"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Bä­bek to­ýy

«7/24.tm»:№38 (225) 16.09.2024 Her bir türk­men maş­ga­la­sy ça­ga dün­ýä ine­nin­den, maş­ga­la tä­ze bir ki­çi­jik yn­sa­nyň ge­lip go­şul­ma­gy­ny uly buý­sanç-şat­lyk bi­len bel­läp, ony toý tut­mak bi­len gar­şy al­ýar. Mu­ňa «Bä­bek to­ýy», kä­bir we­la­ýat­lar­da «Piş­me to­ýy» di­ýil­ýär. Bu to­ýa her bir tä­ze dur­muş gu­ran maş­ga­la uly hö­wes bi­len ga­raş­ýar. Ge­lin edi­ni­len­de tä­ze gel­niň ete­gi­ne ogul bä­be­giň atyl­ma­gy­nyň hem «Tä­ze gel­niň aýa­gy ýer tut­sun, ör­ňe­sin-kö­pel­sin» di­ýen ma­ny­sy bar. Şeý­le hem toý gat­la­ma­sy bi­şi­ri­len­de «Tä­ze maş­ga­la hem ile go­şu­lyp, gat-gat bo­lup kö­pel­sin» di­ýip, yrym edil­ýär. Mu­nuň özi türk­me­niň «Kö­pe­lip köl bol!» di­ýen aja­ýyp ar­zuw­la­ry­nyň, uly maş­ga­la bo­lup ag­zy­bir ýa­şa­mak ba­ra­da­ky ýag­şy ni­ýet-pä­li­niň dur­mu­şy be­ýa­ny­dyr.

22 sagat öň

Maşgala

Dinozawr şekilindäki galam gutusy

Mähriban çagalar, okuw möwsümi başlady. Biz hem şu sanymyzda okuw esbaplarynyň biri bolan galam gutujygynyň ýasalyşyny öwretmekçi. Bu galam gutymyz dinozawrjygyň şekilinde bolar. Bu naşyja, gowuja dinozawrjyk. Ol ähliňiziň gowy görüp synlaýan «Gowy dinozawr» atly multfilmiňizdäki baş gahrymany ýadyňa salyp dur. Geliň, onda bilelikde galam gutujygyny ýasamaga başlalyň! Gerekli esbaplar:

12 Sentýabr 2024

Maşgala

Datly tagam

Mähriban çagalar, täze okuw ýylynyň başlanmagy bilen ähliňiz uly güýç, hyjuw bilen ak mekdeplere gatnap başladyňyz. Okuwda geçilýän her bir sapagy doly özleşdirmegiňiz, sagdyn bolmagyňyz üçin wagtly-wagtynda iýip-içmegiňiz, oňat naharlanmagyňyz, esasan-da, ertirlik edinmegiňiz zerurdyr. Biz hem şu sanymyzda ertirlik saçagyňyzy bezejek ýene bir tagamy — gabakly çelpegi taýýarlamagy öwredýäris. Gerekli önümler:

