Hojambaz etrabynyň öňdebaryjy ýüpekçileri ilkinjileriň hatarynda pile tabşyryp başlady. Olar ýakynda pile tabşyrmak boýunça şertnamalaýyn borçnamalaryny artygy bilen berjaý etmegiň hötdesinden geldiler. Hojambazly pileçiler 97 tonna 730 kilogram pile tabşyrdylar.
«Türkmenistan — parahatçylygyň we ynanyşmagyň Watany» ýylynda etrabymyzyň ýüpekçileri tarapyndan gazanylan bu üstünlik gözel paýtagtymyzyň esaslandyrylmagynyň 140 ýyllygyna ajaýyp sowgat boldy. Gazanylan ýeňşe «Türkmenistan», «Mekan» we Jumaguly Mämmedow adyndaky daýhan birleşikleriniň ýüpekçileri aýratyn uly goşant goşdular.
