Türkmenmetbugat

Gazçylaryň ýaş türgenleri ynamly ýeňiş gazandy

Ähli ugurlar boýunça uly üstünliklere beslenýän «Pähim-paýhas ummany Magtymguly Pyragy» ýylynyň 19-njy noýabryndan 5-nji dekabry aralygynda Türkmenistanyň Bedenterbiýe we sport baradaky döwlet komitetiniň Sport mekdebi tarapyndan Halkara bitaraplyk güni mynasybetli 2010 — 2014-nji ýyllarda doglan ýetginjekleriň arasynda şaýbaly hokkeý boýunça sport mekdebiniň açyk birinjiligi geçirildi. Aşgabat şäherindäki Gyşky oýunlar sport toplumynda Türkmenistanda şaýbaly hokkeýi ösdürmek, wagyz etmek, ýaş hokkeýçileriň ussatlygyny kämilleşdirmek, ýaşlary höweslendirmek, sporta çekmek, iň güýçli toparlary hem oýunçylary kesgitlemek maksady bilen geçirilen ýaryş diýseň gyzykly we çekeleşikli geçdi. Açyk birinjilige «Türkmengaz» döwlet konserniniň «Türkmengazawtomatika» müdirliginiň «Oguzhan» hokkeý klubunyň ýetginjek türgenleri hem gatnaşdy. Mälim bolşy ýaly, «Oguzhanyň» oýunçylary ýurdumyzyň iň güýçli türgenleriniň hatarynda durýar. Gazçylaryň topary bu gezek hem ýaryşda öz ussatlygy bilen tapawutlanmagyň hötdesinden geldi. Netijede, «Oguzhan» topary ähli garşydaşlaryndan ynamly ýeňişler bilen üstün çykdy we 1-nji ýeri eýeledi hem-de açyk birinjilikde hormat hatyna, kuboga mynasyp boldy.

9 Dekabr 2024

Sport

Türkmenistanyň Ministrler Kabinetiniň mejlisinden

29-njy noýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň birnäçe meselelerine garaldy. Ministrler Kabinetiniň Başlygynyň orunbasary B.Amanow «Türkmennebit» döwlet konserniniň nebiti gaýtadan işleýän zawodlarynyň kuwwatyndan netijeli peýdalanmak, nebiti gaýtadan işlemäge ýöriteleşdirilen täze önümçilikleri döretmek, olary döwrebaplaşdyrmak boýunça görülýän çäreler barada hasabat berdi. Şunuň bilen baglylykda, wise-premýer Seýdiniň nebiti gaýtadan işleýän zawodynyň suw üpjünçilik ulgamyny döwrebaplaşdyrmak boýunça alnyp barylýan işler barada aýdyp, hormatly Prezidentimiziň garamagyna degişli teklibi hödürledi.

2 Dekabr 2024

Türkmen halkynyň Milli Lideri Wengriýa iş saparyny amala aşyrdy

29-njy noýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki Döwletleriň Guramasynyň Aksakgallar geňeşiniň başlygy Binali Ýyldyrymyň çakylygy boýunça bu düzümiň agzasy, şeýle hem hormatly myhman hökmünde geňeşiň 16-njy mejlisine gatnaşmak maksady bilen, Wengriýa iş saparyny amala aşyrdy. Şu gezekki duşuşyga gatnaşmak üçin Türki Döwletleriň Guramasynyň Baş sekretary, Azerbaýjanyň, Gazagystanyň, Gyrgyzystanyň we Özbegistanyň wekilleri hem Budapeşte geldiler. Nobatdaky mejlisiň gün tertibine Türki Döwletleriň Guramasynyň Aksakgallar geňeşiniň işi bilen baglanyşykly möhüm meseleler girizildi. Gurama agza ýurtlaryň bilelikdäki işiniň ileri tutulýan ugurlary, Aşgabatda geçirilen 15-nji mejlisde kabul edilen teklipleriň durmuşa geçirilişi hem ara alnyp maslahatlaşyldy.

2 Dekabr 2024

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türki Döwletleriň Guramasynyň Aksakgallar geňeşiniň Budapeştde geçirilen 16-njy mejlisindäki çykyşy

Hormatly geňeşiň agzalary we mejlise gatnaşyjylar! Bildirilen myhmansöýerlik hem-de işlemek üçin döredilen ajaýyp şertler üçin Türki Döwletleriň Guramasynyň Aksakgallar geňeşiniň başlygy Binali Ýyldyryma hem-de geňeşiň agzasy Atilla Tilkä minnetdarlygymy bildirýärin. Aksakgallar geňeşiniň abraýynyň ýylsaýyn artmagynda geňeşiň başlygy Binali Ýyldyrymyň uly goşandyny bellemek isleýärin.

