"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Türkmen diplomatlaryna baýramçylyk sowgady

«Pähim-paýhas ummany Magtymguly Pyragy» ýylynyň tamamlanyp barýan günleri Özbegistanda işleýän türkmen diplomatlary üçin ýatdan çykmajak pursatlary bagyşlady. Düýn Daşkent şäherinde Türkmenistanyň Özbegistan Respublikasyndaky ilçihanasynyň işgärleri üçin niýetlenen täze ýaşaýyş jaýy açylyp ulanmaga berildi. Munuň özi ýurdumyzyň ynsanperwerlige, dost-doganlyga esaslanýan daşary syýasatynyň ileri tutulýan ugurlarynyň üstünlikli durmuşa geçirilmegine goşant goşýan diplomatik gullugyň işgärleri üçin döwrebap ýaşaýyş-durmuş we iş şertleriniň döredilýändigini aýdyň görkezmek bilen, buýsanjyňa buýsanç goşýar. Täze jaýyň açylyş dabarasyna daşary işler ministriniň orunbasary A.Gurbanowyň ýolbaşçylygyndaky Türkmenistanyň wekiliýeti, Özbegistan Respublikasynyň daşary syýasat edarasynyň hem-de Daşkentde işleýän daşary ýurtlaryň diplomatik wekilhanalarynyň ýolbaşçylarydyr wekilleri, ministrlikleriň, jemgyýetçilik guramalarynyň, köpçülikleýin habar beriş serişdeleriniň wekilleri, Özbegistanyň ýokary okuw mekdeplerinde bilim alýan türkmen talyplary gatnaşdylar. Bu ýerde çykyş eden iki ýurduň resmi wekilleri hormatly Prezidentimiz Serdar Berdimuhamedowyň, türkmen halkynyň Milli Lideri Gahryman Arkadagymyzyň we Özbegistan Respublikasynyň Prezidenti Şawkat Mirziýoýewiň pugta syýasy erki esasynda amala aşyrylýan döwletara gatnaşyklaryň ýokary derejesini kanagatlanma bilen belledile

8 minut öň

Jemgyýet

Ýylyň ady — döwre şan

Halkara parahatçylyk we ynanyşmak ýylyna buýsançnama «Pähim-paýhas ummany Magtymguly Pyragy» şygaryny baýdak edinen bereketli ýylymyz ahyrlap barýar. Täze ýyly joşgun bilen garşylaýarys. Ilki bilen, ony mynasyp atlandyrýarys. Bu biziň asylly däbimiz.

15 minut öň

Edebiýat

Pyragynyň italýan dilindäki diwany —

Aşgabatdan Rime ylham köprüsi Gündogaryň beýik akyldary Magtymguly Pyragynyň baý many-mazmunly şygyrlary bilen türkmen we dünýä edebiýatynyň ösmegine goşan uly goşandy bu günki gün giňden ykrar edilýär. Dana Pyragynyň adamzadyň ruhy medeniýetiniň altyn hazynasynda orun alan eserleri köp dillerde terjime edilip, türkmen şygryýetiniň abraýyny belende göterýär. Şol terjimeler daşary ýurtly okyjylar üçin türkmen halkynyň beýik oglunyň şygyrlarynyň many-mazmunyna, filosofik garaýyşlaryna düşünmegiň açary bolup hyzmat edýär. Doglan gününiň üç asyrlyk senesiniň bellenilýän ýylynda söz ussadynyň goşgulary ilkinji gezek italýan dilinde-de neşir edildi. Düýn Türkmenistanyň Daşary işler ministrliginiň Halkara gatnaşyklary institutynda geçirilen dabara hem Magtymgulynyň italýan dilinde neşir edilen goşgular ýygyndysyny tanyşdyrmaga bagyşlandy.