12 Sentýabr 2024

Maşgala

Ömrüň mertebeli menzilinde

Ýurdumyzyň ähli ýerinde bolşy ýaly, Daşoguz topragyna gadam basanyňda-da, halal zähmet çekip, ömrüni mana beslän adamlara belent sarpa goýulýandygynyň şaýady bolýarsyň. Şolaryň biri hem Türkmenistanyň «Watana bolan söýgüsi üçin» medalynyň eýesi, zähmet weterany, ene topraga yhlas siňdirip, halkyň hormatyny gazanan Soltanmyrat Seýitmyradowdyr. «Ýagşy adamyň ady köp bolarmyş» diýlişi ýaly, ýakyndan tanaýanlaryň ählisi diýen ýaly oňa «Satlyk aga» ýa-da «Satlyk başlyk» diýip ýüzlenýärler. Il içinde uly abraý-hormatdan peýdalanan Seýitmyrat aganyň döwletli maşgalasynda dünýä inen Soltanmyratjygyň saryja başyny sypalan ejesi Arazgülüň içki begenjini daşyna çykaryp: «Saryjam, saryja guzym, Satlygym!» diýen mylaýym sesini eşiden goňşy gelinler soňra bu ady alyp göteripdirler... Her gezek oba barlanda, ýaşuly bilen didarlaşylýar. Şu gezegem şeýle boldy. Satlyk aga maşgalasy Oguljan eje, agtyk-çowluklary bolup gadyrly garşyladylar. 90 ýaşyň içindedigine garamazdan, süňňüne buýurýandygy bildirýän ýaşulynyň gürrüňlerini diňledigiňçe diňläsiň gelýär. Ol 1934-nji ýylda Daşoguz welaýatynyň häzirki Saparmyrat Türkmenbaşy etrabynyň Ruhabat obasynda (öňki Gyzyl güýç obasy) dünýä inýär. Soltanmyrat maşgaladaky üç çaganyň ortanjysy eken. 1949-njy ýylda mekdebiň 8 synpyny tamamlap, obada zähmet çekip başlaýar. «Türkmen topragy gyzyl öndürýän toprak. Ata-babalarymyz «Ýykylsaň ýere ýapy

11 Sentýabr 2024

Maşgala

Ene — dünýäniň görki

«Ene» diýen ýekeje sözüň aňyrsynda daglar ýaly belent many ýatyr. Ene ýüreginde nurly güneş kimin gyzgyn mähir, tolkun atýan ummanlar deýin möwçli söýgi ýerleşýär. Ene — gudrat, ene — keramat. Dünýäniň bahar-ýazy, ýaşaýşyň ýaraşygy eneleriň barlygy bilen şöhlelenýär. Ene — her birimiziň göz açyp gören, diňe görer göz bilen däl-de, eýsem ýürek urgusy bilen kabul eden, göwün ganaty bilen guçan mähribanymyz. Ene — dünýädäki bar ajaýyplykdan üstün gelýän keşbiň eýesi. Şeýle bolansoň, her kim öz ejesini dünýädäki iň owadan, iň mähriban we iň hamrak ynsan hasaplaýar. Rowaýatda aýdylyşyna görä, ejesinden azaşyp aglaýan oglanjykdan: «Ejeň nähiliräk aýal, daş keşbi nähili bolmaly?» diýip, soranlarynda, oglanjyk ejesini «Ejem — iň owadan aýal» diýip suratlandyrypdyr. Ene mähriniň çaga ýüregini çoýýan ýylysy dünýädäki ähli gözelliklerden belentde durýar. Adamzat üçin eneden mährem, eneden eziz, eneden ýakyn ýaradylyş ýokdur. Eziz Watan bilen mähriban ene ynsanyň iň arzyly mukaddeslikleridir. Eneler — maşgalanyň sütüni, ahlak gözelliginiň nusgasy. Häzirki zaman jemgyýetinde maşgala ojagyny berkitmek, kämil dünýägaraýyşly, sagdyn nesilleri kemala getirmek ýaly hyzmatlary bilen, eneler ýurdumyzyň durmuş-ykdysady ösüşlerine örän uly goşant goşýarlar. Türkmen eneleri maşgala ojagynyň ýylysyny, nesil-neberesiniň abraýyny, jemgyýetiň ahlak binýatlaryny, ynsanperwer ýörelgelerini, däplerini gorap

