Türkmenmetbugat

"Rysgal" gazeti

Esaslandyryjysy: Türkmenistanyň Senagatçylar we telekeçiler birleşmesi
Salgysy: Aşgabat şäheri, A.Nyýazow şaýoly, 174
Telefon belgileri:21-23-57

Gazeti PDF görnüşinde ýükläp almak

Habarlar

Harby talyplaryň üstünlikleri

Ýakynda sportuň hapkido görnüşi boýunça Türkmenistanyň kubogyny almak ugrunda bäsleşik geçirildi. Bu çekeleşikli bäsleşige Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynyň harby talyplary gatnaşyp, baýrakly orunlara mynasyp boldular. Bäsleşikde harby talyplar Abdylla Nurgylyjow, Şatlyk Nurymow, Haknazar Pirnazarow, Mammed Altyýew dagy 1-nji baýrakly orny eýelediler. Harby talyplar Daýanç Keletliýew, Täçmuhammet Goçmyradow, Durmuş Berdimyradow, Sanjar Orazow, Eziz Ýaýlymow, Ilaman Hapbaýew, Çerkez Çerkezow dagy 2-nji orny, şeýle-de harby talyplar Akmuhammet Mämmetmyradow, Resul Gurbandurdyýew, Kakajan Ýegenmyradow, Musageldi Atamyradow, Maksat Orazow, Kakamyrat Döwranow, Allanazar Gurtgeldiýew, Mekan Rejepow, Guwanç Abdyrasulow dagy 3-nji orny eýelemegi başardylar. Ýeňiji bolan türgenlere Türkmenistanyň Bedenterbiýe we sport baradaky döwlet komiteti tarapyndan Hormat hatlary, medallar hem-de ýeňijiniň kubogy dabaraly ýagdaýda gowşuryldy.

13 Dekabr 2023

Ýaryş tamamlansa-da, ýakymly ýatlamalar tamamlanmaýar

Pederlerimiziň: «Ýagşy sözden ýaýrar jahan» diýşi ýaly, her bir aýdylan hoş söz, ýagşy teswir, yhlasyňa berlen ýokary baha adamy guwandyrýar. Eden işi, bitiren hyzmaty üçin hormat-sylaga mynasyp bolan ynsan özüni monça duýýar. Kuraş boýunça XIV dünýä çempionatynyň guramaçylygy barada ýerli we halkara habar beriş serişdelerinde aýdylan sözleri, teswirleri diňläp, mermer paýtagtymyzda geçirilen bu abraýly ýaryş barada daşary ýurtly galamdaşlarymyz tarapyndan ýazylan makalalary okanyňda-da, edil şeýle ajaýyp duýgulary başdan geçirýärsiň. Türkmen halkynyň Milli Lideri Gahryman Arkadagymyzyň sagdyn durmuş ýörelgesini mynasyp dowam etdirýän Arkadagly Gahryman Serdarymyzyň parasatly baştutanlygynda, paýtagtymyz Aşgabat şäherindäki Olimpiýa şäherçesiniň Başa-baş söweş sungaty sport toplumynda geçirilen Kuraş boýunça XIV dünýä çempionaty bilegi zor pälwanlarymyzyň nobatdaky üstünligi bolup, türkmen sportunyň taryhyna altyn harplar bilen ýazyldy. Çempionatyň bäsleşikleri «Ýaşlyk», «Türkmenistan Sport», Özbegistan Respublikasynyň «Sport», Täjigistan Respublikasynyň «Warziş» teleýaýlymlarynda, internet torlarynda göni ýaýlymda halk köpçüligine görkezildi. Mundan başga-da, XIV dünýä çempionaty barada «Euronews», «TRT Avaz», «CCTV», «Мir 24» teleýaýlymlarynda ýörite gepleşikler we wideoşekiller taýýarlanyp, dünýä ýurtlarynyň dykgatyna ýetirildi. Aziýa — Ýuwaş umman teleradiog

13 Dekabr 2023

Sport. Sport. Sport.