30 minut öň

Edebiýat

Taryha ýazylan wakalar

«Pähim-paýhas ummany Magtymguly Pyragy» şygary astynda belent ruha, beýik işlere beslenen 2024-nji ýylyň tamamlanyp barýan günlerinde geçilen menzillere ser salyp, ýetilen sepgitler barada buýsanyp söhbet edýäris. Şunda 11-nji sentýabrda bolup geçen şanly wakalar hem aýratyn bellenilmäge, gaýta-gaýta nygtalmaga mynasypdyr. Şol gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda, hormatly Prezidentimiz Serdar Berdimuhamedowyň paýtagtymyzdan sanly ulgam arkaly ak pata bermeginde ýurdumyzyň günorta künjeginde — Tagtabazar etrabynyň çäklerinde, türkmen-owgan serhedinde bolup geçen taryhy wakalar göwünlere ganat eçilen, ýüreklerde röwşen geljege mizemez ynam, umyt döreden tutumly işler hökmünde ebedi ýatda galdy. Diňe bir türkmen-owgan gatnaşyklaryna däl, eýsem, tutuş sebitiň, umumadamzadyň ösüşlerine oňyn täsirini ýetirjek iri taslamalaryň gurluşygyna badalga berilmegi, möhüm desgalaryň ulanyşa girizilmegi bilen baglylykda geçirilen çärelere gatnaşyp, il-ýurt bähbitli taryhy wakalara dahylly bolmak bagty bize-de nesip etdi. Biz munuň üçin özümizi juda bagtyýar saýyp, parahatçylyk söýüjilik, dost-doganlyk ýollary bilen Watanymyzyň dünýädäki abraý-mertebesini has-da beýgeldýän, halkymyzy röwşen geljege alyp barýan Milli Liderimize hem-de hormatly Prezidentimize egsilmez alkyş aýdýarys.

34 minut öň

Jemgyýet

Ylym-bilim-önümçilik arabaglanyşygyny pugtalandyryp

Häzirki wagtda ýurdumyzda milli ylym-bilim ulgamy döwrüň ösen talabyna laýyklykda yzygiderli kämilleşdirilýär. Türkmenistanyň Halk Maslahatynyň şu ýylyň 24-nji sentýabrynda geçirilen mejlisinde türkmen halkynyň Milli Lideri, Halk Maslahatynyň Başlygy Gahryman Arkadagymyz ýaşlar barada döwlet syýasatyny amala aşyrmak boýunça öňde duran uly wezipelere ünsi çekmek bilen, ýokary okuw mekdeplerinde ylym-bilim-önümçilik arabaglanyşygynyň kämil usulyny döretmegi hem şolaryň hatarynda belläpdi. Bu wajyp wezipäni durmuşa geçirmek maksady bilen, häzirki wagtda ýurdumyzyň ýokary okuw mekdeplerinde, şol sanda Ýagşygeldi Kakaýew adyndaky Halkara nebit we gaz uniwersitetinde degişli işler dowam etdirilýär. Milli ylmy-tehniki ösüşiň depginini mundan beýläk-de ýokarlandyrmak boýunça bäsdeşlige ukyply, ykdysady taýdan netijeli ylmy-barlag, taslama işleri alnyp barylýar we ylmy taýdan esaslandyrylan işläp düzmeler önümçilige ornaşdyrylýar. Talyplaryň nazaryýetde alan bilimlerini tejribelikde we ylymda pugtalandyrmak maksady bilen, Türkmenistanyň Ylymlar akademiýasynyň Halkara ylmy-tehnologiýa parkynyň binýadynda Ýagşygeldi Kakaýew adyndaky Halkara nebit we gaz uniwersitetiniň ýöriteleşdirilen binýatlyk kafedralary döredildi. «Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin Döwlet maksatnamasynyň» we «Türkmenistanda sanly bilim u

35 minut öň

Bilim

Biri-birinden zyýada ýyllar

Halk senenamasy boýunça ýylan ýyly ýetip gelýär. Taryhçy alymlaryň tassyklamaklaryna görä, ýylanyň keşbi örän köp zatlarda — gündelik ulanylýan gap-gaçlarda, möhürlerde we köşk bezeglerinde hem şöhlelenipdir. Gadymy Änew metjidiniň girelgesiniň ýokarsynda, gök reňk bilen syrçalanan ýuka kerpijiň ýüzünde iki sany ýylan görnüşli aždarha şekillendirilipdir. Edil şeýle keşpleri öňki döwürlerde tanymal serkerdeleriň göteren baýdaklarynda hem görmek bolýar. Gündogar halklarynda ýylan pähim-parasadyň, sabyrlylygyň, baýlygyň, mertligiň we eserdeňligiň nyşany hasaplanypdyr.

