"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Ösüşiň täze sepgitlerini nazarlap

«Pähim-paýhas ummany Magtymguly Pyragy» şygary astynda geçýän 2024-nji ýyl ýurdumyzyň ýyl ýazgysyny syýasy we ykdysady ulgamlarda, halkymyzyň medeni-ruhy durmuşynda gazanylýan ajaýyp üstünliklere besläp tamamlanyp barýar. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow tarapyndan başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän, ykdysadyýetiň ähli pudaklaryny okgunly ösdürmäge, ilatyň hal-ýagdaýyny yzygiderli ýokarlandyrmaga, ählumumy parahatçylygyň we abadançylygyň bähbidine hoşniýetli goňşuçylyk gatnaşyklaryny berkitmäge gönükdirilen giň gerimli işleriň netijesinde Watanymyz saýlap alan döredijilik ýoly bilen ösüşiň täze belentliklerine tarap ynamly öňe barýar. 16-njy dekabrda sanly ulgam arkaly geçirilen iş maslahatynyň dowamynda ýurdumyzyň sebitlerinde we oba hojalyk pudagynda alnyp barylýan işleriň depginine, Oba milli maksatnamasyny ýerine ýetirmegiň meselelerine garaldy. Oba hojalyk möwsümindäki işleriň ileri tutulýan ugurlary, hususan-da, bugdaýa ideg etmek işleriniň alnyp barlyşyna, geljek ýylyň hasyly üçin gowaça we beýleki ekinleriň ekiljek ýerlerini taýýarlamaga aýratyn üns berildi. Türkmenistany durmuş-ykdysady taýdan ösdürmegiň maksatnamalaryna laýyklykda dowam edýän gurluşyk işlerinde ýokary hil talaplarynyň berjaý edilmegine d

10 sagat öň

Syýasat

Merkezi Aziýa: agzybirlik, abadançylyk, rowaçlyk

Birnäçe gün mundan ozal Diýarymyzda ajaýyp baýram — Halkara Bitaraplyk güni we Türkmenistanyň hemişelik Bitaraplygynyň 29 ýyllygy giňden bellenilip geçildi. Şonuň bilen baglanyşykly ýurdumyzyň tutuş dünýäde, ilkinji nobatda, ýaşaýan sebitimiziň döwletleri bilen dostana gatnaşyklarynyň rowaçlanýandygy, Merkezi Aziýanyň parahatçylygyň, abadançylygyň giňişligi bolmagy ugrunda yzygiderli tagalla edýändigi barada gürrüň etmek aýratyn ýakymly, çünki munda Türkmenistanyň Bitaraplyk syýasatynyň öňe sürýän gymmatlyklary öz beýanyny tapýar. Baýramçylygyň öňüsyrasynda, 6-njy dekabrda geçirilen Ministrler Kabinetiniň nobatdaky mejlisinde ýurdumyza Birleşen Milletler Guramasyndan gelip gowşan hoş habara üns çekildi. Şu ýylyň 2-nji dekabrynda bu guramanyň Baş Assambleýasynyň 79-njy sessiýasynyň dowamynda Türkmenistanyň başlangyjy bilen «Merkezi Aziýada ýadro ýaragyndan azat zolak hakyndaky Şertnama» atly Kararnama biragyzdan kabul edildi. Golaýda Türkmenistanyň başlangyjy bilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnama hem kabul edilipdi. Bu üstünlikler Milletler bileleşigi bilen parahatçylygyň we howpsuzlygyň bähbidine hyzmatdaşlygy mundan beýläk-de ilerletmegiň döwletimiziň daşary syýasatynyň esasy ugurlarynyň biri bolup durýandygyny görkezýär.