10 Sentýabr 2024

Maşgala

Ene mähriniň gudraty

Türkmen halkynyň Milli Lideri alym Arkadagymyz «Enä tagzym — mukaddeslige tagzym» atly kitabynda «Ene — beýikleri dünýä inderýän beýiklik» diýip belleýär. Hakykatdan-da, üç harpdan ybarat «ENE» sözüniň mazmunynda ymgyr dünýä jemlenýär. Ene — howa! Diýmek, ene — başlangyç! Ene — daragt! Diýmek, ene — dowamat, bagtyýar geljek! Şonuň üçin halkymyz asyrlaryň dowamynda ene hormatyny keramat derejesine göterip, olaryň ruhuna, keşbine tagzym edipdir. Goňurdepäniň, Parfiýanyň taryhy tapyndylary we beýleki arheologiýa maglumatlary bu pikiri aýdyň tassyklaýar. Dünýä inen çaganyň, ilki bilen, nazarynyň didarlaşýan ýüzi onuň üçin ýerdäki perişdesi bolan mähriban enesidir. Ene hakda, onuň mukaddesligi, gyzgyn mähir-şepagaty, çäksiz söýgüsi hakynda aýdym aýtmadyk bagşy, saz çalmadyk sazanda, goşgy düzmedik şahyr ýok bolsa gerek... Enäniň ady, onuň gözel, mährem keşbi bakydyr, sönmeýän nurdur! Çaga ilkinji mähir-söýgini öz mährem enesinden alýar. Enäniň süýdi ýaly halallygy, hüwdüsi ýaly şirin mukamy, eli ýaly mylaýym melhemi hiç ýerden tapyp bolmajakdygy şübhesiz hakykat. Ene diňe bir adamzat nesliniň gudratyny dowam etdiriji bolman, eýsem, ol maşgala ojagynyň eýesi hem diregidir.

5 Sentýabr 2024

Maşgala

Ukyňyz gelýärmi?

Iş wagtynda ukynyň tutmagy hemmämize mälim ýagdaý bolsa gerek. Kämahal şeýleräk pursatlar bolýar, iş wagtynda gözleriňiz özüňize boýun egmeýär. Şeýle pursatlarda uky bilen göreşmek üçin näme etmeli? — Sowuk suw. Kofe däl, sowuk suw (buz aralaşan bolsa has hem gowy) ukudan açylmagyňyza kömek eder. Mundan başga-da, sowuk suw bedeni ýeterlik suw bilen üpjün edýär we metabolizm tizligini artdyrýar.

5 Sentýabr 2024

Maşgala

Köp bolsa-da, az ýaly

Çagalyk pursatlaryň göz öňüňde janlananda, eneli-ataly günleriň näçe köp bolan hem bolsa, az ýaly görünýär. Sebäbi olaryň ýyly mährinden, söýgüsinden, mährem keşbinden, didaryndan hiç ganma ýok. Güler ýüzleri hemişe göz öňüňde baky heýkel bolup, zybanyndan çykan hoştap, ýakymly sözleri gulagyňda ýaňlanyp dur. Dünýäde olary hiç bir mukaddeslik bilen deňäp bolmaýar. Gyz maşgalanyň durmuşynda ejäniň orny has hem uly. Sebäbi ol her bir duýgyňy gözüňden aňyp, saňa syrdaş bolýan EJE! Ejemiň alty aýlyjak wagtym meni gujagyna alyp düşen suratyny günde diýen ýaly synlaýaryn, käbäm bilen didarlaşýaryn. «Eje jan, käbäm, sen ýanymda bolsaň bolmaýarmy?» diýip, onuň bilen hyýaly sözleşýärin. Göwnüme bolmasa, ol: «Gyzym, men mydama-da seniň ýanyňda ahyryn» diýýän ýaly. Ol dogrudan hem şeýle bolmaly, sebäbi käwagt başlan işiňe ugur tapman, dümtünäýýän halatyňda ýa-da başyňa bir iş düşüp, ejizleseň hem ejeň saňa medet-hemaýat berýär. Ol ýuwaşlyk bilen gulagyňa çawuş çakýan ýaly bolýar. Kalbyňda ýaňlanan owazy ruhuňy galkyndyrýar, bedeniňe güýç-kuwwat berýär.

