"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Gelneje

Çagalyk döwrümdi, 8-9 ýaşlarymdadym. Ejemiň: «Gelin edinýäs, nesip bolsa» diýen şatlykly sözleri öýümize dolandan soň, meniň bilesigelijiligim artyp, gelnejemi göresim gelip başlady. Her gezek gudalaryna gidende, ejemden galmajak bolup, göýä sakyrtga ýaly ýapyşýardym. Ýöne barybir ejem meni öýde goýup gidýärdi. «Indiki dynç güni ýene gudalara gitjek» diýip aýdandan soňra, özümi alyp gitmegini sorap, ejeme özelenip ýalbardym. Bu gezek ejem maňa dözmedi, onsoňam kakam: «Gidäýsin» diýensoň, ejem meni gelnejemlere alyp gitmäge razy boldy. Dynç güni ir bilen awtobusly Arçmandan çykyp, ýarym sagadrak töweregi ýol ýöräp, Bäherdene gelnejemlere gelip düşdük. Howluda çagalar aşyk oýnap ýördüler. Olaryň oýunlaryna goşulşasym gelse-de, maksadym gelnejemi görmek bolansoň, ejemden galman, öýe girdim. Öýe giräýen ýeriňde, sag otagyň gapysy çalarak açykdy hem-de ol ýerden gyzlaryň gülki sesleri eşidilýärdi. «Gelnejeň şu otagda» diýip, ejem meni ýaňky işigi açyk otaga saldy-da, beýleki otagda oturan aýallaryň ýanyna geçip gitdi.

11 Fewral 2021

Edebiýat

Bitaraplyk we parahatçylyk — Türkmenistanyň dünýäde baky oňlanýan teklibi

Halkara habar beriş jemgyýetçiliginde Türkmenistanyň XXI asyryň 21-nji ýylyny dünýäde parahatçylygyň we ynanyşmagyň medeniýetini ösdürýän taryhy ähmiýetli wakalara besleýändigi barada dürli žanrdaky täsirli çykyşlary berýärler. Munuň sebäbi bolsa döwrüň ýüze çykarýan hakykatlary bilen bagly. Milli Liderimiziň parasatly baştutanlygynda «Türkmenistan — parahatçylygyň we ynanyşmagyň Watany» ýylymyz turuwbaşdan halkara derejeli wakalara beslendi. Wakalaryň bütin dünýäde «2021-nji ýyl — Halkara parahatçylyk we ynanyşmak ýyly» diýip yglan edilmeginiň ähmiýetini artdyrýan mazmun bilen beslenmegi, şeýle çykyşlaryň dünýä dolmagynyň sebäpleri hökmünde beýan edilýär.

4 Fewral 2021

Bitaraplyk

Demokratik ýörelgelere esaslanýan saýlaw möwsümi dowam edýär

Berkarar döwletimiziň bagtyýarlyk döwründe Gahryman Arkadagymyzyň baştutanlygynda türkmen jemgyýetiniň täze taryhy eýýamynda döwrebap özgertmeler durmuşa geçirilýär. 2020-nji ýylyň sentýabr aýynda geçirilen Türkmenistanyň Halk Maslahatynyň mejlisinde makullanylan, Türkmenistanyň Mejlisi tarapyndan kabul edilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanuny ýurdumyzyň taryhynda aýratyn ähmiýetli, taryhy waka boldy. Geçirilen konstitusion özgertmeler ýurdumyzy mundan beýläk-de demokratiýalaşdyrmakda möhüm ädim boldy. Milli Liderimiziň baştutanlygynda durmuşa geçirilýän ýurdumyzyň Parlamentiniň ornuny ýokarlandyrmaga we ygtyýarlyklaryny giňeltmäge gönükdirilen özgertmeler türkmen jemgyýetini mundan beýläk-de demokratiýalaşdyrmaga, ilatyň syýasy işjeňligini ýokarlandyrmaga ýardam eder. Milli Geňeş Gahryman Arkadagymyzyň belleýşi ýaly, halkymyzy birleşdirýän we belent maksatlara ugrukdyrýan umumymilli wekilçilikli edara öwrüler, ýurdumyzda halk häkimiýetiniň pugtalanýandygynyň dabaralanmasy bolar.

