"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Aýdym-sazly dabara

Magtymguly Pyragy — türkmeniň ruhy çyragy Golaýda etrap merkezi kitaphanasynda TDP-niň etrap komitetiniň, TKA-nyň etrap birleşmesiniň, etrap merkezi kitaphanasynyň hem-de medeniýet bölüminiň bilelikde guramagynda Magtymguly Pyragynyň doglan gününiň 300 ýyllygy mynasybetli “Magtymguly Pyragy — türkmeniň ruhy çyragy” ady bilen aýdym-sazly dabara geçirildi. Oňa ýokarda ady agzalan edara-kärhanalaryň, etrabyň medeniýet we sungat işgärleri, döredijilik bilen meşgullanýan ýaşlar gatnaşdylar.

18 Iýul 2024

Jemgyýet

Maslahat geçirildi

Arkadag ýyldyzy — geljegiň ýagty ýoly Şeýle at bilen welaýat kitaphanasynyň kiçi mejlisler zalynda TMÝG-niň şäher geňeşiniň hem-de welaýat kitaphanasynyň bilelikde guramagynda maslahat geçirildi. Oňa TMÝG-niň şäher geňeşiniň işgärleri we işjeň agzalary, welaýat hem-de şäher merkezi kitaphanasynyň kitaphanaçylary gatnaşdylar.

18 Iýul 2024

Jemgyýet

Aýdym-sazly dabara

Berkarar döwletiň bagtyýar nesilleri Golaýda TMÝG-niň Sakarçäge etrap geňeşiniň, etrap bilim bölüminiň bilelikde guramagynda etrapdaky 3-nji çagalar bagynda körpeleriň arasynda “Berkarar döwletiň bagtyýar nesilleri” ady bilen aýdym-sazly dabara geçirildi. Dabara TMÝG-niň etrap geňeşiniň işgärleri, etrap bilim bölüminiň hünärmenleri, etrapdaky 1-nji, 3-nji, 5-nji çagalar baglarynyň terbiýeçileri gatnaşdylar.

18 Iýul 2024

Jemgyýet

Duşuşyk işjeňlikde geçdi

Türkmenistanyň Magtymguly adyndaky Ýaşlar guramasynyň Kaka etrap Geňeşiniň edara jaýynda ilkinji guramalaryň başlyklarynyň we işjeň agzalarynyň gatnaşmagynda duşuşyk geçirildi. “Pähim-paýhas ummany Magtymguly Pyragy” ýylyna bagyşlanan duşuşygyň esasy maksady etrapda ýaşlar bilen geçirilýän wagyz-nesihat işleriniň netijeliligini gazanmakdan we işjeňligini artdyrmakdan ybarat boldy. Duşuşykda «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasynda» we ony durmuşa geçirmek boýunça çäreleriň Meýilnamasynda göz öňüne tutulan wezipeleriň gyşarnyksyz durmuşa geçirilýän häzirki eşretli günlerimizde ýaşlaryň aýratyn alada bilen gurşalandygy, olaryň döwrebap şertlerde zähmet çekmegi, döretmegi ugrunda ajaýyp mümkinçilikleriň bardygy, şolardan netijeli peýdalanmagyň möhümdigi barada aýdylanlar has-da täsirli boldy. Duşuşykda ýaşlaryň arasynda geçirilýän wagyz-nesihat, düşündiriş işleriniň netijeliligini gazanmagyň ýollary barada çykyşlar diňlendi hem-de ajaýyp döwri peşgeş beren Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy.

18 Iýul 2024

Jemgyýet

«Türkmenaragatnaşyk» agentliginiň mümkinçilikleri Arkadag şäherinde geçirilen tegelek stolda giňişleýin beýanyny tapdy

Döwlet ähmiýetli Arkadag şäheriniň Aragatnaşyk müdirliginiň binasynda «Sanly ykdysadyýetiň durnukly ösüşiniň innowasion ýollary» atly tegelek stol geçirildi. Bu barada «Нейтральный Туркменистан» gazetinde habar berildi. Onuň çäginde aragatnaşyk pudagynda zähmet çekýän hünärmenler hem-de Türkmenistanyň Telekommunikasiýalar we informatika institutynyň mugallymlary ýurdumyzyň pudaklarynda we edara-kärhanalarynda täze maglumat hyzmatlarynyň we ulgamlarynyň yzygiderli ornaşdyrylmagy bilen bagly amal edilýän ädimleriň ähmiýetini ara alyp maslahatlaşdylar.

