"Adalat" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-50, 38-62-75, 38-62-38
Email: adalat-gazeti@sanly.tm

Gazeti PDF görnüşinde ýükläp almak

Habarlar

Bagy-bossan, jennet mekan Aşgabat

Ýurdumyzyň ýüregi, baş şäherimiz Aşgabat günsaýyn gözelleşýär, görkanalyga beslenýär, giňeýär, döwrebaplaşýar. Bu bolsa biziň her birimiziň göwün guşumyzy ganatlandyrýar. Gözel Aşgabadymyz Garaşsyzlyk ýyllarynda, aýratyn hem Berkarar döwletimiziň bagtyýarlyk döwründe tanalmaz derejede ösdi. Döwlet Baştutanymyz şähergurluşygyny hut özüniň üns merkezinde saklap, paýtagtymyzda gurulýan binalar we ymaratlar boýunça gymmatly maslahatlarydyr belliklerini aýdýar. Bu günki gün mermer paýtagtymyzy görmäge göz gerek. Onuň yklymyň iň owadan we kaşaň şäherleriniň birine öwrülmeginde Türkmenistanyň at gazanan arhitektory, Gahryman Arkadagymyzyň zähmeti uludyr. Islendik ýurduň ösüşi, onuň ykdysady kuwwaty paýtagt şäheriň keşbinde öz beýanyny tapýar. Aşgabadyň köşkler toplumyny, başy asmana direýän beýik-beýik ymaratlaryny, göni we giň köçelerini, köp sanly seýilgählerini, owadan suw çüwdürimlerini, ýerasty we ýerüsti geçelgelerini, döwrebap köprülerini, ýaşyl zolaklaryny göreniňde, döwletimiziň nähili ýokary derejede ösendigine, halkymyzyň bagtyýar ýaşaýyş-durmuşyna göz ýetirýärsiň. Bu zatlaryň hemmesi hormatly Prezidentimiziň «Döwlet adam üçindir!» diýen baş şygarynyň üstünlikli durmuşa geçirilýändigini aýdyň görkezýär. Hormatly Prezidentimiziň parasatly baştutanlygynda baş şäherimiziň hukuk binýadynyň pugtalandyrylandygy hem aýratyn bellärliklidir. Munuň şeýledigini Esasy Kanunymyzda «Türk

6 Maý 2021

Garaşsyzlyk

Watansöýüjiligiň belent nusgasy

Şu ýyl 1941 — 1945-nji ýyllaryň urşunda gazanylan ýeňşe 76 ýyl bolýar. Şol uruşda müňlerçe türkmenistanlylar doganlyk halklaryň wekilleri bilen egin-egne berip, edermenligiň hem-de gahrymançylygyň beýik nusgasyny görkezdiler. Çuňňur hormatlanylýan Belent Serkerdebaşymyz ýurdumyzyň uruş weteranlarynyň, uruş ýyllarynda tylda zähmet çeken weteranlaryň we olaryň ýanýoldaşlarynyň sarpasyny hemişe belent tutýar. Olaryň görkezen gahrymançylygynyň, mertliginiň hem edermenliginiň nesiller üçin nusga bolmalydygyny aýdýar. Weteranlar hakynda alada türkmen döwletiniň durmuş syýasatynyň ileri tutulýan ugurlarynyň biridir. Munuň özi ýaşlary watançylyk we asyrlardan bäri türkmen halkyna mahsus bolan ahlak-etiki gymmatlyklaryň ruhunda terbiýelemäge ýardam edýär. Döwletiň weteranlar baradaky aladasyny bir ugra gönükdirmek, olaryň hukuklaryny we kanuny bähbitlerini durmuşa geçirmäge ýardam bermek we goramak hem-de weteranlaryň ýaşaýyş-durmuş derejesini ýokarlandyrmak babatda anyk işler durmuşa geçirilýär. Uruş weteranlary döwlet Baştutanymyzyň özleri hakynda edýän aladasyny duýmak bilen, öz minnetdarlyklaryny ýaşlary watançylyk, öz ýurduňa söýgi, türkmeniň geljegi üçin döredijilikli zähmet çekmek ruhunda terbiýelemäge işjeň gatnaşmaklary bilen görkezýärler.