2 Dekabr 2024

Beýik döwürden ruhlanýan halypa nebitçi

Ýurdumyzyň ýangyç-energetika toplumynyň ylmy-barlag institutlarynda halypa alymlaryň, inženerleriň ençemesi beýik döwrüň ruhundan galkynyp, ýadawsyz zähmet çekýär. Olar nebitgaz toplumynda amala aşyrylýan işleri ösdürmekde, täze taslamalary durmuşa geçirmekde ylmy işgärlere we ýaş hünärmenlere halypalyk goluny uzadýan tejribe, görelde mekdebidir. «Türkmennebit» döwlet konserniniň «Nebitgazylmytaslama» institutynyň uly ylmy işgäri, «Türkmenistanyň Bitaraplygynyň 25 ýyllygyna» ýubileý medalynyň eýesi Saparmyrat Artykow uzak ýyllardan, has takygy, ýarym asyra golaý wagt bäri biregne şol bir edarada, ýagny ýokarda agzalan ylmy merkezde zähmet köpçüliginiň, kärdeşleriniň sylag-sarpasyndan peýdalanyp, üstünliklerden ruhlanyp işläp gelýär. Onuň kärdeşleri bilen bilelikde alyp barýan işleri barada aýdylanda, Günbatar Türkmenistanyň nebitgaz känlerinde köp ýyllardan bäri özleşdirilýän nebitgazly guýularyň önümliligini artdyrmak, guýularyň önüminiň suwlanmagynyň, çäge gelmesiniň öňüni almak hem-de guýularyň işlemegine päsgel berýän beýleki ýagdaýlaryň garşysyna göreşmek işleri üznüksiz ýerine ýetirilýär. S.Artykow bölümiň hünärmenleri bilen oýlap tapmalaryny önümçilige ornaşdyryp, nebit guýularynda synag işlerini geçirip, önümçilik bilen ýakyn aragatnaşyk saklaýar.

2 Dekabr 2024

Günorta-Günbatar Türkmenistanyň nebitgaz gorlarynyň uly ätiýaçlyklarynyň özleşdirilişi

Günorta-Günbatar Türkmenistanyň territoriýasy Balkanýaka we Gögerendag-Ekerem göterilmeleri, Gyzylgum we Kelkör bükülmeleri ýaly esasy tektoniki elementlerden durýar. Balkanýaka tektoniki zolagy aňrybaş gorlara eýedir we 100 ýyldan gowrak wagt bäri onuň känleri ýokarky we orta plioseniň kesimlerinden nebit we gazyň uzak wagtlap işlenip geçirilişinde ýerleşýär. Agtarylmadyk serişdeler çuňlukda ýatan aşaky gyzylreňkli (5 kilometrden gowrak) we gyzylreňkliden aşaky (miosen we mezozoý — 5,5 — 8 kilometr) çökündilerde jemlenendir. Şu wagta çenli orta plioseniň gyzylreňkli gatlaklygy we onuň açylmadyk bölegi nebitiň, gazyň gözlegi, agtarylyşy üçin ilkinji nobatdaky obýektler bolup galýar. Açylan gorlary ulanyşa dessine girizmäge mümkinçilik berýän, ösen infrastrukturanyň netijesinde agtaryşy köne känleriň entek barlanylmadyk bloklarynda we uzakdaky periklinal böleklerinde alyp barmak ykdysady taýdan peýdalydyr. Ýataklary gözlemek üçin mysal hökmünde Sapygaralyk epinini getirmek bolar, ol örän uly Goturdepe gurluşynyň aýratyn tektoniki blogy bolup durýar.

