"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Ykbaly galkynan ýaşlar

Hormatly Prezidentimiziň hem-de Gahryman Arkadagymyzyň tagallalary esasynda ýurdumyzda ýaş nesliň döwrebap bilim almagy, hünär öwrenmegi, beden hem ruhy taýdan sagdyn kemala gelmegi, tutanýerli zähmeti bilen Watanymyzyň ösüşlerine mynasyp goşant goşmagy üçin ähli şertler döredilýär. Öz gezeginde ýaşlar hem şeýle tagallalara yhlasly zähmeti bilen jogap berýärler. 16-njy noýabrda Türkmenistanyň Magtymguly adyndaky Ýaşlar guramasynyň döredilen güni mynasybetli ýurdumyzyň öňdebaryjy ýaşlarynyň 135-sine Türkmenistanyň Ýaşlar baýragy dabaraly ýagdaýda gowşuryldy. Biz hem tutanýerli zähmeti bilen ýurdumyzyň nebitgaz toplumyny ösdürmäge goşant goşýan ýaş hünärmenleri, ugurdaş ýokary okuw mekdebiniň mugallymlaryny we talyp ýaşlaryny bu baýraga mynasyp bolmagy bilen gutlap, olaryň ýürek buýsançlaryny okyjylara ýetirýäris. Allanur TÖRÄÝEW, «Türkmengaz» döwlet konserniniň «Türkmengazgeofizika» müdirliginiň 2-nji derejeli inženeri:

18 Noýabr 2024

Garaşsyzlyk

Ýaş alymlaryň we hünärmenleriň ylmy-amaly seminary geçirildi

Hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwründe ýurdumyzda ylmyň maddy-enjamlaýyn binýadyny pugtalandyrmak, ylmy işgärleri taýýarlamak işlerini çaltlandyrmak, ylmyň jemgyýetimizdäki ornuny ýokarlandyrmak, häzirki zaman dünýä ülňülerine laýyk gelýän binýatlaýyn hem sanly ylym ulgamyny kemala getirmek üçin ähli mümkinçilikler döredilýär. Bilim, ylym, önümçilik ulgamlaryny utgaşykly ösdürmek hem-de olaryň arabaglanyşygyny kämilleşdirmek üçin yzygiderli aladalar edilýär. «Türkmengaz» döwlet konserniniň Ylmy-barlag tebigy gaz institutynda geçirilen ylmy-amaly seminar ýokary ýa-da orta hünär bilimli ýaş alymlaryň we hünärmenleriň kwalifikasiýalaryny, bilimlerini we ylym medeniýetlerini ýokarlandyrmak maksadyndan ugur alyp, geologik barlaglary, geotehnologik meseleleri çözmeklige gönükdirilen innowasion tehnologiýalara erk etmek, gaz ýataklaryny özleşdirmek, tebigy gazy akdyrmak we gaýtadan işlemek, gaz pudagynyň ykdysady we ekologik jähetlerini ara alyp maslahatlaşmak we olary önümçilige ornaşdyrmak meselelerini öz içine aldy.

