Türkmenmetbugat

"Mugallymlar gazeti" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-53, 39-96-41, 39-96-40
Email: mugallymlar-gazeti@sanly.tm

Gazeti PDF görnüşinde ýükläp almak

Habarlar

Şöhrata beslenen ýyllar

Berkarar döwletiň täze eýýamynyň Galkynyşy döwründe gurmak, döretmek, sagdyn, eşretli durmuşyň hözirini görmek bagtyna eýe bolan zähmetsöýer halkymyz «Pähim-paýhas ummany Magtymguly Pyragy» ýylynda mukaddes Garaşsyzlygymyzyň 33 ýyllyk şanly senesini uly üstünlikler bilen garşy alýar. Taryhy jähetden alanyňda, örän gysga döwür bolan 33 ýylyň içinde asyrlara barabar beýik işler, taryhy özgertmeler amala aşyrylan Garaşsyz, hemişelik Bitarap Türkmenistan Watanymyz bu günki gün Arkadagly Gahryman Serdarymyzyň parasatly ýolbaşçylygynda ösüşleriň, üstünlikleriň täze belentliklerini nazarlaýar. Garaşsyzlyk ýyllarynda ýurdumyzyň kanunçylyk-hukuk ulgamynyň hem döwrebap derejede kämilleşdirilýändigini bellemek gerek. Çünki berkarar döwletimiziň jemgyýetçilik durmuşynda ýaýbaňlandyrylýan demokratik özgertmeler, pudaklarda uly ösüşleriň gazanylmagy milli kanunçylyk binýadynyň has-da pugtalandyrylmagy bilen berk baglanyşyklydyr. Şol esasdan, raýatlarymyzyň hukuklaryny we azatlyklaryny doly berjaý etmek maksatlaryndan ugur alnyp öňe sürülýän başlangyçlar uly üstünlikler bilen durmuşa geçirilýär. Şeýle hem ilatyň ýaşaýyş-durmuş derejesini has-da gowulandyrmak, ähli ulgamlaryň ösüşli ýoluny öňküdenem pugtalandyrmak bilen bagly meseleleriň çözülmegine aýratyn uly üns berilýär.

13 Sentýabr 2024

Täze taryhy eýýamyň tutumlary

Garaşsyz, hemişelik Bitarap Türkmenistan Watanymyzda gazanylýan uly ösüşler, ýetilýän belent sepgitler Berkarar döwletiň täze eýýamynyň Galkynyşy döwrüniň taryha altyn harplar bilen ýazylmagyny üpjün edýär. Bu ösüşleredir sepgitlere bolsa diňe il agzybirliginiň, ýurt parahatçylygynyň, agzybirlikli hem döredijilikli zähmetiň netijesinde ýetip bolýar. Agzybirligiň, parahatçylygyň, halkyň eşretli durmuşyny üpjün edýän beýik işleriň geljekde hem dowamat-dowam bolmagyny, has-da pugtalanmagyny gazanmakda Türkmenistanyň Halk Maslahatynyň mejlisleriniň aýratyn uly ähmiýetiniň bardygyny bellemek gerek. «Pähim-paýhas ummany Magtymguly Pyragy» ýylynyň 24-nji sentýabrynda geçiriljek Türkmenistanyň Halk Maslahatynyň nobatdaky mejlisi hem bu hakykaty ýene bir ýola subut eder. Döwletimiziň içeri we daşary syýasatyny üstünlikli durmuşa geçirmek boýunça geljekde alnyp barylmaly işler, halkymyzyň ýaşaýyş-durmuş derejesini has-da ýokarlandyrmak ugrunda öňde durýan wezipeler we durmuş-ykdysady ösüşiň esasy meseleleri ara alnyp maslahatlaşyljak mejlis türkmen halkynyň asyrlarboýy dowam edip gelýän demokratik ýörelgeleriniň döwrebap derejede rowaçlyklara beslenýändigini ýene bir ýola görkezer.

