"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Abadançylygyň we gözelligiň sazlaşygy

Hormatly Prezidentimiziň çuňňur oýlanyşykly we öňdengörüjilikli şähergurluşyk strategiýasynyň üstünlikli durmuşa geçirilmegi netijesinde paýtagtymyz Aşgabat dünýäniň owadan we ýaşaýyş üçin amatly şertleri özünde jemleýän şäherleriniň hatarynda orun alýar. Merjen paýtagtymyzy durmuş-ykdysady taýdan ösdürmek, gurulýan desgalarda milli binagärlik ýörelgeleri bilen häzirki zamanyň ösen tejribesini utgaşdyrmak we şäheriň durmuş düzümini kämilleşdirmäge degişli meseleler milli Liderimiziň hemişelik üns merkezinde saklanylýar. 24-nji martda hormatly Prezidentimiziň paýtagtymyza iş saparyny amala aşyryp, Aşgabadyň işewürlik we durmuş maksatly desgalaryň kemala gelýän ýeri bolan günorta künjeginde alnyp barylýan işleriň ýagdaýy bilen tanyşmagy hem halkymyzyň bagtyýar durmuşyna gönükdirilen tagallalaryň aýdyň beýanyna öwrüldi. Döwlet Baştutanymyz ir bilen ak mermerli Aşgabadyň günorta künjeginde sil suwuny sowujy akabalaryň we suw toplaýjy desgalaryň gurluşygynyň alnyp barylýan ýerine geldi. Bu ýerde wise-premýer Ş.Durdylyýew sil suwlaryny sowujy akabalaryň we suw toplaýjy desgalaryň gurluşyk işleri, şeýle hem, halkymyzyň beýik akyldary Magtymguly Pyragynyň heýkeliniň ýerleşdiriljek ýerleri, onuň töwereklerini abadanlaşdyrmak boýunça ýerine ýetirilen işler barada hasabat berdi hem-de bular barada giňişleýin maglumat berýän taslamalary we çyzgylary görkezdi.

26 Mart 2021

Syýasat

Demokratik ýörelgeler rowaçlanýar

Berkarar döwletimiziň bagtyýarlyk döwründe ýurdumyzy ykdysady, syýasy we medeni-durmuş taýdan ösdürmekde Gahryman Arkadagymyzyň baştutanlygynda taryhy üstünlikler gazanylýar, döwlet we jemgyýetçilik durmuşyna demokratiýanyň we raýat jemgyýetiniň aňrybaş gymmatlyklary ornaşdyrylyp, hukuk döwleti berkarar edilýär. Jemgyýetçilik gurluşynyň gadymy, asylly däpleri döwrebap röwüşde dowam etdirilýär. Garaşsyz Watanymyzyň täze taryhy eýýamynda döredijilikli ösüşiniň döwlet syýasatynda hukuk ulgamynyň, düýpli durmuş-ykdysady we demokratik özgertmeler ýolunyň kanunçylyk binýadynyň yzygiderli kämilleşdirilmegi, adamlaryň we raýatlaryň hukuk goraglylygynyň kanuna esaslanýan netijeli usullar we serişdeler bilen berkidilmegi aýratyn ähmiýetli ugurlardyr. Jemgyýeti edara etmegiň, döwlet gurmagyň we dolandyrmagyň nusgalyk mekdebini döreden merdana ata-babalarymyzyň şöhratly taryhynyň islendik döwrüni alyp görenimizde hem, halkyň wekilçiligini üpjün edýän gurluşlaryň jemgyýetde aýratyn orun eýeländigini görmek bolýar.