37 minut öň

Jemgyýet

«Nygmat bardyr näçe diýseň...»

Ýurdumyzyň ähli künjeginde bolşy ýaly, Mary welaýatynda hem ýetip gelýän Täze ýylyň baýramçylyk ruhy höküm sürýär. Welaýatyň köpugurly we beýleki bazarlarynda, söwda merkezlerinde hem welaýat alyjylar jemgyýetleri birleşigine, hususy pudaga degişli dükanlarda ir ertirden giç agşama çenli gyzgalaňly baýramçylyk söwdasy dowam edýär. Hormatly Prezidentimiziň baştutanlygynda ýurdumyzda döredilen bazar bolçulygy ildeşlerimize baýramçylyk saçaklaryny giňden ýazyp, olaryň üstüni naz-nygmatdan, gök-bakja, datly miweler hem-de dürli görnüşli azyk önümleridir senagat harytlary bilen gelşikli edip bezemäge giň mümkinçilik berýär. Ilata hödürlenilýän azyk we senagat harytlarynyň, oba hojalyk önümleriniň hut öz ýurdumyzda öndürilip, olaryň ekologik taýdan arassa, ýokary hilli bolmagy baýramçylyk şatlygyna şatlyk goşýar. Daýhanlarymyzdyr telekeçilerimiz tarapyndan öndürilen oba hojalyk önümleri, banandyr beýleki miweler özüniň terligi, tagamlylygy bilen tapawutlansa, sebetlerde we owadan gaplarda ýerleşdirilen senagat harytlary köp görnüşliligi we amatly bahasy bilen alyjylaryň ünsüni özüne çekýär.

43 minut öň

Jemgyýet

«Türk­me­nis­tan he­mi­şe ýü­re­gim­de ýa­şa­ýar»

Ar­sen ŞA­HUNS,rus­si­ýa­ly aý­dym­çy: — Men Ma­ry şä­he­rin­de do­gul­dym. Şo­nuň üçin bu gün men öz Wa­ta­nym­da. Bu ýer­dä­ki äh­li zat me­niň üçin eziz. Duz ne­si­bäm çe­kip, öz­ge ýurt­la­ra git­sem-de, Türk­me­nis­tan we türk­men hal­ky he­mi­şe ýü­re­gim­de ýa­şa­ýar. Me­niň aý­dym­la­ry­myň kö­pü­si hut şu söý­gü­den dö­re­di. Dö­re­di­ji­li­giň nä­me­di­gi­ni, go­wy eser­le­ri dö­ret­mek üçin nä­hi­li yh­las et­me­li­di­gi­ni Türk­me­nis­tan­da sun­gat mek­de­bin­de oka­ýan dö­wür­le­rim öw­ren­dim. 6 ýa­şym­da­kam özüm­den 10 ýaş uly do­ga­nym Alek­sandr sun­gat mek­de­bin­de okap, klar­net saz gu­ra­lyn­da saz çal­ar­dy. Bir gü­nem ol dos­ty bi­len öýe ge­le­n­de, ma­ňa for­te­pia­no saz gu­ra­lyn­da bir­ki sa­ny no­ta­nyň çal­ny­şy­ny gör­kez­di. Do­ga­nym bi­len bi­le­lik­de saz çal­dyk. Şeý­le pur­sat­la­ryň yzy­gi­der­li gaý­ta­lan­ma­gy me­ni aý­dym-sa­za im­rin­dir­di. Soň­ra me­nem sun­gat mek­de­bi­ne oku­wa gir­dim. Şeý­le­lik­de, do­ga­nym me­ni bu ja­dy­laý­jy sun­ga­ta ug­ruk­dyr­dy. Soň­ra onuň bi­len bi­le­lik­de bir­nä­çe aý­dym dö­ret­dik. Şu gün­ki kon­sert­de şol aý­dym­la­ryň türk­me­nis­tan­ly diň­leý­ji­le­ri­mi­ziň he­ni­zem ýa­dyn­da­dy­gy­na şa­ýat bol­duk.