13 Sentýabr 2024

Döwletlilik ýörelgeleriniň dabaralanmagy

Ajaýyp zamanamyzda ýurdumyzyň abadançylygynyň, asudalygynyň, halkymyzyň bagtyýar, eşretli durmuşynyň üpjün edilmegine gönükdirilen beýik işler, döwletli tutumlar rowaçlyklara beslenip, mukaddes Garaşsyzlygymyzyň şanly 33 ýyllyk baýramynyň öň ýanynda paýtagtymyz Aşgabat şäherindäki Maslahat köşgünde geçiriljek möhüm syýasy-jemgyýetçilik çäre – Türkmenistanyň Halk Maslahatynyň nobatdaky mejlisi bu rowaçlyklaryň has-da öňe ilerlemeginde uly ähmiýete eýe bolar. Halk Maslahatynyň «Pähim-paýhas ummany Magtymguly Pyragy» ýylynda geçiriljek mejlisi paýhasly pederlerimiziň döwletlilik ýörelgelerinden gözbaş alýan demokratik ýörelgelerimiziň Berkarar döwletiň täze eýýamynyň Galkynyşy döwründe döwrebap derejede dowam etdirilýändiginiň aýdyň subutnamasyna öwrüler. Döwlet we jemgyýetçilik durmuşynyň möhüm meselelerini, eziz Diýarymyzy has-da gülledip ösdürmek boýunça öňde durýan wezipeleri ara alyp maslahatlaşmakda, il agzybirligini, ýurt parahatçylygyny pugtalandyrmakda Halk Maslahatynyň örän uly ornunyň bardygy hemmämize mälimdir. Şol esasdanam, bagtyýar halkymyz nobatdaky maslahata ýokary derejede taýýarlyk görýär, bu ugurda wagyz-nesihat çäreleri gyzgalaňly alnyp barylýar.

13 Sentýabr 2024

Sagdyn terbiýäniň gözbaşy

Türkmen halkyna üç ýüz ýyl bäri ruhy şamçyrag bolup hyzmat edip gelýän şygyrlary döreden Magtymguly Pyragy taryhda öçmejek yz goýan beýik şahsyýetleriň biridir. Akyldaryň gymmatly öwüt-ündewleri halkymyzyň milli terbiýeçilik mekdebiniň binýadyny emele getirýär. Berkarar döwletiň täze eýýamynyň Galkynyşy şahyryň döredijiligine goýulýan hormat-sarpa has-da artýar. Çünki akyldaryň şygyrlary ýaşlarda watançylyk duýgusyny, ynsanperwerlik we ruhy-ahlak gymmatlyklaryny terbiýelemäge ýardam edýär. Häzirki döwürde maşgalada we jemgyýetde ýaş nesle bilim hem terbiýe bermekde gözbaşyny asyrlaryň jümmüşinden alyp gaýdýan baý milli mirasymyz giňden peýdalanylýar. Ýaş nesliň ruhy hem beden taýdan sagdyn bolmagy, olaryň umumadamzat gymmatlyklaryna hormat goýýan ynsanlar bolup ýetişmegi baradaky alada türkmen halkynyň milli şahyry Magtymguly Pyragynyň döredijiliginde aýratyn orun tutýar. Onuň eserleriniň içinde edep-terbiýe, adamlaryň gylyk-häsiýetleri, watançylyk il-gün baradaky goşgulary esasy orunda durýar.

13 Sentýabr 2024

Futbol täzelikleri

Futbol boýunça Türkmenistanyň kubogy ugrundaky ýaryşyň ýarym finalyna çykan toparlar belli boldy. Arzyly kubogyň häzirki eýesi «Arkadag» topary Türkmenbaşy şäherinde ýerli «Şagadamdan» 3:1 hasabynda üstün çykdy. Şeýlelikde çärýek finalyň iki duşuşygynyň netijesi boýunça garşydaşyndan 6:1 hasabynda üstün çykan «Arkadag» topary ýarym finala çykdy.

13 Sentýabr 2024

Prestigious awards

An international exhibition ‘World Smart City Expo 2024’ has been recently held in Seoul, the Republic of Korea. The city of Arkadag took part in this event and won 3 awards. The opportunities and features of the city of Arkadag were also presented at the prestigious exhibition. The awards were given to foreign and local cities and companies that distinguished themselves among the exhibitors. The city of Arkadag received three awards, namely, ‘WSCE 2024 Smart City Excellence Award’, ‘WSCE 2024 Foreign City Award’, ‘WSCE 2024 Contribution Award’. The Turkmen people were particularly proud that only the city of Arkadag was awarded ‘WSCE 2024 Smart City Excellence Award’.

