HABARLAR

500 tonna pile ugrunda: guwandyryjy netijeler

AK PILÄNIŇ BOL HASYLYHormatly Prezidentimiziň ýurdumyzyň oba hojalygynyň beýleki ugurlarynyň hatarynda, ýüpekçiligi ösdürmek, bu ugurda alnyp barylýan işleriň netijeliligini ýokarlandyrmak babatda taýsyz tagallalary oňat netijelerini berýär. Munuň şeýledigini «Türkmenistan — parahatçylygyň we ynanyşmagyň Watany» ýylynda Köneürgenç etrabynyň «Akgala» daýhan birleşiginiň ýüpekçileriniň bu ugurda gazanýan üstünlikleri hem aýdyň görkezýär. Has takygy, olar şu möwsümde 261 guty ýaş gurçuklary idetmäge alyp, ak piläniň saldamly hasylyny ýetişdirdiler. Olar kemala getirilen bereketli pile hasylyny ýygnamaga etrapda ilkinjileriň hatarynda girişdiler. Daýhan birleşiginiň ýüpekçileri Mubarak Täjiýewa 6,5 guty gurçukdan 281 kilogram, Rana Ýoldaşewa 6 gutudan 262 kilogram, Kamiljan Ametow 5 guty ýüpek gurçugyndan 224 kilogram, Amangül Öwezowa we Ýoldaş Tahyrow dagynyň her biri 2,5 guty gurçukdan, degişlilikde, 112 we 108 kilogram, şeýle hem Oguljan Bakyýewa 1,5 guty ýüpek gurçugyny idedip, 75 kilogram pile hasylyny ýetişdirip, zähmet üstünliklerini gazandylar. Bu öňdebaryjy daýhan birleşiginiň ýüpekçileri mukaddes Garaşsyzlygymyzyň 30 ýyllygy baýram edilýän şu ýylda 10 tonna 270 kilogram pile hasylyny döwlet harmanyna tabşyrmagy maksat edinýärler.

4 Iýun 2021

Oba hojalyk

Çäjiňe bereket, gallaçy!

Hormatly Prezidentimiz 2-nji iýunda sanly ulgam arkaly geçiren iş maslahatynda Ahal, Lebap, Mary welaýatlarynda 4-nji iýunda, Balkan we Daşoguz welaýatlarynda bolsa 11-nji iýunda galla oragyna girişmäge ak pata berdi. Asylly däbe görä, ýurdumyzyň hormatly ýaşululary galla oragyny: «Bismilla» bilen başlap bererler. Döwlet Baştutanymyz zähmetsöýer gallaçylara we ähli oba zähmetkeşlerine berk jan saglyk, abadan, bagtly durmuş, täze zähmet ýeňişlerini arzuw edip, daýhanlaryň sahawatly toprakdan bol hasyl aljakdyklaryna ynam bildirdi. Edermen gallaçylaryň yhlasly zähmeti netijesinde şu ýyl ýurdumyzyň welaýatlarynda bugdaýyň bol hasylynyň ösdürilip ýetişdirilendigini, galla oragy möwsüminiň ýakynlaşyp gelýändigini nazara alyp, gallaçy daýhanlarymyzyň möwsümi gysga möhletlerde tamamlamagy üçin zerur tagallalaryň edilmelidigini belledi. Galla hasylyny ýitgisiz ýygnap almak, halkymyzy azyk önümleri bilen doly üpjün etmek üçin azyk bolçulygyny pugtalandyrmak möhümdir.

4 Iýun 2021

Oba hojalyk

Yhlasly zähmetiň miwesi

Baýramaly etrabynyň «Täze ýol» daýhan birleşiginiň zähmetsöýer oba adamlary ekinleriň dürli görnüşini ösdürip ýetişdirmekde we olaryň islendiginden bol hasyl almakda Mary welaýatynda ussat daýhanlar hökmünde tanalýar. Olar gowaça, bugdaý, gant şugundyryny hem-de gök-bakja ekinlerini ösdürip ýetişdirmekde nusga alarlyk işleri durmuşa geçirýärler. Daýhan birleşiginiň hasyl ussatlary «Türkmenistan — parahatçylygyň we ynanyşmagyň Watany» ýylynda-da oba hojalyk ekinlerinden bol hasyl almak üçin gaýratly zähmet çekýärler. Hojalygyň gallaçylary geçen güýzde 3160 gektar meýdana ak bugdaýyň tohumyny sepip, kadaly gögeriş gazandylar. Olar meýdanlardaky ak ekinlere ideg etmegi ylmyň gazananlaryny daýhançylykda toplanan baý tejribeler bilen utgaşykly alyp baryp, bugdaýyň bol hasylyny gazanmak üçin irginsiz alada edýärler.