2 Dekabr 2024

Bitaraplygyň türkmen ýoly äleme nur saçýar

Halkymyzyň arasynda «Garaşsyzlyk — ganatym», «Bitaraplyk — buýsanjym» diýlen ajaýyp jümleler bar. Munuň özi 1991-nji ýylyň güýzünde ýurt Garaşsyzlygyny gazanyp galkynan, 1995-nji ýylyň dekabrynda bolsa hemişelik Bitaraplyk hukuk derejesine eýe bolup beýgelen türkmen halkynyň öz döwlet berkararlygyna hem-de hemişelik Bitaraplygyna bolan milli buýsanjyndan, ýürek owazyndan dörän ganatly jümlelerdir. Bir söz bilen aýdylanda, erkli-erkana, ýurdy görkana türkmen milletiniň goşa uçar ganaty bar. Onuň birinjisi — GARAŞSYZLYK bolsa, ikinjisi — hemişelik BITARAPLYK. Türkmenistanyň hemişelik Bitaraplyk hukuk derejesine eýe bolan taryhy senesi, ýagny 1995-nji ýylyň 12-nji dekabry türkmen halky üçin altyn harplar bilen ýazylan buýsançly sene bolup, taryh gatlarynda mynasyp orun aldy. Şol taryhy gün Birleşen Milletler Guramasynyň Baş Assambleýasynyň 50-nji mejlisinde onuň 185 sany agzasynyň biragyzdan goldamagynda Türkmenistanyň hemişelik Bitaraplygy hakynda möhüm Kararnama kabul edilipdi. Öz parahatsöýüjiligi, belent adamkärçiligi we ýokary ynsanperwerligi bilen taryhda öçmez yz goýan merdana halkymyzyň bu günki nesilleriniň bagtyýarlygyny, türkmen halkynyň Milli Liderine hem-de döwlet Baştutanyna ygrarlylygyny we döwlet bitewüligini halkara derejesinde kepillendirýän hemişelik Bitaraplyk hukuk derejesi dünýä bileleşigi tarapyndan ykrar edilen mukaddeslik bolup, her bir türkmenistanlynyň b

2 Dekabr 2024

Bitaraplyk

Türkmenistanyň Ministrler Kabinetiniň mejlisinden

22-nji noýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň birnäçe meselelerine garaldy. Ministrler Kabinetiniň Başlygynyň orunbasary B.Amanow «Türkmengaz» döwlet konserni tarapyndan gyş möwsümine görülýän taýýarlyk işleri barada hasabat berdi.

25 Noýabr 2024

Gazçylaryň goşa baýrama sowgady

«Türkmengazburawlaýyş» müdirligi 2024-nji ýylda 1. «Galkynyş» gaz känindäki 259-njy ulanyş gaz guýusyndan senagat ähmiýetli gaz akymyny aldy. Guýy her gije-gündizde 2 million kub metrden köpräk gaz berýär.

25 Noýabr 2024

Türkmen-hytaý hyzmatdaşlygynda nebitgaz senagatynyň geljegi uludyr

Türkmenistanyň nebitgaz toplumynyň merkezi binasynda Hyzmatdaşlyk boýunça türkmen-hytaý hökümetara komitetiniň energetika boýunça kiçi komitetiniň 9-njy mejlisi geçirildi. «Türkmengaz» döwlet konserniniň we Hytaý Halk Respublikasynyň Energetika müdirliginiň wekilleriniň gatnaşmagynda geçirilen mejlisde iki dostlukly döwletiň arasynda Garaşsyzlyk ýyllarynda ýola goýlan nebitgaz senagatyndaky hyzmatdaşlygy has-da ösdürmeklige gönükdirilen wezipeler ara alnyp maslahatlaşyldy. Hormatly Prezidentimiziň parasatly baştutanlygynda Türkmenistan daşary ýurtlar bilen deňhukukly, özara bähbitli, hoşniýetli gatnaşyklary netijeli ösdürýär. Şunda HHR bilen hyzmatdaşlygyň ýokary derejede alnyp barylmagy aýratyn bellärliklidir. Hytaý Halk Respublikasy Gahryman Arkadagymyzyň, Arkadagly Gahryman Serdarymyzyň öňe sürýän halkara başlangyçlaryny goldaýar, ýurdumyzyň hemişelik Bitaraplyk hukuk ýagdaýyna esaslanyp, içeri hem-de daşary syýasatyna hormat goýýar.

25 Noýabr 2024

Depginli ösüşler halkymyzyň abadan durmuşyna gönükdirilendir

Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistanda durmuş-ykdysady ösüşiň möhüm wezipelerini üstünlikli çözmeklige oýlanyşykly çemeleşilýär. Täze taryhy döwürde eýelenýän belent sepgitler Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli dowam etdirilýän parasatly we öňdengörüjilikli syýasatyň netijesidir. Giň gerimli özgertmeler strategiýasy, ilkinji nobatda, milli ykdysadyýetimizi döwrebaplaşdyrmaga we senagatlaşdyrmaga, daşary ýurtlardan getirilýän harytlaryň ornuny tutýan eksport ugurly önümleri öndürmäge ýöriteleşen döwrebap kärhanalary döretmäge gönükdirilendir. «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň», «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynyň», Oba milli maksatnamasynyň, «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasynyň» hem-de beýleki Prezident maksatnamalarynyň üstünlikli amala aşyrylmagy netijesinde, döwletimiziň ykdysady kuwwaty artyp, halkara abraýy pugtalanýar, halkymyzyň hal-ýagdaýy barha ýokarlanýar. Ýurdumyzyň baş şäheri Aşgabat bu günki günde Türkmenistanyň däl, eýsem, dünýäniň iň arassa we gözel şäherleriniň birine öwrüldi. Paýtagtymyzda saglyk, bilim, te

