«Olimpiň» açyk birinjiligi

Ýakynda paýtagtymyzda geçirilen karatedo boýunça «Olimp» orta sport mekdebiniň açyk birinjiligi ezber türgenleriň onlarçasyny bir ýere jemledi. Hormatly Prezidentimiziň ýurdumyzda bedenterbiýäni we sporty ösdürmek ugrunda alyp barýan syýasatyny durmuşa geçirmek we türgenleri watansöýüjilik ruhunda terbiýelemek, sagdyn durmuş ýörelgesini giňden wagyz etmek maksady bilen geçirilen bu bäsleşikde 2007-2008-nji we 2009-2010-njy ýyllarda doglan türgenler dürli agram derejelerinde güýç synanyşdylar.

Çekeleşikli tutluşyklar

2009-2010-njy ýyllarda doglan oglanlaryň arasynda sambo boýunça Ýaş olimpiýaçylary taýýarlaýyş mekdebiniň açyk birinjiligi geçirildi. Mekdebiň köpugurly sport toplumynda geçen bäsleşik diýseň çekeleşikliligi bilen tapawutlandy. Agramlaryň ählisinden iň mynasyp ýaşlar ýeňşe ýetdiler. 32 kg-de Ýaş olimpiýaçylary taýýarlaýyş mekdebinden Serdar Babageldiýew, 42 kg-de Ýazmyrat Artykow, 55 kg-de Guwanç Saparow, 66 kg-de Muhammedaly Muhammedow dagy ýeňiji boldy.

Bagtyýarlygyň gözbaşy

Bu gün sport we bedenterbiýe jemgyýetimiziň ähli ugurlaryny gurşap aldy. Munuň özi Gahryman Arkadagymyzyň hem-de hormatly Prezidentimiziň sporty ösdürmek, bedenterbiýäniň köpçülikleýin häsiýete eýe bolmagyny gazanmak bilen, Watanymyzda sagdyn durmuş ýörelgesini berkarar etmek ugrundaky taýsyz tagallalaryna esaslanýar. Elbetde, bu beýik işler Watanymyzda her bir ynsanyň saglygy hakynda edilýän aladanyň, olara bedenterbiýe we sport bilen meşgullanmak üçin döredilýän giň mümkinçilikleriň aýdyň beýanydyr.

Futbol täzelikleri

Türkmenistanyň futbol boýunça milli ýygyndy topary Birleşen Arap Emirlikleriniň Dubaý şäherinde okuw-türgenleşik ýygnanyşygyny geçirdi. Ýygyndy toparymyzyň türgenleşik ýygnanyşygynyň dowamynda ýerli toparlaryň ikisi bilen ýoldaşlyk duşuşygyny geçirendigini bellemek gerek.

Talyp bäsleşikleri

Ýurdumyzyň ýokary okuw mekdepleriniň talyp türgenleriniň arasynda her ýyl geçirilmesi däbe öwrülen «Türkmenistan – ruhubelentligiň we sagdynlygyň ýurdy» atly XIII Uniwersiadanyň çäklerindäki ýeňil atletika ýaryşy tamamlandy. Oglanlar 100 we 400 metr aralyga ylgamakda, uzynlygyna bökmekde hem-de 4x100 metr aralyga estafeta ylgawynda güýç synanyşdylar. Gyzlar bolsa 100 we 200 metr aralyklara ylgamakda, uzynlygyna bökmekde hem-de 4x100 metr aralyga estafeta ylgawynda bäsleşdiler. Çekeleşikli we gyzykly geçen ýaryşda umumytoparlaýyn hasapda oglanlaryň arasynda Türkmen döwlet bedenterbiýe we sport institutynyň topary birinji, Türkmenistanyň Telekommunikasiýalar we informatika institutynyň topary (Mirhaýdar Saparow, Serdar Bäşimow, Umyt Kertikow, Muhammetali Kişikow) ikinji, Türkmen döwlet binagärlik-gurluşyk institutynyň topary bolsa üçünji orunlara mynasyp boldular. Gyzlaryň arasynda Türkmen döwlet binagärlik-gurluşyk institutynyň topary ýeňiji boldy. Türkmenistanyň Telekommunikasiýalar we informatika institutynyň topary (Enejan Esedowa, Aýlar Babamuradowa, Mahym Rejepowa, Äşe Bäşimowa) ikinji, Türkmen döwlet bedenterbiýe we sport institutynyň talyp gyzlary bolsa üçünji orunlary eýelemegi başardylar.