KURAŞ — GAÝRATLYLYGYŇ SPORTY Arkadag Serdarly bagtyýar ýaşlar ýylymyzyň noýabr aýynyň 23-28-i aralygy ýurdumyzda uly sport baýramçylyk boldy. Paýtagtymyz Aşgabat şäheriniň Olimpiýa şäherçesinde sportuň kuraş görnüşi boýunça XIV dünýä çempionaty geçirildi. XIV gezek geçirilýän bu dünýä çempionaty sport dünýäsini üstünliklere besledi we ýaş türgenleriň birnäçesiniň gaýratly gollarynyň kuwwatyny has-da artdyrdy. Kuraş boýunça dünýä çempionatynda ýurdumyz jemi 15 medalyň eýesi boldy.

13 Dekabr 2023

Arzuwlary hasyl bolýan türgen

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň taýsyz tagallasy bilen Diýarymyzda ähli babatda uly üstünlikler gazanylyp, belent sepgitlere ýetilýär. Şonuň bilen birlikde sport ulgamynda hem uly ösüşlere eýe bolunýar. Ýurdumyzda sporty ösdürmekde hormatly Prezidentimiz uly aladalary edýär hem-de Diýarymyzyň ähli ýerlerinde sport desgalary gurlup, ulanylmaga berilýär. Çaga kalby mydama arzuwdan doly. Öz öňünde belli bir maksat goýýar. Türgen jigimiz hem kiçilikden ertekileri köp okap, diňläp, olardaky gahrymanlar ýaly güýçli, edermen bolasy, şeýle-de, şol gahrymanlara meňzäsi gelipdir. Bu isleg-arzuw hem jigimizde sporta bolan uly höwesi döredýär. Şeýle arzuwly, maksadyna ýeten ýaş türgenleriň biri-de Söýli Annaýewadyr.

13 Dekabr 2023

Kümüş medalyň eýesi belli boldy

Futbol Milli futbol çempionatymyzyň 24-nji tapgyrynda Balkanabadyň «Nebitçi» topary paýtagtymyzda «Altyn Asyr» bilen duşuşdy. Oýnuň 12-nji minutynda Magtymberdi Berenow balkanabatlylary öňe saýlamagyň hötdesinden geldi. Şondan soňra hüjümlerini has-da güýçlendiren ýer eýelerinden Hoşgeldi Hojowow 38-nji minutda hasaby deňledi. 54-nji minutda Röwşen Halmämmedowyň geçiren goly bolsa aşgabatlylara möwsümdäki 15-nji ýeňşini getirdi. Şu ýeňşiň netijesi boýunça «Altyn Asyr» utuklarynyň sanyny 47-ä ýetirdi we çempionatyň kümüş medalynyň eýesi bolmagy başardy.

13 Dekabr 2023

Ruhubelentlige beslenen ýaryşlar

Türkmenistanyň Daşary işler ministrliginiň Halkara gatnaşyklary institutynda Türkmenistanyň hemişelik Bitaraplygynyň 28 ýyllygy mynasybetli Daşary işler ministrliginiň, daşary ýurtlaryň Aşgabatdaky diplomatik missiýalarynyň we halkara guramalaryň wekilhanalarynyň işgärleriniň gatnaşmagynda sport ýaryşlary geçirildi. Iki günläp tapgyrlaýyn dowam eden ýaryşlara diplomatik gullugyň işgärleri bilen birlikde, köp sanly myhmanlar, sport janköýerleri hem gatnaşdylar. Sportuň iki görnüşi — woleýbol we küşt boýunça geçirilen ýaryşlarda diplomatik gulluklaryň wekilleri ýokary işjeňlik görkezdiler.

13 Dekabr 2023

Düzzüm boýunça welaýatymyzyň çempionaty geçirildi

Türkmenabat şäherindäki 13-nji sport mekdebinde düzzüm boýunça welaýatymyzyň çempionaty geçirildi. Oňa türgenleriň 25-si gatnaşdy. Olaryň 12-si erkekler, 13-si bolsa zenan türgenlerdir. Erkekleriň arasyndaky ýaryşda welaýat merkezindäki 13-nji sport mekdebiniň türgeni Gaýrat Bagtyýarowa taý tapylmady. Ikinji orny bolsa Seýitnazar Seýdi adyndaky Türkmen döwlet mugallymçylyk institutynyň mugallymy Eziz Artykow eýeledi. Ýokarda görkezilen sport mekdebiň türgeni Amir Öwezow hormat münberiniň üçünji basgançagyna çykdy.

