goýupdyr. Bu günki gün türkmen zenanlarynyň belent sarpasy Gahryman Arkadagymyzyň, Arkadagly Gahryman Serdarymyzyň özlerine goýýan çäksiz hormaty bilen dabaralanýar. Olar eziz Diýarymyzyň, türkmen topragynyň gülläp ösmegi ugrunda özleriniň mynasyp goşantlaryny goşup, döwlet dolandyryş edaralarynda, halk hojalygynyň dürli pudaklarynda, ylym-bilimde, medeniýetde, jemgyýetçilik işlerinde yhlasly zähmet çekýärler.

6 Mart 2024

Medeniýet

Zehinli uçurymlaryň konsertleri

Her ýyl däp bolşy ýaly, Türkmenabat şäherindäki 2-nji çagalar sungat mekdebini zehinli ýaşlaryň uly topary tamamlaýar. Gutardyş synaglarynyň öňüsyrasynda uçurymlar öz konsertleri bilen çykyş edýärler. Ýedi ýyl skripka hünäri boýunça halypalardan bilim alyp, bu ugur boýunça zehinini taplan Atajan Orazow hem şeýle bagta eýe bolanlaryň biridir. Ol bu ýerde okan döwründe ussat mugallymlardan köp öwrendi, saz äleminiň kämillik basgançaklaryny geçdi. Halypalary onuň çalýan sazlarynyň ýakymly owazyna ylhamyny çaýyp bilýändigini aýratyn guwanç bilen belleýärler.

6 Mart 2024

Medeniýet

Toý mekanyndaky dabara

Halkara zenanlar güni mynasybetli welaýatymyzda geçirilýän dabaralar egsilmez joşguna beslenýär. Änew şäherindäki «Bagt ýyldyzy» toý mekanynda gelin-gyzlarymyzyň, mährem enelerimiziň şanyna toýlanýan senä bagyşlanyp geçirilen dabara has-da täsirli boldy. Welaýat häkimligi, Medeniýet müdirligi we jemgyýetçilik guramalary tarapyndan bilelikde guralan baýramçylyk dabarasyna welaýatymyzyň ähli ýerlerinden dürli kärlerde zähmet çekýän öňdebaryjy zenanlar, mährem eneler gatnaşdylar. Naz-nygmatly toý suprasynyň başyna jem bolan bagtdan paýly ildeşlerimiz beýik, taryhy döwrümiz, eşretli günlerimiz, ýurdumyzyň okgunly ösüşleri dogrusynda söhbet etdiler. Berkarar Watanymyzda zenanlara goýulýan hormat-sarpa hakdaky gürrüň olaryň söhbediniň özenini düzdi.

5 Mart 2024

Medeniýet

Geljegimize şamçyrag

Adam öz kärinden lezzet alyp işlände onuň işe höwesi-de, ukyby-da kämil bolýar. Her gün säher bilen şadyýan çagalaryň arasyna — bakja-bagymyza işe gelenimde ene göwnüm galkynýar. Häsiýeti, daş keşbi boýunça dürli-dürli çagalary synlamagyň özi bar bolan alada-ünjimi unutdyryp, durmuşyma, işime bolan höwesimi artdyrýar. Çagalaryň gaýgy-gamsyz dünýäsine aralaşdygymça kalbym şatlykdan dolýar. Zenanlarda bahar paslynyň gelmegine sabyrsyzlyk bilen garaşmak endigi bar. Her gün ir bilen iş ýerime — çagalaryň arasyna gelmegim, güler ýüzli balajyklaryň bahar dünýäsine dolmagym meniň bütin ömrümi ýaza öwürýär. Hut şonuň üçin hem men islendik pasylda özümi ýazyň gujagynda ýaly duýýaryn.

