«Sony Honda Mobility» elektrik ulaglaryny öndürer
Iki ýapon ägirdi «Honda Motor» we «Sony Group» kompaniýalary ýokary telekommunikasiýaly elektrik ulaglaryny öndürmek boýunça hyzmatdaşlygyny işjeňleşdirýär. Bilelikdäki kompaniýanyň «Sony Honda Mobility» diýlip atlandyrylandygy habar berilýär. Kompaniýalaryň her biri hyzmatdaşlyk üçin ABŞ-nyň 37,52 million dollary möçberinde maýa goýar. «Sony» kompaniýasynyň ýerine ýetiriji wise-prezidenti Izumi Kawanişi bilelikdäki kompaniýanyň direktory bolar. «Honda Motor» elektrik ulaglarynyň önümçiligi hem-de tehniki hyzmaty, «Sony» bolsa şekillendiriş, aragatnaşyk we güýmenje tehnologiýalary boýunça iş alyp barar. «Sony Honda Mobility» kompaniýasy 2030-njy ýyla çenli 30-dan gowrak modelli elektrik ulaglarynyň 2 million sanysyny hödürlemegi meýilleşdirýär.