13 Sentýabr 2024

Möhüm ähmiýetli waka

Mukaddes Garaşsyzlygymyzyň şanly 33 ýyllyk toýunyň öňüsyrasynda geçiriljek Türkmenistanyň Halk Maslahatynyň nobatdaky mejlisi «Pähim-paýhas ummany Magtymguly Pyragy» ýylynda möhüm ähmiýetli waka bolup, taryhy ýylyň toý-baýramly günleriniň üstüni ýetirer. Halk Maslahatynyň mejlisinde ýetilen sepgitlere ser salnyp, öňde durýan möhüm wezipeler kesgitleniler. Döwlet ähmiýetli, il-ýurt bähbitli meseleler ara alnyp maslahatlaşylyp, taryhy çözgütler kabul ediler. Ata-babalarymyzyň asyrlaryň dowamynda toplan taryhy tejribesini özünde jemleýän Türkmenistanyň Halk Maslahatynyň mejlisi halkymyzyň agzybirligini, bitewüligini, jebisligini berkidip, asyrlar aşyp gelýän milli döwletlilik ýörelgelerimizi dabaralandyrmakda uly ähmiýete eýedir.

13 Sentýabr 2024

Ýol abat – il abat

Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda «Ýol hereketiniň howpsuzlygy – ömrümiziň rahatlygy» atly biraýlygyň çäginde Türkmen döwlet bedenterbiýe we sport institutynda wagyz-nesihat duşuşygy geçirildi. Institutyň mejlisler zalynda guralan çärä mugallymlardyr talyp ýaşlar gatnaşdylar. Wagyz-nesihat duşuşygynda Türkmenistanyň Baş prokuraturasynyň Baş müdirliginiň, Magtymguly adyndaky Ýaşlar guramasynyň Merkezi Geňeşiniň, Içeri işler ministrliginiň, Aşgabat şäheriniň Bagtyýarlyk etrabynyň kazyýetiniň, Döwlet gümrük gullugynyň wekilleri çykyş etdiler. Duşuşykda çykyş edenler her ýylyň sentýabr aýynda geçirilýän biraýlygyň ähmiýeti barada aýdyp, ýol hereketine gatnaşyjy her bir raýatyň düzgünleri doly we dogry berjaý etmeginiň zerurdygy barada belläp geçdiler. Hormatly Prezidentimiziň taýsyz tagallalary netijesinde döwlet derejesinde giň gerim bilen geçirilýän şeýle çäreler talyp ýaşlaryň ýol hereketiniň howpsuzlygy baradaky bilimlerini artdyrmakda, olara ýol kadalaryny öwretmekde, ýaşlaryň ýol hereketiniň howpsuzlygyna jogapkärli garamaklaryny gazanmakda, ýol-ulag hadysalarynyň öňüni almakda, köçelerde, jemgyýetçilik ulaglarynda okuwçylaryň özlerini howpsuz we medeniýetli alyp barmagynda uly ähmiýete eýedir.

13 Sentýabr 2024

Baky bagtyýarlygymyzyň gözbaşy

Berkarar döwletiň täze eýýamynyň Galkynyşy döwründe ýurdumyzda her bir toýuň dabarasy uludan tutulýar. Häzirki şatlykly günlerde ulus-ilimiz mukaddes Garaşsyzlygymyzyň şanly 33 ýyllyk toýuny giňden bellemeginiň öňüsyrasynda dur. Türkmenistanyň Garaşsyzlyk güni milli senenamamyzda aýratyn orun eýeleýär. Halkymyzyň bu senä aýratyn ähmiýet bermegi we dabaraly bellemegi hem ýönelige däldir. Hormatly Prezidentimiziň aýdyşy ýaly, Garaşsyzlyk biziň şöhratly geçmişimizdir, bagtyýar şu günümizdir, beýik geljegimizdir. Garaşsyzlyk biziň dünýä dolan belent at-abraýymyzdyr hem-de şan-şöhratymyzdyr. Şoňa görä-de, biziň mukaddes Garaşsyzlygymyza bolan hormatymyz, söýgimiz, wepalylygymyz ebedidir we egsilmezdir.

