"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Ýaşaýşyň dowamat-dowamy, bugdaý!

31-nji maýda geçirilen Türkmenistanyň Ministrler Kabinetiniň mejlisinde hormatly Prezidentimiz ýurdumyzyň azyk bolçulygyny artdyrmakda saldamly goşant goşýan gallaçy daýhanlarymyzyň tutuş ýylyň dowamynda çeken asylly zähmetleriniň miwesi bolan galla oragyna Ahal, Mary, Lebap welaýatlarynda 7-nji iýunda, Balkan, Daşoguz welaýatlarynda bolsa 14-nji iýunda başlanmagyna ak pata berdi. Döwlet Baştutanymyzyň beren ak patasyndan ruhlanan gallaçy daýhanlarymyz geçen hepdäniň anna güni ýurdumyzyň üç welaýatynda il sylagly ýaşulularyň «Bismillasy» bilen, galla oragyna girişdiler. Biz hem galla oragyna badalga berliş dabarasyna gatnaşan ildeşlerimiziň birnäçesiniň ýürek buýsançlaryny okyjylara ýetirýäris.

11 Iýun 2024

Oba hojalyk

Döwrebap halkalaýyn energoulgamy

Häzirki zaman adamzat ýaşaýşyny elektrik energiýasyz göz öňüne getirmek mümkin däl. Bu ulgamda amala aşyrylýan özgertmeler Gahryman Arkadagymyzyň bitewi halkalaýyn energoulgamy döretmek boýunça başyny başlan giň gerimli işleriniň döwrebap ösdürilýändiginiň ýene bir subutnamasyna öwrüldi. Milli we halkara ähmiýetli bu ägirt uly taslamany durmuşa geçirmegiň ilkinji tapgyry 2021-nji ýylyň oktýabrynda üstünlikli işe girizilen Ahal — Balkan ugry boýunça ýokary woltly howa elektrik geçirijisiniň gurluşygy boldy. Soňra Mary — Ahal ugry boýunça elektrik geçirijisiniň gurluşygy hem gysga wagtda tamamlanyp, 2023-nji ýylyň noýabrynda ulanmaga berildi. Ynha, geçen hepdäniň çarşenbe güni bolsa ýurdumyzyň energetika halkasynyň üçünji bölegi Balkan — Daşoguz ugry boýunça täze elektrik geçirijisi işe girizildi.

11 Iýun 2024

Ykdysadyýet

Ylmyň mümkinçilikleri ýokarlandyrylýar

Sowatlylyga, ylym-bilime sarpa goýýan halkymyzyň nusgalyk ýörelgeleri ýaş nesliň ylym ýolundaky üşük-zehininiň ýitelmegine itergi berýär. Watanymyzda Arkadagly Gahryman Serdarymyzyň baştutanlygynda milli bilim ulgamyny kämilleşdirmekde, ägirt uly ylmy mümkinçilikleri bolan giň dünýägaraýyşly we täzeçil tehnologiýalary dolandyrmaga ukyply, maksadaokgunly, ýokary hünärli ýaşlary terbiýeläp ýetişdirmekde ähli zerur şertler döredilýär. Hormatly Prezidentimiziň «Türkmenistanda ylym ulgamyny kämilleşdirmek hakyndaky», «Türkmenistanyň Ylymlar akademiýasynyň işi hakyndaky», «Türkmenistanyň Ylymlar akademiýasyny döretmek hakyndaky» Karardyr Permanlary, şeýle-de «Ylmy işgärleriň hukuk ýagdaýy hakyndaky» Türkmenistanyň Kanuny ýurdumyzda ylym ulgamynyň netijeli ösdürilmeginiň berk binýady boldy. Türkmenistanyň Ylymlar akademiýasynyň düzümindäki ylmy edaralarda, ýokary okuw mekdeplerinde aspiranturalaryň, doktoranturalaryň, kliniki ordinaturalaryň açylyp, hormatly Prezidentimiziň parasatly baştutanlygynda ylmyň ileri tutulýan ugurlary boýunça ýokary derejeli, ylmy taýdan taýýarlykly hünärmenleri ýetişdirmek işleriniň ýola goýulmagy hem täze ösüşlere itergi berýär. Ýurdumyzda öňdebaryjy daşary ýurt tehnologiýalarynyň önümçilige, ylym-bilim ulgamyna we beýleki ugurlara ornaşdyrylmagy aýdanlarymyzyň subutnamasydyr. Hormatly Prezidentimiz döwrüň ösen talaplaryndan ugur alyp, ýurdumyzda ylmyň tä

