"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Köňül tämizliginiň baýramy

Halkymyz agzybirligiň gymmatyna, mukaddes däpleriň hormatyna çuňdan düşünýändigi üçin öňden dowam edip gelýän asylly däp-dessurlara, şol sanda Gurban baýramyna-da aýratyn ähmiýet berýär. Gurban baýramy — halkymyzy bir saçagyň, bir ojagyň, päk niýetiň başynda jemleýän baýram. Gurbanlyk kesmek Gurban baýramynyň birinji güni Baýram namazy okalandan soň başlanyp, üçünji günüň agşamyna çenli dowam edýär. Şeýle-de gurbanlykda soýuljak mal sagdyn, ähli agzasy ýerbe-ýer bolmalydyr. Düzgüne görä, gurbanlyk malynyň eti deň üç bölege bölünmeli. Bu bölekleriň biri gurbanlyk berýäniň maşgalasyna, bir bölegi dogan-garyndaşa, galan bir bölegi bolsa gurbanlyk kesip bilmediklere paýlanmaly.

19 Iýul 2021

Miras

Yssy howada saglygyňy goramagyň düzgünleri

— Howanyň temperaturasynyň adam üçin iň peýdaly wagty ir säherdir. Dogýan Güni garşylamak, arassa howada ýöremek, ýeňil fiziki maşklary etmek bedeni taplaýar. — Ýyly suwa düşüň. Sowuk suwa garanyňda, ýyly suw yssy howada bedene gowy täsir edýär. Saçlaryňyzy çygrak saklamak gyzgyndan goraýar.

19 Iýul 2021

Saglyk

«Nebit-gaz» gazetiniň redaksiýasynda myhmançylykda Çary Paýtykow

Gazetimiziň şu günki myhmany —  «Türkmengaz» döwlet konserniniň Ylmy-barlag tebigy gaz institutynyň esasy ylmy işgäri, geologiýa-mineralogiýa ylymlarynyň doktory, ylmy makalalaryň 83-siniň (3-si monografiýa), şeýle hem golýazma işleriniň 30-synyň awtory Çary Mommyýewiç PAÝTYKOW. Ol Türkmenistanda nebitiň we gazyň geologiýa-gözleg işlerini ösdürmegiň bäşýyllyk toplumlaýyn maksatnamalaryny işläp taýýarlaýjy iri ylmy toparlara ýolbaşçylyk etdi. Gazylyp alynýan peýdaly magdanlaryň ýataklaryny açmaga goşan goşandy üçin Çary Paýtykow SSSR-iň Geologiýa ministrliginiň «Geologiýa gözleg-barlag işleriniň ezberi» diýen döşe dakylýan nyşany bilen sylaglanyldy, 2012-nji ýylda geologiýa ylmyny we geologiýa gözleg işlerini ösdürmäge goşan goşandy üçin Türkmenistanyň Prezidentiniň Permany bilen «Watana bolan söýgüsi üçin» diýen medal bilen sylaglanyldy, 2014-nji ýylda bolsa, oňa «Türkmenistanyň at gazanan senagat işgäri» diýen hormatly at dakyldy.

19 Iýul 2021

Ylym

Ýarym ýylyň jemlerine garaldy

Düýn Türkmenistanyň nebitgaz toplumynyň merkezi edara binasynda «Türkmenistan — parahatçylygyň we ynanyşmagyň Watany» ýylynyň ýanwar-iýun aýlarynda ýerine ýetirilen işleriň jemlerine bagyşlanan hasabat ýygnagy geçirildi. Onda 9-njy iýulda hormatly Prezidentimiz Gurbanguly Berdimuhamedowyň halk hojalyk toplumynyň pudaklaryny ösdürmek boýunça şu ýylyň birinji ýarymynda alnyp barlan işleriň netijelerine bagyşlap geçiren Türkmenistanyň Ministrler Kabinetiniň giňişleýin mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.

