Türkmenmetbugat

"Bereketli toprak" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-64, 38-60-87, 38-60-67
Email: bereketlitoprak@sanly.tm

Gazeti PDF görnüşinde ýükläp almak

Habarlar

Milli ykdysadyýetde belent sepgitler

Garaşsyz ýurdumyzda milli ykdysadyýetimiziň ähli ulgamlarynda belent sepgitlere ýetilýär. Geçen döwürde berkarar Watanymyzy durmuş-ykdysady taýdan ösdürmäge, halkymyzyň ýaşaýyş-durmuş derejesini ýokarlandyrmaga gönükdirilen, hemmetaraplaýyn oýlanyşykly we anyk delillere esaslanýan maksatnamalar üstünlikli amala aşyryldy. Bäsdeşlige ukyply ykdysadyýetiň milli nusgasy döredildi. Ýurdumyzyň durmuş-ykdysady ösüşiniň ileri tutulýan ugurlary «Türkmenistanyň durmuş-ykdysady ösüşiniň 2011 — 2030-njy ýyllar üçin Milli maksatnamasynda» öz beýanyny tapdy. Bu Maksatnamada halk hojalygyny öňdebaryjy tejribä, innowasion tehnologiýalara, milletiň intellektual mümkinçiliklerine daýanyp, mundan beýläk-de ösdürmek boýunça döwletiň esasy ýörelgeleri aýdyň beýan edildi. Ykdysadyýetimiziň ähli pudaklary sazlaşykly ösüş ýoluna düşüp, täze önümçilik kuwwatlyklary emele geldi. Bu bolsa ýurdumyzyň ykdysady kuwwatyny artdyrmak bilen bir hatarda halkymyzyň ýaşaýyş-durmuş derejesiniň ýokarlanmagyny hem şertlendirdi. Şeýlelikde, Garaşsyzlygymyzyň şanly 30 ýyllygy mynasyp garşylanyp, ýurdumyzyň ykdysadyýetine goýlan iri maýa goýumlaryň möçberi 200 milliard amerikan dollaryndan geçdi. Serişdeleriň 60 göterimden gowragynyň senagat pudagyny ösdürmäge gönükdirilmegi ýurdumyzda bu pudaga berilýän ünsüň ýokarydygyny görkezýär.

3 Noýabr 2021

Gumda dörän gudrat

Ynsanyň akyl-paýhasy, hünär-başarnygy — gudrat döretmäge ukyply. Munuň şeýledigine düşünmek üçin Garagumda ýerleşýän «Malaý» gaz känini, onda gurlan senagat desgalaryny synlamak hem ýeterlik. Birwagtlar ady diňe dowar bakýan çopanlara mälim bolan bu ýer indi oňyn özgertmeleriň amala aşyrylýan mekanyna öwrüldi. Şeýle tutumly işleriň hormatly Prezidentimiziň öňe sürýän parasatly başlangyçlaryndan gözbaş alýandygy guwanç bilen bellenilmäge aýratyn mynasypdyr. «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasynyň» çäklerinde Malaýda häzirki zaman gaz gysyjy desgasy guruldy we hormatly Prezidentimiziň ak pata bermeginde şu ýylyň 15-nji ýanwarynda işe girizildi. Umumy bahasy ABŞ-nyň 78 million 140 müň dollaryndan gowrak bolan desga hormatly Prezidentimiziň 2018-nji ýylyň 22-nji awgustynda gol çeken Kararyna laýyklykda, buýrujy «Türkmengaz» döwlet konserni bilen gurluşygyň baş potratçysynyň — Beýik Britaniýanyň «Petro Gaz LLP» kompaniýasynyň arasynda baglaşylan şertnama esasynda guruldy. Ýyllyk kuwwaty tebigy gazyň 30 milliard kub metrine barabar bolan bu desga önümçilik sehleriniň ikisinden ybarat bolup, onuň «A» sehi «Malaý» gaz känini doly özleşdirmäge, «B» sehi bolsa «Galkynyş» we «Döwletabat» känleriniň gazyny Malaý — Bagtyýarlyk gaz geçirijisine ýokary basyş bilen akdyrmaga niýetlenendir.