5 Mart 2024

Medeniýet

Türkmen-italýan dostlugyndan nyşan

Ýakynda Magtymguly adyndaky milli sazly drama teatrynda türkmen-italýan fortepianoçylarynyň bilelikdäki konserti geçirildi. Italiýanyň Türkmenistandaky ilçihanasynyň açylmagynyň 10 ýyllygyna bagyşlanan bu çäre Halkara zenanlar güni mynasybetli geçirilýän dabaralar bilen hem utgaşdy. Ýurdumyzyň Medeniýet ministrligi we ilçihana tarapyndan guralan bu konsertde daşary ýurtly nusgawy kompozitorlaryň sazlary belentden ýaňlandy. Şu ýyl iki döwletiň arasyndaky diplomatik gatnaşyklaryň ýola goýulmagyna 31 ýyl dolup, dürli ugurlarda bolşy ýaly, ikitaraplaýyn medeni hyzmatdaşlygyň ösdürilmegine hem möhüm ähmiýet berilýär. Konsertde meşhur italiýaly Roberta Di Marionyň we türkmenistanly fortepianoçy Aýlar Saparmyradowanyň ýerine ýetiren şirin owazly sazlary tomaşaçylarda uly täsir galdyrdy. Saz kompozisiýalary biri-biriniň üstüni ýetirip, tomaşaçylary bu sungatyň jadylaýjy dünýäsine alyp gitdi. Olar diňe bir öz döreden sazlaryny däl, eýsem, meşhur kompozitorlar W.Mosartyň, J.Bahyň, F.Şopeniň, F.Saýyň, E.Morrikonäniň, D.Modunonyň, N.Rotanyň, A.Kazellanyň, N.Paganininiň we F.Listiň dünýä belli sazlaryny ýerine ýetirdiler.

5 Mart 2024

Medeniýet

Ýaz göwünli zenanlar

«Pähim-paýhas ummany Magtymguly Pyragy» ýylynda eziz Diýarymyzy gurşap alan ählumumy ruhubelentlik zeminiň zynatyna, gözelligiň hem-de ar-namysyň baýdagyna deňelýän mähriban zenanlarymyzyň ykbalyna-da bagtyýarlygyň nuruny çaýýar. Yhlasy, ukyp-başarnygy, tutanýerli zähmeti bilen Watanymyzyň gülläp ösüşine mynasyp goşant goşýan ýaz göwünli zenanlarymyzyň ýürek sözlerinde belent buýsanç duýulýar. Annasoltan GURBANGULYÝEWA,Balkan welaýatynyň Türkmenbaşy şäheriniň ýaşaýjysy:

4 Mart 2024

Medeniýet

Zenan suratkeşiň eserinde zenan keşbi

Halkara zenanlar gününiň — 8-nji mart baýramynyň ýetip gelýän günlerinde ajaýyp bahary wasp edýän aýdymçydyr sazandalarymyzyň, suratkeşleriň döredijiliginde mähriban eneler, aýal-gyzlar aýratyn orun eýeleýär. Şeýle eserleri döredýän zenanlaryň biri hem Türkmenistanyň Döwlet çeperçilik akademiýasynyň binagärlik kafedrasynyň mugallymy Gunça Goçmyradowa bolup, ol bu ýokary okuw mekdebinde onlarça ýyl bäri reňkde we galamda surat çekmek dersinden talyplara sapak berýär. Suratkeş mugallymyň döredýän eserleri nakgaşçylyk işleri bilen bagly bolup, olaryň hatarynda zenan durmuşy, çaga terbiýesinde ertekileriň orny, halk döredijiligi ýaly temalar ileri tutulýar. «Ene toprak», «Аkpamyk», «Ýartygulak», «Böwenjik» ýaly işler Gunça mugallymyň döredijiliginde uly orun tutýar.