18 Iýul 2024

Jemgyýet

Göwünleri galkyndyrýan özgertmeler

Golaýda geçirilen Ministrler Kabinetiniň giňişleýin mejlisinde hormatly Prezidentimiziň 2025-nji ýylyň 1-nji ýanwaryndan zähmet haklarynyň möçberini 10 göterim ýokarlandyrmak hakynda Permana gol çekmegi göwünleri galkyndyrdy. Munuň özi ýurdumyzda adam barada edilýän aladanyň ýene bir subutnamasy boldy. Türkmenistanyň döwlet syýasatynyň durmuş ugurlydygyny amala aşyrylýan islendik giň gerimli işler aýdyp dur. Mälim bolşy ýaly, durmuş syýasaty bilimi hem öz gurşawyna alýar. Mugallym hökmünde bize bu ulgamdaky düýpli özgertmeleriň oňyn netijelerini iş we durmuş tejribämde görmek miýesser edýär. Muny okuwa kabul etmek boýunça işleriň iňňän guramaçylykly we talabalaýyk ýola goýlandygyndan hem bilip bolýar. Täze hünärler, okuwa kabul edilýän talyplaryň sanynyň artdyrylmagy, döredilýän we açylýan döwrebap bilim edaralary abadan, bagtly durmuşy, röwşen geljegi üpjün etmäge gönükdirilendir. Däp bolşy ýaly, täze ýyldan talyp haklary hem ýokarlanar. Bu asylly çäreleriň ählisi mugallymlary döredijilikli we yhlasly zähmet çekmäge ruhlandyrsa, talyplarda okamak, öwrenmek bilen, Watanymyzyň mundan beýläk-de gülläp ösmegine mynasyp goşant goşmaga höwes döredýär.

18 Iýul 2024

Jemgyýet

Çagalara serpaý — bereketden paý

Ýagty geljegimiz bolan ýaş nesil baradaky alada döwlet syýasatynyň ileri tutulýan ugurlarynyň biridir. 12-nji iýulda Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan we saglyklaryny dikeldýän çagalara edermen gallaçylarymyzyň gazanan ajaýyp zähmet ýeňşi mynasybetli hormatly Prezidentimiziň we Gahryman Arkadagymyzyň adyndan ýörite sowgatlaryň gowşurylmagy-da munuň aýdyň beýanydyr. Bu gezekki çäre ata-babalarymyzyň asylly däplerinden, durmuş taglymatyndan gözbaş alýan, hormatly Prezidentimiz we Gahryman Arkadagymyz tarapyndan mynasyp dowam etdirilýän nusgalyk ýörelgäniň ajaýyp dabaralanmasyna öwrüldi. Şeýle hem ol hormatly Prezidentimiziň ynsanperwer ýörelgelere esaslanýan durmuş ugurly syýasatynyň rowaçlanmasydyr. Dabaranyň dowamynda çagalaryň çykyşlaryna giň orun berildi. Merkezde bejergi alýan we saglyklaryny dikeldýän çagalar ajaýyp sowgatlar üçin tüýs ýürekden çykýan hoşallyklaryny goşgy setirleri, joşgunly sözler bilen beýan etdiler. Olar sagdyn durmuş, eşretli ýaşaýyş we sazlaşykly ösüş ugrunda özleri barada yzygiderli alada edýän lukman Arkadagymyza, hormatly Prezidentimize çäksiz hoşallyklaryny bildirdiler. Ýurdumyzda her bir ynsan, hususan-da, çagalar baradaky alada «Döwlet adam üçindir!» diýen baş şygarymyzy dabaralandyryp, Gahryman Arkadagymyzyň başlangyjy bilen işlenip taýýarlanylan «Saglyk» Döwlet maksa