11 Dekabr 2023

Sport

Çekeleşikli geçen ýaryş Döwlet Baştutanymyzyň alyp barýan sport syýasaty halkyň saglygyny goramaga we berkitmäge gönükdirilendir. Sport ulgamynyň ösdürilmegi jemgyýetimizde sagdyn durmuşyň berkararlygyna-da özüniň oňyn täsirini ýetirýär. Ýaşlary sporta köpçülikleýin çekmekde alnyp barylýan işlerem ýylsaýyn rowaç alýar. Bu hakykaty türgenlerimiziň dürli ýaryşlarda gazanýan üstünliklerem doly subut edýär. Guwançly ýeri, soňky ýyllarda sportuň dürli görnüşleri bilen meşgullanmaga höwesek ýaşlaryň sanynyň barha artýandygydyr.

11 Dekabr 2023

Gyzykly geçen ýaryş

Arkadag Serdarly bagtyýar ýaşlar ýylynda hormatly Prezidentimiziň sporty ösdürmekde alyp barýan syýasatyndan ugur alyp, ýaşlaryň sporta bolan höwesini artdyrmak maksady bilen Türkmenistanyň baky Bitaraplygynyň 28 ýyllygy mynasybetli Türkmenistanyň Kärdeşler arkalaşygynyň Tejen etrap birleşmesiniň, Ylym we bilim işgärleriniň etrap geňeşiniň hem-de sport we ýaşlar syýasaty bölüminiň bilelikde guramagynda şäherdäki sport mekdebiniň futbol meýdançasynda sportuň futbol görnüşi boýunça ýaryş geçirildi. Ýaryşa etrabyň edara-kärhanalarynda zähmet çekýän ýaş oglanlardan hem-de orta mekdeplerde bilim alýan ýokary synp mekdep okuwçylaryndan düzülen toparlar gatnaşdy. Çekeleşikli geçen ýaryşda etrabyň 11-nji orta mekdebiniň topary 1-nji orna, sport we ýaşlar syýasaty bölüminiň topary 2-nji orna, Karbamit zawodynyň topary 3-nji orna mynasyp boldy.

11 Dekabr 2023

Spartakiadanyň çägindäki ýaryş

“Türkmenistan” Ýaşlar bedenterbiýe-sport guramasynyň Ahal welaýat bölümi, welaýat bedenterbiýe we sport baradaky Baş müdirligi, welaýat Baş bilim müdirligi hem-de jemgyýetçilik guramalary tarapyndan bilelikde guralýan «Türkmenistan — ruhubelentligiň we sagdynlygyň ýurdy» atly XIII spartakiadanyň çägindäki ýaryşlaryň etrap tapgyrlary üstünlikli dowam edýär. Bu giň göwrümli sport çäräsiniň çägindäki ýeňil atletika ýaryşynyň Babadaýhan etrap tapgyry hem diýseň gyzykly boldy. Etrapdaky 23-nji orta mekdebiň sport meýdançasynda geçen ýaryşa orta mekdeplerden toparlar gatnaşyp, 100 metr aralyga ylgamakda, uzynlygyna bökmekde we estafetada güýç synanyşdylar. Turuwbaşdan gyzykly geçen ýaryş okuwçy ýaşlaryň erjelligini aýan etdi. Netijede, etrapdaky 18-nji orta mekdebiň topary birinji, 1-nji orta mekdebiň topary ikinji, 23-nji orta mekdebiň topary üçünji orunlary eýelediler. Ýeňijilere hormat hatlary gowşuryldy.