18 Noýabr 2024

Bilim

Nebitçileriň döwrebap işleri

Berkarar döwletiň täze eýýamynyň Galkynyşy döwründe hormatly Prezidentimiz döwlet derejesindäki geçirýän mejlislerinde, maslahatlarynda, edýän maksatnamalaýyn çykyşlarynda, il-ýurt bähbitli, dünýä ähmiýetli kabul edýän Kararlarydyr çözgütlerinde ýangyç-energetika pudagyny toplumlaýyn döwrebaplaşdyrmak boýunça alnyp barylýan işleri dowam etmegi, şonuň bilen birlikde-de, gazylyp alynýan tebigy baýlyklary gözläp tapmagy we çykarmagy, täze ýataklary özleşdirmegi, uglewodorod çig mallaryny gaýtadan işläp, ýokary hilli harytlyk görnüşine getirmek boýunça göz öňünde tutulan taslamalary durmuşa ornaşdyrmagy, türkmen energiýa serişdelerini täze geçirijiler arkaly daşary ýurtlara ibermegi diwersifikasiýa ýoly bilen dowam etmegi baş wezipe hökmünde nygtaýar. Şeýle belent wezipeleriň toplumlaýyn çözgüdini üpjün etmekde bu ulgamyň iň iri önümçilik-hojalyk düzümi bolup durýan «Türkmennebit» döwlet konserni boýunça Diýarymyzyň günbatar sebitinde bitirilýän işler barha giň gerime eýe bolýar. Nebiti, tebigy gazy we ugurdaş gazlary, gaz kondensatyny çykarmagy, gözleg-barlag we ulanyş guýularyny burawlamagy, ýangyç çig mallaryny turbageçirijiler arkaly ibermegi, gaz gysyjy we saýlaýjy desgalary gurmagy, abadanlaşdyrmagy, guýularyň düýpli we ýerasty abatlaýyş işlerini amala aşyrmagy üpjün edýän kärhanalaryň onlarçasyny özünde jemleýän konsern boýunça şu ýylyň hasabat döwründe zemin jümmüşinden aln

18 Noýabr 2024

Ykdysadyýet

«Himiýa we gazhimiýa innowasion tehnologiýalaryň geljegi»

Şeýle at bilen geçen hepdede Ýagşygeldi Kakaýew adyndaky Halkara nebit we gaz uniwersitetinde sanly ulgam arkaly ylmy-amaly maslahat geçirildi. Türkmenistanyň Prezidentiniň Kararlary bilen tassyklanan «Türkmenistanyň ýaşlarynyň halkara hyzmatdaşlygynyň 2023 — 2030-njy ýyllar üçin Strategiýasyny», «Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin Döwlet maksatnamasyny», şeýle hem bilim ulgamy boýunça kabul edilen konsepsiýalarda kesgitlenen wezipeleri durmuşa geçirmek maksady bilen guralan ylmy-amaly maslahata daşary ýurtlaryň ýangyç-energetika pudagyna degişli edaralarynyň işgärleri, dostlukly döwletleriň ýokary okuw mekdepleriniň ýolbaşçylary, Türkmenistan bilen işjeň hyzmatdaşlyk edýän kompaniýalaryň wekilleri, ýurdumyzyň ýokary okuw mekdepleriniň mugallymlary, talyplary, aspirantlar, ylmy edaralaryň hünärmenleri gatnaşdylar. Forumy Ýagşygeldi Kakaýew adyndaky Halkara nebit we gaz uniwersitetiniň rektory Baýrammyrat Atamanow açdy we bu möhüm çäräniň geçirilmeginiň ähmiýetiniň uludygyny aýdyp, ýurdumyzyň himiýa senagatynda täze tehnologiýalaryň ornaşdyrylyş derejesiniň ýokary depginde alnyp barylýandygyny nygtady. Maslahatda daşary ýurtly hyzmatdaşlar bilen innowasion tehnologiýalary ornaşdyrmagyň täzeçil görnüşleri, gazanylan tejribeler barada pikir alyşmagyň, ösüş maksatly teklipleri paýlaşmagyň zerurdygyny belläp geçdi.