6 Maý 2021

Jemgyýet

Döwletlilik ýörelgesi döwürlere görelde

Gahryman Arkadagymyzyň «Türkmeniň döwletlilik ýörelgesi» atly ajaýyp eseri halkymyzyň asylly däpleriniň dowamat-dowamdygyny alamatlandyryp, dünýä gymmatlyklaryna uly goşant goşan paýhasly pederlerimiziň şöhratynyň mundan beýläk-de belende göterilmegi ugrunda edilýän tagallanyň aýdyň netijesidir. Adamzadyň gymmatly baýlygyna öwrülýän bu eseriň ýakynda özbek dilinde neşir edilmegi ýyl-ýyldan berkeýän türkmen-özbek hoşniýetli goňşuçylyk gatnaşyklarynyň taryhynda ähmiýetli wakadyr. Hormatly Prezidentimiziň bu kitabynda halkymyzyň dünýä nusgalyk asylly ýörelgeleri barada parasatly oý-pikirleri jemlenmek bilen, milli dessurlarymyza, olaryň Watanyň abadançylygyny üpjün etmekde, häzirki nesilleri terbiýelemekde eýeleýän ornuna möhüm ähmiýet berilýär. Döwlet Baştutanymyzyň ýiti zehininden dörän «Türkmeniň döwletlilik ýörelgesi» atly kitabynyň özbek dilinde neşir edilmegi doganlyk özbek halkynyň bu eseriň ynsanperwerlik mazmunyna uly gyzyklanma bildirýändigini şöhlelendirdi.

6 Maý 2021

Miras

Myhmansöýerlik — asylly däp

Milli Liderimiziň «Türkmeniň döwletlilik ýörelgesi» atly kitabynyň «Myhmansöýerlik» diýen bölüminde myhmansöýerlige türkmençilikde ynsanperwerlik diýlen ýörelgeden ugur alnyp baha berilýär. Kitapda bu delil Gorkut atanyň aýdýan sözlerinden-de belli bolýar: «Myhman gelmeýen öýüň bolanyndan bolmadygy ýeg». Türkmenlerde «Bir gün duza müň gün salam» diýlen aýtgy bar. Bu ýöne ýere aýdylan zat däl. Bu aýtgynyň gönezliginde duz-emek bolansoň, dost-dogan bolunýanlygynyň çuňňur manysy bar. Ýakynda döwlet Baştutanymyzyň bu kitaby özbek dilinde çapdan çykdy. Bu neşir iki goňşy halky bileşdirýän, aşyrlaryň dowamynda taryhy we medeni taýdan ýola goýlan özara hoşniýetli döwletara gatnaşyklarynyň özboluşly nyşanyna öwrüldi. Täze neşir ýyl-ýyldan berkeýän hoşniýetli goňşuçylyk türkmen-özbek gatnaşyklarynyň taryhynda ähmiýetli waka boldy. Milli Liderimiziň «Türkmeniň döwletlilik ýörelgesi» kitabynyň özbek dilindäki neşiri türkmen-özbek gatnaşyklarynyň ösdürilýändiginiň köp sanly subutnamalarynyň biridir. Hormatly Prezidentimiziň 29-njy aprelde Gypjakdaky Baş metjitde beren agzaçar sadakasyna özbek doganlarymyzyň hem gatnaşmagy iki halkyň ruhy däplere, gadyrly gatnaşyklara ygrarlydyklaryny ýene bir gezek açyp görkezdi. Myhmana hormat goýmak, ony sarpalamak döwletlilikden nyşan. Döwletli türkmen öýüne hoş geldiňiz, eziz myhmanlar!

6 Maý 2021

Jemgyýet

Sanly ulgam — sanly ykdysadyýet

Döwletimiziň milli ykdysadyýetini has-da döwrebaplaşdyryp, ony diwersifikasiýa ýoly bilen ösdürmek, ýurdumyzyň ähli pudaklarynda ylmyň soňky gazananlaryny, döwrebap ösen innowasion sanly tehnologiýalary ornaşdyrmak boýunça uly işler amala aşyrylýar. Sanly ykdysadyýete «Internet arkaly amala aşyrylýan ykdysadyýet» diýlip hem düşünilýär. Şeýle-de, innowasion sanly maglumat — aragatnaşyk tehnologiýalary, ylmy-tehniki işläp taýýarlamalary özünde jemleýän bu sanly elektron ulgama «Dördünji senagat rewolýusiýasy» diýlip hem aýdylýar.