12 Iýul 2021

Syýasat

Ýurdumyzyň sebitleri toplumlaýyn özgerdilýär

Garaşsyz ata Watanymyzda «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» kesgitlenen wezipeleri amala aşyrmak ugrunda degişli düzümleriň sazlaşykly işi üpjün edilýär. Milli ykdysadyýetimiziň dürli pudaklarynyň senagat taýdan okgunly ösüşini gazanmak, halkara hyzmatdaşlygyny işjeňleşdirmek ugrunda zerur çäreler görülýär. Aýratyn-da, çäk taýdan amatly ýerleşen Türkmenistanyň halkara ähmiýetli üstaşyr ulag geçelgesi hökmündäki derejesini pugtalandyrmak, ulaglaryň ähli görnüşleriniň işini döwrüň talabyna laýyk ýagdaýda guramak we milli ykdysadyýetimiziň pudaklarynda sazlaşykly ösüşe gönükdirilen giň möçberli özgertmeleri amala aşyrmak, ýurdumyzy senagatlaşdyrmak, çig maly gaýtadan işleýän senagat kärhanalaryny gurmak we öňki bar bolanlaryny döwrebaplaşdyrmak meselelerine möhüm ähmiýet berilýär. Bu babatda milli Liderimiziň baştutanlygynda daşary ýurtlar bilen işjeň häsiýetdäki halkara hyzmatdaşlygy pugtalandyrylýar. Berkarar döwletimiziň bagtyýarlyk döwründe Garaşsyz Türkmenistanyň islendik künjeginde milli ykdysadyýetimizi durnukly ösdürmeklige, halkymyzyň abadan durmuşyny has-da gowulandyrmaklyga gönükdirilen ägirt uly taslamalaryň durmuşa geçirilendigini görmek bolýar. Ahal, Lebap, Mary welaýatlarynda gysga döwürde sebitde taýsyz senagat desgalary bina edildi. Ata Watanymyza guwanjyňy, hormatly Prezidenti

12 Iýul 2021

Ykdysadyýet

Garagumuň giň gollarynyň arasynda

Golaýda Malaý gaz käninde ýene bir guwandyryjy waka bolup geçdi. Baýlyklar mekanynda burawlanan nobatdaky guýudan tebigy gazyň senagat akymy alyndy. Bu möhüm buýurmany «Türkmengaz» döwlet konserniniň «Türkmengazburawlaýyş» müdirliginiň ussat baýlyk agtaryjylary üstünlikli ýerine ýetirdiler. Türkmenistanyň mukaddes Garaşsyzlygynyň şanly 30 ýyllygynyň giňden belleniljek ýylynda Malaýda taryhy wakalar, düýpli özgerişler bolup geçýär. Olaryň arasynda ýylyň başynda hormatly Prezidentimiziň gatnaşmagynda kuwwatly gaz gysyjy desganyň ulanylmaga berilmegi aýratyn orunda durýar. Häzirki zaman tehnologiýalaryna daýanýan kämil desga bu kändäki guýularyň önüm berijiligini köpeltmekde, ýatakda bar bolan «mawy ýangyjy» has doly möçberde çykarmakda, ahyrky netijede bolsa, tebigy gazyň daşarky we içerki sarp edijilere ugradylýan möçberlerini artdyrmakda möhüm ähmiýete eýe boldy. Munuň hut şeýledigine indi birnäçe aýdan bäri känden öndürilýän ýangyjyň möçberleriniň düýpli artýandygy hem aýdyň subutnamadyr.