26 Mart 2021

Syýasat

Bazar gatnaşyklarynyň wajyp şerti

Hormatly Prezidentimiziň parasatly baştutanlygynda eziz Watanymyz hemmetaraplaýyn ösýär we dünýäniň ösen döwletleriniň hataryna goşulýar. Diýarymyzyň ösüşli ýollarynda milli ykdysadyýetimizi bazar gatnaşyklaryna geçirmek wezipesine uly ähmiýet berilýär. Döwletimiziň saýlap alan ykdysady ugrunyň gözbaşynda milli önümçilik binýadynyň yzygiderli giňeldilmegine, ahyrky ykdysady netijelilige gönükdirilen bazar ykdysadyýetine geçmek ýörelgesi goýuldy. Toplumlaýyn häsiýete eýe bolan bu geçişiň binýatlaýyn ugurlarynyň biri-de döwlet eýeçiligindäki emläkleri hususylaşdyrmak bilen bagly bolup durýar. Garaşsyzlyk ýyllarynda Türkmenistanda bazar gatnaşyklaryny işjeň kemala getirmek we düşewüntsiz kärhanalaryň ykdysady netijeliligini artdyrmak boýunça maksatnamalaýyn çäreler amala aşyrylýar. Hususyýetçilik milli ykdysadyýetiň döwlete dahylly böleginiň hyzmatlar ulgamynda, söwdada, oba hojalygynda we gaýry pudaklarda düşewüntsiz işleýän kärhanalaryň, edaralaryň, guramalaryň, ýaşaýyş jaý gaznalarynyň, söwda öýleriniň, söwda edaralarynyň, maldarçylyk hojalyklarynyň we başgalaryň hukuk gatnaşyklary ýagdaýynda dolulygyna ýa-da bölekleýin döwlete dahylsyz bölege, hususy kärhanalara, paýdarlar jemgyýetlerine ýa-da başga guramaçylyk hukuk görnüşli kärhanalara öwrülmegi, fiziki, ýuridiki taraplara şahslara satylmagydyr. Döwlet emläginiň hususylaşdyrylmagy maýa goýum bäsleşigi, bäsleşikli söwdalar he

26 Mart 2021

Ykdysadyýet

Oba hojalyk pudagynda möhüm waka

Ýurdumyzyň her bir sebitinde iri un üweýän, maldarçylyk, guşçulyk toplumlary we ýyladyşhanalar yzygiderli gurlup, ulanylmaga berilýär. Olarda döwrebap tehnologiýalar ornaşdyrylýar. Şu giň gerimli işlere hususy telekeçiligiň wekilleri işjeň gatnaşyp, bu ugurda iri maýa goýum taslamalaryny üstünlikli amala aşyrýarlar. Öňňin Ak bugdaý etrabynda döwrebap ýyladyşhananyň açylyş dabarasy boldy, ol «Bugdaýly» daýhan birleşiginiň çäginde guruldy. Bu waka mynasybetli geçirilen dabara welaýatyň häkimi, etrap häkimliginiň hem-de jemgyýetçilik guramalarynyň ýolbaşçylary, Türkmenistanyň Senagatçylar we telekeçiler birleşmesiniň agzalary, hormatly ýaşulular, köp sanly oba adamlary gatnaşdylar.

26 Mart 2021

Oba hojalyk

Ösüşleriň ýoly bilen

Gahryman Arkadagymyzyň başlangyjy bilen yglan edilen «Türkmenistan — parahatçylygyň we ynanyşmagyň Watany» ýyly turuwbaşdan hoş habarlara beslenýär. Berkarar döwletimiziň bagtyýarlyk döwründe Gahryman Arkadagymyzyň parasatly ýolbaşçylygynda Garaşsyz, baky Bitarap Watanymyz ösüşleriň ýoly bilen ynamly öňe barýar. Milli Liderimiziň taýsyz tagallasy bilen ýurdumyzda telekeçiligiň ösdürilmegine uly ähmiýet berilýär. «Telekeçiler ýurdumyzyň altyn gaznasydyr» diýmek bilen, hormatly Prezidentimiz türkmen telekeçilerine uly ynam bildirýär. Telekeçilere döwlet tarapyndan goldaw-ýardam berilýär, olaryň täzeçe işlemegi, gurmagy, döretmegi, öndürmegi babatda ähli mümkinçilikler döredilýär. Şonuň netijesinde hem, bu gün türkmen telekeçileri hormatly Prezidentimiziň bildirýän uly ynamyna jogap edip, milli ykdysadyýetimiziň kuwwatlanmagyna saldamly goşant goşýarlar, ägirt uly taslamalary durmuşa geçirýärler. Olar dünýä bazarynda bäsdeşlige ukyply, eksport ugurly önümleri öndürip, içerki bazary ýokary hilli önümler bilen doly üpjün edýärler hem-de daşary ýurtlardan getirilýän harytdyr önümleriň ornuny tutýan önümleriň ýurdumyzyň çäginde öndürilmegini ýola goýýarlar.