18 Noýabr 2024

Ylym

Guýulary parafinden arassalamagyň kämilleşdirilen usullary

«Keýmir» NGÇM-e degişli nebitgaz ýataklaryndan çykarylýan nebitiň düzümindäki asfalten, şepbik we parafin çökündileriniň (AŞPÇ) mukdarynyň beýleki NGÇM-ler bilen deňeşdireniňde köplügi ylmy işgärler we hünärmenler üçin aýdyň mesele. Guýynyň NKT sütüninde (esasan, turbanyň 1 müň 500 metr ýokary çäginde) hem-de guýynyň düýpýaka zolagynda we ondan uzagrak aralyklarda toplanan parafin çökündileriniň nebit bilen bile akyp gelmegi hem önümiň parafinlilik derejesiniň artmagyna we zolagyň parafinleşmegine getirýär. Şol sebäpli ýokarda agzalan ýataklaryň nebitli guýularynda 5-10 gün aralykda her bir guýy üçin parafiniň garşysyna çäre geçirmek işleri talap edilýär. Guýularda nebitli gatlagyň öndürijiligini artdyrmak maksady bilen geçirilýän gatlaklara fiziki-himiki täsir etmekden soň, gatlagyň geçirijilik ukybynyň wagtlaýyn ýokarlanmagy we guýynyň önüminiň artmagy sebäpli, guýynyň düýpýaka zolagynda parafin çökündileriniň ýene-de gaýtadan ýygnanmagyna, netijede, gatlagyň geçirijilik ukybynyň peselmegi esasynda guýynyň önüminiň aşaklamagyna getirýär. Esasan-da, bu meseläniň ýitileşmegi nebit ýataklaryndaky gatlak basyşynyň aşaklamagy, nebit çykarmagyň soňky tapgyrlarynda gatlaklardaky nebitiň has parafinli, agyr toparlarynyň akyp gelmegi ýaly kanunalaýyk hadysalar bilen baglydyr. Ulanyşyň giçki tapgyryndaky känlerden çig nebitiň çykarylyşyny durnukly derejede saklamak, bu känleriň nebit b

18 Noýabr 2024

Ylym

Halkara tennis ýaryşy üstünlikli geçirildi

Paýtagtymyzda Ýewropa we Aziýa döwletleriniň 12-sine wekilçilik edip, ýurdumyza gelen 14 ýaşa çenli türgenleriň arasynda tennis boýunça «Ashgabat Open 2024» halkara ýaryşy ýokary derejede geçirildi. Alty günüň dowamynda Olimpiýa şäherçesiniň Tennis toplumynda Türkmenistanyň, Beýik Britaniýanyň, Hindistanyň, Eýranyň, Iordaniýanyň, Gazagystanyň, Malaýziýanyň, Birleşen Arap Emirlikleriniň, Pakistanyň, Täjigistanyň, Türkiýäniň, Özbegistanyň ýetginjek oglan-gyzlary ýekeleýin we jübütleýin görnüşde diňe bir Aziýanyň Tennis federasiýasynyň (ATF) guran ýaryşynyň medallary ugrunda däl, eýsem, öz derejelerini beýgeltmek mümkinçiligini gazanmak ugrunda-da çekeleşikli oýunlary geçirdiler. Jübütleýin görnüşdäki ýaryşlar türkmen tennisçileriniň ynamly ýeňşi bilen tamamlandy. Ýurdumyzyň tennisçileri ýaryş maksatnamasynyň iki görnüşinde hem birinji we ikinji orunlary eýelemegi başardylar.

18 Noýabr 2024

Sport

Arzuwlaryň hasyl boldy, Pyragy!

Gahryman Arkadagymyz «Türkmenistan — abadançylygyň we rowaçlygyň ýurdy» atly kitabynda: «Akyldar şahyrymyz Magtymguly Pyragynyň türkmen halkynyň özbaşdak berkarar döwletli bolmagy baradaky arzuwlary bu gün hasyl boldy» diýip belleýär. Munuň özi diýseň buýsandyryjydyr. Çünki biz şahyryň berkarar döwlet, kämil jemgyýet gurmak baradaky arzuwlarynyň hasyl bolan zamanynda ýaşaýarys. Bilşimiz ýaly, dana akyldara adalatly döwlet gurmak bilen baglanyşykly paýhaslar atasy Döwletmämmet Azadydan geçýär. Beýik şahyr bu taglymaty milli ruhda ösdürýär. Ony özbaşdak, garaşsyz döwletli bolmak ýaly çuňňur pikirler bilen baýlaşdyrýar. Şahyr öz kalbynda, ruhy dünýäsinde guran türkmen binasyna juda buýsanýar we ony şeýle setirleriň üsti bilen taryp edýär:

18 Noýabr 2024

Edebiýat

Gyz edebi — gyzyl gül

Türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň baştutanlygynda amala aşyrylýan beýik işleriň biri hem ösüp gelýän ýaş nesli milli ruhda terbiýelemekden ybaratdyr. Hormatly Prezidentimiziň bu babatda amala aşyrýan beýik işleri türkmen ýaşlaryna bagtyýarlyk paýlaýar. Biziň ýaşlarymyzyň ykbal paýyna düşen bu bagtyýarlygyň keşbi hem alyp barýan işlerinde bütin ajaýyplygy bilen şöhlelenýär. Ene-mamalarymyzyň gyzyldan gymmatly maslahatlarynyň, öwüt-ündewleriniň ýaşlarymyza edýän täsiriniň hümmetini hiç zat bilen deňäp bolmaz. Şonuň üçinem bu asylly däplerden ugur alyp, kümüş saçly enelerimiz ýaşlarymyzyň arasyna ýygy-ýygydan myhmançylyga çagyrylyp, olaryň gyzyldan gymmatly maslahatlary, öwüt-ündewleri olara ýetirilip durulýar.

18 Noýabr 2024

Miras

Hormatly Prezidentimiz ählihalk bag ekmek dabarasyna gatnaşdy

9-njy noýabrda ýurdumyzda hormatly Prezidentimiz Serdar Berdimuhamedowyň gatnaşmagynda ählihalk bag ekmek dabarasynyň güýzki möwsümine badalga berildi. Ählihalk bag ekmek dabarasyna Mejlisiň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň, pudaklaýyn dolandyryş edaralarynyň, daşary ýurtlaryň hem-de halkara guramalaryň diplomatik wekilhanalarynyň ýolbaşçylary, wekilleri we halk köpçüligi gatnaşdy.

11 Noýabr 2024

Syýasat

Nebitgaz toplumynda on aýyň jemlerine garaldy

9-njy noýabrda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 8-nji noýabrda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ugurlary kesgitlenildi. Türkmenistanyň Ministrler Kabinetiniň Başlygynyň orunbasary Batyr Amanow hasabat ýygnagyny açyp, hormatly Prezidentimiz Serdar Berdimuhamedowyň nebitgaz senagatynyň işini kämilleşdirmekde we yzygiderli ösdürmekde ähli mümkinçilikleri döredip berýändigini aýratyn nygtap, pudagyň öňünde wajyp wezipeleriň kesgitlenendigini belledi.

11 Noýabr 2024

Jemgyýet

Belent sepgitlere ynam bilen

Taryhy wakalara, düýpli ösüş-özgerişlere beslenýän üstümizdäki ýylyň on aýy üstünlikli tamamlandy. Şanly ýylda «Türkmengaz» döwlet konserniniň «Lebapgazçykaryş» müdirliginiň hünärmenleri hem yhlasly zähmet çekip, tebigy gazyň öndürilişini barha artdyrýarlar. Olar şu ýylyň geçen on aýynda tebigy gazyň 8 milliard 417,5 million kub metrden gowragyny öndürip, bu baradaky meýilnamany abraý bilen berjaý etdiler. Müdirlik boýunça Malaý — Bagtyýarlyk gaz geçirijisine berlen «mawy ýangyç» bolsa 4 milliard 821 million kub metrden hem gowrak boldy. Munuň özi on aýyň degişli meýilnamasynyň 130 göterimden gowrak berjaý edilendiginden habar berýär. Bu harytlyk önümiň aglaba bölegi bolsa dostana Hytaý döwletiniň sarp edijilerine bökdençsiz ugradylýar. — Baýlyk çykaryjylarymyz tebigy gaz bilen birlikde gaz kondensatynyň öndürilýän möçberlerini artdyrmak ugrunda hem ýadawsyz alada edýärler. Şonuň netijesinde bu gymmatly çig malyň bolluk bilen öndürilmegi gazanylýar — diýip, müdirligiň merkezi önümçilik dispetçer gullugynyň başlygy Berdi Berdimetow gürrüň berýär.