13 Sentýabr 2024

Taryhy wakanyň öňüsyrasynda

Altyn güýzüň ilkinji aýynda beýik döwrümize şan berjek taryhy wakalar biri-birine utgaşýar. Olaryň arasynda mukaddes Garaşsyzlygymyzyň şanly 33 ýyllyk baýramynyň öň ýanynda geçiriljek Türkmenistanyň Halk Maslahatynyň nobatdaky mejlisi aýratyn orunda durýar. Türkmen halkynyň Milli Lideri Türkmenistanyň Halk Maslahatynyň Başlygy Gahryman Arkadagymyzyň baştutanlygynda geçjek ählihalk forumynda halkymyzyň mynasyp wekilleri bilen geňeşilip, il-ýurt bähbitli çözgütler kabul ediler. Olar bolsa ýurdumyzyň mundan buýana-da okgunly ösmegine, ilatyň abadan we eşretli ýaşamagyna itergi berer. Şu taryhy wakanyň öňüsyrasynda ýerlerde maslahatlar geçirilýär. Olaryň biri etrabymyzyň Sakar şäherindäki medeniýet öýünde geçirildi. Oňa edara-kärhanalaryň işgärleri, jemgyýetçilik guramalarynyň, uly nesliň wekilleri, ýaşlar gatnaşdylar. Ruhubelentlige beslenip geçen çärede çykyş edenler peder ýoluny ynamly dowam etdirýän hormatly Prezidentimiziň parasatly baştutanlygynda ýurdumyzyň ähli ugurlarda ösüşlere beslenýändigi, ilatyň ýaşaýyş-durmuş derejesiniň barha ýokarlanýandygy guwanç bilen nygtaldy. Çykyşlarda şeýle-de düýpli ösüş-özgerişleriň etrabymyzyň çägini hem giňden gurşap alýandygy bellenilip, bu ilhalar işleriň başynda durýan hormatly Prezidentimiziň we Milli Liderimiziň atlaryna hoşallyk sözleri aýdyldy hem-de Halk Maslahatynyň nobatdaky mejlisiniň işiniň üstünliklere beslenmegi arzuw edild

13 Sentýabr 2024

Garaşsyzlyk halkymyzyň milli buýsanjydyr

Sanlyja günlerden ýurdumyzyň ähli künjeginde uly ruhubelentlik bilen toýlanyljak mukaddes Garaşsyzlygymyzyň şanly 33 ýyllyk baýramyna merjen şäherimiz Aşgabatda hem uludan taýýarlyk görülýär. Paýtagtymyzyň ajaýyp keşbinde mukaddes Garaşsyzlygymyzyň halkymyza peşgeş beren bagtyýarlygy aýdyň şöhlelenýär. Hormatly Prezidentimiziň, Gahryman Arkadagymyzyň taýsyz tagallalary bilen rowaçlanýan ak mermerli paýtagtymyz döwrüň kämil binagärlik sungatyna öwrüldi. Garaşsyzlyk ýyllary içinde ägirt uly özgertmeler durmuşa geçirildi. Ýurdumyzyň ähli pudagynda okgunly ösüşler gazanyldy. Bu günki gün Türkmenistan halkara giňişliginde ykdysady we senagat taýdan ýokary ösüşlere eýe bolýan döwlet hökmünde tanalýar.