25 Noýabr 2024

Gyşy guramaçylykly garşylaýarlar

Şu günler «Daşoguzgazüpjünçilik» müdirliginiň ýerlerdäki gaz hojalyk edaralarynyň işçi-hünärmenleri üçin iň bir jogapkärli möwsüm dowam edýär. Munuň şeýledigine düşünýän müdirligiň gazçylary howanyň sowuk döwri bolan gyş möwsümini hemmetaraplaýyn ýokary taýýarlykly garşy alýarlar. Bu ugurda müdirligiň welaýat merkezinde ýerleşýän «Daşoguzşähergaz» gaz hojalyk edarasynyň gazçylarynyň şäheriň ilatyny we edara-kärhanalaryny tebigy gaz bilen üznüksiz üpjün etmekde häzirki günlerde alyp barýan derwaýys işleri bilen ýakyndan tanyşmak maksadynda ol ýerde bolanymyzda, edarada işleriň döwrüň ruhuna mahsus derejede guralýandygynyň şaýady bolduk. Bu ýerde edaranyň ähli gulluklarynyň, ýagny näsazlygy habar beriş we hasaba alyş, daşary gaz geçirijilere we gaz sazlaýjylaryna gözegçilik, içeri öý gaz enjamlaryny bejeriş, gaz ölçeýji enjamlary oturdýan we hasabyny ýöredýän gözegçilik hem-de hyzmat ediş, şeýle hem gaz ýerleşdiriş we hasabaty ýaly düzümleriň işçi-hünärmenleriniň ählisiniň bir bitewi güýje öwrülip, öz öňlerinde goýlan wezipe-borçlaryny birkemsiz berjaý edýändiklerini turuwbaşdan belläsimiz gelýär. Netijede, Daşoguz şäheriniň çäginde bar bolan dürli basyşly gaz geçirijileriň alty ýüz kilometrden gowrak ýeriniň, gaz paýlaýjy we sazlaýjy enjamlaryň bolsa dört ýüz ellä golaýynyň gije-gündiziň dowamynda saz işlemegi üpjün edilýär. Degişli hünärmenleriň gürrüňlerine görä, edaranyň gazç

25 Noýabr 2024

Halypa nebitçiniň zähmet ýoly

Hemişelik Bitaraplygymyzyň 20 ýyllyk şanly baýramy mynasybetli «Garaşsyz, baky Bitarap Türkmenistan» atly ýubileý medalynyň eýesi Garataý Garataýew ömrüniň köp bölegini nebitçilige sarp eden adam. Onuň iş tejribesi barada Goturdepäniň 6-njy nebitgaz çykaryjy bölüminiň başlygy Piri Duşmuhammedow şeýle gürrüň berýär: — Tüweleme, bölümimizde burawlanyp ulanyşa berilýän guýularyň sany ýylba-ýyldan artyp barýar. Golaýda burawlanyp gutarylan 399-njy ulanyş maksatly guýynyň gurluşyk-gurnama işlerinden soňra ýokary basyşly gaz paýlaýjy desga çenli 650 metr uzynlykdaky gaz geçirijini çekmek işi Garataý Garataýew tarapyndan tamamlanyp, gazlift usuly bilen işe girizildi. Onuň berýän önümi 40 tonna golaýdyr. Şeýle derwaýys işleri amala aşyrmakda ussa Garataý Garataýewiň asylly işleri hormata mynasypdyr.