26 Mart 2021

Garaşsyzlyk

Halkara metbugat maslahaty

24-nji martda Türkmenistanyň Daşary işler ministrliginiň edara binasynda «Häzirki zaman dünýäsinde parahatçylygyň we ynanyşmagyň derwaýyslygy» atly metbugat maslahaty geçirildi. Türkmenistanyň Garaşsyzlygynyň şanly 30 ýyllygyna bagyşlanan bu halkara maslahaty Daşary işler ministrligi Türkmenistanyň Telewideniýe, radiogepleşikler we kinematografiýa baradaky döwlet komiteti bilen bilelikde onlaýn görnüşinde guradylar. Sanly ulgamyň mümkinçiliklerinden peýdalanyp, wideoaragatnaşyk esasynda geçen duşuşyga türkmen tarapyndan Daşary işler ministrliginiň, Döwlet habarlar agentliginiň, Türkmenistanyň Telewideniýe, radiogepleşikler we kinematografiýa baradaky döwlet komitetiniň hem beýleki habar beriş serişdeleriniň ýolbaşçylarydyr işgärleri wekilçilik etdiler. Halkara metbugat maslahatyna «Mir» Döwletara teleradiokompaniýasynyň, Türkiýäniň «TRT» teleradiokorporasiýasynyň, Russiýanyň «Russia Today» halkara habar beriş teleýaýlymlar ulgamynyň, Aziýa-Ýuwaş umman teleradiogepleşikler birleşiginiň (ABU), «Bütinrussiýa döwlet teleradio gepleşikler kompaniýasy» federal döwlet unitar kärhanasynyň, Hindistanyň «Prasar Bharati» ýaýlymlar kompaniýasynyň, Özbegistanyň milli teleradiokompaniýasynyň, Azerbaýjanyň «AzerTaj» Döwlet habarlar agentliginiň, «Aztv» halkara radiosynyň, Gruziýanyň «TV-24» teleýaýlymynyň, Ermenistanyň «ARMENPRESS» habarlar agentliginiň ýolbaşçylary hem-de wekilleri gatnaşdy

26 Mart 2021

Hyzmatdaşlyk

Ýaz meýdan işleri

Köneürgenç etrabynyň Hakykat daýhan birleşiginde 2021-nji ýylyň pagta hasyly üçin 850 gektar meýdana gowaça ekmek meýilleşdirilýär. Gowaça ekiljek meýdanlarda daýhan birleşiginiň mehanizatorlaryndan Döwlet Meredow, Gurbanmyrat Gulmyradow, Aýdogdy Myratjykow sürüm-tekizleme işlerini talabalaýyk ýerine ýetirdiler. Gowaça ekiljek meýdanlarda ýuwuş suwlary kada laýyklykda tutuldy. Pagta öndürijiler üçin gowaça tohumynyň çigidini ezmek üçin daýhan birleşiginde ýörite urular taýýar edildi. Hormatly Prezidentimiziň tabşyrygy boýunça, il sylagly ýaşulularyň ak pata bermeginde, pagtaçy daýhanlar, kärendeçiler pagta ekiş möwsümine guramaçylykly girişerler. Şu günler daýhan birleşiginiň ýüpek gurçuklary idedilýän ýörite jaýlarynda abatlaýyş işleri geçirilýär. Şanly Garaşsyzlygymyzyň 30 ýyllyk toýy belleniljek üstümizdäki ýylda hojalygyň ýüpekçi kärendeçileri ýüpek gurçugyndan piläniň bol hasylyny almagy meýilleşdirýärler.

26 Mart 2021

Oba hojalyk

Adaty sosnanyň melhemlik häsiýetleri

Hormatly Prezidentimiziň «Türkmenistanyň dermanlyk ösümlikleri» atly köp jiltli ylmyensiklopedik işinde türkmen tebigatynyň, ösümlik dünýäsiniň melhemlik häsiýetleri hemmetaraplaýyn häsiýetlendirilýär. Ýurdumyzda ösýän dermanlyk ösümlikleri tebigy maddalar bolup, bedende ýeňil özleşýär. Adaty sosna bezeg hemde derman ösümligidir. Onuň dünýäde, takmynan, 100 görnüşi, şol sanda GDA ýurtlarynda, takmynan, 12, ýurdumyzda 5 görnüşi duş gelýär.