3 Noýabr 2021

Ykdysady üstünlikler — döwrümiziň bezegi

Hormatly Prezidentimiziň ylmy taýdan esaslandyrylan ykdysady strategiýasyna esaslanan, halkymyzyň abadançylygyny we durnukly ykdysady ösüşi üpjün edýän düýpli özgertmeler üstünlikli amala aşyrylýar. Berkarar döwletimiziň bagtyýarlyk döwründe döwletimiz tarapyndan ilatyň durmuş goraglylygyny üpjün etmäge uly üns berilýär. Döwlet tarapyndan öz haryt öndürijilerine goldaw berilmegi esasynda, içerki bazary ösdürmäge, ýeterlik derejede bäsleşik gurşawyny döretmäge hem uly üns gönükdirilýär. Ýöredilýän döwlet syýasaty, ýurduň köpugurly ykdysady kuwwaty ägirt uly wezipeleri çözmäge hem-de halk hojalyk toplumynyň ähli pudaklarynda hil taýdan täze netijeleri gazanmaga mümkinçilik berýär. Eziz Watanymyzda Garaşsyzlyk ýyllary içinde durnukly ykdysady ösüşiň gazanylmagy milli bähbitleriň täze mazmun bilen baýlaşdyrylmagyna getirdi. Milli ykdysadyýetiň howpsuzlygyna baha berlende, esasy ulanylýan görkezijiler maýa goýum we innowasiýa bilen baglanyşyklydyr. Çünki milli hojalygyň maddy ulgamy diňe maýa goýumlaryňdyr innowasiýalaryň hasabyna artýar we täzelenýär. Ýurduň maýa goýum işlerini barha höweslendirmegi önümçiligiň täzelenmegine, ykdysady gatnaşyklaryň durmuş ulgamy bilen utgaşykly ösüşiniň gazanylmagyna, ilatyň durmuş ýagdaýynyň ýokarlanmagyna getirýär. Ýurduň ylmy-tehniki kuwwaty çalt ösýän bolsa, onda ykdysadyýet hem durnukly ösüşini dowam etdirýär. Munuň üçin bolsa, maýa goýumlary

2 Noýabr 2021

Döwletli başlangyçlar dabaralanýar

Gahryman Arkadagymyzyň ak pata bermegi bilen Aşgabat — Türkmenabat ýokary tizlikli awtomobil ýolunyň «Aşgabat — Tejen» böleginiň ulanmaga berilmegi ýurdumyzda durmuşa geçirilýän iri taslamalaryň, şol sanda ulag ýollarynyň gurluşygynyň we üstaşyr ulag geçirijilerini döretmek ugrundaky beýik işleriň nusgasy bolup, ulus-ilimiziň buýsanjyny goşalandyrdy. Dünýä ülňülerine laýyk gelýän bu ýol ýurdumyzyň ählitaraplaýyn ösüşlerini hem-de merdana pederlerimiziň ýol, köpri gurmak ýaly sogaply işleriniň dowamat-dowamlygyny ýene bir ýola şöhlelendirdi. Milli Liderimiziň başlangyjy we taýsyz tagallasy bilen amala aşyrylýan Aşgabat — Türkmenabat ýokary tizlikli awtomobil ýolunyň gurluşygyny Türkmenistanyň Senagatçylar we telekeçiler birleşmesiniň agzasy bolan «Türkmen Awtoban» ýapyk görnüşli paýdarlar jemgyýeti alyp barýar. Gurluşygyna 2019-njy ýylyň 24-nji ýanwarynda badalga berlip, üç tapgyrda ýerine ýetirilmegi meýilleşdirilen we umumy uzynlygy 600 kilometr bolan ýokary tizlikli ýoluň üstünlikli tamamlanan ilkinji tapgyry — Aşgabat — Tejen aralygy Gahryman Arkadagymyzyň: «Ýoluňyz ak bolsun!» diýip, ak pata bermegi bilen ulanyşa girizildi.