4 Mart 2024

Medeniýet

GÖZELLIK DÖREDÝÄN ZENANLAR

2024-nji ýylyň mart aýynyň 4-ne Türkmenistanyň Medeniýet ministrliginiň,  Türkmenistanyň Kärdeşler arkalaşyklarynyň Milli merkeziniň, şeýle-de Türkmenistanyň Suratkeşler birleşiginiň, Türkmenistanyň Çeperçilik sergiler müdirliginiň we şekillendiriş sungatynyň sergi merkeziniň bilelikde gurnamagynda Halkara zenanlar güni mynasybetli, “Gözellik döredýän zenanlar” atly ýurdumyzyň zenan suratkeşleriniň şekillendiriş we amaly-haşam sungat eserleriniň bäsleşikli sergisi açyldy. Türkmen halk döredijiliginden alnan gyzykly sahnalar, çuňňur many-mazmunly taryhy wakalar, döwürdeşlerimiziň özboluşly keşpleri, Watanymyzyň gözel tebigaty bu sergidäki eserlerde öz beýanyny tapýar. Sergä 150-den gowrak  zenan suratkeşler öz döredijilik eserleri bilen gatnaşýarlar. Bu ýerde nakgaşlyk, grafika, heýkeltaraşlyk, dizaýn hem-de amaly-haşam sungatlary boýunça döredilen eserleriň 200-den gowragy tomaşaçylara görkezildi. Halkara zenanlar gününe bagyşlanan sergide al-ýaşyl güllere beslenen bahar paslynyň gözel keşbini wasp edýän peýzažlar, Nowruz ýaýlasyny, bereketli topragymyzyň datly miwelerinden düzülen natýurmort eserleri, bagtyýar zamanada ýaşaýan türkmen halkynyň toýdyr-baýramlaryny, milli däp-dessurlaryny şekillendirýän taslama eserleri görkezilýär. Sergide Gunça Myradowanyň “Gelin”, “Joralar”, Oguljeren Babaýewanyň ‘Rodoguna”, “Bilbil aýdym aýdanda”, Laçyn Toýlyýewanyň “Kerwen”, Gülba

4 Mart 2024

Medeniýet

Älem içre akyldar sen, Pyragy

«Pähim-paýhas ummany Magtymguly Pyragy» ýylynda akyldar şahyrymyzyň doglan gününiň 300 ýyllygy mynasybetli guralýan dabaraly çäreler biri-birine ulaşýar. Welaýat ýörite sungat mekdebiniň welaýat çagalar sungat mekdebi hem-de Balkanabat şäherindäki 2-nji çagalar sungat mekdebi bilen bilelikde «Älem içre akyldar sen, Pyragy» diýen at bilen geçiren festiwaly hem şeýle täsirli çäreleriň hatarynda mynasyp orun aldy.

4 Mart 2024

Medeniýet

Medeniýet — dostluk köprüsi

Türkmenistanyň A.S.Puşkin adyndaky döwlet rus drama teatrynyň döredijilik toparynyň ýakynda welaýatymyzyň Gyzylarbat, Bereket etraplarynda we Balkanabat, Türkmenbaşy şäherlerinde bolup, çagalar hem-de ulular üçin gyzykly sahna oýunlaryny görkezmekleri teatr muşdaklary üçin ajaýyp sowgat boldy. Tomaşaçylaryň uly gyzyklanma bilen garşylan sahna oýunlarynyň doganlyk halkyň medeniýeti bilen ýakyndan tanyşmaklarynda möhüm ähmiýete eýe bolandygyny aýratyn nygtamak gerek. Medeni hyzmatdaşlyk halklaryň dost-doganlyk gatnaşyklaryny has-da berkidýär. A.S.Puşkin adyndaky döwlet rus drama teatrynyň sahna ussatlarynyň nobatdaky döredijilik sapary bu hakykaty ýene bir gezek aýdyň görkezdi.

4 Mart 2024

Medeniýet

Bir sup­ra­da eda bol­sun aşy­myz

«7/24. tm» № 10 (197), 04.03.2024  «Ag­zy­bir­lik hem­me zat­dan güýç­lü­dir» diý­li­şi ýa­ly, agyz­lar bir bo­lan­da alynmajak gala ýokdur. Dur­muş­da ag­zy­bir­li­giň iň esa­sy zat­dy­gy hem­mä­mi­ze aý­dyň ha­ky­kat. Be­ýik söz us­sa­dy­myz Mag­tym­gu­ly Py­ra­gy bu me­se­lä has çyn­la­kaý çe­me­leş­ýär. Se­bä­bi ag­zy­bir­lik her dö­wür­de-de ge­rek­dir we­li, şa­hy­ryň za­ma­na­syn­da ol ze­rur­lyk bo­lup or­ta çyk­ýar.