5 Sentýabr 2024

Maşgala

Gyzym gözel — edebi ozal

Halkyň içinde biri bilen guda bolunjak bolsa: «Enesini gör-de, gyzyny al» diýilýär. Sebäbi gyz maşgala enesiniň görüm-göreldesine eýerip kemala gelýär, oňa enäniň edep-ekramy, hüý-häsiýeti, hereketleri geçýär. Gyzyň enesiniň hereketlerini gaýtalasy gelýär. «Ýagşy ene — ýagşy gyza görelde» bolanda, enäniň perzendine bolan söýgüsi, mähri gyz maşgalanyň durmuşyna şamçyrag bolup şöhle saçýar. Biz maşgalada bäş gyz bolup ulaldyk. Ejem agşamlaryna, el işlerini etmäge üýşenimizde geçmişimiziň hakyky edep mekdebine degişli «Melike Danyşment ýa-da müň sowal» atly dessandan gürrüň bererdi. «Dessanda «Gelin-gyzlara näme ýaraşar?» diýlen sowala: «Gelin-gyzlara utanç-haýa ýaraşar» diýlip, jogap berilýär. Gyz maşgalanyň gözelligi, esasan, onuň gylyk-häsiýetinde, edebinde jemlenýär. Edepli-ekramly, mähir-mylakatly, asylly gelin-gyzlarymyz mydama görüm-göreldäniň nusgasy bolup ýaşamalydyr» diýip, käbäm ýagşy gylyk-häsiýetlere ünsümizi çekerdi.

5 Sentýabr 2024

Maşgala

Döwrüň bagtly enesi

Enä barýan ýol... Bu ýoluň sogaby, ýakymy, ýalkawy barada näçe gürrüň etseňem, az görünýär. Bu ýoly her bir ynsan balasy özüne mukaddes saýýar. Bu ýola düşen badyňa ýadawlyk diýen zatdan nam-nyşan galmaýandygy barada köp gezekler oýlanýarsyň. «Ejemlere barýaryn!» diýip, göwnühoş halda töweregiňe mähir bilen bakýansyň. Hamana diýersiň, bu ýol ene paýhasyna eýlenen müdimi nesihatlardan nemlenen ýalydyr. Mähriban käbäňiň mylaýym sesi, ruhuňa medet berýän mylakatly keşbi seni bu barlykda bagtly edýändir. Şol gezek goýny 360 pirli toprakda döredijilik toparymyz bilen iş saparynda bolan günlerimizde welaýatyň uzak ýaşly enesi bilen didarlaşyp, onuň baý durmuş tejribesi barada söhbetdeş bolmak üçin ýola düşenimizde göwünler şeýle ahwallar bilen doludy. Bize ýolbelet bolup barýan Türkmenistanyň Kärdeşler arkalaşyklarynyň Daşoguz welaýat birleşmesiniň esasy hünärmeni Güljemal Nazarowanyň gürrüň bermegine görä, Äşe Babaýewa 1932-nji ýylda dünýä inýär. Ömrüniň köp bölegini ýaşlara bilim-terbiýe bermäge bagyş edýär. 1956-njy ýylda ýanýoldaşy Ata Karaýew bilen Daşoguz welaýatynyň Akdepe etrabyndaky 22-nji orta mekdepde mugallym bolup zähmet ýoluna başlaýar. Agzybir maşgalada 4 gyzy, 2 ogly terbiýeläp ýetişdirýärler. Ajaýyp zamanamyzda ene 21 agtygyna, 42 çowlugyna guwanýar.

5 Sentýabr 2024

Maşgala

Miweleri we gök önümleri gyşa taýýarlamak

Her möwsümiň iýmitleriniň özüne mahsus tagamy, süýjüligi we ýakymy bolýar. Iň esasy bolsa, olaryň ýokumlylygyny saklamak. Tomus paslynda gyşa huruşlyk taýýarlamak işleri alnyp barylýar. Bu döwür öý bikeleriniň hysyrdysy köp bolýar. Tomus-güýz aýlary gelin-gyzlarymyz datly ir-iýmişlerden, miwelerden dürli şiredir mürepbeleri, duza basylan önümleri taýýarlamak bilen meşgul bolýarlar. Tebigatyň eçilen peşgeşini diňe bir çüýşe gaplara gaplaman, başga-da birnäçe usullar arkaly olaryň dürli görnüşlerini taýýarlaýarlar. Şol usullaryň biri-de gök önümleri we miweleri doňdurmak we guratmakdyr.

5 Sentýabr 2024

Maşgala

Jalbary nähili gysgaltmaly?

