"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

«Ynamdar» ynam gazanýar

Baryp birnäçe ýyl mundan ozal hem «onlaýn söwda», «internet dükan» ýaly düşünjeler ildeşlerimiziň köpüsine nätanyşdy. Hormatly Prezidentimiziň parasatly başlangyjy esasynda ýurdumyzda sanly ulgamyň güýçli depginde ornaşdyrylmagy netijesinde türkmen telekeçileri hem işewürligiň täzeçil usullaryny özleşdirip, ilata onlaýn söwda hyzmatlaryny hödürlemegi ýola goýdular. Bizem Türkmenistanyň Senagatçylar we telekeçiler birleşmesiniň hem-de Türkmenistanyň Senagatçylar we telekeçiler partiýasynyň işjeň agzasy, ençeme ýyldan bäri üstünlikli iş alyp barýan telekeçileriň biri bolan Nurmuhammet GAPUROW bilen söhbetdeşlikde onuň esaslandyran «Ynamdar» onlaýn dükanynyň işi bilen tanyşdyk. — Nurmuhammet aga, «Ynamdar» onlaýn dükanyny döretmäge size näme itergi berdi?

8 Fewral 2021

Telekeçilik

Şygryýet älemi

Watan waspy Watan, waspyň sözlesem,Dagyň, düzüň keramat.Derde eýleseň melhem,Otuň, çöpüň hemaýat.

8 Fewral 2021

Medeniýet

Ukyply serkerde, görnükli döwlet işgäri we ussat şahyr

Muhammet Baýram han Türkmen hakynda söhbet Şöhratly taryhymyza nazar aýlasaň, adynyň yzyna «Türkmen» tahallusy goşulyp, dürli döwletleriň syýasy durmuşynda möhüm orny eýelän şahsyýetleriň birnäçesini görmek bolýar. Şolaryň hatarynda Mürze Barhurdar Türkmen (XVI asyr), Isgender beg Türkmen (1560 — 1634), Muhammetguly Kutubşa Türkmen (1580 — 1611) we Muhammet Baýram han Türkmen (1498 — 1561) aýratyn orny eýeleýärler. Bu şahsyýetleriň arasynda Muhammet Baýram han «Türkmen» tahallusyny göteren şahslaryň iň görnüklisidir. Ýokarda sanap geçen şahsyýetlerimiziň ikisi döwlet işgäri we taryhçy, beýleki biri hökümdar hem şahyr bolsa, Baýram han Türkmen ukyply serkerde, görnükli döwlet işgäri, ussat şahyr hökmünde taryhda öçmejek yz goýandyr. Olar bir maksada — döwlete we çeper söze gulluk edipdirler.

8 Fewral 2021

Edebiýat

Anyk wezipeler kesgitlenildi

Milli ykdysadyýetimiziň möhüm ugurlarynyň biri bolan gurluşyk-senagat toplumynda gazanylýan netijeler halkymyzyň abadan we bagtyýar durmuşynyň binýadyny berkitmekde uly orny eýeleýär. Milli Liderimiziň parasatly baştutanlygynda topluma degişli ugurlaryň işini yzygiderli kämilleşdirmäge aýratyn ähmiýet berilýär. Hormatly Prezidentimiziň 4-nji fewralda sanly wideoaragatnaşyk arkaly geçiren iş maslahatynda gurluşyk-senagat toplumynda geçen ýylyň dowamynda gazanylan netijeler seljerildi we öňde durýan wezipeler kesgitlenildi. Iş maslahatyna Ministrler Kabinetiniň Başlygynyň käbir orunbasarlary, ministrlikleriň we pudaklaýyn dolandyryş edaralarynyň ýolbaşçylary hem-de ugurdaş ýokary okuw mekdepleriniň rektorlary gatnaşdylar. Maslahatyň dowamynda 2020-nji ýylda ýurdumyzyň gurluşyk, senagat, himiýa, energetika ulgamlarynda amala aşyrylan işler, gazanylan netijeler seljerildi. Şeýle hem paýtagtymyz Aşgabat şäherini mundan beýläk hem ösdürmek meselelerine garaldy.