4 Iýun 2021

Oba hojalyk

Rysgal-berekediň gözbaşy

Şu gün döwlet Baştutanymyzyň ak pata bermegi bilen, ýurdumyzyň Ahal, Lebap, Mary welaýatlarynyň ak ekin ussatlary il sylagly ýaşulularyň gatnaşmagynda galla oragyna dabaraly ýagdaýda girişýärler. Oba hojalygyndaky bu möhüm we jogapkärli möwsüme welaýatymyzyň oba zähmetkeşleri hem taýýarlykly geldiler. “Türkmenistan — parahatçylygyň we ynanyşmagyň Watany” ýylynyň hasyly üçin welaýatymyzyň ekerançylyk meýdanlarynyň 195 müň gektarynda guşgursak ak bugdaýyň bol hasyly ýetişdirildi. Giň gözýetime ýaýylyp gidýän altynbaşly ak bugdaýly meýdandaky hasyly çalt, ýitgisiz ýygnamak we kabul ediş nokatlaryna bökdençsiz daşamak babatda ähli zerur şertler üpjün edildi.

4 Iýun 2021

Oba hojalyk

Erik — bedene görk

Garalylar maşgalasyna degişli bolan erigiň ylmy taýdan «Prunus armeniaca» atlandyrylýandygy köpleri geň galdyrmagy mümkin. Onuň adyndan «ermeni» sözüniň bolmagynyň sebäbi käbir alymlaryň erigiň watany hökmünde Ermenistany öňe sürýändigi bilen baglanyşyklydyr. Ýöne erik ir döwürlerde gadymy Gresiýanyň, Rimiň hem halkyna mälim ekeni. Käbir hünärmenler bolsa ýabany ösümlik bolan erigi ilki bolup Hindistanda 3 müň ýyl gowrak mundan ozal özleşdirip ugrapdyrlar diýip çak edýärler. Ýöne bir zat belli: erik ähli döwürde-de özüniň diňe bir süýji tagamlylylygy bilen däl, eýsem, dermanlyk häsiýetleri bilen-de adamlary özüne çekip gelipdir. Düzüminde organiki maddalaryň, minerallaryň köp sanlysynyň bardygy erigiň iň bir söýgüli iýmitleriň biri bolup gelmegine sebäp bolupdyr. Erik islendik görnüşde: terligine-de, onuň kişdesi, baly, şiresi-de peýdaly.

3 Iýun 2021

Oba hojalyk

Türkmenistanyň Prezidenti sanly ulgam arkaly iş maslahatyny geçirdi

Aşgabat, 2-nji iýun (TDH). Şu gün hormatly Prezidentimiz Gurbanguly Berdimuhamedow sanly ulgam arkaly Ministrler Kabinetiniň Başlygynyň obasenagat toplumyna gözegçilik edýän orunbasarynyň, welaýatlaryň häkimleriniň gatnaşmagynda iş maslahatyny geçirdi. Onuň dowamynda welaýatlary durmuş-ykdysady taýdan ösdürmegiň möhüm wezipeleri, möwsümleýin oba hojalyk işleriniň barşy we döwlet durmuşyna degişli beýleki wajyp meseleler ara alnyp maslahatlaşyldy. Hormatly Prezidentimiz Gurbanguly Berdimuhamedow iş maslahatyny açyp, Berkarar döwletimiziň bagtyýarlyk döwründe oba hojalygyny ösdürmek boýunça toplumlaýyn çäreleriň amala aşyrylýandygyny belledi. Döwletimiz oba hojalyk ekinlerinden bol hasyl almak üçin ähli zerur şertleri döredýär. Daýhanlar ýokary hilli tohumlar, mineral dökünler, himiki serişdeler, döwrebap oba hojalyk tehnikalary we suwaryş suwy bilen doly üpjün edilýär.

3 Iýun 2021

Oba hojalyk

Galla oragyna guramaçylyk bilen

Welaýatymyzyň daýhanlarynyň bugdaý ekişini geçirip ýörenleri düýn ýalydy. Ynha-da, daýhan kalbyny uly şatlyga besläp, galla oragy ýetip geldi. Daýhan bugdaýyny gününi sanap ösdürip oturandyr, yhlasly zähmetini aýaýan däldir welin, ýylyň başlarynda ýaňy ýerden saýlanyp ugran bugdaýyň birdenem bilboýy ösüp ýeterlik hasyl toplaýança geçen wagtyny köpimiz duýmanam galandyrys. Bugdaýyň «Bäş aýda bir garyş, bir aýda bäş garyş öserin» diýeni rast eken. Welaýatymyzyň edermen babadaýhanlarynyň galla oragyna girişjek günleri ýetip gelýär. Ýaňy-ýakynda welaýatymyzyň galla meýdanlarynyň köpüsini guwanç bilen synladyk. «Halkymyzyň çöregi bu ýyl hem bol bolar» diýip, dok sümmüllerini şemala yrap oturan bugdaýlary synlap, ýoldaşlarymyz bilen özara pikir alyşdyk. «Türkmenistan ― parahatçylygyň we ynanyşmagyň Watany» ýylynda lebaply daýhanlaryň galla meýdanlarynda ýetişdiren bol hasylyny ýygnamak üçin öňünden göwnejaý taýýarlyk görlendigini welaýat häkimliginiň oba hojalygynda özgertmeler we döwrebap usullary ornaşdyrmak müdirliginiň başlygy Çary Ýoldaşow biziň bilen söhbetdeş bolanynda aýtdy. Onuň aýtmagyna görä, daýhanlarymyzyň çekýän yhlasly zähmetleri ýerine düşýär, milli Liderimiziň daýhanlaryň oba hojalyk ekinlerinden, şol s