46 minut öň

Medeniýet

Dag şi­ri ala­ja­gap­laň

Ýy­lyň çar pas­lyn­da gö­zel te­bi­ga­ty­my­za se­ýil-sy­ýa­ha­ta çyk­ýan il­deş­le­ri­mi­ziň sa­ny art­ma­sa, eg­sil­me­ýär. Ola­ryň ara­syn­da eko­lo­gi­ýa me­de­ni­ýe­ti bo­ýun­ça wa­gyz-ne­si­hat iş­le­ri­ni ge­çir­mek döw­let te­bi­gy go­rag­ha­na­my­zyň iş­gär­le­ri­niň esa­sy we­zi­pe­le­ri­niň bi­ri­dir. Şo­ňa gö­rä-de, ra­ýat­lar bi­len suw çeş­me­le­ri­ni, te­bi­gy ýer­le­ri aras­sa sak­la­ma­gyň we gel­jek ne­sil­le­ri­mi­ze mi­ras goý­ma­gyň äh­mi­ýe­ti ba­ra­da yzy­gi­der­li gür­rüň­deş­lik ge­çi­ril­ýär, so­wal-jo­gap al­şyl­ýar. Şun­da ola­ry has köp gy­zyk­lan­dyr­ýan so­wal­la­ryň bi­ri-de dag­lar­da ýa­şa­ýan ýa­ba­ny haý­wan­lar, esa­san-da, ala­ja­gap­laň­lar bi­len bag­ly­dyr. Ala­ja­gap­laň — düý­bün­den ýi­tip bar­ýan gör­nüş, ol Türk­me­nis­ta­nyň Gy­zyl ki­ta­by­na, şeý­le hem Te­bi­ga­ty go­ra­ma­gyň hal­ka­ra bi­le­le­şi­gi­niň Gy­zyl sa­na­wy­na, Ýa­ba­ny haý­wan­lar we ösüm­lik­ler dün­ýä­si­niň ýok bol­mak how­py as­tyn­da­ky gör­nüş­le­ri­niň hal­ka­ra söw­da­sy ha­kyn­da­ky kon­wen­si­ýa­nyň (CITES) sa­na­wy­na gi­ri­zi­len­dir. Ala­ja­gap­la­ňyň ýa­şa­ýan ýer­le­ri­ne amat­syz tä­sir­le­riň ýet­me­gi bi­len, ola­ryň dün­ýä ýü­zün­de sa­ny­nyň azal­ma­gy se­bäp­li, hal­ka­ra de­re­je­de düýp­li yl­my-bar­lag we go­rag iş­le­ri ge­çi­ril­ýär. Bu jan­da­ryň ýa­şa­ýan ýer­le­ri­ni we ola­ryň sa­ny­ny di­kelt­mek bo­ýun­ça ýur­du­myz­d

49 minut öň

Haýwanat dünýäsi

Magtymguly Pyragynyň döredijilik mirasy — umumadamzat gymmatlygy

Türkmenistanyň Prezidentiniň «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny bellemek hakynda» Kararyna laýyklykda, 2024-nji ýylyň ilkinji günlerinden Watanymyzda we daşary ýurtlarda beýik söz ussadynyň adamzadyň ruhy medeniýetiniň hazynasyna giren edebi-filosofik mirasyny öwrenmek, bütin dünýäde wagyz etmek boýunça giň gerimli işler alnyp baryldy. Türki medeniýetiň halkara guramasy (TÜRKSOÝ) tarapyndan 2024-nji ýylyň «Türki dünýäsiniň beýik şahyry we akyldary Magtymguly Pyragy ýyly» diýlip yglan edilmegi, Magtymgulynyň golýazmalar toplumynyň ÝUNESKO-nyň «Dünýäniň hakydasy» maksatnamasynyň halkara sanawyna girizilmegi, beýik söz ussadynyň doglan gününiň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçilýän şanly seneleriň sanawyna goşulmagy nusgawy şahyrymyzyň döredijiliginiň dünýä derejesinde ykrar edilýändiginiň aýdyň güwäsidir. 2024-nji ýylyň «Pähim-paýhas ummany Magtymguly Pyragy» şygarynyň many-mazmuny halkymyzyň watançylyk ruhuny belende götermäge, ýurdumyzyň şöhratyny, halkara abraýyny ýokarlandyrmaga, ýaşlary päk ahlaklylyk ruhunda terbiýelemäge goşant goşmaga, watandaşlarymyzy täze üstünliklere ruhlandyrmaga gönükdirilendir. Gahryman Arkadagymyzyň Magtymguly Pyraga bagyşlap döreden goşgusyndan ugur alnyp, ýylyň şygarynyň «Pähim-paýhas ummany Magtymguly Pyragy» diýlip atlandyrylmagy