26 Mart 2021

Tebigat

Ahalteke bedewi — döwrümiziň ruhy güýji

Ýurdumyzda Milli bahar baýramynyň giň gerimde bellenilýän gününde, 22-nji martda säher bilen özüniň boş wagtlaryny sport bilen meşgullanmaga hem-de döredijilik işlerine sarp edýän hormatly Prezidentimiz Gurbanguly Berdimuhamedow Türkmenistanyň Prezidentiniň Ahalteke atçylyk toplumyna geldi. Bu ýerde döwlet Baştutanymyz behişdi bedewler bilen didarlaşyp, döredijilik bilen meşgullandy. Hormatly Prezidentimize öz seýisläp ýetişdiren, ady rowaýata öwrülen Akhan atly bedewiň ilkinji at taýynyň dünýä inendigi barada buşluk habary ýetirildi. Milli Liderimiz buşlugy uly şatlyk bilen garşylap, täze doglan taýçanagyň boýnuna käbesi Ogulabat ejäniň taýýarlan alajasyny daňdy. Munuň özi ýurdumyzda asyrlar aşyp gelýän dünýä nusgalyk milli ýörelgeleriň döwrebap derejede dowam etdirilmegidir.

24 Mart 2021

Syýasat

Halkymyzyň göwün ganaty

23-nji martda Döwlet medeniýet merkeziniň Mukamlar köşgünde «Bedew batly öňe barýar Arkadagly Türkmenistan!» atly çäre geçirildi. Çäräniň dowamynda Türkmenistanyň Prezidentiniň Diwanynyň Iş dolandyryş müdirliginiň Hojalyk müdirliginiň Türkmenistanyň Prezidentiniň Ahalteke atçylyk toplumynyň edarasynyň önümçilik-atçylyk bölüminiň uly atbakary N.Rahymowa hormatly Prezidentimiziň adyndan döwlet sylagyny hem-de Şa serpaýyny gowşurmak dabarasy boldy. Ýakynda hormatly Prezidentimiziň gol çeken Permanyna laýyklykda, ussat atbakara «Türkmenistanyň halk atşynasy» diýen hormatly at dakyldy.

24 Mart 2021

Medeniýet

Zenanlaryň hukuklarynyň goraglylygy

Hormatly Prezidentimiziň baştutanlygynda Berkarar döwletimiziň bagtyýarlyk döwründe halkymyzyň durnukly we ygtybarly hukuk ýagdaýyny üpjün edýän kanunçylyk ulgamyny kämilleşdirmek, kanunçylygy giňden wagyz etmek, şeýle-de, raýatlaryň syýasy, ykdysady we medeni hukuklaryny kanun esasynda üpjün etmek boýunça giň gerimli işler amala aşyrylýar. Geçen asyryň ortalarynda Birleşen Milletler Guramasynyň Tertipnamasyna hem-de Adam hukuklarynyň ählumumy Jarnamasyna laýyklykda, «Aýallaryň syýasy hukuklary hakynda» Konwensiýa kabul edilip, bu halkara hukuk namasyna uly ähmiýet berildi.

24 Mart 2021

Syýasat

Gözel görkli paýtagtymyz

Ak şäherimiz Aşgabat gözelligiň mesgeni! Özüniň gaýtalanmajak bezegleri bilen görenleri haýrana goýýan kaşaň köşkleriň, belent-belent ymaratlaryň, ýaşamak üçin ähli amatlyklary bolan ýaşaýyş jaýlarynyň her biri paýtagtymyza özboluşly gözelligini eçilýär. Al-asmana atylyp, owadan görnüşleri emele getirýän suw çüwdürimleri paýtagtymyzda bagtyň joşýandygyny alamatlandyrýar. Gülleriň ysy burk urýan seýilgähler bolsa göwünleri galkyndyrýar. Paýtagtymyzyň aýna ýaly tekiz, oklaw deýin göni ýollary ak arzuwlar bilen ýola düşenleri beýik maksatlara atarýar. Ak mermere bürenip oturan Aşgabadymyz diňe bir owadan hem ýaşamak üçin amatly bolmak bilen çäklenmän, eýsem, döwrebap şäherdir. Çünki ol Gündogaryň hem häzirki zaman gurluşygynyň gazananlaryny özünde jemleýär.

24 Mart 2021

Medeniýet

Wagyz-nesihat çäreleri

Dabaraly zähmet baýramçylyklary Etrabymyzyň çäginde köpçülikleýin agaç nahallaryny oturtmak we ozal ekilen baglara ideg etmek, daş-töweregiň arassaçylyk işlerini geçirmek asylly däbe öwrüldi. Il-ýurt bähbitli ýörelgelere esaslanýan şeýle işlere edara-kärhanalaryň zähmet toparlary işjeň gatnaşyp gelýärler.

24 Mart 2021

Medeniýet

Gadamlaryň batly bolsun, Aşgabat!