10 sagat öň

Bitaraplyk

Ýurdumyzda döwrebap gidrotehniki desgalar ulanmaga berildi

Ahal welaýaty, 24-nji dekabr (TDH). Şu gün Tejen şäherinde kuwwatlylygy bir gije-gündizde 30 müň kub metr bolan suw arassalaýjy desganyň, şeýle hem Ak bugdaý etrabynda kuwwatlylygy bir gije-gündizde 15 müň kub metr bolan lagym suwuny arassalaýjy desganyň açylyş dabaralary boldy. Munuň özi Gahryman Arkadagymyz tarapyndan binýady goýlup, häzirki wagtda hormatly Prezidentimiziň baştutanlygynda halkymyzyň ýaşaýyş-durmuş derejesini yzygiderli ýokarlandyrmaga, milli ykdysadyýetimiziň ähli pudaklarynyň infrastrukturasyny döwrüň talaplaryna laýyklykda kämilleşdirmäge gönükdirilen giň möçberli özgertmeleriň, şol sanda Oba milli maksatnamasynda göz öňünde tutulan wezipeleriň üstünlikli durmuşa geçirilýändiginiň aýdyň güwäsidir. Döwrebap gidrotehniki desgalaryň açylyş dabaralaryna Mejlisiň deputatlary, etrap häkimlikleriniň, jemgyýetçilik guramalarynyň ýolbaşçylary hem-de wekilleri, il sylagly ýaşulular, ýaşaýjylar gatnaşdylar.

10 sagat öň

Jemgyýet

Suw hojalygynda işleri ilerledip

Düýn Ahal welaýatynyň çäginde häzirki zaman desgalarynyň birbada ikisiniň — Ak bugdaý etrabynda lagym suwuny arassalaýjy desganyň, şeýle-de Tejen etrabynda suw arassalaýjy desganyň işe girizilmegi şatlykly dabaralara beslendi. Habarçymyz täze desgalaryň açylyş dabaralaryna gatnaşan ildeşlerimiziň birnäçesiniň ýürek sözlerini ýazga geçirdi.  

10 sagat öň

Jemgyýet

Täze ýyla — täze ýaşaýyş toplumynda

Täze ýylyň öňüsyrasyndaky günler ýurdumyzda şanly wakalara, toý şatlygyna beslenýär. Arkadagly Gahryman Serdarymyzyň ýurdumyzyň sebitlerini toplumlaýyn ösdürmek boýunça beýik başlangyçlary esasynda uly işler, ösüşler bilen täze belentlikleri nazarlaýan Daşoguz welaýatynda hem tamamlanyp barýan ýylyň bu günleri ajaýyp wakalar bilen nurlanýar. Ozal habar berlişi ýaly, hemişelik Bitaraplygymyzyň 29 ýyllyk baýramynyň toýlanýan günlerinde Daşoguz şäherinde ýaşaýyş jaý we desgalar toplumy dabaraly ýagdaýda ulanmaga berildi. Ol welaýatda giň gerimde alnyp barlan iň uly gurluşyklaryň biridir. Ilatyň döredijilikli zähmet çekmegi, bagtyýar durmuşda ýaşamagy üçin ähli amatlyklary bolan döwrebap toplumda 1496 hojalyga niýetlenen jemi 70 sany 4 gatly ýaşaýyş jaýy, saglykdyr söwda merkezleri, 240 orunlyk çagalar bagy, 600 orunlyk umumybilim berýän orta mekdep, hyzmatlar öýi hem-de durmuş maksatly desgalaryň ençemesi bina edildi. Umumy meýdany 71 gektara barabar bolan täze toplumdaky ýaşaýyş jaýlarynyň 32-siniň gurluşygyny Türkmenistanyň Senagat we gurluşyk önümçiligi ministrliginiň Daşoguz şäherindäki «Demirbetonönümleri» zawodynyň gurluşykçylary, 38 sanysynyň gurluşyk işlerini ýerli hususy kärhanalaryň işçileri alyp bardy. Şol gün bu gözel künjekde şatlykly wakalaryň ýene-de biri bolup geçdi. Täze toplumyň gabadynda «KamAZ» okuw-hyzmat merkeziniň ajaýyp binasy ulanmaga berildi