2 Noýabr 2021

Bagtyýarlyk döwrümiziň beýik işleri

Gahryman Arkadagymyzyň taýsyz tagallalaryna, halkymyzyň egsilmez gujur-gaýratyna we erk-islegine daýanyp, ynamly öňe barýan eziz Diýarymyz güýçli depginler bilen ösýän döwlete öwrüldi. Munuň şeýledigine ýurdumyzda alnyp barylýan iňňän uly gurluşyk işleri, halkara demirýollarynyň hem-de awtomobil ýollarynyň gurluşyklary şaýatlyk edýär. Hormatly Prezidentimiziň tagallasy bilen Aşgabat — Türkmenabat ýokary tizlikli awtomobil ýolunyň Aşgabat —–Tejen böleginiň ulanylmaga berilmegi her bir ildeşimiziň kalbynda buýsanjy, ata Watanymyza bolan söýgini has-da belende göterdi. Aşgabat–— Türkmenabat ýokary tizlikli awtomobil ýolunyň gurluşygy eziz Diýarymyzyň üstaşyr ulag düzümini döretmek üçin durmuşa geçirilýän taslamalaryň iň irileriniň biridir. Bu awtomobil ýoly Merkezi Aziýa we beýleki goňşy döwletler üçin hem üstaşyr geçelgeler ulgamynda açylýan ägirt uly mümkinçilikdir. Ýokary tizlikli bu ýol goňşy ýurtlardan gelýän harytlary ýurdumyzyň üsti bilen sebitiň bazarlaryna tiz hem-de ygtybarly ýetirmäge amatly şertleri döredýär. Çünki Türkmenistanyň çäkleri Merkezi we Günorta Aziýa döwletlerine çykmak üçin möhüm geçelge bolup hyzmat edýär.

2 Noýabr 2021

Ýürekler buýsanja beslenýär

Garaşsyz, baky Bitarap Türkmenistan Berkarar döwletimiziň bagtyýarlyk döwründe Merkezi Aziýa sebitinde ulag ulgamyny ösdürmekde hem-de döwrebaplaşdyrmakda örän möhüm orny eýeleýär. Ynha, 29-njy oktýabrda Gahryman Arkadagymyzyň tagallasy bilen Aşgabat — Türkmenabat ýokary tizlikli awtomobil ýolunyň uzynlygy 203 kilometr bolan Aşgabat — Tejen böleginiň ulanylmaga berilmegi türkmen halkyny diýseň buýsandyrdy. Halkymyzy aýratyn guwandyrýan zatlaryň biri-de, bu halkara derejeli ulag ýoluny hut türkmen gurluşykçylarynyň ýerine ýetirmegidir. “Türkmen Awtoban” ýapyk görnüşli paýdarlar jemgyýetiniň alyp barýan Aşgabat — Türkmenabat ýokary tizlikli awtomobil ýolunyň gurluşygy eziz Diýarymyzyň ykdysady kuwwatynyň hem dabaralanmasydyr.

2 Noýabr 2021

Ösüşiň döwrebap mümkinçilikleri

Eziz Diýarymyzda hormatly Prezidentimiziň parasatly baştutanlygynda durmuşa geçirilýän halk bähbitli işleriň, ýetilýän belent sepgitleriň ählisi halkymyzyň bähbidine, ýurdumyzyň gülläp ösmegine gönükdirilendir. Durmuşa geçirilýän aýdyň maksatly işleriň binýadynda ýurdumyzyň bilim ulgamyny döwrebaplaşdyrmak üstünlikli amala aşyrylýar. Diýarymyzyň ýokary okuw mekdeplerinde täze hünär ugurlarynyň açylmagy, bilim işine sanly ulgamyň ornaşdyrylmagy netijesinde ynsanperwer we takyk ugurlar boýunça ýokary bilimli hünärmenleri ýetişdirmek wezipesini çözmek meseleleri netijeli häsiýete eýe bolýar. «Türkmenistanda sanly bilim ulgamyny ösdürmegiň Konsepsiýasyna», «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna», «Elektron resminama hakynda», «Aragatnaşyk hakynda», «Türkmenistanda Internet torunyň ösüşi we Internet-hyzmatlaryny etmegi hukuk taýdan düzgünleşdirmek hakynda», «Maglumat we ony goramak hakynda» Kanunlara we beýleki kadalaşdyryjy hukuk namalaryna laýyklykda, ýokary okuw mekdeplerinde sanlylaşdyrylan ulgam esasynda geçilýän sapaklar mazmuna baýlygy we gyzyklydygy bilen ýaşlary özüne çekýär. Ata Watanymyzda milli ykdysadyýetiň we dolandyryşyň sanly ulgamyna geçmek boýunça wajyp wezipeler Gahryman Arkadagymyz tarapyndan has-da aýdyňlaşdyrylyp, barha üstünliklere eýe bolýar. Ýurdumyzy sanly ykdysadyýete geçirmegiň maksatnamasyna laýyklykda, «Tü