11 Iýun 2024

Ylym

Şöhratly ahalteke bedewleri

Häzirki wagtda ahalteke bedewlerini ylmy taýdan öwrenmek giň gerime eýe bolýar. Ahalteke atlary daşky görnüşi boýunça ýatdan çykmajak täsir döredýär. Bu atlar özboluşly syn-sypaty, tohum arassalygy, ýyndamlygy we owadanlygy bilen tapawutlanýarlar. Ahalteke atlary oýnaklap duran alma gözlüdir, maňlaýy giňdir, keýerjekläp duran gamyşgulaklydyr. Ahalteke atlarynyň döş kapasasynyň göwrümi uly, arkasy, bili uzyn bolýar. Sagrysy uzyndan ýapgyt. Olarda üns berilmeli syna agzalarynyň biride aýaklarydyr. Ahalteke atlaryna süňki inçeden uzyn aýaklylyk häsiýetlidir.

11 Iýun 2024

Miras

Türkmen silkme telpekleri

Ýurdumyzda başy silkme telpekli ýaşululary, ýaş ýigitleri göreniňde milliligimize bolan buýsanjyň has-da artýar. Telpekler senetçi halkymyzyň maldarçylykdan alýan iň arzyly önümleriniň biridir. Asyrlaryň dowamynda onuň asyl durky üýtgedilmän, şu günlere çenli saklanyp gelipdir. Halkymyzyň telpege bolan garaýşy hem-de hormaty juda uludyr. Muňa onuň bilen baglanyşykly dörän dürli däp-dessurlar, düşünjeler, nakyllardyr atalar sözi anyk mysal bolup biler. Telpek uly adamlar bilen bir hatarda çagalara hem geýdirilipdir. Telpek çagalary sowukdan, yssydan goramakda uly ähmiýete eýe bolupdyr. Telpekçi ussalaryň maňlaý derini siňdirip, tokludyr guzularyň derisinden taýýarlaýan, buýralary seçelenip duran silkme telpeklerini tikmek irginsizligi, zähmetsöýerligi talap edýär. Olar maşgalasyna wepaly, dogumly we gaýratly türkmen ýigitlerini has-da nazarkerde görkezýär. Atalarymyz telpekleri diňe bir başgap hökmünde görmän, eýsem, erkek kişileriň mertebesi, at-abraýy bilen baglanyşdyrypdyrlar.

11 Iýun 2024

Miras

Gowaçalarda hatarara bejergi işleri

Ýurdumyzy durmuş-ykdysady taýdan ösdürmegiň Milli maksatnamasynda azyk bolçulygyny döretmek üçin esasy oba hojalyk ekinleri bolan bugdaýyň, gowaçanyň, gök we bakja ekinleriniň, miweli baglaryň bol hasylyny ösdürip ýetişdirmäge hem-de maldarçylyk önümleriniň mukdaryny artdyrmaga uly ähmiýet berilýär. Gowaçadan ýokary pagta hasylyny almak üçin esasy agrotehniki çäreler, ýagny gämikler gögerip çykandan soň, hatarara bejergi işleri geçirilýär. Gowaçadan doly gögeriş alnandan soň ilkinji hatarara bejergi işleri geçirilýär, toprak ýumşadylýar.

11 Iýun 2024

Oba hojalyk

Şygryýet älemi

AK BUGDAÝLY AJAP DÖWÜR Işiň şowly bolsun, gallaçy daýhan,Edermen sen, gaýratly sen, merdana.Arly ýylky çeken zähmetiň bilen,Nur çaýyldy ak bugdaýly meýdana.

11 Iýun 2024

Edebiýat

Kürtekçe, kirlik

Maşgalada çaga dünýä inenden ene-mamalarymyz oňa geýdirjek eşiklerini ýagşy arzuw bilen tikipdirler. Bäbek kyrk çileden çykandan soň, 3 – 4 ýaşaýança oňa kürtekçe, kirlik geýdiripdirler. Kürtekçe – çagalaryň egnine geýýän eşigi bolup, ol dikligine dürli görnüşli mata bölejiklerden gurnalyp, işliklenip tikilýär.