10 sagat öň

Jemgyýet

Milli buýsanjyň çeşmesi

Türkmen halkynyň Milli Lideri Gahryman Arkadagymyzyň pähim-paýhasyndan, ýiti zehininden kemal tapan eserleri biziň her birimiziň durmuş şamçyragymyzdyr. Halkymyzyň şöhratly taryhyny, baý medeni mirasyny we nusgalyk döwletlilik ýörelgelerini beýan edýän, olary täze many-mazmun bilen baýlaşdyrýan bu eserler ösüp gelýän ýaş nesilleri watançylyk, päk ahlaklylyk, ýokary ynsanperwerlik ruhunda terbiýelemekde hem gymmatly hazynadyr. Ine, mähriban Arkadagymyzyň «Pähim-paýhas ummany Magtymguly Pyragy» ýylynda peşgeş beren täze — «Hakyda göwheri» atly kitaby hem halkymyzyň şöhratly taryhyna hem-de edebi mirasyna belent buýsançdan dörän kämil eserdir. Kitap «Taryha syýahat» we «Ruhy miras» diýen iki bapdan ybarat bolup, onuň birinji babynda taryhyň dürli eýýamlarynda dünýä ýaň salan beýik türkmen döwletleri bilen bagly saklanyp galan taryhy-medeni ýadygärliklerimiz barada söhbet edilýär. «Ruhy miras» babynda bolsa halkymyzyň asyrlaryň jümmüşinden bäri dowam edip gelýän milli ruhy ýörelgelerimiziň çuň filosofiýasy beýan edilýär.

10 sagat öň

Jemgyýet

Ýurdumyzyň welaýatlarynda

Üstünlige beslediler Bäherden tikin fabriginiň agzybir işçi-hünärmenleriniň «Pähim-paýhas ummany Magtymguly Pyragy» ýylyny guwandyryjy üstünliklere beslemek ugrundaky tagallalary ýerine düşdi. Munuň şeýledigine ýurdumyzyň Dokma senagaty ministrliginiň agzalan öňdebaryjy kärhanasynda şanly ýylyň geçen on bir aýynda alnyp barlan önümçilik işleriniň görkezijileri hem şaýatlyk edýär. Has anyk aýtsak, gürrüňi edilýän kärhanada şu ýylyň ýanwar — noýabr aýlarynda 15 million manatlyga golaý tikin önümleri öndürilip, geçen ýylyň degişli döwri bilen deňeşdirilende, bu babatda 108 göterim ösüş üpjün edildi. Şeýlelikde, kärhanada önüm öndürmek boýunça ýyllyk meýilnama 125 göterim ýerine ýetirildi.

10 sagat öň

Oba hojalyk

“Aşgabada gelip, çagalygyma dolanýaryn”

Şu günler paýtagtymyzdaky Gyşky oýunlar sport toplumynda ýurdumyzyň hem-de daşary ýurtlaryň aýdymçylarynyň Täze ýyl baýramçylygy mynasybetli şowhunly çykyşlary uly ruhubelentlikde dowam edýär. Düýn russiýaly zehinli aýdymçy Olga Şultaýsyň hem-de özbegistanly estrada ýyldyzy Osman Nowruzowyň türkmen aýdymçy-sazandalary bilen bilelikdäki konserti boldy. Bizem Aşgabatda doglan russiýaly aýdymçy Olga Şultaýs bilen söhbetdeş bolup, onuň Täze ýyl gutlaglaryny we paýtagtymyz bilen bagly ýatlamalaryny okyjylar bilen paýlaşmagy makul bildik. — Aşgabat — durmuşymyň iň süýji günleriniň, çagalyk ýyllarymyň geçen ýeri. Men şu şäherde doguldym, önüp-ösdüm, sungat älemine-de ilkinji gezek şu ýerde gadam basdym. Şonuň üçin bu gözel mekanyň durmuşymdaky ornuny söz bilen beýan etmek mümkin däl. Aşgabat hakyndaky ýüregimde beslän arzuw-umytlarymy, küýseg-telwasymy «Paýtagt» atly aýdymymda jemlemäge çalyşdym. Geçen ýylky Täze ýyl baýramçylygynda-da ata Watanymda konsert maksatnamasy bilen çykyş etmek miýesser edipdi. Şonda bu aýdymy hut şu sahnada ähli zehin-yhlasymy siňdirip ýerine ýetirmäge çalyşdym. Ol tomaşaçylar tarapyndan gyzgyn garşylanyldy. Bu ýyl bolsa türkmen paýtagtyna bagyşlap «Ak şäherim Aşgabat» atly ýene bir aýdymy döretdim we ony türkmen dilinde ýerine ýetirdim. Bu aýdyma «Näzli» tans topary hem sazlaşykly çykyşy bilen bezeg berdi. Mundan başga-da, şu gezekki konsertd

