"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Garaşsyzlyk: Taryhyň bagtyýar döwri

Garaşsyzlyk baýramy — toý-baýramlaryň seresi, ol il-ýurduň sowulmaz ýaz ýaly bagtynyň güwäsi. Bu baýramçylygy her ýyl uly dabaralar bilen belleýäris. Bu ýyl bolsa ony «Türkmenistan — parahatçylygyň we ynanyşmagyň Watany» ýylyndaky garşy alşymyz has-da üýtgeşik. Sebäbi bu ýyl mukaddes Garaşsyzlygymyza 30 ýyl dolýar. Garaşsyzlyk ýyllarynda hasyl bolan asuda ýaşaýşyň, erkana zähmetiň we abadan ösüşleriň ýakymy il-ýurt bagtyýarlygynyň binýady bolup, göwnümize ganat berýär. Bu gün Garaşsyzlygyň eçilýän miweleri il ykbalynyň asyl manysyna öwrüldi. Gahryman Arkadagymyz sanlyja ýylyň içinde Garaşsyz ýurdumyzy ösüşleriň täze belentliklerine çykardy. Ýurdumyzyň paýtagty, ähli etrap-şäherlerimiz, obalarymyz tanalmaz derejede özgerdi. Täze taryhy eýýamda hormatly Prezidentimiziň parasatly baştutanlygynda bagtyýarlyk, parahatlyk mukamy sazlaşykly hem-de belentden-belent ýaňlanýar.

20 Mart 2021

Garaşsyzlyk

Sag bol, eziz Arkadag!

Waspyn edip WatanyňBu gün saýraýar dilim.Garaşsyz, gül DiýardaŞat geçýär aýym-günüm. Ösýäris, boý alýarys,Zamana owaz goşup.Göýä bagyň bilbili,Saýraýyp, heňler joşup.

20 Mart 2021

Garaşsyzlyk

«Güneşiň» ýürek arzuwlary

Zeminiň zynaty, eziz eneler! Siz — dünýäsi gülden görkli, zybany bal-şerbetli, ýüreklerdäki ornuny hiç kim dolduryp bilmejek, iň mähriban ynsanlarsyňyz! Gün öz howruny mähriňizden, tebigat asyl gözelligini keşbiňizden alýar. Mylaýym ýeller siziň hoşgylawlygyňyzy, bereketli toprak siziň sahylygyňyzy gaýtalamak isleýär. Ak garlar arzuwyňyzdan, läle-reýhanly meýdanlar ýaşaýşa bolan hyjuwyňyzdan reňk alýar. Eý, jennet aýaklarynyň astynda diýlen eziz eneler, siziň her sözüňizde perzent göwnüne ganat bitirýän gudratly güýç bar. Siz — bu dünýäniň altyn-zerden zyýada ruhy baýlygyny gyzgyn ýüregiňizde jemleýän mähriban käbelerimiz! Siz — adamzat ýaşaýşynyň beýik manysy, güýç-kuwwaty, görki hem durkusyňyz! Goý, nesil dowamatyny bar edýän ene gudraty siziň bilen baky berkligini gorasyn. Goý, ene gujagynda, ata ojagynda ösüp, kemala gelen perzentler ene süýdüni yhlas bilen haklap, Watan duzuna her demde wepaly bolsunlar. Siziň barlygyňyzda asmanymyz asuda, durmuşymyz abadan, dünýämiz ala-ýaz bolsun! Bu gün siziň baýramyňyz, eziz eneler! Baýramyňyz gutly bolsun! Gahryman Arkadagly asuda Watanda saglyk hem göwün hoşlugy bilen uzak ýaşaň, mähribanlar! ***

20 Mart 2021

Garaşsyzlyk

Adyň aýdym, Aşgabadym!

Aşgabat agşamy — asmany Aýly agşam. Öz ýanymdan geçeniň, geljegiň pikirini öwrüp, ähli amatlyklary bolan köp gatly ýaşaýyş jaýynyň on birinji gatynda ýerleşýän öýümiziň penjiresiniň öňünde durup, paýtagtymyzy — merjen şäherimiz Aşgabady synlaýaryn. Diňe töwerege däl, hatda nurly asmana-da ýalkymy düşýän müňlerçe, belki-de, millionlarça çyra bu şäheri lagly-merjenden, dür hem göwherden gaş goýlup ýasalan äpet gülýaka meňzedýär. Gudrat diýibem şuňa aýdaýsaň!