5 Fewral 2021

Syýasat

Oba hojalyk toplumyny ösdürmek ugrunda tagallalar

3-nji fewralda hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň, degişli ministrlikleriň hem-de pudaklaýyn dolandyryş edaralarynyň ýolbaşçylarynyň we ugurdaş ýokary okuw mekdepleriniň rektorlarynyň gatnaşmagynda oba hojalygyny ösdürmek boýunça sanly wideoaragatnaşyk arkaly iş maslahatyny geçirdi. Döwlet Baştutanymyz iş maslahatyny açyp, ýurdumyzyň oba hojalyk toplumynda geçen ýyl alnyp barlan işleriň netijelerine serediljekdigini bellemek bilen, agrosenagat toplumynyň döwletimiziň ykdysadyýetiniň esasy pudaklarynyň biridigini we häzirki wagtda döwletimiziň bu pudagy ösdürmäge köp möçberde maýa goýumlaryny goýýandygyna garamazdan, heniz pudakda kemçilikleriň we ulanylmaýan mümkinçilikleriň köpdügini belledi. Şulardan ugur alnyp, milli Liderimiz şu günki iş maslahatynyň dowamynda pudagyň netijeli dolandyrylyşyny ýokarlandyrmak, ony ösdürmegiň gazanylan depginini saklamak, döwlet maksatnamalaýyn borçnamalaryny üstünlikli ýerine ýetirmek üçin pudakda amala aşyrylýan özgertmeleriň depginini güýçlendirmek barada meseleler ara alnyp maslahatlaşylar diýip aýtdy.

5 Fewral 2021

Syýasat

Türkmen Lideriniň halklary parahatçylyga we ynanyşmaga alyp barýan pähim-paýhasy

Türkmenistanyň Prezidenti Gurbanguly Berdimuhamedow şu ýylyň 29-njy ýanwarynda wideoaragatnaşyk arkaly Türkmenistanyň Ministrler Kabinetiniň mejlisinde: «Ählumumy ugurda netijeli we deňeçer gatnaşyklary ýola goýmagyň binýady hökmünde parahatçylyk we ynanyşmak medeniýetini dikeltmegiň we ony tassyklamagyň wajypdygyna düşünip, ýurdumyz 2021-nji ýyly «Halkara parahatçylyk we ynanyşmak ýyly» diýip yglan etmek hakyndaky teklibi öňe sürdi» diýip, bu şygaryň nä derejede ähmiýetlidigine ünsi çekdi. Birleşen Milletler Guramasynyň Baş Assambleýasynyň Kararnamasy esasynda 2021-nji ýylyň «Halkara parahatçylyk we ynanyşmak ýyly» diýlip yglan edilmegi we biziň ýurdumyzda 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy türkmen döwletiniň öz ynsanperwerlik ýörelgelerine eýerip, dünýäde parahatçylygy, ynanyşmagy berkitmekde mynasyp orna eýe bolýandygyny aýdyň görkezýär. Şu hakykat halkymyzyň geçen taryhy ýoly bilen kesgitlenendir. Bilşimiz ýaly, biziň ata-babalarymyz kuwwatly döwletleri döredip, parahatçylygy, hoşniýetli goňşuçylygy ýörelge edinip, halklaryň biri-birine ynamly gatnaşyklaryny döreden bolsalar, öz durmuşynyň kyn, galagoply döwürlerinde dartgynly ýagdaýlary gepleşikleriň, parahatçylykly ýollaryň, ynanyşmagyň üsti bilen çözüpdirler we parahatçylyk we ynanyşmak medeniýetiniň pähim-paýhas esasyny kemala getiripdirler.