11 Iýun 2024

Miras

Ýaşyl ganatly (Hekaýa)

Oba ýerinde ulalyp, kemala gelseň, guşçulyk, maldarçylyk, ekerançylyk bilen bagly ýagdaýlardan üzňe ýaşap bolmaýar. Bu meniň durmuşymda-da şeýle boldy. Obamyzda her öýde diýen ýaly towukdyr towşanam, goýun geçidir mal-garada saklanýardy. Aýratyn hem goňşymyz Täzegül gelneje bilen ejemiň towuk saklaýşy hiç kimiň çeni-çaky däldi. Ejem hindi guşunyň jüýjelerini bazardan getirip, idedip başlan gününiň ertesi Täzegül gelneje-de hindi guşunyň jüýjelerini satyn alyp, jüýje ketegini doldurdy. Şeýde-şeýde ejem ördek köpeltse, ördek aldylar, gaz alsa-da, gaz satyn aldylar. Garaz, bu iki hojalygyň howlusynda towuk ketekleriniň sany-da, tutýan meýdany-da artyberdi. Bir gün ejem bazardan ap-akja towukdan ýigrimä golaýyny getirdi-de, täze guran ketegine saldy. Bar belanyň başy hem şundan başlandy. Gün öýle boluberende, Täzegül gelneje daşky işigiň öňüne gelip, ejemi çagyrdy:

11 Iýun 2024

Edebiýat

Taýýarlyklar ýokary derejede

Boldumsaz etrabynyň gallaçylary geçen ýylyň güýzünde 22 müň 500 gektar ýerde bugdaý ekip, ýetişdirilen hasyldan şu ýyl 41 müň 550 tonna däne almagy maksat edinýärler. Etrabyň oba zähmetkeşleri şu asylly maksada ýetmek üçin möwsüme ýokary taýýarlyklar bilen barmagyň we galla oragyna guramaçylykly girişmelidigine oňat düşünýärler. Şeýle bolansoň, häzirki wagtda Boldumsaz etrabynyň «Obahyzmat» önümçilik kärhanasynda däne orujy kombaýnlaryň 49-sy irgözinden taýýar edilip, olar tejribeli mehanizatorlara berkidildi. Elewatorlardyr kabul ediş nokatlary möwsüme doly taýýarlyk ýagdaýyna getirildi, galla hasylyny daşamaga gatnaşdyryljak awtoulaglaryň sany hem kesgitlenildi. Etrabymyzyň jemgyýetçilik guramalary bilen bir hatarda Türkmenistanyň Agrar partiýasynyň Boldumsaz etrap komitetiniň işgärleri gallaçy kärendeçileriň arasynda bolup, olaryň armasyny ýetirip, höweslendiriş çärelerini geçirmäge meýilleşdirýärler. Jogapkärli möwsümiň dowamynda geçiriljek şeýle çäreleriň däne oragynyň depginine oňyn täsirini ýetirip, kärendeçileri zähmet üstünligine ruhlandyrjakdygyna ynanýarys.

11 Iýun 2024

Oba hojalyk

Türkmenistan – sagdynlygyň we ruhubelentligiň ýurdy

3-nji iýunda asylly däbe görä, ýurdumyzda Bütindünýä welosiped güni bellenildi. Birleşen Milletler Guramasynyň senenamasynda mynasyp orun eýeleýän bu halkara baýram mynasybetli paýtagtymyzda geçirilen köpçülikleýin welosipedli ýörişe hormatly Prezidentimiz gatnaşdy. Baýramçylyk mynasybetli guralýan welosipedli ýörişiň badalga alýan ýeri bolan Çandybil şaýoly bilen Bekrewe köçesiniň çatrygynda ýerleşýän «Welosiped» binasy Aşgabadyň özboluşly desgalarynyň biridir. Bu gezekki köpçülikleýin welosipedli ýörişe Mejlisiň Başlygy, Hökümet agzalary, ministrlikleriň we pudaklaýyn dolandyryş edaralarynyň, şäher häkimliginiň, jemgyýetçilik guramalarynyň, ýokary okuw mekdepleriniň, köpçülikleýin habar beriş serişdeleriniň ýolbaşçylary, daşary döwletleriň we halkara guramalaryň ýurdumyzdaky diplomatik wekilhanalarynyň ýolbaşçylarydyr wekilleri hem gatnaşdylar. Şolaryň hatarynda Döwletliler köşgünde terbiýelenýänler, Ýaş olimpiýaçylary taýýarlaýyş mekdebiniň, umumybilim berýän mekdepleriň okuwçylary, Türkmenistanyň welosport boýunça ýygyndy toparynyň türgenleri, talyplar, jemgyýetçilik wekilleri-de bar.