2 Noýabr 2021

Türkmen manady — ýurdumyzyň üstünlikli ösüşiniň nyşany

01.11.2021. Şu gün Türkmen döwlet ykdysadyýet we dolandyryş institutynda milli pul birliginiň — manadyň dolanyşyga girizilmeginiň 28 ýyllygy mynasybetli, ylmy-amaly maslahat geçirildi. Maslahata döwlet we paýdarlar-täjirçilik banklarynyň, Ylymlar akademiýasynyň, Türkmenistanyň Prezidentiniň ýanyndaky Döwlet gullugy akademiýasynyň ýolbaşçylary hem-de ugurdaş ýokary okuw mekdepleriniň mugallymlary we talyplary, köpçülikleýin habar beriş serişdeleriniň wekilleri gatnaşdylar. Maslahatyň gün tertibine täze taryhy eýýamda milli bank ulgamyny ösdürmek bilen bagly möhüm meseleler girizildi.

2 Noýabr 2021

Türkmen manady — ýurdumyzyň üstünlikli ösüşiniň nyşany

Aşgabat, 1-nji noýabr (TDH). Şu gün Türkmen döwlet ykdysadyýet we dolandyryş institutynda milli pul birliginiň — manadyň dolanyşyga girizilmeginiň 28 ýyllygy mynasybetli, ylmy-amaly maslahat geçirildi. Maslahata döwlet we paýdarlar-täjirçilik banklarynyň, Ylymlar akademiýasynyň, Türkmenistanyň Prezidentiniň ýanyndaky Döwlet gullugy akademiýasynyň ýolbaşçylary hem-de ugurdaş ýokary okuw mekdepleriniň mugallymlary we talyplary, köpçülikleýin habar beriş serişdeleriniň wekilleri gatnaşdylar. Maslahatyň gün tertibine täze taryhy eýýamda milli bank ulgamyny ösdürmek bilen bagly möhüm meseleler girizildi.

2 Noýabr 2021

Arkadagyň bagtyýarlyk ýollary

Milli Liderimiz Gurbanguly Berdimuhamedow dünýä ýurtlarynyň özara sazlaşykly ösüşine ýardam etjek üstaşyr ulag düzümlerini emele getirmäge gönükdirilen halkara başlangyçlary öňe sürýär hem-de olaryň durmuşa geçirilmegine uly ähmiýet berýär. Milli Liderimiziň hut özüniň başlangyjy bilen gurluşygyna badalga berlen Aşgabat — Türkmenabat ýokary tizlikli awtomobil ýoly hem munuň aýdyň subutnamasydyr. Golaýda Gahryman Arkadagymyzyň ak pata bermegi bilen, bu iri taslamanyň Aşgabat — Tejen aralygyndaky birinji bölegi dabaraly ýagdaýda ulanmaga berildi. Taslamanyň dolulygyna işe girizilmegi sebitiň üstaşyr ulag mümkinçilikleriniň has-da artmagyna, halkara ulag ýollarynyň möhüm merkezi hökmünde Türkmenistanyň eýeleýän ornunyň barha berkemegine ýardam berer. Ulag pudagy dünýäde ählumumylaşmak hadysasynyň ýüze çykmagyny şertlendiren ýagdaýlaryň biri bolup, ösüşiň häzirki tapgyrynda sebitleri we yklymlary birleşdiriji güýje öwrüldi. Ýurdumyzyň iň döwrebap üstaşyr ulag düzümini hem-de aragatnaşykdyr telekommunikasiýalar ulgamyny çalt kemala getirmek babatda, şeýle hem Beýik Ýüpek ýoluny gaýtadan dikeltmek boýunça soňky ýyllarda ädýän ädimleri diňe bir milli ykdysadyýetimiziň ösüşine däl, eýsem, sebitiň ösüşine-de kuwwatly itergi berdi.