5 Fewral 2021

Hyzmatdaşlyk

Beýik özgertmeleriň ýolunda

Asuda asmanyň astynda, bereketli topragynyň üstünde hormatly Prezidentimiziň baştutanlygynda Garaşsyz, hemişelik Bitarap Türkmenistan döwletimiz gün-günden ösýär, gözelleşýär, özgerýär. Ýurdumyzyň ähli pudaklarynda, ulgamlarynda henize çenli görlüp-eşidilmedik ýokary netijeler, ösüşler gazanylýar. Elbetde, bu ösüşlerde gazanylan guwandyryjy zähmet üstünliklerinde Türkmenistanyň Demokratik partiýasynyň işjeň agzalarynyň hem saldamly goşantlary bar. Häzirki wagtda olar eziz Watanymyzyň mundan beýläk-de gülläp ösmegi üçin gujur-gaýratly, öndürijilikli zähmet çekýärler. Türkmenistanyň Demokratik partiýasy ýurdumyzyň Garaşsyzlygyny, hemişelik Bitaraplygyny pugtalandyrmagy, demokratik, hukuk, dünýewi, raýat jemgyýeti gurmagy maksat edinýän möhüm syýasy gurama bolup, Gahryman Arkadagymyzyň parasatly syýasatyny özüniň baş ýörelgesi edinýär.

5 Fewral 2021

Jemgyýet

Dabaraly maslahat geçirildi

Uly tutumlara beslenýän «Türkmenistan — parahatçylygyň we ynanyşmagyň Watany» ýylymyzyň her bir güni şatlykly hem şanly wakalar bilen alamatlanýar. Diýarymyza gülüp gelýän ýyllaryň biri-birinden düşümli, üstünlikli bolmagy hem olaryň her biriniň şol ajaýyp jümleleri şygar edinip gelýänligidir. Şonuň üçinem häzirki wagtda ýurdumyzyň ähli ýerinde il-günümiziň kalp buýsanjy bilen «Türkmenistan — parahatçylygyň we ynanyşmagyň Watany» ýylyna bagyşlanyp geçirilýän köpçülikleýin dabaralar unudylmajak pursatlara öwrülýär. Özboluşly medeniýetiň, sungatyň gadymy merkezleriniň biri hasaplanýan gadymy Daşoguz topragynda-da turuwbaşdan uly ösüşlere beslenýän ýylymyza bagyşlanan dabaralar Gahryman Arkadagly eziz Diýarymyzyň gülläp ösýändigini, halkymyzyň bagtyýar durmuşda ýaşaýandygyny alamatlandyrýar.

5 Fewral 2021

Garaşsyzlyk

Nesil sagdynlygynyň özeni

 Dogry iýmitlendirmek çaganyň sagdyn ösmegi üçin örän wajypdyr. Çaga üçin doglan gününden başlap, 6 aýlyga çenli iň oňat iýmit ene süýdüdir. Ene süýdi çaga üçin zerur bolan ýokumly maddalara baýdyr. Ol çaganyň iýmit siňdirişini we madda çalşygyny gowulandyrýar. Alty aýlyk döwrüne ýetenden soň, çaganyň iýmitine goşmaça nahar görnüşleriniň girizilmegi onuň mundan beýläk talabalaýyk ösüp ulalmagy üçin gerekli ýokumly maddalar bilen üpjün edýär. Diňe ene süýdüni emip ýören döwründen umumy naharlary iýmäge geçýän döwri çaga üçin aýratyn döwürdir. Bu döwürde çaganyň ýagdaýynda düýpli üýtgemeler bolup geçýär, iýmite bolan talaby artýar, köp derejede güýç sarp edýär. Çaganyň dişleri çykýar, iýmiti çeýnäp we goýy iýmitleri ýuwdup bilmek endikleri terbiýelenýär. Ol oturyp, emedekläp, ýöräp başlaýar, daş töwereginde bolup geçýän zatlara akyl ýetirip ugraýar. Şeýlelikde psihomotor ösüşiniň endikleri ýüze çykýar. Şu ýagdaýlar bilen bagly sarp edilýän güýjüň öwezini dolmak we çaganyň bedenine agram düşmeginiň öňüni almak üçin (agram we boý ösüşiniň yza galmagy, ýokanç keseller bilen ýygy kesellemek we beýlekiler) çagany dogry iýmitlendirmelidir.