11 Noýabr 2024

Ykdysadyýet

Çuň gatlaklar ynamly özleşdirilýär

«Türkmennebit» döwlet konserniniň «Nebitgazburawlaýyş» trestiniň müdirlikleriniň hünärmenleri şu günler «Pähim-paýhas ummany Magtymguly Pyragy» ýylynda has-da gaýratly zähmet çekýärler. Tutuş trest boýunça geçen dokuz aýda gazuw işleri tamamlanyp, uglewodorod çig mallaryny çykaryjylara tabşyrylan jemi 20 sany guýynyň 19-synyň ulanyş maksatly guýulardygy hem bu ugurda has belent sepgitlere ynamly gadam urulýandygyndan habar berýär. Şu ýylyň geçen hasabat döwründe «Türkmennebit» döwlet konserni boýunça senagat taýdan özleşdirilýän ýataklardan «gara altyn» çykarmagyň meýilnamalarynyň artygy bilen berjaý edilmeginde hem burawlaýjylaryň mynasyp paýy bar. Soňky ýyllarda konserniň buraw işlerini alyp barýan müdirlikleri Germaniýada, ABŞ-da, Hytaýda we Russiýada öndürilen iň täze enjamlardyr desgalara eýe boldular. Bu kämil enjamlardyr kuwwatly buraw desgalarynyň 7 müň metre çenli çuňluk geçmäge ukyplydygyny aýratyn nygtamak gerek. Hut şu ýagdaýyň özi miosen gatlaklaryndaky nebitiň täze, çuň ýataklaryny açmaga we özleşdirmek üçin elýeterli gorlaryň möçberlerini ep-esli giňeltmäge ygtybarly esas döredýär. Konserniň düzüminde 1998-nji ýylda döredilen «Nebitgazburawlaýyş» tresti nebit, gaz, ýodbrom hem-de ýörite guýulary gazmak üçin ýöriteleşdirilen kärhanadyr. Trestiň degişli müdirlikleri:

11 Noýabr 2024

Ykdysadyýet

Ulanyş-baha beriş guýusy Çartak gaz käniniň geologik gurluşyny we gaz gorlaryny takyklady

Çartak gaz käni Türkmenistanyň Lebap welaýatynyň Sakar etrabynda ýerleşýär. Ol iri gaz käni bolan Malaý bilen birleşip, demirgazyga uzalyp gidýär. Çartak käni bilen bagly gurluş 1967-1968-nji ýyllarda geçirilen seýsmiki barlag işleriň netijesinde ýüze çykarylýar. Bu belentlikde ilkinji gözleg guýusy 1980-nji ýylda oturdylyp, burawlaýyş işleri başlanýar. Çartak käninden ilkinji gaz akymy 5-nji belgili gözleg guýusyndan alynýar. 1987-nji ýylda Çartak meýdanynda burawlanan 16 sany guýynyň netijeleri boýunça gaz gorlary hasaplanýar we şol wagtky SSSR-iň Gorlar döwlet topary tarapyndan tassyklanýar. Meýdanda goşmaça burawlanan 2 sany gözleg-barlag, 3 sany ulanyş guýularyndan alnan maglumatlar boýunça Malaý we Çartak känleriniň gaz gorlary gaýtadan hasaplanýar. Çartak gurluşy aşaky goteriwiň şatlyk gorizontynyň çökündileri boýunça «kesilip-düşme» görnüşli tektoniki bozulma bilen özbaşdak 3 sany kerçe (Günorta — Günbatar, Demirgazyk — Gündogar we Merkezi) bölünýär. Ol kerçlerdäki gaz ýataklarynyň her biri özbaşdak gaz-suw galtaşmasy bilen çäklendirilen. Kän 2002-nji ýylyň aprel aýynda senagat taýdan ulanyşa goýberilýär.

