"Nebit-gaz" gazeti

Esaslandyryjysy: "Türkmengaz" döwlet konserni
Salgysy: Aşgabat şäheri, Arçabil şaýoly 56-njy jaýy
Telefon belgileri:44-08-50

Gazeti PDF görnüşinde ýükläp almak

Habarlar

Döwrebap zähmetiň netijesi

Garaşsyz, baky Bitarap ata Watanymyz Türkmenistan häzirki wagtda dünýäniň uglewodorod çig mallarynyň gorlaryna baý döwletleriniň hataryna girmek bilen, ýangyç-energetika ulgamynda ägirt uly taslamalary işläp taýýarlamakda hem-de olary üstünlikli durmuşa geçirmekde tutanýerli işleri bitirmegiň hötdesinden gelýär. Türkmenbaşydaky nebiti gaýtadan işleýän zawodlar toplumy, dünýäniň çar künjüne uzaýan gaz geçirijiler, gurluşyklary depginli alnyp barylýan ägirt uly kärhanalar hem muňa doly şaýatlyk edýär. Bu dünýä nusgalyk işleriň her birinde «Türkmennebit» döwlet konserniniň düzümleriniň zähmet toparlarynyň hem öz mynasyp paýy bar. Konserniň kärhanalary nebitli-gazly ýataklary senagat taýdan işläp taýýarlamakda, uglewodorod çig mallarynyň çykarylýan möçberlerini artdyrmakda döwrebap işleri amala aşyrýar. Bu ugurda konserniň «Türkmennebitgeofizika» müdirliginde mukaddes ýurt Garaşsyzlygymyzyň 30 ýyllygynyň belentden toýlanjak «Türkmenistan — parahatçylygyň we ynanyşmagyň Watany» ýylynda bitirilýän işler has-da öwgä mynasypdyr. Hemmämiziň bilşimiz ýaly, hormatly Prezidentimiz ata Watanymyzyň ykdysady kuwwatynyň barha belende göterilmeginde hem-de halkymyzyň ýaşaýyş-durmuş derejesiniň ýokarlanmagynda milli ykdysadyýetimiziň ýangyç-energetika toplumynda gazanylýan üstünlikleriň öz mynasyp dowamyny tapmagy üçin döwrebap işleriň amala aşyrylmagyny hemişe üns merkezinde saklaýar we bu ulga

30 Awgust 2021

Garaşsyzlyk

Bişofiti toplumlaýyn peýdalanmagyň usullary

Hormatly Prezidentimiziň kärhanalarda harçlanylýan harajatlary peseldip, önümçiligiň netijeliligini ýokarlandyrmak, daşary ýurtlardan getirilýän harytlaryň ornuny tutýan önümleri öndürmek, çykarylýan harytlaryň daşary ýurtlara iberilýän möçberini artdyrmak, ylmy barlaglaryň we innowasion tehnologiýalarynyň netijeliligini ýokarlandyrmak ýaly çözgütleri gönüden-göni ýurdumyzyň senagatynyň dürli pudaklaryny ösdürmeklige gönükdirilendir. Bu babatdaky ýerine ýetirilmeli ylmy-barlag işleri bolsa, ilkinji nobatda, himiýa ylmyna degişlidir. Hut şonuň üçin hem Türkmenistanyň Prezidentiniň 2020-nji ýylyň 16-njy oktýabryndaky Karary bilen, «Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin döwlet maksatnamasy» kabul edildi. Döwlet maksatnamasynda kesgitlenen wezipeleriň köp ugurlary senagat pudagyna degişli bolup, olar hereket edýän önümçilikleri kämilleşdirmek, täze önümçilik ýerlerini döretmek, öndürilýän önümleriň möçberini, görnüşini artdyrmak we hilini gowulandyrmak, döwrebap tehnologiýalary işläp düzmek ýaly wajyp meseleler bilen baglydyr.