4 Fewral 2021

Jemgyýet

Aşgabat — binagärligiň täsin nusgasy

Türkmen halky işjeňligi, zähmetsöýerligi, erjelligi bilen dünýäde özüni tanadan halkdyr. Köşkdür binalary, ýoldur köprüleri gurmakda geljekki nesillere nusgalyk miras galdyran ata-babalarymyzyň binagärlik sungaty bilen häzirki zaman ülňüleriniň özara sazlaşygyndan emele gelen nurana binalaryň gurulmagy, ýurdumyzyň gurluşyk meýdançasyna öwrülmegi, yzygiderli senagatlaşmagy ata Watanymyzyň ösüşlere beslenýändigini görkezýär. Munuň şeýledigini Aşgabadyň ýurdumyzyň iri işewürlik, dolandyryş we jemgyýetçilik syýasy merkezine öwrülmeginiň, bu ýerde uly medeni, döredijilik, intellektual mümkinçilikleriň jemlenmeginiň mysalynda hem görmek bolýar. Ak mermere bürenen paýtagtymyzyň ençeme desgalarynyň Ginnesiň rekordlar kitabyna girizilmegi, soňky ýyllarda ylym-bilimiň, halkara hyzmatdaşlygyň merkezi hökmünde mertebesiniň ýokarlanmagy Türkmenistanyň at gazanan arhitektory, döwlet Baştutanymyzyň pähim-parasadyndan gözbaş alýar. «Türkmenistan — parahatçylygyň we ynanyşmagyň Watany» ýylynda, ýurdumyzyň ösüşlere beslenýän bagtyýarlyk döwründe paýtagtymyz Aşgabadyň keşbiniň döwrebap gözelleşmegi, abadanlaşmagy kanunalaýyk ýagdaýdyr. «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» paýtagtymyzy özgertmekde hil we mazmun taýdan täze derejäniň, öňdebaryjy halkara tejribäniň gazananlarynyň, iň kämil innowasiýalaryň üpjün edi

4 Fewral 2021

Bitaraplyk

Döwre buýsanç - zähmete hyjuw

Meýlis ATAÝEW,Aşgabat şäher gümrükhanasynyň gümrük statistikasy bölüminiň kiçi gözegçisi, uly leýtenant: — Milli Liderimiziň tagallalary bilen häzirki wagtda halkara söwda ugurlarynyň strategik taýdan ähmiýetli çatrygynda ýerleşen ýurdumyzyň ulag-üstaşyr kuwwatyny has doly amala aşyrmak üçin giň mümkinçilikler döredilýär.

4 Fewral 2021

Bitaraplyk

Umumadamzat ähmiýetli tagallalar : daşary syýasatda baş ýörelge

Hormatly Prezidentimiziň öňdengörüjilikli daşary we içeri syýasatynyň netijesinde amala aşyrylýan tutumly işler Berkarar döwletimiziň bagtyýarlyk döwründe ýurdumyzyň mundan beýläk-de ösmegine, onuň halkara abraýynyň täze belentliklere göterilmegine ýardam edýär. Hemişelik Bitaraplyk hemişelik parahatçylykdyr, goňşy döwletlerde, tutuş dünýä ýüzünde syýasy durnuklylygyň kepilidir. Milli Liderimiziň nygtaýşy ýaly, bitaraplyk we parahatçylyk diýen düşünjeler bölünmezdir. Munuň şeýledigine hormatly Prezidentimiziň «Parahatçylyk sazy, dostluk, doganlyk sazy» atly kitabyny okanyňda doly göz ýetirmek bolýar. Bu kitapda bellenilişi ýaly, türkmenleriň öz taryhynyň irki döwürlerinde-de döwletiň we halkyň bähbitlerini goramak maksady bilen, öňüni alyş diplomatiýasyny ulanandygy, «Ähdi-peýman şertnamasy» diýlip atlandyrylýan halkara şertnamalaryny baglaşandygy bellidir. Türkmenistanyň hemişelik Bitaraplyk hukuk ýagdaýyna esaslanyp, halkara guramalarynyň, şol sanda dünýäde parahatçylygy, howpsuzlygy, durnukly ösüşi üpjün etmegi maksat edinýän Birleşen Milletler Guramasynyň başlangyçlaryna goşulmagy, şol işleri sebitde durmuşa ornaşdyrmagy, parahatçylyk söýüjilikli Harby doktrinasy, goňşy döwletlere ynsanperwer kömekleri Watanymyzyň öňküden hem gülläp ösmegini, türkmen halkynyň has-da eşretli durmuşda ýaşamagyny kepillendirdi. Türkmenistan Watanymyzyň öňe süren hemişelik Bitaraplyk syýasaty t