12 Iýul 2021

Garaşsyzlyk

Belent sepgitlere galkynan «Galkynyşnebit»

Çelekeniň adybir baýry nebit käninden häzirki döwürde «gara altyn» çykarmagy amala aşyrýan «Türkmennebit» döwlet konserniniň «Nebitgazçykaryş» trestiniň «Galkynyşnebit» nebitgaz çykaryş müdirliginiň zähmetsöýer işgärleri mukaddes Watanymyzyň ýurt Garaşsyzlygynyň şanly 30 ýyllyk toýuna mynasyp zähmet sowgady bilen barmak maksadynda yhlasly zähmet çekýärler. Gahryman Arkadagymyzyň mähriban halkyna peşgeş beren bagtyýarlyk eýýamynda agzybirlikde çekilýän halal zähmetiň hözirini görüp ýaşaýan müdirligiň işgärleriniň ýadawsyz aladalary netijesinde kände dürli usullarda ulanylýan guýularyň gaznasynda hereket edýän guýularyň iş depginini durnukly saklamak we burawlaýyşdan çykan täze guýulary ulanyşa girizmek bilen, çykarylýan nebitiň mukdaryny yzygiderli artdyrmak boýunça geçirilýän çäreler öz miwesini berýär. Onuň aýdyň mysaly hökmünde müdirlikde 2021-nji ýylyň geçen 6 aýynyň jemleri boýunça bellenilen meýilnamanyň nebiti çykarmakda 113, tabşyrmakda 115 göterim ýerine ýetirilendigini, bu görkezijileri geçen ýylyň degişli döwri bilen deňeşdireniňde, nebiti çykarmakda 21, tabşyrmakda 26 göterim ýokary ösüş depginleriniň gazanylandygyny görkezmek bolar.

12 Iýul 2021

Garaşsyzlyk

Maksadymyz şanly ýyly üstünlige beslemek

Mukaddes Garaşsyzlygymyz gazanylandan soň, ýurdumyzyň nebitgaz toplumyny ösdürmeklige giň ýol açyldy we hormatly Prezidentimiziň tagallasy netijesinde bu ugurda örän uly hem-de möhüm işler amala aşyryldy. Düýpli täzeleniş we uly özgerişler Türkmenbaşydaky nebiti gaýtadan işleýän zawodlar toplumynda (TNGIZT) hem giň gerim aldy. TNGIZT diňe ýurdumyzyň çäginde däl, eýsem, Merkezi Aziýanyň nebithimiýa pudagynyň iri senagat düzümleriniň biridir. Nebithimiýa senagatynyň iri toplumynyň düzüminde birnäçe kärhanalar hereket edýär. Olaryň arasynda alyp barýan işiniň aýratynlygy we möhümdigi boýunça «Kenar» toplaýjy-ýükleýji nebit kärhanasy (KTÝNK) örän uly ähmiýete eýe bolup durýar. «Kenar» nebit önümlerini saklaýan we ugradýan kärhanasyny Türkmenbaşydaky nebiti gaýtadan işleýän zawodlar toplumy bilen turbageçirijiler baglaýar, şol turbalar arkaly nebit önümleri deňiz nebit guýujy terminalyna akdyrylýar. Şeýle hem bu ýerde awtomatlaşdyrylan demir ýol estakadasy gurlup, ol bir ýylda nebit önümleriniň 3 million 850 müň tonnasyny, şol sanda awtomobil benzininiň 1 million 800 müň tonnasyny çeleklere guýmaga we demir ýol bilen ugratmaga mümkinçilik berýär.

12 Iýul 2021

Garaşsyzlyk

Nebitgazyň gözleg işlerini ýokarlandyrmagyň ygtybarly usullary

Şanly Garaşsyzlygymyzyň 30 ýyllyk toýunyň uludan toýlanjak «Türkmenistan — parahatçylygyň we ynanyşmagyň Watany» ýylynda beýleki pudaklar bilen bir hatarda ýurdumyzyň nebitgaz pudagynda hem uly işler amala aşyrylýar. Şeýle tutumly işler geologiýa-gözleg işlerini alyp barmakda hem aýdyň duýulýar. Nebitgaz pudagynda geologiýa-gözleg işlerini amala aşyrmagyň esasy maksady nebitli, gazly ýataklary kesgitlemek, olaryň gor mukdaryny anyklamakdyr. Munuň üçin nebitiň, gazyň mukdaryny takyklaýan köp dinamiki usuldan peýdalanylýar. Şeýle usullaryň hatarynda maddy balans we gatlak basyş usullary has tapawutly we netijeli hasaplanylýar. Nebit we gaz känleri üçin olaryň geologiýa we tehnologiýa üýtgeşikligini göz öňünde tutup, her bir käne degişli maddy balans ulgamyny düzmek köp känlerde nebitiň, gazyň mukdaryny anyk takyklamaga mümkinçilik berýär.