3 Mart 2024

Medeniýet

Aragatnaşykçy talyplar zenan dünýäsiniň gözelligine bagyşlanan wagyz-nesihat çäresine gatnaşdylar

Ýurdumyzda eli çeper ene-mamalarymyzyň we gelin-gyzlarymyzyň zehin-paýhasyndan kemala gelen halkymyzyň medeni mirasyny we milli gymmatlyklaryny wagyz etmekde uly işler alnyp barylýar. 29-njy fewralda, «Türkmenaragatnaşyk» agentliginiň Politehniki orta hünär okuw mekdebinde ýurdumyzda giňden bellenilýän Halkara zenanlar güni mynasybetli gelin-gyzlaryň gatnaşmagynda wagyz-nesihat çäresi geçirildi.

1 Mart 2024

Medeniýet

«Magtymguly, sözlär tili türkmeniň»

Şeýle at bilen ýakynda Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde Türkmenistanyň Parahatçylyk gaznasynyň, Türkmenistanyň Magtymguly adyndaky Ýaşlar guramasynyň Merkezi Geňeşiniň hem-de «Edebiýat we sungat» gazetiniň redaksiýasynyň bilelikde guramagynda Magtymguly Pyragynyň doglan gününiň 300 ýyllygy mynasybetli döredijilik duşuşygy geçirildi. Ýaşlarymyzy watançylyk ruhunda terbiýelemek, olaryň döredijilik ukyplaryny ösdürmek, ene dilimiziň baýlygyny inçeden öwrenýän zehinli ýaşlary ýüze çykarmak maksady bilen geçirilen aýdym-sazly medeni çärede Türkmenistanyň halk ýazyjysy Orazguly Annaýew, şahyr Kakamyrat Rejebow, terjimeçi Rahmet Gylyjow we magtymgulyşynas Amannepes Şyhnepesow dagy çykyş edip, ýaşlara türkmen diliniň taryhy, ösüşi we kämilleşmegi, akyldar şahyrymyz Magtymguly Pyragynyň altyndan gymmatly söz hazynasy, Gahryman Arkadagymyzyň, Arkadagly Gahryman Serdarymyzyň tagallalary bilen dünýä edebiýatynyň eserleriniň türkmen diline terjime edilip halkymyza ýetirilişi dogrusynda täsirli gürrüň berdiler.

29 Fewral 2024

Medeniýet

Sapaly döwrümiziň joşgunly mukamy

Gahryman Arkadagymyzyň we Arkadagly Gahryman Serdarymyzyň taýsyz tagallalary netijesinde ýurdumyzyň ähli ugurlary bilen bir hatarda milli medeniýetimize aýratyn üns berilýär. Gahryman Arkadagymyzyň «Türkmen medeniýeti» atly kitabynda milli medeniýetimiziň halkyň ruhy dünýäsini baýlaşdyrmakdaky ähmiýeti ylmy hem pelsepewi taýdan giňden seljerilýär. Alym Arkadagymyz bu ajaýyp kitabynda türkmen sungatynyň naýbaşy nusgasy bolan küştdepdi hakynda şeýle diýýär: «Milli tans döredijiligini küştdepdisiz göz öňüne getirmek mümkin däl. «Küştdepdi» tansy türkmen sungatynyň özboluşly çeper keşbi — idealydyr. Sebäbi bu kämil sungat eserinde milli ýörelgelerimiziň gadymy parçalary saklanyp galypdyr, şol bir wagtda bu tansda döwrebap ruhy öwüşginler öz mynasyp ornuny tapýar. Halkyň ruhy dili, pelsepesi, ýaşaýşa synmaz söýgüsi beýan edilýär». Berkarar döwletiň täze eýýamynyň Galkynyşy döwründe küştdepdi has-da belent derejelere göterildi. Adaty maşgala toý dessurlaryndan başlap, her bir toý-baýram, şatlyk-şagalaň we döwlet derejesinde geçirilýän milli baýramçylyk küştdepdisiz geçmeýär diýen ýaly. Öz gözbaşyny asyrlaryň jümmüşinden alyp gaýdýan küştdepdi her bir toý-tomaşanyň bezegine öwrüldi. Bu hereketli, sözli halk döredijilik görnüşi köpçülik tarapyndan guralýan aýdymly, tansly halk dessury bolup, onuň esasy häsiýetli tarapy küştdepdiniň köpçülik, ýagny, aýdyjylar — gazalçylar, şeýle hem ta

28 Fewral 2024

Medeniýet