13 Sentýabr 2024

Garaşsyzlyk — gözlerimiziň guwanjy, Şonuň bilen berkdir Watan daýanjy

Ine-de, toýlaryň seresi, baýramlaryň başy mukaddes Garaşsyzlyk toýumyz ýetip gelýär. Türkmen halky üçin iňňän gymmatly bolan bu bagt hakynda oýlandygyňça, onuň manysy has-da çuňlaşyp, güýjüniň gerimi öňküden-de giňeýär. Ata-babalarymyzyň, ene-mamalarymyzyň ýürek arzuwy bolan mukaddes Garaşsyzlygyň wysaly türkmeniň bagtyýar döwrüniň nesillerine nesip etdi. Onuň biziň ykbalymyza hut güýz paslynda miýesser etmeginiň özi-de diýseň täsindir. Güýz pasly — pasyllaryň içinde miweleriň ýetişýän, hasyla baý, şeýle-de özüniň agras keşbi, tämiz howasy bilen ähli ynsanda kämil pikirleri oýarýan pasyl. Belki-de, Garaşsyzlyk toýumyzyň güýz paslyna gabat gelmegi edermen pederlerimiziň Garaşsyzlyk hakyndaky arzuwlarynyň asyrlardan-asyrlara aşyp, kemsiz kemala gelmegi bilen berk baglydyr. Pikirlendigiňçe, mertebesi has-da belende galýan Garaşsyzlyk bagty, şeýdip, müň dürli many öwüşgini bilen ykbalymyzy Güneş kimin çoýup, älemgoşar deýin bezeýär. Garaşsyzlygyň mizemez hem gözel görnüşini türkmen halkynyň Milli Lideri Gahryman Arkadagymyz «Ömrümiň manysy» atly kitabynda: «Dünýäde şeýle bir hakykat bar: ykbal asmanyndan parlak Gün bolup dogan Garaşsyzlyk türkmen halky üçin altyn eýýamyň gapysyny açyp berdi, Türkmenistany hemişelik Bitaraplygyň mekanyna öwürdi, halkymyzyň asyrlaryň jümmüşinden gözbaş alyp gaýdýan halal ruhy akabasynyň öňüni arçady» diýip, örän ajaýyp meňzetme bilen beýan edýär. Bu

13 Sentýabr 2024

Täze eýýam: türkmen paýhasynyň dowamaty

Garaşsyzlygyň halkyň durmuşyna, aň-düşünjesine edýän täsiri ýyl-ýyldan has aýdyň ýüze çykýar. Kerwen gurap geçip barýan aý-günler täze-täze belentliklere ýetirýär. Türkmen halkynyň Milli Lideri Gahryman Arkadagymyzyň, hormatly Prezidentimiziň döwletlilik ýoly häzirki zamanyň ählumumy ösüşiniň çylşyrymly şertlerinde-de öňe tarap ynamly hereket etmäge mümkinçilik berýär. Türkmen halky döwlet syýasatynyň maksatlaryna we geljegiň wezipelerine içgin üns bermek bilen, jemgyýetiň birleşen tagallasynyň ähmiýetine aýdyň göz ýetirýär. Türkmeniň erkin ösüşiň şertlerine şeýle paýhasly çemeleşmeginiň gözbaşy onuň asyrlar aşyp gelýän milli ýörelgelerinden gaýdýar. Gahryman Arkadagymyz «Garaşsyzlyk — bagtymyz» atly kitabynda halk paýhasynyň çuňluklaryna ýüzlenip, türkmenleriň arzuwlap gelen özbaşdak döwletli bolmak baradaky maksatlarynyň many-mazmunyny ussatlyk bilen beýan edýär. Gahryman Arkadagymyz Garaşsyz, Bitarap Türkmenistanyň bütin döwletlilik ýörelgeleriniň gös-göni ata-babalarymyzyň köp müňýyllyk kämil tejribelerine, şolar bilen ýaşaýan iliň isleg-arzuwlaryna daýanýandygyny parasatlylyk bilen belläp geçýär. Milli Liderimiziň: «Garaşsyz, Bitarap Türkmenistan — bu döwlet biziň halkymyzyň agzybirlik, döwletlilik, özbaşdaklyk baradaky telim asyrlyk arzuw-maksatlaryndan bina bolandyr» diýen buýsançly sözleri halk bilen döwletiň arasyndaky mizemez baglanyşygyň köklerini açyp