12 Iýul 2021

Ylym

Desgalaryň geologiýa — promysel we gidrodinamiki aýratynlyklary

«Türkmenistan — parahatçylygyň we ynanyşmagyň Watany» diýlip atlandyrylan üstümizdäki ýylda hormatly Prezidentimiz: «Ýurdumyzda ägirt köp möçberli tebigy gazy netijeli peýdalanmak, ony gaýtadan işläp, dünýä bazarlarynda uly isleg bildirilýän ýokary hilli polimerleri öndürmek nebitgaz toplumynyň geljekde esasy wezipeleriniň biri bolup durýar» diýip, belläp geçýär. Gahryman Arkadagymyzyň sözlerinden ugur alyp, işleri takyk esasda amala aşyrmakda känleriň geologiýa-gözleg işlerini amala aşyrmak esasy meseledir. Geologiýa-gözleg işlerinde birnäçe aýratynlyklar ýüze çykýar. Olara geologiýa — promysel we gidrodinamiki aýratynlyklar, nebitgazly gatlaklaryň çuňlugy, gatlaklaryň çäkleriniň özara gabat gelşi degişlidir. Şeýle-de gatlaklaryň litologiýa häsiýetleri, sygymlylyk — geçirijilik ukyplary we berkligi, umumy netijelilik, käniň galyňlygy we dykyzlygy, şol sanda iň ýokary dykyz gatlagyň galyňlygy hem degişlidir. Bularyň özi netijelilik taýdan örän bähbitli çözgütlerdir. Ýokarda aýdylanlardan başga-da, gatlaklary synamagyň netijeleri, gidrodinamik usullar bilen kesgitlenilen syzylma görkezijileri, dürli kadalarda guýa nebiti, gazy berýän gatlaklary ýüze çykarmagyň usullary, nebitiň, gazyň fiziki-himiki we harytlyk häsiýetleri, gatlaklardaky daşky basyş we olaryň özara gatnaşyklaryny takyk derejede seljermek desgalaryň geologiýa — promysel usullarynyň esasy aýratynlyklarydyr.

12 Iýul 2021

Ylym

Gün şöhlesiniň zyýanly täsirinden nähili goranmaly?

Gün şöhlesiniň ýiti täsirinden goranmak üçin daş çykanyňyzda, kelläňize açyk reňkli başgap geýiň, saýawan göteriň, nah matadan giň biçüwli egin-eşikleri geýiň. Gysyp duran sintetik eşikleri geýmekden saklanyň. Göreçleri ýiti Gün şöhlesinden goramak üçin Günden goraýjy äýnekleri ulanyň. Daşarda ýaş çaga bilen gezelenç etmek ýa-da ýöremek, ylgamak, tigir sürmek isleseňiz, ir sagat 6:00-dan 9:00-a çenli, agşam 19:00-dan soň meşgullanyp bilersiňiz.