17 Iýul 2024

Jemgyýet

Ýaşlar we jemgyýet

Türkmen halkynyň terbiýeçilik däp-dessurlary, ruhy-ahlak ýol-ýörelgesi özboluşly bir durmuş ýoly bolup, ol milli terbiýeçilik mekdebi — halk mugallymçylygy derejesine ýetirilipdir. Magtymguly Pyragynyň umman ýaly döredijilik mirasynda, «Görogly», «Gorkut ata» ýaly halk eposlarynda, halk dessanlarynda, rowaýatlarynda, tymsallarynda, ertekilerinde, nakyllarynda şol milli mekdebiň parasatly garaýyşlary öz beýanyny tapýar. «At seýse bagly, adam — terbiýä», «Çaga eziz, edebi ondan hem eziz», «Bal süýji, baldanam bala süýji», «Alym bolmak asan, adam bolmak kyn», «Adam edebinden belli, ýurt — tugundan», «Perzent edep görmese, edep görkezmez», «Edep — bergi» ýaly atalar sözleri milletimiziň nesil hakyndaky aladany we onuň terbiýesini näderejede ýokary goýýandygyny aýdyň görkezýär.

17 Iýul 2024

Jemgyýet

Il-ýurt bähbitli beýik işler

Berkarar döwletiň täze eýýamynyň Galkynyşy döwri il-halkyň ykbalynyň galkynýan ajaýyp döwrüne öwrülýär. Hormatly Prezidentimiziň baştutanlygynda amala aşyrylýan durmuş ugurly döwlet syýasatynyň netijesinde, il-halkyň bähbidine gönükdirilen beýik işler rowaçlanýar. Munuň şeýledigini şu ýylyň 12-nji iýulynda geçirilen Türkmenistanyň Ministrler Kabinetiniň giňişleýin mejlisinde berlen hasabatlar hem aýdyňlygy bilen tassyklaýar. Hasabat döwründe jemi içerki önümiň ösüş depgini 6,3 göterime deň boldy. Bu bolsa ykdysadyýetimiziň pudaklarynyň durnukly ösüş depginini saklaýandygyny görkezýär. Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen parasatly şygary bagtyýar ildeşlerimiziň kalbynyň senasyna öwrüldi. Hormatly Prezidentimiziň 2025-nji ýylyň 1-nji ýanwaryndan başlap, zähmet haklaryny, pensiýalary, döwlet kömek pullaryny hem-de talyp we diňleýji haklaryny 10 göterim ýokarlandyrmak hakynda gol çeken Permany ilatyň ýaşaýyş-durmuş şertleriniň barha ýokarlandyrylmagyna ýardam eder. 

17 Iýul 2024

Jemgyýet

Özgertmeler — döwrüň talaby

Berkarar döwletiň täze eýýamynyň Galkynyşy döwrüniň belent ösüşlere beslenýän ýyllarynda bolup geçýän özgertmeler döwlet durmuşynyň ähli ugurlarynyň täze döwrüň talabyna laýyk kämilleşdirilmegini şertlendirýär. Şu jähtden her bir ugurda gazanylýan üstünlikleri berkitmek, olaryň hukuk binýadyny kämilleşdirmek işleri giň gerimde durmuşa geçirilýär. Hormatly Prezidentimiziň bu babatda öňde goýýan wezipelerinden ugur alnyp, golaýda geçirilen Türkmenistanyň Mejlisiniň ýedinji çagyrylyşynyň altynjy maslahatynda dürli ugurlara degişli kanunlary kämilleşdirmek boýunça taslamalar ara alnyp maslahatlaşyldy. Şolaryň hatarynda «Bolgariýa Respublikasynyň, Çehiýa Respublikasynyň, Estoniýa Respublikasynyň, Horwatiýa Respublikasynyň, Kipr Respublikasynyň, Latwiýa Respublikasynyň, Litwa Respublikasynyň, Wengriýanyň, Malta Respublikasynyň, Polşa Respublikasynyň, Rumyniýanyň, Sloweniýa Respublikasynyň we Slowakiýa Respublikasynyň Ýewropa Bileleşigine girendigini göz öňünde tutup, bir tarapdan Türkmenistan bilen we beýleki tarapdan Ýewropa Bileleşiginiň we oňa agza döwletleriň arasyndaky hyzmatdaşlygy döredýän gatnaşyklar we hyzmatdaşlyk hakyndaky Ylalaşyga Teswirnamany tassyklamak hakynda», «Atom energiýasy boýunça halkara agentliginiň Tertipnamasynyň VI maddasyna Üýtgetmäni tassyklamak hakynda», «Ýabany ösümlik we haýwanat dünýäsiniň ýitip gitmek howpy astyndaky görnüşleriniň halk