2 Noýabr 2021

Beýik ynam bilen

Garaşsyzlyk ýyllarynda ýurdumyz milli ykdysadyýetimiziň ähli ulgamlarynda belent sepgitlere ýetdi. Geçen döwürde berkarar Watanymyzy durmuş-ykdysady taýdan ösdürmäge, mähriban halkymyzyň ýaşaýyş-durmuş derejesini ýokarlandyrmaga gönükdirilen, hemmetaraplaýyn oýlanyşykly we anyk delillere esaslanýan maksatnamalar üstünlikli amala aşyryldy. Bäsleşige ukyply ykdysadyýetiň milli nusgasy döredildi we hereket edýär. Ýurdumyzyň ykdysadyýetiniň ösüşi orta we uzakmöhletleýin döwürlere niýetlenilen milli we döwlet maksatnamalarynyň esasynda amala aşyryldy. Häzirki döwürde Türkmenistanda elektroenergetika, nebit-gaz çykarýan, nebiti gaýtadan işleýän, himiýa we nebit-himiýa senagatlary, maşyngurluşyk we demri gaýtadan işleýän, gurluşyk materiallaryny öndürýän desgalar, ýeňil we azyk senagatynyň kärhanalary bilen üpjün edilen, köp pudakly, dürli maksatly ykdysadyýet döredildi.

1 Noýabr 2021

Töleg tehnologiýalarynyň kämil usullary

Bank ulgamyny ösdürmek milli Liderimiziň ykdysady strategiýasynyň esasy ugurlarynyň biridir. Häzirki wagtda işjeň maýa goýum syýasatyny durmuşa geçirmek, ýurdumyzyň eksport kuwwatyny giňeltmek, importyň ornuny tutýan önümleriň öndürilişini köpeltmek, karz edaralary tarapyndan ilata hödürlenilýän hyzmatlaryň görnüşlerini artdyrmak babatda ägirt uly işler durmuşa geçirilip, ýurdumyzyň halkara at-abraýy barha ýokary derejelere eýe bolýar. Hormatly Prezidentimiziň taýsyz tagallalarynyň netijesinde durmuşa ornaşdyrylýan innowasion tehnologiýalaryň sany hem barha artýar. Ýurdumyzda ykdysadyýetiň ähli ugurlaryny sanlylaşdyrmak, hyzmatlary döwrebap talaplara laýyklykda ýola goýmak boýunça işler güýçli depginde alnyp barylýar. Sanly bank ulgamynyň döredilmegi, ilkinji nobatda, sarp edilýän wagty we harajatlary tygşytlamaga, şeýle hem ilatyň ýaşaýyş-durmuş şertlerini has-da ýokarlandyrmaga oňaýly täsirini ýetirýär.

1 Noýabr 2021

Kämil kanunlara daýanyp

30-njy oktýabrda paýtagtymyzda sanly ulgam arkaly Türkmenistanyň Milli Geňeşiniň Mejlisiniň altynjy çagyrylyşynyň maslahaty geçirildi. Maslahatyň dowamynda hormatly Prezidentimiz Gurbanguly Berdimuhamedowyň alyp barýan syýasatynyň ileri tutulýan ugurlaryna hem-de ýurdumyzyň kanunçylyk-hukuk binýadyny döwrebaplaşdyrmak boýunça toplumlaýyn maksatnama laýyklykda taýýarlanylan möhüm kadalaşdyryjy-hukuk namalarynyň birnäçesi ara alnyp maslahatlaşyldy. Maslahata Ministrler Kabinetiniň Başlygynyň orunbasarlary, Milli Geňeşiň Halk Maslahatynyň agzalary, ministrlikleriň we pudaklaýyn dolandyryş edaralarynyň ýolbaşçylary, köpçülikleýin habar beriş serişdeleriniň wekilleri çagyryldy.