Beden terbiýesinde innowasiýalar

Ylmyň we tehnikanyň ýyldyrym tizliginde ösýän zamanasynda innowasiýalar diňe uly sportda däl, eýsem, adaty bedenterbiýede hem giňden peýdalanylýar. Pudagyň öňdebaryjy kompaniýalary öý şertlerinde türgenleşikleri geçirmek üçin täze işläp taýýarlamalary hödürleýärler. Olaryň hatarynda diňe tehniki enjamlar däl-de, mobil goşundylardyr programma üpjünçiligi hem uly ähmiýete eýedir.

Sagdyn iýmitlenmegiň ähmiýeti

Türgeniň dogry iýmitlenmegi onuň şowly çykyş etmeginde diýseň uly ähmiýete eýedir. Çünki türgenleşikleriň – fiziki işjeňligiň netijesinde kän energiýa sarp edilmegi bilen, beden ýokary derejedäki dikeldişi talap edýär. Aýratyn hem, eger türgenleşikler her gün alnyp barylýan bolsa, iýmitiň üsti bilen bedeniňi gurplandyrmagyň yzygiderliligini saklamak zerurlygy ýüze çykýar. Türgeniň iýmitlenişinde umumy iýmit deňagramlylygy saklanmalydyr. Ol sportuň görnüşine hem-de türgenleşikleriň derejesine görä üýtgäp biler. Muňa garamazdan, sportuň islendik görnüşi ýa-da dürli derejeli türgenleşikler bilen meşgullanýan türgenleriň ählisi üçin peýdaly bolan iýmitler hem bar. Tüwi, gök önümleriň birnäçesi, ter miwelerden taýýarlanan şire, hoz, balyk, gatyk hem-de arassa agyz suwy türgenleriň ählisi üçin zerur bolan peýdaly maddalary özünde jemleýär.

Güýzüň peýdaly nygmatlary

Güýz paslynda howanyň sowap başlamagy bilen, saglygymyz baradaky alada esasy orna çykýar. Gyşda gyzgyn we gurply tagamlary isleýän bolsak, tomusda gök önümlerdir miweler özüne çekýär. Howanyň üýtgeýän döwründe bolsa täze şertlere uýgunlaşýan bedeniň nähili iýmitleri talap edýändigini anyklamak ýeňil däl. Bu döwürde güýzde ýetişýän ýokumlara baý bolan miweler we gök önümler bilen iýmitlenmek zerurdyr. Sagdyn iýmitlenmek üçin miweler we gök önümler saýlanyp alnanda olaryň terligine ähmiýet bermelidir. Şeýle hem dürli-dürli miweler bilen iýmitlenmeli. Çünki bir önümde ýetmezçilik edýän peýdaly maddalar beýlekide bolan ýokumlar bilen doldurylýar. Miweler we gök önümler ganyň düzüminde şekeriň derejesini sazlamaga kömek edýär, iýmit siňdiriş ulgamynyň gormonlarynyň işlenip çykarylmagyny ýokarlandyrýar, işdäňi sazlamaga we bedeniň agramyny kadaly saklamaga kömek edýär.

Taryhda şu gün

Bu toparlaryň arasyndaky jogap duşuşygynda hem 3 gezek tapawutlanmagy başaran Luis Adriano Çempionlar ligasynda 3 gezek «het-trik» eden dördünji oýunçy hökmünde taryha girdi. Italiýaly Filippo Indzagi, argentinaly Lionel Messi hem-de germaniýaly Mario Gomes bu sanawda öňdäki üçlügi düzýär.