17 Iýul 2024

Jemgyýet

Eziz Diýarymyz — mukaddes seždegähimiz

Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň mejlislerinde Watan gullukçylarynyň arasynda ýaşlaryň watanperwerlik terbiýesini yzygiderli ösdürmek boýunça alnyp barylýan işleri kämil derejede guramagyň zerurdygyna ünsi çekýär. Watana gulluk etmegiň, ony jandan eziz görüp goramagyň we ýurdumyzy gülledip ösdürmek üçin hyzmat etmegiň her bir ynsanyň ömrüniň manysy, mertebeli ýaşaýşynyň özeni, maksat-myrady bolup durýandygyny pent-nesihat edýär. Çünki Watan ogullarynyň — merdana, batyr gerçekleriň watanperwerlik duýgusy her gysym topragyň keramatdygyna uýmakdan, şöhratly geçmişimize, öý-ojagyň mukaddesligine, il-ulsuň, ata-babalaryň çuňňur pähimine hormat-sarpa goýmagy başarmakdan başlanýar. Şöhratly geçmişine sarpa goýýan nesil şu günüň bagtyýarlygyna guwanyp, geljegiň röwşendigine ynanyp, eziz topragyna söýenip ýaşaýar. Biziň Watana bolan söýgimiz ata-babalarymyzyň nesilleriň eşretli durmuşda ýaşamagy üçin görkezen gahrymançylyklarynyň üstümizde ganat gerýän ölmez-ýitmez ruhlary bilen utgaşýar, bir bitewi güýje öwrülýär. Ynsan geçmişiniň beýikligini, köki-damarynyň çuňlugyny, köňlüniň rahatlygyny, şu gününiň bagtyýarlygyny, sarsmaz-synmaz rysgal-döwletliligini diňe öz Watanynyň goýnunda görýär. Göbek ganymyz daman Watan topragy, ony goramak,

17 Iýul 2024

Jemgyýet

Magtymguly — halkyň beýik danasy

«Pähim-paýhas ummany Magtymguly Pyragy» ýylynyň uly üstünliklere beslenýän günlerinde akyldar şahyryň doglan gününiň 300 ýyllygy mynasybetli dabaraly çäreler geçirilýär. Türkmenistanyň Kärdeşler arkalaşyklarynyň welaýat birleşmesiniň «Daşoguz habarlary» gazetiniň redaksiýasy bilen bilelikde guramagynda geçirilen «Magtymguly — halkyň beýik danasy, äleme nusgadyr ähli namasy» atly maslahat hem ýokary ruhubelentlige beslendi. TKA-nyň welaýat birleşmesinde geçirilen maslahata dürli ulgamlarda zähmet çekýän bagtyýar ildeşlerimiz gatnaşdylar. Maslahatda TKA-nyň welaýat birleşmesiniň başlygy, Hormatly il ýaşulusy Aşyrdurdy Allaýew, «Daşoguz habarlary» gazetiniň bölüm redaktory Döwletnazar Işangulyýew, TKA-nyň welaýat birleşmesiniň pudaklar boýunça utgaşdyryjylary Jumagül Hojaýewa, Haltäç Bäşimowa, maglumat tehnologiýalary boýunça esasy hünärmeni Begmyrat Baýramow dagy çykyş edip, akyldar şahyryň edebi mirasynyň ähmiýeti hakynda gürrüň etdiler. Mälim bolşy ýaly, Magtymguly Pyragynyň medeni mirasyny dünýä ýaýmakda ýurdumyzda birnäçe işler alnyp barylýar. Şolaryň hatarynda «Magtymguly Pyragynyň medeni mirasy hakynda» Türkmenistanyň Kanunynyň ähmiýeti örän uludyr. Bu kanun beýik söz ussadynyň medeni mirasynyň aýawly saklanmagyna we geljek nesillere ýetirilmegine degişli wezipeleriň hukuk binýadyny berkidýär. Akyldar şahyryň döredijilik mirasy häzirki wagtda halkara derejede uly gyzyklanm