4 Fewral 2021

Bitaraplyk

Hususyýetçilik ösüş ýolunda

Milli Liderimiz ýurdumyzyň ösüşlerine, halkymyzyň bähbitlerine gönükdirilen parasatly syýasaty amala aşyrmak bilen, ynsanperwer başlangyçlary öňe sürýär. Şunuň bilen birlikde, halkyň çuňňur ruhy we döredijilik güýji netijeli işlere gönükdirilýär. Netijede, düýpli durmuş-ykdysady özgertmelerde, demokratiýany ýaýbaňlandyrmakda, kanunçylygy berkitmekde, raýatlaryň hukuklaryny we azatlyklaryny kepillendirmekde, halkyň ýaşaýyş-durmuş derejesini ýokarlandyrmakda, döwletiň, jemgyýetiň we adamlaryň jebisligini gazanmakda uly üstünlikler gazanylýar. Mälim bolşy ýaly, ykdysadyýetiň ähli pudaklarynda hususy telekeçiligiň mümkinçiliklerini giňden ösdürmek döwlet tarapyndan goldanylýar. Bu bolsa maliýe-ykdysady ulgamyň durnukly ösdürilmegi boýunça işleriň ýokary depginler bilen dowam etdirilmegini, ykdysady ulgamyň kanunçylyk namalarynyň yzygiderli seljerilmegini we kämilleşdirilmegini şertlendirýär. Türkmenistanyň Konstitusiýasynda berkidilen binýatlaýyn kadalara laýyklykda, döwletimiziň ykdysadyýeti bazar gatnaşyklary ýörelgelerine esaslanýar; döwlet adamyň we jemgyýetiň bähbitlerine ykdysady işi düzgünleşdirmegi amala aşyrýar. Döwlet telekeçiligi höweslendirýär we goldaýar, kiçi we orta işewürligiň ösmegine ýardam edýär. Şeýle hem döwlet eýeçiligiň ähli görnüşleriniň deň goragyny kepillendirýär we olaryň ösmegi üçin deň şertleri döredýär. Her bir adamyň telekeçilik we kanunda gada

4 Fewral 2021

Telekeçilik

Arassa howa — saglyga güwä

Milli Liderimiziň durmuşa geçirýän hukuk özgertmeleri ýurdumyzyň jemgyýetçilik we döwlet durmuşynyň ähli ugurlaryny öz içine alýar. Ykdysady ösüşiň häzirki şertlerinde adamzat jemgyýetini ekologiýa abadançylygy bilen baglanyşykly meselelerden üzňe göz öňüne getirmek mümkin däl. Dünýäniň, sebitiň we ýurdumyzyň daşky gurşaw bilen bagly ekologik meselelerini çözmekde kadalaşdyryjy hukuk namalaryna uly orun degişlidir. Hut şu nukdaýnazardan, Türkmenistan Birleşen Milletler Guramasynyň Daşky gurşawy goramak boýunça maksatnamasynyň, Çölleşmäge garşy göreş baradaky, Howanyň üýtgemegi baradaky Çarçuwaly konwensiýalaryna goşulyşdy we daşky gurşawy ýaramaz täsirlerden goramak bilen baglanyşykly birnäçe kadalaşdyryjy hukuk namalary, hususan-da, «Tebigaty goramak hakynda», «Ösümlik dünýäsi hakynda», «Haýwanat dünýäsi hakynda», «Aýratyn goralýan tebigy ýerler hakynda», «Atmosfera howasyny goramak hakynda» Türkmenistanyň Kanunlary kabul edildi.