Bedenterbiýe we sport

Häzirki wagtda at-owazasy dünýä ýüzüne ýaň salýan ajaýyp Watanymyzda, hormatly Prezidentimiziň berkarar eden eşretli döwletinde agzybir halkymyzyň her bir güni bagtly pursatlara beslenýär. Diýarymyzda amala aşyrylýan bagtyýar gelejegi nazarlaýan ägirt uly işler, ýetilýän belent sepgitler halkymyzyň parahat, ajaýyp durmuşda ýaşamagyny üpjün edýär. Aýratyn hem, bu gün ýaşlarymyz babatda alnyp barylýan işler gönüden-göni ösüp gelýän nesillerimiziň ählitaraplaýyn kämilleşmegine uly ýardam edýär. Ýaşlarymyzyň ýurdumyzyň ähli ugurlary boýunça – medeniýetde, sungatda, ykdysadyýetde, saglyk ulgamynda, döredijilikde, aýratyn hem sport syýasatynda gazanylýan ösüşlere mynasyp goşant goşýandyklaryny bellemek gerek.

Welaýatlardan habarlar

Ýakynda «Türkmenistan» Ýaşlar bedenterbiýe-sport guramasynyň Mary welaýat bölümi Sakarçäge etrap bedenterbiýe we sport bölümi bilen bilelikde mekdep okuwçylarynyň arasynda woleýbol ýaryşyny geçirdi. Bäsleşigiň netijesi boýunça Sakarçäge etrabynyň orta mekdepleriniň okuwçylar topary üstünlikli çykyş etdi. Oglanlaryň arasynda 10-njy orta mekdebiň topary birinji, 6-njy orta mekdebiň topary ikinji, 15-nji orta mekdebiň topary bolsa üçünji orunlary eýelediler.

Täsinlikler dünýäsinde

Süýt ha­kyn­da mag­lu­mat­lar

«7/24 tm» № 42 (177) 16.10.2023 Süýt adam be­de­ni üçin peý­da­ly önüm­le­riň bi­ri ha­sap­lan­ýar. Ol süňk­le­riň, diş­le­riň, be­de­niň ke­se­le gar­şy du­ru­jy­lyk uky­by­ny — im­mu­ni­te­ti ber­kid­ýär, aş­ga­za­nyň iý­mit siň­di­ri­şi­ne, nerw ul­gam­la­ry­na peý­da­ly tä­sir ed­ýär, ýü­rek sag­ly­gy­ny, uky­ny ka­da­laş­dyr­ma­ga, saç­la­ryň we dyr­na­gyň ka­da­ly ös­me­gi­ne köp­ta­rap­la­ýyn oňyn tä­sir ed­ýär. Süýt kal­sä baý önüm­dir.

Sport hem sagdynlyk – bagtyýarlygyň gözbaşy

Sagdyn durmuş ýörelgesiniň, köpçülikleýin bedenterbiýäniň barha rowaçlanýan, sportuň uly ösüşlere beslenýän zamanasy bolup dabaralanýan Berkarar döwletiň täze eýýamynyň Galkynyşy döwründe halkymyzyň saglygyny gorap saklamak, milli sportumyzyň täze belentliklere göterilmegini gazanmak, Diýarymyzyň sport ýurdy hökmünde dünýäde gazanan abraýyny has-da berkitmek hormatly Prezidentimiziň parasatly döwlet syýasatynda hemişe ileri tutulýan ugurlaryň hatarynda mynasyp orun eýeleýär. Muňa Ministrler Kabinetiniň sanly ulgam arkaly geçirilen nobatdaky mejlisiniň barşynda hem aýdyň göz ýetirdik. Ýurdumyzyň ykdysadyýetiniň pudaklarynda şu ýylyň dokuz aýynda alnyp barlan işleriň jemleri jemlenilen, şeýle-de, öňde durýan wezipeler ara alnyp maslahatlaşylan mejlisde saglygy goraýyş hem-de sport ulgamlarynda ýerine ýetirilen işlere we öňde durýan wezipelere hem aýratyn üns çekildi.