6 Maý 2021

Ykdysadyýet

Adyl kazyýetligiň möhüm binýady

Adyl kazyýetliligiň döwrebap şertlerde elýeterliliginiň we netijeliliginiň üpjün edilmegi möhüm orunda durýar. Kazyýet adyl kazyýetligi amala aşyrmak bilen, fiziki we ýuridik şahslaryň hukuklaryny we azatlyklaryny, kanun tarapyndan goralýan döwlet we jemgyýetçilik bähbitlerini goraýar. Kazyýet häkimiýeti raýat, arbitraž, administratiw we jenaýat kazyýet önümçiligi arkaly amala aşyrylýar. Taraplaryň talaplaryny we nägileliklerini esaslandyrýan ýagdaýlaryň bardygyny ýa-da ýokdugyny hem-de işi dogry çözmek üçin ähmiýeti bolan beýleki ýagdaýlary arbitraž kazyýetiniň kanunda bellenilen tertipde kesgitlemegi üçin esas bolup hyzmat edýän hakykat ýüzündäki islendik maglumatlar iş boýunça subutnamalar bolup durýar. Şunda işe gatnaşýan şahslaryň we arbitraž iş ýöredişine beýleki gatnaşyjylaryň sanly wideoaragatnaşyk ulgamyny peýdalanmak arkaly alnan düşündirişlerine subutnama hökmünde ýol berilýändigi baradaky kadanyň göz öňünde tutulmagy adyl kazyýetliligiň döwrebap şertlerde amala aşyrylmagyna giň mümkinçilikleri döredýär.

6 Maý 2021

Jemgyýet

Mukaddes borç

Hormatly Prezidentimiziň «Döwlet adam üçindir!» diýen parasatly ýörelgä ýugrulan döwlet syýasatynda şöhratly taryhymyzda mukaddes Watanymyzy gözümiziň göreji deýin goramagyň kämil mekdebini döreden merdana ata-babalarymyzyň mertligini, watansöýüjiligini, gahrymançylygyny hatyralamaga, ösüp gelýän ýaş nesilleri zähmetsöýerlik, watançylyk, halallyk ruhunda terbiýelemäge aýratyn ähmiýet berilýär. 1941 — 1945-nji ýyllaryň urşunda gazanylan ýeňiş dünýä halklarynyň hakydasynda baky ýaşaýar. Berkarar döwletimizde uruş weteranlaryny, urşa gatnaşyjylaryň ýanýoldaşlaryny hem-de uruş ýyllarynda tylda zähmet çeken weteranlary sarpalamak, olaryň adyny baky ebedileşdirmek babatda uly işler alnyp barylýar. Hormatly Prezidentimiziň taýsyz tagallalary bilen ýurdumyzyň harby we hukuk goraýjy edaralarynyň işiniň maddy-enjamlaýyn binýadynyň yzygiderli pugtalandyrylmagy, olaryň işini düzgünleşdirýän milli kanunçylyk namalarynyň kämilleşdirilmegi, harby gullukçylaryň we olaryň maşgala agzalarynyň ýokary ýaşaýyş-durmuş derejesiniň üpjün edilmegi babatda toplumlaýyn işleriň durmuşa geçirilmegi Watan goragçylarynyň buýsançlaryna buýsanç goşup, mukaddes Watanymyzyň goragyny ýokary derejede üpjün etmäge ruhlandyrýar.