Täze okuw ýylynyň başlanmagy bilen her öýde, her hojalykda okuw köýneklerini tikmek we jalbarlary taýynlamak işleri bilen meşgul bolunýar. Satyn alynýan taýýar kostýum—jalbarlaryň aglabasynyň üstki beden ölçegleri gabat gelse-de, jalbarlaryň aşagynyň uzynrak gelýän wagtyna köp duş gelinýär. Şeýle ýagdaýda, okuwçy jalbarlaryny öý usulynda nädip gysgaldyp bileris? Geliň, öwreneliň. Gerekli esbaplar:

5 Sentýabr 2024

Maşgala

Maňyzlaryň peýdasy

Hozlaryň we maňyzlaryň ähli görnüşleri mikroelementlere, witaminlere, beloklara we aminoturşulyklara örän baýdyr. Badam, arahis, grek hozy, keşýu hozy, kädi çigidi ýaly hozdur maňyzlaryň dürli görnüşleri biziň durmuşymyzda peýdalanylýar. Hersiniň hem özüne ýetik witaminleri we minerallary bar. Hozdur maňyzlary gündeki iýmitinde yzygiderli ulanýan adamyň bedeninde zyýanly galyndy bolmaýar, onuň ýüregi we beýnisi has gowy işleýär.

5 Sentýabr 2024

Maşgala

Altyn barada

Altyndan ýasalan bezegleri zenanlarymyzyň ählisi diýen ýaly, uly höwes bilen dakynýar. Bu bezeg metaly üstünligiň, berekediň, gözelligiň nyşany hasaplanýar. Il arasynda: «Altynyň gözelligi Aý bilen Günüň arasyndaky asudalygy, ýaraşygy baglaşdyrýar» diýilýär. Emma altyn metalynyň güýji diňe onuň gözelliginde ýa-da gymmatlygynda däl. Dogrusy, ol hemişe beýleki gymmat metaldyr, gymmatbahaly daşlar ýaly, ynamly maýa goýum serişdesi hökmünde ulanylýar. Altyn ylmy tarapdan öwrenilen gadymy metal bolup, ol hem bezeg, hem lukmançylykda ulanylyp gelinýär. Häzirki wagtda hem altyn ylymda we senagatda talap edilýän metal. Dünýäde meşhur bolan bu metalyň möçberiniň ondan bir bölegi farmakologiýada, plastik hirurgiýada, radiasiýa terapiýasynda, kosmetologiýada ulanylýar.

5 Sentýabr 2024

Maşgala

Täsin ykbally zenanlar

Hünäriň haýsy birini alanyňda-da, ol çyn zehini, gaýduwsyzlygy, tutanýerliligi, maksada okgunlylygy, esasan hem, isleg-höwesi talap edýär. Taryhyň gatlaryna ser salanyňda, geçmişde şeýle häsiýetleri özünde jemlän, islendik hünäri özleşdirmekde erkekler bilen deň derejede gadam uran zenanlaryň köp bolandygyna göz ýetirýärsiň. Geliň, olaryň käbirleri hakynda ýatlap geçeliň. Walentina Serowanyň 25 ýaşynda adamsy ýogalýar. Aleksandr Serow öz döwründe ökde kompozitor bolupdyr. Walentina adamsynyň ýazyp tamamlanmadyk işleriniň üstünde işläp başlaýar. Şeýdip onuň garalama depderçelerinden hem-de ýadynda galan ýatlamalardan «Duşmanyň güýji» operasyny we «Täze ýyldan öň» atly sazyny gaýtadan işläp, gutarýar. Ondan soňra Walentina «Uriel Akosto» atly operasyny ýazýar. Şol döwür bu opera sahna ussatlary tarapyndan teatrlarda ýerine ýetirilip, halkyň söýüp diňleýän eserine öwrülýär. Bu opera eseri zenana şöhrat getirýär. Ol Moskwada Russiýanyň ilkinji zenan kompozitory hökmünde alkyşlanypdyr. Walentina opera eserleriniň bäşisini döredýär. Onuň ýene-de bir arzuwy sazçylyk mekdebini gurmakdy. Şol arzuwy bilen Walentina 1913-nji ýylda Nowgorod oblastynda 500 orunlyk konserwatoriýany we opera zalyny gurdurýar.