10 sagat öň

Medeniýet

Ykbaly hala siňen zenanlar — fotosuratlarda

Düýn paýtagtymyzdaky Türkmen halysynyň milli muzeýinde «Ykbaly hala siňen zenanlar» atly fotosurat sergisi açyldy. Onuň açylyş dabarasyna Türkmenistanyň Gahrymany, ÝUNESKO-nyň işleri barada Türkmenistanyň milli toparynyň jogapkär sekretary Çynar Rustemowa, «Türkmenhaly» döwlet birleşiginiň, Türkmen halysynyň milli muzeýiniň, ýurdumyzyň daşary döwletlerdäki diplomatik wekilhanalarynyň ýolbaşçylary we wekilleri gatnaşdylar. Arşyň nepisligine deňelen haly sungatyny döreden we onuň ösmegine goşant goşan, gölleriniň syrly dünýäsiniň taryhyny biziň günlerimize ýetiren zenanlarymyzyň yhlasly zähmetini, ömrüni bu inçe käre bagyşlan ussat halyçylaryň zähmet ýoluny ebedileşdirmäge bagyşlanan sergi ÝUNESKO-nyň işleri barada Türkmenistanyň milli toparynyň sekretariaty, “Türkmenhaly” döwlet birleşigi we “El darak” hojalyk jemgyýeti bilen bilelikde guraldy.

10 sagat öň

Jemgyýet

Halk paýhasynda — bürgüt ruhy

Ata-babalarymyzyň tebigata, guşlara yzygiderli gözegçiliginiň netijesinde, halk paýhasynyň gönezliginde olar bilen bagly ençeme düşünjeler jemlenipdir. Taryhy tapyndylarda guşlar, köplenç, ganatlaryny ýaýyp duran ýa-da ýygran görnüşinde şekillendirilipdir. Bu guşlaryň zoologik görnüşini anyklamak mümkin däl diýen ýalydyr. Käteler olar bürgüde ýa-da elguşa, käteler bolsa tawusa ýa-da kepderä çalym edýär. Pederlerimiziň awa salynýan elguş, bürgüt bilen baglanyşykly ruhy ýörelgeleriniň bolandygyny taryhy maglumatlar görkezýär. Elguş Oguz hanyň ýöriş çadyrynyň bezegi bolupdyr. Oguz hanyň öz nebereleriniň güýç-gaýratyna, akyl-paýhasyna, ukyp-üşügine garap, aw guşlarynyň hersini tagma-bellik hökmünde nesillerine berendigi barada «Oguznamalarda» we käbir çeşmelerde ýatlanylýar. Bu barada «Oguznamada» şeýle diýilýär: «Oguz han ogullaryny iki tarapynda oturdyp, sag tarapynda altyn tutawaçly baýdak dikip, depesinde altyn bürgüt, çep tarapynda bolsa kümüş tutawaçly baýdak dikip, kümüş laçyn oturdypdyr». Oguz hanyň tugunda iki kelleli bürgüdiň şekili bolupdyr we ol döwlet tugy hasaplanypdyr. Bu barada Mahmyt Kaşgarlynyň «Türki dilleriň diwany» atly meşhur eserinde hem ýatlanylýar. Parfiýa gylyçlarynyň saplarynda, köplenç, bürgüt kelleleri bolupdyr. Bürgüt şekilleri Nusaýdan tapylan bezegli galkanlarda hem bar.