1 gün öň

Syýasat

Ýaşaýşa ýaraşyk berýän tutumlar

Gurmak, döretmek, guran hem döreden mukaddesliklerine buýsanyp ýaşamak halkymyza mahsus häsiýetlerdir. Zähmetsöýer halkymyz bu gün öz parasatly döwlet Baştutanynyň alyp barýan çuňňur oýlanyşykly içeri hem daşary syýasatyna tüýs ýürekden uýmak bilen, Watanymyzyň okgunly ösüşleriniň bähbidine nusgalyk işleri amala aşyrmagy başarýar. Bu buýsançly hakykata «Pähim-paýhas ummany Magtymguly Pyragy» ýylynda tutuş ýurdumyzda bolşy ýaly, Balkan welaýatynda gazanylan üstünlikleriň mysalynda hem magat göz ýetirmek bolýar. Hormatly Prezidentimiz Serdar Berdimuhamedowyň ata Watanymyz Türkmenistany dünýäniň ösen ýurtlarynyň derejesinde senagatlaşdyrmak syýasatynda Balkan welaýatyna aýratyn orun degişlidir. Diňe tamamlanyp barýan ýylda sebitde öndürilen 20 milliard manatlyga barabar senagat önümleriniň deň ýaryndan gowragy, bölekleýin satuwyň haryt dolanyşygynda bitirilen 10 milliardlyga barabar işiň 90 göterimden gowragy hususy eýeçiligiň paýyna düşýär. Welaýatda elektrik energiýasyny öndürmekde, uglewodorod çig mallaryny çykaryp, gaýtadan işlemekde, oba hojalyk önümlerini taýýarlamakda-da guwandyryjy netijeler gazanyldy. Geçen galla oragy möwsüminde Arkadagly Gahryman Serdarymyzyň Balkan welaýatyna amala aşyran mübärek iş saparynda gallaçy babadaýhanlar bilen duşuşyp, olaryň armasyny ýetirmegi hem-de «Türkmenawtoulaglary» agentliginiň «Balkanawtoulag» önümçilik birleşigine täze

1 gün öň

Jemgyýet

Döwrebap aragatnaşyk tehnologiýalaryny özleşdirip

Ýurdumyzyň ösüş maksatnamalarynyň strategik ugurlarynyň hatarynda telekommunikasiýa we aragatnaşyk ulgamy möhüm orun eýeleýär. Bu ugurda ýetilýän sepgitler milli ykdysadyýetimiziň guwandyryjy üstünlikleriniň, ösüş ýoly bilen ynamly öňe barýan halkymyzyň döredijilik güýç-kuwwatynyň güwäsine öwrüldi. Hormatly Prezidentimiziň milli aragatnaşyk ulgamyny toplumlaýyn döwrebaplaşdyrmak hem-de diwersifikasiýa ýoly bilen ösdürmek boýunça öňde goýan wezipeleriniň çalt çözülmegi, iň öňdebaryjy enjamlaryň hem-de innowasiýalaryň ulanylmagy netijesinde Türkmenistanda telekommunikasiýalaryň köpşahaly ulgamy hereket edýär. Kommunikasiýa tehnologiýalarynyň elýeterliligi ykdysadyýetiň ösüşini çaltlandyrýar. Häzirki wagtda sanly, kompýuter ulgamlary jemgyýetiň ösüşiniň möhüm şertine hem-de ykdysadyýetiň dürli pudaklarynyň işiniň netijeliligini ýokarlandyrmagyň esasy serişdesine öwrüldi. Şunuň bilen baglylykda, ýurdumyzda elektron önümleri we aragatnaşyk hyzmatlaryny hödürleýän maglumat bazary döreýär. Onuň ykdysadyýetimiziň esasy ugurlarynyň biri boljakdygyny häzirden ynamly aýdyp bileris. Bu bazaryň hereket etmegi beýleki pudaklaryň ösmegine, umuman, makroykdysady ýagdaýlara uly täsirini ýetirer.