4 Fewral 2021

Ekologiýa

Çar ýana uzaýan ýollar

Ýol düşünjesi durşy bilen pelsepe. Geçmişden şu güne, şu günden geljege barýan ýollar. Dost öýüne barýan ýollar. Aslynda, ýol hakyndaky düşünjäniň özi gatnaşygyň bardygyny, zerurdygyny aňladýar. Hormatly Prezidentimiz «Türkmenistan — Beýik Ýüpek ýolunyň ýüregi» atly eseriniň ikinji kitabynda: «Şu günki gün ýurdumyzda ulag düzüminiň utgaşdyrylan ulgamy döredilip, Beýik Ýüpek ýolunyň ýüreginden uzaýan halkara we sebitara deňiz, derýa, awtomobil, polat we howa ýollary dünýäniň gujagyna aralaşýar, ak ýollar halklary birleşdirýär, yklymlary ýakynlaşdyrýar» diýip belleýär.

4 Fewral 2021

Jemgyýet

Taryha sarpa

Türkmen halky özüniň milli däp-dessurlarynyň tapawutlylygy we oňa goýýan sarpasy netijesinde umumadamzat ruhy gymmatlyklaryň döremegine ähmiýetli goşant goşan milletleriň biri hökmünde tanalýar. Bu barada hormatly Prezidentimiz «Medeniýet halkyň kalbydyr» atly kitabynda: «Bu gün adamzadyň ahlak-edep ýörelgelerini, ynsanperwerligi, tämiz ruhy, sagdyn ahlagy wagyz edýän milli gymmatlyklarymyz, däp-dessurlarymyz buýsanylmaga, taryp edilmäge, dünýä ýaýylmaga mynasypdyr» diýip belleýär. Hakykatdan hem halkymyzyň milli däp-dessurlaryndan ugur alýan medeniýet we sungat işgärleriniň döredijiliginde döwrüň galkynyşy, milletiň ruhy aýratynlygy duýulýar. Bilşimiz ýaly, Türkmenistan 1993-nji ýyldan bäri ÝUNESKO-nyň doly hukukly agzasy bolup durýar, ol medeni ýadygärlikleri we tebigy gözellikleri gorap saklamak boýunça halkara işlerde möhüm orun eýeleýär. Halkymyzyň medeni we ruhy gymmatlyklaryna hormat goýmaga esaslanýan şertleri döredýär. Hormatly Prezidentimiziň baştutanlygynda «Türkmenistan — parahatçylygyň we ynanyşmagyň Watany» ýylynyň ilkinji aýyndan başlap, medeni mirasymyzy hem milli däp-dessurlarymyzy, taryhy-medeni ýadygärliklerimizi dünýä ýaýmak babatda birnäçe işler durmuşa geçirildi.

4 Fewral 2021

Taryh

Halkymyzyň buýsanjy

Her millete mahsus ilkinji aýratynlyklaryň biri onuň dilidir. Dil ýaşasa, millet ýaşaýar. Dil baýlaşsa, millet baýlaşýar. Ene dilimizi ösdürmek milliligimizi berkitmegiň bir serişdesidir. Şonuň üçin ata-babalarymyz taryhyň dowamynda ene dilimize iňňän uly sarpa goýupdyrlar. Mundan müň ýyl töweregi ozal ýaşap geçen türkmen alymy Mahmyt Kaşgarlynyň «Türki dilleriň diwany» atly ajaýyp eseri türkmen diliniň baý taryhyndan söz açýar. Hormatly Prezidentimiz söze baý milli dilimiz hakda: «Biziň dilimiziň örän gadymy kökleri bar. Gadymy kökler bolsa hemişe geljek üçin giň mümkinçilikleri açýan ygtybarly esas bolup durýar» diýip belleýär.