10 sagat öň

Haýwanat dünýäsi

Ýangyn howpsuzlygy: seresaplylygy elden bermäliň!

Gyş paslynyň dowam edýän günlerinde ýaşaýyş jaýlarynda, edara binalarynda elektrik we gaz bilen işleýän enjamlar has işjeň ulanylýar. Şunda ýangyn hadysalarynyň ýüze çykmazlygy üçin ýangyn howpsuzlyk düzgünleri berk hem gyşarnyksyz berjaý edilmelidir. Ýangyn hadysalary ýygy-ýygydan gysga utgaşmadan, elektrik enjamlarynyň aşa gyzmagyndan, olara aşa agram düşmeginden, birikdirilen ýerleriniň uly geçiş garşylygyndan ýüze çykýar. Ýangyny döredýän gysga utgaşmalaryň ýarysyndan köpüsi ýaşaýyş jaýlarynda bolup geçýär. Gysga utgaşma has köp sezewar bolýan jaýlaryň içindäki elektrik geçirijilerdir. Olarda gysga utgaşma tok geçiriji bölekleriniň daşky örtüginiň tehniki ýa-da mehaniki zeper ýetmeleri, könelmegi, çygyňdyr daşky gurşawyň täsir etmegi, şonuň ýaly-da, adamlaryň ýalňyş hereketleri sebäpli döräp bilýär. Gysga utgaşma dörände toguň güýji ýokarlanyp, bölünip çykýan ýylylygyň derejesi has-da artýar. Mysal üçin, gysga utgaşmada tok 20 esse artýan bolsa, şonda bölünip çykýan ýylylyk 400 esse ýokarlanýar.

10 sagat öň

Jemgyýet

Türkmenistanyň Prezidenti sanly ulgam arkaly iş maslahatyny geçirdi

Aşgabat, 23-nji dekabr (TDH). Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işler bilen baglanyşykly meselelere garaldy. Ilki bilen, Ahal welaýatynyň häkimi S.Soltanmyradowa söz berildi. Ol welaýatyň ekerançylyk meýdanlarynda işleriň ýagdaýy barada hasabat berdi.

1 gün öň

Syýasat

Sanly bank ulgamy halkyň hyzmatynda

Türkmenistanyň Gahryman Arkadagymyz tarapyndan başy başlanyp, häzirki döwürde hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän ykdysady strategiýasynda sanly tehnologiýalary ornaşdyrmak arkaly ygtybarly milli bank ulgamynyň döredilmegine möhüm ähmiýet berilýär. Bu wezipäni çözmek ileri tutulýan ugurlaryň hatarynda kesgitlenildi, çünki karz edaralarynyň işiniň döwrüň talaplaryna laýyklykda guralmagy milli ykdysadyýetiň bäsdeşlige ukyplylygyny, innowasion ösüşini, onuň ählumumy ykdysady gatnaşyklar ulgamyna işjeň goşulyşmagyny üpjün etmäge goşant goşýar. «Türkmenistanyň bank ulgamyny ösdürmegiň 2011 — 2030-njy ýyllar üçin Döwlet maksatnamasynyň», «Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasynyň» we beýleki maksatnamalaryň kabul edilmegi hem-de durmuşa geçirilmegi bu ugurda anyk netijeleri gazanmakda möhüm ädim boldy. Bu resminamalary durmuşa geçirmek üçin kesgitlenen çärelere laýyklykda, häzirki wagtda ýurdumyzda banklaryň bäsdeşlige ukyplylygyny ýokarlandyrmak, ykdysadyýetiň pudaklaryna bölünip berilýän karz serişdeleriniň möçberini artdyrmak, bank-maliýe hasabatlaryny halkara standartlara laýyk getirmek, degişli kanunçylyk binýadyny kämilleşdirmek maksady bilen anyk işler ýerine ýetirilýär. Öňdebaryjy usullar, iň täze tehnologiýalar arkaly nagt däl tölegleriň amala aşyrylma