20 Mart 2021

Garaşsyzlyk

Garaşsyzlyk — bagtymyz

Mukaddes Garaşsyzlyk 1991-nji ýylyň altyn güýzünde halkymyzyň alnyndan ak Gün bolup dogdy. Bu ajaýyp senä çenli türkmen halky öz dogduk topragynda erkanalyk mukamynyň eşidilip durmagyny ençe asyrlap küýsäpdir. Olar dana Magtymguly atamyzyň söz açan ajap eýýamynyň gelmegi üçin asyrlarboýy garaşyp, göreşip ýaşapdyr. Kerwen gurap geçen asyrlarda, ýyllarda edilen arzuw-dilegler diňe şol güýz gününde hasyl boldy. Gahryman Arkadagly agzybir halkymyz «Türkmenistan — parahatçylygyň we ynanyşmagyň Watany» diýen şygar bilen dowam edýän şu ýyl şanly Garaşsyzlygymyzyň — erkanalyk bagtymyzyň 30 ýyllyk baýramyny toýlaýar. Onuň ýakymy ýüreklerimize buýsanç, göwnümize ylham eçilýär. Neneň şeýle bolmasyn?! «Garaşsyzlyk» diýen ýekeje sözüň özi azat-erkinlik bilen ýetilýän bagtly ykballary, il-ýurt ösüşlerini, zähmet ýeňişlerini öz içine alýar. Şeýle hem, il-ýurdumyzyň şu günki bagtyýarlygyny, bedew batly gadamlaryny we dünýäde parahatçylygy pugtalandyryjy başlangyçlaryny älem-jahana ýaýýan ýaşyl Baýdakly bolmagymyz hem Garaşsyzlygyň miwesi. Berkarar döwletimiziň bagtyýarlyk döwri Garaşsyzlygymyzyň şanyna şan, şöhratyna şöhrat goşdy. Gahryman Arkadagymyzyň saýasynda abraý-mertebesi dünýä dolan berkarar Watanymyzy şirin jandan ezizläp, mukaddes Garaşsyzlygyň gazananlaryny goramak, ýeňişlerine goşant goşmak — Watan perzentleri bolan biziň mukaddes borjumyzdyr. Goý, Garaşsyz, baky Bitarap döwletimi

20 Mart 2021

Garaşsyzlyk

2021-nji ýyl — Halkara parahatçylyk we ynanyşmak ýyly

Nazary Bidel Wahid Nazar — Seýitnazar Seýdi adyndaky Türkmen döwlet mugallymçylyk institutynyň Türkmen dili we edebiýaty fakultetiniň talyby. Ol ylym-bilime yhlasly bolşy ýaly, şygryýetiň hem aşygy. Goşgularynda ata Watany, Gahryman Arkadagymyzyň peşgeş berýän bagtyýarlygyny, dost-doganlyk ýollaryny, beýik sahawatyny wasp etmegi halaýar. Ol Owganystanyň Farýab welaýatynyň Andhoý şäherinde doglup, şol ýerde önüp ösen türkmen doganlarymyzyň biri. Häzirki wagtda mähriban Arkadagymyzyň sahawatly syýasatynyň saýasynda ýokary bilim alýar. Ol daşary ýurt dillerini öwrenmäge hem höwesli. Ene diliniň daşyndan iňlis, türk, pars, hindi, özbek dillerini bilýär. Biz žurnalymyzyň şu sanynda zehinli talyp Nazary Bidel Wahid Nazaryň goşgularyny okyjylarymyza hödürleýäris. Gutly bolsun Garaşsyzlyk baýramy!

20 Mart 2021

Garaşsyzlyk

Magtymguly Pyragynyň nakyla öwrülen setirleri

Bir suprada taýýar kylynsa aşlar,Göteriler ol ykbaly türkmeniň. ***

20 Mart 2021

Edebiýat

Döwrüň geldi

Şygyrlaryň dünýäň akyl çeşmesi,Bu gün seniň döwrüň geldi, Pyragy!Senden gözbaş alar ylham joşmasy,Bu gün seniň döwrüň geldi, Pyragy! Garagöz iliňi, ýurdy, gör, indi, Berkarar eýleýen Howandar geldi, Bäş welaýat bir suprada jemlendi, Bu gün seniň döwrüň geldi, Pyragy!