4 Iýun 2024

Syýasat

Türkmenistanyň Prezidenti Serdar Berdimuhamedowyň sport barada aýdanlaryndan:

— Bütindünýä welosiped güni dostlugyň, parahatçylygyň, sportuň hem-de ynsanperwerligiň belent ýörelgelerini dabaralandyrýan, jemgyýetimiziň agzybirligini, jebisligini alamatlandyrýan baýram hökmünde milli senenamamyzda aýratyn orun tutýar. * * *

4 Iýun 2024

Syýasat

Garaşsyz, hemişelik Bitarap Türkmenistanyň daşky gurşawy goramak ulgamynyň işgärlerine we ýurdumyzyň halkyna

Hormatly daşky gurşawy goramak ulgamynyň işgärleri!Eziz watandaşlar! Sizi giňden bellenilýän Daşky gurşawy goramagyň bütindünýä güni bilen tüýs ýürekden gutlaýaryn.

4 Iýun 2024

Syýasat

Ynsanperwer ýörelgeler döwrebap ösdürilýär

Berkarar döwletimizde nurana geljegimiz bolan ýaş nesilleriň sagdyn ösüp-ulalmaklary üçin ägirt uly işler durmuşa geçirilýär, olar hakda bimöçber alada edilýär. Munuň şeýledigine 30-njy maýda türkmen halkynyň Milli Lideri, Türkmenistanyň Halk Maslahatynyň  Başlygy Gurbanguly Berdimuhamedowyň Arkadag şäherine iş saparyny amala aşyryp, şäheriň gurluşygynyň ikinji tapgyrynda bina edilmegi meýilleşdirilýän dürli maksatly desgalaryň taýýarlanylan taslamalary, binalaryň bezeg aýratynlyklaryna degişli serişdeleriň görnüşleri bilen tanyşmagy hem aýdyň şaýatlyk edýär. Şol gün Gahryman Arkadagymyz Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ştab-kwartirasynda iş maslahatyny hem geçirdi. Gahryman Arkadagymyz bu ýerde şäheriň gurluşygynyň ikinji tapgyrynda bina edilmegi meýilleşdirilýän dürli maksatly desgalaryň taýýarlanylan taslamalary bilen tanyşdy. Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow hem-de Arkadag şäheriniň häkimi G.Mämmedowa taýýarlanylan taslamalar, olaryň özboluşly aýratynlyklary, gurulmagy teklip edilýän desgalar barada hasabat berdiler.

4 Iýun 2024

Syýasat

Welosiped sürmek — sagdyn ýaşaýşa badalga

Dünýä döwletleriniň hem-de halklarynyň ykdysady we durmuş taýdan ösüşini ýokary derejede üpjün etmek üçin daşky gurşawy goramak, onuň arassalygyny gazanmak gönüden-göni ilkinji zerurlykdyr. Munuň üçin ulaglaryň daşky gurşawa edýän zyýanly täsirini azaltmak hökmanydyr. Şu nukdaýnazardan, dünýäde welosiped sportuny ösdürmek babatdaky tagallalar giň gerime eýe bolýar. Bu ulag iň elýeterli, amatly hem-de ekologiýa taýdan arassa hasaplanylýar. Welosiped sürmek daşky gurşaw üçin zyýansyzdyr. Şonuň üçin bu ulagy has giňden durmuşa ornaşdyrmak maksady bilen, welosiped köpçülikleýin öndürilýär we ulanylýar. Sportuň bu görnüşi bilen meşgullanmak ynsan saglygyny berkidýär, onuň işe ukyplylygyny artdyrýar, ýürek-damar, gan basyş keselleri, süýjüli-diabet howpunyň hem-de howply täze döreme keselleriniň käbir görnüşleriniň öňüni almakda, aýagyň myşsalarynyň işjeňligini artdyrmakda örän peýdalydyr. Welosiped sürmek ruhuňy göterýär, gözel tebigatyň ajaýyplygyny, owadanlygyny synlamaga, oňa aralaşmaga, daşky dünýäni doly öwrenmäge, gezelenç edýän ýeriň täsinligine göz ýetirmäge şert döredýär. Bu bolsa öz gezeginde adamyň ruhuny göterip, şähdini açýar, fiziki taýdan sagdyn bolmagyny üpjün edýär.