1 gün öň

Ykdysadyýet

Döwletli tutumlar rowaç alýar

Akyldar şahyrymyz Magtymguly Pyragynyň doglan gününiň 300 ýyllygynyň giňden dabaralandyrylan «Pähim-paýhas ummany Magtymguly Pyragy» ýyly, tutuş ýurdumyz babatda bolşy ýaly, gadymy Ahal ýaýlasyny-da ajaýyp ösüş-özgertmelere besledi. «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyna», «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, ýurdumyzyň bu sebitinde şu ýyl amala aşyrylan giň gerimli oňyn işler, şol sanda gurlup ulanylmaga berlen täze, döwrebap binadyr desgalar göwnüňi galkyndyrýar. Milli ykdysadyýetimizi senagatlaşdyrmagyň depginini artdyrmakda, ähli pudaklaryň we hyzmatlar ulgamynyň ösüşini pugtalandyrmakda, sanly tehnologiýalary giňden ornaşdyrmakda, ilatyň ýaşaýyş-durmuş derejesini ýokarlandyrmakda bu işleriň ähmiýeti iňňän uludyr. Ösüş-özgertmelere beslenen şanly ýylda welaýatyň çäginde dürli maksatly desgalaryň dabaraly ýagdaýda açylyp ulanyşa berilmegi guwançly wakalaryň üstüni ýetirdi. 2024-nji ýylda «Türki dünýäsiniň medeni paýtagty» diýlip yglan edilen Änew şäherinde gurlan Ak bugdaý etrabynyň polisiýa bölüminiň polisiýanyň ýol gözegçiligi gullugynyň awtoulaglaryň tehniki ýagdaýyny anyklaýyş we hasaba alyş toparynyň e

1 gün öň

Jemgyýet

«Hakyda göwheri» — paýhas düri

Türkmen halkynyň Milli Lideri, Türkmenistanyň Halk Maslahatynyň Başlygy alym Arkadagymyzyň «Hakyda göwheri» atly täze kitabynyň halkymyza gowuşmagy buýsançly başymyzy göge ýetirdi. Bu ajaýyp kitap alym Arkadagymyzyň halkymyza, giň okyjylar köpçüligine ýetirilen mundan öňki kitaplarynyň özboluşly dowamydyr. Ylmy-ensiklopedik mazmunly täze kitapda taryhy, arheologik, etnografik, şeýle-de binagärlik we şekillendiriş sungaty, halk döredijiligi, nusgawy edebiýatymyz, dil, etimologiýa ýaly möhüm ugurlar bilen bagly maglumatlar ylmy çeşmelere, gadymy golýazmalara salgylanylyp, giňişleýin beýan edilýär. Halkara Bitaraplyk gününiň öňüsyrasynda toý şatlygymyzy artdyran «Hakyda göwheri» atly täze kitap taryhymyzy, edebi mirasymyzy, halkymyzyň şöhratly geçmişiniň arheologik ýadygärliklerinde saklanyp galan, henize çenli ylmy dolanyşyga girizilmedik syrly sahypalaryny, bürünç asyrlarynda, antik zamanda, kuwwatly Parfiýa, beýik Seljuklar, Horezmşalar, Anuşteginler — Köneürgenç nesilşalygyna degişli we orta asyrlaryň beýleki döwürlerinde gülläp ösen şäherlerimiziň taryhyny, medeniýetde, ylym-bilimde we beýleki ugurlarda gazananlaryny çuňňur öwrenmäge mümkinçilik berýär. Kitapda türkmen halkynyň gadymy hem şöhratly taryhyny, arheologik ýadygärliklerini ylmy esasda öwrenmekde uly hyzmatlary bitiren amerikan alymy Rafael Pampelli, rus alymlary Wadim Masson, Wiktor Sarianidi, Wiktor