1 gün öň

Jemgyýet

Sagdyn jemgyýet — kuwwatly döwlet

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 25-nji dekabrda paýtagtymyzyň demirgazyk künjeginde täze saglygy goraýyş desgasynyň — Halkara onkologiýa ylmy-kliniki merkeziniň batly depginde alnyp barylýan gurluşyk işleri bilen tanyşmagy we gymmatly maslahatlaryny bermegi biz — lukmanlary begendiren wakalaryň biri boldy. Milli Liderimiziň saglygy goraýyş ulgamynda alnyp barylýan işleri ylmy esasda ösdürmek, bu ugurda halkara guramalar bilen hyzmatdaşlygy giňeltmek, ýaş hünärmenleriň taýýarlanylyşyny kämilleşdirmek, Halkara saglyk merkezleri müdiriýetinde hem-de Halkara okuw-ylmy merkezinde seljeriş-intellektual bölümini döretmek, merkezi öz işine ökde hünärmenler bilen üpjün etmek meselelerine möhüm ähmiýet bermek, bu saglygy goraýyş edaralaryny we welaýatlaryň onkologiýa merkezlerini bir bitewi intellektual tora birikdirmegiň wajypdygy, şeýle-de onda lukmanlaryň hemişe bökdençsiz, netijeli iş alyp barmagy üçin üznüksiz aragatnaşygyň ýola goýulmalydygy barada aýdanlary, beren tabşyryklarydyr gymmatly maslahatlary ýurdumyzda jemgyýetiň we döwletiň iň ýokary gymmatlygy hasaplanýan adamlaryň saglygyny goramagyň esasy wezipeleriň biri hökmünde kesgitlenendiginiň ýene bir aýdyň güwäsi boldy.

1 gün öň

Saglyk

Tebigy gazdan alynýan önümler

Berkarar döwletiň täze eýýamynyň Galkynyşy döwründe döwrebap tehnologiýalaryň we öňdebaryjy dünýä tejribeleriniň esasynda tebigy baýlyklarymyz netijeli peýdalanylyp, milli ykdysadyýetimiziň bäsdeşlige ukyplylygy has-da ýokarlandyrylýar. Hormatly Prezidentimiziň tebigy gazy çykarmak, gaýtadan işlemek hem-de dünýä bazarlaryna iberilýän möçberlerini artdyrmak babatda döredýän giň mümkinçiliklerinden ugur alnyp, gaz senagatyny ösdürmek boýunça giň gerimli işler durmuşa geçirilýär. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» esasy wezipeleriniň biri hem uglewodorod serişdeleriniň ýangyç görnüşinde eksport mümkinçiliklerini artdyrmak bilen bir hatarda, olaryň gaýtadan işlenilýän we ekologik taýdan arassa ahyrky önümleriniň öndürilýän möçberlerini ýokarlandyrmakdan we ýurdumyzyň eksport kuwwatyny has-da artdyrmakdan ybaratdyr.