4 Iýun 2024

Sport

Gallam bar — tyllam bar

Pähim-paýhas ummany Magtymguly Pyragy ýylynda agzybir daýhanlarymyz agrotehnikanyň kadalaryna laýyklykda, gök-bakjanyň, gowaçanyň we beýleki ekinleriň ekişini öz wagtynda tamamlap, olaryň ideg işlerini güýçli depginde alyp barýarlar. Doly gögeriş alnan ýaşajyk gowaçalaryň ýekeleme, hatarara bejergi, olary zyýankeşlerden goramak işleri alnyp barylýar. Ýetişdirilen bugdaý hasylyny öz wagtynda çalt we isripsiz ýygnamak üçin etrabymyzda ýörite meýilnama düzüldi. Möwsümde etrap boýunça 84 sany ýokary öndürijilikli däne ýygnaýjy kombaýnlar öz işine ussat mehanizatorlar hem-de tehniki taýdan hyzmat ediji kärhananyň hünärmenleri tarapyndan gözden geçirilip, doly taýýar edildi. Şeýle hem orak möwsümine gatnaşjak awtoulaglaryň, tirkegleriň meýilnamasy düzüldi. Etrap boýunça 35 müň gektar ýere bugdaý ekilip, şondan 63 müň 200 tonna hasyl almaklyga garaşylýar. Ähli daýhan birleşiklerinde, daýhan hojalyklarynda, kärendeçiler toparlarynda galla oragy möwsümine ykjam taýýarlyk görülýär. Şeýle kärendeçileriň biri hem etrabyň «Hakykat» daýhan birleşiginiň kärendeçisi Maksatbek Döwletowdyr. ol özüniň maşgala agzalary bilen 10 gektar ýeri kärendesine alyp, bugdaýyň ýokary hasylyny ýetişdirmek bilen, her gektaryň hasyllylygyny 60 sentnerden ýokary geçirmegi maksat edinýär. Gözüňi dokundyrýan bugdaý meýdanlaryny synlanyňda, daýhan ýigidiň öňde goýýan maksadyna ýetjekdigine doly göz ýetirýärsiň. Kär

4 Iýun 2024

Oba hojalyk

Kesbinden kemal tapan balaryçy

Hormatly Prezidentimiziň parasatly baştutanlygynda oba hojalygyny ösdürmek, obany galkyndyrmak, halkyň ýaşaýyş-durmuş şertlerini yzygiderli ýokarlandyrmak barada kabul edilen kararlary, öňde goýlan maksatlary durmuşa ornaşdyrmak üçin giň mümkinçilikler döredilýär. Netijede halkyň ýaşaýyş-durmuş şertleri yzygiderli ýokarlanýar. Döredilen giň mümkinçiliklerden netijeli peýdalanyp, ýerden bol hasyl alyp, özüni il içinde tanadan tejribeli daýhan Boldumsaz etrabynyň Babadaýhan geňeşliginiň «Daýhanazat» obasynda ýaşaýan Bazarbaý Orazbaýewi Daşoguz welaýatynda tanamaýan az bolsa gerek. Ol 1994-nji ýylda S.A.Nyýazow adyndaky Türkmen oba hojalyk uniwersitetiniň agronomçylyk fakultetini gaýybana tamamlap, alym agronom hünäri boýunça ýokary bilim aldy. Şol obanyň çäginde ýerleşýän Daşoguz welaýat oba hojalyk önümçilik hojalygynda bölümiň başlygy, baş agronomy we başga-da dürli jogapkärli wezipelerde 40 ýyldan bäri zähmet çekip, özüni ökde hünärmen hökmünde etrap, welaýat çäklerinde tanatdy. Häzir hormatly dynç alyşda bolmagyna garamazdan, Bazarbaý aga boş oturanok, ýurdumyzyň azyk bolçulygyna saldamly goşant goşmak üçin balaryçylyk bilen meşgullanýar. — Balarylar maşgalalary baran ýerinde baglary, ekinleri tozanlandyryp, hasylyň has artmagyna öz täsirini ýetirýär — diýip, alym agronom Bazarbaý aga gürrüňdeş bolanymyzda belläp geçdi.