1 gün öň

Edebiýat

Şanly sepgitler bilen röwşen geljege

«Pähim-paýhas ummany Magtymguly Pyragy» ýylynda Watanymyzyň, halkymyzyň bähbitlerine gönükdirilen giň gerimli işler durmuşa geçirilip, uly üstünlikler gazanyldy. Biz bu hakykata Balkan welaýatynda alnyp barylýan işleriň mysalynda hem aýdyň göz ýetirýäris. Daşary ýurtlardan satyn alynýan harytlaryň ornuny tutýan önümleri öz ýurdumyzda öndürmek hormatly Prezidentimiziň öňde goýýan esasy wezipeleriniň biridir. Bu wezipäniň üstünlikli çözülmegi halkymyzyň bagtyýar we bolelin ýaşaýşyny üpjün etmegiň esasy şertleriniň biri bolup durýar. Bu günki gün Balkan welaýatynyň döwlete degişli, şonuň ýaly-da hususy eýeçilikdäki kärhanalarynda öndürilýän senagat, gurluşyk harytlarydyr azyk önümleri hem dünýä derejesinde bäsdeşlige ukyplylygy bilen tapawutlanýar. Önüm öndürijileriň netijeli işlemekleri üçin döredilýän şertler şeýle önümçilikleriň geljekde has giňeldilmegine mümkinçilik döredýär.

1 gün öň

Bitaraplyk

Milli senagatyň möhüm pudagy

Türkmenistan tarapyndan özara bähbitli we deňhukukly esasda milli we halkara taslamalara badalga berilmegi ýurdumyzyň geosyýasy we geoykdysady mümkinçiliklerini berkidýär. Uglewodorod çig malynyň uly gorlarynyň özleşdirilmegi ykdysadyýeti depginli ösdürmäge mümkinçilik berýär. Häzirki wagtda Türkmenistanyň ykdysadyýeti diňe uglewodorod serişdelerine bagly bolman, Garaşsyzlyk ýyllarynda gaýtadan işleýän pudaklary ösdürmäge uly üns berildi. Bu bolsa önümçilik senagatynyň pudaklaýyn düzüminiň köpdürlüligini üpjün edýär we Türkmenistanyň ykdysadyýetiniň energiýa serişdeleriniň dünýä bazarynyň üýtgäp durýan şertlerine baglylygyny peseltmäge mümkinçilik berýär. Häzirki wagtda ýurdumyzda eksporta gönükdirilen we daşary ýurtlardan getirilýän harytlaryň ornuny tutýan önümleri öndürmek ugry bolan gaýtadan işleýän pudaklaryň hatarynda himiýa, nebitgaz himiýasy ugurlaryna hem möhüm orun degişlidir. Soňky ýyllarda gurlup ulanmaga berlen iri himiýa desgalary — Garabogazdaky ammiak we karbamid zawody, Gyýanlydaky polimer zawody, Owadandepedäki tebigy gazdan benzin öndürýän zawod hem-de beýleki köp sanly desgalar aýdylanlara doly güwä geçýär. Türkmenistan Garabogazköl aýlagynyň we ýerasty ýod-brom suwlarynyň, kristal we ýerüsti duzlaryny öz içine alýan gidromineral çig mal ätiýaçlyklary boýunça dünýäde öňdebaryjy orunlaryň birini eýeleýär. Türkmenbaşydaky nebiti gaýtadan işleýän

1 gün öň

Jemgyýet

Ýedi hazynanyň biri

Ýurdumyzyň ähli künjeginde hususy pudaga degişli guşçulyk toplumlarynyň sany barha köpelýär. Toplumlaryň hünärmenleri halkymyzy guş eti bilen bolelin üpjün etmek üçin göreldeli zähmet çekýärler. Şolaryň biri-de Gökdepe etrabynyň çäginde ýerleşýän «Altyn jüýje» hojalyk jemgyýetidir. Guşçulyk toplumyna dünýäniň öňdebaryjy kompaniýalarynyň iň kämil, häzirki zaman tehnologiýalary ornaşdyrylandyr. Toplumda kuwwaty ýylda 5 million jüýje çykarmaga niýetlenen inkubatoryň hereket etmegi aýratyn bellenilmäge mynasypdyr. Inkubatordan çykýan jüýjelere hünärmenler kadaly ideg edýärler. Et üçin niýetlenen jüýjeler 45 günde ýetişýär. Olaryň her biriniň agramy 1,5-2 kilograma ýetýär.