25 Noýabr 2024

Jemgyýet

Magtymgulynyň döredijiligi milli medeniýeti ösdürmekde ähmiýetlidir

Berkarar döwletiň täze eýýamynyň Galkynyşy döwründe türkmeniň beýik ogly Magtymguly Pyragynyň şahsyýeti has belent mertebä göterildi. Akyldaryň döredijiligi nusgawy edebiýatymyzyň görnükli şahyrlarynyň, soňky döwürlerdäki döredijilik adamlarynyň kämilleşmegine batly itergi berdi. Nusgawy edebiýatymyzyň görnükli wekiliniň eserleri milliligi we halka ýakynlygy bilen kalplarda baky orun aldy. Milli medeniýetimizi öwrenmekde Magtymguly Pyragynyň şygryýet dünýäsi gymmatly hazynadyr. Halkymyz şygryýet äleminiň ägirdi Magtymguly Pyragynyň döredijiligine uly sarpa goýup, ony ýankitap hökmünde peýdalanýar. Türkmeniň beýik akyldar şahyry durmuşyň dürli taraplary barada ajaýyp şygyrlary döretmek bilen, baý edebi mirasy galdyrdy. Magtymguly Pyragy ynsan kalbynyň şahyry hökmünde meşhurdyr, çünki akyldaryň goşgulary ähli ynsanlar üçin paýhasdyr, öwüt-nesihatdyr. Şahyryň millilige, ynsanperwerlige ýugrulan çeper döredijiligi ýaş nesilleri watançylyk ruhunda terbiýelemekde, kämil şahsyýetleri kemala getirmekde uly ähmiýete eýedir. Akyldar şahyryň edepliligi, agzybirligi, halallygy wagyz edýän goşgulary ynsan ruhuny baýlaşdyrýar.

25 Noýabr 2024

Edebiýat

Abuna — 2025

Hormatly okyjylar! «Nebit-gaz» gazetiniň redaksiýasy 2025-nji ýylyň birinji ýarymy üçin gazete kagyz we elektron görnüşinde abuna ýazylyşygynyň dowam edýändigini size habar berýär.

25 Noýabr 2024

Jemgyýet

Türkmenistanyň Ministrler Kabinetiniň mejlisinden

15-nji noýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň birnäçe meselelerine garaldy. Ministrler Kabinetiniň Başlygynyň orunbasary B.Amanow «Türkmennebit» döwlet konserniniň garamagyndaky kärhanalaryň maddy-enjamlaýyn binýadyny döwrebaplaşdyrmak boýunça alnyp barylýan işler barada hasabat berdi. Bellenilişi ýaly, bu konserne degişli «Körpeje» gaz gysyjy desgasynyň bökdençsiz işledilmegini üpjün etmek babatda zerur çäreler görülýär. Şunuň bilen baglylykda, döwlet Baştutanymyzyň garamagyna degişli Kararyň taslamasy hödürlenildi.

18 Noýabr 2024

Änew şäheriniň «Türki dünýäsiniň medeni paýtagty» diýlip yglan edilmegi mynasybetli geçirilen çäreler jemlenildi

16-njy noýabrda Ahal welaýatynyň Ak bugdaý etrabynyň «Nowruz ýaýlasyndaky» «Türkmeniň ak öýi» binasynda Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli geçirilen çäreleri jemlemek dabarasy boldy. Türki medeniýetiň halkara guramasy (TÜRKSOÝ) bilen netijeli hyzmatdaşlygy ösdürmek Gahryman Arkadagymyzyň başlangyçlaryny üstünlikli amala aşyrýan hormatly Prezidentimiziň baştutanlygynda durmuşa geçirilýän syýasatyň möhüm ugurlarynyň biridir. Türkmenistanyň gadymy Änew şäherini 2024-nji ýylda «Türki dünýäsiniň medeni paýtagty» diýip yglan etmek baradaky çözgüdiň kabul edilmegi munuň aýdyň güwäsidir.

18 Noýabr 2024

Medeniýet

Tebigy gazyň häsiýetleri we ulanylyşy

Gatlakdan çykarylýan tebigy gaz, kada bolşy ýaly, suwy hem-de kondensaty (gazkondensat ýataklarynda) özünde saklaýar. Bu ýagdaýda suw iki görnüşde bolýar: süýji we minerallaşan. Minerallaşan suw, köplenç ýagdaýda, suwbatly düzgünde we aşaky böleginde suwlar bolan «ýüzýän» ýataklar diýlip atlandyrylýan känleri işläp geçmekligiň giçki döwründe tebigy, ýagny «erkin» diýip atlandyrylýan görnüşde gatlakdan gaz bilen gelip başlaýar. Kondensasion suw bolsa, edil gazkondensat-suwuklyk ýaly daşky görnüşi boýunça dizel ýangyjyny ýatladýar, ýöne oňa görä has açyk, gatlakda gaz görnüşli (bug) ýagdaýynda ýerleşýär. gaz bilen erkin däl ýagdaýda garyndy görnüşinde gelýär. Gazyň guýynyň düýp çuňlugyndan ýeriň üstüne çenli, soňra bolsa turbageçiriji boýunça hereketi boýunça temperatura we gazyň basyşy aşaklanýar, bu bolsa gaz görnüşindäki suwy we kondensaty suwuklyk ýagdaýyna getirýär.

18 Noýabr 2024