30 Awgust 2021

Ylym

Ýiti respirator keselinden goranmagyň usullary

Ýiti respirator ýokanç kesellerinden goranmakda arassaçylyk düzgünlerini doly we dogry berjaý etmek esasy şertdir. Her bir adam asgyranda, üsgürende agzyny elýaglyk bilen tutmaly, köpçülikleýin we jemgyýetçilik ýerlerde töweregiňizdäki adamlardan 2 metr howpsuz araçägi saklamaly, daşary çykylanda burnuňa oksolin melhemini çalmaly, agyz-burun örtügini ulanmaly, otag mebellerini, gapylaryň tutawaçlaryny, pollary durmuşda ulanylýan ýuwujy we zyýansyzlandyryjy serişdeleriň kömegi bilen wagtly-wagtynda arassalamaly, iş ýeriňdäki we öýde ýaşalýan otaglaryň howasyny täzeläp durmaly, üzärlik tütedip, otagyň içini howpsuz mikroklimat bilen üpjün etmeli. Köpçülik ýerlerine, zerurlyk bolmasa, gitmekden saklanmalydyr. Ýiti respirator keseliniň (gyzgynyň ýokarlanmagy, üsgülewük, asgyrmak, burundan suwuklyk gelmegi) alamatlary bolan adamlardan ýakyn aragatnaşykdan gaça duruň. Ulanýan ähli tehniki enjamlaryňyzy (smartfon, kompýuter) zyýansyzlandyryjy serişdeler bilen arassalap duruň.

30 Awgust 2021

Saglyk

Türkmenistan boýunça 2021-nji ýylyň awgust aýynyň 30-y — sentýabr aýynyň 5-i aralygynda hepdäniň dowamynda bolmagyna garaşylýan howa maglumaty

Aşgabatda: az bulutly howa bolup, demirgazyk-günbatardan gündogara ugruny üýtgedýän tizligi sekuntda 7-10-dan 10-13 metre ýetýän şemal öwser. Howa gijelerine +21...+23o-dan +24...+26o aralygynda maýyl, gündizlerine +34...+36o maýyldan +37...+39o aralygynda yssy bolar. Arçabilde: az bulutly howa bolup, demirgazyk-günbatardan gündogara ugruny üýtgedýän tizligi sekuntda 6-9-dan 9-12 metre ýetýän şemal öwser. Howa gijelerine +20...+22o-dan +23...+25o aralygynda maýyl, gündizlerine +33...+35o maýyldan +36...+38o aralygynda yssy bolar.

30 Awgust 2021

Ekologiýa

Siziň üçin duşuşyk Gülşirin Öwezmämmedowa

Ýerine ýetirýän aýdymlaryndaky ýakymly owaz ýaly mylaýymlyk, mähribanlyk Gülşiriniň ylhamdan pürepür dünýäsine mahsus. Onuň «Arkadag», «Watan», «Ýar onda aglar» ýaly aýdymlaryny sungaty söýüjiler uly höwes bilen diňleýärler. «Nebit-gaz» gazetiniň okyjylarynyň islegini nazarda tutup, Türkmenistanyň Prezidentiniň «Türkmeniň Altyn asyry» atly bäsleşiginiň ýeňijisi, «Türkmengaz» döwlet konserniniň Medeni-işewürlik merkeziniň aýdymçysy Gülşirin ÖWEZMÄMMEDOWA bilen söhbetdeş bolmagy müwessa bildik. — Gülşirin, söhbedimizi aýdym aýtmaga gelşiňizden başlaýalyň!

30 Awgust 2021

Medeniýet

Uky we saglyk

Howa, suw, iýmit ýaly adamyň ýaşaýşy üçin wajyp zatlaryň biri-de ukudyr. Sagdyn uky adama diňe bir dynç bermek bilen çäklenmän, eýsem, günüň dowamynda kabul edilen maglumatlary, wakalary, şeýle hem ýatlamalary seljermäge ýardam edýär. Biz gündelik durmuşda ruhy we fiziki taýdan ýadaýan wagtlarymyz bolýar, käbir beden agzalarymyzda agyrylar hem döräp bilýär, sagdyn uky bolsa şeýle säwlikleri ýeňip geçmäge ukyplydyr. Sagdyn uklamak üçin käbir düzgünleri berjaý etmek saglygymyzy goramak üçin örän ähmiýetlidir. Şol bir wagtda uklamak we oýanmak sagdyn ukynyň ilkinji düzgünidir. Bu ilki kyn ýaly görünse hem wagtyň geçmegi bilen endige öwrülýär. Netijede, siz uky wagtyňyzy gözegçilikde saklap bilersiňiz. Ýatýan otagyňyzyň we ýeriňiziň garaňky, ümsüm, salkyn we ýakymly bolmagyny gazanyň. Ýatylýan otagda elektronika enjamlarynyň işläp durmagy ukyny bozup bilýär. Şonuň üçin artykmaç goşlardan saplanmak oňat netijeleri berýär.