Alym, atşynas Arkadagymyzyň goşgularda «Tagty Süleýmandyr üsti bedewiň» diýlip taryp edilen bedewlerimize nä derejede hormat goýýandygyny diňe bir olara bagyşlanan gymmatly eserleriniň däl, eýsem, «Bedew» atly goşgusynyň mysalynda-da aýdyň görýäris. Bu goşgusynda eziz Arkadagymyz: «Ýerde ýörän, gökde uçan tagtym sen, Syrdaşym sen, myradym sen, bagtym sen» diýip, behişdi bedewlerimizi bagtymyza, şeýle hem, iň gymmatly zatlara deňeýär. Bu goşgyny okap otyrkaň, dünýäňde bedew atlarymyzyň keşbi janlanyp, olaryň toýnaklarynyň owaza meňzeýän dükürdisini, çarpaýa galyp, kişňeýän sesini eşidýän ýaly duýgulary başdan geçirýärsiň. Ýüregiň joşup: Göwün üstündedir dagyň,Ýeller aňk bor çapan çagyň,Buýsanjy sen Arkadagyň,Kişňe, bedew atym, kişňe! —

24 Mart 2021

Medeniýet

Sanly bank hyzmatlary kämilleşdirilýär

Hormatly Prezidentimiziň parasatly baştutanlygynda, ýurdumyzda milli ykdysadyýetimiziň ähli ugurlaryny sanlylaşdyrmak, hyzmatlary döwrebap talaplara laýyklykda ýola goýmak boýunça ägirt uly işler alnyp barylýar. Şonuň bilen bir hatarda bank ulgamynyň kanunçylyk-hukuk binýady hem yzygiderli kämilleşdirilýär. Ilata hödürlenilýän bank hyzmatlarynyň hili has-da ýokarlandyrylýar, elýeterliligi üpjün edilýär. «Türkmenistanyň ykdysady, maliýe we bank ulgamlaryny ösdürmegiň 2019 — 2025-nji ýyllar üçin Döwlet maksatnamasyna» hem-de «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, milli bank ulgamyna sanly tehnologiýalaryň işjeň ornaşdyrylmagyna aýratyn ähmiýet berilýär. Sanly tehnologiýalaryň giňden peýdalanylmagy ýurdumyzyň karz edaralarynyň bäsdeşlige ukyplylygyny ýokarlandyrmaga we müşderilere bökdençsiz bank hyzmatlaryny hödürlemäge mümkinçilik berýär.

24 Mart 2021

Ykdysadyýet

Her birimiziň borjumyz

Hormatly Prezidentimiziň tagallasy bilen, Berkarar döwletimiziň bagtyýarlyk döwründe ýetilýän sepgitler, gazanylýan belent üstünlikler ildeşlerimiziň buýsanjyna buýsanç goşýar. Dünýä ülňülerine laýyklykda gurulýan, durky düýpli täzelenilýän köçelerdir ýollarymyz ýol-ulag düzüminiň yzygiderli kämilleşdirilmegine we ýol hereketiniň howpsuzlygyny gazanmaga mynasyp goşant bolýar. Hormatly Belent Serkerdebaşymyzyň ýörite resminama gol çekmegi bilen, köçelerimizde we ýollarymyzda hereketiň howpsuz bolmagyny mynasyp wagyz-nesihat etmek üçin, her ýylyň 1 — 30-njy sentýabry aralygynda «Ýol hereketiniň howpsuzlygy — ömrümiziň rahatlygy» diýen at bilen biraýlyk çäreler toplumy geçirilýär. Biraýlygyň dowamynda obadyr şäherlerimiziň, şäherara ugurlar boýunça öňden bar bolan we täze gurlup, ulanylmaga berilýän köçelerdir ýollarynda hereket etmegiň düzgün-kadalary, ulaglaryň sürüjileriniň we pyýada ýolagçylaryň hereketiniň sazlaşygyny gazanmak babatda ýokary netijeli işler amal edilýär.

24 Mart 2021

Medeniýet

Orta asyr Merw bazarlary

Garaşsyz Türkmenistan döwletimiz Ýewraziýa yklymynyň esasy söwda ýollarynyň çatrygynda ýerleşmek bilen, yklymyň ýurtlarynyň we halklarynyň arasynda söwda we medeni gatnaşyklaryň ösmegine güýçli itergi beren Beýik Ýüpek ýolunyň gaýtadan dikeldilmegine işjeň gatnaşýar. Hormatly Prezidentimiziň «Türkmenistan — Beýik Ýüpek ýolunyň ýüregi» atly ajaýyp eserinde bu ýoluň öz ugrunda ýerleşen döwletleriň gülläp ösmeginde aýratyn ähmiýete eýe bolandygy beýan edilýär. Ýurdumyzyň bu ýoluň boýundaky möhüm söwda-aragatnaşyk merkezi bolandygyny bu gün dünýä jemgyýetçiligi ykrar edýär.