1 Noýabr 2021

Manadyň durnuklylygy — milli ykdysadyýetiň kuwwaty

Gahryman Arkadagymyzyň parasatly ýörelgelerinden ugur alnyp amala aşyrylýan özgertmeler halkymyzyň durmuş-ykdysady ösüşine kuwwatly itergi berýär. Ýurdumyzyň halk hojalygynyň ähli pudaklary bilen bir hatarda, ykdysady we maliýe-karz ulgamy uly ösüşlere beslenýär. Ýurdumyzda pul-karz syýasaty Türkmenistanyň Merkezi banky tarapyndan alnyp barylýar. Bazar ykdysadyýetiniň häzirki şertlerinde bank ulgamynyň netijeli işlemegine aýratyn orun degişlidir. Hormatly Prezidentimiziň belleýşi ýaly, bank ulgamy okgunly ösýän ugurlaryň birine öwrüldi. Bu ulgamyň edaralarynyň üstüne pul dolanyşygyny kadalaşdyrmak, maliýe akymlaryna gözegçilik etmek, olary paýlamak, hojalyk birlikleriniň arasynda özara hasaplaşyklary geçirmek, aýry-aýry pudaklara, işewür düzümlere hem-de ilata karz bermek wezipeleri ýüklenildi. Häzirki wagtda «Türkmenistanyň Merkezi banky hakynda» we «Karz edaralary we bank işi hakynda» Türkmenistanyň Kanunlarynda, şeýle hem «Türkmenistanyň ykdysady, maliýe we bank ulgamlaryny ösdürmegiň 2019 — 2025-nji ýyllar üçin Maksatnamasy» esasynda göz öňünde tutulan wezipeleri üstünlikli durmuşa geçirmek boýunça ýurdumyzyň bank ulgamy tarapyndan netijeli işler alnyp barylýar.

1 Noýabr 2021

Halkyň hyzmatynda

Ýurdumyzyň milli ykdysadyýetine durnukly esasda uzak möhletli maýa goýumlary çekmek, gymmatly kagyzlar bazaryny ösdürmek boýunça giň gerimli işler durmuşa ornaşdyrylýar. Şunda birža — söwdany amala aşyrýan dilerler üçin niýetlenen, ýörite enjamlaşdyrylan bazar ýeri diýmegi aňladýar. Gazna biržasy bolsa gymmatly kagyzlary we operatorlary saýlamak mümkinçilikli, geleşikleriň we olar boýunça hasaplaşyklaryň bellige alnyşynyň merkezleşdirilenligi, resmi nyrh kesmegiň (kotirowka) berkidilmegi bilen tanalýan we biržanyň agzalaryna gözegçilik edýän merkezi bazardyr. Häzirki wagtda ýurdumyzda gymmatly kagyzlar bazarynyň emissiýasy degişli tertipde hasaba alynýar we ilat köpçüligine hem-de oňa isleg bildirýän taraplara mahabatyň üsti bilen hödürlenilýär. Dolanyşygyň ýöredilişi boýunça aýdyňlaşdyrma işleri dowamly, üstünlikli geçirilýär. Munuň özi gymmatly kagyzlar bazarynyň netijeli işlemeginiň möhüm ugry bolup durýar. Gymmatly kagyzlar bazarynyň häzirki zaman maliýe bazarynyň iň işjeň bölegine öwrülmegini gazanmak üçin bu işe gatnaşyjylaryň hünär derejesini ýokarlandyrmak boýunça özbaşdak okuw sapaklaryna synaglar geçirilip, olaryň netijeleri boýunça ýörite şahadatnamalar gowşurylýar.

