Şu gün mukaddes Garaşsyzlygymyzyň 33 ýyllygy mynasybetli welaýat saglygy dikeldiş okuw-terbiýeçilik toplumynda çagalar baglarynyň uly ýaşly toparlarynyň körpeleriniň arasynda bäsleşik geçirildi.
Welaýat baş bilim müdirligi tarapyndan guralan «Garaşsyzlygymyzyň saýrak bilbilleri» atly bäsleşige etrapdyr şäherlerden çagalar gatnaşdylar. Zehinli körpeler aýdym aýtmakda, tanslary ýerine ýetirmekde, goşgulary labyzly okamakda, çaga durmuşyna degişli gysgajyk sahna oýunlaryny görkezmekde bäsleşdiler. Bagtyýar çagalar öz çykyşlarynda Berkarar döwletiň täze eýýamynyň Galkynyşy döwründe Gahryman Arkadagymyzyň we Arkadagly Gahryman Serdarymyzyň taýsyz tagallalarynyň netijesinde ata Watanymyzda gazanylýan ösüşleri, mukaddes Garaşsyzlygymyzy, bagtyýar çagalygy, dost-doganlygy belentden wasp etdiler. Bu çäre körpe nesliň zehinlerini, ukyp-başarnyklaryny açyp görkezmekde uly ähmiýete eýe boldy.