2 Iýun 2021

Oba hojalyk

Orak möwsümine taýýar

Günüň reňkini gün-günden özüne siňdirýän meýdanlarda mukaddes Garaşsyzlygymyzyň 30-njy ýylynyň berekedi ― tyllaýy bugdaý hasyly ýetişip gelýär. Ýurdumyzyň ähli sebitlerinde bolşy ýaly, öňde duran galla oragyna biziň welaýatymyzda, şol sanda Halaç etrabynda hem ýokary derejede taýýarlyk görülýär. Etrap boýunça geçen güýzde bugdaýyň «Kalym», «Batko», «Moskwa», «Bitarap» ýaly görnüşleriniň tohumy sepilen 22 müň 700 gektar ýerden şu ýyl 53 müň 500 tonna bugdaý almak meýilleşdirilýär. Bahar bilen tomsuň sepgidindäki häzirki günlerde gözüňi dokundyrýan atyzlar öňde goýlan maksadyň üstünlikli ýerine ýetiriljekdigini buşlaýar.

31 Maý 2021

Oba hojalyk

Jogapkärli möwsüm

Daýhan-mert, ýer-jomart. Toprak — hazynaly hum. Daýhanlar topraga tohum sepip, ekinleriň idegini ýetirip, ýerden ak bugdaýdyr «ak altyn», gök-bakja önümlerini, dürli ir-iýmişleri öndürýärler. Şu günler daýhan zähmeti bilen kemala getirilen altynsow öwüsýän ak ekinleri synlamaga göz gerek, taryplamaga söz. Şemalyň ugruna ygşyldap, tolkun atýan bugdaýly meýdanlar bereketli hasylyň ýetişendiginden habar berýär. Gahryman Arkadagymyzyň oba hojalyk ulgamyny ösdürmek, özgertmek, ak bugdaýyň öndürilişini artdyrmak boýunça edýän uly tagallalaryna tutanýerli zähmetleri bilen jogap berýän welaýatymyzyň gallaçylary şu ýylyň hasyly üçin Türkmenistan — Bitaraplygyň mekany ýylynyň güýzünde 170 müň gektar ýere bugdaý tohumyny sepdiler we öz wagtynda kadaly gögeriş aldylar. Güýz idegi kemsiz ýetirilen ak ekinler kadaly gyşladyldy. Baharyň ilkinji günlerinden başlap bugdaýyň agrotehniki ideg çäreleriniň depgini güýçlendirildi.

31 Maý 2021

Oba hojalyk

Suw desgasynyň gözegçileriniň tagallasy

Bal suwly Garagum derýasyndan ekinzarlyga tarap bölünýän uly ene ýaplaryň sakasynda şaggyldysyny şirin mukama öwrüp suw sazlaýjy gatlalar otyr. Suw desgasynyň gözegçileri öz wezipelerini ussatlarça ýerine ýetirmek bilen Gahryman Arkadagymyzyň Watanymyzy bagy-bossanlyga öwürmek baradaky kararyndan ugur alyp, gür baglygy ýetişdirmek üçin hem jan aýaman zähmet çekýärler. “Garagumderýasuwhojalyk” birleşiginiň 4-nji “Garagumsuwhojalyk” dolanyşygynyň 1-nji suw uçastogynyň başlygy Pena Kakajanowyň ýolbaşçylygynda Garagum derýasynyň 345-nji kilometrliginde ýerleşýän 9-njy, 352-nji kilometrliginde ýerleşýän 10-njy, 356-njy kilometrliginde ýerleşýän 11-nji “Durnaly” gapdal sowgutlarynyň işgärleri Derýageldi Çaryýew, Maksat Zyýabaýew, Meretmyrat Nepesow derýanyň boýuna we suw desgalarynyň töweregine tut, arça ýaly saýalyk, erik, alma, nar, ülje, garaly ýaly miweli baglaryň nahallaryny oturtmak we olara ideg etmek işlerinde ýylyň-ýylyna nusgalyk görelde görkezýärler.

31 Maý 2021

Oba hojalyk