4 Iýun 2024

Oba hojalyk

Magtymguly sözlär tili türkmeniň

Gudrat görjek bolsaň, daglara bar diýleni. Halkymyz tebigatyň bezegi bolan örküç-örküç daglaryň hakyň keramatyndan dörändigine tüýs ýürekden ynanýar. Ýöne şol daglaryň keremine kerem, gözelligine gözellik goşmak ynsanyň paýhasyna bagly. Daglaryň ykbalyny, halkyň ykbalyny özgerdip bilýän ynsan bolsa edil şol gojaman daglaryň özi kimin beýik, halkyna, il-gününe, ýurduna berlen ynsan bolmaly. Owal-ahyr şeýle beýik ynsanlary, taryhy şahsyýetleri döreden gadymy hem-de müdimi halkymyz Berkarar döwletiň täze eýýamynyň Galkynyşy döwründe ýene bir beýik işi bilen dünýä nusga bolmagy başardy. Ol hem Pähim-paýhas ummany Magtymguly Pyragy ýylynda kükräp gelen baharyň nurana günlerinde, has takygy, Türkmenistanyň Konstitusiýasynyň we Türkmenistanyň Döwlet baýdagynyň gününiň toýlanýan günlerinde hormatly Prezidentimiziň gatnaşmagynda merjen paýtagtymyzyň iň gözel künjeginde Magtymguly Pyragynyň ýadygärliginiň hem-de beýik türkmen şahyrynyň adyny göterýän medeni-seýilgäh toplumynyň dabaraly açylmagy boldy. Eşiden deň bolmaz, gören göz bilen

4 Iýun 2024

Edebiýat

Ekologiýa abadançylygy — bagtyýar ýaşaýşyň özeni

Ýurdumyzda ilatyň şu günki we geljekki sagdyn durmuşynyň hatyrasyna tebigatyň üýtgewsizligini gazanmak üçin onuň serişdeleriniň rejeli peýdalanylmagy ugrundaky ekologiýa çäreleri döwrüň talabyna laýyk ýola goýulýar. Täze gurulýan kärhanalar, durky täzelenýän desgalar daşky gurşawa, adamyň saglygyna zyýan ýetmeginiň öňüni almaga ukyply, kämil tehnologiýalar bilen enjamlaşdyrylýar. Taýýarlanýan azyk önümleri halkara hil we ekologiýa güwänamalaryna eýe bolýar. Munuň özi ýurdumyzy durmuş-ykdysady taýdan ösdürmekde aýratyn ähmiýetlidir.

4 Iýun 2024

Ekologiýa

Hazaryň türkmen kenary

Hormatly Prezidentimiziň daşky gurşawy aýawly gorap saklamak, ekologiýa abadançylygyny üpjün etmek, tebigy baýlyklardan rejeli peýdalanmak bilen baglanyşykly meseleleri öz içine alýan ynsanperwer syýasaty Berkarar döwletiň täze eýýamynyň Galkynyşy döwründe işjeň häsiýetde durmuşa geçirilýän möhüm ähmiýetli işlere çelgi bolup durýar. Bu durmuş hakykaty Hazaryň ekologiýa maksatnamasynda göz öňünde tutulan wezipeleriň çözgüdinde hem möhüm orun eýeleýär. Olaryň üstünlikli durmuşa geçirilmeginde Türkmenistanyň Daşky gurşawy goramak ministrliginiň Hazar ekologiýa gözegçilik gullugynyň mynasyp paýy bar. Bu gullugyň hünärmenleri Balkan welaýatynyň Garabogaz şäheriniň demirgazygyndan Esenguly etrabyna çenli 700 kilometre golaý giňişlikde Hazar deňziniň türkmen bölegine, deňziň hanasyndan 2 kilometr aralykdaky toprak örtügine, şeýle hem atmosferanyň düzümine gözegçilik işlerini ýerine ýetirýärler. Hazar ekologiýa gözegçilik gullugy ekologiýa maglumatlary we meýilnamalar, tebigaty goramak kanunlarynyň talaplarynyň ýerine ýetirilişine gözegçilik edýän, tehniki howpsuzlyk, zähmeti goramak we üpjünçilik bölümlerinden, şeýle hem gidrohimiki we daşky gurşawyň gözegçilik barlaghanalaryndan ybarat bolup, bu ýerde 60-a golaý hünärmen yhlasly zähmet çekýär. Daşky gurşawyň arassalygynyň sagdyn ýaşaýşyň özeni bolup durýandygy hemmelere mälim hakykat. Şonuň üçin tebigat bilen ynsan ömrüniň dowamlylyg

4 Iýun 2024

Ekologiýa