11 Dekabr 2023

Ýeňil atletikanyň ussatlary

Ak bugdaý etrabynyň sport mekdebinde «Türkmenistan — ruhubelentligiň we sagdynlygyň ýurdy» atly XIII spartakiadanyň çägindäki ýeňil atletika ýaryşynyň etrap tapgyry geçirilip, oňa etrapdaky orta mekdeplerden okuwçylar gatnaşdy. Bu ýaryş “Türkmenistan” Ýaşlar bedenterbiýe-sport guramasynyň Ahal welaýat bölümi, welaýat bedenterbiýe we sport baradaky Baş müdirligi, welaýat Baş bilim müdirligi hem-de jemgyýetçilik guramalary tarapyndan guraldy. 100 metr aralyga ylgamak, uzynlygyna bökmek we estafeta boýunça geçen ýaryş uly gyzyklanma döredip, erjelleri öňe saýlady. Çekeleşikli ýaryşyň netijesinde etrapdaky 1-nji orta mekdebiň topary birinji, 10-njy orta mekdebiň topary ikinji, 16-njy orta mekdebiň topary bolsa, üçünji orna mynasyp boldular.

11 Dekabr 2023

Janköýerlik sungaty

«7/24. tm» № 50 (185) 11.12.2023 ýa-da «Arkadag» toparynyň çempionlygyndan soňky duýgylar

10 Dekabr 2023

Türkmenistanyň sport abraýy barha belende galýar

Berkarar döwletiň täze eýýamynyň Galkynyşy döwründe halkymyzyň, her bir raýatyň abadan we döredijilikli durmuşy baradaky alada ýurdumyzyň döwlet syýasatynyň ileri tutulýan ugurlarynyň biridir. Şunda türkmenistanlylaryň saglygynyň berkidilmegine, köpçülikleýin bedenterbiýe-sagaldyş hereketiniň ösdürilmegine, sport bilen yzygiderli meşgullanmagy wagyz etmäge aýratyn ähmiýet berilýär. Eziz Diýarymyzda hereket edýän «Saglyk» Döwlet maksatnamasy, şäherlerde we obalarda degişli düzümi kämilleşdirmek boýunça taslamalar üstünlikli durmuşa geçirilýär. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň binýadyny goýan sagdyn durmuş ýörelgeleri, ýurdumyzda bedenterbiýäni we sporty has-da dabaralandyrmak baradaky beýik başlangyçlary Arkadagly Gahryman Serdarymyzyň durmuş ugurly syýasatynyň üýtgewsiz ugry bolmagynda galýar. Hormatly Prezidentimiz halkymyzyň saglygynyň berkidilmegine hem-de abadançylygynyň üpjün edilmegine ýokary döwlet jogapkärçiligi nukdaýnazaryndan garamak bilen, köpçülikleýin bedenterbiýe-sagaldyş hereketini we sporty höweslendirmek, wagyz etmek meselelerini hemişe üns merkezinde saklaýar. Çünki sport güýç-gaýratyň, gözelligiň we sagdynlygyň, ruhubelentligiň aýdyň nyşany bolmak bilen, beden taýdan sagdyn, ruhy taýdan baý, giň gözýetimli, häzirki zaman bilimlerine eýe bolan ýaş nesli terbiýelemek işinde möhüm ähmiýete eýedi

9 Dekabr 2023

Küştçülerimiziň üstünligi

Türkmenistanyň küşt boýunça ýetginjekler we 20 ýaşa çenli ýaşlar ýygyndysy dünýäniň ýedi döwletinden 90-dan gowrak türgeni özünde jemlän Günbatar Aziýanyň çempionatynda üç medala mynasyp boldy. Şri-Lankanyň Kolombo şäherinde geçirilen halkara ýaryşda türkmen küştçüleri kümüş medallaryň ikisini we bir sany bürünç medaly eýeläp bildiler. Medallaryň ikisi küştüň çalt oýnalýan görnüşi boýunça gazanyldy. Has takygy, bu görnüş boýunça Türkmen döwlet binagärlik-gurluşyk institutynyň talyby Wepaly Halnyýazow mümkin bolan 7 utukdan 5,5 utuk toplap, diňe bir bäsdeşinden yza galdy we hormat münberiniň ikinji basgançagyna çykdy. Şeýle hem şu görnüş boýunça dänewli mekdep okuwçysy Lala Şöhradowa 5,5 utuk bilen bürünç medala mynasyp boldy. Şu görnüşden Aşgabat şäherindäki 117-nji orta mekdebiň okuwçysy Amanmuhammet Hommadowyň hem iň güýçli küştçüleriň bäşligine girendigini bellemek gerek.