4 Fewral 2021

Miras

Elektron neşirleri wagtyňyzy tygşytlar

Hormatly Prezidentimiziň milli ykdysadyýetimizi sanly ulgama geçirmek, onuň mümkinçiliklerini giňden peýdalanmak boýunça beren görkezmelerine laýyklykda, Türkmen döwlet neşirýat gullugynyň «türkmenmetbugat.gov.tm» saýty açyldy. Açylmagyna köp wagt geçmändigine garamazdan, bu saýta onlaýn-abuna ýazylýan ildeşlerimiziň sany gün-günden artýar. Elbetde, bu ýagdaý halkymyzyň internet sowatlylygynyň, habardyr maglumata bolan isleginiň, okamak endiginiň kämilleşýändiginiň nyşanydyr. «Türkmenmetbugat» internet neşiri bilen gysgaça tanyşdyrsak, «türkmenmetbugat.gov.tm» internet sahypasy, ýagny, elektron neşiri üç dilde hereket edýär. «Türkmenmetbugat» internet neşirinde birbada 30-a golaý gazet-žurnaly onlaýn usulynda okap bolýar. Gazet-žurnallaryň elektron abunaçysy bolmak isleýänler kompýuteriň üsti bilen ýa-da «Play Market» we «App Store» internet dükanlaryndan «Türkmenmetbugat» mobil goşundysyny telefonlaryna, planşetlerine ýüklemek bilen ýazylyp bilerler.

4 Fewral 2021

Ykdysadyýet

Alkyşlynyň işi oňlar

Käte çykgynsyz ýagdaýa düşenimizde «Kimdir birini närazy etdimmikäm, nirede ýalňyşdymkam?» diýen soraglar biziň aňymyzdan çykanok. Emma bagt guşy depämize gonup, işlerimiz ugruna bolanda, biz hiç wagt «Kimiň alkyşy, kimiň dilegleri meniň ýollarymy ýagtyldýarka?» diýmeýäris-de, «Özümize bolan ynamymyz we zähmetimiz, işimiziň oňmagyna getirýär» diýip, pikir edýäris. Emma özümiz dogrusyndaky ýagşy dilegleriň we alkyşlaryň göýä ummanyň tolkunlary ýaly, öňümizde duran ähli böwetleri aýryp, bize ýagty ýol açýanyny bilmelidiris. Dogrudan hem «Alkyşlynyň işi oňlar» diýilmegi ýöne ýerden däl. Alkyş — bu uly güýji özünde jemleýän sözdür. Ir döwürler bir obada perzentsizlik derdini çekip ýören bir maşgalanyň günlerde bir gün gökdäki dilegleri ýerde gowşupdyr. Ekiz ogullaryny gujagyna alan enäniň we goşa ganat dakylan dek duýgulary başdan geçirýän atanyň şol wagtky şatlygyny söz bilen beýan etmek mümkin bolmandyr. Bular ogullaryny mähir we söýgi bilen terbiýeläp ulaldypdyrlar. Emma bäş barmagyň deň bolmaýşy ýaly, ekiz oglanlaryň häsiýetleri biri-birinden düýpli tapawutlanypdyr. Biri zähmetsöýer, işjanly bolsa, beýlekisi elmydama ýeňil gazanjyň gözleginde bolupdyr. Bir gün ýigit çykan goç ogullar haýyrly işiň başyny tutup, uzak ýola ugramakçy bolýandyklaryny aýdyp, atalaryndan ak pata sorapdyrlar. Atasy ogullaryna pata berip, hersine içi pully bir düwünçegi uzadypdyr. Ogullaryň ulusy düwü

4 Fewral 2021

Jemgyýet

Arassaçylyk saglygyň baş sakasydyr

Adama kesel ýolugansoň, onuň aýrylyp gitmesi kyn bolýar. Şonuň üçin hem keseli bejereniňden, onuň öňüni almak aňsatdyr. Munuň üçin her bir adamyň öz saglygyna aýawly garamagy zerurdyr. Lukmançylyk ylmynda arassaçylyk düzgünlerini doly we dogry berjaý etmek arkaly, dürli ýokanç keselleriň öňüni alyp bolýandygyny aýdýarlar. Arassaçylyk düzgünlerini doly we dogry berjaý etmegi bolsa biz öz maşgalamyzdan başlamalydyrys. Gigiýenanyň iň ýönekeý, ýöne zerur düzgüni arassaçylygy endik edinmek. Nahary taýýarlaýan wagtyňyz, nahardan soň ýa-da daşardan gelnende, elleriňizi sabyn bilen gowy edip ýuwmaly. Ýaşalýan, dynç alynýan otaglary ýygy-ýygydan ýelejiredip durmaly. Tämiz howa immuno ulgamyň işjeňligini ýokarlandyrýar. Öýde çygly arassalaýyş işlerini wagtly-wagtynda geçirip durmaly, tozan bolmazlygyny gazanmaly.