30 Awgust 2021

Saglyk

Hormatly Prezidentimiz dünýäniň iri gaz ýatagynda gaz guýularynyň gurluşygyna badalga berdi

Düýn, 23-nji awgustda Türkmenistanyň hormatly Prezidenti Gurbanguly Berdimuhamedowyň gatnaşmagynda Mary welaýatynyň Ýolöten etrabyndaky «Galkynyş» gaz käninde gaz guýularynyň gurluşygyna badalga bermek mynasybetli dabaraly maslahat geçirildi. Mälim bolşy ýaly, 2021-nji ýylyň iýulynda Türkmenistanyň Prezidenti Karara gol çekdi, resminama laýyklykda «Türkmengaz» döwlet konsernine aýratyn çylşyrymly guýularyň üçüsiniň gurluşygyna badalga bermek hem-de ulanmaga tabşyrmak barada «СNPС Сhuanqing Drilling Engineering Сompany Limited» (HHR) kompaniýasy bilen şertnama baglaşmaga ygtyýar berildi. Olaryň her biriniň gije-gündiziň dowamynda ortaça tebigy gazyň 3 million kubmetrine golaýyny bermegine garaşylýar. Taslamanyň möhleti 30 aý bolup, 2007-nji ýylda gol çekilen ylalaşyga laýyklykda, kompaniýanyň hyzmatlarynyň tölegi tebigy gazy üç ýylyň dowamynda Hytaý Halk Respublikasyna ibermegiň hasabyna amala aşyrylar.

23 Awgust 2021

Garaşsyzlyk

Abatlaýjylaryň ynamly gadamlary

Döwleti dolandyrmakdaky pähim-paýhasy, ýiti öňdengörüjiligi ählumumy ykrarnama eýe bolan milli Liderimiz ýurdumyzdaky ýataklardan nebiti çykarmakda döwrebap tehnologiýalary we usullary ulanmak arkaly «gara altynyň» ýeriň jümmüşinden alynýan mukdaryny ýokarlandyrmak, guýulary abatlamak we durkuny täzelemek işlerini öz wagtynda geçirmek, çig nebitiň gaýtadan işleýjilere bökdençsiz ugradylmagyny gazanmak babatda milli ykdysadyýetimiziň ýangyç-energetika toplumynyň öňünde belent wezipeleri goýýar. Milli Liderimiziň görkezmelerinden ugur alyp, Watanymyzyň ykdysady kuwwatyny täze belentliklere götermekde we çykarylýan uglewodorod çig mallarynyň möçberlerini artdyrmakda «Türkmennebit» döwlet konserniniň «Nebitgazçykaryş» trestiniň nebitgaz çykaryş müdirlikleriniň Balkan welaýatyndaky guýulary düýpli abatlaýyş toparlary hem netijeli işleri bitirýärler. Olar nebitgazly ojaklardaky önüm bermesini kemelden ýa-da bütinleý bes eden guýulary düýpli abatlap täzeden hatara goşmak bilen, Berkarar döwletimiziň bagtyýarlyk döwrüniň buýsanç bilen dowam edýän «Türkmenistan — parahatçylygyň we ynanyşmagyň Watany» ýylynyň geçen ýanwar-iýul aýlarynda tutuş konsern boýunça 96 müň 585 tonna derek 120 müň tonna golaý «gara altynyň» goşmaça çykarylmagyny üpjün etdiler. Bu gazanylan üstünlik konserniň degişli müdirlikleriniň guýulary düýpli abatlaýyş toparlarynyň döwrüň ösen talaplaryna mynasyp iş bilen jo