5 Fewral 2021

Saglyk

Nebitgaz toplumyny ösdürmek ugrunda

2-nji fewralda hormatly Prezidentimiz Gurbanguly Berdimuhamedow sanly wideoaragatnaşyk arkaly ýurdumyzyň ýangyç-energetika toplumyny ösdürmek boýunça iş maslahatyny geçirdi. Oňa Ministrler Kabinetiniň Başlygynyň käbir orunbasarlary hem-de ýangyç-energetika toplumynyň ýolbaşçylary gatnaşdylar. Döwlet Baştutanymyz iş maslahatynda ýurdumyzyň nebitgaz toplumynda geçen ýylda ýerine ýetirilen işleriň netijeleri barada gürrüň ediljekdigini aýdyp, durmuşa geçirilýän energetika syýasatynyň netijesinde milli ykdysadyýetimiziň nebitgaz pudagynyň yzygiderli ösüşe eýe bolandygyny belledi.

3 Fewral 2021

Syýasat

Obasenagat toplumyndaky möhüm wezipeler

Ýurdumyzyň sebitlerini durmuş-ykdysady taýdan ösdürmek, obasenagat toplumynyň netijeliligini ýokarlandyrmak we azyk bolçulygyny üpjün etmek hormatly Prezidentimiziň durmuşa geçirýän özgertmeleriniň möhüm ugurlarynyň hatarynda durýar. Döwlet Baştutanymyzyň 1-nji fewralda Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de ýurdumyzyň welaýatlarynyň häkimleriniň gatnaşmagynda geçiren sanly wideoaragatnaşyk arkaly iş maslahatynda hem welaýatlary durmuş-ykdysady taýdan ösdürmek, geçiriljek ekiş möwsümine taýýarlyk görmek meselelerine, möwsümleýin oba hojalyk işleriniň barşyna garaldy hem-de welaýatlaryň ýolbaşçylarynyň hasabatlary diňlenildi. Döwlet Baştutanymyz iş maslahatynyň gün tertibindäki meselelere geçip, ilki bilen ýurdumyzyň welaýatlarynyň häkimleriniň hasabatlaryny diňledi. Häkimler öz gözegçilik edýän sebitlerinde alnyp barylýan işler barada hasabat berip, welaýatlaryň gowaça ekiljek meýdanlarynyň ekiş möwsümine taýýarlanylyşy, sürüm we tekizleýiş işleriniň bellenen möhletlerde geçirilmegi babatda durmuşa geçirilýän işler hem-de gowaça ekişini geçirmekde ulanyljak oba hojalyk tehnikalaryny we gurallaryny abatlap, möwsüme doly taýýar etmek, pagta öndürijileri ekiş möwsümine çenli zerur mukdarda tohum bilen üpjün etmek ugrunda görülýän çäreler barada habar berdiler. Şeýle hem hormatly Prezidentimize welaýatlarda ýeralmanyň, soganyň w

3 Fewral 2021

Oba hojalyk

Harby gullukçylara döwrebap şertler

1-nji fewralda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy, goşun generaly Gurbanguly Berdimuhamedow harby we hukuk goraýjy edaralaryň maddy-enjamlaýyn binýadyny has-da berkitmek we döwrebaplaşdyrmak boýunça işleriň barşy bilen tanyşdy. Wakanyň bolan ýerinde milli Liderimizi Türkmenistanyň Döwlet howpsuzlyk geňeşiniň agzalary garşyladylar. Ýurdumyzyň Ýaragly Güýçleriniň Belent Serkerdebaşysy 27-nji ýanwarda geçiren Döwlet howpsuzlyk geňeşiniň giňişleýin göçme mejlisinde harby we hukuk goraýjy edaralaryň maddy-enjamlaýyn binýadyny mundan beýläk-de pugtalandyrmak we döwrebaplaşdyrmak, harby gullukçylar üçin ýurdumyzyň howa şertlerine laýyk gelýän we ýokary ýakymlylyk ölçeglerine kybap gelýän harby lybaslaryň täze nusgalaryny taýýarlamak barada tabşyryklary berdi.