17 Iýul 2024

Jemgyýet

Hepdäniň habarlary

Täze taryhy eýýamyň ganaty Daşoguz şäher häkimliginiň, TDP-niň welaýat, şäher komitetleriniň hem-de şäher kazyýetiniň bilelikde guramagynda «Arkadagly Gahryman Serdarymyzyň özgertmeler syýasaty — taryhy eýýamyň ganaty» atly maslahat geçirildi.

17 Iýul 2024

Jemgyýet

Ýaşaýyş jaýlarynyň ätiýaçlandyrylyşy

Hormatly Prezidentimiziň taýsyz tagallalary bilen milli ykdysadyýetimiziň ähli ugurlary bilen bir hatarda, ätiýaçlandyryş işleri hem güýçli depginde kämilleşdirilýär. Türkmenistanyň Döwlet ätiýaçlandyryş guramasynyň baş maksady döwletiň, kärhanalaryň, raýatlaryň bähbitlerini goramakdan ybarat bolup, bazar gatnaşyklaryny, ätiýaçlandyrylýan müşderileriň isleglerini hasaba almak bilen, täze birnäçe kadalary taýýarlady. Olardan müşderileriň arasynda, esasanam, «Fiziki şahslara degişli jaýlary meýletin ätiýaçlandyryş» kadasy bähbitli bolup durýar. Onuň esasy wezipesi ätiýaçlandyryş şertnamasynyň hereket edýän döwründe tötänleýin bolan hadysalar esasynda ýetirilen zyýanyň öwezini dolmakdan ybaratdyr. Fiziki şahslaryň eýeçiliginde bolan ýa-da olar tarapyndan kanuny esasda ulanylýan, hemişelik ýaşaýan ýerinde gurnalan diwarlar hem-de üçegi bolan jaýlar (ýaşaýyş jaýlary, bagçylyk öýleri, ulag jaýlary, kömekçi we hojalyk jaýlary) meýletin ätiýaçlandyryşyň obýekti bolup durýar. Olara degişli jaýlary meýletin ätiýaçlandyryş aşakdaky ätiýaçlandyryş halatlary netijesinde ýok bolmagyndan ýa-da olara zeper ýetmeginden geçirilýär, ýagny:

17 Iýul 2024

Jemgyýet

Sahawatly topragyň berekedi

12-nji iýulda hormatly Prezidentimiz Serdar Berdimuhamedow Ministrler Kabinetiniň Başlygynyň oba hojalyk toplumyna gözegçilik edýän orunbasaryndan hem-de welaýatlaryň häkimlerinden ýurdumyzyň edermen gallaçy daýhanlarynyň bugdaý hasylyny ýetişdirmek boýunça şertnamalaýyn borçnamalaryny ýerine ýetirendikleri baradaky hasabatlary kabul etdi. «Oguz han» köşkler toplumynda geçirilen dabarada Diýarymyzyň welaýatlaryna wekilçilik edýän bagtyýar çagalaryň buýsançnamalary aýratyn joşgun bilen ýaňlandy. «Oguz han» köşkler toplumynda ýurdumyzyň welaýatlarynyň elleri bugdaý desseli hem-de däneden doly horjunly ýaşajyk wekilleri Arkadagly Gahryman Serdarymyza şanly waka mynasybetli gutlag sözlerini beýan etdiler. Çagalar hormatly Prezidentimizi bereketli türkmen topragynda bol galla hasylyny ösdürip ýetişdiren daýhanlaryň öndürijilikli zähmetini, ýurdumyzda amala aşyrylýan asylly işleri wasp edýän goşgulary okadylar. Şahyrana setirlerde Watanymyzyň sahawaty, «Pähim-paýhas ummany Magtymguly Pyragy» ýylynyň şatlykly wakalary, Arkadagly Gahryman Serdarymyzyň baştutanlygynda amala aşyrylýan beýik işler öz beýanyny tapýar.