9 Dekabr 2023

Sylaglanyş dabarasy

Türkmenistanyň Bedenterbiýe we sport baradaky döwlet komitetiniň «Olimp» orta sport mekdebiniň okuwçy-türgenleriniň iri ýaryşlarda gazanýan üstünlikleri bizi diýseň begendirýär. Munuň özi biziň hem ýerine düşen yhlasymyzdyr. 15 — 23-nji noýabr aralygynda Meksikanyň Gwadalahara şäherinde ýetginjekleriň arasynda geçirilen agyr atletika boýunça dünýä çempionatyna gatnaşan mekdebimiziň 11-nji synp okuwçysy Anamjan Rustamowa uly üstünlik gazandy. 81 kg agram derejesinde silterläp 104 kg, itekläp 123 kg, umumy

8 Dekabr 2023

Türkmen dzýudoçysynyň bürünç medaly

Türkmen dzýudoçysy Hekim Agamämmedow Ýaponiýanyň Tokio şäherinde tamamlanan «Grand Slam» halkara ýaryşynda uly üstünlige eýe boldy. Ýaryş 84 döwletden 506 türgeni bir ýere jemledi. 66 kilogram agram derejesinde çykyş eden türkmen dzýudoçysy birinji tutluşygynda Amerikanyň Birleşen Ştatlarynyň türgeni Ari Berlineri ýeňmegi başardy. Ol ikinji tutluşygynda azerbaýjanly Ýaşar Najafowy ýeňdi. Şondan soň moldowaly Rad Izworeanydan üstün çykdy. Türkmen türgeni bu duşuşygyň 2-nji minutynda arassa ýeňiş gazandy.

8 Dekabr 2023

Sylaglanyş dabarasy

Türkmenistanyň Bedenterbiýe we sport baradaky döwlet komitetiniň «Olimp» orta sport mekdebiniň okuwçy-türgenleriniň iri ýaryşlarda gazanýan üstünlikleri bizi diýseň begendirýär. Munuň özi biziň ýerine düşen yhlasymyzdyr. 15 — 23-nji noýabr aralygynda Meksikanyň Gwadalahara şäherinde ýetginjekleriň arasynda geçirilen agyr atletika boýunça dünýä çempionatyna gatnaşan mekdebimiziň 11-nji synp okuwçysy Anamjan Rustamowa uly üstünlik gazandy. 81 kg agram derejesinde silterläp 104 kg, itekläp 123 kg, umumy

8 Dekabr 2023

Küşt tagtasynyň başynda

Ýakynda Daşoguz şäheriniň 1-nji sport mekdebinde Halkara Bitaraplyk gününe bagyşlanyp küşt boýunça aýal-gyzlaryň arasynda welaýatyň çempionaty geçirildi. Ýaryşa etraplardan we Daşoguz şäherinden saýlama türgenler gatnaşdy. Şweýsar usulynda guralan bäsleşik gyzykly we çekeleşikli häsiýete eýe boldy. Ýaryşyň baş emini Ulugbek Matýakubowyň bellemegine görä, jemi 9 oýunda 8,5 utuk toplan «Merdem Ýaşlar» okuw merkeziniň küşt gurnagynyň mugallymy Mähriban Matýakubowa çempion bolmagy başardy. Daşoguz şäheriniň 4-nji sport mekdebiniň türgeni Selbi Ýazgylyjowa 2-nji orny eýeledi. 3-nji baýrakly orna koffisient görkezijileri esasynda Daşoguz şäheriniň 3-nji sport mekdebiniň türgeni Zeýnab Haýtanowa mynasyp boldy. Baýrak eýeleri Hormat hatlary bilen sylaglandylar. Daşoguz şäheriniň 23-nji orta mekdebinde bolsa şäher derejesinde okuwçylaryň arasynda geçirilen toparlaýyn küşt bäsleşiginde Daşoguz şäheriniň 10-njy orta mekdebiniň topary ýeňiji boldy. 7-nji orta mekdebiň topary 2-nji, 23-nji orta mekdebiň topary 3-nji baýrakly orunlary eýelediler. Ýaryşyň şahsy birinjiliginde oglanlardan Ihlas Ulugbekow 1-nji (7-nji orta mekdep), Arslan Kullyýew 2-nji (10-njy orta mekdep), Bezirgen Orazbaýew (1-nji orta mekdep) 3-nji orunlary eýelediler. Gyzlaryň arasynda Dursunjemal Kullyýewa (10-njy orta mekdep), Sahra Saparmyradowa (23-nji orta mekdep), Adalat Ulugbekowa (11-nji orta mekdep) dagy degişlili