3 Fewral 2021

Garaşsyzlyk

Milli Liderimiziň amala aşyrýan “Açyk gapylar” syýasatyna eýerip

Daşary ýurtly hyzmatdaşlar bilen nobatdaky wideoduşuşyk 2-nji fewralda Türkmenistanyň Daşary işler ministrliginde Birleşen Milletler Guramasynyň hem-de onuň ýurdumyzda we sebitde işleýän agentlikleriniň ýolbaşçylary we wekilleri bilen duşuşyk geçirildi. Duşuşyga gatnaşyjylaryň käbiri wideoaragatnaşyk hyzmatyndan peýdalandylar.

3 Fewral 2021

Syýasat

Täze ösüşlerimize badalga

Hormatly Prezidentimiziň tagallasy bilen «Türkmenistan — parahatçylygyň we ynanyşmagyň Watany» diýlip yglan edilen 2021-nji ýyl özüniň ilkinji üstünlikli ädimleri bilen durmuşymyza ornaşyp barýar. Mähriban Arkadagymyzyň bu şanly ýyly ýurdumyzyň her bir ulgamynda ajaýyp zähmet üstünliklerine beslemek babatda öňde goýýan wezipeleri ildeşlerimiziň ýüreklerini joşduryp, täze ösüş depginlerini gazanmaga ýardam berýär. Döwlet Baştutanymyzyň geljek 2024-nji ýylda dana akyldarymyz Magtymguly Pyragynyň 300 ýyllyk ýubileýini giňden belläp geçmek we bu şanly senä şu günlerden taýýarlyk görmek barada öňde goýan wezipeleri biz — bilim işgärlerini has-da begendirdi. Çünki öten beýik şahsyýetlerimiziň ýubileýini bellemek diňe bir toý dabarasy bilen çäklenmeýär. Ol şahsyýetiň şu günki we geljek nesillere goýup giden nusgalyk görüm-göreldesini, hünär ussatlygyny öwrenmäge mümkinçilik berýär. Şonuň üsti bilen hem halkymyzyň ata-baba dowam edip gelýän milli edep-terbiýe, edim-gylym, görüm-görelde mekdebine ýene-de bir mertebe nazar aýlamaga giň şertleri döredýär.

3 Fewral 2021

Medeniýet

Umumadamzat ähmiýetli eser

Eziz Diýarymyzy ösüşiň täze belentliklerine çykarýan hormatly Prezidentimiziň ýurdumyzyň ähli babatda gülläp ösmegine we halkymyzyň eşretli durmuşda ýaşamagyna gönükdirilen syýasy işleri bilen bir hatarda milli mirasymyza, medeniýetimize, ata-babalarymyzdan gelýän asylly ýörelgelerimize bagyşlanan eserleri halkymyzyň göwnüni galkyndyrýar. Gahryman Arkadagymyzyň paýhas ummanyndan dörän «Türkmeniň döwletlilik ýörelgesi» atly kitabynda halkymyzyň ruhy-medeni gymmatlyklary sarpalanyp, taryhy şahsyýetleriň nusgalyk keşbi, milli däp-dessurlarymyzyň özboluşlylygy hakyndaky ýatlamalar, halypa-şägirtlik ýoly, dost-doganlyk gatnaşyklary we beýleki asylly ýörelgelerimiz rowaýatlardyr durmuş wakalarynyň üsti bilen çuňňur beýan edilýär. Döwlet Baştutanymyzyň halkymyzyň asyrlaryň dowamynda döreden milli ýörelgelerine, sünnälenip kemala gelen asylly däp-dessurlaryna bagyşlanan «Türkmeniň döwletlilik ýörelgesi» atly kitaby Berkarar döwletimiziň bagtyýarlyk döwründe Garaşsyz, baky Bitarap Watanymyzyň dünýä döwletleri bilen özara bähbitli hyzmatdaşlyk gatnaşyklarynyň rowaçlanýandygyny, halkymyzyň asyrlar aşyp gelýän taryhyndan alan tejribesiniň döwrebap baýlaşdyrylýandygyny görkezýär.