11 Noýabr 2024

Ykdysadyýet

Nebitgazlylygyň mesgeni

«Türkmennebit» döwlet konserniniň «Nebitgazçykaryş» trestiniň «Keýmir» nebitgaz çykaryş müdirligi (NGÇM) Balkanabat şäherinden 210 kilometr daşlykda ýerleşen, Balkan welaýatynyň Esenguly etrabynyň günorta sebitindäki nebitgaz känlerini — Ekerem, Gündogar Ekerem, Akpatlawuk, Keýmir we Kemer (Günorta Kemer) meýdançalaryny özüne birleşdirýär. Bu önümçilik kärhanasynda hereket edýän guýularyň 182-si bolup, olaryň 153-si nebit önümli we 29-y gaz önümli guýulardyr. nebit önümli guýularyň 28 göterimi çüwdürim we 72 göterimi gazlift usulynda işleýär. Bu müdirligiň çuň ştangaly sorujy usulynda işleýän guýusy ýokdur. Esasan, Keýmir we Akpatlawuk känlerinde gazlift ulgamlarynyň bardygy we Keýmir käninde ýörite gazlift guýulary üçin gaz gysyjy bekediniň gurulmagy bilen baglydyr. Keýmir gazlift gaz gysyjy desgasy 2013-nji ýylda ulanmaga berildi. Desgada, esasan, nebit bilen bile çykýan ugurdaş gaz toplanyp, soňra gazlift guýulary gerek bolan gaz basyşy bilen üpjün edýär. «Keýmir» NGÇM-de şu ýylyň 10 aýynyň jemi boýunça meýilnama ortaça 101 göterim ýerine ýetirildi.

11 Noýabr 2024

Ykdysadyýet

Aýdymly ömür

Arada türkmen poeziýasynyň meşhur şahyrlarynyň biri Gara Seýitliýewiň «Saýlanan eserler» ýygyndysyny gaýtadan okadym. Kitapda onuň: Watan seniň gollaryňa guwanýar,Dag göwsünden nebit alýan zor oglan.Ägirt senagatlar saňa daýanýar, Dag göwsünden nebit alýan zor oglan

11 Noýabr 2024

Edebiýat

Hasyl toýunyň şanyna

Hormatly Prezidentimiziň baştutanlygynda her ýylda Hasyl toýunyň bellenilip geçilmegi babadaýhanlarymyzyň çekýän zähmetine uly baha bermekdir, olaryň armasyny ýetirmekdir. Balkan welaýat häkimligi we jemgyýetçilik guramalary tarapyndan Balkanabat şäherinde ýerleşýän «Türkmeniň Ak öýi» binasynyň öňünde Hasyl toýy welaýat derejesinde giňden bellenildi. muňa ähli pudaklar bilen bir hatarda, «Türkmennebit» döwlet konsernine degişli edara-kärhanalarda zähmet çekýän bagtyýar nebitçilerimiz hem gatnaşdylar. Çäräniň dowamynda milli toý tagamlaryny taýýarlamakda zenanlaryň arasynda bäsleşik hem yglan edildi. Bäsleşige dokuz topar gatnaşyp, şolaryň biri-de «Türkmennebit» DK-nyň zenanlar guramasydyr. Nebitçi zenanlarymyz Gahryman Arkadagymyzyň pähim-paýhasyndan dörän «Bereketli türkmen saçagy» atly kitabyndan ruhlanyp, dürli toý tagamlaryny taýýarlap, 2-nji orny almagy başardylar.

11 Noýabr 2024

Jemgyýet

ABUNA — 2025

Hormatly okyjylar! «Nebit-gaz» gazetiniň redaksiýasy 2025-nji ýylyň birinji ýarymy üçin gazete kagyz we elektron görnüşinde abuna ýazylyşygynyň dowam edýändigini size habar berýär.