8 Dekabr 2023

Şöhratly ýyl we milli sport

Berkarar döwletiň täze eýýamynyň Galkynyşy döwrüniň ýene bir ýyly – Arkadag Serdarly bagtyýar ýaşlar ýyly hem taryhyň altyn sahypalarynda mynasyp ornuny tapar. Çünki ýurdumyzda türkmen ýaşlaryna bildirilýän belent ynamyň nyşanyna öwrülen bu ýyl ajaýyp zähmet üstünliklerine, belent sepgitlere, taryhy ýeňişlere beslendi. Şeýle netijeleriň bedenterbiýe we sport ulgamynda hem gazanylandygyna aýratyn ünsi çekmek gerek. Bu hakykaty türkmen türgenleriniň şu ýylyň 11 aýynda dünýä we yklym çempionatlarynda, halkara ýaryşlarynda gazanan medallarynyň sanynyň geçen ýylyň degişli döwri bilen deňeşdirilende ep-esli artykdygy hem aýdyň tassyklaýar. Köpçülikleýin bedenterbiýe-sagaldyş çäreleri hem diýseň uly ähmiýete, çuň many-mazmuna beslenýar. Gahryman Arkadagymyzyň binýadyny goýan sport syýasatynyň hormatly Prezidentimiz tarapyndan mynasyp derejede dowam etdirilmegiň netijesinde bedenterbiýäni we sporty saýlaýan watandaşlarymyzyň sany barha artýar.

8 Dekabr 2023

Uly ruhubelentlige beslenen ýaryş

Berkarar döwletiň täze eýýamynyň Galkynyşy döwründe Diýarymyzda bedenterbiýe-sagaldyş, sport hereketi giň gerime eýe boldy. Dürli ýaşdaky we kärdäki adamlaryň müňlerçesini özünde jemleýän köpçülikleýin sport çärelerini geçirmek asylly däbe öwrüldi. Paýtagtymyz Aşgabatda şu ýylyň 23 – 28-nji noýabrynda geçirilen Kuraş boýunça XIV dünýä çempionaty bolsa ýurdumyzyň sport abraýynyň dünýä derejesinde artýandygynyň aýdyň beýany boldy. Dünýä çempionatynyň badalga alan gününde «Kuraş boýunça dünýä çempionaty dünýä metbugatynda» ady bilen halkara mediaforum geçirilip, oňa Halkara kuraş assosiasiýasynyň, Türkmenistanyň Bedenterbiýe we sport baradaky döwlet komitetiniň, Milli Olimpiýa komitetiniň ýolbaşçylary, ýurdumyzyň we dünýäniň köpçülikleýin habar beriş serişdeleriniň wekilleri gatnaşdylar. Myhmanlar üçin giň gerimli medeni maksatnama taýýarlanyldy. Maksatnamanyň çäklerinde olar ýurdumyzyň dürli muzeýlerine, «Nusaý» taryhy-medeni döwlet goraghanasyna, Halkara ahalteke atçylyk sport toplumyna, Ahal welaýatynyň Ak bugdaý etrabyndaky Seýit Jemaleddin metjidine, ýaryşlara tomaşa etmek üçin ýörite janköýer zolaklarynyň döredilen ýerlerine — «Berkarar» we «Aşgabat» söwda-dynç alyş merkezlerine baryp gördüler.

8 Dekabr 2023

‹
1
2
...
70
71
72
73
74
75
76
...
330
331
›