3 Fewral 2021

Medeniýet

Döwletli işleriň dowamy

Bagtyýar halkymyzyň ýeten belent derejesini, berkarar döwletimiziň dünýä nusgalyk ösüş-özgerişini özünde jemleýän Arkadagyň ajap eýýamynda — «Türkmenistan — parahatçylygyň we ynanyşmagyň Watany» ýylymyzda her bir günümiz üstünliklere we zähmet ýeňişlerine beslenýär. Hormatly Prezidentimiziň parasatly baştutanlygynda eýelenýän belent sepgitler baky Bitarap döwletimiziň bedew bady bilen ynamly öňe barýandygyna şaýatlyk edýär. Hormatly Prezidentimiziň parasatly baştutanlygynda gurmak we döretmek arkaly milli ykdysadyýetimiziň sazlaşykly ösmegi, durmuş düzüminiň toplumlaýyn döwrebaplaşdyrylmagy babatda amal edilýän uly işler biziň gazanýan üstünliklerimiziň gözbaşy bolup durýar.

3 Fewral 2021

Garaşsyzlyk

Döwrüň talabyna eýerip

Hormatly Prezidentimiziň parasatly baştutanlygynda ýurdumyzy syýasy, ykdysady we medeni taýdan ösdürmek, milli ykdysadyýetimizi has-da kuwwatlandyrmak, durmuşa geçirilýän giň gerimli özgertmeleriň hasabyna obasenagat toplumyny ilerletmek, içerki bazarda azyk bolçulygyny döretmek ugrunda uly işler amala aşyrylýar. 2020-nji ýylda Türkmenistanyň «Daýhanbank» döwlet täjirçilik banky hem ýurdumyzda amala aşyrylýan özgertmelere, gazanylan üstünliklere mynasyp goşant goşdy. Bankyň ulgamyndaky şahamçalaryň 50-sinde bank gulluklarynyň 10-sy hereket edip, müşderiler üçin dürli görnüşli bank hyzmatlary ýerine ýetirildi. Döwlet Baştutanymyzyň ýurdumyzyň oba hojalyk pudagyna dünýä ülňülerine laýyk gelýän täze oba hojalyk tehnikalaryny, şol sanda däne ýygyjy kombaýnlaryny yzygiderli satyn alyp bermegi bilen bugdaý meýdanlarynda olar bökdençsiz işledilip, ýetişdirilen hasyly öz wagtynda we gysga möhletde ýitgisiz ýygnamak işleri guramaçylykly ýola goýuldy. Şeýle hem bereketli türkmen topragynyň altyn öwüsýän bugdaý atyzlarynda guşgursak ak bugdaýyň bol hasyly öndürilip, döwlet harmanyna 1 million 400 müň tonnadan gowrak bugdaý hasyly tabşyryldy. Bank tarapyndan bugdaý öndürijiler bilen hasaplaşyklar öz wagtynda doly geçirildi.