23 Awgust 2021

Garaşsyzlyk

Türkmen geologlary batly depgin bilen öňe barýarlar

«Türkmengeologiýa» döwlet korporasiýasy (öňki «Türkmengeologiýa» müdirligi, «Türkmengeologiýa» geologiýa-gözleg işleri boýunça önümçilik birleşigi) 1938-nji ýylyň 31-nji oktýabrynda Orta Aziýa geologiýa tresti ýapylandan soň döredildi. 1938-nji ýyla çenli ýurdumyzyň çäklerinde nebitgaz meýdançalary ýüzleý öwrenildi we tebigy baýlyklaryň aýry-aýry ýüze çykmalaryny hem-de şol wagt zerur bolan tebigy baýlyklaryň ýataklaryny özleşdirmek işleri geçirildi.

23 Awgust 2021

Ykdysadyýet

Ykdysady taýdan seljeriş işleriniň geçirilişi

(Başlangyjy gazetiň geçen sanynda) Önümçilik serişdeleriniň ekstensiw ulanylyşyny gowulandyrmak diýlende, bir tarapdan, kalendar döwründe hereket edýän enjamlaryň işiniň wagtynyň köpeldilmegi, beýleki tarapdan, kärhanada bar bolan hemme tehnologiýalaryň düzüminde hereket edýän enjamlaryň udel agramynyň ýokarlandyrylmagy göz öňünde tutulýar. Işlenen wagtyň köpeldilmegini içki çalşyk boş durmalary kemeltmek we ýok etmek, enjamlary abatlaýyş hyzmatlarynyň hilini ýokarlandyrmak, esasy önümçiligi işçi güýji, materiallar, ýangyç we beýleki serişdeler bilen gerekli wagtynda üpjün etmek, enjamlaryň bütin gün boş durmasyny gysgaltmak, çalşyklyk koeffisiýenti ýokarlandyrmak, enjamlaryň artykmaç sanyny kemeltmek we gurulmadyk enjamlary önümçilige tiz işe girizmek bilen gazanyp bolar.

23 Awgust 2021

Ylym

Süýji suwuň gözlegine bagyşlanan ömürler

Halkymyzyň asyrlarboýy suwa bolan arzuwyny hakykatdan amala aşyrmak işleri XX asyryň 40-njy ýyllarynda başlanýar. Garagum kanalynyň gurluşygy we Jeýhun suwunyň paýtagtymyz Aşgabada getirilmegi dünýä möçberinde iň iri gidrotehniki desgalarynyň biri boldy. 1950-nji ýyldan başlap baş türkmen kanalynyň köne Uzboý hanasy boýunça ilkinji göz öňünde tutulan ugrunda inžener-geologik we gidrogeologik işleri geçirilende, ägirt uly süýji suwuň barlygy bellenilýär. Döwlet ýolbaşçylarynyň we alymlaryň gelen netijesi esasynda kanalyň geçirilmeli ugry üýtgedilenden soň, ol işler gereksiz hasap edilýär. Emma alnan netijeler bilen içgin gyzyklanan gidrogeolog Nadežda Şewçenko hem-de toparyň başlygy Garaş Ýomudskiý tarapyndan ol işleriň dowam etdirilmeginiň wajyplygy subut edilýär. Netijede, Uzboý kenaryndaky Garagumuň astyndan süýji suwly köl tapylýar. Hünärmenler ony «Ýasga süýji köl linzasy» diýip atlandyrýarlar. Köl bu ugurdan işleýän dünýä alymlarynyň arasynda G.Ýomudskiniň beren «Garagumuň göwheri» ady bilen bellidir.