1 Noýabr 2021

Gaýtadan dikeldilýän energiýa çeşmeleri: milli we halkara tejribesi

Gaýtadan dikeldilýän çeşmelerden energiýa almagyň adaty işe öwrülip, ýola goýlanyndan bäri köp wagt geçmedik hem bolsa, ol eýýämden sarp edijileriň aglabasy üçin energiýa üpjünçiliginiň ileri tutýan çeşmesine öwrülip, ýokary depginler bilen meşhurlyga eýe bolýar. Dünýä boýunça ösen we ösýän ýurtlarda mese-mälim duýulýan höweslendirişiň we islegiň artyş meýilleriniň utgaşykly sazlaşygy Gün-ýel energetikasynyň adaty energetika bilen üstünlikli bäsdeşligini şertlendirýär. Hormatly Prezidentimiz üstümizdäki ýylyň 1-nji sentýabrynda talyplaryň we mekdep okuwçylarynyň gatnaşmagynda Maslahat köşgünde geçiren umumy sapagynyň dowamynda energetika senagatynyň türkmen ykdysadyýetiniň möhüm pudaklarynyň biridigini aýdyp, soňky döwürde ýurdumyzda täze, kuwwatly elektrik stansiýalarynyň gurlup, ulanylmaga berilýändigini, milli maksatnamalarymyza laýyklykda, müňlerçe kilometre uzaýan elektrik geçirijileriniň täzelenilýändigini, şeýle hem Balkan welaýatynyň Serdar etrabynda sanly tehnologiýalar arkaly dolandyryljak Günden we ýelden energiýa öndürýän stansiýanyň gurluşygynyň alnyp barylýandygyny belledi.

1 Noýabr 2021

Bellenilen meýilnamalar möhletinde amala aşyrylýar

Mary welaýatynyň ilatynyň hem-de onuň çäklerindäki edara-kärhanalaryň ýylyň bütin dowamynda «mawy ýangyç» bilen bökdençsiz üpjün edilmeginde «Türkmengazüpjünçilik» birleşiginiň beýleki gaz üpjünçilik, gaz hojalyk edaralary bilen birlikde Gazlaşdyrmak boýunça gurluşyk-gurnaýyş ülşüniň gaz gurluşykçylarynyň hem saldamly goşandy bar. Olar «Marygazüpjünçilik» müdirliginiň buýurmalary esasynda welaýatyň obalarynda, şäherdir şäherçelerinde täze döreýän ilatly ýerleri Milli maksatnama laýyklykda gazlaşdyrmak, ozaldan ulanylýan ýokary, orta basyşly gaz geçirijileriň durkuny täzelemek boýunça möhüm ähmiýetli gaz gurluşyk işlerini ýerine ýetirýärler. Ülşüň gaz gurluşykçylarynyň tutanýerli zähmeti arkaly «Türkmenistan — parahatçylygyň we ynanyşmagyň Watany» diýlip atlandyrylan 2021-nji ýylyň başyndan bäri ilatly ýerleriň ençemesiniň tebigy gaz bilen üpjünçiliginiň gowulandyrylandygyny aýtmak gerek. Gaz gurluşyk işleri häzirki güýz-gyş möwsümine taýýarlygyň çäklerinde welaýatyň dürli künjeklerinde ýokary depginde dowam etdirilýär. «Marygazüpjünçilik» müdirligi bu möhüm ähmiýetli işde bökdençligiň bolmazlygy üçin ülşüň gaz gurluşyk işlerini dürli göwrümli turbalardyr beýleki materiallar bilen bökdençsiz üpjün edýär.