24 Mart 2021

Taryh

Baharystana öwrülýän mekan

(ýa-da Bötendag ýaýlasynda döredilýän tokaý zolagy barada kyssa) Sarygamyşdan gündogara tarap, Köllük zeý akabasynyň Derýalyk zeý akabasy bilen birigýän ýerine çenli aňyrsyna-bärsine göz ýetmeýän, sygyryp seredip oturmaly meýdanlara umumylykda Bötendag ýaýlasy diýilse-de, her bir ýeriň aýratynlykda ady bar. Garataýyň howzy, Söýün ýatan, Balykly, Ýerburun, Akgala, Bent... Bu sähranyň ýazylman galan taryhy onuň ýer atlarynda saklanyp galana meňzeýär. Bagtyýarlyk döwrüniň şemaly bu meýdanlara hem gelip ýetdi. Özem görlüp-eşidilmedik bu özgerişler diňe bir Bötendag ýaýlasyny däl, onuň bilen goňşulykdaky Şasenem, Atgyrlan ýaýlalaryny hem gurşap aldy.

24 Mart 2021

Tebigat

Anyk wezipeler we maksatlar

Berkarar döwletimiziň bagtyýarlyk döwründe, hormatly Prezidentimiziň taýsyz tagallalary netijesinde, ýurdumyzda welosiped sportuny ösdürmek babatda giň gerimli işler amala aşyrylýar. Sportuň bu görnüşini ösdürmegiň esasy maksady ilat arasynda sagdyn durmuş ýörelgelerini ornaşdyrmak, sporty beden hem-de ruhy kämilligiň çeşmesine öwürmek bolup durýar. Ýurdumyzyň welosiped sportunyň üstünlikleri döwlet Baştutanymyzyň başlangyjy bilen yzygiderli durmuşa geçirilýän hem-de türkmenistanlylaryň sagdyn durmuş ýörelgelerine işjeň gatnaşmagyny gazanmaga, türkmen sportunyň halkara abraýyny ýokarlandyrmaga, olimpiýa hereketini ösdürmäge gönükdirilen çäreleriň netijesidir. Şol üstünlikleriň hatarynda 2018-nji ýylda geçirilen welosiped sürmek boýunça iň köp sanly ildeşlerimiziň gatnaşmagynda okuw sapagynyň, 2019-njy ýylyň 1-nji iýunynda paýtagtymyzyň Olimpiýa şäherçesinde iň dowamly bir nyzamly welosipedli ýörişiň guralandygyny aýratyn belläp geçmek bolar. Agzalyp geçilen iki çäre bu ugurda dünýä rekordyny täzeläp, Ginnesiň Bütindünýä rekordlar kitabyna girizildi.

24 Mart 2021

Sport

Asylly däpleriň dowamaty

20-nji martda ýurdumyzda hormatly Prezidentimiziň gatnaşmagynda ýazky bag ekmek dabarasyna badalga berildi. Bag nahallaryny ekmek boýunça ählihalk dabarasy tebigatyň janlanýan we gülleýän pursadyndaky sahawatyny, halkymyzyň mähriban toprak baradaky aladany esasy ugur edinýän ruhy gymmatlyklarymyza, ýagşy dessurlarymyza ygrarlylygyny alamatlandyrýan Milli bahar baýramyna bagyşlandy. Watanymyzyň Garaşsyzlygynyň 30 ýyllyk baýramynyň, Aşgabat şäheriniň 140 ýyllyk senesiniň bellenilýän ýylynda paýtagtymyzda we ýurdumyzyň sebitlerinde agaç nahallarynyň millionlarça düýbi ekiler. Olaryň hatarynda saýaly, pürli we miweli agaçlaryň hem-de üzümiň dürli görnüşleri bar. Köpçülikleýin bag ekmek dabarasyna ýurdumyzyň ähli ministrlikleriniň we pudaklaýyn dolandyryş edaralarynyň, Aşgabat şäheriniň we welaýatlaryň häkimlikleriniň işgärleri gatnaşdylar.

22 Mart 2021

Syýasat