23 Awgust 2021

Taryh

Witaminler we saglyk

Witaminler beden üçin wajyp elementleriň biri bolup durýar. Olaryň hersiniň öz wezipesi we özboluşly täsiri bar. Derini ter we sagdyn saklamakda esasy hyzmaty ýerine ýetirýän witaminler barada durup geçeliň. Deriniň umumy ýagdaýyna jogap berýän witaminleri aýratyn bellemek gerek. Meselem, A witamini öýjükleriň täzeleniş prosesine gatnaşýar, derini berkitmek, düwürtikleri we ýagly örtükleri azaltmak işini amala aşyrýar. B1 witamini garramak prosesini haýalladýar, derini ýumşadýar we ownuk ýygyrtlary ýazýar. B2 witamini iýmit çalşygyny kadalaşdyrýar, täzelenmek prosesini ýola goýýar, sowuklamany we gijilewügi aýyrýar. B3 witamini fibroblastlary işjeňleşdirýär, düwürtikleri azaldýar, deriniň guratlygyny üpjün edýär. B5 witamini dikeldiş prosesine gatnaşýar, sowuklamany basýar, şikesleriň bitmegine ýardam edýär. B6 witamini iýmiti özleşdirmäge kömek edýär, artykmaç suwuklygyň çykmagyna ýardam berýär. B7 witamini ýagly kislotlaryň metabolizmine gatnaşýar, ýüzüň reňkiniň öwüşginli, deriniň berk bolmagynda ähmiýetli. B9 witamini antioksidant täsirli, aminokislotalaryň sintezine kömek edýär, düwürtikleri ýok edýär, pigmentasiýanyň öňüni alýar. B12 witamini derini kislorod bilen baýlaşdyrýar, onuň solmagynyň öňüni alýar. C witamini ýygyrtlary ýazýar, gan damarlaryny we kapillýarlary berkidýär. D witamini hem garramak prosesini haýalladýar, kollagenleriň sintezine gatnaşýar, madda

23 Awgust 2021

Saglyk

Türkmenistan boýunça 2021-nji ýylyň awgust aýynyň 23-29-y aralygynda hepdäniň dowamynda bolmagyna garaşylýan howa maglumaty

Aşgabatda: az bulutly howa bolup, demirgazyk-günbatardan tizligi sekuntda 7-9-dan 9-12 metre ýetýän şemal öwser. Howa gijelerine +21...+23o-dan +23...+25o aralygynda maýyl, gündizlerine +35...+37o-dan +37...+39o aralygynda yssy bolar. Arçabilde: az bulutly howa bolup, demirgazyk-günbatardan tizligi sekuntda 6-8-den 8-11 metre ýetýän şemal öwser. Howa gijelerine +20...+22-dan +22...+24o aralygynda maýyl, gündizlerine +34...+36o-dan +36...+38o aralygynda yssy bolar.

23 Awgust 2021

Ekologiýa

Garaşsyzlyk — halkymyzyň milli buýsanjy

Hormatly Prezidentimiziň öňdengörüjilikli baştutanlygynda «Döwlet adam üçindir!» diýen baş ýörelgä esaslanyp, ýurdumyzyň ösüş aýratynlygy we döwletimiziň ileri tutýan wezipeleriniň ählisi jemgyýetçilik ösüşiniň ýeke-täk maksadyna, ýagny adam hakyndaky alada gönükdirilýär. Adamy jemgyýetiň we döwletiň iň ýokary gymmatlygy hökmünde ykrar edýän ýurdumyzda adamyň we raýatyň hukuklaryna we azatlyklaryna hormat goýmak, ýaşaýyş-durmuş şertleriniň yzygiderli ýokarlanmagyny üpjün etmek milli demokratik ýolumyzyň esasy aýratynlygy, döwletimiziň döwrebap ösüşiniň baş maksadydyr. Umumadamzat pelsepesiniň iň bir arzyly gymmatlygy bolan Garaşsyzlyk halkyň, Watanyň barlygydyr. Halklaryň öz ykbalyny erkin kesgitlemäge bolan halkara hukugynda umumy ykrar edilen mizemez ýörelgesine esaslanyp, türkmen halky Garaşsyz döwlet boldy. Garaşsyz döwlet — munuň özi diňe bir özygtyýarlylygy we ykbalyňy erkin kesgitlemegi aňlatmak bilen çäklenmän, eýsem, dünýä bilen döwrebaplygy, milli mirasyň köklerine daýanmagy hem alamatlandyrýar.