20 Mart 2021

Garaşsyzlyk

Goşgular çemeni

Garaşsyzlyk aýdymy Garaşsyz ýurt dünýä içre şöhratly,Topragy mizemez, miwesi datly,Geljege barýarys ynamly, batly,Ak ýollarda bagt çyragyn ýakany,Türkmenistan — parahatçylygyňwe ynanyşmagyň Watany.

20 Mart 2021

Garaşsyzlyk

Çaga kalbynyň owazy

Bahar baýramy Bahar howasyGöwnüňi açýar.Kebelek baryÇar ýana uçýar.

20 Mart 2021

Edebiýat

Wepadarlyk (Hekaýa)

Türkmenistanyň Prezidenti Gurbanguly BERDIMUHAMEDOW: — Türkmen alabaýlary wepalylygyň, edermenligiň, sagdynlygyň ýaranydyr.

20 Mart 2021

Edebiýat

Kim nähili kömek edýär? (Hekaýa)

Bir-birege, umuman, adamlara ýagşylyk islemek, kömek etmek we goldaw bermek barada mugallymlarymyz, ata-enelerimiz öwüt-ündew berýärler. Bir gezek synpymyzda bolup geçen waka bize uly sapak boldy. Mugallym sapak geçip otyrka, okuwçylara duýdansyz şeýle sowal berdi:

20 Mart 2021

Edebiýat

Bahar pasly (Oýlanma)

Bahar! Ýaşyl ýaşaýşyň, al-elwan sähra gülleriniň gözelligini äleme ýaýýan bahar! Heý-de, bu pasly gowy görmeýän barmyka?! Megerem, ýok bolsa gerek. Joşgunly bahar pasly özüniň gelşini Gögi gümmürdedip, öýlänçi ýagşyny şybyrdadyp duýdurýar. Asmandaky bulutlar uzak gözýetimden örüp gelýän dowar sürüsi ýaly, şadyýanlyk bilen göç edýärler. Şeýle pursatlarda kalbyň heýjana gelýär-de, şahyr Halyl Kulyýewiň «Bahar buşlukçysy» atly goşgusyny biygtyýar ýatlaýarsyň: Gaýalaryň gary eräp bireýýäm, Pyntyklady pisse bilen badamlar.Bahar ýeli aýnalary kakyp ýör,Bahar gelýär, bahar gelýär, adamlar!

20 Mart 2021

Tebigat

Mähir ojagy

Islendik ugurda gowy netije gazanmak, ilki bilen döredilýän mümkinçiliklere bagly. Çagalaryň arasynda geçirilýän dürli bäsleşikleriň her ýyldaky ýeňijileriniň arasynda Birleşen Arap Emirlikleriniň Prezidenti Şeýh Zaid bin Sultan Al-Nahaýýan adyndaky Döwletliler köşgüniň ýaşlarynyň hem bolmagy, ol ýerdäki köptaraplaýyn giň şertlerden ruhlanyp, alnyp barylýan joşgunly zähmetiň subutnamasydyr. Muňa ýakynda şol ýerde myhmançylykda bolanymyzda ýene bir ýola göz ýetirdik. 300-e golaý çaga terbiýelenýän bu köşgüň 2009-njy ýylda ozalky binalarynyň durky täzelenip, goşmaça döwrebap binalar bilen üsti ýetirildi. Ilki bilen, köşgüň baş binasynda ýerleşýän otaglaryna, kitaphana, muzeýe aýlanyp gördük. Gahryman Arkadagymyzyň jöwher zehininden dörän eserleri, çeper hem halk döredijiligine degişli kitaplar, daşary ýurt dilindäki çeper eserler, köşgüň uçurymlarynyň sünnäläp döreden dürli ölçegdäki nakgaş eserleriniň, ýaşajyk fotosuratçylarynyň düşüren baý many-mazmunly suratlarynyň diwarlary bezäp durmagy ýakymly duýgulary bagyşlady.

20 Mart 2021

Medeniýet

Bahar geldi ilime

Akja güller açylypdyr meýdanda, Läle reýhan bahar geldi ilime.Kalbym joşýar owlak-guzy oýnanda,Läle reýhan bahar geldi ilime. Göwünlere bagyş edip gül-çemeni,Daglar, düzler garşy alýar geleni,Gazanlarda bugaryp dur semeni,Läle reýhan bahar geldi ilime.