6 Maý 2021

Jemgyýet

Garaşsyzlygyň röwşen menzilleri

Häzirki wagtda Türkmenistanda jenaýatçylykly ýol bilen alnan girdejileriň kanunlaşdyrylmagyna, terrorçylygyň we köpçülikleýin gyryş ýaragynyň ýaýradylmagynyň maliýeleşdirilmegine garşy göreşmek boýunça Ýewraziýa topary tarapyndan degişli ugurdaky Türkmenistanyň milli ulgamyna özara baha beriş çäresiniň 2-nji tapgyry geçirilýär. Bu çäräniň dowamynda Pullaryň kanunlaşdyrylmagyna garşy göreşiň maliýe çärelerini işläp düzýän (FATF) toparyň we şol toparyň Ýewraziýa toparynyň (EAG) wekillerinden ybarat bolan wekiliýetiň ýurdumyza iş sapary bilen gelmegine garaşylýar. Çäräniň taýýarlyk işleri Türkmenistanyň Maliýe we ykdysadyýet ministrliginiň ýanyndaky Maliýe gözegçiligi gullugy we şol ministrligiň ýanynda döredilen adybir utgaşdyryjy Pudagara iş topary tarapyndan ýerine ýetirilýär hem-de netijeli amala aşyrylýar. Bilşimiz ýaly, FATF (Financial Action Task Force) — jenaýatçylykly ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy halkara standartlaryny işläp taýýarlaýan, bu ugurda milli ulgamlaryň şol standartlara laýyklygyna baha berýän hökümetara topardyr. Ol jenaýatçylykly ýol bilen alnan girdejileriň kanunlaşdyrylmagyna we terrorçylygyň maliýeleşdirilmegine garşy göreş çygrynda özüniň 40 maslahaty bilen çykyş edýär.

6 Maý 2021

Garaşsyzlyk

Saz — dünýäni özgerdýän sungat

Türkmençilikde aga-inilik örän uly jebislik hasaplanýar. Sebäbi il-günüň asudalygyny saklamak üçin ýigitleriň agzybirligi zerur bolupdyr. Şükür dünýä inende «Bir ýumrugymyz artdy» diýip, begenen ata-enesi ondan ulaldykça edermen, gaýratly adamy kemala getirmek isleýär. Emma Şüküriň welin, küýi-köçesi başga zatda, ýagny dutarda. Bu waka N.Saryhanowyň «Şükür bagşy» powestinde şeýle beýan edilýär: Sazanda dutaryň yşgyna ýaş oglanlygyndan düşüpdi. Öz deň-duş oglanlary çybykdan at edinip oýnasa, ol agaçdan dutar ýasanyp, uzynly güni şony gazap geçirerdi. Ejesiniň ýüpegini azajyk-azajykdan ogurlap, öz ýasan dutaryna kiriş edip gutarardy. Goňşularynyň dutaryny çalyp-çalyp bozardy. Ejesi ony ertir bilen ota ýa-da oduna ibärdi. Ol meýdanda öz ýasan dutary bilen meşgul bolup, agşamlyk boş diýen ýaly gaýdyp gelerdi. Ol öz öýlerinden dutarly öýlerde kän bolardy. Özi çalman, kesesinden seredip otursa-da, hezil edýärdi. Oňa bir iş buýurjak bolup ýa-da nahar wagty tapmasalar, iň ilki bilen baryp, obanyň dutarly öýlerini barlap çykardylar. Ol hernä şol ýerlerden tapylardy.

6 Maý 2021

Medeniýet

Hoşniýetlilik we hyzmatdaşlyk

Türkmenistanda jemgyýetiň we döwletiň iň ýokary gymmatlygy adamdyr. Adamy goramak, goldamak we oňa hyzmat etmek döwlet häkimiýet edaralarynyň baş wezipesidir. Hormatly Prezidentimiz tarapyndan işlenip düzülen howpsuzlyk düşünjesiniň bölünmesizligi baradaky konsepsiýa Türkmenistanyň daşary syýasatynyň özenini emele getirýär. Ol bolsa aslyýetinde, harby däl syýasy-diplomatik serişdeler arkaly ählumumy howpsuzlygyň mäkäm hem uzak möhletli ulgamyny döretmäge hemmetaraplaýyn goldaw bermegiň syýasy we ylmy-teoretik esasy bolup durýar. Onuň ileri tutulýan ugurlary howpsuzlygyň milli, sebit we global derejesine we syýasy, ykdysady, energetika, suw, azyk, ekologiýa boýunça we howpsuzlygyň beýleki ähli ugurlarynyň berk arabaglanyşyklydygyna bir bitewi garaýşy öz içine alýar.