17 Iýul 2024

Jemgyýet

Ajaýyp sowgat

Golaýda edermen gallaçy daýhanlarymyzyň zähmet ýeňşi mynasybetli Arkadagly Gahryman Serdarymyzyň hem-de Gahryman Arkadagymyzyň adyndan Köpetdagyň etegindäki ajaýyp Gökdere jülgesinde ýerleşýän «Çynar» çagalar dynç alyş merkezinde wagtlaryny şadyýan geçirýän Döwletliler köşgünde terbiýelenýän çagalara sowgatlar gowşuryldy. Bilşimiz ýaly, ýurdumyzda röwşen geljegimiz bolan ýaş nesiller uly üns-alada bilen gurşalýar. Orta mekdeplerde döwrebap bilim alýan çagalary tomusky dynç alyş möwsüminde gözel Gökderäniň goýny mähirli garşylaýar. Häzirki wagtda bu ýerde çagalaryň dynç alyş möwsüminiň ikinji tapgyry dowam edýär. Gökderäniň köpsanly çagalar sagaldyş-dynç alyş merkezlerinde paýtagtymyzyň dürli künjeginden gelen körpeler bilen bir hatarda, Döwletliler köşgünde terbiýelenýän çagalar hem wagtlaryny şadyýan we netijeli geçirýärler. Ine, şeýle arzyly tomus günlerinde hormatly Prezidentimiziň, Gahryman Arkadagymyzyň adyndan bagtyýar çagalara gowşurylan toý sowgady hem ýaşajyk türkmenistanlylaryň ýürek buýsançlaryny goşalandyrdy. Munuň özi ýaş nesil hakyndaky aladanyň hemişe ilkinji orunda durýandygynyň aýdyň subutnamasydyr. Döwletliler köşgünde terbiýelenýän çagalaryň gallaçy daýhanlarymyzyň zähmet ýeňşi mynasybetli iberilen toý sowgatlary üçin özleriniň we ýurdumyzyň ähli ýaş nesilleriniň ýagty geljegi ugrunda taýsyz tagallalary edýän, beýik işleri durmuşa geçirýän Arkadagly Gahryman

17 Iýul 2024

Jemgyýet

Şadyýan tomus

Çagalaryň şatlygy — dünýäniň abatlygy Hormatly Prezidentimiziň ýaş nesilleriň sagdyn ösüp ulalmagy, çagalaryň göwnejaý dynç almagy üçin döredip berýän ajaýyp mümkinçilikleri ýaş nesilleri diýseň begendirýär, buýsandyrýar. Häzirki wagtda dowam edýän tomusky dynç alyş möwsümini guramaçylykly geçirmekde welaýatymyzda ýerleşýän «Bagtyýar nesil» çagalar sagaldyş we dynç alyş merkezinde döwrüň talabyna laýyk işler ýola goýulýar. Dynç alyş möwsüminde ýaş nesilleriň wagtlaryny şadyýan geçirmekleri üçin bu ýerde ähli mümkinçilikler bar. Dynç alyş merkezinde welaýatymyzyň dürli künjeginden bagtyýar nesilleriň ýüzlerçesi wagtlaryny şadyýan geçirýärler.

17 Iýul 2024

Jemgyýet

Gahryman Arkadagymyzyň «Türkmeniň döwletlilik ýörelgesi» kitabyndaky hekaýatlar we rowaýatlar ummanyndan