19 Mart 2021

Garaşsyzlyk

Arkadagymyz bilen bagtly biz!

Ajap döwürde,Bagtly çaga biz.Şadyýan geçýär,Her bir çagymyz. Okap öwrenýäs,Ähli zatlary.Dost tutunýarysKitaplarmyzy.

19 Mart 2021

Garaşsyzlyk

Ýaş zehinleriň ylham joşguny

Zehinli ýaşlar — Watanymyzyň guwanjy. Olaryň döredijiliginde döwrümiziň beýik ösüşleriniň belentden wasp edilmegi eşretli zamanamyzyň bagyşlaýan ylham joşgunydyr. Muňa şu ýylyň şanly baýramçylyklary mynasybetli döwlet hem-de halkara derejesinde geçirilen amaly-haşam hem-de surat çekmek bäsleşiklerinde ýeňiji bolan ýaşlaryň döredijiliginden hem göz ýetirip bolýar.

19 Mart 2021

Medeniýet

Ýaşajyk suratkeşleriň sergisi

«Güneş» žurnalynyň redaksiýasyna Garaşsyz, baky Bitarap Diýarymyzyň ýaşajyk suratkeşleriniň çeken surat eserleri yzygiderli gelip gowuşýar. Ýaşajyk döwürdeşlerimiziň nakgaşçylyk sungatyna bolan höwesi, olaryň döredýän ajaýyp eserlerindäki gözellik bagtyýar balalaryň zehin hem ukyp-başarnyklaryndan habar berýär. Žurnalymyzyň şu sanynda okyjylarymyzy Aşgabat şäher Medeniýet müdirliginiň 2-nji çagalar çeperçilik mekdebinde okap, bilim alýan ýaşajyk suratkeşlerden gelen surat eserleri bilen tanyşdyrmagy makul bildik.

19 Mart 2021

Medeniýet

Top (Körpeler üçin sahna)

Gatnaşýarlar: Adyl — 6-njy synpyň okuwçysy.Janmyrat — onuň jigisi, 4-nji synpyň okuwçysy.Emin — Adylyň dosty, synpdaşy.Enesi.

19 Mart 2021

Maşgala

Nowruz milli oýunlary

Türkmen halkynda Nowruz däpleri bilen bagly birnäçe milli oýunlar bar. Aslynda, toý-baýramlaryň şatlyk-şagalaňy, oýundyr ýaryşlary ýaşaýyş durmuşyň şatlygyny artdyrmagyň, iş-aladalary wagtlaýynça ýatdan çykaryp, gyzykly dynç almagyň bir görnüşidir. Şoňa görä-de, her bir türkmen toýunda bolşy ýaly, halkara Nowruz baýramynda hem ýörite taýýarlanylýan toý naharlary, geýilýän toý lybaslary, geçirilýän tomaşalardyr milli oýunlar, ýaryşlar, bäsleşikler adamlaryň ruhuny göterýär. Bu baýram bilen aýrylmaz baglanyşygy bolan halk oýunlarynyň taryhy kökleri gadymyýetden gaýdýar. Mähriban çagalar, biz hem size öz gözbaşyny merdana pederlerimiziň — gadymy oguz-türkmen kowumlarynyň medeni däplerinden alyp gaýdýan käbir Nowruz milli oýunlary barada gürrüň bermekçi. Aşyk oýny — «Tänderdi». Nowruz we beýleki milli baýramçylyklarda oglanjyklar tarapyndan oýnalýan aşyk oýny şüweleňli milli oýunlarynyň biridir. Aşyk oýny üçin ownuk we iri şahly mallaryň aşyk süňkleri saýlanyp alynýar. Uly aşyk süňküne «topaz», has kiçijik aşyk (guzy aşygy) süňküne bolsa «müji» diýlipdir. Aşygyň dört tarapynyň hersine özboluşly at berlipdir: aşaky giň aýlawly tarapyna «alçy» (at), ýasy tarapyna «tagan» (eşek), gapdalky çökgüt tarapyna «jikge», beýleki galybrak duran tarapyna bolsa «dükge» diýilýär. Oglanjyklar aşygyň jikge tarapyny köwüp, içine gurşun guýýarlar we ony «kenek» diýip atlandyrýarlar. Ken

19 Mart 2021

Miras