Täze ýeňişleriň ýolunda

Şu ýylyň 11-12-nji oktýabrynda Türkmenistanyň Bedenterbiýe we sport baradaky döwlet komitetiniň Ýaş olimpiýaçylary taýýarlaýyş mekdebiniň mejlisler zalynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara serginiň we ylmy maslahatyň Türkmenistanyň ýygyndy toparlaryny XXXIII Olimpiýa we XVII Paralimpiýa oýunlaryna we beýleki iri halkara ýaryşlaryna ylmy esasda taýýarlamaga bagyşlanan XIV bölümçe mejlisi geçirildi. Ýurdumyzyň saglygy goraýyş işgärleriniň hünär baýramçylygyna bagyşlanan bu sergä we ylmy maslahata daşary ýurtly myhmanlary hem-de dostlarymyzyň gatnaşmagy aýratyn many-mazmuna eýe bolan möhüm wakadyr.

Aziýa oýunlarynyň medallar çemeni

Hytaýyň Hançžou şäherinde tamamlanan ХIХ tomusky Aziýa oýunlary türkmen türgenleri üçin diýseň düşümli boldy. Türgenlerimiziň Oýunlaryň medallaryndan baglan çemeni bu hakykatyň aýdyň görkezijisidir. 23-nji sentýabrda Türkmenistanyň topary ХIХ tomusky Aziýa oýunlarynyň açylyş dabarasyna gatnaşdy. Dabara Hançžouwyň Olimpiýa sport merkezinde guraldy. Sport baýramynyň giň meýdanyndan türkmen ýygyndysynyň dabaraly ýagdaýda geçýän pursatlary has-da täsirli boldy. Türkmenistanyň ýygyndy toparynyň wekili hökmünde Döwlet baýdagymyzy götermek ýüzüji Merdan Ataýewe hem-de dzýudoçy Maýsa Pardaýewa ynanyldy. Şondan soň Aziýa oýunlarynyň dartgynly ýaryşlary başlandy. Türkmen ýygyndysynyň bu sport baýramyndaky ilkinji üstünligi dzýudo boýunça ýygyndy toparymyza degişli boldy. Aziýa oýunlarynyň zenanlaryň arasyndaky dzýudo ýaryşy 1/8 finalyň duşuşyklaryndan badalga aldy. Ildeşimiz Maýsa Pardaýewa 57 kilogram agram derejesinde göreş düşekçesine çykdy. Türkmen döwlet bedenterbiýe we sport institutynda bilim alýan zehinli türkmen gyzy ilki bilen nepally Pradhan Şhredsany ýeňlişe sezewar etdi. Ildeşimiz bu garşydaşyny ippon utuklarynyň esasynda 10:0 hasabynda ýeňmegi başardy. Çärýekfinalda koreýaly Ýensong Parkyň garşysyna göreşen ildeşimize az-kem şowlulyk ýetmedi. Ol bu garşydaşyndan 1:0 hasabynda ýeňildi. Şunlukda, Maýsa bürünç medal ugrundaky göreşini dowam etdirdi. Özbegistanly Şukur

Dünýä kubogyndaky üstünlik

Özbegistan Respublikasynyň Daşkent şäherinde geçen adaty karate boýunça Dünýä kubogynda türkmen türgenleriniň ajaýyp netijeleri hasaba alyndy. Ýaryş 30-dan gowrak döwletden iň güýçli karateçileri bir ýere jemledi. Ildeşimiz Selim Myratdurdyýew şahsy kumite boýunça 21 – 35 ýaşly türgenleriň arasyndaky çykyşyny altyn medal bilen tamamlamagyň hötdesinden geldi. Ol şahsy kata boýunça 21 – 35 ýaşly türgenleriň ýaryşynda kümüş medal eýeledi.