16 Awgust 2021

Garaşsyzlyk

Ýangyç-energetika toplumyna iri maýa goýumlary

Berkarar döwletimiziň bagtyýarlyk döwründe hormatly Prezidentimiziň alyp barýan il-ýurt bähbitli, döwlet ähmiýetli beýik işleriniň netijesinde Türkmenistan döwletimiz günsaýyn ösýär, özgerýär we mukaddes Garaşsyzlygymyzyň şanly 30 ýyllyk toýuna zähmet üstünlikleri bilen barýar. Ýurdumyzyň depginli ösüşini üpjün etmek üçin nebitgaz senagatynyň kuwwatlyklaryny netijeli peýdalanmak hormatly Prezidentimiz Gurbanguly Berdimuhamedowyň durmuşa geçirýän syýasatynyň möhüm ugrudyr.

16 Awgust 2021

Ykdysadyýet

Watanyň egsilmez güýji-kuwwaty

Mukaddes Garaşsyzlygymyzyň şanly 30 ýyllygynyň golaýlap gelýän häzirki günlerinde Lebap welaýatynyň Çärjew etrabynyň çäginde kuwwatlylygy 432 megawat bolan täze gurulýan elektrik stansiýasynyň gurluşyk-gurnama işleri tamamlaýjy tapgyrda dowam edýär. Dünýäniň öňdebaryjy önüm öndürijileriniň ösen tehnologiýalaryna daýanýan häzirki zaman desgasynyň dabaraly ýagdaýda işe giriziljek güni indi uzakda däl. Ondaky işler ýurdumyzy senagatlaşdyrmak, Türkmenistany dünýäniň ösen ýurtlarynyň hataryna deňleşdirmek ugrunda ýadawsyz alada edýän hormatly Prezidentimiziň gol çeken Kararyna laýyklykda, Ýaponiýanyň «Sumitomo» kompaniýasynyň hünärmenleri we türkmen gurluşykçylary tarapyndan alnyp barylýar. Mundan birnäçe ýyl ozal, has takygy, 2014-nji ýylyň 6-njy maýynda hormatly Prezidentimiz Lebap welaýatyna amala aşyran iş saparynyň çäginde «Lebap» döwlet elektrik stansiýasynyň işine ak pata beripdi. Onuň kuwwatlylygy 149,2 megawata barabardyr. Şu taryhy wakadan iki ýyldan gowrak wagt soňra — 2016-njy ýylyň 7-nji iýulynda bolsa döwlet Baştutanymyzyň ak pata bermeginde Döwletli etrabynda kuwwatlylygy 254 megawat bolan «Watan» döwlet elektrik stansiýasy ulanylmaga berildi.

16 Awgust 2021

Ykdysadyýet

Kebşirleme işleriniň howpsuzlygyna bildirilýän talaplar

Ýurdumyzyň nebitgaz pudagynda uly, tutumly işler alnyp barylýar. Uglewodorod serişdelerini netijeli peýdalanmaklyga gönükdirilen Türkmenistan — Owganystan — Pakistan — Hindistan halkara gaz geçirijisinde hem-de ýokary tehnologiýa daýanyp, gazy, nebiti gaýtadan işläp, ondan taýýar görnüşindäki önümleri almakda alnyp barylýan işler oňa doly şaýatlyk edýär. Bu işleri amala aşyrmakda ulanylýan gurluşlaryň bökdençsiz işlemegini üpjün etmekde we gaz geçiriji ulgamda ulanylýan turbalary seplemekde kebşirleme işlerinden giňden peýdalanylýar. Kebşirleme işlerini takyk derejede ýola goýmakda, onuň ygtybarlylygyny ýokarlandyrmakda dürli çäreleriň göz öňünde tutulmagy bilen bir hatarda, kebşirleme işleriniň adam saglygyna ýetirýän zyýanynyň öňüni almakda hem aýdyň çözgütlere esaslanylýar. Kebşirleme işleri amala aşyrylanda kesimde, eretmekde we galaýylamada howa gurşawyna täsirini ýetirýän tozan bölejikleri, zyýanly gaz we bug bölünip çykýar. Meselem, gaz görnüşli ftorly birleşmeler, uglerodyň okisi, marganesiň ikili okisi, azodyň okisleri düzüminde bolan kebşirleme aerozoly we beýleki zyýanly maddalar bilen hapalanyp bilýär.