12 Iýul 2021

Saglyk

Tebigy gazlar taýýarlanylanda we ugradylanda desgalarda gidratlaryň döremeginiň aýratynlyklary

Gazy we gaz kondensatyny işläp taýýarlamakda we ugratmakda tehnologik ýagdaýlarda uly kynçylyklar ýüze çykýar. Sebäbi çykýan tebigy gazyň düzüminde çyglylyk, agyr uglewodorodlar we saklanýan suwuklygyň mukdary artykmaçlyk edýär. Gazyň temperaturasy pese düşse we basyşy ýokary bolsa, gidrat döreme we gidratly beklenme emele gelýär. Çyg tebigy gazyň akymynyň sowap, dörän gidratlar gaz geçirijilerini bekläp, tehnologik düzgünleriniň bozulmagyna we gazyň uly ýitgilerine getirýär. Gidrat daşky görnüşi boýunça buza ýa-da gara meňzeş ak kristal jisimdir. Ilkinji gezek gidrat 1888-nji ýylda Katson tarapyndan metandan alynýar. Uglewodorod gidratlary — bu belli bir termobariki şertlerde gazdan we suwdan kristal görnüşinde döreýän birleşmeler toplumy bolup, käte gaty madda (buz), käte port gar görnüşli ýagdaýlarda bolup bilýär. Gaz geçirijilerinde gidratlar bilen göreşmegiň esasy usullarynyň biri metanoly ulanmakdyr. Gazyň basyşyny peseltmek we ýylylygyny deňagramlylyk ýagdaýyna görä ýokarlandyrmak arkaly gaz gidratlary aňsatlyk bilen dargaýarlar, emma şu usullary ulanmaklygyň özi birnäçe tehnologik kynçylyklar bilen baglydyr. Tehnologiýa tilsimatlarynda gidratlar gaz öndürmekligiň ösüşine oňaýsyz täsir edýär. Bu ýagdaý diňe demirgazyk-gündogar ýataklarynda däl, günorta-gündogar ýataklarda-da gyş paslynda gaz guýularynyň sakalarynda we geçirijilerde duş gelýär. Tebigy gaz guýularda

12 Iýul 2021

Ylym

Duşuşyk geçirildi

Ýurdumyzyň nebitgaz toplumynyň ähli pudaklarynyň we önümçilik düzümleriniň hünärmenleri «Türkmengaz» DK-nyň Okuw merkezinde kämilleşdiriş okuwlaryny yzygiderli geçýärler. Tapgyrlaýyn häsiýetdäki okuwlarda diňleýjiler ylmyň we tehnikanyň täze gazananlary bilen tanyşdyrylýar, olar toplumyň önümçiliklerinde, ylmy edaralarda, ýokary okuw mekdeplerinde, laboratoriýalarda bolup, tejribe we ders sapaklaryny geçýärler.

12 Iýul 2021

Ylym

Aziadanyň mirasy «Forum plýus» žurnalynda

Türkmenistanyň Prezidenti Gurbanguly Berdimuhamedowyň başlangyjy bilen 2021-nji ýyl Garaşsyz Döwletleriň Arkalaşygynda Binagärlik we şähergurluşyk ýyly diýlip yglan edildi. GDA gatnaşyjy döwletleriň Ynsanperwer hyzmatdaşlyk döwletara gaznasynyň goldaw bermeginde çap edilýän «Forum plýus» žurnalynyň «Binagärlik ýyly» atly ýörite taslamasy hut şu tema bagyşlandy. GDA-nyň şäherlerinde häzirki zaman binagärligi hakynda gürrüň berýän makalalar tapgyryny «Aşgabat Aziadasynyň mirasy» atly makala açýar. Onuň awtory «Türkmenistanyň gurluşygy we binagärligi» žurnalynyň jogapkär kätibi Ruslan Muradow.