1 gün öň

Ykdysadyýet

Bagbanyň bagban agtyklary

Ine, ýene-de bir ýyl taryha girip barýar. Halkymyz bu ýyly hem uly üstünliklere, şanly wakalara besledi. Türkmen daýhany, bu ugurdan iş alyp barýan hususy taraplar, daýhan hojalyklary döwletimiz tarapyndan berilýän ýeňilliklerden hem-de goldawlardan ýerlikli peýdalanyp, 2024-nji ýylda-da ekin ýeriniň her dabanyny alyn derleri bilen suwaryp, bol hasyl ýygnadylar. Biz hem Täze ýyl baýramçylygynyň bosagasynda şeýle daýhanlar barada söhbet açmagy makul bildik. Kämil ýörelge — nesle görelde

1 gün öň

Oba hojalyk

«Arkaç» söwda-dynç alyş merkezi: bol harytlar, ajaýyp sowgatlar, baýramçylyk ruhy

Ýüreklere joşgun, kalplara ylham, söýgi eçilýän Täze ýyl bosagada. Ýene sanlyja günden dünýäniň tas ähli ýerinde bellenilýän, diňe bir çagalaryň däl, eýsem, ulularyň hem eý görüp garaşýan bu baýramçylygyny halkymyz uly şatlyk-şowhun bilen garşylar. Hut şeýle günlerde ýakynlarymyza berilýän sowgatlaryň arzysy, täsiri başgaça. Ýurdumyzyň islendik söwda nokatlaryna, ak bazarlaryna barsaň, göwün söýen sowgatlyklaryňy tapyp bolýar. Bu baýramçylyga paýtagtymyzdaky «Arkaç» söwda-dynç alyş merkezinde hem ykjam taýýarlyk görlüpdir. Şu ýylyň 17-nji martynda paýtagtymyzda akyldar şahyrymyzyň adyny göterýän giň şaýoluň ugrunda ýerleşýän iri işewürlik hem-de söwda-dynç alyş merkezi dabaraly ýagdaýda açylyp ulanmaga berildi. Täze toplum açylan badyna işewürlik durmuşynyň işjeň merkezine, lomaý we bölek söwda amallarynyň ýerine ýetirilýän künjegine öwrülip, bu ýerde täze iş orunlarynyň ýüzlerçesi döredildi. Umumy meýdany 4,7 gektara barabar bolan merkez Täze ýyly ilkinji gezek garşylaýar.

1 gün öň

Telekeçilik

Tunisli ýyldyz — Türkmenistanda

Düýn paýtagtymyzdaky Gyşky oýunlar sport toplumynda Täze ýyl baýramçylygy mynasybetli dowam edýän konsert maksatnamalarynyň çäklerinde Tunis Respublikasynyň meşhur estrada ýyldyzy Amani Swissi çykyş etdi. Ýurdumyzda ozal hem myhmançylykda bolan zehinli aýdymçy arap we türkmen dillerinde ýerine ýetiren çykyşlary bilen watandaşlarymyzyň baýramçylyk ruhuny belende göterdi. Bizem Amani Swissi bilen söhbetdeş bolup, onuň beren gürrüňlerini ýazga geçirdik. — Türkmenistana ilkinji gezek 2022-nji ýylda gelipdim. Şonda «Türkmeniň ak öýi» binasynyň öňündäki sahnada konsert maksatnamasy bilen çykyş etdim. Dünýä belli aýdymçy-sazandalaryň gatnaşmagynda geçirilen bu dabara ýatda galyjy boldy. Bu gezek hem meni türkmen myhmansöýerligi bilen mähirli garşyladylar. Aşgabadyň gözelligi ylhamyňy joşdurýar. Şäheri soňky gezek synlanyma o diýen bir kän wagt geçmese-de, onuň öňküsinden-de owadanlaşandygy aýdyň görünýär. Bu Türkmenistanda beýik özgertmeleriň durmuşa geçirilýändiginden, türkmen halkynyň bolelin durmuşda ýaşaýandygyndan habar berýär.