13 Sentýabr 2024

Balkan welaýaty: rowaçlyklara beslenýän sebit

Hemişe bolşy ýaly, zähmetsöýer, merdana hem agzybir halkymyz Gahryman Arkadagymyz tarapyndan başy başlanyp, Arkadagly Gahryman Serdarymyzyň parasatly içeri hem daşary syýasaty netijesinde mynasyp dowamat tapýan beýik işleri tüýs ýürekden goldamak bilen, mukaddes Garaşsyzlygymyzyň şanly 33 ýyllyk baýramyna ynamly gadam urýar. Geçen ýyllaryň dowamynda ähli babatda dünýä nusgalyk işleri amala aşyrmagyň hötdesinden gelen eziz Diýarymyz bu gün dünýäniň iň bir gülläp ösýän döwletine, berkararlygyň, agzybirligiň we bagtyýarlygyň ýurduna öwrülýär. Milli ykdysadyýetimiziň ähli pudaklarynda, medeni-durmuş ulgamlarynda amala aşyrylan we döwrebap dowamat tapýan ägirt uly taslamalar bolsa, ilkinji nobatda, il-ulsumyzyň eşretli durmuşyny has-da berkitmäge, ony täze belentliklere götermäge ygtybarly binýat bolup durýar. «Watan diňe halky bilen Watandyr! Döwlet diňe halky bilen döwletdir!» diýen ynsanperwer şygara esaslanýan syýasatyň barha rowaçlanýan döwründe gurmak, döretmek babatda Balkan welaýatynda alnyp barylýan işler hem diýseň guwandyryjydyr. Diňe şu ýylyň başyndan bäri «Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumynda halkara hil ülňülerine laýyk gelýän «Hydro Plus» kysymly dizel ýangyjynyň hem-de «SAE 50 API СF — 4» kysymly motor ýagynyň öndürilip başlanmagy hormatly Prezidentimiziň ýokary tehnologiýaly pudaklar toplumyny

13 Sentýabr 2024

Dost-doganlyk. Hoşniýetli goňşuçylyk. Ynsanperwerlik

Türkmenistan daşary ýurtly hyzmatdaşlar bilen sebit we ählumumy derejede parahatçylygy, durnuklylygy pugtalandyrmaga, hoşniýetli goňşuçylyk gatnaşyklaryny giňeltmäge, döwletleriň we halklaryň arasynda netijeli hyzmatdaşlygy ösdürmäge gönükdirilen giň möçberli taslamalary üstünlikli durmuşa geçirýär. Garaşsyz ösüşimiziň ýyl ýazgysynda täze, möhüm sahypalary açýan taryhy ähmiýetli wakalarda Milli Liderimiziň başyny başlan we häzirki döwürde hormatly Prezidentimiz tarapyndan durmuşa geçirilýän netijeli syýasy strategiýa öz beýanyny tapýar. 11-nji sentýabrda Serhetabat — Turgundy demir ýol geçelgesiniň türkmen-owgan serhedindäki uzynlygy 177 metrlik demir ýol köprüsiniň açylyş dabarasy, Mary welaýatynda «Şatlyk-1» gaz gysyjy desgasynyň düýbüni tutmak, Türkmenistan — Owganystan — Pakistan — Hindistan transmilli gaz geçirijisiniň taslamasynyň Arkadagyň ak ýoly bilen Serhetabat — Hyrat gaz geçirijisiniň, Serhetabat — Hyrat optiki-süýümli aragatnaşyk geçirijisiniň, «Turgundy» demir ýol bekediniň «gury portunda» ammarlar toplumynyň, Turgundy — Hyrat demir ýolunyň birinji tapgyrynyň Turgundy — Sanabar böleginiň gurluşyk işlerine badalga bermek, şeýle hem Türkmenistan — Owganystan — Pakistan elektrik geçirijisiniň taslamasynyň birinji tapgyryny durmuşa geçirmegiň çäklerinde Owganystanyň Hyrat welaýatynda ýerleşýän «Nur-el-Jahad» elektrik bekedini işe girizmek dabaralary hem bu hak

12 Sentýabr 2024

Innowasion gurluşyk taslamalary amala aşyrylýar

7-nji sentýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, bu ýerde degişli ýolbaşçylaryň gatnaşmagynda iş maslahatyny geçirdi we täze şäheriň ýol-ulag düzümine degişli desgalaryň taslamalary bilen tanyşdy. Ir bilen täze şäherde Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy D.Orazow we häkim G.Mämmedowa Gahryman Arkadagymyzy uly hormat bilen garşyladylar hem-de häzirki döwürde alnyp barylýan gurluşyk işleriniň depginleri, gurulmagy meýilleşdirilýän önümçilik toplumlarynyň taslamalary, olaryň ýerleşjek ýerleriniň çyzgylary barada hasabat berdiler.