6 Maý 2021

Hyzmatdaşlyk

Atçylyk we atly sportuň hukuk esaslary

Döwletimizde atçylygy we atly sporty ösdürmek üçin giň mümkinçilikler döretmek bilen bir hatarda, onuň hukuk esaslaryny pugtalandyrmaga degişli kanunlar kabul edilýär. Ýurdumyzda 2015-nji ýylyň 21-nji noýabrynda kabul edilen «Atçylyk we atly sport hakynda» Türkmenistanyň Kanuny atçylyk sportunyň kanunçylyk binýadyny kepillendirýär. Bu Kanun atçylygy, atly sporty ösdürmegiň hukuk, ykdysady we guramaçylyk esaslaryny kesgitleýär hem-de Türkmenistanda arassa ganly tohum atlaryň genofonduny gorap saklamaga gönükdirilendir, şeýle hem atlar köpeldilen, ösdürilip ýetişdirilen we ulanylan mahalynda ýüze çykýan ýagdaýlary düzgünleşdirýär. Şu ýylyň 13-nji martynda «Atçylyk we atly sport hakynda» Türkmenistanyň Kanunyna üýtgetmeler we goşmaçalar girizmek hakynda» Türkmenistanyň Kanuny kabul edildi.

6 Maý 2021

Sport

Milli gymmatlyklaryň sarpasy

Ýer ýüzünde türkmen halkynyň dünýä siwilizasiýasyna goşan goşandy, halklaryň ruhy-ahlak ösüşine siňdiren zehini bireýýäm ykrar edildi. Halkymyzyň milli sungatyny baýlaşdyran ajaýyplyklar barmak büküp sanardan kändir. Sebäbi türkmeniň adam ýaly syzýan ahalteke bedewleri, nepis halylary, datly gawunlary, şol sanda türkmen halkynyň özüniň wepaly dosty hasaplaýan alabaý itleri milletimiziň at-abraýyny artdyryp gelipdir. Şolaryň arasynda ady äleme ýaýrap, şöhraty dünýä dolan miraslaryň biri atşynaslyk sungatydyr. Ençeme asyrlardan bäri merdana türkmen ýigitleriniň uçar ganaty saýylyp gelýän ahalteke bedewleriniň bu günki gözelliginde müňýyllyklaryň dowamynda çekilen zähmetiň kämil miwesi bar. Türkmen atlaryndaky ýaly owadanlyk, çydamlylyk, ýyndamlyk dünýäniň men diýen çapar atlarynyň hiç birinde ýok. Ahalteke atalarynyňky ýaly ajaýyp sypatlary we häsiýetleri bir ýerde jemlemek diýmek dilde aňsat. Türkmen ykbalynda atçylygyň şeýle uly orun almagy ýöne ýerden däldir. Halkymyz owal-ahyrdan atyny ýoldaşy, alabaý itini wepaly dosty, goragçysy saýypdyr. Gadym döwürlerde halkymyz alabaý itine hany-manyny, öý-ojagyny ynanypdyr. Olar hem öz eýesine wepadarlyk bilen berk goragçy bolupdyr. Halkymyzyň bedew atyna, alabaý itine ynsana mahsus şeýle düşbülik häsiýetini berip, ýetişdirip bilmegi ir wagtlardan bäri hem seçgiçiligiň, we seýwançylygyň ussatlyk bilen hötdesinden gelendigine şaýatlyk

6 Maý 2021

Miras

Ynam — güýç

Türkmenistanyň Prezidenti Gurbanguly Berdimuhamedowyň «Döwlet guşy» romanyndan. Olar ertirlik edinip, kolhoz kontorasyna ugradylar. Kerim gatlaklynyň maşyny eýýäm taýýar durdy.

6 Maý 2021

Miras

Oňatlaryň obasy (Hekaýa)