1 gün öň

Telekeçilik

Hoz bagynyň bagbanlary

Güýz tumşugyny göge tutup, aýazyň ysyny getirip ugranda, giç bişip ýetişýän dal-daragtlaryň hasyly ýygnalyp başlanypdy. Ýurdumyzda güýzki bag ekmek möwsümi gyzgalaňly dowan edýärdi. Hanhajykga, ýaňyrak ekilen nahallaryň baldajyklary hakyt gyzylinjigiň aýagy dek bolup, gyzaryp otyr. «Dünýä görki — täze nahal» diýleni. Il deňinde biz hem iki düýp hoz nahalyny oturtdyk. Güýz oturdylan nahal ýaza çenli gowy uýgunlaşyp, gyşy bilen yzgary, idegi ýetensoň, ir baharda janlanyp ugraýar. Her kim bir zadyň yşkyna düşýär. Meniň pikir-oýum miwesini göterip bilmän ýegşerip oturan hoz baglarynda. Hudaýa şükür, altyn topragymyz bar, kesewini dürtseňem gögerjek. Ýurdumyzyň dürli künjeklerinde hoz agajyny ýetişdirip, bol hasyl alýan başarjaň bagbanlarymyzdan hem dilgir bolar ýaly däl. Olaryň ýetişdiren baglaryny synlap, geň galmakdan ýaňa başyňy kaýyllyk bilen ýaýkap goýbereniňi duýman galýarsyň. Il içinde: «Hem hoz gerek, hem hozuň mürrügi» diýilýär. Bu durnukly söz düzümi nämedir bir zadyň gowudan-gowusyny islemegi aňladýar. Eýsem, hozuň mürrügi bolanda näme bolýarka?!

1 gün öň

Oba hojalyk

Täze ýyla göwün göteriji sowgatlar

Düýn paýtagtymyzdaky Gyşky oýunlar sport toplumynda Täze ýyl baýramçylygy mynasybetli ýurdumyzyň we daşary ýurtlaryň belli estrada aýdymçylarynyň konsertlerine badalga berildi. Ilkinji konsertiň maksatnamasynyň aglaba bölegini eýranly türkmen aýdymçysy Emin Raseniň, Türkmenistanyň at gazanan artistleri Nurýagdy Rejebowyň we Ahmet Atajanowyň, şeýle-de Annaberdi Orazmämmedowyň aýdymlary düzdi. Joşgunly çykyşlar Aşgabadyň ýaşaýjylarynyň we myhmanlarynyň baýramçylyk ruhuny belende göterdi. Eýranly estrada aýdymçysy Emin Rasen dabaranyň başynda ata Watany Türkmenistanda konsert bermegiň we ýurdumyzda ýaýbaňlandyrylan baýramçylyk dabaralaryna gatnaşmagyň özi üçin uly hormatdygyny aýtdy. Onuň «Serkerde», «Turan», «Gaýgy etme» ýaly aýdymlary tomaşaçylarda watançylyk, mertlik, aslyňa buýsanmak ýaly belent duýgulary oýarmak bilen, aýratyn ruhubelentlik bagyşlady. Eýranly türkmen aýdymçysynyň Annaberdi Orazmämmedow bilen bilelikde ýerine ýetiren «Türkmenistan» we «Magtymguludyr» atly aýdymlary «Pähim-paýhas ummany Magtymguly Pyragy» şygary astynda geçýän şu ýylyň ajaýyp üstünlikleriniň waspnamasy bolup ýaňlandy. Ahmet Atajanow bilen bilelikde ýerine ýetirilen «Watannama» atly aýdym hem dünýä giňişligindäki halkara abraýy barha ýokarlanýan Bitarap Watanymyza bagyşlandy. Eýranly aýdymçynyň «Tans oýnalyň», «Başyňy yrama», «Eller ýokary» atly aýdymlaryny dabara gatnaşyjylar aýra

1 gün öň

Medeniýet