3 Fewral 2021

Ykdysadyýet

Sagdyn raýat — bagtyýar jemgyýet

Geçen «Türkmenistan — Bitaraplygyň mekany» ýylynda ýurdumyzda ýaýbaňlandyrylan giň gerimli işler Berkarar döwletimiziň bagtyýarlyk döwrüniň beýik ruhuny alamatlandyrdy. Jemgyýetiň iň ýokary gymmatlygy hökmünde ykrar edilen adamyň saglyk derejesiniň yzygiderli gowulandyrylmagyna gönükdirilen durmuş-ykdysady we lukmançylyk çäreleriniň netijeli peýdalanylmagyny ugur edinýän hormatly Prezidentimiz saglygy goraýşyň netijeli çemeleşmelerini durmuşa ornaşdyrdy. Gahryman Arkadagymyzyň adam hakda aladany esasy üns merkezinde goýýan syýasaty oýlanyşykly işlenip düzülen Maksatnamalaryň we Strategiýalaryň çäginde durmuşa geçirilýär. Häzirki wagtda ýurdumyzda «Prezident» Maksatnamasynyň düzüm bölegi hökmünde taýýarlanan «Türkmenistanda bilim, ylym, saglygy goraýyş, sport we arhiw ulgamlaryny ösdürmegiň 2019 — 2025-nji ýyllar üçin Maksatnama», «Türkmenistanda ilatyň psihiki saglygyny goramak boýunça 2018 — 2022-nji ýyllar üçin Milli maksatnama», «Türkmenistanda ilatyň fiziki işjeňligini ýokarlandyrmak boýunça 2018 — 2025-nji ýyllar üçin Milli strategiýa», «Türkmenistanda 2018 — 2024-nji ýyllarda alkogolyň zyýanly täsiriniň öňüni almak boýunça Milli maksatnama» hereket edýär.

3 Fewral 2021

Saglyk

Ekologiýa abadançylygy ugrunda

Ýurdumyzyň tebigatyny, tebigy baýlyklaryny aýawly saklamak hem-de ony geljek nesillere mynasyp derejede ýetirmek hormatly Prezidentimiziň alyp barýan döwlet syýasatynyň ileri tutulýan ugurlarynyň biridir. Garaşsyz, baky Bitarap Türkmenistan sebitde we dünýäde ekologiýa abadançylygy üpjün etmek babatda möhüm başlangyçlaryň başyny başlaýyjy we durmuşa geçiriji hökmünde çykyş edip, tebigata aýawly çemeleşmek meselesi ýurdumyzda kabul edilýän kanunçylyk namalary bilen hem berkidilýär. Türkmenistan BMG-niň ekologiýa howpsuzlygy meseleleri boýunça köptaraplaýyn resminamalaryna işjeň gatnaşýar. Gahryman Arkadagymyzyň BMG-niň Baş Assambleýasynyň mejlislerinde, Durnukly ösüş boýunça «Rio+20» maslahatynda, şeýle hem Ýaponiýada geçirilen «Tebigy betbagtçylyklaryň töwekgelçiligini azaltmak» atly III Bütindünýä suw forumynda we beýleki halkara maslahatlarda öňe süren netijeli başlangyçlary hem dünýä bileleşigi tarapyndan uly goldaw tapdy. Mundan başga-da, Aşgabatda Merkezi Aziýada we Hazar deňzi sebitinde howanyň üýtgemegi bilen baglylykda, Sebitleýin tehnologiýalar merkezini döretmek, Aralýaka sebitiniň ekologiýa meselelerini toplumlaýyn çemeleşmek arkaly çözmek we Hazar deňziniň ekologiýa abadançylygyny gorap saklamak boýunça Birleşen Milletler Guramasynyň ýörite maksatnamalaryny, BMG-niň suw boýunça resminamasyny taýýarlamak ugrunda ýetilen sepgitleri görkezmek bolar.

3 Fewral 2021

Ekologiýa

Wagyz-nesihat çäreleri

Wagyz-nesihat işleri Ahal welaýat Polisiýa müdirligi, Ak bugdaý etrap häkimligi we Türkmenistanyň Demokratik partiýasynyň Ak bugdaý etrap komitetiniň bilelikde guramagynda ýurdumyzda hereket edýän «Saglyk» Döwlet maksatnamasynyň çäklerinde howanyň sowamagy bilen bagly döräp biljek keselleriň öňüni almak, ynsan saglygyny goramak, arassaçylyk düzgünlerini berk berjaý etmek maksady bilen etrabyň çäginde ýerleşýän edara-kärhanalarda, orta mekdeplerde we çagalar baglarynda zähmet çekýän raýatlaryň arasynda yzygiderli wagyz-nesihat çäreleri geçirilýär.

3 Fewral 2021

Jemgyýet