5 Iýul 2021

Hyzmatdaşlyk

Şanly senäniň hormatyna

Şu ýylda ýurdumyzda giňden bellenilýän şanly senäni — Türkmenistanyň Garaşsyzlyk baýramynyň 30 ýyllygyny döwletimiziň milli ykdysadyýetiniň esasy pudagy bolan nebitgaz ulgamynyň edara-kärhanalarynyň zähmet adamlary-da mynasyp sowgatly garşy alýarlar. Şolaryň arasynda Türkmenbaşydaky nebiti gaýtadan işleýän zawodlar toplumynyň «Türkmennebitönümleri» baş müdirliginiň Baýramaly nebit önümleri kärhanasy hem bar. Bu öňdebaryjy kärhananyň agzybir zähmet adamlary şanly senäniň hormatyna Mary — Türkmenabat halkara awtomobil ýolunyň ugrundaky durky düýpli täzelenen 81-nji awtoulaglara ýangyç guýujy bekediň täze binasyny gurup, ulanmaga berdiler. Onuň gurluşyk-gurnama işlerini «Marygurluşyk» önümçilik birleşiginiň 7-nji gurluşyk-gurnama müdirliginiň gurluşykçylary bellenilen möhletinde ýokary hilli ýerine ýetirdiler.

5 Iýul 2021

Garaşsyzlyk

Sanly ykdysadyýet döwrüň talabydyr

Häzirki döwürde sanlylaşdyrmak milli ykdysadyýetimiziň ulgamlaýyn meselelerini çözmegiň möhüm ugry hökmünde öňe çykýar. Sanly ykdysadyýet maglumat tehnologiýalaryna daýanýan ykdysady işdir. Bu ulgam öňe ilerlemäge we dünýäniň öňdebaryjy ýurtlarynyň hataryna goşulmaga giň mümkinçilik döredýär. Häzirki wagtda ýurdumyzda sanly ykdysadyýete geçmek, şol sanda bu ulgamy kadalaşdyryjy hukuk namalary bilen üpjün etmek boýunça maksatnamalaýyn işler alnyp barylýar. Geçen döwürde «Türkmenistanda internet torunyň ösüşini we internet hyzmatlaryny etmegi hukuk taýdan düzgünleşdirmek hakynda», «Maglumat we ony goramak hakynda», «Kiberhowpsuzlyk hakynda», «Elektron resminama, elektron resminama dolanyşygy we sanly hyzmatlar hakynda» we beýleki Türkmenistanyň Kanunlary kabul edildi. Hormatly Prezidentimiz Gurbanguly Berdimuhamedowyň Karary bilen, Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynyň tassyklanandygyny bellemelidir. Konsepsiýa ykdysadyýetiň ähli pudaklarynyň we ýurdumyzyň jemgyýetçilik edaralarynyň işiniň netijeliligini maglumat tehnologiýalaryny ulanmagyň hasabyna ýokarlandyrmaga gönükdirilendir. Onda ministrlikleriň, pudaklaýyn dolandyryş edaralarynyň, Aşgabat şäheriniň hem-de welaýatlaryň häkimlikleriniň, eýeçiligiň görnüşlerine garamazdan, edaralaryň, kärhanalaryň we guramalaryň, şeýle hem hususy kärhanalaryň sanly ykdysadyýete geçiş tap

5 Iýul 2021

Ykdysadyýet

Gyş möwsümine ykjam taýýarlyk görülýär

«Daşoguzgazüpjünçilik» müdirliginiň Saparmyrat Türkmenbaşy etrabynda ýerleşýän gaz hojalyk edarasynyň gazçylary welaýatyň iň çetki günbatar etrabynyň ilatyny we edara-kärhanalaryny milli baýlygymyz bolan tebigy gaz bilen bökdençsiz üpjün etmek bilen birlikde, etrabyň çäginde bar bolan gaz desgalaryny düýpli abatlap, olary gyş möwsümine taýýarlamak işlerini hem guramaçylykly dowam edýärler. Edaranyň işçi-hünärmenleri tarapyndan dürli basyşly gaz geçirijileriň 2 müň 450 kilometre golaý ýerine, gaz paýlaýjy we sazlaýjy enjamlaryň bolsa 670-den gowragyna ýokary derejede hyzmat edilýändigini bellemek bolar. Etrapda hereket edýän bitewi gaz ulgamy edaranyň gazçylary tarapyndan gije-gündiziň dowamynda gözegçilikde saklanylýar. Munuň özi etrapda bar bolan edara-kärhanalar bilen bir hatarda, 21 müň 700-e golaý hojalygyň ilatynyň howanyň sowuk döwri bolan gyş möwsüminde hem tebigy gazyň eşretli hözirini görmegine mümkinçilik berer.