1 gün öň

Medeniýet

Bilim — belentliklere badalga

Täze ýyl barha golaýlaşdygyça, şu ýylda amala aşyrylan işlere nazar aýlap, «Pähim-paýhas ummany Magtymguly Pyragy» ýylynyň, hakykatdan-da, şanly wakalara, guwandyryjy üstünliklere beslenendigine ýene bir gezek aýdyň göz ýetirýärsiň. Bu ýylda bilim ulgamynda hem üstünlikler gazanyldy. Häzirki wagtda ýurdumyzda çagalaryň we ýaşlaryň döwrebap bilim almagy, ylymda uly üstünlikleri gazanmagy, zehin-başarnyklaryny döredijilikli işlere gönükdirmegi üçin giň mümkinçilikler döredilýär, okuw kitaplarynyň we gollanmalaryň mazmuny baýlaşdyrylýar. Okuw işine ylmyň täze gazananlary, interaktiw-multimedia enjamlary, sanly tehnologiýalar işjeň ornaşdyrylýar. Täze açylýan mekdeplerde okuwçylaryň netijeli okamagy, bedenterbiýe we sport bilen meşgullanmagy, mugallymlaryň talabalaýyk işlemegi üçin oňaýly şertler bar. Golaýda welaýatymyzda ulanmaga berlen 600 orunlyk umumybilim berýän mekdepde we 240 orunlyk çagalar bagynda hem ýaşajyk raýatlar üçin ähli şertler göz öňünde tutulypdyr.

1 gün öň

Bilim

Agyr atletika: dünýä rekordlary we 28 medal!

Türkmen agyr atletikaçylary Kataryň paýtagty Doha şäherinde ýetginjekleriň we ýaşlaryň arasynda geçirilen Aziýanyň çempionatynda dünýä rekordlarynyň ikisini täzeläp, 28 medal gazandylar. Olaryň 11-si altyn, 8-si kümüş, 9-sy bürünç medallardyr. Çempionatda Türkmen döwlet bedenterbiýe we sport institutynyň talyby Şahzadbek Matýakubow ýene-de iki sany dünýä rekordyny täzeledi. 102 kilograma çenli agram derejesinde çykyş eden ildeşimiz agyrlygy silterläp galdyrmakda 177 kilogramlyk netije görkezip, bu ugurda altyn medalyň eýesi boldy. Ştangany silterläp galdyrmakda bolsa netijesini 219 kilograma ýetirdi. Munuň özi Şahzadbegiň ozal hem özüne degişli bolan ýaşlaryň arasyndaky dünýä rekordyny täzeländigini görkezýär. Ol sentýabr aýynda goýan rekordyny 3 kilogram artdyrdy. Bu çykyşyň has guwandyryjy tarapy bir rekordyň ikinji bir rekorda-da sebäp bolmagydyr. Çünki Şahzadbegiň umumy görkezijisi 396 kilograma ýetdi. Bu netije-de ýaşlaryň arasyndaky täze dünýä rekordydyr.

1 gün öň

Sport

Türkmenistanyň Prezidenti GDA-nyň döwlet Baştutanlarynyň resmi däl sammitine gatnaşdy

Aşgabat — Sankt-Peterburg — Aşgabat, 25-nji dekabr (TDH). Şu gün hormatly Prezidentimiz Serdar Berdimuhamedow, däp bolşy ýaly, Täze ýylyň öňüsyrasynda geçirilýän Garaşsyz Döwletleriň Arkalaşygynyň döwlet Baştutanlarynyň resmi däl sammitine gatnaşmak üçin Russiýa Federasiýasyna iş sapary bilen ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar. Türkmenistan GDA-nyň assosirlenen agzasy bolmak bilen, gurama agza ýurtlar bilen gatnaşyklary taryhyň dowamynda kemala gelen dostluk we hoşniýetli goňşuçylyk däpleri esasynda ösdürýär. Garaşsyz, Bitarap Watanymyz ähli gyzyklanma bildirýän daşary ýurtly hyzmatdaşlar bilen deňhukukly gatnaşyklary ilerletmekde başlangyçly orny eýeläp, ählumumy parahatçylygyň we abadançylygyň üpjün edilmegine saldamly goşant goşýar. Hormatly Prezidentimiziň baştutanlygynda ýurdumyz dünýä jemgyýetçiliginiň giň goldawyna eýe bolýan döredijilikli daşary syýasat strategiýasyny üstünlikli durmuşa geçirýär. Şunda abraýly halkara we sebit guramalarynyň, şol sanda GDA-nyň çäklerinde netijeli dialogyň pugtalandyrylmagyna aýratyn ähmiýet berilýär.

1 gün öň

Syýasat