Ol oba bilýäňizmi nirede? Ol oba meniň çagalygymyň geçen ýeri. Kakamyň atamlaň öýünden aýra hojalyk bolup göçen ýeri. Ol oba jepakeş adamlaryň ýaşaýan obasy. Melleklerinden ýylda iki gezek hasyl alyp, mal-garasy bilen gümra bolup ýören sadaman adamlaryň obasy. Ýöne bu gürrüň berjek bolýan ynsanym, atam aýtmyşlaýyn, iliň tagallasy bilen ilbiri bolan adam. Men ol wagtlar alty-ýedi ýaşymdadym. Köçämiziň oglan-gyzlary bolup agzybirje oýnardyk. Köçämiziň orta gürpünde ýaşaýan Omat kakadanam otdan gorkan ýaly gorkardyk. Ol keýpsiz wagty biz bilen deň-duş ogullaryna: «Işýakmazlar, gyş otuny men ýygnamalymy? Şu çaka çenli ýygnan otuňyzyň bary şumy?» diýip gygyrardy. Onuň çasly sesinden tisginmedigimiz ýok bolsa gerek. Ýogsa, köçämiziň ýaşululary toýda-tomguda pessaý ses bilen aýdybam görüpmişin. Atam bize-de ot ýygdyrýardy. Güýzüne ýaprak syryp, bileklerimizi sypjyrym-sypjyrym edibem gelýärdik. Enemiň biziň getiren ýapraklarymyzyň tot-tozanyny kakyşdyryp, silkişdirip berende, sygyrdyr gölejigimiziň hezil edip iýşini synlap, elimiziň awuşamasy aýrylan ýaly bolardy. Atam Omat kaka ýaly gygyrman, otdur ýaprak iýmeseler, sygryň süýt bermejegini ýöne düşündiräýýädi. Bizem düşünýädik. «Süýr günortan akar ýabyň başyna barmaň!» diýilse barmazdyk. Näçe garagolam bolsak, etme diýlenini etmezdik. Omat kaka bolsa hiç kimi diňlemeýärmiş. Garryja ejesi Bibijemal gelneje-de: «Özüňden uly bar, kiçi b

6 Maý 2021

Edebiýat

Gazete ýazylmaga howlugyň!

Hormatly okyjylar, 2021-nji ýylyň ikinji ýarym ýyllygy üçin «Adalat» gazetine abuna ýazylyşyk möwsümi başlandy. Ýurdumyzda kabul edilýän we kämilleşdirilýän kanunlar, kanunçylyk namalary hem-de hukuk meseleleri bilen içgin gyzyklanyp, ýakyndan tanyşmak isleýänler «Adalat» gazetiniň abuna ýazylyşygy üçin aragatnaşyk bölümlerine ýüz tutup bilerler. Gazete iki görnüşde — çap edilýän hem-de elektron görnüşdäki neşirler boýunça ýazylyp bilersiňiz.

6 Maý 2021

Garaşsyzlyk

Dünýä dolan dabara

Milli Liderimiziň beýik başlangyçlary bilen «Türkmenistan — parahatçylygyň we ynanyşmagyň Watany» ýylynda egsilmez şatlyga, joşguna we buýsanja beslenip bellenen behişdi bedewlerimiziň we türkmen alabaýlarynyň şanyna tutulan baýramymyzyň dabarasy şanly wakalar bilen dünýä doldy. Bu ajaýyp  baýramçylyk mynasybetli birnäçe sergiler, ylmy maslahatlar, döredijilik we sport ýaryşlary, şol sanda uzak aralyga — 60 kilometrlik marafon geçirildi.

30 Aprel 2021

Garaşsyzlyk

Özara bähbitli hyzmatdaşlygy ösdürmekde oňyn tejribe

Hormatly Prezidentimiziň öňdengörüjilikli syýasatynyň netijesinde ýurdumyz ösüşiň we rowaçlygyň ýoly bilen ynamly öňe barýar. Çünki umumadamzat bähbitli bu ýörelgeler eziz Diýarymyzyň, şeýle hem beýleki döwletleriň-de aýdyň maksatlaryna ýetmegine, öz mümkinçiliklerini ulanyp bilmegine degerli täsirini ýetirýär. Türkmenistanyň hemişelik Bitaraplygy we oňa esaslanýan daşary syýasaty dünýäde we sebitde hoşniýetli gatnaşyklary işjeňleşdirmekde, köptaraplaýyn özara bähbitli hyzmatdaşlygy ara alyp maslahatlaşmakda ýurdumyzyň baglaýjy halka bolup çykyş edýändigi umumy ykrar edilen ýagdaýa öwrüldi. Döwlet Baştutanymyz her ýylyň başynda milli parlamentiň deputatlary bilen duşuşyk geçirip, kanun çykaryjylyk ulgamynyň mundan beýläk-de kämilleşdirilmegi üçin degişli maslahatlary yzygiderli bermek bilen bir hatarda, dünýä döwletleri bilen hyzmatdaşlygyň gerimini giňeltmek, parlamentara hyzmatdaşlygy ösdürmek, abraýly halkara guramalar, şol sanda Birleşen Milletler Guramasy we onuň düzüm birlikleri bilen köptaraplaýyn gatnaşyklary ösdürmek baradaky tabşyryklaryny berýär. Hormatly Prezidentimiziň tabşyryklaryndan ugur alnyp, ýurdumyzda parahatçylygy we howpsuzlygy üpjün etmek boýunça tagallalar babatda Halkara parahatçylyk we ynanyşmak ýyly bilen baglanyşykly, şeýle hem Türkmenistanyň Garaşsyzlygynyň şanly 30 ýyllygy, onuň hemişelik Bitaraplygynyň 25 ýyllygy, Aşgabat şäheriniň esasland