4 Fewral 2021

Saglyk

Sagadyň jaňy

Biziň köpimiz ir bilen turmak üçin sagadyň jaňyny ulanýarys. Işimize, okuwymyza wagtynda ýetişmek üçin sagadymyzyň jaňynyň sesine oýanmagy endik edinipdiris. Sagatsyz oýanmak hakynda pikir edip görüpmidiňiz?! Eger siz sagatsyz oýanmagy endik edinseňiz, onda siziň şähdiňiz açyk, ünsüňiz güýçli, keýpiňiz çag bolar. Eýsem, sagatsyz oýanmagy nädip endik edinmeli? Onuň jogaby örän ýönekeý. • Adatça uly ýaşly adamlara gowy ukysyny almak üçin 6-8 sagat wagt gerek bolýar. Ilki bilen, ýeterlik ukyny almak üçin özüňize näçe wagtyň gerekdigini biliň. Gowy pikirleri aňyňyzda aýlap, uklamagy endik ediniň.

4 Fewral 2021

Saglyk

Watan goragy beýgeldýär

Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowyň Watan goragçylarynyň baýramçylygynyň bellenilýän gününde geçiren Döwlet howpsuzlyk geňeşiniň giňişleýin göçme mejlisi Milli goşunymyzyň şahsy düzüminiň baýramçylyk ruhuny göterip, baýramçylygy çuň mazmun bilen baýlaşdyrdy. Has anygy, bu mejlis hormatly Prezidentimiziň: «Watan goragçysy hiç zatda kemçilik çekmeli däldir, onuň azygy bol, egin-eşigi ýyly, tehnikasy — ýaragy gurat bolmalydyr» diýen taryhy sözleriniň durmuşa geçirilişiniň nobatdaky dabaralanmasy boldy. Mejlisde ýurdumyzyň harby we hukuk goraýjy edaralarynda 2021-nji ýylyň ýanwar aýynda ýerine ýetirilen işleriň jemlerine, jemgyýetimizde tertip-düzgüni berkitmek, degişli düzümleriň maddy-enjamlaýyn binýadyny pugtalandyrmak bilen baglanyşykly wezipelere we bu ugra degişli beýleki birnäçe wajyp meselelere garalyp, Garaşsyz döwletimizde mundan beýläk-de howpsuzlygy, parahatçylygy üpjün etmek boýunça işleri kämilleşdirmegiň meseleleri ara alnyp maslahatlaşyldy.

28 Ýanwar 2021

Garaşsyzlyk

Ýylyň şygary — döwrüň çyragy

Milli Liderimiziň döwletli başlangyjy bilen 2021-nji ýyla «Türkmenistan — parahatçylygyň we ynanyşmagyň Watany» diýen nurana at, belent şygar berildi. Parahatçylygy we ynanyşmagy dünýä syýasatynyň baş ýörelgesi hökmünde öňe sürmek tutuş adamzadyň abadançylygy üçin iň zerur ýoluň nämedigini anyk kesgitläp bilmekdir. «Türkmenistan — parahatçylygyň we ynanyşmagyň Watany» diýen jümlede uly many bar. Ol parahatçylyk, ynanyşmak ýaly düşünjeleriň kök uran, ýaýran asyl mekanynyň şu toprakdygyny tekrarlaýar. Muňa bolsa şanly taryhymyz şaýatlyk edýär. Şu ýylyň şygarynyň milli Liderimiziň öňe sürýän halkara ähmiýetli başlangyçlary bilen utgaşýandygy aýratyn bellärliklidir.

