Hormatly Prezidentimiziň Russiýa Federasiýasyna bu sapary strategik hyzmatdaşlyk häsiýetine eýe bolan hem-de dostluk, deňhukukly özara bähbitli hyzmatdaşlyk ýörelgelerine esaslanýan netijeli döwletara gatnaşyklaryny mundan beýläk-de hemmetaraplaýyn ösdürmegiň ýolunda ädilen nobatdaky ädim boldy.
Döwlet Baştutanymyz Serdar Berdimuhamedowy Uly Kreml köşgünde Russiýa Federasiýasynyň Prezidenti Wladimir Putin mähirli garşylady. Türkmenistanyň hem-de Russiýa Federasiýasynyň Baştutanlary birek-birek bilen dostlukly salamlaşyp, iki ýurduň Döwlet baýdaklarynyň öňünde surata düşdüler.
