Bagtyýarlyk döwri – ösüşleriň zamanasy
Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň durmuşa geçirýän ägirt uly işleriniň netijesinde Garaşsyz, hemişelik Bitarap Türkmenistan Watanymyz dünýäde sagdynlygyň, ruhubelentligiň, sportuň mekany hökmünde uly abraýa eýe boldy. Bu hakykata Türkmenistanyň Saglygy goraýyş we derman senagaty işgärleriniň güni mynasybetli Myrat Garryýew adyndaky Türkmenistanyň Döwlet lukmançylyk uniwersitetiniň mejlisler zalynda geçirilen «Saglygy goraýyş, bilim we sport Berkarar döwletimiziň bagtyýarlyk döwründe» atly halkara ylmy maslahatyň mysalynda hem bütin aýdyňlygy bilen göz ýetirdik. Halkara foruma sanly ulgam arkaly daşary ýurtlaryň birnäçesinden meşhur alym-professorlar, ylymlaryň doktorlary, saglygy goraýyş, bilim we sport ulgamlarynyň ýokary wezipeli wekilleri hem gatnaşdylar. «Biz uzak geljegi nazarlaýan giň möçberli özgertmeleri, ägirt uly işleri üstünlikli durmuşa geçirip, Garaşsyz döwletimiziň berk binýatly milli saglygy goraýyş, bilim we sport ulgamlaryny döretdik. Öňdebaryjy tejribeleri, ylmyň we tehnologiýalaryň gazananlaryny tapgyrlaýyn ornaşdyrmak, dünýä döwletleri, iri halkara guramalar bilen hyzmatdaşlygy giňden ýaýbaňlandyrmak bilen, bu ulgamlary dünýä ölçeglerine laýyklykda döwrebaplaşdyrdyk» diýip, milli Liderimiziň maslahata gatnaşyjylara iberen Gutlagynda nygtalýar. Elbetde, bu sözleriň döwrümiziň ajaýyp hem beýik hakyka