12 Sentýabr 2024

Ady dünýä dolýan «akylly» şäher

Halkymyzyň baky bagtyýarlygynyň, eşretli durmuşynyň aýdyň nyşanyna öwrülen Arkadag şäheriniň ýakynda Koreýa Respublikasynda geçirilen «World Smart City Expo 2024» halkara sergisinde «Iň tapawutlanan «akylly» şäher» atly baş baýraga; «Daşary ýurt «akylly» şäheri»; «World Smart City Expo 2024» halkara sergisine goşan uly goşandy üçin» atly halkara baýraklara mynasyp bolandygy baradaky hoş habar Gahryman Arkadagymyzyň yhlasyndan, hormatly Prezidentimiziň tagallalaryndan kemala gelen täze şäheriň halkara derejedäki ykrarnamasy bolup kalplara doldy. «World Smart City Expo» sergisine Koreýa Respublikasynyň welaýatlarynyň, ýerli we daşary ýurt kompaniýalarynyň, birnäçe döwletiň, şol sanda Türkmenistanyň, Hytaý Halk Respublikasynyň, Ýaponiýanyň, Malaýziýanyň, Tailand Patyşalygynyň, Wýetnam Sosialistik Respublikasynyň, Daniýa Patyşalygynyň, Finlýandiýanyň we Ysraýyl Döwletiniň wekilleri gatnaşdylar. Jemi 116 pawilýony özünde jemlän gözden geçirilişe ministrler, ministrleriň orunbasarlary, welaýat häkimleri derejesinde 60-dan gowrak ýurduň wekilleri synçy hökmünde gatnaşdylar.

12 Sentýabr 2024

Resmi habarlar

Syýasy durmuşyň senenamasy 30-njy awgustda we 6-njy sentýabrda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlislerini geçirdi. Olarda döwlet durmuşyna degişli birnäçe meselelere garaldy.

12 Sentýabr 2024

«Biziň ýolumyz — döretmek we gurmak ýoly»

Bilimler we talyp ýaşlar gününde paýtagtymyzda hormatly Prezidentimiz Serdar Berdimuhamedowyň gatnaşmagynda ýurdumyzyň baş şäheriniň ajaýyp binagärlik keşbine sazlaşykly utgaşýan täze desgalaryň açylyş dabaralary boldy. Ata-babalarymyzyň parasatly ýörelgeleri esasynda ýaş nesli watançylyk, wepalylyk, Watanyň we halkyň geljegi üçin jogapkärçilik ruhunda terbiýelemek, ýaşlaryň sazlaşykly ösüşi üçin ähli zerur şertleri döretmek parahatçylyk, döredijilik ýoly bilen ynamly öňe barýan Garaşsyz, Bitarap Watanymyzyň döwlet syýasatynyň ileri tutulýan ugurlarynyň biridir. Türkmenistanyň Goranmak ministrliginiň Berdimuhamet Annaýew adyndaky Ýöriteleşdirilen harby mekdebiniň täze, ak mermerli binalar toplumy hem munuň aýdyň güwäsidir. Mälim bolşy ýaly, bu toplumyň düýbüni tutmak dabarasy türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň gatnaşmagynda 2022-nji ýylyň 27-nji ýanwarynda geçirilipdi.

12 Sentýabr 2024

Giň gerimli işewürlik çäreleri

Türkmenistanyň maýa goýum we tehnologik mümkinçiliklerini açyp görkezdi Garaşsyz Türkmenistanda halkara maslahatlary, sergileri, festiwallary, işewürlik duşuşyklaryny geçirmek indi asylly däbe öwrüldi. Milli ykdysadyýetimize iri möçberli maýa goýumlary çekmekde, özara bähbitli halkara hyzmatdaşlygyň gerimini giňeltmekde bu çäreleriň ähmiýeti örän uludyr. Bu hakykat 10-11-nji sentýabrda paýtagtymyzda geçirilen Türkmenistanyň maýa goýum forumynda hem-de ugurdaş sergide, ýurdumyzyň ykdysadyýetine ýokary tehnologiýalary we innowasiýalary çekmek boýunça halkara maslahatda, «HI-TECH Türkmenistan — 2024» atly sergide hem nobatdaky gezek öz beýanyny tapdy. Daşary işler, Maliýe we ykdysadyýet ministrlikleriniň hem-de Söwda-senagat edarasynyň bilelikde guramagynda geçirilen giň gerimli işewürlik çäreleriniň gün tertibine ýurdumyzda iri taslamalary durmuşa geçirmek we bu ugurda halkara hyzmatdaşlygy mundan beýläk-de ösdürmek bilen baglanyşykly meseleler girizildi.

12 Sentýabr 2024

‹
1
2
3
4
5
6
7
8
...
559
560
›