... Zähmetde gözellik bar. Tamdyrda çörek ýapýan, ig egirýän, ýüpek işýän zenan keşplerinde, eli pilli ýer depýän daýhanyň, baga timar berýän bagbanyň, uzakly gününi körügiň başynda geçirýän demirçi ussanyň keşbinde durmuşyň iň owadan, nusga alynmaly pursatlary jemlenendir. Adamyň zähmetiň gymmatyna düşünmegi, zähmetiň gadyryny bilmegi onuň mertebesini beýgeldýär. Çünki zähmet daragty adamyň özünde bolup, ol adamyň tebigy ukybynyň endik bilen özleşdirilmeginiň netijesidir. Bir adam ömürboýy hazyna gözläp, çölleri, daglary agtarypdyr. Aslynda hazyna onuň howlusynyň bir çüňkünde gömülgi eken diýip, ýaşulular gürrüň bererdiler. Şu tymsal hem özüňde bar bolan, elýeterli mümkinçilikleri özleşdirmegi ündeýär, ata-babalarymyz: «Işikden tapsaň, töre geçme» diýipdirler. Munuň birinji bölegi biziň özümizdäki özleşdirilen, ozalky bar ukyplardyr we mümkinçilikler, ikinji bölegi soň özleşdirilmeli, gazanylmaly mümkinçilikler hakyndadyr. Ilki bilen edip bolýan, gözüňe görnüp duran mümkinçiliklerden ýerlikli peýdalanmalydyr. Çünki özüňde bar zat, başga ýerden gözlenilmeýär.

17 Iýul 2024

Jemgyýet

«Aşgabat» — arzyly mekan

Tomus paslynda paýtagtymyzyň çägindäki gür bagly seýilgähleriň arzysy birbaşga bolýar. Gahryman Arkadagymyzyň, hormatly Prezidentimiziň taýsyz tagallalaryndan kemala gelen Aşgabadyň ak mermerli belent binalarynyň sapaly seýilgähler, tebigy zolaklar bilen sazlaşykly keşbi bu gün göreniň göwnüni galkyndyrýar. Paýtagtymyzyň çäginde Aşgabadyň ýaşaýjylarynyň we myhmanlarynyň rahat dynç almagy üçin döredilen seýilgäh zolaklarynyň ençemesi bar. Şäher ýaşaýşynyň şertlerinde ynsany tebigatyň ajaýyp dünýäsi bilen ýakynlaşdyrýan seýilgähler ýylyň ähli paslynda hem adamlara ruhy lezzet paýlaýar. Şolaryň iň meşhurlarynyň biri «Aşgabat» seýilgähi hem köpleriň, aýratyn hem, tomusky dynç alşyny şadyýan geçirýän çagalaryň arzyly mekany. 1887-nji ýylda düýbi tutulan seýilgäh diňe bir paýtagtymyz bilen adybir bolman, eýsem, ýaşy boýunça hem deňeçerdir. 2014-nji ýylda durky düýpli täzelenip, gaýtadan halk köpçüligi üçin açylan «Aşgabat» islendik ýaşdaky raýatlaryň uly höwes bilen dynç alýan ýeri. Paýtagtymyzyň merkezi köçeleri bolan Türkmenbaşy we Magtymguly şaýollarynyň ugrunda ýerleşýän seýilgähe şäheriçi awtobuslaryň köpsanlysynyň üznüksiz gatnawy ýola goýlan. Ýylyň islendik paslynda bolşy ýaly, köp adamly seýilgähde tomus paslynyň joşgunly günlerinde, asuda agşamlarynda hakyky dynç alyş şatlygy emele gelýär.

17 Iýul 2024

Jemgyýet

Täsirli pursatlara baý günler

Gahryman Arkadagymyzyň hem-de Arkadagly Gahryman Serdarymyzyň taýsyz tagallalary bilen ýurdumyzda çagalar hakyndaky alada mydama üns merkezinde saklanylýar. Şeýle bolansoň, biziň geljegimiz bolan çagalar bagtyýar durmuşda ýaşaýarlar, her gününi şatlykly geçirýärler. Şu günler Diýarymyzda dowam edýän mekdep okuwçylarynyň tomusky dynç alyş döwründe çagalar tebigatyň gözel ýerlerine, medeniýet ojaklaryna, seýilgählere gezelenç edýärler. Olaryň arasynda gyzykly kitaplary okap, lezzet alýanlary-da, sungat eserlerinde tebigat täsinliklerini ussatlyk bilen suratlandyrýanlary-da bar. Okuwçylaryň bir topary bolsa ýurdumyzyň dürli künjeklerinde ýerleşýän çagalar sagaldyş we dynç alyş merkezlerinde wagtlaryny gyzykly geçirýärler.

17 Iýul 2024

Jemgyýet