30 Aprel 2021

Hyzmatdaşlyk

Döwre buýsanç - zähmete hyjuw

Kemal ÖWLÜÝÄGULYÝEW,Aşgabat şäheriniň Köpetdag etrap kazyýetiniň kazysy: — «Demokratiýanyň we ýeke-täk dolandyryşyň ilkinji sapaklary maşgaladan başlanýar. Maşgala türkmen jemgyýetiniň binýady bolup durýar» diýip, parasatlylyk bilen belleýän hormatly Prezidentimiziň alyp barýan döwlet syýasatynyň esasynda adamlar, olaryň abadançylygy, asudalygy, saglygy hakyndaky aladalaryň durmagy bagtyýar durmuşymyzy görkezýär. Maşgala özboluşly ilkinji guramadyr. Onda gatnaşyklaryň köpugurly görnüşleri emele gelýär we dürli meseleler çözülýär. Şoňa görä-de, her bir maşgala maddy we ruhy taýdan üpjün bolmalydyr.

30 Aprel 2021

Garaşsyzlyk

Ak şäherim Aşgabat

Myhmansöýerligiň, ynsanperwerligiň, ygtybarly hyzmatdaşlygyň, nurana döredijiligiň mekany, ýurdumyzyň ýüregi, Aziýanyň merjeni bolan Aşgabat bu gün älem-jahanyň üns merkezinde. Günsaýyn özgerýän, gözelleşýän, gülleýän paýtagtymyz ajaýyp ak mermere beslenýän beýik ymaratlary, kaşaň jaýlary, giň we owadan köçeleri, seýilbaglary bilen bu ýere myhman bolup gelenleriň ünsüni özünde jemleýär. Şeýle ajaýyplyklary synlanyňda bolsa, şäheriň döreýşi, onuň geçmiş-taryhy we ösüşi hakyndaky sowally jümleler biygtyýar seriňe dolýar. Köpetdagyň eteginde, goja dagyň goýnunda seleňläp oturan bu gadymy mekanyň baý taryhy, asyrlara uzaýan beýik geçmişi bar. Onuň üç asyryň şaýady bolup, ynsan dünýäsine gujak gerip oturandygyna geçmişiň gatlaryna syýahat edeniňde doly göz ýetirýärsiň.

30 Aprel 2021

Garaşsyzlyk

Abadan ýollar — bagtyýar iller

Hemişelik Bitarap Watanymyzyň Garaşsyzlygynyň şanly 30 ýyllygy bilen paýtagtymyz Aşgabadyň esaslandyrylmagynyň 140 ýyllygynyň toýunyň bilelikde tutulmagy ýurdumyzyň ykdysady, medeni we beýleki ugurlardaky ýeten belent sepgitlerini dabaralandyrýar. Aziýanyň merjeni — paýtagtymyz Aşgabat şäherleriň seresi bolup, dünýä parahatçylygyň we ösüşiň ýalkymyny saçýar. Milli Liderimiziň taýsyz tagallalary netijesinde, myhmansöýer paýtagtymyzyň gözelligi täze binalaryň gurulmagy bilen barha artýar. Hormatly Prezidentimiziň dünýä nusgalyk ýörelgeleri gurmak döredijiliginde mynasyp orun alyp, halkymyzyň eşretli durmuşyny has-da gözelleşdirýär. Baky Bitaraplyk ýörelgelerimizi bolsa çuň mazmun bilen baýlaşdyrýar. Şeýle işler ata Watanymyzyň halkara derejesinde abraý-mertebesini hem barha belende göterýär.

30 Aprel 2021

Garaşsyzlyk