5 Sentýabr 2024

Maşgala

Öý bikesi öwrense...

Gabakdan kotlet Gerekli önümler: 800 g gabak (kabaçki), 3 sany ýumurtga, 1 çaý çemçe duz, 5 nahar çemçe un, ösümlik ýagy, 3 nahar çemçe gaýmak ýa-da maýonez, pomidor we gök otlar.

5 Sentýabr 2024

Maşgala

Dünýä mähre beslenýär

Eneler — dünýäniň bezegi, eneler — mähir ummany, eneler hakda söhbet edilse, dünýä mähre beslenýär. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Enä tagzym — mukaddeslige tagzym» atly kitabynyň pars diline terjime edilmegi   sözümiziň ajaýyp subutnamasydyr.  Gahryman Arkadagymyzyň käbesi Ogulabat ejäniň ähli babatda nusgalyk durmuş ýoluny beýan edýän, ýaş nesli Watana wepalylyk ruhunda terbiýelemekde uly orny eýeleýän  bu eseriň dünýä halklary üçin ähmiýetlidigini görkezýär. Ene-atalara hormat goýmak türkmen halkynyň taryhyň dowamynda döreden dünýä nusgalyk asylly däbidir. Alym Arkadagymyzyň eseri hem enelere goýulýan hormat-sarpanyň belent nusgasydyr. «Enä tagzym — mukaddeslige tagzym» atly kitapda enäniň, maşgala ojagynyň mukaddesliginiň, Watana söýgi hem-de ene-atalar bilen perzentleriň arasyndaky gatnaşyklaryň ähmiýeti barada gürrüň berilýär.

5 Sentýabr 2024

Maşgala

Gözlerimiziň röwşeni, ömrümiziň gelşigi

Çaga newrozy ýetginjeklik ýaşyndaky we ýetginjeklik ýaşyna ýetmedik çagalara mahsus. Onuň ýüze çykmagyna içki agzalaryň keselleri, çagalykda sezewar bolnan ruhy şikesler, pajygaly ýagdaýlar, ýakyn adamlaryň ýitirilmegi bilen baglanyşykly başdan geçirilen dartgynlylyk sebäp bolýar. Adatça, il arasynda «depressiýa» diýlip atlandyrylýan bu kesel ýaz, güýz pasyllarynda ýitileşýär. Nerw dartgynlylygyndan ejir çekýän çaga gaharjaň, gyzma, aglak bolýar. Onuň keýpi tiz-tizden üýtgäp durýar, ukusy bozulýar. Howa we ýaşaýyş şertleriniň üýtgemegi, çaganyň nätanyş adamlaryň gurşawyna düşmegi, gorkunç kinofilmlere tomaşa etmegi keseli ýitileşdirýär. Täze ýaşaýyş-durmuş şertlerine uýgunlaşmak, täze endiklere we nätanyş adamlara öwrenişmek, ylaýta-da, 1-nji synp okuwçylaryna agyr düşýär. Şonuň üçin olarda newrozyň alamatlary has aýdyň ýüze çykýar, çaga mydama gaýgyly gezýär, ol aljyraňňy, synp işlerini ýerine ýetirmäge ýetişmezek bolýar, öýe berilýän ýumuşlara köp wagt sarp edýär, kitaby mekdep kadalaryna laýyklykda bellenen çaltlykda okamagy başarmaýar, özüniň her bir şowsuzlygyna gyýlyp, ýalňyzlykda hesret çekýär. Çaganyň özüni alyp barşy mugallymlarda nägilelik döredýär. Ol okuwa we köpçülik işlerine höwes etmeýär, haýsydyr bir işiň başlangyjyny goýmak boýunça teklip bilen çykyş etmeýär. Hiç zada gyzyklanma bildirmeýär. Onuň sapaga sebäpsiz gatnaşmaýan halatlary köp bolýar. Ýygy-ýygydan so