Täze taryhy eýýamdaky beýik üstünlikler

«Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara forumda aýdyň beýanyny tapdy Garaşsyz, hemişelik Bitarap Watanymyzda hormatly Prezidentimiziň parasatly baştutanlygynda bedenterbiýäni we sporty ösdürmek, jemgyýetimizde sagdyn durmuş ýörelgelerini berkarar etmek, bu ugurda halkara hyzmatdaşlygy pugtalandyrmak ugrunda uly tagallalar edilýär. 10 — 12-nji oktýabr aralygynda paýtagtymyzda geçirilen «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi hem-de onuň çäklerindäki ylmy maslahat hem bu hakykatyň dabaralanmasyna öwrüldi. Ýöriteleşdirilen forumyň çäklerinde Türkmenistanyň Bedenterbiýe we sport baradaky döwlet komitetiniň bölüminde ýurdumyzda halkymyzyň saglygyny pugtalandyrmak, ildeşlerimizi bedenterbiýe we sport bilen meşgullanmaga çekmek, sagdyn durmuş ýörelgelerini ornaşdyrmak boýunça alnyp barylýan köpugurly işler beýanyny tapdy. Döwlet Baştutanymyzyň tagallalary esasynda Türkmenistanyň milli ýygyndy toparlarynyň türgenlerini sportuň dürli görnüşleri boýunça iri halkara ýaryşlara taýýarlamak hem-de olaryň ussatlyk derejesini ýokarlandyrmak, ýokary netijeleri gazanmaklary üçin zerur şertleri döretmek boýunça toplumlaýyn işler durmuşa geçirilýär. Serginiň dowam edýän günlerinde habarçylarymyz oňa gatnaşyjylaryň ýürek sözlerini ýazga geçirdiler.

Ynsanperwer ýörelgeler rowaçlanýar

Türkmen halkynyň Milli Lideri Gahryman Arkadagymyzyň hem-de hormatly Prezidentimiziň tagallalary esasynda ýurdumyzda ynsanperwer ýörelgelere ýugrulan nusgalyk işler amala aşyrylýar. Çagalar, ýaşlar, ýagty geljek baradaky alada Watanymyzy gülledip ösdürmegiň, jemgyýetimizi jebisleşdirmegiň esasy şertleriniň biri hasaplanýar. Diýarymyzda çagalar we ýaşlar üçin mynasyp durmuş şertlerini üpjün etmek, olaryň beden hem-de ruhy taýdan sagdyn bolmagyny gazanmak üçin giň gerimli işler bitirilýär. Şeýle işlere her bir raýatyň mynasyp goşant goşmagyna aýratyn ähmiýet berilýär. Ata-babalarymyzdan dowam edip gelýän ynsanperwerlik, haýyr-sahawatlylyk ýörelgeleri esasynda Gahryman Arkadagymyzyň başlangyjy bilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň döredilmegi ýaş nesil hakyndaky aladanyň aýdyň nusgasydyr.

Sagdyn we ruhubelent ýaşlar

8-nji oktýabrda «Türkmenistan — bagtyýar, sagdyn we ruhubelent ýaşlaryň ýurdy» atly şygar bilen bedenterbiýe-sport we sagdyn durmuş çäreleriniň geçirilmegine badalga berildi. «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisiniň we ylmy maslahatynyň çäklerinde guralan bu çäre Aşgabat şäherinde uly ruhubelentlige beslendi. Şol gün irden paýtagtymyzyň Çandybil şaýoly bilen Bekrewe köçesiniň çatrygyndaky «Welosiped» binasynyň ýanyna welosipedli ýaşlaryň köp sanlysy jemlenip, giň, tekiz we arassa ýol boýunça Bekrewe köçesiniň ugry bilen ýörişe başladylar. Bellenilen aralyk 5 müň 700 metrden ybarat bolup, «Ylym» binasyna çenli uzady.