28 Ýanwar 2021

Bitaraplyk

Garaşsyzlygy goramak — mukaddes borjumyz

Bu ýyl döwlet Garaşsyzlygymyzyň şanly 30 ýyllygy uludan baýram edilýär. Mukaddes Garaşsyzlygyň saýasynda geçen bu döwürde hormatly Prezidentimiziň: «Garaşsyzlyk döretmäge — kuwwat, gurmaga — güýç, parahatçylygy we dostlugy pugtalandyrmaga — egsilmez ylham berýär» diýen sözlerinden ruhlanyp, döwletimiziň her bir pudagynda uly üstünlikler gazanyldy we belent sepgitlere ýetildi. Hormatly Prezidentimiziň 2007-nji ýylda çapdan çykan «Garaşsyzlyga guwanmak, Watany, halky söýmek bagtdyr» atly kitabynda: «Garaşsyzlyk ýyllary içinde ýetilen sepgitler biziň halkymyzyň ägirt uly döredijilik güýjüniň bardygyny subut etdi» diýip buýsanç bilen belleýşi ýaly, gazanylan bu ösüşlerde her bir türkmenistanlynyň mynasyp zähmeti, uly hyzmaty bardyr. Hawa, Garaşsyzlyk her bir ynsanda watançylyk duýgusyny ösdürýän mukaddes güýje eýe bolan sözdür. Bu söz ata-babalarymyzdan miras galan Türkmenistan Watanymyzyň bagtyýar şu gününe we nurana geljegine ynamly bakmaga mümkinçilik berýär. Garaşsyzlygyň egsilmez güýjünden, ähli ulgamlar babatda öňegidişlikler gazanyldy. Çünki biziň ösüşlerimiziň gözbaşy-da, çeşmesi-de Garaşsyzlykdan başlanýar. Halkymyzyň abadan, parahat, eşretli durmuşda ýaşaýanlygy Gahryman Arkadagymyzyň «Döwlet adam üçindir!» diýen baş ýörelgesiniň miwesidir. Milli Liderimiziň alyp barýan hoşniýetli daşary we içeri syýasaty netijesinde bolsa Garaşsyz, hemişelik Bitarap Türkmenistan

28 Ýanwar 2021

Garaşsyzlyk

Döwre buýsanç - zähmete hyjuw

Batyr HYDYROW,Saparmyrat Türkmenbaşy etrabynyň prokurorynyň tälim alyjy kömekçisi: — Ýurdumyzda demokratik başlangyçlary ykrar etmek we ösdürmek, döwletimiziň adam hukuklary babatdaky halkara borçnamalaryny ýerine ýetirmek boýunça hem möhüm işler durmuşa geçirilýär. Gahryman Arkadagymyzyň baştutanlygynda «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion kanunynyň kabul edilmegi bilen demokratik ýörelgelere täze itergi berildi. Esasy Kanunymyza girizilýän üýtgetmeler we goşmaçalar ýurdumyzyň kanun çykaryjy edaralarynyň palatalarynyň deňhukuklylyk, özbaşdaklyk, adalatlylyk, açyklyk we aýdyňlyk ýörelgeleri esasynda sazlaşykly işlemegini üpjün eder. Bu özgertmeleriň baş maksady Türkmenistanyň Halk Maslahaty we Mejlis ýaly ýokary wekilçilikli guramalaryň işini kämilleşdirmekden ybaratdyr.

28 Ýanwar 2021

Jemgyýet

Watandyr gursakda şirin janymyz

Her bir adam durmuşyny Watany bilen göz öňüne getirýär. Watan duzy, Watan topragy, Watan howasy — bularyň bary biziň ömrümiziň berkidir. Watana gulluk etmegi özüne maksat edinen hormatly Prezidentimiz bu babatda biziň ählimize görelde mekdebidir. Milli Liderimiziň her bir işinde, eserlerinde Watana bolan çäksiz söýgini, buýsanjy we guwanjy görmek bolýar. Watanymyzyň berk goraglylygy, serhetlerimiziň synmazlygy, ýurdumyzyň içerki asudalygy — döwletiň abadançylygynyň girewi bolup durýar. Milli Liderimiz özüniň «Mert ýigitler gaýrat üçin dogulýar» atly kitabynda şeýle belleýär: «Biziň üçin esasy baýlyk ýurt asudalygymyzdyr. Ertirki gün Zeminiň geljeginiň eýeleri bolan ýaş nesillere tüsse-tozandan arassa parahat ýurdy, mal-mülki üpjün bolan asuda durmuşy, kalbymyza entek çaga wagtlarymyzdan bäri ornaşyp galan ýakymly hüwdüleri, aýdymlary, dessanlary, ertekileri, asylly edim-gylymlary, milli medeniýetimiziň nusgasy bolan däp-dessurlarymyzy miras galdyrmaly».

28 Ýanwar 2021

Miras