1 Noýabr 2021

«Mawy ýangyjyň» höziri

«Daşoguzgazüpjünçilik» müdirliginiň «Gurbansoltanejeetrapgaz» gaz hojalygy edarasynyň gazçylary etrabyň ilatyny we edara-kärhanalaryny milli baýlygymyz bolan gymmatly «mawy ýangyç» bilen bökdençsiz üpjün etmek ugrunda bagtyýarlyk döwrümiziň belent ruhuna mahsus işleri durmuşa geçirýärler. Bu ugurda şu ýylyň on aýyny netijeli jemlän edaranyň işçi-hünärmenleri häzirki döwürde noýabr aýynyň işlerine guramaçylykly girişdiler. Edaranyň işgärleri tarapyndan häzirki döwürde etrabyň çäginde bar bolan dürli ululykdaky gaz geçirijileriň 1210 kilometre golaý ýerine, gaz sazlaýjy we paýlaýjy enjamlaryň bolsa 513 sanysyna ýokary derejede hyzmat edilýär. Munuň özi etrabyň 24609 sany hojalygynyň ilatynyň ýylyň islendik döwründe tebigy gazyň üznüksiz hözirini görüp ýaşamagy, olaryň mukaddes öý-ojaklarynyň odunyň baky alawlamagy ugrunda gaz hojalygy edarasynyň agzybir işgärleri tarapyndan öwgä mynasyp işleriň alnyp barylýandygyndan habar berýär. Edaranyň gazçylarynyň medeni zolakdan uzakda ýaşaýan etrabyň çarwaçylyk bilen meşgullanýan ilatly ýerlerini ýörite gaz ballonlaryna gaplanan suwuklandyrylan gaz bilen üpjün etmek ugrunda durmuşa geçirýän işleri hem guwandyryjydyr.

1 Noýabr 2021

Ykdysady durnuklylygyň girewi

Hormatly Prezidentimiziň parasatly baştutanlygynda ýurdumyzyň ykdysadyýetinde giň gerimli özgertmeler yzygiderli amala aşyrylýar. Häzirki wagtda ykdysadyýetimiziň ähli pudaklary bilen bir hatarda, ýurdumyzyň maliýe-bank ulgamy hem uly ösüşleri başdan geçirýär. Bank ulgamynda geçirilýän özgertmeleriň esasynda, hereket edýän kanunçylyk binýady häzirki döwrüň talaplaryna laýyk getirilýär, müşderilere edilýän bank hyzmatlarynyň hili ýokarlanýar, fiziki we ýuridik şahslara, galyberse-de, kiçi hem-de orta telekeçilik üçin berilýän karzlaryň möçberleri artdyrylýar. Ýeri gelende aýtsak, bu ulgamyň edaralary ýurdumyzyň iri maýa goýum taslamalaryny maliýeleşdirmegiň örän möhüm çeşmesi bolup durýar. Şeýle hem häzirki döwürde gözel paýtagtymyz Aşgabady hem-de welaýatlarymyzyň şäherlerini, obalaryny täze görke getirip, abadanlaşdyrmak boýunça amala aşyrylýan köp sanly taslamalary maliýeleşdirmekde uly orun eýeleýär.

1 Noýabr 2021

Nebitgaz pudagy ykdysadyýetiň möhüm bölegi

Dünýä ykdysadyýetiniň ösüşiniň uly bölegini tutýan nebitgaz pudagyny ösdürmek döwrüň esasy meseleleriniň hatarynda durýar. Garaşsyz, baky Bitarap Türkmenistan döwletimiz hem nebit we gaz gorlaryna baý ýurtlaryň hatarynda tanalýar. Hormatly Prezidentimiziň öňdengörüjilikli döwlet syýasaty netijesinde, pudagyň yzygiderli ösýändigini dünýä ýüzi ykrar edýär. Türkmenistan döwletimiz bu gün milli Liderimiziň baştutanlygynda ýangyç-energetika ulgamyny ösdürmek boýunça halkara başlangyçlary öňe sürmek bilen, iri taslamalary durmuşa geçirýär. Garaşsyzlyk ýyllarynda gurlan Türkmenistan — Hytaý gaz geçirijisi bu gün türkmen gazyny doganlyk ýurda eksport etmek bilen çäklenmän, eýsem, bu gaz geçirijiniň ugrunda ýerleşýän döwletleriň ykdysadyýetiniň kuwwatlanmagyna-da mynasyp goşant goşýar. Bu gün «Asyryň taslamasy» adyna eýe bolan Türkmenistan — Owganystan — Pakistan — Hindistan gaz geçirijisiniň gurluşygynyň alnyp barylmagy nebitgaz pudagynyň uly geljeginiň bardygyny äleme buşlaýar. Hormatly Prezidentimiziň bu babatda durmuşa geçirýän döwlet maksatnamalary barha senagatlaşýan nebitgaz pudagynyň beýik geljeginden habar berýär.

1 Noýabr 2021

‹
1
2
...
168
169
170
171
172
173
174
...
215
216
›