11 Noýabr 2024

Jemgyýet

Türkmenistanda sporty ösdürmäge uly ähmiýet berilýär

2-nji noýabrda hormatly Prezidentimiz Serdar Berdimuhamedowyň gatnaşmagynda paýtagtymyzyň Saglyk ýolunda köpçülikleýin ýöriş geçirildi. Bu çäre jemgyýetimizde sagdyn durmuş ýörelgeleriniň berkidilmeginde, aýratyn-da, ýaşlaryň bedenterbiýe we sport bilen meşgullanmaklarynda möhüm ähmiýete eýe boldy. Mälim bolşy ýaly, 25-nji oktýabrda geçirilen Ministrler Kabinetiniň nobatdaky mejlisinde hormatly Prezidentimiz Serdar Berdimuhamedow Türkmenistanyň başlangyjy bilen Birleşen Milletler Guramasynyň Baş Assambleýasynyň 78-nji sessiýasynda «Birleşen Milletler Guramasynyň oýunlary» atly Kararnamanyň kabul edilendigini aýtdy. Şunuň bilen baglylykda, döwlet Baştutanymyz bu möhüm ähmiýetli Kararnamanyň kabul edilmegi mynasybetli 2-nji noýabrda sport çäresini geçirmegi, hemmeleriň bilelikde jemgyýet bolup, sagdyn durmuş ýörelgesine eýerip, Saglyk ýolundan geçmegi, bu çärede ýylyň dowamynda halkara ýaryşlarda gowy netije gazanyp, ýaşyl tugumyzy belentde parladan türgenlerimizi gazanan sport üstünlikleri bilen gutlamagy, mynasyp bolan sylaglaryny dabaraly ýagdaýda gowşurmagy teklip etdi.

4 Noýabr 2024

Syýasat

Burawlaýjylaryň zähmet üstünligi

Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň öňdengörüjilikli energetika syýasaty netijesinde bu gün ýurdumyzyň milli ykdysadyýetiniň esasy pudagy bolan nebitgaz ulgamy täzeçe ösüşlere eýe bolýar. Tebigy gazyň gorlary boýunça dünýäde öňdäki orunlaryň birini eýeleýän Garaşsyz, baky Bitarap Watanymyzda «mawy ýangyjy» diwersifikasiýa ýoly bilen dünýä bazarlaryna çykarmak babatda möhüm ähmiýetli taslamalar durmuşa geçirilýär. Gaz guýularyny burawlamakda, gurluşygy bilen doly tamamlap ulanyşa girizmekde gazçylaryň döwletimiz tarapyndan hil taýdan öňdebaryjy önümler we tehnologik enjamlar bilen üpjün edilmegi bolsa, işleri çalt depginde ýokary hilli ýerine ýetirmeklige şert döredýär.

4 Noýabr 2024

Ykdysadyýet

Yhlaslary myrat tapýar

Türkmen topragynyň ýerasty baýlyklaryny ýurdumyzyň ösüşleriniň hyzmatynda goýmak ýaly il-ýurt bähbitli işe «Türkmengeologiýa» döwlet korporasiýasynyň «Lebapnebitgazgözleg» ekspedisiýasynyň başarjaň işgärleri ruhubelentlik bilen gatnaşýarlar. Olaryň «Pähim-paýhas ummany Magtymguly Pyragy» ýylynyň geçen dokuz aýynda çeken zähmetleri-de tüýs ýerine düşdi. — Biziň agzybir hem-de zähmetsöýer hünärmenlerimiz ýurdumyzyň Lebap we Balkan welaýatlarynda gözleg-buraw işlerini giňden ýaýbaňlandyrýarlar. Olaryň belent maksatlara gönükdirilen işleri üstünliklere hem beslenýär. Şanly ýylymyzyň geçen döwründe tebigy gazyň täze ýataklarynyň üstüniň açylmagy bolsa bizi has-da tutanýerli zähmet çekmäge ruhlandyrýar — diýip, ekspedisiýanyň baş inženeri Derkar Bekdurdyýew gürrüň berýär.

4 Noýabr 2024

Ykdysadyýet