16 Awgust 2021

Ykdysadyýet

Nebitgazhimiýa önümleri — birža söwdalarynyň öňdebaryjylary

Ýurdumyzda öndürilýän önümleriň mukdaryny artdyrmak we eksport etmek hormatly Prezidentimiz Gurbanguly Berdimuhamedowyň yzygiderli durmuşa geçirýän Türkmenistanyň ykdysady syýasatynyň möhüm ugry bolup durýar. Ýurdumyzyň nebitgaz we himiýa senagatynyň kärhanalary şol wezipäniň çözülmegine mynasyp goşant goşýarlar. Munuň şeýledigini «Awaza» milli syýahatçylyk zolagynda geçirilen Merkezi Aziýa döwletleriniň Baştutanlarynyň Konsultatiw duşuşygyna bagyşlanyp guralan Merkezi Aziýa ýurtlarynyň milli önümleriniň halkara sergisi aýdyň görkezdi.

16 Awgust 2021

Ykdysadyýet

Toý sowgatlary saldamly bolar

Munuň şeýledigine müdirligiň agzybir gazçylary tarapyndan welaýatyň ilatyny we edara-kärhanalaryny milli baýlygymyz bolan gymmatly «mawy ýangyç» bilen bökdençsiz üpjün etmek hem-de daşary bazarlara çykarylýan tebigy gazyň üznüksiz akdyrylmagyny gazanmak ugrunda şu günler alnyp barylýan nusgalyk işleriň mysalynda-da aýdyň göz ýetirmek bolýar. Müdirlik baş gaz geçirijisiniň ugrunda ýerleşýän «Şatlyk», «Garagum», «Çöllük», «Ýylanly» we «Derýalyk» ýaly önümçilik edaralaryny, dürli ululykdaky gaz geçirijileriniň 4500 kilometrden gowragyny hem-de gaz sazlaýjy desgalaryň onlarçasyny özüne birleşdirýär. «Türkmenistan — parahatçylygyň we ynanyşmagyň Watany» ýylynda müdirligiň aýba-aý iş tabşyryklaryny talabalaýyk ýerine ýetirip gelýän öňdebaryjy zähmet köpçüliginiň biri-de welaýatyň Saparmyrat Türkmenbaşy etrabynyň çäginde ýerleşýän «Derýalyk» önümçilik edarasydyr. Bu edara «Döwletabat — Derýalyk» halkara gaz magistralynyň demirgazykda ýerleşýän iň soňky gaz gysyjy desgasydyr. Bu ýere onuň gündogar-günortasynda ýerleşýän «Ýylanly» önümçilik edarasyndan gelen gymmatly «mawy ýangyç» gaýtadan işlenip, arassalanyp, guradylyp, halkara hil derejesinde daşary bazarlara ugradylýar. Şanly Garaşsyzlygymyzyň 30 ýyllyk taryhy senesiniň barha golaýlaşmagy bilen emele gelen ýokary zähmet galkynyşy bolsa edaranyň her bir işgäriniň ruhuna ruh goşup, olary rowaçlyklaryň täzeden-täze belentlikleri

16 Awgust 2021

Garaşsyzlyk

Ykdysady taýdan seljeriş işleriniň geçirilişi

Döwletimiziň ykdysadyýetini ösdürmekde esasy ugurlaryň biri ýangyç-energetika pudagy bolup durýar. Kärhanalarda nebitgaz çykarylyşynyň özüne düşýän gymmatyny peseltmegiň önümçiligiň ösüş faktory bolup durýanlygy wajyp bolup, olarda tehniki-ykdysady taýdan seljeriş işlerini geçirmegiň zerurdygyny ýüze çykarýar. «Türkmennebit» döwlet konserniniň «Nebitgazylmytaslama» institutynyň Ykdysady barlaglar laboratoriýasy tarapyndan «Nebitgazçykaryş» trestiniň nebitgaz çykaryş müdirlikleriniň işleri boýunça seljeriş işleri yzygiderli geçirilýär.

16 Awgust 2021

Ykdysadyýet