Bagta ýardyr, bagtyýardyr zenanlar
Bahar — baýramlara baý pasyl. Baharyň gelmegi bilen, kümüş saçly enelerimiziň, baýdak ýaly gelinlerimiziň, bägül ýaly owadan gyzlarymyzyň baýramy bolan Halkara zenanlar güni eziz Diýarymyzda il agzybirliginde, ýurt parahatçylygynda uly şatlyk-şowhun, dabara bilen bellenilýär. Bu baýramyň döwlet derejesinde bellenip, uludan tutulmagy bolsa, Garaşsyz, baky Bitarap Türkmenistan döwletimizde zenanlara goýulýan hormatyň, sarpanyň örän ýokarydygynyň nyşanydyr. Berkarar döwletiň täze eýýamynyň Galkynyşy döwründe zenanlarymyza goýulýan sarpa has belent derejelere ýetirildi. Ony biz döwletimizde zenanlaryň eşretli durmuşda ýaşamagy üçin gündelik amala aşyrylýan işleriň mysalynda hem görýäris. Garaşsyzlyk ýyllary içinde ýurdumyzda zenanlaryň hukuklaryny we azatlyklaryny, saglygyny goramak, olaryň abadan, bolelin durmuşyny üpjün etmek barada birnäçe kanunlardyr kararlar kabul edildi. Bu bolsa biziň döwletimiziň hukuk, dünýewi, demokratik döwletdigini görkezýän esaslaryň biridir. Ýaş çagaly enelere kömek pullarynyň berilmegi, hormatly dynç alyşdaky ene-mamalarymyzyň durmuş üpjünçilik ýagdaýynyň has-da gowulandyrylmagy, köp çagaly enelere «Ene mähri» diýen hormatly adyň dakylmagy, şeýle hem olara ähli amatlyklary bolan ýaşaýyş jaýlaryndan öýleriň berilmegi, giň gerimli özgertmeleri, milli maksatnamalary durmuşa geçirmekde bitiren aýratyn hyzmatlary, zähmetde we jemgyýetçilik durmuşynda gaz