5 Iýul 2021

Ykdysadyýet

Geologlaryň üstünlikli işleri

«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna» laýyklykda, «Türkmengeologiýa» döwlet korporasiýasy işleri üstünlikli alyp barýar. Korporasiýa 2021-nji ýylyň dowamynda nebiti, gazy, gaty magdanlary, gurluşyk materiallaryny we ýerasty suwlary gözlemek hem-de barlamak maksady bilen geologiýa-gözleg işlerini ýerine ýetirýär. Nebit we gaz ýataklarynda hem-de geljegi bar bolan meýdançalarda meýdan geofizika, çuň buraw işlerini amala aşyrýar. Işler nebite we gaza geljegi bar bolan ýerasty gurluşlary tapmak, olaryň geologik gurluşyny öwrenmek hem-de çuň burawlama taýýarlamak, täze nebit we gaz ýataklaryny ýüze çykarmak maksadyndan ugur alýar.

5 Iýul 2021

Ylym

Nebit we gazhimiýa pudaklary üçin ýokary derejeli hünärmenler — döwrüň talaby

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň parasatly baştutanlygynda ýaş nesillerimiziň ruhy taýdan kämil, beden taýdan sagdyn bolmagy, döwrebap bilim almagy we hünär öwrenmegi döwlet syýasatynyň ileri tutulýan ugurlarynyň biri bolup durýar. «Türkmenistan — parahatçylygyň we ynanyşmagyň Watany» ýylynda mukaddes Garaşsyzlygymyzyň şanly 30 ýyllygyny halkymyz bilen bir hatarda, ýurdumyzyň nebitgaz toplumynyň işgärleri we Ýagşygeldi Kakaýew adyndaky Halkara nebit we gaz uniwersitetiniň professor-mugallymlary, talyp ýaşlary hem ýokary ruhubelentlikde garşylaýarlar. Bu ýokary okuw mekdebiniň uçurymlary ýurdumyzyň nebitgazhimiýa pudaklarynda öndürijilikli zähmet çekip, ata Watanymyzyň mundan beýläk-de gülläp ösmegine halal zähmeti bilen mynasyp goşant goşýarlar.

5 Iýul 2021

Ylym

Parafin çökündilerini arassalamagyň täze usuly

Guýularda geçirilen önümçilik-synag işlerinde pirobenziniň guýularyň NKT-de emele gelýän asfalten-şepbik-parafin çökündilerini kanagatlanarly arassalaýanlygy anyklanyldy. Geçirilen barlag işleri kondensatyň eredijilik netijeleriniň pirobenziniň eredijilik netijesinden pesdigini görkezdi. Mundan başga-da, barlaghana şertinde guýynyň düýpýaka zolagyndaky AŞPÇ-ny arassalamak ukybyna tejribe-synag işleri hem geçirildi. Geçirilen barlag işlerine nebitgaz känleriniň dürli çuňluklaryndan alnan hakyky kern daşlary we nebit käniniň AŞPÇ-nyň nusgalyklary hem-de harytlyk nebiti ulanyldy. Tejribe-synag işleri gatlak şertlerine ýakyn ýagdaýda geçirilip, gerekli basyş we ýylylyk derejeleri we şertleri döredildi. Alnan barlaghana maglumatlaryna esaslanyp, guýynyň düýpýaka zolagynda we NKT-de ýygnanýan AŞPÇ-ny arassalamak üçin Gyýanlydaky polimer zawodynyň goşmaça önümi bolan pirobenzini ulanyp, nebit guýularynda önümçilik tejribe-senagat synag işlerini önümçilikde geçirmek teklip edildi.

5 Iýul 2021

Ylym