28 Awgust 2024

Maşgala

Okuwa höwes maşgala terbiýesine baglydyr

Täze okuw ýylynyň başlamagyna sanlyja günler galdy. Ilkinji gezek ak mekdebe gadam basjak körpeleriň okuwa taýýarlykly gelmekleri, özleri üçin täze gatnaşyklara çalt uýgunlaşmaklary ene-atalar üçinem, mugallymlar üçinem örän wajypdyr. Çaganyň mekdebe taýynlygy, geljekki durmuşynda üstünlik gazanmagyna mümkinçilik berjek endikleriniň kemala gelmegi, ilki bilen, maşgala terbiýesine baglydyr. Kiçijik adamy terbiýelemekde maşgaladaky ruhy agzybirlik, ene-atalar bilen çaganyň arasyndaky ahlak baglanyşygy esasy orun eýeleýär. Çaga maşgalada ilkinji durmuş tejribesini alýar, ilkinji garaýyşlary kemala gelýär, dürli ýagdaýlarda özüňi nähili alyp barmalydygyny öwrenýär. Çaganyň şahsyýetini ösdürmekde maşgalanyň ornuny hiç bir zat bilen deňeşdirip bolmaýar. Şahsyýeti kemala getirýän, ösdürýän, çaganyň jemgyýetçilik gatnaşyklaryna goşulyşmagyna, köpçülige uýgunlaşmagyna kömek edýän maşgala terbiýesidir. Ene-atalar, beýleki dogan-garyndaşlar ahlak terbiýesiniň binýadyny goýýarlar, özüňi alyp barmagyň ülňülerini kesgitleýärler, çaganyň şahsyýetiniň özüne mahsus aýratyn häsiýetlerini hem-de içki dünýäsini açýarlar. Başlangyç synpa barýan okuwçynyň maşgalasynyň öňünde başga biriniň üstüne ýüklenip bolmaýan terbiýeçilik meseleleriniň bir topary durýar. Ene-atalar çaga bilim, başarnyk, köpçülikde özüňi alyp baryş endiklerini bermeli, onda ýokary ahlak kadalaryny we ruhy gymmatlyklary kemala ge

27 Awgust 2024

Maşgala

Bagtly bolasym gelýär...

Bagt ynsanyň öz-özüne bolan ynam-ygtykadynda, içki dünýäsiniň päkliginde, daşky gözellige hem-de arzuw-niýetiniň söýgi sazlaşygynda jemlenendir. Olar dutar kirişlerinden hem näzik duýgulardan ybaratdyr. Bagt gözellikdir, oňa mynasyp bolmak üçin kalbymyz gözel bolmalydyr. Akyldarlaryň biriniň: «Bagta barýan ýol bagtly günleriň bardygyny duýmakdan başlanýar» diýşi ýaly, bagtly bolmak üçin, ilki bilen, özüňde bar bolan baýlyklara akyl ýetirmegi başarmaly. Bu diýildigi maddy baýlygyň göz öňünde tutulmasy däldir. Halkymyz: «Baş saglygym — baýlygym» diýmek bilen, baş saglygy iň uly bagty hasaplaýar. Gözleriň ýagty jahany görmegi, on iki süňňüňe erk edip bilmegiň, ýakyn-u-ýatlaryň şatlygyna şatlanyp, gamyna gyýlyp bilmegiň, akylyň-huşuň ýitiligi, kesgirligi, päliň-niýetiň päkligi, iň esasy zat bolsa, şu agzalanlaryň hakyky baýlykdygyna düşünmegiň bagtly bolmagyň dogry ýoludyr. Iliňi-günüňi, ýakyn-ýadyňy, bala-çagalaryňy, öý-ojagyňy söýmek islendik adamy bagtly edýär. Seniň söýgiň bilen gurşalýan ynsanlaryň gözlerindäki bagt nuruny görmegem özüňe çäksiz bagt bolup dolanýar. Aslynda, biziň hemmämiz bagtly ynsanlar. Biz islesek, her günümizi ömrümiziň iň bagtly günlerine öwrüp bileris.

26 Awgust 2024

Maşgala